Filmy Adda

డిఫరెంట్ కథలని ఎంచుకుంటూ, కేవలం మంచి నటుడిగా మాత్రమే కాకుండా మంచి కథా రచయితగా కూడా పేరు తెచ్చుకున్న హీరో అడివి శేష్. ఎన్నో సినిమాల్లో ముఖ్యమైన పాత్రల్లో, అలాగే గూడచారి, క్షణం, ఎవరు, మేజర్ వంటి సినిమాల్లో హీరోగా కూడా నటించారు. ఈ సినిమాలన్నీ కూడా పెద్ద హిట్ అయ్యాయి.

కేవలం తెలుగులో మాత్రమే కాకుండా ఇతర భాషల్లో కూడా ఈ సినిమాలకు చాలా మంచి స్పందన వచ్చింది. ఇప్పుడు గూడచారి సినిమా సీక్వెల్ కూడా వస్తోంది. ఇదిలా ఉండగా అడివి శేష్ నాని ప్రొడక్షన్ లో హిట్ సీక్వెల్ అయిన హిట్-2 లో నటించారు. ఈ సినిమాకి శైలేష్ కొలను దర్శకత్వం వహించారు. ఇందులో మీనాక్షి చౌదరి హీరోయిన్ గా నటించారు. ఈ సినిమా టీజర్ ఇటీవల విడుదల అయ్యింది.

మొదటి పార్ట్ లాగానే ఇది కూడా ఒక సస్పెన్స్ థ్రిల్లర్ అని అర్థం అవుతోంది. ఇదిలా ఉండగా ఈ టీజర్ యూట్యూబ్ నుండి డిలీట్ అయ్యింది. ఈ సినిమా టీజర్ చూడాలంటే యూట్యూబ్ కొన్ని కండిషన్స్ పెట్టింది. ఈ సినిమా టీజర్ చూడాలి అంటే వయసు 18 సంవత్సరాలు ఉండాలి అని, అది ప్రూవ్ చేసుకుంటేనే టీజర్ చూసే అవకాశం ఉంది అని కండిషన్ పెట్టింది. ఈ విషయంపై అడివి శేష్ మాట్లాడుతూ, “టీజర్ చూసిన తర్వాత తాను ఇలా అవుతుంది అని ఊహించాను” అని చెప్పారు. “అందుకే మేము కూడా ట్వీట్ లో కేవలం 18 సంవత్సరాలు పైబడిన వాళ్లు మాత్రమే ఈ సినిమా టీజర్ చూడాలి అని ప్రత్యేకంగా చెప్పాం” అని అన్నారు.

సమంత హీరోయిన్ గా రాబోతున్న సినిమా యశోద. ఈ సినిమాకి హరి-హరీష్ దర్శకత్వం వహించారు. ఈ సినిమాలో సమంత గర్భవతి పాత్రలో నటించారు. సమంత ఒక ఛాలెంజింగ్ పాత్ర పోషించారు అని ట్రైలర్ చూస్తే అర్థం అవుతోంది. ఈ సినిమా పాన్-ఇండియన్ సినిమాగా విడుదల అవుతోంది. ఇందులో ఉన్ని ముకుందన్ హీరోగా నటించారు.

అలాగే వరలక్ష్మి శరత్ కుమార్, రావు రమేష్, శత్రు, మురళీ శర్మ, శత్రు ఇంకా ఎంతోమంది ముఖ్య పాత్రల్లో నటించారు. ఈ సినిమాకి మణిశర్మ సంగీత దర్శకత్వం వహించారు. ఈ సినిమా సెన్సార్ ఇటీవల పూర్తి చేసుకుంది. సినిమా సెన్సార్ షో చూసిన సెన్సార్ సభ్యులు సినిమా చాలా బాగుంది అంటూ రివ్యూ ఇచ్చారు సమాచారం.

అయితే సినిమా ప్రమోషన్స్ లో భాగంగా దర్శకులు మీడియాతో మాట్లాడారు. “సమంతతో పనిచేయడం ఎలా ఉంది?” అని అడిగిన ప్రశ్నకు, సమంత చాలా హార్డ్ వర్కింగ్ అని, అసలు గ్లిజరిన్ కూడా వాడరు అని, దర్శకులు ఎలాంటి నటన కోరుకుంటారో అలాగే నటిస్తారు అని అన్నారు. అలాగే తన హెల్త్ కండిషన్ గురించి అసలు ఏమీ చెప్పలేదు అని, మీకు ఓకేనా? లేదా ఇంకొక టేక్ చేద్దామా అని అడిగేవారు అని అన్నారు. ఇది కేవలం పాన్-ఇండియన్ సినిమా మాత్రమే కాదు అని పాన్-యూనివర్సల్ గా కూడా చాలా కొత్త కాన్సెప్ట్ సినిమా అని దర్శకుడు అన్నారు. నిజ జీవిత సంఘటనల ఆధారంగా ఈ కథని రాసుకొని డెవలప్ చేసాం అని చెప్పారు.

ఒక సంవత్సరం సినిమా ఇండస్ట్రీలో ఎంతో మంది పరిచయం అవుతుంటారు. వారిలో నటీ నటులు అలాగే టెక్నీషియన్స్ కూడా ఉంటారు. అలాగే ఒక సంవత్సరంలో ఎంత మంది హీరోయిన్స్ సినిమా ఇండస్ట్రీకి పరిచయం అవుతారు. వారిలో కొంత మంది మాత్రమే మొదటి సినిమాతో గుర్తింపు సంపాదించుకుంటారు.

అలా తన మొదటి సినిమాతోనే ప్రేక్షకులకి బాగా ఫేమస్ అయిన నటి శ్రీలీల. పెళ్లి సందడి ఈ సినిమాతో శ్రీలీల తెలుగు సినిమా ఇండస్ట్రీలో అడుగు పెట్టారు. ఇప్పుడు వరుస సినిమాలతో బిజీగా ఉన్నారు. నవీన్ పోలిశెట్టి హీరోగా నటిస్తున్న సినిమాలో హీరోయిన్ గా నటిస్తున్నారు.

అలాగే రవి తేజ హీరోగా నటిస్తున్న ధమాకా సినిమాలో కూడా శ్రీలీల హీరోయిన్ గా నటిస్తున్నారు. రామ్ పోతినేని-బోయపాటి శ్రీను కాంబినేషన్ లో వస్తున్న సినిమాలో కూడా శ్రీలీల హీరోయిన్ అంటూ ఇటీవల సినిమా బృందం ప్రకటించింది. ఇది మాత్రమే కాకుండా ఇంకా కొన్ని సినిమాల్లో శ్రీలీల నటిస్తున్నారు. డీజే టిల్లు సీక్వెల్ సినిమాలో మొదట శ్రీలీల నటించాల్సి ఉంది. తర్వాత కొన్ని కారణాల వల్ల ఈ సినిమా నుండి తప్పుకున్నారు అనే వార్తలు వచ్చాయి.

ఇప్పుడు శ్రీలీల పారితోషికం భారీగా పెంచేశారు అనే వార్త వినిపిస్తోంది. ఒక సినిమాకి కొన్ని కోట్ల రూపాయలు అడుగుతున్నారు అని అంటున్నారు. కొంత మంది, “ఆమె టాలెంటెడ్ నటి” అని, “అంత పారితోషకం ఇచ్చినా పర్వాలేదు” అంటే, కొంత మంది మాత్రం, “మొదటి సినిమాకి వచ్చిన పాపులారిటీతో ఇలా పారితోషకం పెంచితే అవకాశాలు రావడం కష్టం ఏమో” అని అంటున్నారు. కానీ శ్రీలీల మాత్రం వరుస సినిమాలతో దూసుకుపోతున్నారు.

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు.

బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు. అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు.

బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇక ఇదిలా ఉంటే సలార్ సినిమా షూటింగ్‌లో బిజీగా ఉన్నారు ప్రభాస్. అంతే కాకుండా నాగ్ అశ్విన్ దర్శకత్వంలో ప్రాజెక్ట్ కే సినిమాలో కూడా నటిస్తున్నారు. ఇవి మాత్రమే కాకుండా మారుతి దర్శకత్వంలో రాజా డీలక్స్ సినిమాలో కూడా ప్రభాస్ నటిస్తున్నారు. అయితే ప్రభాస్ ఈ సినిమాలన్నీ వరుసగా విడుదల చేయాలని నిర్ణయించుకున్నట్లు సమాచారం.

అందుకే విరామం లేకుండా ఈ మూడు సినిమాల షూటింగ్ వరుసగా చేస్తూనే ఉన్నారు. ఒక సినిమా షూటింగ్ చేస్తూనే మరొక సినిమా షూటింగ్ లో కూడా పాల్గొంటున్నారు. ఈ సినిమాలన్నీ ఎంత తొందరగా వీలైతే అంత తొందరగా విడుదల చేయాలి అనే సినిమా బృందం కూడా భావిస్తున్నారట. ఒకవేళ ఇదే నిజమైతే ఇంకా ప్రభాస్ ఫ్యాన్స్ కి వరుస సినిమాలతో పండగే అని అంటున్నారు. అంతే కాకుండా ప్రభాస్ నటించిన ఆదిపురుష్ సినిమా షూటింగ్ ఇటీవల పూర్తయ్యింది. ఈ సినిమాకి ఓం రౌత్ దర్శకత్వం వహించారు. ఇందులో కృతి సనన్ హీరోయిన్ గా నటించారు.

ప్రభాస్ హీరోగా నటించిన ఆదిపురుష్ సినిమా టీజర్ ఇటీవల విడుదల అయ్యింది. అయోధ్యలో ఈ సినిమా టీజర్ విడుదల చేశారు. తెలుగుతో పాటు, హిందీ, తమిళ్, మలయాళం, కన్నడ భాషల్లో కూడా ఈ టీజర్ విడుదల అయ్యింది. బాహుబలి తర్వాత నుండి ప్రభాస్ నటించిన అన్ని సినిమాలు కూడా తెలుగుతో పాటు మిగిలిన భాషల్లో విడుదల అవుతున్నాయి. ఇప్పుడు ఈ సినిమా కూడా అలాగే విడుదల అవుతోంది.

ఈ సినిమాకి ఓం రౌత్ దర్శకత్వం వహించారు. ఓం రౌత్ అంతకుముందు తానాజీ సినిమాకి దర్శకత్వం వహించారు. ఆ సినిమా హిందీలో చాలా పెద్ద హిట్ అయ్యింది. ఇందులో సీత పాత్రలో కృతి సనన్ నటిస్తున్నారు. లక్ష్మణుడి పాత్రలో సన్నీ సింగ్ నటిస్తున్నారు. టీజర్ లో ప్రభాస్ తో పాటు వీరు కూడా కనిపిస్తున్నారు. రాముడిగా ప్రభాస్ లుక్ చాలా బాగుంది అంటూ ప్రేక్షకులు అభినందిస్తున్నారు.

అయితే ఈ సినిమా విడుదల వాయిదా పడింది అంటూ సినిమా బృందం ఇటీవల ప్రకటించింది. దీని వెనుక కారణం ఏంటి అనేది ఎవరికీ అర్థం కాలేదు. కానీ దీని వెనుక కారణం ఇదే అంటూ ఒక వార్త మాత్రం వైరల్ అవుతోంది. అదేంటంటే సినిమా గ్రాఫిక్స్ విషయంలో ఇంకా కొంచెం జాగ్రత్త తీసుకోవాలి అనే సినిమా బృందం అనుకుంటున్నారు అని, అందుకే మళ్లీ గ్రాఫిక్స్ పని చేయాలి అని సినిమా వాయిదా వేశారు అని అంటున్నారు.

అంతే కాకుండా ఇప్పుడు ఈ గ్రాఫిక్స్ మళ్లీ చేయడానికి దాదాపు 100 కోట్ల వరకు ఖర్చు అవుతుంది అనే వార్తలు కూడా వస్తున్నాయి. కొంత మంది, “సినిమా విడుదల ఆలస్యం అయ్యింది” అని అనుకుంటూ ఉంటే, కొంత మంది మాత్రం, “సినిమా వాయిదా వేయడమే మంచిది అయ్యింది. ఇంకా కొంచెం జాగ్రత్తలు తీసుకుని విడుదల చేయడమే నయం. అప్పుడే హిట్ అవుతుంది” అని అంటున్నారు.

సాధారణంగా తెలుగు సినిమా ఇండస్ట్రీలో తెలుగులో రూపొందించిన సినిమాలకు ఎంత ఆదరణ ఉంటుందో, డబ్బింగ్ సినిమాలకు కూడా అంతే ఆదరణ ఉంటుంది. ఒక సినిమా నచ్చితే ఏ భాష సినిమా అయినా సరే తెలుగు ప్రజలు అలాగే ఆదరిస్తారు. అలా ఎన్నో డబ్బింగ్ సినిమాలు తెలుగులో విడుదల అవుతున్నాయి. బహుశా తెలుగులో విడుదల అయిన అన్ని డబ్బింగ్ సినిమాలు మిగిలిన సినిమా ఇండస్ట్రీల్లో విడుదల అవ్వవు ఏమో అన్నట్టు అనిపిస్తూ ఉంటుంది.

అంతే కాకుండా ఆ సినిమాల్లో నటించిన హీరోలని కూడా మన తెలుగు ప్రజలు తెలుగు హీరోలాగానే అనుకుంటారు. అలా ఎంతో మంది తమిళ్ హీరోలు తెలుగులో ఎంతో గుర్తింపు సంపాదించుకున్నారు. ఇప్పుడు తమిళం మాత్రమే కాకుండా ఇతర భాషలకు చెందిన సినిమాలు కూడా తెలుగులో డబ్ అవుతున్నాయి. అలాగే మన సినిమాలు కూడా వేరే భాషల్లోకి డబ్ అవుతున్నాయి.

అయితే ఇటీవల కన్నడ సినిమాలు కూడా తెలుగులో మంచి గుర్తింపు పొందుతున్నాయి. అలా ఇటీవల విడుదల అయ్యి తెలుగులో కూడా 100 కోట్లు సాధించిన సినిమా కాంతార. ఈ సినిమాలో రిషబ్ శెట్టి హీరోగా నటించారు. ఈ సినిమాలో నటించడం మాత్రమే కాకుండా సినిమాకి దర్శకత్వం కూడా వహించారు. కన్నడలో రూపొందిన ఈ సినిమా సౌత్ ఇండియన్ భాషలతో పాటు హిందీలో కూడా డబ్ అయ్యింది. భారతదేశ వ్యాప్తంగా ఈ సినిమా హిట్ గా నిలిచింది.

అయితే ఈ సినిమా గురించి ఇందులో హీరోగా నటించిన నటుడు, అలాగే ఈ సినిమాకి దర్శకత్వం వహించిన దర్శకుడు రిషబ్ శెట్టి మాట్లాడుతూ సినిమా హిట్ అయినందుకు ఆనందంగా ఉంది అని అన్నారు. కానీ ఒక సినిమా హిట్ అయినంత మాత్రాన తన చుట్టూ ఉన్న వాళ్ళు ఏమీ మారరు అని, తన కుటుంబం తన స్నేహితులు ముందు తనతో ఎలా ఉన్నారో అలాగే ఉన్నారు, అంతే సరదాగా మాట్లాడుతున్నారు అని అంటున్నారు.

ప్రముఖ సినీ నటి సమంత మయోసైటిస్ వ్యాధితో బాధపడుతున్న సంగతి తెలిసిందే. అయితే ఆమెకు మనో ధైర్యాన్ని ఇస్తూ అభిమానులు, సెలెబ్రిటీలు వరుసగా సోషల్ మీడియాలో పోస్ట్‌లు పెడుతున్నారు. ఆమె త్వరగా కోలుకోవాలని ప్రార్థిస్తున్నారు. అయితే తాజాగా ఓ ఇంటర్వ్యూలో తన అనారోగ్యంపై మాట్లాడిన సమంత భావోద్వేగానికి గురయ్యారు.

సమంత తన తాజా చిత్ర యశోద ప్రమోషన్‌లో భాగంగా పాల్గొన్న ఇంటర్వ్యూలో పలు ప్రశ్నలకు సమాధానమిచ్చారు. ‘‘నేను నా పోస్టులో చెప్పినట్టుగా కొన్ని రోజులు మంచిగా ఉంటాయి. కొన్ని రోజులు చెడుగా ఉంటాయి. ఒక్కొక్క రోజైతే ఇంకో అడుగు ముందుకు వేయలేనని అనిపిస్తోంది. కానీ కొన్నిసార్లు తిరిగి చూస్తుంటే ఇన్ని దాటేసి వచ్చానా? అనిపిస్తుంది’’ అని సమంత ఓ ప్రశ్నకు సమాధానంగా చెప్పారు. ఈ సమయంలో ఆమె భావోద్వేగానికి గురై కన్నీరు పెట్టుకున్నారు.

అయితే తన ఆరోగ్య పరిస్థితిని అందరికి చెప్పాల్సిన అవసరం ఆమెకు లేకపోయినా ఎందుకు చెప్పారంటూ యాంకర్ అడగ్గా.. ” నా జీవితం లో ప్రతి విషయం, గురించి నేను అభిమానులతో పంచుకున్నాను. నా బట్టలు, నా జీవన విధానం అన్నిటి గురించి పంచుకున్నాను. అలాగే నా జీవితం గురించి కూడా చెప్పా.. నా అనారోగ్యం గురించి అందరు తెలుసుకోవాలి. నా జీవితం రంగుల మయం గా ఉంది అని నేను వారికి తప్పుడు సమాచారాన్ని ఇవ్వలేను. ప్రతి ఒక్కరి జీవితం లో మంచి రోజులు, చెడు రోజులు ఉంటాయి. సెలెబ్రెటీలకు కూడా కష్టాలు ఉంటాయి అని అందరు తెలుసుకోవాలి అని నేను అనుకున్నాను.” అని సమంత వెల్లడించారు.

మయోసైటిస్ అనే వ్యాధి లక్షణాలు ఎలా ఉంటాయో.. భరించడం ఎంత కష్టమో మనం ఇప్పటికే తెలుసుకున్నాం. కనీసం లేచి నిల్చోవడం, నడవడం కూడా కష్టంగా మారుతుందట. ఎంతో అలసటగా ఉంటుందట. అలా సమంత ఇప్పుడు ఈ వ్యాధి కోసం చికిత్స తీసుకుంటోంది. అయినా కూడా తన యశోద సినిమా కోసం ప్రమోషన్స్ లో చురుగ్గా పాల్గొంటుంది సమంత.