Mohana Priya

ప్రస్తుతం వరుస సినిమాలతో బిజీగా ఉన్న హీరోయిన్లలో ఒకరు రష్మిక మందన. రష్మిక కేవలం తెలుగు, తమిళంలో మాత్రమే కాకుండా హిందీ సినిమాల్లో కూడా నటిస్తున్నారు. అయితే, రష్మిక ఇటీవల ఫిలిం కంపానియన్ యూట్యూబ్ ఛానల్ కి ఇంటర్వ్యూ ఇచ్చారు. రష్మిక ని ప్రముఖ క్రిటిక్ అనుపమ చోప్రా ఇంటర్వ్యూ చేశారు. ఇందులో రష్మిక సినిమాలకి, అలాగే నిజ జీవితానికి సంబంధించిన వివిధ ప్రశ్నలను అడిగారు.

అయితే ఇంటర్వ్యూలో “రష్మిక, విజయ్ దేవరకొండ కి మధ్య ఉన్న రిలేషన్” గురించి కూడా అడిగారు. దీనిపై రష్మిక మాట్లాడుతూ ఈ విధంగా సమాధానం చెప్పారు. “నేను విజయ్ చాలా మంచి ఫ్రెండ్స్. ఇద్దరం మా కెరియర్ స్టార్టింగ్ లో ఉన్నప్పుడే కలిసాం. దాదాపు ఒకటే పరిస్థితులను ఎదుర్కొన్నాం. రెండు సినిమాల్లో కలిసి నటించాం. అలా ఇద్దరం కలిసి చాలా కాలం ట్రావెల్ చేశాం.

దాని వల్ల మేము చాలా క్లోజ్ అయ్యాము. ఇప్పుడు నాకు ఇండస్ట్రీలో ఏ విషయమైనా మాట్లాడాలి అనుకుంటే గుర్తొచ్చే మొదటి వ్యక్తి విజయ్ దేవరకొండ” అని అన్నారు. అంతే కాకుండా ఇండైరెక్ట్ గా రష్మిక జాతి రత్నాలు దర్శకుడు అనుదీప్ చేయబోయే నెక్స్ట్ సినిమాలో నటిస్తున్నట్లు చెప్పారు. ఇది మాత్రమే కాకుండా సోషల్ మీడియాలో తన మీద వచ్చే ట్రోలింగ్ గురించి కూడా మాట్లాడారు.

మొదట్లో అవి తనని చాలా ఇబ్బంది పెట్టేవి అని, అవి మామూలుగా ఉంటే పర్లేదు కానీ, కొన్ని తన వ్యక్తిగత జీవితాన్ని పాయింట్ చేస్తూ ఉండేవి అని, దాని వల్ల తను చాలా ఇబ్బందులు ఎదుర్కొన్నాను అని, వాటి గురించి సోషల్ మీడియాలో మాట్లాడాను” అని అన్నారు. అప్పుడు తనతో ఉన్న వాళ్ళు ఇలాంటి వాటికి ఎక్కువగా స్పందించకు అని చెప్పారట. దాంతో అప్పటి నుంచి రష్మిక ఈ విషయాలను పట్టించుకోవడం మానేశాను అని చెప్పారు.

watch video :

ఒక భాషలో ఒక సినిమా తీస్తే, అది హిట్ అయితే, వేరే భాషల్లోకి కూడా ఆ సినిమాని తీసుకెళ్తారు. దీనికి రెండు మార్గాలు ఉంటాయి. ఒకటి డబ్ చేయడం. ఇంకొకటి రీమేక్ చేయడం. రెండిట్లో ఏది చేసినా కూడా ఒరిజినల్ సినిమాని ప్రాపర్ గా కన్వే చేయకపోతే, రిజల్ట్ మారిపోతుంది. కొన్ని సినిమాలు మాత్రం ఒరిజినల్ కంటే రీమేక్ బాగుంది అనుకునేలా ఉంటాయి.

కొన్ని మాత్రం ఆశించిన ఫలితాన్ని ఇవ్వవు. ఒక వేళ మంచి ఫలితం వచ్చినా కూడా, ఒరిజినల్ సినిమా కంటే మన నేటివిటీకి తగ్గట్టు చాలా మార్పులు చేస్తారు. అయితే కేవలం సినిమాలకు మాత్రమే కాదు పాటలకి కూడా వర్తిస్తుంది. వేరే భాషలో హిట్ అయినా, లేకపోతే బాగున్న పాటలని తెలుగులో రీమేక్ చేశారు. అలాగే మన తెలుగులో సూపర్ హిట్ అయిన పాటలు అన్ని వేరే భాషల్లో కూడా రీమేక్ చేశారు.

watch video:

https://www.youtube.com/watch?v=lWLxwjWhEzQ

ఇదే విధంగా ప్రభాస్ హీరోగా నటించిన పౌర్ణమి సినిమాలోని మువ్వలా నవ్వకలా పాటను కూడా రీమేక్ చేశారు. ఈ పాట ఒరిజినల్ గా దేవిశ్రీ ప్రసాద్ కంపోజ్ చేయగా, బాలసుబ్రహ్మణ్యం గారు, చిత్ర గారు కలిసి పాడారు. అయితే ఈ పాటని కన్నడలో 5 ఇడియట్స్ అనే సినిమా కోసం రీమేక్ చేశారు.

watch video:

పాట వినడానికి చాలా వింతగా ఉంటుంది. ఈ విషయం పక్కన పెడితే చూడడానికి కూడా ఇంకా విచిత్రంగా ఉంటుంది. మన ఒరిజినల్ పాట ఫీల్ ని పాడు చేశారేమో అనిపిస్తుంది. ఈ ఒక్క పాట మాత్రమే కాదు. ఇదే సినిమా కోసం ఆర్య 2 సినిమా లోని రింగ రింగా పాటను కూడా రీమేక్ చేశారు.

watch video:

నిహారిక భర్త జొన్నలగడ్డ చైతన్య కి అపార్ట్‌మెంట్ సభ్యుల మధ్య తీవ్రంగా గొడవ జరిగి కంప్లైంట్ ఇచ్చే వరకు వెళ్లిందని తెలిసింది. నిహారిక భర్త రచ్చ చేస్తున్నారని.. వారు ఫిర్యాదు చేయగా చైతన్య కూడా తిరిగి అపార్ట్ మెంట్ సభ్యుల పై ఫిర్యాదు చేసారు. ఈ విషయంపై చైతన్య తన స్టేట్మెంట్ వీడియో విడుదల చేశారు.

ఇందులో చైతన్య మాట్లాడుతూ ఈ విధంగా చెప్పారు, “ప్రొడక్షన్ ఆఫీస్ కోసం అపార్ట్మెంట్ అద్దెకు తీసుకున్నాం. అది ఓనర్ గారికి చెప్పి తీసుకున్నాము. ఓనర్ కి, టెనెంట్ కి, అసోసియేషన్ కి మధ్య మిస్  కమ్యూనికేషన్ అయ్యింది. ఇదంతా అవుతుండగా గత నెల మేము ఇక్కడ ఉండకూడదు అని చెప్పారు. ఆగస్టు 10వ తేదీన వెళ్ళిపోతాము అని చెప్పాను.

అసోసియేషన్ వాళ్లు అపార్ట్మెంట్ కి వచ్చారు. ఆ టైమ్లో నేను లేను. కానీ మా టీం అంత ఉన్నారు. అక్కడ మీటింగ్ జరుగుతోంది. అయినా సరే వాళ్లు లోపలికి వచ్చారు. అప్పుడు చాలాసేపు చర్చ జరిగింది.  మా స్టాఫ్ వీడియో రికార్డ్ చేశారు. దాన్ని నేను రుజువుగా పోలీసులకు ఇచ్చాను. కంప్లైంట్ ఫైల్ చేశాను. అలా కంప్లైంట్ చేయడానికి ముఖ్య కారణం ఏంటంటే అలా అంత మంది వచ్చి మాట్లాడడమే.

అదే ఒక ఇద్దరు, ముగ్గురు చెప్పుంటే అంత గొడవ అయ్యేది కాదు. ఇది అయ్యాక మేము కంప్లైంట్ ఫైల్ చేసిన దానికి వాళ్ళు కౌంటర్ ఫైల్ చేశారు. వాళ్లు అలా అంతమంది వచ్చి మాతో మాట్లాడడానికి వెనకాల కారణం ఏంటో, అలా చేయడానికి వాళ్ళని ప్రేరేపించిన సంఘటనలు ఏంటో వాళ్లు అందులో చెప్పారు.

ఇదే జరిగింది. కానీ మీడియాలో మాత్రం వాళ్ళు కంప్లైంట్ ఫైల్ చేశారు. తర్వాత వాళ్ల మీద నేను కంప్లైంట్ ఫైల్ చేశాను అని అంటున్నారు. ఇదంతా తప్పు. మీరు వెళ్ళి పోలీసులతో మాట్లాడి నిజాలని వెరిఫై చేసుకోవచ్చు. ఇదంతా అయిన తర్వాత ఇన్స్పెక్టర్ మా ఇద్దరికీ కాల్ చేసి మాట్లాడారు. అసోసియేషన్ వాళ్లు కూడా అసలు ముందు చెప్పకుండా అంత మంది వచ్చి మాట్లాడడం అనేది తప్పు అని అంగీకరించారు.

అలాగే నాకు, నిహారిక కి సారీ చెప్పారు. దీని తర్వాత నేను కేసు విత్ డ్రా చేసుకున్నాను వాళ్లు కూడా కౌంటర్ విత్ డ్రా చేసుకున్నారు. మేము వెళ్లిపోతున్నాము, ఆఫీస్ కోసం వేరే ఇల్లు వెతుక్కుంటున్నాము అని చెప్పాము. అసలు జరిగిందేమిటో ఒకసారి కనుక్కొని అప్పుడు మాట్లాడండి అని నేను మీడియాని, మిత్రులని కోరుతున్నాను.” అని చెప్పారు.

Watch video:

యాంకర్ అనసూయ జబర్దస్త్ ప్రోగ్రాం నుంచి సినిమాల దాకా ఎంతో పేరు సంపాదించారు. ఆమె పాపులారిటీ హీరోయిన్స్ తో సమానం అంటే అతిశయోక్తి కాదు. ఆమె నిత్యం సోషల్ మీడియా అకౌంట్స్ లో యాక్టివ్ గా ఉంటూ ఫాన్స్ తో టచ్ లో ఉంటారు. ఎన్నో ఫోటోషూట్స్ కూడా ఆమె ఫాన్స్ కోసం పోస్ట్ చేస్తూ ఉంటారు వీటిలో కొందరికి నచ్చిన వారు ఉంటె మరికొందరు కామెంట్స్ లో నెగిటివ్ గా మాట్లాడుతూ ఉంటారు.

స్టైలిష్ స్టార్ అల్లు అర్జున్ నెక్స్ట్ సినిమా పుష్ప అని ప్రత్యేకంగా చెప్పాల్సిన అవసరం లేదు. ఈ సినిమా గురించి ఇప్పటికే అందరూ ఆసక్తిగా ఎదురు చూస్తున్నారు. గతంలో విడుదలైన టీజర్ కి మంచి ప్రశంసలు వచ్చాయి. ముఖ్యంగా దేవిశ్రీప్రసాద్ మ్యూజిక్ కి. ఈ సినిమాలో అనసూయ ఒక ప్రత్యేక పాత్రలో నటించబోతున్నారు. సుకుమార్ దర్శకత్వం వహించిన “రంగస్థలం” లో రంగమత్త పాత్రతో అనసూయకు మరింత గుర్తింపు వచ్చింది.

ఇది ఇలా ఉండగా…తాజాగా సోషల్ మీడియాలో ఒక ఫోటో వైరల్ అవుతుంది. “పుష్ప” సెట్స్ లో “అనసూయ” స్టిల్ సోషల్ మీడియాలో లీక్ అయ్యింది. ఆ ఫోటోపై కొందరు ట్రోల్ల్స్ కూడా చేస్తున్నారు. అవి ఒక సారి లుక్ వేయండి.

Sourced from : _itwys_

ప్రస్తుతం ఉన్న పరిస్థితుల కారణంగా చాలా మంది నిర్మాతలు తమ సినిమా విడుదలను వాయిదా వేస్తున్నారు. కొంత మంది ఏమో డైరెక్ట్ డిజిటల్ రిలీజ్ వైపు ఆసక్తి చూపుతున్నారు. అయితే పెద్ద హీరోల సినిమాలు కూడా డిజిటల్ రిలీజ్ అవ్వడం చర్చనీయాంశంగా మారింది. ఇప్పుడు స్టార్ హీరోల డిజిటల్ రిలీజ్ జాబితాలో మరో సినిమా కూడా చేరబోతోంది.

నాని హీరోగా నటించిన శివ నిర్వాణ దర్శకత్వంలో వచ్చిన టక్ జగదీష్ సినిమా డిజిటల్ రిలీజ్ అవుతుంది అనే వార్తలు గట్టిగా వినిపిస్తున్నాయి. ఈ సినిమా ఏప్రిల్ లో విడుదల కావాల్సి ఉంది. కానీ కరోనా కారణంగా వాయిదా పడింది ప్రస్తుతం ఉన్న పరిస్థితుల దృష్ట్యా ఈ సినిమా డిజిటల్ రిలీజ్ వైపు వెళ్లబోతోంది అని సమాచారం. అమెజాన్ ప్రైమ్ ఈ సినిమా బృందానికి 45 కోట్లు చెల్లించిందట. ఈ సినిమాలో రీతూ వర్మ, ఐశ్వర్య రాజేష్ హీరోయిన్లుగా నటిస్తున్నారు.

అయితే ఇటీవల సత్యదేవ్ హీరోగా నటించిన తిమ్మరుసు ప్రీ రిలీజ్ ఈవెంట్ లో, నాని, సినిమా థియేటర్లు ఓపెన్ చేయాలి అని, అలాగే సినిమాలు అన్ని థియేటర్లలో విడుదల అవ్వాలి అని, ఎందుకంటే థియేటర్ ఎక్స్పీరియన్స్ కి మించిన సినిమా ఎక్స్పీరియన్స్ మరేదీ ఉండదు అని అన్నారు. కానీ ఇప్పుడు నాని సినిమా టక్ జగదీష్ డిజిటల్ రిలీజ్ బాటలో వెళ్లడంతో సోషల్ మీడియా అంతా, “అంతకు ముందు అన్నారు కదా? మరి ఇప్పుడు ఇలాంటి నిర్ణయం తీసుకున్నారు ఏంటి?” అని అంటున్నారు.

watch  video: