Mohana Priya

• చిత్రం : లైఫ్ ఆఫ్ ముత్తు
• నటీనటులు : సిలంబరసన్ (శింబు), సిద్ధి ఇద్నానీ, రాధిక శరత్‌కుమార్.
• నిర్మాత : ఈశారి కె. గణేష్
• దర్శకత్వం : గౌతమ్ వాసుదేవ్ మీనన్
• సంగీతం : ఏ ఆర్ రెహమాన్
• విడుదల తేదీ : సెప్టెంబర్ 17, 2022

స్టోరీ :

ముత్తు (శింబు) తన తల్లి (రాధిక శరత్‌కుమార్) తో కలిసి ముంబై నగరానికి వెళ్తాడు. అక్కడ వాళ్లిద్దరూ చాలా కష్టాలను ఎదుర్కొంటారు. ముత్తు ఒక రెస్టారెంట్ లో వెయిటర్ గా చేరుతాడు. అంతా మామూలుగా వెళుతుంది అనే సమయంలో అక్కడ ఒక హత్యని చూస్తాడు. అప్పటి నుంచి ముత్తు ఎదుర్కొన్న సంఘటనలు ఏంటి? అతని జీవితం ఎలాంటి మలుపు తిరుగుతుంది? గ్యాంగ్‌స్టర్‌ గా ఎందుకు మారాల్సి వచ్చింది? ఒక సాధారణ వ్యక్తి నుండి ఒక గ్యాంగ్‌స్టర్‌ గా ఎలా మారాడు? ఇవన్నీ తెలియాలంటే మీరు సినిమా చూడాల్సిందే.

రివ్యూ :

డైరెక్ట్ తెలుగు సినిమాలు చేయకపోయినా కూడా డబ్బింగ్ సినిమాల ద్వారా తెలుగులో కూడా మంచి గుర్తింపు సంపాదించుకున్నారు శింబు. తమిళ్ హీరోలు అయినా కూడా తెలుగులో ఫేమస్ అయిన నటులలో శింబు ఒకరు. అలాగే గౌతమ్ వాసుదేవ్ మీనన్ కూడా తెలుగులో కొన్ని సినిమాలు డైరెక్ట్ చేశారు. సాధారణంగా గౌతమ్ మీనన్ అంటే ప్రేమ కథలు లేదా పోలీస్ నేపథ్యం ఉన్న సినిమాలు చేస్తారు అనే గుర్తింపు ఉంది.

కానీ ఇప్పుడు మాత్రం చాలా డిఫరెంట్ కాన్సెప్ట్ ఉన్న సినిమా చేశారు. ఒక సాధారణ వ్యక్తి గ్యాంగ్‌స్టర్‌ గా మారడం అనే కాన్సెప్ట్ మనం చాలా సినిమాల్లో చూశాం. కానీ సినిమా చూపించే విధానం బాగుంటే సాధారణమైన కథ కూడా ఆసక్తికరంగా ఉంటుంది అని చెప్పడానికి ఈ సినిమా ఒక ఉదాహరణగా నిలిచింది. సినిమాలో టేకింగ్ ఒక పెద్ద ప్లస్ పాయింట్. సినిమా మొదట్లో కొంచెం స్లోగా ఉంటుంది. కానీ సినిమా ముందుకు వెళుతున్న కొద్దీ ప్రేక్షకులని సినిమా మూడ్ లోకి తీసుకెళ్తుంది. సినిమాకి పెద్ద హైలైట్ మాత్రం శింబు. ఈ సినిమా కోసం శింబు చాలా కష్టపడ్డారు.

అదంతా తెరపై కనిపిస్తోంది. మిగిలిన పాత్రల్లో నటించిన రాధిక, నీరజ్ మాధవ్ కూడా వాళ్ల పాత్రల్లో బాగా నటించారు. తెర వెనుక హైలైట్ అయిన హీరో ఏ ఆర్ రెహమాన్. సంగీతం, బ్యాక్ గ్రౌండ్ స్కోర్ సినిమాని ఇంకొక ఎత్తుకి తీసుకెళ్ళింది. సినిమాలో లవ్ స్టోరీ పెట్టాల్సిన అవసరం లేదు. అందుకే హీరోయిన్ సిద్ధి ఇద్నానీ పాత్రకు కూడా అంత పెద్దగా ప్రాముఖ్యత లేదు. ఉన్నంత వరకు బాగానే చేసింది.

ప్లస్ పాయింట్స్ :

• నటీనటుల పెర్ఫార్మెన్స్
• పాటలు
• టేకింగ్
• పాత్రలని చూపించిన విధానం

మైనస్ పాయింట్స్:

• స్లోగా అనిపించే కొన్ని సీన్స్
• లవ్ ట్రాక్

రేటింగ్ :

3.5/5

ట్యాగ్ లైన్ :

ఈ మధ్య వచ్చిన సినిమాల్లో టేకింగ్ బాగున్న కొన్ని సినిమాల్లో ఒకటిగా ఇది నిలుస్తుంది. గ్యాంగ్‌స్టర్‌ డ్రామాలని, యాక్షన్ కథలని ఇష్టపడేవారికి లైఫ్ ఆఫ్ ముత్తు సినిమా కచ్చితంగా నచ్చుతుంది.

• చిత్రం : నేను మీకు బాగా కావాల్సిన వాడిని
• నటీనటులు : కిరణ్ అబ్బవరం, సంజన ఆనంద్, సోను ఠాకూర్.
• నిర్మాత : కోడి దివ్య దీప్తి
• దర్శకత్వం : శ్రీధర్ గాదె
• సంగీతం : మణి శర్మ
• విడుదల తేదీ : సెప్టెంబర్ 16, 2022

స్టోరీ :

వరుస సినిమాలతో ప్రేక్షకులను అలరిస్తున్న కిరణ్ అబ్బవరం ఇప్పుడు నేను నీకు బాగా కావాల్సిన వాడిని సినిమాతో ప్రేక్షకుల ముందుకు వచ్చారు. యాక్షన్ తో పాటు లవ్ స్టోరీ కూడా ఉన్న ఒక ఫ్యామిలీ డ్రామాగా ఈ సినిమా రూపొందింది.

రివ్యూ :

గత కొంత కాలం నుండి కిరణ్ అబ్బవరం తెలుగు ఇండస్ట్రీలో గుర్తింపు తెచ్చుకున్న యంగ్ హీరోల్లో ఒకరు. సినిమా ట్రైలర్ చూస్తే ఇది ఒక కమర్షియల్ అంశాలు ఉన్న సినిమా అని అర్థమవుతుంది. కథలో పెద్దగా కొత్తదనం ఏమీ లేదు. ఇలాంటి సినిమాలు మనం అంతకు ముందు చాలా సార్లు చూసాం. చాలా కమర్షియల్ సినిమాల్లో ఉన్న సీన్స్ ఈ సినిమాలో కనిపిస్తూ ఉంటాయి.

పర్ఫార్మెన్స్ విషయానికి వస్తే కిరణ్ అబ్బవరం ఈ సినిమాలో నటించడం మాత్రమే కాకుండా డైలాగ్స్ కూడా రాశారు. హీరోయిన్స్ కి నటనకు స్కోప్ ఉన్న పాత్రలు దక్కలేదు. మణిశర్మ అందించిన సంగీతం బాగున్నా కూడా అది సినిమాని కొంతవరకు మాత్రమే ముందుకు తీసుకెళ్లగలుగుతుంది. కానీ సినిమాలో మాత్రం కథ విషయంలో కానీ ఎమోషన్స్ విషయంలో కానీ ఇంకా చాలా జాగ్రత్తలు తీసుకోవాల్సింది. సినిమాలో ఎస్.వి.కృష్ణారెడ్డి, బాబా భాస్కర్ ఇలా చాలామంది తెలిసిన నటులు ఉన్నారు. కానీ వారందరి పాత్రలు కూడా గొప్పగా లేవు.

ప్లస్ పాయింట్స్ :

• మణిశర్మ సంగీతం
• బ్యాక్ గ్రౌండ్ మ్యూజిక్

మైనస్ పాయింట్స్:

• బలహీనమైన కథనం
• రొటీన్ స్టోరీ

రేటింగ్ :

2.5/5

ట్యాగ్ లైన్ :

సినిమా నుండి పెద్దగా ఏమీ ఆశించకుండా వీకెండ్ కి ఏదో ఒక సినిమా చూద్దాం అనుకునేవారికి నేను మీకు బాగా కావాల్సిన వాడిని సినిమా ఒక్కసారి చూడగలిగే సినిమాగా నిలుస్తుంది.

• చిత్రం : శాకిని డాకిని
• నటీనటులు : నివేతా థామస్, రెజీనా కసాండ్రా.
• నిర్మాత : డి.సురేష్ బాబు, సునీత తాటి, హ్యూన్వూ థామస్ కిమ్
• దర్శకత్వం : సుధీర్ వర్మ
• సంగీతం : మైకీ మెక్‌క్లియరీ
• విడుదల తేదీ : సెప్టెంబర్ 16, 2022

స్టోరీ :

షాలిని (నివేతా థామస్), దామిని (రెజీనా కసాండ్రా) ఇద్దరు పోలీస్ ట్రైనింగ్ కోసం అకాడమీలో చేరుతారు. ఇద్దరి మధ్య గొడవలు అవుతాయి. ప్రతి చిన్న విషయానికి గొడవలు పడతారు. వారిద్దరూ ఒక రోజు అర్ధరాత్రి సమయంలో ఒక అమ్మాయి కిడ్నాప్ అవ్వడం చూస్తారు. ఈ విషయాన్ని పోలీసులకు చెప్పినా కూడా వారు మరొక కేస్ విషయంలో బిజీగా ఉంటారు. దాంతో వీరిద్దరూ అనధికారంగా ఈ కిడ్నాప్ కేస్ చేపడతారు. ఈ కిడ్నాప్ వెనకాల ఉన్నది ఎవరు? చివరికి షాలిని, దామిని ఈ కేస్ ఎలా పరిష్కరించారు? కిడ్నాప్ అయిన అమ్మాయిని కాపాడారా? వీరిద్దరూ స్నేహితులు అయ్యారా? ఇదంతా తెలుసుకోవాలంటే మీరు సినిమా చూడాల్సిందే.

రివ్యూ :

సాధారణంగా తెలుగులో ఫీమేల్ ఓరియెంటెడ్ సినిమాలు రావడం చాలా తక్కువ. అది కూడా ఇద్దరు హీరోయిన్లు నటించిన సినిమాలు అయితే ఇంకా తక్కువ. ఇప్పుడు చాలా రోజుల తర్వాత ఇలాంటి ఒక లేడీ ఓరియంటెడ్ సినిమా వచ్చింది. ఈ సినిమా కొరియన్ సినిమా మిడ్ నైట్‌ రన్నర్స్ రీమేక్. తెలుగు నేటివిటీకి తగ్గట్టు చాలా మార్పులు చేశారు. సినిమా చాలా వరకు కామెడీగా సాగుతుంది. యాక్షన్ సన్నివేశాలు కూడా చాలా బాగున్నాయి.

కానీ రీమేక్ చేసే ప్రాసెస్ లో ఎక్కడో కొన్ని లాజిక్ లు మిస్ అయ్యాయి ఏమో అనిపిస్తుంది. అసలు హీరోయిన్లు పోలీస్ అకాడమీకి ఎందుకు వెళ్తారు అనే విషయాన్ని మనకి స్పష్టంగా చూపించరు. పర్ఫార్మెన్స్ విషయానికి వస్తే ఇద్దరు హీరోయిన్లు పడిన కష్టం తెరపై కనిపిస్తుంది. వారిద్దరూ ఈ సినిమా కోసం అలాగే ఇందులో ఉన్న యాక్షన్ సన్నివేశాల కోసం చాలా కష్టపడ్డారు. వారి కష్టానికి తగ్గట్టుగానే యాక్షన్ సీన్స్ చాలా బాగా వచ్చాయి.

నిర్మాణ విలువలు కూడా చాలా బాగున్నాయి. సంగీతం అంత పెద్ద చెప్పుకోదగ్గ స్థాయిలో ఏమీ లేదు. పాటలు ఏదో అలా వచ్చి వెళ్లిపోతాయి అంతే. అంత గుర్తుండే పాటలు అయితే లేవు అనే చెప్పాలి. సెకండ్ హాఫ్ లో మాత్రం కొన్ని సీన్స్ ప్రేక్షకుల సహనానికి పరీక్ష పెడతాయి. చాలా సీన్స్ సాగదీసినట్టు అనిపిస్తాయి. కానీ మొత్తంగా చూస్తే సినిమాలో యాక్షన్ మాత్రం హైలెట్ అయ్యింది. సినిమాటోగ్రఫీ కూడా చాలా రిచ్ గా అనిపిస్తుంది.

ప్లస్ పాయింట్స్ :

• నటీనటులు
• యాక్షన్ సీన్స్
• నిర్మాణ విలువలు
• సినిమాటోగ్రఫీ

మైనస్ పాయింట్స్:

• చాలా చోట్ల మిస్ అయిన లాజిక్
• బోరింగ్ గా అనిపించే కొన్ని సీన్స్

రేటింగ్ :

3/5

ట్యాగ్ లైన్ :

ఒక మంచి విషయాన్ని ఎంటర్టైన్మెంట్ తో చూపించారు. కొన్ని లాజిక్స్ పక్కన పెట్టేస్తే ఒక మంచి కామెడీ సినిమా చూద్దాం అనుకునే వారిని, ఒక డిఫరెంట్ సబ్జెక్ట్ ఉన్న సినిమా చూద్దాం అనుకునే వారిని శాకిని డాకిని సినిమా అస్సలు నిరాశపరచదు.

• చిత్రం : ఆ అమ్మాయి గురించి మీకు చెప్పాలి
• నటీనటులు : సుధీర్ బాబు, కృతి శెట్టి, శ్రీనివాస్ అవసరాల.
• నిర్మాత : మహేంద్ర బాబు, కిరణ్ బల్లపల్లి
• దర్శకత్వం : ఇంద్రగంటి మోహన కృష్ణ
• సంగీతం : వివేక్ సాగర్
• విడుదల తేదీ : సెప్టెంబర్ 16, 2022

స్టోరీ :

నవీన్ (సుధీర్ బాబు) వరుసగా 5 హిట్ సినిమాలు చేసిన ఒక పెద్ద కమర్షియల్ డైరెక్టర్. నవీన్ తన రైటర్ (రాహుల్ రామకృష్ణ) తో నవీన్ కొత్త సినిమా గురించి డిస్కస్ చేస్తూ ఉంటాడు. నవీన్ కి అనుకోకుండా ఒక అమ్మాయి కనిపిస్తుంది. ఆ అమ్మాయి నవీన్ కి నచ్చి నెక్స్ట్ సినిమాలో హీరోయిన్ గా నటించమని అడుగుదామని అనుకుంటాడు. ఆ అమ్మాయి గురించి తెలుసుకోవడం మొదలుపెడతాడు. అమ్మాయి పేరు అలేఖ్య (కృతి శెట్టి) అని, ఆమె ఒక డాక్టర్ అని తెలుస్తుంది. అలేఖ్యకి సినిమాలు అంటే అస్సలు ఇష్టం ఉండవు. అలాంటి అమ్మాయిని నవీన్ తన సినిమాలో నటించడానికి ఎలా ఒప్పించాడు? చివరికి అలేఖ్య నటించిందా? అలేఖ్యకి ఎదురైన ఇబ్బందులు ఏంటి? చివరికి నవీన్ సినిమా చేశాడా లేదా? ఇవన్నీ తెలియాలంటే మీరు సినిమా చూడాల్సిందే.

రివ్యూ :

సమ్మోహనం, వి సినిమాల తర్వాత సుధీర్ బాబు, డైరెక్టర్ ఇంద్రగంటి మోహన కృష్ణ కాంబినేషన్ లో వచ్చిన సినిమా ఇది. ఈ సినిమా ట్రైలర్ చూస్తే ఇది ఒక ఎమోషనల్ గా సాగే సినిమాని అర్థమైపోతుంది. సినిమా మొత్తం కూడా చాలా లైట్ గా వెళ్ళిపోతుంది. అక్కడక్కడా కొంచెం కామెడీ సీన్స్ తో, మంచి పాటలతో సినిమా మొత్తం అలా సాగుతుంది. ఒక చిన్న ట్విస్ట్ తో ఇంటర్వెల్ వస్తుంది. ఇంటర్వెల్ తర్వాత నుండి సినిమా కొంచెం ఎమోషనల్ గా ఉంటుంది. ఫస్ట్ హాఫ్ లో పెద్దగా చెప్పుకోవడానికి ఏమీ ఉండదు. అలా అని బోరింగ్ గా కూడా ఉండదు. అలా ఒక ఫ్లోలో వెళ్లిపోతుంది.

కానీ సెకండ్ హాఫ్ మాత్రం ఫస్ట్ హాఫ్ తో పోలిస్తే కంటెంట్ పరంగా కూడా ఇంకా మెరుగ్గా ఉంది. పర్ఫార్మెన్స్ విషయానికి వస్తే సుధీర్ బాబు ఒక కమర్షియల్ డైరెక్టర్ పాత్రలో ఆ పాత్రకి తగ్గట్టుగా నటించారు. హీరోయిన్ కృతి శెట్టి మాత్రం తన గత సినిమాలతో పోలిస్తే ఈ సినిమాలో కొంచెం డిఫరెంట్ గా ఉండే పాత్రను పోషించారు. సహాయ పాత్రల్లో నటించిన రాహుల్ రామకృష్ణ, వెన్నెల కిషోర్ కూడా తమ పాత్రల పరిధి మేరకు నటించారు.

కామెడీ చాలా చోట్ల వర్కౌట్ అయ్యింది. సినిమాలో అక్కడక్కడా మంచి సీన్స్ ఉన్నా కూడా ఏదో తక్కువ అయినట్టు అనిపిస్తూ ఉంటుంది. వివేక్ సాగర్ అందించిన సంగీతం కూడా సినిమాకి తగ్గట్టు ఉంది. స్క్రీన్ ప్లే విషయంలో ఇంకొంచెం జాగ్రత్త తీసుకుంటే బాగుండేదేమో అనిపిస్తుంది. కథ బాగున్నా కూడా అది తెరపై చూపించే క్రమంలో ఎక్కడో పొరపాట్లు జరిగాయని అర్థమవుతూ ఉంటుంది.

ప్లస్ పాయింట్స్ :

• నటీనటుల పెర్ఫార్మెన్స్
• నిర్మాణ విలువలు
• సినిమాటోగ్రఫీ
• కామెడీ

మైనస్ పాయింట్స్:

• బలహీనమైన స్క్రీన్ ప్లే
• అక్కడక్కడా సాగదీసినట్టు అనిపించే సీన్స్

రేటింగ్ :

2.5/5

ట్యాగ్ లైన్ :

సినిమాపై ఎటువంటి ఎక్స్పెక్టేషన్స్ లేకుండా ఒక మంచి ఫీల్ గుడ్ సినిమా చూద్దాం అనుకునేవారికి ఆ అమ్మాయి గురించి మీకు చెప్పాలి సినిమా ఒక్కసారి చూడగలిగే సినిమాగా నిలుస్తుంది.