2024 నూతన సంవత్సరం వచ్చేస్తుంది. కొత్త సంవత్సరం వస్తుందంటే చాలామంది కొత్త కొత్త విషయాలను ప్రారంభించాలని అనుకుంటూ ఉంటారు. కొత్త సంవత్సరంలో ఫ్రెష్ గా మొదలు పెడితే సంవత్సరం అంతా ఉత్సాహభరితంగా పనిని చేస్తామని భావిస్తూ ఉంటారు.అయితే చాలామందికి ఏం చేయాలో అనేదానిపై స్పష్టత ఉండదు. కొందరు కొత్త పనులు ప్రారంభించాలనుకుంటే, మరికొందరు పాత అలవాట్లను వదిలేయాలని అనుకుంటారు. అయితే ఏ పనులను ప్రారంభించాలి ఏ అలవాటులను ఎలా వదిలేయాలి అనే దాని పైన ఒకసారి వివరంగా చూస్తే…

1. లక్ష్యం పెట్టుకోండి:
ఏదైనా సాధించాలి అనుకుంటున్నప్పుడు కొత్త సంవత్సరంలో దాన్ని లక్ష్యంగా పెట్టుకోండి. చిన్న చిన్న టార్గెట్స్ పెట్టుకుని వాటిని సాధిస్తూ మీరు అనుకుంటున్న పెద్ద టార్గెట్ ను చేరుకోండి. ఒక కొత్త ప్రణాళికతో ఈ కొత్త సంవత్సరాన్ని మొదలు పెట్టండి.
2. ఇన్వెస్ట్మెంట్స్:
ఎవరైనా కొత్త ఇన్వెస్ట్మెంట్స్ చేయాలనుకుంటే గుర్తుండేందుకు కొత్త సంవత్సరంలో మొదలు పెడుతూ ఉంటారు. మీకు సంబంధించిన రియల్ ఎస్టేట్ అవ్వని, పొలాలు, బంగారం, లేదా మ్యూచువల్ ఫండ్స్ లో ఇన్వెస్ట్మెంట్స్ అయినా కూడా ఈరోజు నుంచి మొదలు పెట్టండి.
3. హెల్దీ డైట్:
బాడీ మీద కంట్రోల్ పెంచుకునేందుకు ఆరోగ్యవంతమైన శరీరాన్ని మలుచుకునేందుకు న్యూ ఇయర్ ని వాడుకోండి. ఈరోజు నుండి ఏం తినాలి?ఎంత తినాలి? ఎలా తినాలి? ఏ టైం కి తినాలి? అని దానిపైన ప్రణాళిక సిద్ధం చేసుకోండి.
4. చెడు అలవాట్లకి దూరంగా ఉండండి:
చాలామంది చెడు అలవాట్లను మానేయాలనుకున్న మానుకోలేరు. అయితే కొత్త సంవత్సరం నుండి వాటిని క్రమక్రమంగా మానేస్తూ దూరంగా జరగండి. ఈరోజు మొదలుపెట్టి దాన్ని ప్రతిరోజు కొనసాగించండి.
5. డైరీ రాయండి:
ఇదివరకు రోజుల్లో నిత్యం డైరీ రాసేవారు, కానీ ఇప్పుడు ఎవరూ రాయడం లేదు.అయితే ఒక డైరీని పెట్టుకుని మీరు చేసిన పనులను చేయాలనుకున్న పనులను స్పష్టంగా రాసుకోండి. ఇలా చేయడం ద్వారా మీ జీవితం ఎలా సాగుతుందో మీకు అవగాహన వస్తుంది. తర్వాత ఎలా మార్చుకోవాలని స్పష్టత కూడా లభిస్తుంది.















బబుల్ గమ్ మూవీతో యాంకర్ సుమ తనయుడు రోషన్ కనకాల టాలీవుడ్ లో హీరోగా ఎంట్రీ ఇచ్చాడు. ఈ మూవీలో తెలుగు అమ్మాయి మానస చౌదరి హీరోయిన్ గా నటించింది. ఈ మూవీలో హీరో హీరోయిన్ కన్నా ఎక్కువ పాపులర్ అయ్యింది హీరో తండ్రి చికెన్ కొట్టు యాదగిరి. ఈ పాత్రలో నటించిన యాక్టర్ పేరు చైతు జొన్నలగడ్డ.
ఈ పేరు వినగానే గుర్తొచ్చేది డిజే టిల్లు హీరో సిద్దు జొన్నలగడ్డ. ఆయన అన్నయే చైతు జొన్నలగడ్డ.హీరోకి తండ్రిగా చైతు జొన్నలగడ్డ ఆకట్టుకున్నాడు. హైదరాబాదీ యాసలో చికెన్ కొట్టు యాదగిరి అద రగొట్టాడు. ఈ మూవీలో తండ్రీ కొడుకుల మధ్య వచ్చే సన్నివేశాలు యువతను అలరిస్తాయి. హీరోయిన్ ఇంటికొచ్చినపుడు ఈ హీరో, హీరో తండ్రి మధ్య జరిగే సంభాషణ ఆకట్టుకుంది.
ఈ మూవీలో తండ్రిగా నటించినా, చైతు జొన్నలగడ్డని స్క్రీన్ పై మొదటిసారి చూసినపుడు హీరో అన్నయ్యలా అనిపిస్తారు. చైతు జొన్నలగడ్డ ఎక్స్ప్రెషన్స్, స్లాంగ్, డైలాగ్ డెలివరీ ఇలా అన్ని హీరో సిద్దు జొన్నలగడ్డను గుర్తొచ్చేలా చేస్తాయి. ఈ మూవీ చైతు జొన్నలగడ్డ మొదటి చిత్రం, అయినప్పటికీ ఎక్స్పీరియన్స్ ఉన్న యాక్టర్ లా నటించారు.
