Filmy Adda

రెబల్ స్టార్ ప్రభాస్, మహానటి డైరెక్టర్ నాగ్ అశ్విన్ కాంబినేషన్ లో తెరకెక్కుతున్న చిత్రం ‘కల్కి 2898 ఏడీ’. సైన్స్ ఫిక్షన్ నేపథ్యంలో ప్రతిష్టాత్మకంగా తెరకెక్కుతున్న ఈ పాన్ వరల్డ్ సినిమా ‘ప్రాజెక్ట్  K’ అనే వర్కింగ్ టైటిల్ తో షూటింగ్ జరుపుకుంది.

రీసెంట్ గా ప్రతిష్టాత్మక కామిక్ కాన్ ఈవెంట్‍లో ఈ మూవీ టైటిల్ మరియు గ్లింప్స్‌ను చిత్ర యూనిట్ రిలీజ్ చేసింది.  గ్లింప్స్ లో ప్రభాస్ విష్ణుమూర్తి దశావతారాలలో పదవ అవతారం అయిన ‘కల్కి’ గా కనిపించబోతున్నట్టు తెలుస్తోంది. అయితే టాలీవుడ్ లో ప్రభాస్ కన్నా ముందు మరో హీరో ‘కల్కి’ గా నటించాడు. మరి ఆ హీరో ఎవరో ఇప్పుడు చూద్దాం..
ప్రభాస్, దీపికా పదుకొనే హీరో హీరోయిన్లుగా నటిస్తున్న మూవీ ‘కల్కి 2898 ఏడీ’. ఈ టైటిల్ ప్రకటనకు ముందు చిత్ర యూనిట్ ‘ప్రాజెక్ట్ – K’ అంటే ఏంటి? అని ఆడియెన్స్ కి పజిల్ విసిరింది. దాంతో K అంటే కల్కి, కాలచక్ర, కలియుగ్ అంటూ పలు పేర్లు వినిపించాయి. కామిక్ కాన్ ఈవెంట్‍లో ప్రాజెక్ట్ – K లో K అంటే కల్కి అని, మూవీ టైటిల్ ను ‘కల్కి 2898 ఏడీ’ అని ప్రకటించారు. ఈ గ్లింప్స్ కు అద్భుతమైన రెస్పాన్స్ వస్తోంది.
‘లోకం అంతా చీకటిలో కూరుకుపోయినప్పుడు, ఆ చీకటిని, అందుకు కారణం అయిన వారిని పారదోలడానికి ఒక శక్తి ఉదయిస్తుందని, ఆ శక్తి కథనే ‘కల్కి’ అని క్లుప్తంగా గ్లింప్స్ తెలియజేశారు. దీంతో ప్రభాస్ శ్రీమహావిష్ణువు అవతారాలలో పదవ అవతారమైన ‘కల్కి’ గా కనిపించనున్నాడని తెలుస్తోంది. అయితే ప్రభాస్ కన్నా ముందుగా తెలుగులో మరో హీరో ‘కల్కి’ గా నటించాడు. ఆ హీరో మరెవరో కాదు. రైటర్ కమ్ డైరెక్టర్ అండ్ టాలెంటెడ్ యాక్టర్ అడివి శేష్.
అడివి శేష్ మొదటి మూవీ ‘సొంతం’. అందులో చిన్న పాత్రలో కనిపించాడు. ఆ తరువాత తానే రచయితగా, దర్శకుడిగా మారి తానే హీరోగా ‘కర్మ’ అనే చిత్రాన్ని తీశాడు. ఈ చిత్రం 2010లో రిలీజ్ అయ్యింది. ఈ మూవీలో ‘దేవ్’ అనే పాత్రలో నటించిన శేషు, మూవీ మొదట్లోనే ఎండింగ్ ను ఊహించి చెప్తాడు. సరైన ప్రమోషన్ లేకపోవడంతో ఆడియెన్స్ కి ఈ మూవీ గురించి పెద్దగా తెలియలేదు. 13 సంవత్సరాల క్రితమే అడివి శేష్ ‘కల్కి’గా నటించాడు.

Also Read: గుర్తింపు తెచ్చిన సినిమా టైటిల్ నే తమ పేరుకి యాడ్ చేసుకున్న 12 మంది సినీ సెలబ్రిటీస్.!

ప్రతి సంవత్సరం సినిమా ఇండస్ట్రీకి ఎంతో మంది నటులు పరిచయం అవుతూ ఉంటారు. కొంత మందికి మొదటి సినిమాతోనే పేరు వస్తే ఇంకా కొంత మందికి పేరు రావడానికి సమయం పడుతుంది. అయితే, ఆలా చాలామంది సినీ ప్రముఖులకు మొదటి సినిమాతోనే పేరు వచ్చింది. ఆ సినిమా పేరే వారి ఇంటి పేరు అయిపోయింది. ఆలా వారి మొదటి సినిమాలని వారి పేరు ముందు చేర్చుకున్న సెలబ్రిటీస్ ఎవరో ఇప్పుడు చూద్దాం.

#1 సత్యం రాజేష్

సత్యం సినిమాతో రాజేష్ పేరు తెచ్చుకున్నారు. అప్పటినుండి ఇప్పటి వరకు సత్యం రాజేష్ పేరుతోనే కొనసాగుతున్నారు.

#2 దిల్ రాజు

ప్రొడ్యూసర్ గా దిల్ రాజు గారి మొదటి సినిమా దిల్ అవ్వడంతో ఆ సినిమా తన పేరులో చేర్చుకున్నారు.

#3 సిరివెన్నెల సీతారామ శాస్త్రి

సీతారామ శాస్త్రిగారు సిరివెన్నెల సినిమాతో పాటల రచయితగా తన ప్రస్థానం మొదలు పెట్టారు.

#4 అల్లరి సుభాషిణి

అల్లరి సినిమాలో హీరోయిన్ తల్లిగా నటించిన సుభాషిణి గారికి ఆ సినిమాతో మంచి గుర్తింపు లభించింది. దాంతో అల్లరి సుభాషిణిగా ఫేమస్ అయ్యారు.

#5 వెన్నెల కిషోర్

వెన్నెల సినిమాతో ఇండస్ట్రీలో అడుగుపెట్టిన కిషోర్ ఆ పేరునే తన ఇంటిపేరుగా మార్చుకొని వెన్నెల కిషోర్ గా గుర్తింపు పొందుతున్నారు.

#6 బొమ్మరిల్లు భాస్కర్

దర్శకుడిగా తన మొదటి సినిమా అయిన బొమ్మరిల్లుని తన పేరు పక్కన చేర్చుకున్నారు భాస్కర్.

#7 అల్లరి నరేష్

హీరోగా నరేష్ నటించిన మొదటి సినిమా అల్లరి అవ్వడంతో నరేష్ అల్లరి నరేష్ గా గుర్తింపు పొందారు.

#8 రంగస్థలం మహేష్

మహేష్ అంతకుముందు జబర్దస్త్ ద్వారా చాలా ఫేమస్ అయ్యారు. కానీ రంగస్థలంలో తన పాత్రకి చాలా గుర్తింపు రావడంతో తర్వాత నుండి రంగస్థలం మహేష్ గా ఫేమస్ అయ్యారు.

#9 శుభలేఖ సుధాకర్

శుభలేఖ సినిమాతో సుధాకర్ గారు చాల గుర్తింపు తెచ్చుకున్నారు.

#10 బాహుబలి ప్రభాకర్

ప్రభాకర్ అంతకముందు చాలా సినిమాల్లో నటించినా కూడా బాహుబలి సినిమాతో ఇంకా గుర్తింపు రావడంతో బాహుబలి ప్రభాకర్ గా ఫేమస్ అయ్యారు.

#11 షావుకారు జానకి

షావుకారు సినిమాతో ఇండస్ట్రీలో అడుగుపెట్టిన జానకిగారు షావుకారు జానకిగా గుర్తింపు పొందారు.

#12 ఛత్రపతి శేఖర్

శేఖర్ కూడా అంతకముందు చాలా సినిమాల్లో నటించినా కూడా ఛత్రపతి సినిమాతో చాలా గుర్తింపు పొందారు. ఆ తర్వాత నుండి ఛత్రపతి శేఖర్ గా పాపులర్ అయ్యారు.

ఇంకా చాలామంది నటులు ఇలాగే వారి కెరీర్ మొదలైన మొదటి సినిమాని కానీ, లేదా వారికి గుర్తింపు తీసుకువచ్చిన సినిమాని కానీ వారి ఇంటి పేరుగా మార్చుకున్నారు.

ఆనంద్‌ దేవరకొండ, వైష్ణవి చైతన్య హీరోహీరోయిన్లుగా నటించిన ‘బేబీ’ మూవీ బాక్సాఫీస్ దగ్గర రికార్డ్ లు సృష్టిస్తోంది.  ఈ చిత్రానికి డైరెక్టర్ సాయి రాజేశ్‌ దర్శకత్వం వహించారు. ఈ మూవీలో విరాజ్‌ అశ్విన్‌ సెకండ్ హీరోగా నటించాడు. ఈ చిత్రాన్ని ఎస్‌కేఎన్‌ నిర్మించారు.

రీసెంట్ గా రిలీజ్ అయిన ఈ మూవీ ఇప్పటికీ విజయవంతంగా ధియేటర్లలో ప్రదర్శితమవుతోంది. రెండు రోజులకే బ్రేక్ ఈవెన్ సాధించిన ఈ మూవీకి ఆనంద్‌ దేవరకొండ, వైష్ణవి చైతన్య, విరాజ్‌ అశ్విన్‌ ల రెమ్యునరేషన్ విషయం సోషల్ మీడియాలో వైరల్ గా మారింది. ఇంత తక్కువ ఇచ్చారా అంటూ నెటిజెన్లు కామెంట్స్ చేస్తున్నారు. ఆ వివరాలు ఇప్పుడు చూద్దాం..
ట్రై యాంగిల్ లవ్ స్టోరీగా తెరకెక్కిన ఈ మూవీ యూత్ కి బాగా కనెక్ట్‌ అయ్యింది. యూట్యూబ్‌ స్టార్‌గా పాపులర్ అయిన వైష్ణవి ఈ మూవీలో తన నటనలోని మరో కోణాన్ని తెరపై ఆవిష్కరించింది. వైష్ణవి నటనకు యువత ఎంతగా కనెక్ట్‌ అయ్యారంటే, మూవీ చూసిన వారు ఆమె క్యారెక్టర్ ని దారుణంగా తిడుతున్నారు. అద్భుతమైన నటనతో ఆనంద్‌ దేవరకొండ ఆడియెన్స్ కి కన్నీళ్లు తెప్పించాడు. వీరిద్దరికీ కొంచెం కూడా తగ్గకుండా విరాజ్‌ అశ్విన్‌ తన నటనతో మెప్పించాడు. దాంతో 2 రోజులకే బ్రేక్ ఈవెన్ అయ్యి, ఫస్ట్ వీక్ పూర్తయ్యేసరికి రూ.23.07 కోట్లు షేర్ ను సాధించింది. బ్రేక్ ఈవెన్ అవడమే కాకుండా ఈ మూవీ రూ.16.87 కోట్ల లాభాలను రాబట్టి ట్రిపుల్ బ్లాక్ బస్టర్ గా అయ్యింది. ఇంతగా ఆకట్టుకున్న వీరికి ఇచ్చిన పారితోషికం గురించి తెలిసి, ఇంత తక్కువా? అని నెటిజన్లు ఆశ్యర్యపోతున్నారు. దాదాపు పది కోట్ల బడ్జెట్‌తో బేబీ మూవీని తెరకెక్కించారని తెలుస్తోంది. ఈ మూవీలో హీరోగా నటించిన ఆనంద్‌ దేవరకొండకు దాదాపు రూ.80 లక్షల వరకు రెమ్యునరేషన్ ఇచ్చారని టాక్ వినిపిస్తోంది. హీరోయిన వైష్ణవికి రూ.30 లక్షలు మాత్రమే రెమ్యునరేషన్‌గా ఇచ్చారని, ఇక విరాజ్‌ అశ్విన్‌కు కేవలం రూ.20 లక్షలు ఇచ్చారని నెట్టింట్లో ప్రచారం జరుగుతుంది. అయితే డైరెక్టర్ సాయి రాజేష్ కోటికి పైగా తీసుకున్నట్లుగా టాక్ వినిపిస్తోంది.

Also Read: ప్రభాస్ ప్రతి మూమెంట్ పై ఎందుకు అంత నెగిటివిటీ…ఇది యాదృచ్ఛకమా లేక ఎవరన్నా కావాలని చేయిస్తున్నారా?

సినిమా చూసినంతసేపు తరువాత వచ్చే సన్నివేశం ఎలా ఉంటుందో అనే ఆసక్తి కలిగించకపోతే ఆ మూవీ విజయం సాధించలేదు. అదే విధంగా క్లైమాక్స్ ఊహించినట్లు ఉన్నా, ఏ మాత్రం ఆసక్తిగా లేకపోయినా, ఆ  సినిమా ప్లాప్ అయినట్లే.

అందువల్ల సాధ్యమైనంత వరకు క్లైమాక్స్ లో శుభం కార్డు పడే ముందు ప్రేక్షకులని ఆశ్చర్యపరచడానికి దర్శకులు ప్రయత్నిస్తుంటారు. ఈ విషయంలో చాలామంది డైరెక్టర్లు విజయం సాధించారు. క్లైమాక్స్ లో వచ్చే ట్విస్ట్ కొన్ని చిత్రాలను విజయం సాధించేలా చేశాయి. ట్విస్ట్ తో ముగిసిన సినిమాలలో టాప్ 13 సినిమాలను ఇప్పుడు చూద్దాం..1. పోకిరి:

తెలుగు సినిమా ప్రేక్షకులకు కదిలించిన క్లైమాక్స్ ట్విస్ట్‌ సినిమాలలో ముందుగా ఉండేది పోకిరి మూవీ. కృష్ణమనోహర్ IPS అనే మాట ఇప్పటికీ గుర్తుండే ఉంటుంది.
2. అ మూవీ:

“అ” సినిమాలోని అన్నీ పాత్రలు, వాళ్ల కథలు చాలా ఇంట్రెస్టింగ్ గా అనిపిస్తాయి. కానీ క్లైమాక్స్ లో ఆ స్ప్లిట్ పర్సనాలిటీ ట్విస్ట్ అందరికి షాక్ ఇచ్చింది.
3. రంగస్థలం:

అప్పటి వరకు ప్రెసిడెంట్ ఫణీంద్ర భూపతి ఏ అస్సలు విలన్ అని అనుకునే ఆడియన్స్ కి అతను కాదు ఇంకో విలన్ ఉన్నాడు అని రివీల్ చేసే ట్విస్ట్ ఊహించని విధంగా ఉంటుంది.
4. బాహుబలి: ద బిగినింగ్:

ఈ మూవీలో క్లైమాక్స్ లో ఇచ్చిన ట్విస్ట్ రెండవ పార్ట్ రిలీజ్ అయ్యేవరకు ప్రశ్నగానే మిగిలింది. అమరేంద్ర బాహుబలిని ఎవరు చంపారని శివుడు ప్రశ్నించగా, తానే బాహుబలిని చంపానని కట్టప్ప చెప్పడంతో మొదటి భాగం ముగుస్తుంది.
5. అనుకోకుండా ఒక రోజు:

మత్తులో ఉన్న హీరోయిన్ ఆ రోజు ఏం చేసింది అనేది క్లైమాక్స్ లో జగపతి బాబు రివీల్ చేస్తారు.
6. క్షణం:

అన్నసూయ మెయిన్ విలన్ అనే ట్విస్ట్ సరిపోలేదు, చివర్లో మరో ట్విస్ట్ ఇచ్చారు. సత్యదేవ్ అసలైన విలన్ అని రివీల్ చేస్తారు.
7. గూఢచారి:

చివర్లో హీరో తండ్రి మరణించలేదని అతనే ఉగ్రవాదులకు సాయం చేస్తున్నాడనే విషయం కథను మలుపు తిప్పుతుంది.
8. కేర్ అఫ్ కంచెరపాలెం:

ఇక కేర్ ఆఫ్ కంచరపాలెం మూవీలో ప్రతి క్యారెక్టర్ మరియు పోరాట ప్రతి కథకి ఇట్టే కనెక్ట్ అవుతాయి. కానీ క్లైమాక్స్‌లో దర్శకుడు ఆ క్యారెక్టర్స్ అన్నీ ఒక్కరే అని ఇచ్చిన ట్విస్ట్ ఊహించనిది.
9. కుమారి 21F:

జైలు నుండి వచ్చిన హీరో కుమారిని పెళ్ళి చేసుకుంటాడు. పోలీసులు వెతుకుతున్న అతని ముగ్గురు ఫ్రెండ్స్ ను పట్టుకోలేక పొలీసులు కేసుని ముసివెయ్యాలని చుస్తారు. కానీ వారిని 3 ఏళ్లుగా హీరోనే సంకెళ్ళతో బంధించి ఉంచాడని క్లైమాక్స్ లో ట్విస్ట్ ఇస్తారు.
10. ప్రస్థానం:

సాయి కుమార్, శర్వానంద్, సందీప్ కిషన్ నటించిన ఈ మూవీ క్లైమాక్స్ కారణంగా కల్ట్ క్లాసిక్ గా నిలిచింది.
11. మిస్సమ్మ:

భూమిక మిస్సమ్మగా అందరిని ఆకట్టుకుంది. చివరి వరకు ఒక శాడిస్టిగా చూపించి, క్లైమాక్స్ లో ఆమె అనారోగ్యాన్ని చెప్పిన తీరు సినిమా విజయంలో కీలక పాత్ర పోషించింది.
12. నేనొక్కడినే:

నాజర్ రోల్ సినిమా ప్రారంభం అయినప్పటి నుండి పాజిటివ్ గా చూపించి క్లైమాక్స్ లో అసలైన విలన్ గా  చూపించడం అనే ట్విస్ట్ ఆశ్చర్య పరుస్తుంది.
13. జెంటిల్ మెన్:

ఈ మూవీలో చివరి వరకు నాని నే విలన్ గా కనిపించగా, క్లైమాక్స్ లో అతను విలన్ కాదని, వంశీ అని ట్విస్ట్ ఇస్తారు.
Also Read: “అంటే అది..!” అంటూ… “బాహుబలి ప్రొడ్యూసర్” ఇచ్చిన కౌంటర్ కి రాజమౌళి రిప్లై..! ఏం అన్నారంటే..?

ఇటీవల జబర్దస్త్ కమెడియన్ వేణు ‘బలగం’ మూవీ ద్వారా దర్శకుడిగా  మారి, బ్లాక్ బస్టర్ హిట్ అందుకున్న విషయం తెలిసిందే. ఇప్పుడు అదే దారిలో మరో జబర్దస్త్ కమెడియన్ శాంతి కుమార్‌ దర్శకుడిగా మారి ‘నాతో నేను’ అనే సినిమాకు దర్శకత్వం వహించారు.

ఈ చిత్రంలో డైలాగ్‌ కింగ్‌ గా పేరు గాంచిన సాయి కుమార్‌, ఆదిత్యా ఓం, రాజీవ్‌ కనకాల ప్రధాన పాత్రల్లో నటించారు.  బుల్లితెరపై తన కామెడీతో అలరించిన శాంతి కుమార్‌ దర్శకుడిగా తెరకెక్కించిన ‘నాతో నేను’  సినిమా ఎలా ఉందో ఇప్పుడు చూద్దాం.
ఈ మూవీ కథ విషయనికి వస్తే, జీవితంలో ఎన్నో కష్టాలు పడి, ఉన్నత స్థానానికి ఎదిగిన కోటీశ్వరరావు(సాయికుమార్‌) సడెన్ గా చనిపోవాలని అనుకుంటాడు. ఆ టైంలో కోటీశ్వరరావు ఉండే గ్రామానికి వచ్చిన ఒక స్వామిజీ అతని కష్టాన్ని విని ఒక వరమిస్తాడు. అయితే ఆ విషయం ఎవరికి చెప్పవద్దని అంటాడు. స్వామిజీ కోటేశ్వరరావుకు ఇచ్చిన వరం ఏమిటి? వరం పొందిన తరువాత కోటేశ్వరరావు జీవితంలో కష్టాలు పోయాయా? కోటేశ్వరరావు జీవితంలో నాగలక్ష్మీ (దీపాళీ), దీప (ఐశ్వర్య) ఎవరు అనేవాటికి సమాధానమే మిగిలిన కథ.
మనిషి అనే దానికన్నా డబ్బు మీదే ఆధారపడి జీవితం నడుస్తోంది అనే కథతో తెరకెక్కిన సినిమా. 20, 40, 60  వయసు స్టేజ్ ల వారీగా సాగిన ఈ స్టోరీలో సాయికుమార్‌, సాయి శ్రీనివాస్‌, ఆదిత్యా ఓం, పాత్రలను మలచిన తీరు బావుంది. ఆ సీన్స్ ను దర్శకుడు నడిపించిన విధానం బాగుంది. మంచి చేసినపుడు అది ఎక్కడికి పోదు అనే విషయాన్ని చక్కగా చూపించారు. కోటీశ్వరుడిగా సాయికుమార్‌ అద్భుతంగా నటించారు. సాయికుమార్‌ డైలాగ్‌లు బాగున్నాయి.
ప్రేమించిన అమ్మాయి చేతిలో మోసపోయిన వ్యక్తిగా ఆదిత్య ఓం, బ్రేకప్ అయిన యువకుడిగా సాయి శ్రీనివాస్‌ చక్కగా నటించారు. రాజీవ్‌ కనకాల, సీవీఎల్‌ నరసింహరావు బాగా నటించారు. సాయి శ్రీనివాస్‌, ఐశ్వర్య క్యారెక్టర్లు యువతకి బాగా కనెక్ట్‌ అవుతాయి. తొలిసారి డైరెక్షన్ చేసిన శాంతి కుమార్‌ స్టోరీనే బాగా రాశారు. కానీ తెరపై చూపించడంలో కాస్త తడబడ్డారు. ఫీల్ గుడ్ మూవీ అందించేందుకు ప్రయత్నించారు. ఎంత డబ్బు సంపాదించిన మనిషికి మన అనుకునే తోడు లేకపోతే వారి జీవితంలో సంతోషంగా ఉండదు అనడానికి  నిదర్శనమే ‘నాతో నేను’ మూవీ.

Also Read: ఎక్కడ చూసినా ఈ సినిమా గురించి మాట్లాడుకుంటున్నారు..! అంతగా ఏం ఉంది ఇందులో..?

దర్శకధీరుడు రాజమౌళి డైరెక్టర్ గా అంతర్జాతీయ స్థాయిలో గుర్తింపు తెచ్చుకున్న విషయం తెలిసిందే. టాప్ ఇండియన్ దర్శకులలో ఒకరైన జక్కన్న తాజాగా ప్రభాస్ హీరోగా నటిస్తున్న ‘కల్కి 2989 AD’ మూవీ గురించి ట్వీట్ చేశారు.

రాజమౌళి చేసిన ఈ ట్వీట్ ప్రస్తుతం సోషల్ మీడియాలో వైరల్ అవుతోంది. ఇక రాజమౌళి చేసిన ఈ ట్వీట్ పై ఆయన సన్నిహితులు మరియు ఫాలోవర్స్, నెటిజెన్లు కౌంట‌ర్లు వేస్తున్నారు. వారిలో బాహుబ‌లి నిర్మాత శోభు యార్ల‌గ‌డ్డ‌ పెట్టిన ట్వీట్‌ కి రాజమౌళి స్పందించారు. ఆ వివరాలు ఇప్పుడు చూద్దాం..ప్రభాస్, నాగ్ అశ్విన్ కాంబోలో తెరకెక్కుతున్న మూవీ ‘కల్కి 2989 AD’. వైజయంతి మూవీస్ బ్యానర్ పై అశ్వినీదత్ ప్రతిష్టాత్మకంగా నిర్మిస్తున్న ఈ మూవీ గ్లింప్స్ తాజాగా రిలీజ్ అయ్యింది. ఈ గ్లింప్స్ పై ఆడియెన్స్ నుండి సినీ ప్రముఖుల వరకు ప్రశంసలు కురిపిస్తున్నారు. ఇండియన్ హాలీవుడ్ మూవీలా ఉందని కామెంట్స్ చేస్తున్నారు. ఈ క్రమంలోనే దర్శకధీరుడు రాజమౌళి ఈ మూవీ గురించి ట్వీట్ చేశారు.
ఆ ట్వీట్ లో, ‘గ్రేట్ జాబ్ నాగి మరియు వైజయంతి మూవీస్. ఒక ఫ్యూచరిస్టిక్ సినిమాని తెరకెక్కించడం చాలా కష్టమైన పని, మీరు దీన్ని సాధ్యం చేసారు. ప్రభాస్ లుక్ అదిరిపోయింది. ఇక మిగిలింది ఒక్క ప్రశ్న మాత్రమే, మూవీ రిలీజ్ ఎప్పుడు’ అని రాసుకొచ్చారు. ఇక ఈ ట్వీట్ పై జక్కన్న సన్నిహితులు, ఫాలోవర్స్, నెటిజెన్లు కౌంట‌ర్లు వేస్తున్నారు. బాహుబ‌లి మూవీ నిర్మాత శోభు యార్ల‌గ‌డ్డ‌ ‘రిలీజ్ డేట్ గురించి అడుగుతోంది ఎవరో చూశారా అని సరదాగా ట్వీట్  పెట్టారు. రాజమౌళి కుమారుడు కార్తికేయ స్మైల్ ఎమోజీలు పెట్టాడు.రాజమౌళి శోభు యార్ల‌గ‌డ్డ‌ ట్వీట్ కి ‘అంటే అది’ అని పాపులర్ అయిన లక్ష్మి సినిమాలోని బ్రహ్మానందం మీమ్ తో రిప్లై ఇచ్చారు. ఈ ట్వీట్ చూసిన డైరెక్టర్ హరీష్ శంకర్ రాజమౌళిని ఉద్దేశించి ‘మీరు చాలా స్వీట్. చాలా హంబుల్. మీ నుండి నేర్చుకోవాల్సింది చాలా ఉంది’ అని ట్వీట్ చేశారు.

Also Read: ప్రభాస్ “ప్రాజెక్ట్-K” అలియాస్ “కల్కి 2898 AD” గ్లింప్స్ లో… ఒకే ఒక్క సీన్‌లో కనిపించిన ఈ యాక్టర్ ఎవరో తెలుసా..?

సినీప్రియులు ఎంతగానో ఎదురుచూస్తున్న సినిమా ప్రాజెక్ట్ కె. ఈ మూవీ టైటిల్ ను ‘కల్కి 2898AD’ అని మేకర్స్ తాజాగా ప్రకటించారు. అత్యంత ప్రతిష్టాత్మకంగా రూపొందుతున్న ఈ మూవీకి నాగ్ అశ్విన్ డైరెక్షన్ చేస్తుండగా హీరోగా రెబల్ స్టార్ ప్రభాస్ నటిస్తున్నారు. దీపికా పదుకొనే హీరోయిన్ గా నటిస్తోంది.

ఈ మూవీలో కమల్ హాసన్, అమితాబ్ బచ్చన్, దిశా పటానీలు కీలకపాత్రలలో నటిస్తున్నారు. తాజాగా రిలీజ్ అయిన  ఫస్ట్ గ్లింప్స్ మూవీ ఏ రేంజ్‏లో ఉంటుందో అని చెప్పేసింది. తెలుగు సినిమా హాలీవుడ్ రేంజ్ లో రాబోతుందని నెటిజెన్లు కామెంట్స్ చేస్తున్నారు. ఈ గ్లింప్స్ కనిపించిన శాశ్వత ఛటర్జీ ఎవరో ఇప్పుడు చూద్దాం..
ప్రభాస్, దీపికా పదుకొనే ప్రధాన పాత్రలలో నటిస్తున్న చిత్రం ‘కల్కి 2898AD’. ఈ మూవీ ఫస్ట్ గ్లింప్స్ ప్రేక్షకులను ఎంతగానో ఆకట్టుకుంటోంది. ఈ గ్లింప్స్ పై ఆడియెన్స్ మాత్రమే కాకుండా సినీ ప్రముఖులు కూడా ప్రశంసలు కురిపిస్తున్నారు. నాగ్ అశ్విన్ ఈ మూవీతో బాక్సాఫీస్ దగ్గర సంచలనం సృష్టించడం ఖాయం అని నెటిజన్స్ కామెంట్స్ చేస్తున్నారు. భవిష్యత్తులో రాబోయే యుగాంతానికి సంబంధించిన స్టోరీ అని తెలుస్తుంది. సూపర్ పవర్స్ ఉన్న ఒక హీరో ప్రజలను ఎలా కాపాడాడు అనే థీమ్ తో తెరక్కెకుతున్నట్టు తెలుస్తోంది. అయితే ఈ గ్లింప్స్ లో ఒక రాజ్యాన్ని స్వాధీనం చేసుకున్న సైన్యం కనిపిస్తుంది. వాళ్ళందరికి లీడర్ గా నటించిన నటుడి పేరు శాశ్వత ఛటర్జీ. ప్రముఖ బెంగాలీ నటుడు. ఈ యాక్టర్ ఈ మూవీతోనే టాలీవుడ్ లో ఎంట్రీ ఇస్తున్నాడు. హిందీ సీరియల్ ద్వారా కెరీర్ ప్రారంభించిన శాశ్వత ఛటర్జీ, ఎన్నో సీరియల్స్ లో, వెబ్ సిరీస్ లలో నటించి విమర్శకుల ప్రశంసలు అందుకున్నాడు. విద్యాబాలన్ నటించిన కహానీ మూవీ ద్వారా బాలీవుడ్ లో ఎంట్రీ ఇచ్చాడు. ఆ తరువాత జగ్గా జాసూస్, దిల్ బేచారా, దోబారా, ధాకడ్ వంటి హిందీ చిత్రాలలో నటించారు.

Also Read: ఎక్కడ చూసినా ఈ సినిమా గురించి మాట్లాడుకుంటున్నారు..! అంతగా ఏం ఉంది ఇందులో..?

ఈ వీకెండ్ లో ఇండియాలో వివిధ భాషల్లో చాలా సినిమాలు విడుదలయ్యాయి. మన ప్రాంతీయ భాషల్లో రిలీజ్ అయిన సినిమాలు కంటే చాలావరకు హాలీవుడ్ మూవీస్ కి క్రేజ్ ఎక్కువనే చెప్పవచ్చు. కంటెంట్ క్లిక్ అయితే మూవీ ఏ భాషదైనా మన వాళ్ళు ఎగబడి మరీ హిట్ చేస్తారు. ప్రస్తుతం ‘ఆపెన్ హేమర్’మూవీ చూడడం కోసం మన వాళ్ళు తెగ ఆత్రుత పడుతున్నారు.

దీనికి ప్రధాన కారణం అది క్రిస్టఫర్ నోలన్ సినిమా కావడం. బ్యాట్ మాన్ బిగిన్స్, ద డార్క్ నైట్, టెనెట్ లాంటి పలు చిత్రాలు తీసి ప్రపంచవ్యాప్తంగా ప్రేక్షకులను మించిన ప్రఖ్యాత దర్శకులలో నోలన్ ఒకరు.

అదే క్రేజ్ తో ప్రస్తుత అతను తెరకెక్కించిన ‘ఆపెన్ హీమర్’ మూవీ మీరు తెలుగు రాష్ట్రాలలో హౌస్ ఫుల్ గా నడుస్తోంది. ఇది ఒక బయోపిక్ చిత్రం.. ఆటంబాంబ్ మరియు హైడ్రోజన్ బాంబ్ యెక్క ఫాదర్ గా పేరు తెచ్చుకున్న ఆపెన్ హీమర్ అనే వ్యక్తి యొక్క జీవిత కథ ఈ చిత్రం. చిన్న వయసులోనే భౌతిక శాస్త్రంలో మంచి పేరు సంపాదించిన ఆపెన్ హీమర్ .. ఆల్బర్ట్ ఐన్స్టీన్ లెగసీని ఎలా ముందుకు తీసుకు వెళ్ళాడు అనే దాని చుట్టూ కథను డెవలప్ చేయడం జరిగింది.

అప్పటివరకు సంభవించే చిన్న విస్ఫోటనాలను ఎన్నో రెట్లు ప్రభావితం చేస్తూ వాటి శక్తిని పెంచడమే కాకుండా హైడ్రోజన్ బాంబులను ఎలా సృష్టించాడు…అసలు ఈ పని అతను ఎందుకు మొదలు పెట్టవలసి వచ్చింది అనే విషయాన్ని ఎంతో స్పష్టంగా చిత్రీకరించారు. సైంటిస్ట్ గా కుతూహలంతో అతను తయారు చేసిన బాంబు ని రెండవ ప్రపంచ యుద్ధంలో వాడడం జరిగింది.

అంతేకాకుండా నష్టం వచ్చాక చివరికి ప్రభుత్వం పెద్దలు మరియు అధికారులు కలిసి ఆపెన్ హీమర్ ను బలిపశువును చేస్తారు. విజువల్ గ్రాండ్ ఇయర్ గా వచ్చినయి చిత్రం ఆద్యంతం ఒక థ్రిల్లింగ్ ఎక్స్పీరియన్స్ ఇస్తుంది. అప్పట్లో ప్రపంచంలో జరుగుతున్న వివిధ రాజకీయాలు, ప్రపంచ యుద్ధం పరిస్థితులు ,చరిత్ర ఎంతో అద్భుతంగా చూపించడం జరిగింది.

సినిమా ముందుకు సాగే కొద్దీ మనకు ఆపెన్ హీమర్ పై మొదట ఏర్పడిన భావన క్రమంగా మారుతుంది. అతని ఎమోషన్స్ కి తెలియకుండానే మనం కనెక్ట్ అవ్వడంతో పాటు అతని ఆవేదనను కూడా అర్థం చేసుకోగలుగుతాం. హైడ్రోజన్ బాంబు తయారు చేసే సమయంలో దానివల్ల కలిగే నష్టాన్ని ఊహించి ఆపెన్ హీమర్ పాత్ర పడే సంఘర్షణ, బాంబు ప్రయోగాన్ని ఆపడానికి అతను చేసే ప్రయత్నం మన హృదయాన్ని తాకుతుంది.సిలియన్ మర్ఫీ 100% ఈ పాత్రకు న్యాయం చేశారు అని చెప్పవచ్చు.

ALSO READ : కల్కి ఫస్ట్ గ్లింప్స్ లో కమల్ ఎక్కడ? కన్ఫ్యూజ్ అయిన రానా..!

ఎప్పటినుంచో ప్రభాస్ ప్రాజెక్ట్ కె కోసం ఎదురు చూస్తున్న ఫ్యాన్స్ కి ఫైనల్ గా వచ్చిన మూవీ టైటిల్ కాస్త ఊరట కలిగించింది. అయితే ఈ చిత్రం నుంచి వచ్చిన ప్రభాస్ ఫస్ట్ లుక్ అవెంజర్స్ ఐరన్ మ్యాన్ ని పోలి ఉండడం.. గ్రాఫిక్స్ అంతంతమాత్రంగా ఉండడం డార్లింగ్ ఫాన్స్ ను నిరుత్సాహపరుస్తుంది.

అప్డేట్ వచ్చిందో లేదో అప్పుడే చిత్రం పైన నెగటివ్ ట్రోల్స్ మొదలయ్యాయి. కల్కి 2989 AD అనే టైటిల్ రివీల్ చేయడంతో పాటు ఫస్ట్ గ్లింప్స్ కూడా ప్రదర్శించడం జరిగింది. అయితే ఇందులో స్టోరీ గురించి పెద్దగా రివీల్ చేయలేదు..

కేవలం ముఖ్యమైన పాత్రల గురించి మాత్రమే చూపించడం జరిగింది. శాన్ డియాగో లో జరిగిన ఈవెంట్లో ఈ గ్లింప్స్ ను విడుదల చేయడం జరిగింది. ఈ సందర్భంగా చిత్ర బృందం తో పాటు రానా కూడా స్టేజ్ పైకి వెళ్లారు. ఈ చిన్న వీడియోలో ముఖ్యమైన క్యారెక్టర్స్ అన్నీ ఉన్నాయి కానీ కమల్ హాసన్ మాత్రం ఎక్కడా కనిపించలేదు.

గ్లింప్సె విడుదల సందర్భంగా స్టేజి పైన రానా కూడా ఇదే డౌట్ ని అడిగాడు. దానికి నాగ అశ్విన్ .. గ్లింప్స్ మొత్తం ఆయనే ఉన్నారు…కానీ మీకు తెలియదు అదే స్పెషాలిటీ అని సమాధానం ఇచ్చారు. ఈ గ్లింప్స్ చూస్తే ఇందులో ప్రభాస్ కల్కి రోల్ చేస్తున్నారని అర్థమవుతుంది. అశ్వద్ధామ క్యారెక్టర్ లో అమితాబ్, విలన్స్ బంధించిన వాళ్లలో దీపిక స్పష్టంగా కనిపించారు. కానీ కమల్ హాసన్ మాత్రం 75 సెకండ్ల నిడివి ఉన్న ఈ వీడియోలో ఎక్కడా కనిపించలేదు.

అయితే ఈ వీడియోని జాగ్రత్తగా చూస్తే మధ్య మధ్యలో ఒక విలన్ క్యారెక్టర్ మెరుపుతీగలా వచ్చి వెళ్లడం గమనించవచ్చు. కమల్ హాసన్ ప్లే చేసే క్యారెక్టర్ అదే అన్న అభిప్రాయం నెటిజెన్స్ వ్యక్తం చేస్తున్నారు. ఇదే కరెక్ట్ అయితే కమల్ హాసన్ ఇందులో కచ్చితంగా నెగటివ్ రోల్ లో కనిపించనున్నారు. ఇది నిజమా కాదా అనేది క్లారిటీ అయితే లేదు కానీ ప్రస్తుతానికి ఇది సోషల్ మీడియాలో హాట్ డిస్కషన్ టాపిక్ గా మారింది.

టాలీవుడ్ లో మంచి ఫ్యాన్ ఫాలోయింగ్ ఉన్న హీరోలలో ప్రభాస్ ఒకరు. బాహుబలి మూవీ తో తెలుగు సినిమా సత్త చాటి వరల్డ్ వైడ్ ఫేమస్ అయిన ప్రభాస్ ఆ తర్వాత ఊహించిన సక్సెస్ను అందుకోలేక పోయాడు. బాహుబలి తర్వాత వచ్చిన రెండు చిత్రాలు అంచనాలను తారుమారు చేస్తూ నిరాశపరిచాయి. ఆదిపురుష్ మూవీతో తిరిగి ప్రభాస్ సక్సెస్ సాధిస్తాడు అని ఆశించిన ఫ్యాన్స్ నిరాశ పరుస్తూ ఆ చిత్రం వివాదాల్లో చిక్కుకుంది.

దాంతో అందరూ రాబోయే ప్రాజెక్ట్ కె పై హోప్స్ పెట్టుకున్నారు. ప్రభాస్ మూవీ నుంచి మంచి అప్డేట్ కోసం ఎదురు చూస్తున్న ఫ్యాన్స్ నిన్న విడుదలైన ప్రభాస్ ప్రాజెక్ట్ కె ఫస్ట్ లుక్ చూసి బాగా డిసప్పాయింట్ అయ్యారు. అది కాక ప్రభాస్ కు సంబంధించిన అప్డేట్స్ ఉదయం సమయంలో రావడం అది కాక చెప్పిన సమయం కంటే ఆలస్యంగా రావడం ఫాన్స్ ను మరింత నిరాశకు గురిచేస్తుంది.

ప్రభాస్ ఈ విషయాలకు సంబంధించి కాస్త జాగ్రత్త పాటిస్తే ఫ్యాన్స్ కి మరింత హ్యాపీగా ఉంటుంది. ప్రస్తుతం ప్రభాస్ మార్కెట్ భారీ స్థాయిలో బిజినెస్ జరిగే విధంగా ఉంది. సలార్ మరియు ప్రాజెక్ట్ కె లాంటి సినిమాలు ప్రభాస్ కు బాహుబలికి మించిన సక్సెస్ అందిస్తాయని ఫాన్స్ భావిస్తున్నారు. ఈ నేపథ్యంలో ప్రభాస్ విషయంలో వస్తున్న నెగిటివ్ ట్రైల్స్ కావాలని ఆతని టార్గెట్ చేసినవా అన్న అనుమానాలు సైతం వ్యక్తం అవుతున్నాయి.

ఇటువంటి విషయాల్లో ప్రభాస్ ఎవరికి నెగటివ్ ఛాన్స్ ఇవ్వకుండా జాగ్రత్త పడాలి అని అతని ఫ్యాన్స్ ఎక్స్పెక్ట్ చేస్తున్నారు. ఇప్పటికే ఆది పురుష్ విషయంలో ఏం జరిగిందో అందరం చూసాము. మరి ఇప్పుడు రిలీజ్ అవుతున్న ప్రాజెక్ట్ కె విషయంలో కూడా అదే అనుమానాలు వ్యక్తం అవుతున్నాయి. ఈ సినిమాలోని ప్రభాస్ ఫస్ట్ లుక్ అవెంజర్స్ ఐరన్ మాన్ డూప్లా ఉంది అని ఇప్పటికే నెగటివ్ ట్రోల్స్ మొదలు అయిపోయాయి. మరి ఈ చిత్రం నుంచి రాబోతున్న మరిన్ని అప్డేట్స్ పై ఎటువంటి స్పందన ఉంటుందో చూడాలి.