Filmy Adda

ఈ చిత్రాలలో నటించి సౌత్ ఇండియన్ లేడీ సూపర్ స్టార్ గా నయనతార మంచి గుర్తింపు తెచ్చుకుంది. డాన్స్ మాస్టర్  ప్రభుదేవాతో బ్రేకప్ తర్వాత తమిళ డైరెక్టర్ విఘ్నేష్ శివన్ ప్రేమలో పడి ఏడు సంవత్సరాలు రిలేషన్షిప్ లో ఉంది.

ఎట్టకేలకు తన 37 వ యేట ఈ జూన్ 9వ తేదీన విఘ్నేష్ శివన్ ను ప్రేమ వివాహం చేసుకుంది. విఘ్నేష్ సినిమాలోకి రాకముందు నుంచి నయనతారకి పెద్ద అభిమాని.

విఘ్నేష్ శివన్ డైరెక్టర్ మాత్రమే కాదు. పాటల రచయితగా తన కెరీర్ ని మొదలు పెట్టాడు. దాదాపు 50 పైగా పాటలకు రచయితగా వ్యవహరించాడు. ఈ విషయం చాలా మందికి తెలియకపోవచ్చు. విఘ్నేష్ శివన్ మొదటి సినిమా శింబు హీరోగా నటించిన పోడా పోడి. ఈ సినిమా తర్వాత నయనతార, విజయ్ సేతుపతి నటించిన నానుమ్ రౌడీ దాన్ సినిమాకి దర్శకత్వం వహించారు. ఈ సినిమాకి విఘ్నేష్ కి చాలా మంచి పేరు వచ్చింది. తర్వత సూర్య హీరోగా నటించిన గ్యాంగ్ సినిమాకి, అలానే ఇటీవల విడుదలైన కాత్తు వాక్కుల రెండు కాదల్ సినిమాకి దర్శకత్వం వహించారు.

అంతేకాదు విఘ్నేష్ సంగీత దర్శకుడిగా కూడా పలు మ్యూజిక్ ఆల్బమ్స్ ని డైరెక్ట్ చేశాడు. సినీ డైరెక్టర్ గానే కాదు డిస్ట్రిబ్యూటర్ గాను, సినీ నిర్మాతగానూ ఎన్నో చిత్రాలు చేశారు. మొత్తానికి నయనతార భర్త విఘ్నేష్ మల్టీటాలెంటెడ్ అని చెప్పవచ్చు. అయితే నయనతార భర్త విఘ్నేష్ ఒక చిత్రంలో బ్యాగ్రౌండ్ ఆర్టిస్ట్ గా పనిచేశారు. ఇంతకీ ఆ చిత్రం ఏంటి అనుకుంటున్నారా… ఈ చిత్రం మన తెలుగులో కూడా రిలీజ్ అయింది. 2015 లో యాక్షన్ అండ్ రొమాన్స్ ఎంటర్టైనర్ గా రూపొందిన వేలరాజ్ దర్శకత్వంలో ధనుష్ మరియు అమలా పాల్ నటించిన రఘువరన్ బీటెక్.

ఈ చిత్రానికి అనిరుధ్ సంగీత దర్శకత్వం వహించారు. రఘువరన్ బీటెక్ చిత్రంలో శరణ్య, వివేక్, సురభి, సముద్రఖని వంటి వారు ప్రధాన పాత్ర వహించారు. ఈ చిత్రంలోని ఒక సన్నివేశంలో బ్యాక్ గ్రౌండ్ ఆర్టిస్ట్ గా విఘ్నేష్ శివన్ కనిపిస్తారు. హీరోకి సహాయం చేయడానికి ఎంతోమంది ఎక్కడెక్కడినుంచో వస్తారు. వారిలో మొదటిగా వచ్చే వ్యక్తిగా విఘ్నేష్ శివన్ కనిపిస్తారు. అప్పటికీ విఘ్నేష్ శివన్ కేవలం ఒక్క సినిమాకి మాత్రమే దర్శకత్వం వహించారు. ఈ సినిమా తర్వాత ధనుష్ నిర్మాతగా వ్యవహరించిన నానుమ్ రౌడీ దాన్ సినిమాకి దర్శకత్వం వహించారు. ఈ సినిమా తెలుగులోనూ నేను రౌడీ నే పేరుతో విడుదల అయ్యింది.

మెగాస్టార్ చిరంజీవికి ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. కేవలం తెలుగు రాష్ట్రాల్లో మాత్రమే కాకుండా ఇతర రాష్ట్రాల్లో కూడా చిరంజీవికి చాలా మంది అభిమానులు ఉన్నారు. ఎంత మంది హీరోలు వచ్చినా కానీ చిరంజీవికి ఒక ప్రత్యేకమైన స్టైల్ ఉంటుంది. చిరంజీవి సినిమాల్లో మాత్రమే కాకుండా వ్యక్తిగత జీవితంలో కూడా చాలా మంచి పనులు చేస్తూ ఎంతో గుర్తింపు సంపాదించుకున్నారు.

చిరంజీవి గురించి కేవలం అభిమానులు, ప్రేక్షకులు మాత్రమే కాకుండా ఎంతో మంది సినీ ప్రముఖులు కూడా ఆయన వ్యక్తిత్వం గురించి చెప్పారు. అలాగే ప్రముఖ నటులు ఎల్.బి.శ్రీరామ్ కూడా చిరంజీవి నిజ జీవితంలో ఎలా ఉంటారు అనే ప్రశ్నకి సమాధానం ఇచ్చారు. ఈ ప్రశ్నని కోరాలో ఒక యూజర్ అడిగారు.

చిరంజీవి గురించి ఎల్.బి.శ్రీరామ్ గారు ఈ విధంగా చెప్పారు. “చిరంజీవి గారితో నాకు చాలా మధురానుభూతులు ఉన్నాయి. కొంత గ్యాప్ తర్వాత ఆయనకు వచ్చిన సూపర్ హిట్ “హిట్లర్”కు నేనే డైలాగ్ రైటర్‌ని. చిరంజీవి పాత్ర, తన పెద్ద చెల్లెలిని అత్తారింటికి పంపేప్పుడు సీన్ కొంత కొత్తదనంతో రాశాను. సామాన్యంగా ఆడపిల్లను అత్తారింటికి పంపేప్పుడు తల్లిదండ్రులు, అన్నగారు వీళ్ళకు డైలాగులు ఎక్కువ ఉంటాయి.

కానీ, ఇక్కడ రివర్స్ చేసి ఆ అమ్మాయికి డైలాగులు ఎక్కువ రాసి, చిరంజీవి గారికి ఒకటే డైలాగ్ రాశాను – “అమ్మా! మీ అన్నయ్య నీకేం పెట్టాడని ఎవరైనా అడిగితే, చిన్నప్పటి నుంచి ఎన్నో ఆశలు పెట్టాడని చెప్పు.. చివరికి ఎంతో కష్టం పెట్టాడని చెప్పు” అని. ఈ డైలాగులు చెప్పినప్పుడు చిరంజీవి గారు అద్భుతంగా రాశారు రైటర్ అని ఎంతగానో మెచ్చుకున్నారట. అట ఎందుకంటే ఆ సమయానికి నేను అక్కడ లేను.

సాయంత్రం షూటింగ్ అయిపోయి చిరంజీవి గారు వెళ్ళిపోయాకా మొత్తం క్రూ అంతా నన్ను అభినందనలతో ముంచెత్తి, ఆ టైంకి మీరు ఉంటేనా అని ఊరించేశారు.హిట్లర్ సినిమా విషయమై చిరంజీవి గారితో ఒక మాట అన్నాను. “జంధ్యాల గారు ఎప్పుడూ అంటూ ఉండేవారు. మాటల రచయితకు మాటలు రాయడం కష్టం కాదు రాయకపోవడం కష్టం. ఒలింపిక్స్ గేమ్‌లో కాళ్ళకు సంకెళ్ళు వేసి పరుగులు పెట్టాలని అన్నట్టుగా అయింది నా పని. చిరంజీవి గారికి డైలాగులు రాసే అవకాశం అనుకోగానే రీములు రీములు బ్రహ్మాండమైన డైలాగులు రాసేద్దాం అని ఒక రచయితగా ఉత్సాహం వచ్చేస్తుంది.

కానీ, ఇక్కడ చూస్తే మీది ఆచితూచి మాట్లాడే క్యారెక్టర్ డిజైన్ చేశారు. చాలా కంట్రోల్ చేసుకుని రాయాల్సి వచ్చిందండీ.” అని. “జంధ్యాల గారు ఎంతో బాగా చెప్పారు. నిజమే. మరి అదే కదా, రైటర్‌కి కానీ, యాక్టర్‌కి కానీ ఛాలెంజ్. ఛాలెంజ్‌లు తీసుకుని సక్సెస్ కావడమే కదా మనకు గొప్ప. మీరు బాగా రాశారు.” అన్నారు చిరంజీవి గారు. ఐదుగురు చెల్లెళ్ళకు అన్నయ్యగా బాధ్యతాయుతమైన, పవర్‌ఫుల్ పాత్ర. ఏ డైలాగ్ రాద్దామనుకున్నా “అంతొద్దు” అని కొట్టేసి, “ఇది చాలు” అని ఇంకో చిన్న డైలాగ్ రాస్తూ నాలో నేనే అనుకునేవాడిని.

ఇదేదో బావుందని “అంతొద్దు” – “ఇది చాలు” అన్నదే చిరంజీవి గారి మ్యానరిజంగా పెట్టాను. ఆయన చాలా బ్రహ్మాండంగా ఆ డైలాగులు చెప్పి, తూకంగా నటించి పండించారు. సినిమా విడుదలై, సూపర్ హిట్ అయ్యాకా చూసుకుంటే – ఒక గొప్ప నటుడికి, చక్కని ప్యాట్రన్‌లో, మంచి డైలాగులు రాసి విజయం పొందిన సంతృప్తి కలిగింది.
ఆ తర్వాత నేను నటుడిగా క్లిక్ అయిన సినిమా “చాలా బాగుంది”. ఈ సినిమాలో క్లిక్ అయ్యాకా, మా ఈవీవీ గారు పట్టుబట్టి నన్ను చిరంజీవి గారి దగ్గరకు తీసుకువెళ్ళారు.

చిరంజీవి గారు కూడా అప్పటికే సినిమా చూసి నా పాత్రను ఎంతగానో మెచ్చుకుని, నన్ను స్వయంగా అభినందిద్దామని ఆశిస్తున్నారట. అలా కలిసినప్పుడు ఆయన ఎంతో మెచ్చుకున్నారు. ఒక ఆసక్తికరమైన విషయం కూడా చెప్పారు. చాలా బాగుంది సినిమాలో నేను ఒక తమాషా పద్ధతిలో డైలాగులు చెప్పాను కదా. ఆయన ఇంట్లో సరదాగా, మంచి మూడ్‌లో ఉన్నప్పుడు ఆ డైలాగ్ డెలివరీ స్టైల్‌లో మాట్లాడుతూ నవ్వించేవారట.

మృగరాజు సినిమాలో నేను ఒళ్ళంతా రకరకాల పూసలు అవీ పెట్టుకుని ఒక తమాషా గెటప్‌తో పాత్ర వేశాను. షాట్‌గ్యాప్‌లో చిరంజీవి గారికి కొంచెం దూరంగా నేను కూర్చునేవాడిని. “కొంచెం దగ్గరకి వచ్చి కూచ్చోవచ్చు. అలా దూరంగా కూచోక్కరలేదు.” అని సరిగ్గా చాలాబాగుంది సినిమాలో నేను ఎలా చేసేవాడినో అలానే అనేవారు. “మిమ్మల్ని డిస్టర్బ్ చేసినట్టు అవుతుందని” నేను నసిగేవాడిని. ఆయన నవ్వేసేవారు. దగ్గరకి వచ్చి కూర్చున్నప్పుడు

“ఎల్బీ కొంచెం ఒళ్ళు చేసినట్టున్నావు” అన్నారు,

“ఒక తులం సార్” అంటే

“అది సక్సెస్ ఒళ్ళులే. మంచిదే.” అని అభినందించారు.

“స్టాలిన్” సినిమా క్లైమాక్స్‌లో ఎందరినో చిటికెన వేలితో లేపేయగల మెగాస్టార్ చిరంజీవి గారినే ఒక విషమ పరిస్థితిలో ఒక పాత్ర రక్షణ కల్పించాల్సి వస్తుంది. ఆ వ్యక్తి ఎవరై ఉండాలి, ఆ పాత్ర పోషించే ఆర్టిస్టుకి ఏ రకమైన ఇమేజ్ ఉండాలి అన్న తర్జనభర్జన జరిగింది. చివరికి ఆ పాత్రకు ఎల్బీ శ్రీరామ్ కరెక్టు అని చిరంజీవి గారు భావించారు. ఆ సినిమా దర్శకుడు తమిళుడు కదా, నన్ను “చాలా బాగుంది” సినిమాలో చూశారు. ఒక కమెడియన్ ఇలాంటి పాత్రను పోషిస్తే వర్కవుట్ అవుతుందా అని ఆయనకు సందేహం వచ్చి, చిరంజీవి గారికి అదే చెప్పారట.

“ఎల్బీ మంచి క్యారెక్టర్ ఆర్టిస్టు, మీరు అమ్మో ఒకటో తారీఖు ఒకసారి చూడండి. అప్పుడు డిసైడ్ చేద్దాం.” అని తను అమ్మో ఒకటో తారీఖు సినిమా సీడీ తెప్పించి, ఆయనకి ఇచ్చి అలా ఒప్పించి మరీ ఆ పాత్ర నాకు ఇచ్చారు. అంతటి గొప్ప హీరో, మెగాస్టార్ అలా నన్ను ఇమిటేట్ చేసి మరీ అభినందించడం, నా టాలెంట్ గమనించి పట్టుపట్టి ఈ క్యారెక్టర్ ఎల్బీనే న్యాయం చేస్తాడని ఇప్పించడం – ఇవన్నీ తలుచుకుంటే చాలా ఆనందం కలుగుతుంది. ఆయన సంస్కారం అలాంటిది.” అని ఎల్.బి.శ్రీరామ్ చెప్పారు.

sourced from : Quora

నటి శ్రీ దివ్య.. సీరియల్స్,మూవీస్ లో చైల్డ్ ఆర్టిస్ట్ గా తన జీవితాన్ని ప్రారంభించింది. ఋతురాగాలు, చక్రవాకం వంటి సీరియల్స్ లో మరియు యువరాజు,హనుమాన్ జంక్షన్ వంటి బ్లాక్ బస్టర్ సినిమా లలో నటించింది.

అలాగే ఈటీవీ లో ప్రసారమయ్యే తూర్పు వెళ్ళే రైలు సీరియల్ లో బుల్లితెర హీరోయిన్ గా పరిచయం అయ్యి, ఎంతో గుర్తింపు సంపాదించుకుంది.

ఆ తర్వాత సీరియల్స్ మానేసి 2010లో రవి బాబు గారు దర్శకత్వం వహించిన మనసారా సినిమా లో హీరోయిన్ గా నటించి వెండితెరపై తన అదృష్టాన్ని పరీక్షించుకుంది. ఆ సినిమా పెద్దగా సక్సెస్ అవ్వలేదు. కానీ ఆ తర్వాత 2012 లో డైరెక్టర్ మారుతి దర్శకత్వంలో వచ్చిన బస్ స్టాప్ మూవీ లో శైలు క్యారెక్టర్ లో నటించి మంచి పేరును తెచ్చుకుంది.

తర్వాత కొన్ని సినిమాల్లో నటించినప్పటికీ ఆమెకు తెలుగులో అంత గుర్తింపు రాలేదు. దాంతో తమిళ్ ఇండస్ట్రీ వైపు అడుగులు వేసింది. తమిళంలో సినిమాల్లో నటించి మంచి నటిగా పేరు తెచ్చుకుంది. అలాగే రానా, విశాల్ వంటి హీరోలతో తమిళ్ సినిమాల్లో నటించింది. అలాగే సైమా అవార్డును సైతం సొంతం చేసుకుంది. తమిళ్ తర్వాత మలయాళం సినిమాల్లో కూడా నటించింది శ్రీదివ్య.

అలాగే శ్రీ దివ్య వాళ్ళ చెల్లెలు శ్రీ రమ్య కలిసి కొన్ని సీరియల్స్ లో నటించారు. చైల్డ్ ఆర్టిస్ట్ గా ఇండస్ట్రీకి పరిచయం అయిన శ్రీ రమ్య కూడా బిగ్ బాస్ ఫేమ్ బాలాదిత్య హీరోగా చేసిన “1940 లో ఒక గ్రామం” అనే సినిమా ద్వారా చాలా చిన్న వయసులోనే టాలీవుడ్ కి హీరోయిన్ గా పరిచయం అయింది. కానీ ఆ సినిమా అంతగా సక్సెస్ కాకపోవడంతో పూర్తిగా ఇండస్ట్రీకి గుడ్ బై చెప్పి స్టడీస్ మీద కాన్సట్రేషన్ చేసింది శ్రీ రమ్య.

సెలెబ్రిటీల జీవితం తెరిచిన పుస్తకం లాంటిది అని అంటారు. వాళ్ళు మనకి వ్యక్తిగతంగా తెలియదు. వారికి మనం అందరం అంత పర్సనల్ గా తెలియదు. కానీ వాళ్ళ విషయాలు అన్ని మనకి తెలుస్తాయి. అందరూ సెలబ్రిటీలు వాళ్ళ వ్యక్తిగత విషయాల గురించి ఎక్కువగా మాట్లాడరు.

అయినా సరే వాళ్ళ విషయాలు స్ప్రెడ్ అవుతాయి. అందులో పెళ్లి, పిల్లలు కూడా ఒకటి. మన సెలబ్రిటీలలో కొంత మందికి కవల పిల్లలు ఉన్నారు. తాజాగా నయనతార దంపతులు కవలలకు జన్మనిచ్చారు.

సోషల్ మీడియా వేదికగా కవల పిల్లలకు తల్లిదండ్రులు అయినట్టు ప్రకటించారు. నయనతార భర్త, ప్రముఖ డైరెక్టర్ విఘ్నేష్ శివన్ తన సోషల్ మీడియా అకౌంట్ లో వారికి ఇద్దరు అబ్బాయిలు పుట్టినట్టు చెప్పారు. వీరి పెళ్లి కొన్ని నెలల క్రితం జరిగింది. అయితే అద్దెగర్భం పద్ధతిలో వీరు తల్లిదండ్రులు అయినట్టు వార్తలు వస్తున్నాయి. ఏదేమైనా సరే ఈ విషయం ప్రకటించిన తర్వాత చాలా మంది నెటిజన్లు వారికి అభినందనలు తెలుపుతూ కామెంట్స్ పెట్టారు.

అయితే ఈ కవల పిల్లలు ఇద్దరికీ పేర్లు కూడా పెట్టేశారు. ఈ పేర్లను పెట్టింది ఎవరో కాదు కోలీవుడ్ నటుడు సూర్య. ఉయర్, ఉలగం అని వీరి ఇద్దరికీ మమకారం చేసారు. ఉయర్ అంటే ‘లైఫ్’, ఉలగం అంటే ‘ప్రపంచం; అని అర్థం. అయితే ఈ పేర్ల వెనుక కథ కూడా ఉంది. విగ్నేష్ నయనతార పెళ్లి అయినప్పుడు సూర్య జ్యోతిక పెళ్లి కి వెళ్లారు.

అప్పుడు త్వరగా పిల్లల్ని కనండి అని ఆశీర్వదించి.. పిల్లల పేర్లు గురించి కూడా ప్రస్తావన జరిగిందట. అయితే సూర్యకి ట్విన్స్ అంటే చాలా ఇష్టం. వీళ్ళకి కవలలు పుట్టాలని సూర్య ఆశీర్వదించారు. ఒకవేళ కవలలు పుడితే ఇలా పేర్లు పెట్టమని అన్నారట. ఆ పేర్లనే విగ్నేష్ నయనతార పెట్టారు. ఇప్పుడు ఈ పిల్లల గురించి పిల్లల పేర్ల గురించి సోషల్ మీడియాలో విపరీతంగా పోస్ట్లు వస్తున్నాయి. విగ్నేష్ కూడా ‘నేను నయనతార అమ్మ అప్ప అయ్యాము’ అంటూ అఫీషియల్ గా ప్రకటించడం జరిగింది.

అల్లు అర్జున్ కి పుష్ప సినిమా మంచి హిట్ ని ఇచ్చింది. ఈ సినిమా అల్లు అర్జున్ మొదటి పాన్ ఇండియా. ఈ సినిమాలో ఎర్ర చందనం సీన్స్ బాగా హైలైట్ అయ్యాయి. ఈ సినిమా భారీ కలెక్షన్లు రాబట్టింది. పైగా ఎంతో మంది హృదయాలను గెలుచుకుంది. అల్లు అర్జున్ యాక్టింగ్ కి ఎంతో మంది ఫిదా అయిపోయారు. తాజాగా ఫిలిం ఫేర్
అవార్డ్స్ లో కూడా పుష్ప హవానే నడిచింది.

దీనికి రెండవ భాగం కూడా ఉంది అనే విషయం తెలిసిందే. ఇటీవలే పూజా కార్యక్రమాలు జరుపుకున్న పుష్ప పార్ట్-2 అయిన పుష్ప-ద రూల్ సినిమా రెగ్యులర్ షూటింగ్ త్వరలోనే ప్రారంభంకాబోతుంది. అయితే ఈ సెకండ్ పార్ట్ గురించి గత కొద్ది రోజులుగా ఎన్నో వార్తలు వస్తూ ఉన్నాయి. ఇతర కమిట్‌మెంట్‌ల కారణంగా అల్లు అర్జున్ మరియు రష్మిక మందన్న మహూరత్ పూజా కార్యక్రమంలో పాల్గొనలేకపోయారు.

పుష్ప సినిమా థియేటర్లలో విడుదల అయినప్పటికంటే, ఇప్పుడే చాలా మంచి టాక్ వస్తోంది. ఎంతో మంది సెలబ్రిటీలు సినిమా చూసి, సినిమా చాలా బాగుంది అని, అల్లు అర్జున్ ఈ సినిమాలో చాలా బాగా నటించారు అని సోషల్ మీడియా ద్వారా పొగుడుతున్నారు. కేవలం తెలుగు సినిమా ఇండస్ట్రీకి సంబంధించిన ప్రముఖులు మాత్రమే కాకుండా, బాలీవుడ్ కి సంబంధించిన ఎంతో మంది పెద్ద పెద్ద సెలబ్రిటీలు కూడా అల్లు అర్జున్ నటనని ప్రశంసించారు. దాంతో పుష్ప రెండవ పార్ట్ విడుదలకి అందరూ ఆసక్తిగా ఎదురు చూస్తున్నారు.

పుష్ప సినిమా సూపర్ హిట్ అవడానికి కొన్ని సీన్స్ కూడా ముఖ్య కారణంగా నిలిచాయి. అందులోనూ ఎర్రచందనం దుంగలని ఒక చోట నుండి మరొక చోటికి తీసుకువెళ్లే సీన్ అయితే సినిమాకి ఒక హైలైట్ గా నిలిచింది. ఈ సినిమాలో పోలీసులు రైడ్ చేయడానికి వస్తున్నారు అని తెలిసి హీరో ఎర్రచందనం దుంగలని నీటిలో పడేస్తాడు. ఇదే సీన్ మరొక సినిమాలో కూడా ఉంది. విజయ్ కాంత్ హీరోగా నటించిన కెప్టెన్ ప్రభాకర్ అనే సినిమాలో దాదాపు ఇలాంటి సీన్ ఒకటి ఉంటుంది. ఈ సినిమాకి సెల్వమణి దర్శకత్వం వహించారు. ఇందులో హీరో కూడా ఇలాగే నీటి ద్వారా ఎర్రచందనాన్ని తరలిస్తున్న ఒక ముఠాని పట్టుకుంటాడు.

watch video :

పుష్ప సినిమా ఎవరు ఊహించని అంతగా సెన్సేషన్ క్రియేట్ చేసి బాక్సాఫీస్‏ను షేక్ చేసింది. పాన్ ఇండియా లెవెల్ లో రిలీజ్ అయిన ఈ మూవీ అన్ని వర్గాల ప్రేక్షకుల నుంచి ఆదరణ అందుకుంది. ఈ మూవీలో సాంగ్స్ సరికొత్త రికార్డును సృష్టించాయి అనడంలో వింత ఏమీ లేదు. అయితే ఈ మధ్య కొత్తగా పుష్ప 2 గురించి ఇంకో వార్త వైరల్ అవుతుంది. అదే…పుష్ప: ది రైజ్ సీక్వెల్‌లో సాయి పల్లవి సుకుమార్‌తో కలిసి పని చేయడానికి సిద్ధంగా ఉంది అన్న విషయం.

నివేదికల ప్రకారం, పుష్ప 2: ద రూల్‌లో నటించడానికి దర్శకుడు సుకుమార్ ఆమెను సంప్రదించారని , ఈ చిత్రంలో సాయి పల్లవి ఒక గిరిజన అమ్మాయి పాత్రలో కనిపించనుందని సమాచారం. సాయి పల్లవి ఇప్పటికే ప్రతిపాదనకు పచ్చ జెండా ఊపారని. ఇక కేవలం ఆమె రెమ్యూనరేషన్ ఖరారు కావలసి ఉందని, అయిన వెంటనే అల్లు అర్జున్ తో ఆమె నటించే ఈ చిత్రం షూటింగ్‌ను త్వరలో ప్రారంభిస్తారని ఊహా గానాలు కూడా ఉన్నాయి.

సెలెబ్రిటీల జీవితం తెరిచిన పుస్తకం లాంటిది అని అంటారు. వాళ్ళు మనకి వ్యక్తిగతంగా తెలియదు. వారికి మనం అందరం అంత పర్సనల్ గా తెలియదు. కానీ వాళ్ళ విషయాలు అన్ని మనకి తెలుస్తాయి. అందరూ సెలబ్రిటీలు వాళ్ళ వ్యక్తిగత విషయాల గురించి ఎక్కువగా మాట్లాడరు.

అయినా సరే వాళ్ళ విషయాలు స్ప్రెడ్ అవుతాయి. అందులో పెళ్లి, పిల్లలు కూడా ఒకటి. మన సెలబ్రిటీలలో కొంత మందికి కవల పిల్లలు ఉన్నారు. వాళ్ళు ఎవరో ఇప్పుడు చూద్దాం.

#1 ఉదయభాను

యాంకర్ ఉదయభాను, విజయ్ దంపతులకి ఇద్దరు అమ్మాయిలు ఉన్నారు. వారి పేర్లు భూమి ఆరాధ్య, యువి నక్షత్ర.

#2 మంచు విష్ణు

మంచు విష్ణు, విరానికా దంపతులకు మొదటి సంతానంగా ఇద్దరు ఆడపిల్లలు పుట్టారు. వారి పేర్లు అరియానా, వివియానా. తర్వాత వాళ్లకి ఒక బాబు, ఆ తర్వాత ఒక పాప పుట్టారు.

#3 షత్రుఘన్ సిన్హా

షత్రుఘన్ సిన్హా, పూనమ్ సిన్హా దంపతులకు మూడవ సంతానం సోనాక్షి సిన్హా. ముందు ఇద్దరు మగ పిల్లలు పుట్టారు. వారి పేర్లు లవ్ సిన్హా, కుష్ సిన్హా.

#4 సన్నీ లియోన్

సన్నీ లియోన్, డానియల్ వెబర్ దంపతులకు కూతురు నిషా కాకుండా, ఇద్దరు కొడుకులు ఉన్నారు. వారి పేర్లు ఆషర్ సింగ్ వెబర్ , నోఅహ్ (Noah) సింగ్ వెబర్.

#5 ఫరాఖాన్

ఫరాఖాన్, శిరీష్ కుందర్ దంపతులకు ట్రిప్లెట్స్ ఉన్నారు. వారి పేర్లు క్జార్ కుందర్, అన్య కుందర్, దివా కుందర్ .

#6 కరణ్ జోహార్

కరణ్ జోహార్ కవల పిల్లల పేర్లు రూహీ జోహార్, యష్ జోహార్.

#7 సెలీనా జైట్లీ

సెలీనా జెట్లీ, పీటర్ హాగ్ దంపతుల కవల పిల్లల పేర్లు విన్స్టన్ హాగ్, విరాజ్ హాగ్.

#8 సంజయ్ దత్

సంజయ్ దత్, మాన్యతా దత్ దంపతుల పిల్లల పేర్లు ఇక్రా దత్, షహరాన్ దత్.

#9 నయనతార

నయనతార దంపతులకి కవల పిల్లలు పుట్టినట్టు ప్రకటించారు.

#10  భరత్

తమిళ హీరో భరత్, జెష్లీ దంపతులకు ఇద్దరు కొడుకులు. వారి పేర్లు ఆద్యన్, జేడన్.

మనిషిని పోలిన మనుషులు ఉండటమనేది సహజం. ఒక వ్యక్తిని పోలిన వ్యక్తులు ప్రపంచం మొత్తంలో ఏడుగురు ఉంటారట. ఇదంతా మన అందరికీ తెలిసిన విషయమే. మన హీరోయిన్లని పోలిన హీరోయిన్లు కూడా ఎంతో మంది ఉన్నారు. వాళ్ళలో కొంత మంది ఎవరో ఇప్పుడు చూద్దాం.

#1 నజ్రియా నజీమ్ – వర్ష బొల్లమ్మ

ఇటీవల స్వాతిముత్యం, మిడిల్ క్లాస్ మెలోడీస్ ద్వారా అందరినీ అలరించిన వర్ష, అలాగే అంటే సుందరానికి, రాజా రాణి, మలయాళం సినిమా బెంగళూరు డేస్ ద్వారా మనందరికీ సుపరిచితులైన నజ్రియా నజీమ్ చూడడానికి ఒకే లాగా ఉంటారు.

#2 ఈషా గుప్తా – ఏంజలీనా జోలి

హాలీవుడ్ స్టార్ ఏంజలీనా జోలి, బాలీవుడ్ నటి ఇషా గుప్తా ఫేస్ ఫీచర్స్ చాలా దగ్గరగా ఉంటాయి.

#3 శ్రీయ – జెనీలియా

మనలో చాలా మంది చిన్నప్పుడు వీళ్ళిద్దరిని చూసి కన్ఫ్యూజ్ అయ్యే ఉంటాం.

#4 అమలా పాల్ – దీపికా పదుకొనే

అమలా పాల్ కి, దీపికా పదుకొనే కి చాలా దగ్గర పోలికలు ఉంటాయి. అలాగే కొన్ని చోట్ల అమలా పాల్, ప్రియాంక చోప్రా లాగా కూడా ఉంటారు,

#5 ఐశ్వర్య రాయ్ – స్నేహ ఉల్లాల్

సాధారణంగా ఐశ్వర్య రాయ్ అంటే చాలా మందికి గుర్తుకువచ్చేది తన కళ్ళు. స్నేహ ఉల్లాల్ కళ్ళు కూడా ఐశ్వర్య రాయ్ కళ్ళ లాగానే ఉంటాయి.

#6 మీరా జాస్మిన్ – సుజిత

గుడుంబా శంకర్, భద్ర వంటి సినిమాల్లో నటించిన మీరా జాస్మిన్, చిన్నప్పటి నుంచి ఎన్నో సినిమాల్లో, సీరియల్స్ లో నటించిన సుజిత ఒకే లాగా ఉంటారు.

#7 సమంత – ఆత్మిక

తమిళ్ హీరోయిన్ ఆత్మిక, సమంత చూడడానికి కొంచెం ఒకే లాగా ఉంటారు.

#8 సౌందర్య – నిత్య మీనన్

నిత్యా మీనన్ కి, సౌందర్య గారికి ఫేస్ ఫీచర్స్ చాలా సిమిలర్ గా ఉంటాయి.

#9 ఇలియానా – రెజీనా కసాండ్రా

ఇలియానా కి, రెజీనా కి కూడా దగ్గర పోలికలు ఉంటాయి.

#10 దివ్య భారతి – రంభ

వీళ్ళిద్దరూ చూడటానికి కొంచెం ఒకే లాగా ఉంటారు. అందుకే తొలిముద్దు సినిమా షూటింగ్ మధ్యలో ఉన్నప్పుడే దివ్య భారతి చనిపోవడంతో మిగిలిన సీన్స్ లో రంభ నటించారు.

#11 త్రిష – రేష్మ

ఈ రోజుల్లో సినిమాలో నటించిన రేష్మకి, త్రిషకి కొంచెం పోలికలు ఉంటాయి. అలాగే సూపర్ స్టార్ యాంకర్ సుమకి ఇంకా త్రిషకి కూడా పోలికలు ఉంటాయి.

#12. రాశి ఖన్నా – నభ నటేష్ 

#13. పూజ జవేరి – భాను శ్రీ

టాలీవుడ్ మెగాస్టార్ చిరంజీవి ఆడియన్స్ ముందుకు ఈ ఇయర్ లో రెండో సారి వచ్చేశాడు, సమ్మర్ లో వచ్చిన ఆచార్య భారీ డిసాస్టర్ అయిన తర్వాత మలయాళ మూవీ లూసిఫర్ తెలుగు రీమేక్ గా గాడ్ ఫాదర్ చేసిన మెగాస్టార్…. దసరా కానుకగా సినిమాను బాక్స్ ఆఫీస్ బరిలోకి దించారు. మెగా అభిమానుల అంచనాలు అందుకుంటూ ఈ చిత్రం హిట్ టాక్ తెచ్చుకొని దూసుకుపోతోంది.

అయితే మాతృక మలయాళ ‘లూసిఫర్’ తో పోలిస్తే చాలా మార్పులు చేసారు దర్శకుడు మోహన్ రాజా. అవన్ని వర్క్ అవుట్ అయ్యాయి కానీ.. ఒక్క సల్మాన్ ఖాన్ పాత్ర విషయం లోనే ఎక్కడో తేడా కొడుతోంది అని అభిమానులు చర్చించుకుంటున్నారు.

సల్మాన్ ఖాన్ ఎంత పెద్ద స్టార్ అనేది ప్రత్యేకంగా చెప్పుకోవాల్సిన పని లేదు. కానీ గాడ్ ఫాదర్ చిత్రం లో ఆయన్ను పెట్టడం ద్వారా కొత్తగా సినిమాకు హైప్ వచ్చింది ఏమి లేదు. పైగా సల్మాన్ కనిపించిన యాక్షన్ సీన్స్ ఏవరేజ్ గా ఉండగా.. గ్రాఫిక్స్ అయితే మరీ నాసిరకం గా అనిపించింది.

ఆ పాత్రకు సల్మాన్ ని కాకుండా వేరే ఏ తెలుగు హీరో ని పెట్టి చేసినా చాలా మంచి బజ్ క్రియేట్ అయ్యేదని అభిమానుల అభిప్రాయం. ఈ నేపథ్యం లో దీనికి సంబంధించిన ఒక ఆసక్తికర వార్త ప్రస్తుతం చక్కర్లు కొడుతోంది.

అయితే గాడ్ ఫాదర్ లో ఆ పాత్రకి ముందు వరుణ్ తేజ్ ని కానీ, సాయి ధరమ్ తేజ్ ని కానీ అనుకున్నారట.మెగాస్టార్ సినిమాలో వారు కూడా కనిపిస్తే ఫ్యాన్స్ కి సూపర్ ట్రీట్ ఇచ్చినట్టే అని చెప్పొచ్చు. అయితే సల్మాన్ ఖాన్ ఆలోచన మాత్రం డైరక్టర్ మోహన్ రాజాది అని తెలుస్తుంది.

రామ్ చరణ్ సల్మాన్ కి మంచి మిత్రుడు కావడంతో.. చరణ్ ఆయన్ను సంప్రదించడం.. సల్మాన్ ఓకే చెప్పడం.. వెంట వెంటనే జరిగి పోయాయంట. మోహన్ రాజా చెప్పబట్టే సల్మాన్ ని ఈ పాత్రలో తీసుకున్నారట. అయితే అది రాంగ్ డెసిషన్ అంటున్నారు ఫ్యాన్స్. సల్మాన్ లాంటి స్టార్ హీరోని తీసుకోవడం మంచి నిర్ణయమే అయినా కూడా ఎందుకో అది వర్క్ అవుట్ కాలేదని చెప్పొచ్చు. సల్మాన్ తో చిరు రిస్క్ చేశారనే అంటున్నారు మెగాస్టార్ ఫాన్స్. ఏదేమైనా సినిమా సూపర్ హిట్ అయ్యిందని సంబరాలు చేసుకుంటున్నారు అభిమానులు.