Filmy Adda

గత కొంత కాలం నుండి నాని ఎన్నో రకాల పాత్రలని చేస్తున్నారు. దాంతో నాని కామెడీ పాత్ర చేసి చాలా సంవత్సరాలు అయ్యింది. ఈ సినిమాలో నాని మళ్లీ కామెడీ ఎక్కువగా ఉన్న పాత్ర చేస్తున్నారు అని మనకు ముందే అర్థమయ్యింది. నానిని ఇలా చూడాలి అని ప్రేక్షకులు చాలా రోజుల నుండి ఎదురు చూస్తున్నారు. సినిమా టీజర్, ట్రైలర్ లో చూపించినట్టుగానే ఒక సింపుల్ స్టోరీ లైన్ మీద నడుస్తుంది. కానీ దర్శకుడు వివేక్ ఆత్రేయ ఆ సింపుల్ స్టోరీని కూడా ప్రేక్షకులకు కనెక్ట్ అయ్యే విధంగా చూపించారు.

ఫస్ట్ హాఫ్ మొత్తం కూడా పాత్రలని ప్రేక్షకులకి పరిచయం చేయడంలోనే అయిపోతుంది. అసలు కథ ఉండేది మాత్రం సెకండ్ హాఫ్ లోనే. నాని నటన చాలా నాచురల్ గా అనిపిస్తుంది.

అలాగే నానికి, నాని తండ్రి పాత్ర పోషించిన నరేష్ కి మధ్య వచ్చే సీన్స్ కూడా హైలైట్ గా అనిపిస్తాయి. ఇక నజ్రియా సంగతి చెప్పాల్సిన అవసరమే లేదు. తొలి తెలుగు సినిమా అయినప్పటికీ ఆమె ప్రేక్షకులకు బాగా కనెక్ట్ అయిపోతారు. ఒక మంచి కామెడీ సినిమా చూడాలి అనుకునే వారికి ఈ సినిమా నచ్చేస్తుంది. అయితే.. ఫుల్ స్పీడ్ లో సాగిపోయే సినిమాను ఎక్స్పెక్ట్ చేసి వెళ్తే మాత్రం కొంత నిరాశ పడాల్సి వస్తుంది. సినిమా చాలా బాగున్నప్పటికీ.. కొన్ని చోట నెగటివ్ టాక్ వినిపిస్తోంది. దానికి కారణమేంటో ఇప్పుడు చూద్దాం.

డైరెక్టర్ వివేక్ ఆత్రేయ ఈ సినిమా కోసం ఓ సింపుల్ స్టోరీ లైన్ ను రాసుకున్నారు. కానీ దానికోసం పర్ఫెక్ట్ స్క్రీన్ ప్లే రాసుకోవడం విషయంలో తడబడ్డారని అనిపిస్తుంది. కొన్ని ఎమోషనల్ సన్నివేశాలు ప్రేక్షకులను పూర్తిగా ఆకట్టుకునే విధంగా ఉండవు. ఇక్కడే ప్రేక్షకులకు బోర్ కొట్టేస్తూ ఉంటుంది. ఇక మూడవ విషయం ఏంటంటే.. సినిమా నిడివి. ఈ సినిమా నిడివిని కొంతమేరకు తగ్గిస్తే సినిమా ఇంకా పర్ఫెక్ట్ గా అనిపించేదేమో. ఇవి చిన్న చిన్న మైనస్ లే. ఈ సినిమా ప్లస్ పాయింట్స్ తో పోలిస్తే వీటిని పెద్దగా పట్టించుకోవాల్సిన అవసరమే లేదు. ఓ మంచి కామెడీ ఎంటర్టైన్మెంట్ చూడాలనుకునే వారు, నాని స్టయిల్ ఫన్ ని ఎంజాయ్ చేయాలనుకునేవారికి ఈ సినిమా ఓ మంచి ఛాయిస్ అవుతుంది.

సాధారణంగా సినిమాలో నటించిన హీరో, హీరోయిన్లు నిజ జీవితంలో ప్రేమించుకోవడం, తర్వాత వారు పెళ్లి చేసుకోవడం మనం చూస్తూనే ఉంటాం. కానీ కొంత మంది హీరోయిన్లు, డైరెక్టర్లని ప్రేమించి, పెళ్లి చేసుకున్నారు. వారిలో నయనతార కూడా ఒకరు. నయనతార, డైరెక్టర్ విగ్నేష్ శివన్ గత కొంతకాలంగా ప్రేమించుకుంటున్న సంగతి తెలిసిందే. నేడు మూడు మూళ్ళ బంధంతో వీరిద్దరూ ఒక్కటయ్యారు.

లేడీ సూపర్ స్టార్ నయనతార దర్శకుడు విఘ్నేష్ శివన్ ని నానుమ్ రౌడీ దాన్ సినిమా షూటింగ్ టైమ్‌లో ప్రేమించారు. వీరిద్దరూ ఇటీవల పెళ్లి చేసుకున్నారు. దాదాపు 7 సంవత్సరాలు వీరిద్దరూ రిలేషన్ లో ఉన్నారు.

నేడు వివాహ బంధంతో వీరిద్దరూ ఒక్కటయ్యారు. ప్రస్తుతం సోషల్ మీడియాలో ఎక్కడ చూసిన వీరి పెళ్లి ఫొటోలే హల్ చల్ చేస్తున్నాయి. ప్రస్తుతం వీరిద్దరి గురించే సోషల్ మీడియాలో చర్చ నడుస్తోంది. నయనతార, విగ్నేష్ శివన్ ల మధ్య వయసు వ్యత్యాసం ఎంత ఉందో తెలుసా..? నయనతార విగ్నేష్ శివన్ కంటే వయసులో పెద్దదే. ఈ విషయం తెలియగానే.. వారి పుట్టిన సంవత్సరాలను, తేదీలను వెతికే పనిలో పడ్డారు నెటిజన్లు.

విగ్నేష్ సెప్టెంబర్ 18 న 1985 లో జన్మించగా.. నయనతార నవంబర్ 14 న 1984 లో జన్మించారు. ఈ లెక్క ప్రకారం నయనతార విగ్నేష్ కంటే ఏడాది పెద్దది. ఇటీవలి కాలంలో వయసు తరతమ్యాన్ని ఎవరూ అంతగా పట్టించుకోవడం లేదు. వీరిద్దరూ అన్యోన్యంగా ఉండి వారి దాంపత్యాన్ని కొనసాగించాలని అభిమానులంతా కోరుకుంటున్నారు.

భారతీయ చిత్ర పరిశ్రమలో ఉన్న అతి కొద్దీ మంది ఉత్తమ నటులలో కమల్ హాసన్ ఒకరు. ఆయన అన్ని రకాల జోనర్లలోనూ సినిమాల్లో నటించి అలరించారు. ఇక కామెడీ సంగతి ప్రత్యేకంగా చెప్పక్కర్లేదు. ప్రస్తుతం ఎక్కువగా ఆక్షన్ థ్రిల్లర్ మూవీస్ లలో కనిపిస్తున్నా… ఒకప్పుడు కమల్ హాసన్ కామెడీ సినిమాలలో కూడా నటించి మెప్పించారు.

దాదాపు గత 60 సంవత్సరాలుగా ఆయన చిత్ర పరిశ్రమలో కొనసాగుతూ వస్తున్నారు. ప్రొడక్షన్, మ్యూజిక్, డైరెక్షన్ ఇలా అన్ని సినిమా రంగాల్లోనూ తనదైన ప్రతిభను చాటారు. తన టాలెంట్ ను కేవలం నటనకు మాత్రమే పరిమితం చేయలేదు.

నవరసాలను అద్భుతంగా పండించారు. అయితే.. కామెడీ పండించడం అనేది మాత్రం అంత తేలికైన విషయం ఏమీ కాదు. ఇందులో కమల్ హాసన్ ది అందెవేసిన చేయి. కామెడీని టైమింగ్ కి తగ్గట్లే చెయ్యాలి. అలా టైమింగ్ కి తగ్గట్లు హావభావాలను ప్రదర్శిస్తూ కామెడీ చేసే స్టార్ హీరోల లిస్ట్ తీస్తే.. అందులో కమల్ హాసన్ ముందుంటారు. అయితే ఆయన ఉన్నట్లుండి కామెడీ సినిమాలను తీయడం ఆపేసారు. ఆయన చివరగా తీసిన కామెడీ ఫిలిం “మన్మధ బాణం”. ఇది బాక్స్ ఆఫీస్ వద్ద ఫ్లాప్ అయ్యింది.

నిజానికి మన్మధ బాణం సినిమా తరువాత కామెడీ జోనర్ లోనే మరో సినిమా రావాల్సి ఉంది. ఈ సినిమాను కూడా కామెడీ జోనర్ లోనే బ్రహ్మానందంతో కలిసి చేయాలనీ కమల్ ప్లాన్ చేసారు. ఈ సినిమాకు “శభాష్ నాయుడు” అనే టైటిల్ ను కూడా అనుకున్నారు. స్క్రిప్ట్ సిద్ధం చేసుకున్నారు. మోషన్ పోస్టర్ కూడా రిలీజ్ అయ్యింది. అయితే ఈ సినిమా రిలీజ్ మాత్రం ఆగిపోయింది. అసలు షూటింగ్ ను కూడా పూర్తిగా చేయలేదు. ఈ సినిమా డైరెక్టర్ రాజీవ్ కుమార్ మరణంతో షూటింగ్ కి బ్రేక్ పడింది. ఆ తరువాత ఎడిటర్ జేమ్స్ ప్రాజెక్ట్ నుంచి తప్పుకున్నారు.

తరువాత కమల్ కాలికి గాయం అయ్యింది. భార్య గౌతమితో విడాకులు తీసుకోవడం.. కమల్ రాజకీయాల్లోకి రావడం ఇలా ఒకదానివెంట ఒకటి జరుగుతూనే ఉన్నాయి. 2016 లో ఈ సినిమా టైటిల్ ను అనౌన్స్ చేసారు. కానీ ఇప్పఇతవరకు షూటింగ్ పట్టాలెక్కలేదు. అయితే.. ప్రస్తుతం విక్రమ్ సినిమా సక్సెస్ జోష్ లో ఉన్న కమల్ ఈ సినిమాను తిరిగి పట్టాలెక్కించాలని భావిస్తున్నట్లు తెలుస్తోంది. త్వరలోనే ఈ సినిమా షూటింగ్ కంప్లీట్ చేసుకుని ప్రేక్షకుల ముందుకు రాబోతోందని తెలుస్తోంది.

రాజమౌళి దర్శకత్వం వహించిన ఆర్ఆర్ఆర్ సినిమా ఎప్పుడెప్పుడు విడుదల అవుతుందా అని రెండు తెలుగు రాష్ట్రాలు మాత్రమే కాదు భారతదేశం అంతా కూడా ఎదురు చూసింది. అందుకు మొదటి కారణం రాజమౌళి అయితే రెండో కారణం ఇద్దరు స్టార్ హీరోలు ఒకే తెరపై కనిపించడం. రాజమౌళి వారిద్దరిని కలిపి చూపించాలి అన్న ఆలోచనని ప్రేక్షకులు ఎలా రిసీవ్ చేసుకుంటారు?

వారిద్దరిలో ఒకరికి ప్రాముఖ్యత పెరిగి మరొకరికి ప్రాముఖ్యత తగ్గుతుందా? ఇలాంటి ప్రశ్నలు చాలా నెలకొన్నాయి? కానీ సినిమా ట్రైలర్ చూసిన తర్వాత ఇద్దరికీ సమానంగా ప్రాముఖ్యత ఉంటుంది అని అర్ధమైపోయింది. సినిమాలో ఇద్దరికీ సమానమైన పాత్రలు ఉంటాయి. అంత పెద్ద స్టార్ హీరోలని ఒకే తెరపై చూడటం కూడా ప్రేక్షకులకు చాలా కొత్తగా అనిపించింది.

ముఖ్యంగా వారి మధ్య వచ్చే సీన్స్ చాలా మందిని ఎమోషనల్ చేశాయి. వీరిద్దరూ మొదటిసారి కలుసుకునే సీన్ కూడా చాలా బాగా తీశారు. నిజంగానే వారిద్దరినీ చూస్తూ ఉంటే పెద్ద హీరోల్లాగా కాకుండా ఆ పాత్రల్లాగానే కనిపిస్తూ ఉంటారు. అయితే సినిమాకి సంబంధించి అంతకుముందు రిలీజ్ చేసిన వీడియోస్ లో కనిపించిన సీన్స్ సినిమాలో మిస్ అయ్యాయి. అంతే కాదు కొమరం భీమ్ గా ఎన్టీఆర్ నటించిన సీన్లను కూడా కొన్ని డిలీట్ చేసేసారు.

ఇప్పుడు ఏమేమి సీన్స్ డిలీట్ చేశారో ఓ లిస్ట్ సోషల్ మీడియాలో వైరల్ అవుతోంది. ఇంటర్వెల్ తరువాత ఎన్టీఆర్ ది ఒక సీన్ రావాల్సి ఉందట. ఆ సీన్ ని థియేటర్ ప్రింట్ లో డిలీట్ చేసేసారు. కొమరం భీమ్ ప్రామిస్ చేస్తూ ఒక సీన్ ఉంటుందట. ఈ సీన్ కూడా ఫైనల్ వెర్షన్ లో లేదు. ఇక కొమరం భీమ్ జైలులో ఉన్న సీన్, క్లైమాక్స్ లో టర్బన్ లుక్ లో ఉన్న ఓ సీన్ ను కూడా ఫైనల్ వెర్షన్ నుంచి తీసేసారు. ఇన్ని ఎన్టీఆర్ సీన్లను తీసేయడంపై ఎన్టీఆర్ ఫ్యాన్స్ కొంచం అప్ సెట్ అయ్యారు. అయితే.. ఇవి కనీసం ఓటిటిలో అయినా పెట్టాల్సింది కదా అని ప్రశ్నిస్తున్నారు.

పుష్ప, కే జి ఎఫ్, RRR వంటి చిత్రాలు పాన్ ఇండియా చిత్రాల స్థాయిలో రిలీజ్ అయ్యి మన టాలీవుడ్ రేంజ్ ను పెంచేశాయి. గత కొంత కాలంగా నార్త్ లో మన సౌత్ సినిమాల రేంజ్ మరియు మన స్టార్స్ రేంజ్ విపరీతంగా పెరిగిందని చెప్పవచ్చు. మన సౌత్ సినిమాల రిలీజ్ కోసం హిందీ సినిమా థియేటర్లు ఓనర్ లు ఎప్పుడెప్పుడా అని ఎదురుచూస్తున్నారు.

ఇప్పుడు బాలీవుడ్ మరియు టాలీవుడ్ చిత్రాల వర్గాలవారు ఒకే స్క్రీన్ షేర్ చేసుకోవడంతో రూట్ క్లియర్ అయిందని చెప్పవచ్చు. వీరు కలిసి నటించిన చిత్రాలు పాన్ ఇండియా రేంజ్లో రిలీజ్ అయ్యి బాక్సాఫీస్ వద్ద విజయం సాధిస్తున్నాయి. ఇప్పటి లో ఇంత క్రేజ్ సంపాదించుకున్నా మన స్టార్స్ తో ఒకప్పుడు బాలీవుడ్ హీరోయిన్స్ కలిసి నటించడానికి అంగీకరించలేదు.

2013 టైంలో అల్లు అర్జున్, మహేష్ బాబు, జూనియర్ ఎన్టీఆర్ సరసన హీరోయిన్ గా నటించడానికి మన సౌత్ నిర్మాతలు అనుష్క శర్మను సంప్రదించినప్పుడు, ఆశ్చర్యంగా ఆవిడా మన సౌత్ స్టార్స్ తో నటించడానికి నిరాకరించింది. ఇదే కోవలో మన స్టార్స్ తో నటించడానికి నిరాకరించిన వారిలో కత్రినా కైఫ్, దీపికా పదుకొనే మరియు సోనం కపూర్  కూడా ఉన్నారు.

బాలీవుడ్ బ్యూటీస్ మన సౌత్ స్టార్స్ తో సినిమాలు కలిసి నటించడానికి కారణాలు లేకపోలేదు. బాలీవుడ్ లో అధిక రెమ్యునేషన్ అందుకున్న వీరు, మన సౌత్ సినిమాల్లో నటించడం వలన మన నిర్మాతలు తక్కువ రెమ్యునరేషన్ ఇస్తారనే అపోహతో మన స్టార్స్ తో సినిమాని నిరాకరిస్తున్నారు.