Filmy Adda

తెలుగు తెరపై తెలుగు నటీమణులు కనిపించడం తక్కువైపోయింది. ఎక్కువగా ముంబై భామలు తెలుగు లో టాప్‌ హీరోయిన్లుగా దూసుకుపోతున్నారు. అలాగే తమిళ్, కన్నడ, మలయాళ అతివలు కూడా తెలుగు తెరను ఏలుతున్నారు. కానీ ఇప్పుడు ఇప్పుడు విదేశీ భామలు మన తెరపై వెలుగుతున్నారు. ఎక్కడో పుట్టి, ఇంకెక్కడో పెరిగిన పరదేశీయులు తెలుగు సినిమాల్లో అవకాశాలు చేజిక్కించుకుంటున్నారు. అభిమానులను అలరిస్తున్నారు.

బ్లాక్ అండ్ వైట్ రోజుల్లో కొన్ని సార్లు అలా తెరపై మెరిసే వారు విదేశీ వనితలు. తర్వాత సింగీతం శ్రీనివాస రావు తెరకెక్కించిన ‘ అమెరికా అమ్మాయి’ చిత్రం లో ఫ్రెంచ్ డాన్సర్ అనిక్ చయమొటి ప్రధాన పాత్రలో నటించారు. తర్వాత రాఘవేంద్ర రావు తెరకెక్కించిన ‘ పరదేశి’ చిత్రం లో మొనేట్ క్విక్ నాయికగా నటించింది. ఇలా కొన్నేళ్లుగా విదేశీ వనితలు తెలుగు తెరపై తమదైన ముద్ర వేస్తున్నారు. ఇప్పుడు వారెవరో చూద్దాం..

#1 కత్రినా కైఫ్

‘మల్లీశ్వరి’ చిత్రం తో తెలుగు వారికీ పరిచయం అయిన కత్రినా బ్రిటిష్ దేశస్తురాలు. ప్రస్తుతం ఆమె బాలీవుడ్ లో స్టార్ హీరోయిన్ గా మారింది.

#2 సన్నీలియోన్

పంజాబీ కుటుంబానికి చెందిన సన్నీ లియోన్ కెనెడా లో పుట్టి పెరిగింది. ఈమె తెలుగులో మంచు మనోజ్ సరసన ‘కరెంట్ తీగ’, మంచు విష్ణు సరసన ‘జిన్నా’ చిత్రాల్లో నటించింది.

#3 అమీ జాక్సన్

‘ఎవడు’ చిత్రం తో టాలీవుడ్ కి పరిచయం అయిన అమీ జాక్సన్ బ్రిటిష్ దేశస్థురాలు. ఈమె అక్కడ నటి, మోడల్. తర్వాత ఆమె పలు భారతీయ చిత్రాల్లో నటించింది.

#4 సవికా ఛాయవేజ్

సుమంత్ హీరోగా చంద్ర సిద్దార్థ తెరకెక్కించిన ‘ఏమో గుర్రం ఎగరావచ్చు’ చిత్రం లో థాయ్ నటి సవికా హీరోయిన్ గా నటించింది.

#5 క్రిస్టినా అఖీవా

ఆది సాయికుమార్ హీరో గా నటించిన గాలిపటం చిత్రం లో ఆస్ట్రేలియా నటి, మోడల్ క్రిస్టినా అఖీవా నటించింది.

#6 ఒలీవియా మోరిస్

రాజమౌళి తెరకెక్కించిన ఆర్ ఆర్ ఆర్ చిత్రం తో ఒలీవియా తెలుగు తెరకు పరిచయం అయ్యింది. ఈమె లండన్ కు చెందిన నాటక కళాకారిణి.

#7 మరియా రాబోష్ప్క

జాతిరత్నాలు డైరెక్టర్ అనుదీప్ తెరకెక్కించిన ‘ప్రిన్స్’ చిత్రం లో తమిళ్ హీరో శివ కార్తికేయన్ సరసన మరియా రాబోష్ప్క నటించింది.

#8 నర్గిస్ ఫక్రి

గత కొంత కాలం గా బాలీవుడ్ చిత్రాల్లో నటిస్తున్న అమెరికన్ భామ నర్గిస్ ఫక్రి ‘ హరి హర వీర మల్లు’ చిత్రం తో టాలీవుడ్ లో అడుగు పెట్టబోతోంది. క్రిష్ దర్శకత్వం లో వస్తున్నా ఈ చిత్రం లో పవన్ కు జంట ఈమె నటిస్తోంది.

#9 జెన్నిఫర్ పిచినెతో

విలక్షణ నటుడు సత్యదేవ్ నటించనున్న రాసుపరి చిత్రం లో బ్రెజిల్ కి చెందిన జెన్నిఫర్ పిచినెతో నటిస్తోంది. ఇటీవల అక్షయ్ కుమార్ నటించిన ‘ రామ సేతు’ చిత్రం లో కూడా నటించింది ఈమె. ఈ చిత్రం లో సత్యదేవ్ కీలకపాత్రలో నటించాడు.

#10 షెర్లీ షెటియా

నాగ శౌర్య హీరోగా వచ్చిన ‘కృష్ణ వ్రింద విహారి’ చిత్రం ద్వారా న్యూజిలాండ్ నటి, గాయని షెర్లీ షెటియా టాలీవుడ్ లో అడుగు పెట్టింది.

వెండితెర వెలుగు జిలుగులప్రపంచం వెనకాల వెలుగు చూడని మిస్టరీలు ఎన్నో..వడ్డించని జీవితంలోపల బయటి ప్రపంచానికి కనపడని విషాదాలెన్నో..సిని గ్లామర్ ప్రపంచంలో విషాదాంతం అయిన జీవితాలెన్నో అలాంటి వాటిల్లో ఉదయ్ కిరణ్ ది అందరిని కదిలించిన విషాదం..చిత్రం సినిమాతో టాలివుడ్ కి పరిచయం అయిన ఉదయ్ కిరణ్ చిన్న వయసులోనే ఆత్మహత్య చేసుకుని మృతి చెందిన సంగతి తెలిసిందే.

తేజ దర్శకత్వంలో ఉదయ్ కిరణ్ హీరోగా వచ్చిన సినిమా “నువ్వు నేను”. ఈ సినిమా 2001 లో విడుదల అయ్యింది. బాక్స్ ఆఫీస్ వద్ద ఈ సినిమా ఘన విజయం సాధించింది. ఎన్నో అవార్డులను కూడా గెలుచుకుంది.

తేజకు ఉత్తమ దర్శకుడిగా ఈ సినిమా వలనే అవార్డు లభించింది. ఇక సంగీత దర్శకుడు, ఉత్తమ హాస్య నటుడు, ఉత్తమ సహాయ నటుడు, ఛాయా గ్రాహకుడు.. ఇలా నాలుగు విభాగాలతో కలుపుకుని మొత్తం ఐదు నంది అవార్డులను ఈ సినిమా సొంతం చేసుకుంది. తేజ ఈ సినిమాతో స్టార్ డైరెక్టర్ అయిపోయారు. అయితే.. ఈ సినిమా గురించి ఓ దురదృష్టకర విషయం ఏమిటో ఇప్పుడు చూద్దాం.

ఈ సినిమాలో నటించిన చాలా మంది నటులు ప్రస్తుతం భౌతికంగా మన మధ్య లేరు. ఉదయ్ కిరణ్ ఆత్మహత్య చేసుకుని చనిపోగా.. ఆహుతి ప్రసాద్ అనారోగ్యంతో మరణించారు. ధర్మ వరపు సుబ్రహ్మణ్యం, ఎమ్మెస్ నారాయణ, కూడా కీలక పాత్రలు పోషించారు. ప్రస్తుతం వీరు కూడా మన మధ్య లేరు. హీరో తండ్రిగా నటించిన వైజాగ్ ప్రసాద్ కూడా మరణించారు. ఈ సినిమాలో కీలక పాత్రలలో నటించిన వారంతా దూరం అయ్యారు.

అలాగే ఉదయ్ కిరణ్ తో “కలుసుకోవాలని” సినిమాలో నటించిన “ప్రత్యూష” కూడా మన మధ్య లేరు. “నీ స్నేహం” సినిమాలో ఉదయ్ కిరణ్ తో జతకట్టిన “ఆర్తి అగర్వాల్” మనకి దూరమయ్యారు. అంతేకాదు ఆ సినిమాలో “ఆర్తి అగర్వాల్” కి తల్లితండ్రుల పాత్ర పోషించిన “కె.విశ్వనాద్” గారు, “సుజాత” గారు కూడా మానమధ్యన లేకపోవడం మన దురదృష్టం.

మాస్టర్, బీస్ట్ సినిమాల తర్వాత తమిళ సూపర్ స్టార్ దళపతి విజయ్ నటించిన సినిమా వారిసు. ఈ చిత్రంలో తెలుగులో వారసుడుగా డబ్ అయ్యింది. విజయ్ కెరీర్‌లో 66వ మూవీగా ప్రేక్షకుల ముందుకు వచ్చిన ఈ సినిమాకు తెలుగు డైరెక్టర్ వంశీ పైడిపల్లి దర్శకత్వం వహించాడు. శ్రీ వెంకటేశ్వర క్రియేషన్స్‌, పీవీపీ బ్యానర్లపై నిర్మాతలు దిల్ రాజు, శిరీష్, పరమ్ వి పొట్లూరి, పెరల్ వి పొట్లూరి సంయుక్తంగా నిర్మించారు. రష్మిక మందన్న హీరోయిన్‌గా నటించింది.

ఏపీ, తెలంగాణ మొత్తంగా ఈ సినిమా 15.05 కోట్ల షేర్‌ను, 27.10 కోట్ల గ్రాస్‌ను వసూలు చేసింది. ఇక మరో వైపు వారసుడు చిత్రం ప్రపంచవ్యాప్తంగా 300 కోట్లు వసూలు చేసినట్లు తెలుస్తోంది. అసలు వారసుడు చిత్రం ట్రైలర్ రిలీజ్ అయినప్పటి నుంచే ఎన్నో ట్రోల్స్ కి గురైంది. సినిమా పోస్టర్స్ చూసి మహర్షి సినిమా గుర్తొస్తోంది అన్నారు. ఆ తర్వాత వచ్చిన ట్రైలర్ చూసి మహర్షి సినిమా మాత్రమే కాదు. ఇంకా చాలా తెలుగు సినిమాలు గుర్తొస్తున్నాయి అంటూ ట్రోల్స్ చేసారు నెటిజన్లు.

అదే విధంగా మూవీ రిలీజ్ అయ్యాక.. సూపర్ హిట్ అయినా కూడా ట్రోల్స్ అలాగే కొనసాగాయి. అంత పెద్ద స్టార్ హీరో ని పెట్టుకొని డైలీ సీరియల్ తీసారేంటని దర్శకుడిపై ట్రోల్స్ వెల్లువెత్తాయి. అయితే తాజాగా ఈ చిత్రం లోని ఒక డైలాగ్ ని కూడా వేరే మూవీ నుంచి కాపీ చేసారంటూ ట్రోల్ చేస్తున్నారు నెటిజన్లు. వారసుడు మూవీ లో హీరో ఒక సీన్ లో వాళ్ళిద్దరి అన్నలతో మాట్లాడే సమయం లో..” అడ్డంగా బలిసిన పిల్లి.. పులి ముందుకి వచ్చి అరబిక్ కుతూ ఆడింది అంట..” అంటాడు. ఈ డైలాగ్ ఎక్కడో చూసినట్టు ఉంది కదా అంటూ కామెంట్స్ చేస్తున్నారు నెటిజన్లు.

శ్రీను వైట్ల, మహేష్ బాబు కాంబినేషన్ లో వచ్చిన ‘ఆగడు’ చిత్రానికి యావరేజ్ రిజల్ట్ వచ్చింది. ఈ మూవీ లో ఓ హీరో, విలన్, చిన్న లవ్ స్టోరీ, మధ్యలో బుల్లి రివేంజ్, దానికి తగ్గ సెంటిమెంట్ పెట్టుకుని శ్రీను వైట్ల కామెడీకే పూర్తి స్ధానం ఇస్తూ చెలరేగిపోయాడు. ఈ మూవీ లో కూడా మహేష్ విలన్స్ తో..” డిక్కీ బలిసిన కోడి.. చికెన్ షాప్ ముందుకి వచ్చి తొడకొట్టిందట..” అని అంటాడు. దాంతో వంశి పైడిపల్లి అన్నా ఈ పంచ్ డైలాగ్ ను అక్క‌డ లేపావా అంటూ ట్రోల్ చేస్తున్నారు నెటిజన్లు.

హీరో కమల్ హాసన్  సినీ వారసురాలిగా ఇండస్ట్రీలోకి అడుగుపెట్టింది శ్రుతిహాసన్. అతికొద్ది కాలంలోనే హిందీ, తెలుగు, తమిళ చిత్రాల్లో నటించి స్టార్ హీరోయిన్  గుర్తింపు సంపాదించుకుంది. హీరోయిన్ గానే కాకుండా  సింగర్ గా, మ్యూజిక్ కంపోజర్ గా, డాన్సర్ గా శృతి కి మంచి గుర్తింపు ఉంది.మొదట అనగనగా ఒక ధీరుడు చిత్రంతో తెలుగు సినీ పరిశ్రమకు పరిచయమైది శృతిహాసన్.

హిందీ చిత్రాలతో పాటు, తెలుగులో మొదటి సినిమా అనగనగా ఓ ధీరుడు ప్లాప్ కావడంతో  ఐరన్ లెగ్ అనే ముద్ర కూడా వేసుకుంది. హరీష్ శంకర్ దర్శకత్వంలో పవర్ స్టార్ పవన్ కళ్యాణ్ నటించిన గబ్బర్ సింగ్ చిత్రంతో శృతి హాసన్ హిట్ ట్రాక్ లోకి వచ్చేసింది. ఈ చిత్రంతో అగ్రస్థాయి హీరోయిన్ లిస్ట్ లోకి చేరిపోయింది శృతిహాసన్. ఈ సక్సెస్ తో కమల్ హాసన్ కూతురు శృతి హాసన్ అని కాకుండా, శృతి కి తండ్రి కమల్ హాసన్ అనే రేంజ్ కి మారిపోయింది.

శృతిహాసన్ అడుగుపెట్టడంతో ఫ్లాపులతో సతమతమవుతున్న హీరోలకు సైతం సక్సెస్ అందుకున్నాయి.  శృతి హాసన్ తో కలిసి నటించి ఫ్లాప్ నుంచి బయటపడి హిట్ దారి పట్టిన మన టాలీవుడ్ స్టార్స్ ఎవరో చూసేద్దాం రండి..

#1. పవన్ కళ్యాణ్ :

కొమరం పులి, తీన్మార్, పంజా ఈ మూడు చిత్రాలతో ప్లాప్స్ అందుకున్నాడు పవర్ స్టార్  పవన్ కళ్యాణ్. తర్వాత శృతి హాసన్ తో కలిసి నటించిన గబ్బర్ సింగ్ ఆల్ టైం బ్లాక్ బస్టర్ హిట్ గా నిలిచింది.

#2. మహేష్ బాబు :

నేనొక్కడినే, ఆగడు చిత్రాలు ఫ్లాప్. ఆ తర్వాత శృతి హాసన్ తో నటించిన శ్రీమంతుడు తో హిట్ అందుకున్నాడు మహేష్ బాబు.

#3. రామ్ చరణ్ :

తుఫాన్ సినిమాతో డిజాస్టర్ ని అందుకున్న రామ్ చరణ్, శృతి హాసన్ తో కలిసి నటించిన ఎవడు సినిమాతో హిట్ అందుకున్నారు.

#4. అల్లు అర్జున్ :

ఇద్దరమ్మాయిలు ప్లాప్. రేసుగుర్రం బ్లాక్ బాస్టర్.

#5. రవితేజ :

దరువు, నిప్పు, వీర ప్లాప్స్ అందుకున్న రవితేజ తర్వాత శృతి హాసన్ తో నటించిన బలుపు చిత్రంతో హిట్ ను సాధించారు.

#6. పవన్ కళ్యాణ్ :

సర్దార్ గబ్బర్ సింగ్, కాటమరాయుడు, అజ్ఞాతవాసి వంటి చిత్రాలు ఫ్లాప్స్. శృతి హాసన్ తో నటించిన వకీల్  సాహెబ్ చిత్రం హిట్.

#7. నాగ చైతన్య :

ఆటో నగర్ సూర్య, దోచేయ్ ప్లాప్స్.  ఆతర్వాత శృతిహాసన్ నటించిన ప్రేమమ్ హిట్.

#8. అజిత్ :

ఎంతవాడు కానీ ఈ చిత్రం ప్లాప్ అందుకున్న అజిత్ ఆ తర్వాత శృతి హాసన్ తో నటించిన వేదాళం చిత్రంతో హిట్ ను అందుకున్నాడు.

#9. విశాల్ :

పందెం కోడి చిత్రం తర్వాత తెలుగులో వచ్చిన విశాల్ చిత్రాలు ఫ్లాప్ ని అందుకున్నాయి. ఆ తర్వాత శృతి తో కలిసి నటించిన పూజ చిత్రంతో సక్సెస్ బాటపట్టాడు విశాల్.

#10. రవితేజ :

అమర్ అక్బర్ ఆంటోని, డిస్కో రాజా చిత్రాలతో ప్లాప్స్ అందుకున్న రవితేజ, ఆ తర్వాత  శృతి హాసన్ తో నటించిన క్రాక్ సినిమాతో బ్లాక్ బస్టర్ హిట్ ను అందుకున్నాడు.

మనం చిన్నప్పటి నుండి వింటున్న మాట ఒకటి ఉంది.. అదేంటంటే..” మనుషులు పోలిన మనుషులు ఏడుగురు ఉంటారు ” అని. కానీ మనలాంటి వాళ్ళని మనం కనుక్కోవడం చాలా కష్టం.. కానీ మన స్టార్ సెలెబ్రెటీల లాగ ఉండేవారిని అయితే మనం ఈజీ గా గుర్తిస్తాం. అటువంటి వాళ్ళు సోషల్ మీడియా లో కూడా ఈజీగా ఫేమ్ సంపాదించడం మనం ఈ మధ్య చూస్తున్నాం.

అయితే స్టార్ సెలెబ్రెటీల లాగే ఉండే మరో సెలెబ్రెటీ లు ఎవరో ఇప్పుడు తెలుసుకుందాం..

#1 అమితాబ్ బచ్చన్ – సోనూ సూద్

మన బాలీవుడ్ మెగాస్టార్ అమితాబ్ బచ్చన్ గురించి మనం కొత్తగా తెలుసుకోవాల్సింది లేదా. కానీ ఈయన లాగే ఉండే మరో నటుడు ఎవరో తెలుసా.. అతనేనండీ మన పశుపతి.. అదే సోనూ సూద్. బిగ్ బి యంగ్ ఏజ్ లో ఉన్నప్పుడు ఎలా ఉండేవారో ఇప్పుడు సోనూ సూద్ కూడా అలాగే ఉంటారు.

#2 రామ్ చరణ్ – యష్

మెగా పవర్ స్టార్ రామ్ చరణ్, కేజీఎఫ్ లో హీరో అయినా కన్నడ నటుడు యష్ కొన్ని యాంగిల్స్ లో ఒకేలా ఉంటారు.

#3 ధనుష్ – ప్రదీప్ రంగనాథన్

కోలీవుడ్ స్టార్ హీరో ధనుష్, ఇటీవల లవ్ టుడే తో ప్రేక్షకులను అలరించిన నటుడు, దర్శకుడు ప్రదీప్ రంగనాథన్ కొంచెం ఒకేలా ఉంటారు.

#4 విజయ్ – విక్రాంత్ – జై

కోలీవుడ్ స్టార్ హీరో విజయ్, అతడి కజిన్ విక్రాంత్ కొంచెం ఒకేలా ఉంటారు. అలాగే రాజా రాణి లో ఒక హీరో గా నటించిన జై కూడా చూడటానికి విజయ్ లనే ఉంటాడు.

#5 నాని – శివ కార్తికేయన్

నాచురల్ స్టార్ నాని, అలాగే కోలీవుడ్ హీరో శివ కార్తికేయన్ కూడా చూడటానికి ఒకేలా కనిపిస్తారు. అలాగే వారిద్దరి కామెడీ టైమింగ్ కూడా ఒకేలా ఉంటుంది.

#6 మహేష్ బాబు – ప్రిన్స్

మన టాలీవుడ్ సూపర్ స్టార్ మహేష్ బాబు లానే ఉంటాడు మరో తెలుగు నటుడు ప్రిన్స్. పలు చిన్న చిత్రాల్లో హీరోగా నటించిన ప్రిన్స్ కొన్ని యాంగిల్స్ లో మహేష్ లానే ఉంటాడు.

#7 రామ్ – అరుణ్ అదిత్

ఎనర్జిటిక్ స్టార్ రామ్, అలాగే యువ నటుడు అరుణ్ అదిత్ కూడా చూడటానికి ఒకేలా ఉంటారు.

#8 షారుఖ్ ఖాన్ – నిఖిల్ ద్వివేది

బాలీవుడ్ బాద్షా షారుఖ్ లాగే మరో హీరో నిఖిల్ ద్వివేది ఉంటారు.

#9 ఆమిర్ ఖాన్ – టామ్ హాంక్స్

మిస్టర్ పెర్ఫెక్షనిస్ట్ ఆమిర్ ఖాన్, హాలీవుడ్ హీరో టామ్ హాంక్స్ ఒకేలా ఉంటారు.

పరుచూరి మురళి దర్శకత్వంలో, సుమంత్ ఆర్ట్ ప్రొడక్షన్స్ బ్యానర్ మీద ఎమ్.ఎస్.రాజు నిర్మించిన చిత్రం ‘నీ స్నేహం’. యూత్ ఫుల్ ఎంటర్‌టైనర్‌గా తెరకెక్కిన ‘నీ స్నేహం’ లో ఉదయ్ కిరణ్, ఆర్తి అగర్వాల్ జంటగా నటించగా.. ‘కళాతపస్వి’ కె.విశ్వనాథ్, హీరోయిన్ తాత పాత్రలో నటించారు. ఈ సినిమా భారీ అంచనాల మధ్య 2002 నవంబర్ 1న విడుదల అయింది. మొదటి రోజు ఈ సినిమాకు భారీ ఓపెనింగ్స్ వచ్చాయి. కానీ ఈ సినిమా ప్రేక్షకులను ఆకట్టుకోకపోవడంతో ఆ తర్వాత క్రమక్రమంగా కలెక్షన్లు తగ్గాయి. దాంతో ఈ సినిమా యావరేజ్ గా నిలిచింది.

స్నేహం, ప్రేమ అనే రెండు విడదీయలేని ఈ బంధాల్నే కథాంశంగా రూపొందిన రొమాంటిక్ అండ్ ఎమోషనల్ ఎంటర్‌టైనర్ యూత్‌కి బాగా నచ్చింది.. ఉదయ్ తన నేచురల్ పర్ఫార్మెన్స్‌తో ఆకట్టుకున్నాడు. ముఖ్యంగా ఎమోషనల్ సీన్స్‌లో జీవించేశాడు. ఆర్.పి. పట్నాయక్ మ్యూజిక్ సినిమాకి పెద్ద ఎస్సెట్.. సాంగ్స్, బ్యాగ్రౌండ్ స్కోర్ ఆకట్టుకుంటాయి.. ఈ మూవీలోని పాటలన్నిటినీ సిరివెన్నెల రాయడం విశేషం. ఈ చిత్రం లో ప్రతి పాట సూపర్ హిట్ అయ్యింది. అప్పట్లో ఎక్కడ చూసినా ఈ పాటలే వినిపించేవి. తాజాగా ఈ చిత్రం విడుదల అయ్యి ఇరవై ఏళ్ళు పూర్తి అయ్యింది.

ఈ చిత్రం లో ఉదయ్ స్నేహితుడిగా జతిన్ కనిపించాడు. అతడు హిందీ నటుడు కావడంతో.. తెలుగు ప్రేక్షకులకు పరిచయం లేకపోవడంతో సినిమాకు మైనస్ అయింది. ముంబై లో పుట్టిన జతిన్ మొదట మోడల్ గా పని చేసి గుర్తింపు తెచ్చుకున్నారు. ఆ తర్వాత పలు ప్రైవేట్ ఆల్బమ్స్, హిందీ చిత్రాల్లో నటించి గుర్తింపు తెచ్చుకున్నారు. టీవీ కార్యక్రమాల్లో కూడా ఆయన నటించారు.

హిందీ తో పాటు పలు పంజాబీ చిత్రాల్లో కూడా ఆయన నటించారు. ఇక హిందీ లో కొన్ని చిత్రాలు చేసిన జతిన్.. తెలుగులో నీ స్నేహం చిత్రం తర్వాత మరో చిత్రం లో కనిపించలేదు. ఆయన ప్రస్తుతం అమెరికా లోని, కాలిఫోర్నియా లో జీవిస్తున్నారు. ప్రస్తుతం సినిమాలకు దూరంగా ఉన్న ఆయన.. కరోలినా గ్రేవాల్ అనే విదేశీ మహిళని 2010 లో వివాహం చేసుకున్నారు. ఈ జంటకి ఇద్దరు బిడ్డలు.

కాలం ఎప్పుడు ఎలా మారుతుందో తెలీదు. నిన్నటి వరకు మనతో ఉన్న వ్యక్తి భవిష్యత్తు లో మనతోనే ఉంటారో లేదో చెప్పలేం. సినిమా సెలబ్రిటీలు మనకి వ్యక్తిగతంగా పరిచయం ఉండరు.

అయినా సరే వాళ్లు ఈ ప్రపంచాన్ని విడిచి వెళ్ళిపోయినప్పుడు ఎవరో మన సొంత వాళ్ళు మనకి దూరం అయినట్టు అనిపిస్తుంది.

ఎంతో మంది సినీ తారలు ఆరోగ్యం బాగా లేకపోవడం వలన, లేదా చెడు అలవాట్ల వలన లేదా ప్రమాదాల వల్ల ఈ లోకాన్ని విడిచి వెళ్లిపోయారు. వాళ్ళలో కొంతమంది యుక్తవయసులోనే తుది శ్వాస విడిచారు. అలా చిన్న వయసులో చనిపోయిన నటులలో కొంతమంది వీళ్లు.

#1 సావిత్రి (1936 – 1981) – 45 సంవత్సరాలు

కొన్ని అలవాట్ల కారణంగా సావిత్రి గారికి ఆరోగ్యం దెబ్బతింది. అనారోగ్యంతో ఆస్పత్రిలో చేరిన సావిత్రి గారు కోమాలోకి వెళ్లిపోయారు. కోమాలో ఏడాదిపాటు ఉన్న సావిత్రి గారు ఒకరోజు ఈ లోకాన్ని విడిచి పెట్టి వెళ్ళిపోయారు.

#2 కునాల్ (1977–2008) – 30 సంవత్సరాలు

కునాల్ ప్రేమికుల రోజు సినిమా తో అందరికీ చేరువయ్యారు. తర్వాత కొన్ని సినిమాలు చేశారు కానీ అవి ఆశించిన ఫలితాన్ని ఇవ్వలేదు. ఆర్థిక ఇబ్బందులు, వ్యక్తిగత జీవితంలో కూడా కొన్ని సమస్యలు రావడంతో ఆత్మహత్య చేసుకొని చనిపోయారు.

#3 భార్గవి (1983–2008) – 25 సంవత్సరాలు

అష్టా చెమ్మా సినిమాలో నానికి చెల్లెలిగా నటించారు భార్గవి. వాళ్ల ప్రేమను ఇంట్లో ఒప్పుకోలేదు అని భార్గవి తన బాయ్ ఫ్రెండ్ కలిసి ఆత్మహత్య చేసుకుని చనిపోదామని అనుకున్నారు. అలా ఆత్మహత్య చేసుకుని చనిపోయారు భార్గవి.

#4 విజయ్ సాయి – 38 సంవత్సరాలు

అమ్మాయిలు అబ్బాయిలు ఇంకా ఎన్నో సినిమాల్లో నటించిన విజయ్ సాయి సమస్యల కారణంగా ఒకరోజు తన ఇంట్లో ఆత్మహత్య చేసుకున్నారు.

#5 యశో సాగర్ – 

ఉల్లాసంగా ఉత్సాహంగా సినిమా తో ఇండస్ట్రీ లోకి అడుగుపెట్టిన యశోసాగర్, 2012 లో తదుపరి సినిమా షూటింగ్ కి వెళ్తుండగా కారు ప్రమాదంలో మరణించారు.

#6 సౌందర్య (1972–2004) – 31 సంవత్సరాలు

సావిత్రి తర్వాత అంత సహజంగా నటించగలరు అనే పేరు తెచ్చుకున్న నటి సౌందర్య. ఎన్నికల అప్పుడు ఒక రాజకీయ పార్టీకి తన వంతు మద్దతు గా ప్రచారం చేయడానికి వెళ్ళిన సౌందర్య హెలికాప్టర్ ప్రమాదంలో మరణించారు. సౌందర్య తో పాటు వెళ్ళిన తన అన్న కూడా చివరి శ్వాస విడిచారు.

#7 ప్రత్యూష (1981–2002) – 20 సంవత్సరాలు

శ్రీ రాములయ్య, స్నేహం అంటే ఇదేరా, కలుసుకోవాలని సినిమాల్లో నటించిన ప్రత్యూష వ్యక్తిగత సమస్యల కారణంగా ఆత్మహత్య చేసుకున్నారు. కానీ ప్రత్యూష తల్లి మాత్రం తన కూతురు ఆత్మహత్య కాదు హత్య అని అంటున్నారు. ఇందులో ఏది నిజం అనేది ఇప్పటికీ ఎవరికీ తెలీదు.

#8 ఉదయ్ కిరణ్ (1980–2014) – 33 సంవత్సరాలు

ఎటువంటి బ్యాక్ గ్రౌండ్ లేకుండా ఇండస్ట్రీలో అడుగు పెట్టి తర్వాత కష్టపడి స్టార్ గా ఎదిగిన వారిలో ఉదయ్ కిరణ్ ఒకరు. ఆర్థిక ఇబ్బందుల కారణంగా డిప్రెషన్లోకి వెళ్లిన ఉదయ్ కిరణ్ ఒకరోజు ఇంట్లో ఎవరూ లేనప్పుడు ఉరి వేసుకొని చనిపోయారు.

#9 జియాఖాన్

నిశ్శబ్ద్, గజినీ (హిందీ), హౌస్ ఫుల్ సినిమాల్లో నటించారు జియాఖాన్. ప్రేమించిన వ్యక్తి తో గొడవల కారణంగా మనస్తాపానికి గురైన జియాఖాన్ ఆత్మహత్య చేసుకున్నారు.

#10 సుశాంత్ సింగ్ రాజ్ పుత్ – 34 సంవత్సరాలు

కొద్దికాలంగా డిప్రెషన్ తో బాధపడుతున్న సుశాంత్, జూన్ 14 2020 న తన నివాసంలో ఉరివేసుకొని ఆత్మహత్య చేసుకున్నారు. సుశాంత్ ఆత్మహత్య వెనక ఎన్నో కారణాలు వినిపిస్తున్నాయి. కానీ పోలీసులు దర్యాప్తు చేస్తున్నారు కాబట్టి ఏది నిజమో తెలియడానికి సమయం పడుతుంది.

#11 దివ్యభారతి (1974–1993) – 19 సంవత్సరాలు

చిన్న వయసులోనే ఇండస్ట్రీలో అడుగు పెట్టిన దివ్యభారతి కొద్ది కాలంలోనే ఎంతో మంచి నటిగా పేరు తెచ్చుకుంది. ఒకరోజు పై అంతస్తులో ఉన్న తన నివాసంలో బాల్కనీ లో ఉన్నప్పుడు ప్రమాదవశాత్తు కాలుజారి కిందపడి చనిపోయారు. అప్పటికి దివ్యభారతి వయసు 19 సంవత్సరాలు.

#12 సిల్క్ స్మిత (1960–1996) – 35 సంవత్సరాలు

అప్పట్లో స్పెషల్ సాంగ్స్ అంటే అందులో కచ్చితంగా సిల్క్ స్మిత ఉండేవారు. ఎన్నో పాటలు లో హీరోలకు దీటుగా డాన్స్ చేసే వారు సిల్క్ స్మిత. అలాగే కొన్ని సినిమాల్లో కూడా ముఖ్య పాత్రలు పోషించారు. మేకప్ ఆర్టిస్ట్ గా తన కెరీర్ మొదలుపెట్టి తర్వాత ఇండస్ట్రీలో ఎప్పటికీ గుర్తుండిపోయే అంత పేరు సంపాదించారు. వ్యక్తిగత సమస్యల కారణంగా ఉరి వేసుకుని చనిపోయారు. కానీ ఆమె చనిపోవడానికి ఎన్నో రకాల కారణాలు వినిపించాయి. అసలు ఆమె ఆత్మహత్యకు గల కారణం ఏంటో ఇప్పటికీ మిస్టరీగానే ఉండిపోయింది.

#13 ఆర్తి అగర్వాల్ (1984–2015) – 31 సంవత్సరాలు

ఎన్నో సంవత్సరాల పాటు ఇండస్ట్రీలో టాప్ హీరోయిన్ల జాబితాలో ఉన్నారు ఆర్తీఅగర్వాల్. మధ్యలో పెళ్లి చేసుకుని సినిమాలకు దూరంగా ఉన్నారు. తర్వాత కొంతకాలానికి సెకండ్ ఇన్నింగ్స్ కూడా మొదలు పెట్టారు. లైపోసెక్షన్ ఆపరేషన్ జరిగినప్పుడు అనారోగ్య సమస్యల కారణంగా మరణించారు.

వీళ్లే కాకుండా సుత్తి వీరభద్ర రావు, రాజబాబు, ఫటాఫట్ జయలక్ష్మి, శ్రీహరి, రఘువరన్,ఇష్టం సినిమా లో హీరో గా నటించిన చరణ్ ఇంకా ఎంతోమంది చిన్న వయస్సులో ఉన్నప్పుడే చనిపోయారు. అందులో కొంతమంది చనిపోవడానికి గల కారణాలు అందరికీ తెలిస్తే మరి కొంతమంది చనిపోవడానికి గల కారణాలు మాత్రం మిస్టరీగా మిగిలిపోయాయి.