Filmy Adda

పుష్ప 1 ది రైస్ బ్లాక్ బాస్టర్ హిట్ అవ్వడంతో పుష్ప 2 ది రూల్ కోసం అంత ఎదురు చూస్తున్నారు. అందుకు తగ్గట్టే సోషల్ మీడియాలో కూడా రకరకాల వార్తలు చక్కర్లు కొడుతున్నాయి. సుకుమార్ ఇంకా పుష్ప 2 షూటింగ్ స్టార్ట్ చేయలేదు కానీ కథ గురించి రకరకాల ప్రచారాలు మొదలైపోయాయి.

అందులో ప్రధానమైనది శ్రీవల్లి పాత్రకు సంబంధించిన ట్విస్టు. రెండో భాగంలో ఆ పాత్రను చంపేస్తారని, దానికి ప్రతీకారంగా ప్రీ క్లైమాక్స్ నుంచి పుష్ప రాజ్ విశ్వరూపం ఉంటుందని ఇలా ఏదేదో స్టోరీలు అల్లేస్తున్నారు.

అదే నిజమానుకొని కొంతమంది సోషల్ మీడియాలో వైరల్ చేయడం, రకరకాల మీమ్స్ రావడం జరిగి పోయింది. ఇదిలా ఉంటే పుష్ప 2 ది రూల్ సినిమా ఎక్కువగా అడవిలో ఉంటుందిట. పైగా పులి సీక్వెన్స్ అదిరిపోయేలా ఉంటుందిట.

నిజమైన పులితో షూటింగ్ చేస్తున్నట్టు తెలుస్తోంది. చిత్ర యూనిట్ అందుకోసమే థాయ్‌లాండ్‌ వెళ్లి షూట్ చేస్తున్నట్టు తెలుస్తోంది. థాయిలాండ్ వెళ్లి అక్కడ అడవిలో పులితో ఒక ఫైటింగ్ సీన్ తీస్తున్నట్టు టాక్. మరి ఆ పులి సీన్స్ లో బన్నీ ఉంటాడా లేదా అనే దానిపైన స్పష్టత లేదు.

పులి సీన్స్ ఒక పక్క తీస్తుంటే మరో పక్క అల్లు స్టూడియోలో సుకుమార్‌ బన్నీ సీన్స్ ని షూట్ చేయనున్నట్టు తెలుస్తోంది. అఫీషియల్‌ అనౌన్స్‌మెంట్‌ అయితే ఏమి రాలేదు. త్వరలో రావచ్చు అని అంటున్నారు. పైగా అల్లు స్టూడియోస్ షూటింగ్ చేసే ఫస్ట్ సినిమా ఇదే కావడం విశేషం. సుక్కు సార్ ఎక్కువగా హీరో, విలన్ క్లాష్ ని హై వోల్టేజ్ యాక్షన్ సీన్స్ తో ఎలా నింపాలనే డిస్కస్ చేస్తున్నారట. అలానే రాక్ స్టార్ దేవిశ్రీ ప్రసాద్ ట్యూన్స్ ఆల్రెడీ సిద్ధంగా ఉన్నాయట.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది. అందుకే ఆ తమిళ హీరోలు కూడా తెలుగులో సినిమాలు విడుదల చేయడంలో కూడా ప్రత్యేక శ్రద్ధ తీసుకుంటున్నారు.

వీరిలో కార్తీకి దాదాపు ఒక తెలుగు హీరోకి ఉన్నంత క్రేజ్ ఉంది. కార్తీ ఊపిరి తో డైరెక్ట్ తెలుగు సినిమాలో కూడా నటించారు. అంతే కాక కార్తీ తెలుగులో తన సినిమాలకి తానే డబ్బింగ్ చెప్పుకుంటారు. అయితే ఇప్పుడు కార్తీ మరొక తెలుగు సినిమాలో కూడా నటిస్తున్నట్టు సమాచారం. మహేష్ బాబు హీరోగా రాజమౌళి దర్శకత్వంలో రూపొందుతున్న సినిమాలో విలన్ పాత్ర కోసం కార్తీని సంప్రదించారట.

రాజమౌళి సినిమా కావడంతో కార్తీకి తన పాత్ర కూడా బాగా నచ్చడంతో ఈ సినిమాలో నటించడానికి ఒప్పుకున్నట్టు వార్తలు వస్తున్నాయి. మరి ఇందులో ఎంత వరకు నిజం ఉంది అనేది కూడా తెలియదు. ప్రస్తుతం మహేష్ బాబు త్రివిక్రమ్ సినిమా షూటింగ్ పనిలో ఉన్నారు. అలాగే ఒక పని మీద విదేశాలకి వెళ్లారు. వచ్చిన తర్వాత ఆ సినిమా షూటింగ్ కార్యక్రమాల్లో పాల్గొంటారు.

చాలా రోజులు ఎదురు చూసిన తర్వాత మెగాస్టార్ చిరంజీవి హీరోగా నటించిన గాడ్ ఫాదర్ సినిమా ఇటీవల థియేటర్లలో విడుదల అయ్యింది. చిరంజీవికి ఒక మంచి హిట్ వచ్చి చాలా కాలం అయ్యింది. కథ పరంగా, నటన పరంగా చిరంజీవి నటించిన సైరా నరసింహా రెడ్డి సినిమా చాలా కొత్తగా ఉన్నా కూడా సినిమా ఫలితం ఆశించిన విధంగా రాలేదు.

దాని తర్వాత వచ్చిన ఆచార్య సినిమా కూడా ప్రేక్షకులని నిరాశపరిచింది. దాంతో ఆశలన్నీ ఈ సినిమా మీదే ఉన్నాయి. ఈ సినిమా మలయాళం సినిమా లూసిఫర్ కి రీమేక్. కానీ తెలుగులో చాలా మార్పులు చేశారు.

ఆ మార్పులు కూడా చాలా వరకు తెలుగు ప్రేక్షకులకు నచ్చాయి. అయితే ఈ సినిమాలో చిరంజీవి ఎంట్రీ చాలా బాగుంది అని అంటున్నారు. అలానే ఈ సినిమాలో బీజీఎమ్ కూడా చాలా బాగుందంటూ అందరు మెచ్చుకుంటున్నారు. అయితే ఈ సినిమాలో సల్మాన్ ఖాన్ నటించిన సంగతి తెలిసిందే.

ఆ పాత్ర బాలీవుడ్ హీరో సల్మాన్ కాకుండా పవన్‌ కళ్యాన్‌ చేస్తే బాగుండేది అని అంతా అంటున్నారు. అయితే ఈ విషయం గురించి చిరు క్లారిటీని అయితే ఇచ్చేసారు. పవన్ కళ్యాణ్ ని చేయమంటే ఈ సినిమాలో పక్కా చేసేవాడని..

కానీ ఈ సినిమాని తెలుగులో మాత్రమే కాకుండా హిందీలో కూడా రిలీజ్ చేస్తున్నం కనుక సల్మాన్ అయితేనే బాగుంటుందని అంతా అనుకోవడంతో పవన్ ని అడగలేదట. లేదంటే పవన్ కళ్యాణ్ ని చేయమంటే ఈ సినిమాలో చేసేవాడని చిరు అడగకుండానే చెప్పేసారు.

ఇదిలా ఉంటే లూసిఫర్ సినిమాలో చాలా మంది పెద్ద పెద్ద స్టార్స్ ఉన్నా కూడా సినిమా అంతా బలమైన కథతో నడుస్తుంది. సినిమాకి కథ పెద్ద ప్లస్ పాయింట్. దాంతో ఈ సినిమా రీమేక్ ఆయిన గాడ్ ఫాదర్ లో కూడా మెయిన్ పాయింట్ లో పెద్దగా మార్పులు చేయలేదు. ఏదేమైనా ఈ సినిమా చిరంజీవిని 100 కోట్ల క్లబ్‌ లోకి ఎక్కించేసింది.

సినిమా హీరోలు చాలా మంది సినిమాల్లోకి రాకముందు ఒకలాగా, వచ్చిన తర్వాత ఒకలాగా ఉంటారు. అంటే, అంతకు ముందు లావుగా ఉండడం, సినిమాల్లోకి రావడానికి సన్నబడడం, ఇంకా నటనకు సంబంధించిన విషయాలు నేర్చుకోవడం, డాన్స్, ఫైట్స్ లాంటివి నేర్చుకోవడం చేస్తుంటారు.

కొంత మంది ఈ విషయాలన్నిటినీ చిన్నప్పటి నుంచే నేర్చుకుంటే, కొంత మంది మాత్రం సినిమాల్లోకి వచ్చే ముందు వీటిపై అవగాహన పెంచుకుంటారు.

అలా సినిమా ఇండస్ట్రీకి చెందిన కుటుంబం నుండి వచ్చిన కొంత మంది హీరోలు కూడా ఇండస్ట్రీలోకి వచ్చేముందు నటనకు సంబంధించిన విషయాలను తెలుసుకొని మేకోవర్ అయ్యారు. ఈ పైన ఫోటోలో ఉన్న వ్యక్తిని గమనించారా? ఇతను కూడా ఇటీవల ఒక సూపర్ హిట్ సినిమాతో ఇండస్ట్రీలో అడుగు పెట్టారు. ఆ హీరో రెండవ సినిమా కూడా ఇటీవల విడుదల అయ్యింది. ఈ పాటికే మీలో చాలా మందికి అతనెవరో తెలిసిపోయి ఉంటుంది. ఈ ఫోటోలో ఉన్నది ఉప్పెన సినిమాతో తెలుగు ఇండస్ట్రీలో హీరోగా అడుగుపెట్టిన పంజా వైష్ణవ్ తేజ్.

ఇది కొన్ని సంవత్సరాల క్రితం మెగా ఫ్యామిలీకి సంబంధించిన ఒక ఫంక్షన్ లో తీసిన ఫోటో. ఈ ఫోటో ప్రస్తుతం సోషల్ మీడియాలో వైరల్ అవుతోంది. అయితే, వైష్ణవ్ తేజ్ తన చిన్నతనంలోనే శంకర్ దాదా ఎంబీబీఎస్ సినిమాలో ఒక పాత్రలో నటించిన సంగతి మనందరికీ తెలిసిందే. తర్వాత వైష్ణవ్ హీరో అవ్వాలి అనుకోలేదు. కానీ ఇంట్లో వాళ్ళు ప్రోత్సహించడంతో వైష్ణవ్ ఉప్పెన సినిమాతో ఇండస్ట్రీలోకి అడుగు పెట్టారు. అయితే, ఉప్పెన సినిమా 2020 మొదట్లోనే విడుదలవ్వాల్సి ఉంది. కానీ కరోనా కారణంగా వాయిదా పడింది. మధ్యలో సినిమా డిజిటల్ రిలీజ్ అవుతుంది అనే వార్తలు కూడా వచ్చాయి.

ఎన్నో ఓటీటీ సంస్థలు సినిమా విడుదలకి పెద్ద మొత్తం ఇవ్వడానికి సిద్దపడ్డాయి. కానీ ఉప్పెన సినిమా బృందం మాత్రం ఆ అవకాశాలని తిరస్కరించింది. ఈ సినిమా కేవలం థియేటర్లలో విడుదల అవ్వాలి అని సినిమా బృందం గట్టిగా నిర్ణయించుకుంది. అనుకున్నట్టుగానే ఉప్పెన సినిమా థియేటర్లలో విడుదల అయ్యి సంచలన విజయం సాధించింది. మొదటి సినిమా అయినా కూడా హీరో హీరోయిన్లు చాలా బాగా చేశారు అని ఎంతోమంది మెచ్చుకున్నారు. హీరో హీరోయిన్లు, విజయ్ సేతుపతితో పాటు సినిమా బృందం మొత్తానికి చాలా మంచి పేరు వచ్చింది.వైష్ణవ్ ఇటీవల కొండ పొలం సినిమాతో ప్రేక్షకుల ముందుకు వచ్చారు. ఈ సినిమాకి క్రిష్ జాగర్లమూడి దర్శకత్వం వహించారు.

సీనియర్ ఎన్టీఆర్ కి ఎంత పేరు ఉందో మనకి తెలుసు. నటనతో ప్రత్యేకమైన ఇమేజ్ ని క్రియేట్ చేసుకున్నారు ఎన్టీఆర్. సినిమా పరిశ్రమలో ఎదురులేని నాయకుడిగా పేరు తెచ్చుకున్నారు. పౌరాణిక పాత్రల తో తెలుగు ప్రేక్షకులను మెప్పించారు ఎన్టీఆర్. నిజానికి అన్న గారి గురించి ఎంత చెప్పినా తక్కువే. అయితే ప్రతి ఒక్కరి జీవితంలో కూడా వివాహం అనేది ఎంతో మధురమైనది.

పెళ్ళితో రెండు జీవితాలు మాత్రమే కాదు రెండు కుటుంబాలు కూడా ఒకటి అవుతాయి. అలానే పెళ్లి తర్వాత ప్రతి దానిలో కూడా మార్పు వస్తుంది. అయితే పెళ్ళికి ముందు అందర్నీ ఆహ్వానించడానికి ఆనవాయితీగా మనం లగ్న పత్రికలని పంపుతాము. లగ్న పత్రిక ఇచ్చి వివాహానికి ఆహ్వానిస్తాము.

తాజాగా ఆనాటి పెళ్లి పత్రిక ఒకటి నెట్టింట వైరల్ అవుతోంది. అయితే ఆ శుభలేఖ ఎవరిదో కాదు. మన అన్న గారు ఎన్టీ రామారావు గారిది. ఎన్టీ రామారావు బసవతారకంల వివాహ ఆహ్వాన పత్రిక లో గ్రాంథిక భాష కనపడుతుంది. వీరి వివాహం కొమరవోలు అనే గ్రామంలో జరిగింది. ఈ పత్రికను గుడివాడ శ్రీ బాల సరస్వతి ప్రెస్ లో ముద్రించారు. ఎన్టీ రామారావు గారి వివాహం 22-4-1942 లో జరిగింది. 1985లో బసవతారకం గారు అనారోగ్యంతో మరణించిన సంగతి తెలిసిందే. అప్పుడు భార్య గుర్తుగా ఎన్ఠీఆర్ గారు క్యాన్సర్ ఆస్పత్రిని ఏర్పాటు చేశారు.

నాగార్జున హీరోగా వచ్చిన “సోగ్గాడే చిన్ని నాయనా” సినిమా ఓ రేంజ్ లో హిట్ అయింది. అటు ఫ్యామిలీ ఆడియెన్స్ ని… ఇటు మాస్ ఆడియెన్స్ ని ఆకట్టుకున్న సంగతి తెలిసిందే. అయితే.. ఈ సినిమా పార్ట్ 2 కూడా ఉంటుంది అని అప్పుడే ప్రకటించారు. అప్పటినుంచి సీక్వెల్ ఎలా ఉండబోతోందా? అని అందరిలోనూ ఉత్సుకత నెలకొంది.

ఈ సినిమా “బంగార్రాజు” పేరుతో విడుదల అయ్యింది. ఈ సినిమాలో నాగార్జునతో పాటు నాగ చైతన్య కూడా నటించారు. నాగ చైతన్య సరసన క్రితి శెట్టి నటించారు. చాలా రోజుల తర్వాత మళ్లీ నాగార్జున, నాగచైతన్య కలిసి నటించారు. ఈ సినిమా సంక్రాంతి కానుకగా విడుదల అయ్యింది.

ఈ సినిమాకి మంచి టాక్ వచ్చింది. పండగకి సరిపోయే సినిమా అని అందరూ అన్నారు. సినిమాలో చాలా మంది తెలిసిన నటీనటులు ఉన్నారు. నాగార్జున ఇందులో తండ్రి, కొడుకు పాత్రల్లో నటించారు. ఒక నాగార్జున పక్కన రమ్య కృష్ణ నటించారు. అలాగే సంపత్ కూడా ఈ సినిమాలో నెగటివ్ పాత్రలో నటించారు. నాగ చైతన్య నాగార్జున రమ్య కృష్ణ మనవడి పాత్రలో నటించారు. అంటే రాము, సీత కొడుకు ఈ చిన బంగార్రాజు.

దీని ప్రకారం రెండవ నాగార్జున పాత్ర అయిన రాము పక్కన నటించిన లావణ్య త్రిపాఠి, నాగ చైతన్యకి తల్లి అవుతుంది. నాగ చైతన్య, లావణ్య త్రిపాఠి అంతకుముందు యుద్ధం శరణం సినిమాలో హీరోహీరోయిన్లుగా నటించారు. ఆ సినిమాకంటే ముందు మనం సినిమాలో ఇద్దరు ఫ్రెండ్స్ గా కనిపిస్తారు. ఇలా లావణ్య త్రిపాఠి నాగ చైతన్యకి ఫ్రెండ్ గా, నాగ చైతన్య పక్కన హీరోయిన్ గా, అలాగే నాగ చైతన్య తల్లిగా కూడా నటించారు అన్నమాట. బంగార్రాజు సినిమా సంక్రాంతి కానుకగా జనవరి 14వ తేదిన విడుదల అయ్యింది. నాగ చైతన్య విక్రమ్ కె.కుమార్ దర్శకత్వంలో థాంక్యూ సినిమాలో నటించారు. ఈ సినిమాలో రాశి ఖన్నా హీరోయిన్ గా నటించారు. ఈ సినిమా షూటింగ్ ఇటీవలే విడుదల అయ్యింది. అలాగే నాగ చైతన్య నటిస్తున్న మరి కొన్ని సినిమాల వివరాలు కూడా తెలియాల్సి ఉంది.

అతిలోక సుందరి శ్రీదేవి కెరీర్ జర్నీ గురించి చెప్పాల్సిన పనిలేదు. బాల నటిగా తన ప్రయాణాన్ని మొదలు పెట్టి.. అన్ని భాషల్లోనూ నటించి ..ప్రేక్షకుల్ని అలరించి.. భారతీయ సినీ పరిశ్రమలోనే ఓ పేజీని లిఖించింది. ఎన్నో అవార్డులు..రివార్డులతోనూ అతిలోక సుందరి ఖ్యాతి ని ఆర్జించారు. దశాబ్ధాల పాటు సాగిన శ్రీదేవి ప్రయాణం ఎంతో ఆసక్తిరం..అద్భుతం.

కెరీర్ పీక్స్ లో ఉండగానే 1996లో బాలీవుడ్ నిర్మాత బోనీకపూర్ ని వివాహం చేసుకుని సినిమాలకు పుల్ స్టాప్ పెట్టారు. 15 సంవత్సరాలు కుటుంబానికే అంకితం చేసి.. తిరిగి 2012లో ఇంగ్లిష్ వింగ్లిష్ తో అభిమానుల ముందుకు వచ్చింది. అందులో ఇంగ్లీష్ రాని మహిళ పాత్రలో ఆద్యంతం ఆకట్టుకున్నారు.
తాజాగా ఆ సినిమా విడుదలై అక్టోబర్ 5కి దశాబ్దం పూర్తయింది. ఈ సందర్బంగా ‘ఇంగ్లీష్ ..వింగ్లీష్’ జ్ఞాపకాలు ఎప్పటికి పదిలమే అంటూ యూనిట్ ఆ సినిమాలో శ్రీదేవి ధరించిన చీరలు వేలం వేయడానికి రెడీ అయింది.

“ఆ సినిమా రిలీజ్ తర్వాత శ్రీదేవి నటనతో పాటు..ఆమె ధరించిన చీరలకి మంచి రెస్పాన్స్ వచ్చింది. దాంతో శ్రీదేవితో ఓ ఫ్యాషన్ షో ఏర్పాటు చేసి ఆ చీరల్ని వేలం వేయాలనుకున్నాం. కానీ ఆమె హఠాత్తుగా మరణించడంతో అది సాధ్యపడలేదు.

ఆ తర్వాత కొన్ని వ్యక్తిగత కారణాల వల్ల కొంత ఆలస్యం జరిగింది. తాజాగా ఈ సినిమా విడుదలై పదేళ్లు పూర్తయిన సందర్భంగా ఆ చీరల్ని వేలం వేయాలని నిర్ణయించాం. ఈ కార్యక్రమాన్ని ఆర్గనైజ్ చేసే ఎన్ జీవోలతో చర్చిస్తున్నాం. ఆ వేలంలో వచ్చిన డబ్బుతో ఇంగ్లీష్ వింగ్లీష్ సినిమా థీమ్ లాగా.. అమ్మాయిల చదువులకు ఖర్చు చేయాలని ప్లాన్ చేస్తున్నామని” చిత్ర దర్శకురాలు గౌరి షిండే అధికారికంగా ప్రకటించారు.

శ్రీదేవి చీర కట్టులో ఎంతో అందంగా కనిపిస్తారు. అన్ని భాషల్లోనూ శ్రీదేవి అందమైన నటిగా ఫేమస్ అవ్వడానికి ఆ చీరకట్టు ఓ కారణం. హీరోయిన్ గా నటిస్తోన్న క్రమంలో ఆమె చీరకట్టుకు ప్రత్యేక అభిమానులుండేవారు. శ్రీదేవి చీర పోస్టర్ గోడ మీద పడిందంటే అప్పటి యువతలో ఒకటే ఎగ్జైట్ మెంట్ కనిపించేది. ఎంతో మంది మహిళా అభిమానులు ఆమె చీర కట్టును అనుసరించేవారు.

‘ఇంగ్లీష్..వింగ్లీష్’ లో కూడా మరోసారి అదే చీరకట్టును హైలైట్ చేసారు. ఇప్పుడా అందాల నటి చీరల్ని వేలం వేయడం విశేషం. మరి వాటిని దక్కించుకునే అదృష్ట వంతులెవరో? తెలియాలంటే కొన్ని రోజులు ఆగాల్సిందే..