Filmy Adda

శశి కిరణ్ తిక్క దర్శకత్వంలో అడవి శేష్ నటించిన లేటెస్ట్ మూవీ మేజర్. పాన్ ఇండియా మూవీగా మేజర్ చిత్రం రూపొందింది. చిత్రం 26/11 ముంబై దాడుల్లో మరణించిన మేజర్ సందీప్ ఉన్నికృష్ణన్ జీవితం ఆధారంగా చిత్రీకరించబడింది.

ఈ చిత్రం మహేష్ బాబు GMB ఎంటర్టైన్మెంట్, సోనీ పిక్చర్స్ ఫిల్మ్ ఇండియా, ఏ ప్లస్ ఎస్ మూవీస్ నిర్మాణ సారథ్యంలో జూన్ 3వ తేదీన ప్రేక్షకుల ముందుకు వచ్చింది. ప్రపంచ వ్యాప్తంగా విడుదల అయ్యి అద్భుతమైన విజయాన్ని సాధించింది మేజర్ చిత్రం. కలెక్షన్ల పరంగా బాక్సాఫీస్ వద్ద దూసుకువెళ్తుంది.

అయితే ఈ చిత్రానికి మహేష్ బాబు నిర్మాతగా వ్యవహరించారు. రెండు తెలుగు రాష్ట్రాల లోని మొదటి రోజు 6.10 కోట్లు వసూళ్లు రాబట్టింది. కానీ నార్త్ లో మేజర్ చిత్రం పెద్దగా కలెక్షన్లు రాబట్టలేకపోయింది. ఈ విధంగా ఈ సినిమాకు కలెక్షన్లు సాధించకపోవడానికి కారణం మహేష్ బాబే అని సినీ ప్రముఖులు అభిప్రాయాన్ని వ్యక్తం చేస్తున్నారు. మేజర్ చిత్రం ట్రైలర్ లాంచ్ సమయంలో మహేష్ బాబు బాలీవుడ్ ఎంట్రీ పై ఆసక్తికరమైన వ్యాఖ్యలు చేసిన విషయం మనకు తెలిసిందే.

బాలీవుడ్ ఇండస్ట్రీ నన్ను భరించలేదు అంటూ మహేష్ చేసిన ఆ వ్యాఖ్యలే ఇప్పుడు పెద్ద ఎత్తున విమర్శలకు దారి తీశాయి. ఈ క్రమంలో కొందరు బాలీవుడ్ సెలబ్రిటీస్ మహేష్ కి మద్దతుగా పలుకగా, మరికొందరు మహేష్ బాబు పై తీవ్రమైన విమర్శలు వ్యక్తంచేశారు. అప్పుడు మహేష్ బాబు చేసిన కామెంట్స్ వల్లనే నార్త్ ప్రేక్షకులు మేజర్ చిత్రం ద్వారా మహేష్ బాబు పై పగ తీర్చుకుంటున్నారని, అందుకే మేజర్ చిత్రం కలెక్షన్లు నార్త్ లో ఎంత దారుణంగా దెబ్బ తీసాయని తెలుస్తోంది.

ఇటీవలే అఖండ చిత్రంతో భారీ సక్సెస్ సాధించారు బాలకృష్ణ. బాలకృష్ణ నటించిన ప్రాజెక్టుగా ప్రస్తుతం మైత్రి మూవీ మేకర్స్ నిర్మాణ సారథ్యంలో, గోపీచంద్ మలినేని దర్శకత్వంలో నందమూరి బాలకృష్ణ హీరోగా  తెరకెక్కుతున్న చిత్రం NBK 107. ఇది బాలకృష్ణ 107 వ చిత్రంగా రూపుదిద్దుకుంటుంది.

ఈ చిత్రంలో బాలయ్య బాబు సరసన హీరోయిన్ గా శృతి హాసన్ కనిపించనుంది. వరలక్ష్మి శరత్ కుమార్ ఈ చిత్రంలో ఒక ముఖ్య పాత్ర పోషించనున్నారు. ఈ చిత్రంలో  శాండిల్ వుడ్ హీరో దునియా ఫేమ్ విజయ్ విల్లన్ గా నటిస్తున్నారు.

కొద్ది రోజుల క్రితమే ఈ చిత్రం నుండి ఫస్ట్ లుక్ పోస్టర్ ని విడుదల చేశారు. పోస్టర్లకు చూసినవారు ఇది అవేరేజ్ గా ఉందంటూ టాక్ వినిపిస్తుంది. ఈ పోస్టర్ చూడడానికి బోయపాటి కాంబినేషన్ లో బాలకృష్ణ  చేసిన సినిమా పోస్టర్లు మాదిరిగా ఉన్నాయంటూ  కామెంట్లు వినిపిస్తున్నాయి.

జూన్ 10వ తేదీన బాలకృష్ణ పుట్టిన రోజు సందర్భంగా NBK 107కి ఒక టైటిల్ ని రిలీజ్ చేస్తారేమో అనే ఊహాగానాలు వినిపిస్తున్నాయి.

కొన్ని రోజుల క్రితమే ఈ చిత్రానికి అన్నగారు, వీర సింహారెడ్డి అనే టైటిల్ ఫిక్స్ చేసినట్లు గా కామెంట్స్ వినిపిస్తున్నాయి. అయితే ఇది ఫైనల్ గా ఈ చిత్రానికి “రెడ్డిగారు” అనే టైటిల్ ఖరారు చేసినట్లు టాక్ వినిపిస్తోంది. అసలు టైటిల్ ఎంతవరకు నిజమో అనే విషయం తెలియాలంటే బాలకృష్ణ పుట్టిన రోజు వరకు ఎదురు చూడవలసిందే. రెడ్డిగారు టైటిల్ ఖరారు అయ్యింది అనే విషయం నిజమైతే, ఈ రెడ్డిగారు టైటిల్ పై ఎన్ని అబద్ధాలు వెళ్లడం అవుతాయో వేచి చూడాలి.

సినిమాల్లోకి వచ్చే ముందు ఆ రంగానికి చెందిన వాళ్లు అందరూ చాలా కష్టాలు పడతారు. చిన్న చిన్న పాత్రల్లో నటించి లేదా కెమెరా వెనకాల పని చేసి ఇప్పుడు పెద్ద స్థాయికి ఎదిగిన నటులు ఎంతోమంది ఉన్నారు. ఇదేవిధంగా, ఇటీవల కాలంలో పేరు తెచ్చుకుంటున్న కొంతమంది నటులు కూడా కూడా సినిమాల్లో చిన్న చిన్న పాత్రల్లో కనిపించారు.

కొంతమంది నటులు అయితే సినిమాల్లోకి వచ్చే ముందు సీరియల్స్ లో కూడా నటించారు. అలా ఇప్పుడు పాన్ ఇండియన్ నటిగా పేరు తెచ్చుకున్న ఒక్కరు కూడా అంతకుముందు సీరియల్ లో నటించారు. తనే కేజీఎఫ్ సినిమాలో హీరో తల్లిగా నటించిన అర్చన జోయిస్.

అసలు రాకీ భాయ్ పాత్ర డెవలప్ అవ్వడానికి ముఖ్యకారణం తన తల్లి చెప్పిన మాటలే. రాకీ భాయ్ తల్లి శాంతమ్మ పాత్రలో నటించారు అర్చన జోయిస్. అర్చన పోషించిన పాత్ర సినిమాకి ఒక టర్నింగ్ పాయింట్ లాంటిది. అంత ఇంపార్టెంట్ పాత్రని అంతే బాగా హ్యాండిల్ చేశారు అర్చన. అర్చన విజయ రథ, కాలాంతక సినిమాల్లో నటించారు. సాధారణంగా సినిమాలో పాత్రకి తగ్గట్టు రెడీ అవ్వడం వల్ల, యాక్టర్స్ రియల్ లైఫ్ ఫీచర్స్ కి, సినిమాలో ఉన్న దానికి చాలా తేడా ఉంటుంది.

అలాగే అర్చన రియల్ లైఫ్ ఫొటోస్ చూస్తే, అసలు మనం సినిమాలో చూసిన అర్చనకి, నిజ జీవితంలో ఉన్న అర్చనకి చాలా డిఫరెన్స్ ఉన్నట్టు అనిపిస్తుంది. మహాదేవి అనే ఒక సీరియల్ లో అర్చన అంతకుముందు నటించారు. తర్వాత కొన్ని సినిమాల్లో కూడా అర్చన నటించారు. కేజీఎఫ్ సినిమాలో అర్చన పాత్ర ఉన్నది కొంచెం సేపు అయినా కూడా సినిమా మొత్తం అర్చన పాత్ర మధ్య మధ్యలో కనిపిస్తూ ఉంటారు. కేజీఎఫ్ తర్వాత అర్చన నటించిన కొన్ని సినిమాలు విడుదల కూడా అయ్యాయి. ఇప్పుడు కేజీఎఫ్ మూడవ పార్ట్ లో కూడా అర్చన పాత్ర కనిపించే అవకాశాలు ఉన్నాయి.

watch video : 

భారతీయ సినిమా తొలి హీరోయిన్ ఎవరు? స్త్రీ పాత్ర లేని సినిమాని మనం ఊహించగలమా? భారతీయ సినిమా ప్రారంభం నుండి భారతీయ చిత్రాలలో స్త్రీ పాత్రల ఉనికిని మనం చూడవచ్చు. కానీ నిజంగా స్త్రీలు నటించే వారు కాదు. స్త్రీ పాత్రలను పురుషులే పోషించేవారు.

భారతదేశంలో ఒకప్పుడు స్త్రీ విద్యను పాపంగా భావించేవారు. అటువంటి సమాజంలో స్త్రీలు సినిమాల్లో పాల్గొనడం అనేది అసాధ్యం. రోజులు ఎంతగా అభివృద్ధి చెందుతున్నా.. స్త్రీలు సినిమాల్లో నటించడాన్ని మాత్రం గౌరవప్రదంగా భావించేవారు కాదు.

అందుకే స్త్రీలు కూడా నటనకు దూరంగా ఉండేవారు. విద్యావంతులు, కులవృత్తుల కుటుంబాల్లో ఉండే స్త్రీలు కూడా నటనలోకి రావాలి అన్న ఆలోచనని కూడా చేయలేకపోయేవారు. అందుకే.. భారతీయ సినిమా మొదలైన తొలినాళ్లలో స్త్రీల ఉనికి ఉండేది కాదు. మరి భారత సినిమాల్లో తొలి హీరోయిన్ ఎవరు అన్న ప్రశ్న ఉదయిస్తూనే ఉంటుంది. అయితే.. ఇందుకు సమాధానం ఏంటంటే.. భారత సినిమాలో కనిపించిన తొలి హీరోయిన్ మహిళ కాదు. ఒక పురుషుడే హీరోయిన్ లా నటించారు. ఇంతకీ ఆ వ్యక్తి ఎవరో తెలుసుకుందాం. ఆయన పేరు శ్రీ అన్నా సాలుంకే.

భారత్ లో మొట్టమొదటి సినిమా 1896లో ప్రదర్శించబడింది. ఇది ఓ నిశ్శబ్ద చిత్రం. ఈ సినిమాను లూమియర్ సోదరులు రూపొందించారు. ముంబైలోని వాట్సన్ హోటల్‌లో ఈ సినిమాను ప్రదర్శించారు. అలా సినిమాలు భారత్ లో రూపుదిద్దుకోవడం ప్రారంభమైంది. 1913లో ‘రాజా హరిశ్చంద్ర’ పేరుతో ధుండిరాజ్ గోవింద ఫాల్కే అనే వ్యక్తి పూర్తి నిడివి సినిమాను రూపొందించారు. ఈ సినిమాలో కథానాయిక తారామతి పాత్ర కోసం ఓ స్త్రీని పరిచయం చేయాలనీ అనుకున్నారు. అయితే అది చాలా కష్టమైంది. చివరకు ఆయన వ్యభిచార గృహాలలో స్త్రీలని కూడా అడిగి చూసారు. కానీ స్త్రీ మాత్రం దొరకలేదు. దీనితో పురుషుడైన అన్నా సాలుంకేను స్త్రీ పాత్రకు ఎంచుకున్నారు. అలా భారత సినిమాలో మొట్ట మొదటి హీరోయిన్ పాత్రని అన్నా సాలుంకే పోషించారు.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి. అందుకే తమిళ హీరోలు కూడా మనకి పరిచయం అయ్యే ఉంటారు.

తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది. ముఖ్యంగా సూర్యకి అయితే దాదాపు తెలుగు హీరోలతో సమానంగా క్రేజ్ ఉంది. సూర్య సినిమా విడుదల అయితే ఒక తెలుగు హీరో సినిమాకి ఎలాంటి సందడి ఉంటుందో సూర్య సినిమా విడుదలైన థియేటర్లలో కూడా అలాంటి సందడి ఉంటుంది.

సూర్య నటించిన సినిమాలు అన్నీ దాదాపుగా తెలుగు వారికి సుపరిచితమే. సూర్య నుంచి వచ్చే స్ట్రెయిట్ తెలుగు మూవీస్ తక్కువే అయినా.. తెలుగునాట సూర్య అభిమానులకు కొదవే లేదు. ఇటీవల సూర్య నటించిన “విక్రమ్” సినిమా కూడా తెలుగు ప్రేక్షకులకు తెగ నచ్చేసింది. “విక్రమ్” సినిమా క్లైమాక్స్ లో చూస్తే సూర్య పాత్రని రోలెక్స్ అనే ఒక పాత్రగా పరిచయం చేస్తారు. అయితే.. ఈ పాత్ర గురించి హీరో సూర్య ఎప్పుడో హింట్ ఇచ్చేసారు. అది మనకి అర్ధం కావడానికే ఇన్ని ఏళ్ళు పట్టిందన్నమాట.. మీకు ఇంకా అర్ధం కాలేదు కదా..? అయితే సూర్య సినిమా బ్యాక్ గ్రౌండ్ కి వెళ్లాల్సిందే.

సూర్య నటించిన “24 ” గుర్తుండే ఉంటుంది. ఈ సినిమాలో సూర్య వాచ్ మెకానిక్ గా పని చేస్తూ ఉంటాడు. ఫస్ట్ హాఫ్ అంతా సరదాగా సాగిపోయే ఈ సినిమాలో ఫ్లాష్ బ్యాక్ చాలా బలంగానే ఉంటుంది. కాలాన్ని ముందుకి లేదా వెనక్కి జరపగల ఓ వాచ్ ని సూర్య తండ్రి కనుక్కుంటాడు. అయితే.. చిన్నప్పుడే తండ్రికి దూరం అయిన సూర్య యాదృచ్చికంగా వాచ్ మెకానిక్ అవుతాడు. వాచ్ లు రిపేర్ చేయడం అతనికి సరదాగా ఉంటుంది. ఈ సినిమాలో ఓ చోట “ఎక్సలెన్స్ ఇన్ వాచ్ డిజైన్ బై రోలెక్స్” అని బోర్డు కనిపిస్తుంది. ప్రస్తుతం ఈ సన్నివేశం గురించిన మీమ్ సోషల్ మీడియాలో వైరల్ అవుతోంది. “రోలెక్స్” పాత్ర గురించి సూర్య అప్పుడే హింట్ ఇచ్చాడు అంటూ నెటిజన్స్ కామెంట్స్ చేస్తున్నారు.

మనం సినిమా నచ్చితే ఏ భాషలో అయినా సరే ఒకేలాగా ఆదరిస్తాం. అందుకే మన భాషలోని సినిమాలు వేరే భాషల్లోకి, వేరే భాషల సినిమాలు మన భాషలోకి డబ్ చేస్తూ ఉంటారు. తెలుగులోకి డబ్ అయ్యే సినిమాలు ఎక్కువగా తమిళ్ భాష నుంచి అవుతాయి.

తమిళ్ హీరోలు అయిన సూర్య, విక్రమ్, అజిత్, విజయ్, కార్తీ, విశాల్ వీళ్ళందరికీ తెలుగు సినిమా ఇండస్ట్రీలో కూడా చాలా క్రేజ్ ఉంది. ఇంక సీనియర్ హీరోలు అయిన కమల్ హాసన్ రజనీకాంత్ లాంటి స్టార్ హీరోల గురించి అయితే చెప్పాల్సిన అవసరమే లేదు. ఇటీవల కమల్ హాసన్ హీరోగా నటించిన విక్రమ్ సినిమా తమిళ్ తో పాటు తెలుగు భాషల్లో కూడా విడుదల అయ్యింది. ఈ సినిమాకి ప్రస్తుతం తెలుగులో కూడా హిట్ టాక్ వస్తోంది.

ఈ సినిమా చివరిలో చూస్తే సూర్య హీరోగా లోకేష్ కనకరాజ్ దర్శకత్వంలో ఒక సినిమా రాబోతుంది అని విక్రమ్ సినిమా చూసిన వారికి అర్థమయ్యే ఉంటుంది. ఈ సినిమా క్లైమాక్స్ లో చూస్తే సూర్య పాత్రని రోలెక్స్ అనే ఒక పాత్రగా పరిచయం చేస్తారు. సూర్య పాత్ర లోకేష్ కనకరాజ్ దర్శకత్వంలో వచ్చిన ఖైదీ సినిమాలో విలన్ పాత్రలో నటించిన అర్జున్ దాస్ తో మాట్లాడుతూ ఉంటారు. ఖైదీ, విక్రమ్, తర్వాత రాబోయే సూర్య సినిమా మధ్యలో ఏదో ఒక కనెక్షన్ ఉంది అని ఇది చూస్తే అర్థమవుతుంది. అయితే అర్జున్ దాస్ పాత్ర ఖైదీ సినిమాలో కార్తీ పోషించిన ఢిల్లీ పాత్ర గురించి మాట్లాడుతాడు.

దీన్ని బట్టి చూస్తే కార్తీ హీరోగా, సూర్య నెగిటివ్ పాత్రలో నటిస్తున్నారు అని అర్థమవుతుంది. దీనిని మల్టీవర్స్ కాన్సెప్ట్ అని అంటారు. ఈ కాన్సెప్ట్ ఇప్పుడు తెలుగు వాళ్లకి కొత్తగా అనిపించినా కూడా చాలా సంవత్సరాల ముందు హాలీవుడ్‌లో ఈ కాన్సెప్ట్ మీద సినిమాలు వచ్చాయి. కానీ ఈ కాన్సెప్ట్ మీద కొంత మంది ప్రముఖ డైరెక్టర్లు అంతకుముందు కొన్ని సినిమాల్లో కొన్ని సీన్స్ తీశారు. ఆ డైరెక్టర్లు ఎవరో వాళ్ళు తీసిన సీన్స్ ఏంటో ఇప్పుడు చూద్దాం.

#1 ఛత్రపతి

రాజమౌళి దర్శకత్వంలో వచ్చిన ఛత్రపతి సినిమాలో విలన్ పాత్ర పోషించిన ప్రదీప్ రావత్ పాత్ర, మళ్లీ ఓయ్ సినిమాలో ఒక పాత్రలో కనిపిస్తారు.

#2 రంగం

కె.వి.ఆనంద్ తమిళ దర్శకుడు అయినా కూడా ఆయన సినిమాలు తెలుగులో విడుదల అయ్యాయి. అలా కె.వి.ఆనంద్ దర్శకత్వంలో వచ్చిన రంగం సినిమా అందరికీ గుర్తుండే ఉంటుంది. అందులో అజ్మల్ అమీర్ పోషించిన ఆ పాత్రకు సంబంధించిన విషయం ఒకటి కె.వి.ఆనంద్ దర్శకత్వంలో వచ్చిన సూర్య హీరోగా నటించిన బ్రదర్స్ సినిమాలో కూడా చూపిస్తారు.

#3 యమలీల

ఎస్ వి కృష్ణారెడ్డి దర్శకత్వంలో వచ్చిన యమలీల సినిమాలోని తోటరాముడు పాత్ర కూడా ఘటోత్కచుడు సినిమాలో కనిపిస్తారు.

అలా ఈ ముగ్గురు డైరెక్టర్లు అంతకుముందే మల్టీవర్స్ కాన్సెప్ట్ తో వారి పాత్రలని వేరే సినిమాల్లో చూపించారు.

పాన్ ఇండియా చిత్రాలతో దేశవ్యాప్తంగా మన సౌత్ ఇండియన్ స్టార్స్ మంచి గుర్తింపును సంపాదించుకున్నారు. బాహుబలి, పుష్ప, RRR చిత్రాలు ఓ రేంజ్ లో దేశవ్యాప్తంగా బాక్సాఫీస్ ని షేక్ చేసేసాయి.

మన టాలీవుడ్ సినిమాలు నార్త్ లో కూడా తన హవాని కొనసాగిస్తూ ఉన్నాయి. పుష్ప సినిమాలో ఊ అంటావా మామ అంటూ సమంత చేసిన ఐటమ్ సాంగ్ కి మంచి ఫాలోయింగ్ తో ఫ్యాన్స్ సంపాదించుకుంది. ఈ పాట దేశవ్యాప్తంగా అన్ని భాషలో యువతను ఉర్రూతలూగించింది.

అయితే ఇప్పుడు సమంత ఇంస్టాగ్రామ్ లో లేటెస్ట్ గా కొన్ని అట్రాక్టివ్ ఇమేజెస్ ని పోస్ట్ చేసింది. చైతూ తో విడాకుల తర్వాత సమంత రోజు రోజుకు తన గ్లామర్ డోస్ పెంచుకుంటూ పోతుంది.

ఈ ఇమేజెస్ లో సమంత లుక్ అదిరిపోయింది అని చెప్పవచ్చు. రెడ్ కలర్ డ్రెస్ లో ఎంతో గార్జియస్ గా కనిపిస్తుంది సమంత. ఇంతకీ సమంత ఇంత అందంగా ఎందుకు రెడీ అయిందని మీరు అనుకుంటున్నారా.. అసలు విషయం ఏంటంటే.. సమంత ఒక షో కోసం ఈవిధంగా తయారయ్యింది. ఇంతకీ ఆ షో ఏంటి అనుకుంటున్నారా. ఆ షోనే కాఫీ విత్ కరణ్. ఈ ప్రోగ్రాంలో పాల్గొనడం కోసం సమంత ఇలా అదిరిపోయే లుక్ లో కనిపించింది.

మన టాలీవుడ్ చిత్రాల పాన్ ఇండియా స్థాయిలో సక్సెస్ అయిన తర్వాత మన సౌత్ స్టార్స్ ఎంతోమంది కాఫీ విత్ కరణ్ షోకి హాజరయ్యారు. విజయ్ దేవరకొండ, రష్మిక, రామ్ చరణ్, జూనియర్ ఎన్టీఆర్ కూడా ఈ షోలో పాల్గొని ఎన్నో విషయాలను షేర్ చేసుకున్నారు. ఇప్పుడు ఆ లిస్టులో సమంత కూడా చేరిపోయింది. త్వరలో హాట్ స్టార్ లో కాఫీ విత్ కరణ్ ఈ ప్రోగ్రామ్ తో ప్రేక్షకులకు కనువిందు చేయనుంది.

ఎన్నో బ్లాక్ బస్టర్ సినిమాలకు సూపర్ హిట్ సంగీతం అందిస్తూ తనకంటూ మంచి గుర్తింపు తెచ్చుకున్నాడు దేవిశ్రీప్రసాద్. మ్యూజిక్ డైరెక్టర్ అందరిలో నెంబర్ వన్ స్థానంలో నిలిచాడు.

1999లో దేవీ చిత్రంతో మ్యూజిక్ డైరెక్టర్ గా  సినీ ప్రస్థానం మొదలు పెట్టాడు.  ఖడ్గం, శంకర్ దాదా ఎంబిబిఎస్, జులాయి, సరిలేరు నీకెవ్వరు, పుష్ప వంటి చిత్రాలకు సూపర్ డూపర్ హిట్ మ్యూజిక్ అందించారు దేవిశ్రీ ప్రసాద్.

దేవిశ్రీ ప్రసాద్ కంపోజ్ చేసే ప్రతి పాట ఏ రేంజ్ లో హిట్ అవుతుందో ప్రత్యేకంగా చెప్పనవసరం లేదు. సౌత్ ఇండియాలో నెంబర్ వన్ మ్యూజిక్ డైరెక్టర్ గా పేరు తెచ్చుకున్నాడు.

ఇప్పుడు దేవిశ్రీ హవా కొంచెం తగ్గిందనే చెప్పవచ్చు. ఎందుకంటే ఇండస్ట్రీలో ఏ పెద్ద హీరో సినిమా ఛాన్స్ లు మ్యూజిక్ డైరెక్టర్ థమన్ చెంతకు చేరుతున్నాయి.అద్భుతమైన సంగీతం తో ప్రేక్షకులను మంత్రముగ్ధులను చేస్తున్నాడు థమన్. దర్శకనిర్మాతలు కూడా ప్రేక్షకులకు కావాల్సింది థమన్ మ్యూజిక్ అని నిర్ణయించుకుంటున్నారు. ఈ విధంగా థమన్ క్రేజ్ ఒక్కసారిగా పెరిగి దేవిశ్రీప్రసాద్ ఓవర్టేక్ చేస్తూ నెంబర్ వన్ స్థానానికి వెళ్ళిపోయాడు.

అల్లు అర్జున్ హీరోగా నటించిన పుష్ప సినిమాలో అద్భుతమైన మ్యూజిక్ కంపోజ్ చేసి మరోసారి హిట్ అందుకున్నాడు దేవిశ్రీప్రసాద్.  పుష్ప హిట్ తో దేవిశ్రీ మళ్లీ లైన్ లోకి వచ్చేసాడు అని అందరూ అనుకున్నారు. క్రేజ్ తగ్గిపోతుందనే ఫ్రస్టేషన్ లో ట్యూన్స్ కాపీ చేస్తున్నాడు అంటూ నెటజన్లు ట్రోల్ చేస్తున్నారు. ఇంతకీ ఆ చిత్రాలు ఏంటంటే ఉప్పెన సినిమాలో దేవిశ్రీ ప్రసాద్ కంపోజ్ చేసిన జల జల జల పాతం పాట ఎంత సక్సెస్ అయింది అనే విషయం ప్రత్యేకంగా చెప్పనవసరం లేదు.

ఇప్పుడు అదే ట్యూన్ ని అచ్చుగుదినట్లు గా దింపేసాడు దేవిశ్రీప్రసాద్. ఇంతకీ ఆ చిత్రం ఏమిటి అనుకుంటున్నారా.. మన ఎనర్జిటిక్ రామ్ హీరోగా లింగుస్వామి దర్శకత్వంలో తెరకెక్కుతున్న ది వారియర్ సినిమాలోని దడ దడ అనే లిరిక్స్ అచ్చు జల జల జల పాతం ట్యూన్ మాదిరిగానే క్రియేట్ చేశాడు. ఈ లిరిక్స్ తో ఇంత క్రియేటివిటీ లేనట్లు తయారయ్యావు ఏంటి దేవిశ్రీ అంటూ ట్రోల్ చేస్తున్నారు నెటజన్లు.

రానా, సాయి పల్లవి జంట గా నటిస్తున్న సినిమా “విరాటపర్వం”. ఇది కూడా తొందరలోనే ప్రేక్షకుల ముందుకు రానుంది. ఈ సినిమాకి ఉడుగుల వేణు దర్శకత్వం వహిస్తున్నారు. ఇటీవలే ఈ సినిమా ట్రైలర్ విడుదల అయ్యిన సంగతి తెలిసిందే. ఈ సినిమా కూడా నక్సలిజం కాన్సెప్ట్ తో రూపొందుతోందని ట్రైలర్ చూస్తేనే అర్ధం అవుతోంది.

సాధారణం గా నక్సలిజం గురించి జనాలకు అవగాహన ఉన్నది చాలా తక్కువే. ఈ మాత్రం అవగాహనా కూడా సినిమాలను చూడడం వల్లనే వచ్చి ఉంటుందని అనుకోవచ్చు. ఎందుకంటే.. నక్సలైట్లు జనాల క్షేమం కోరినా.. సామాన్య ప్రజానీకానికి దూరం గా ఉంటారు.

సినిమాల ద్వారానే వీరు ఎలా ఉంటారో మనకి తెలుస్తూ ఉంటుంది. విరాటపర్వం సినిమాలో సాయి పల్లవి ఓ సాధారణ ఆడపిల్లలా కనిపిస్తుంది. తాను ప్రేమించిన రానా కోసం అడవిబాట పడుతుంది. తాను కూడా నక్సలైట్ గా మారుతుంది. విరాట పర్వం సినిమాలో సాయి పల్లవి పాత్రని జజ్జర్ల సమ్మక్క అనే ఓ మహిళ జీవితం ఆధారంగా రూపొందిస్తున్నారన్న సంగతి తెలిసిందే. సమ్మక్క బావ ఓ మావోయిస్టు. అతన్ని ప్రేమించిన సమ్మక్క అతని కోసమే బతికింది. అతని కోసమే అడవికి వెళ్లి మావోయిస్టు గా మారింది. చివరకు అతనితోనే ప్రాణాలు విడిచింది.

ఆమె బావ పేరు యాప నారాయణ అలియాస్ హరి భూషణ్. వీరి ప్రేమ అమరమైనది. చిన్నప్పటి నుంచి బావ తప్ప మరో లోకం తెలియని సమ్మక్క తన బావ చదువుకోవడానికి టౌన్ కి వెళ్ళినప్పుడు కూడా గుండెలు పగిలేలా ఏడ్చేసింది. డిగ్రీ చదువు చదువుకుని తన బావ తనకి మూడు ముళ్ళు వేస్తాడని ఆశపడింది. కానీ, అతను స్టూడెంట్ యూనియన్ పట్ల ప్రభావితుడై మావోయిస్టు దళంలోకి చేరిపోయాడు. దీనితో సమ్మక్క నిశ్చేష్టురాలు అయింది. బావతోనే తన లోకం అని నిశ్చయించుకుంది. సమాజానికి ఎదురెళ్లి బావని వెతుక్కుంటూ అడవిలోకి వెళ్ళిపోయింది. అడవిలోనే తన బావని పెళ్లాడింది.

తన ముప్పై ఏళ్ల ప్రస్థానంలో బావ వెంటే నడిచింది. ఆమె పడ్డ కష్టాలు, కార్చిన కన్నీళ్లు, బంధువులు, కుటుంబం, చట్టాలు.. ఇవేవీ వారి ప్రేమని విడదీయలేకపోయాయి. 2008 సమయంలో సమ్మక్క ఆరోగ్యం చెడిపోయింది. దీనితో వరంగల్ లో పోలీసులకు లొంగిపోయింది. తన అనారోగ్యానికి కావాల్సిన చికిత్సని చేయించుకుంది. ఆపరేషన్ అయ్యి పచ్చి కుట్లు ఆరకుండానే అడవిలోకి వెళ్ళిపోయింది.

ఆమె బావ పట్ల ఆమెకు ఉన్న ప్రేమ అలాంటిది. కానీ కరోనా వీరిద్దరిని వేరు చేసింది. హరిభూషణ్ కు అడవిలోనే కరోనా సోకింది. సమ్మక్క ఎన్ని సేవలు చేసినా అతను కోలుకోలేదు. అతను చనిపోయేసరికి సమ్మక్క తట్టుకోలేకపోయింది. ఆమెకు కూడా కరోనా సోకడంతో కోలుకోలేక కుప్పకూలిపోయింది. మన్యం లో వీరి ప్రేమ మొదలై అరణ్యంలో ముగిసింది. వీరి పాత్రలు ముగిసాయి కానీ.. వీరి ప్రేమ మాత్రం చరిత్రలో నిలిచిపోయింది. వీరు చేసింది తప్పా, ఒప్పా అన్న సంగతి పక్కన పెడితే.. ఒకరికోసం ఒకరు పడ్డ తపన.. వీరి మధ్య ఉన్న ప్రేమ మాత్రం అనిర్వచనీయమైనది.

ఎంతో కాలం వెయిట్ చేసిన తర్వాత డిసెంబర్‌లో పుష్ప సినిమా థియేటర్లలో విడుదల అయ్యింది. పుష్ప రాజ్ అనే ఒక వ్యక్తి ఒక రోజు వారి కూలీ నుండి ఒక సిండికేట్ స్థాయికి ఎలా ఎదిగాడు? అలా ఎదిగే క్రమంలో అతను ఎదుర్కొన్న సమస్యలు ఏంటి? అనే అంశం చుట్టూ సినిమా మొత్తం తిరుగుతుంది.

దీనికి రెండవ భాగం కూడా ఉంది అనే విషయం తెలిసిందే. ఆ సినిమాకి పుష్ప – ద రూల్ అనే పేరు పెట్టారు. అయితే, పుష్ప సినిమా టాక్ మాత్రం మిక్స్డ్ గానే వచ్చింది. పుష్ప సినిమా థియేటర్లలో నడుస్తుండగానే అమెజాన్ ప్రైమ్ లో విడుదల అయ్యింది. హిందీ వెర్షన్ తో సహా అన్ని భాషల్లో సినిమా అమెజాన్ ప్రైమ్ లో విడుదల అయ్యింది.

పుష్ప సినిమా థియేటర్లలో విడుదల అయినప్పటికంటే, ఇప్పుడే చాలా మంచి టాక్ వచ్చింది. ఎంతో మంది సెలబ్రిటీలు సినిమా చూసి, సినిమా చాలా బాగుంది అని, అల్లు అర్జున్ ఈ సినిమాలో చాలా బాగా నటించారు అని సోషల్ మీడియా ద్వారా పొగిడారు. కేవలం తెలుగు సినిమా ఇండస్ట్రీకి సంబంధించిన ప్రముఖులు మాత్రమే కాకుండా, బాలీవుడ్ కి సంబంధించిన ఎంతో మంది పెద్ద పెద్ద సెలబ్రిటీలు కూడా అల్లు అర్జున్ నటనని ప్రశంసించారు. దాంతో పుష్ప రెండవ పార్ట్ విడుదలకి అందరూ ఆసక్తిగా ఎదురు చూస్తున్నారు.

ఈ సినిమాకి సంబంధించి ఒక వార్త ఇప్పుడు వైరల్ అవుతోంది. అదేంటంటే పుష్ప సెకండ్ పార్ట్ లో అల్లు అర్జున్ 50 సంవత్సరాలు పైబడిన ఒక వ్యక్తిగా కనిపించబోతున్నారు అని సమాచారం. అలాగే ఇప్పుడు పుష్పకి, శ్రీవల్లికి ఒక కొడుకు పుడతాడు అని, ఆ కొడుకు పాత్ర కూడా అల్లు అర్జున్ పోషిస్తారు అని సమాచారం. మరొక వార్త ఏంటంటే పుష్ప కొడుకు పాత్రలో ఒక ప్రముఖ హీరో కూడా నటించే అవకాశాలు ఉన్నాయట. మరి ఈ వార్తల్లో ఎంత వరకు నిజం ఉందో తెలియాలి అంటే ఇంకా కొంత సమయం ఆగాల్సిందే. ప్రస్తుతం అయితే సినిమా బృందం సినిమా కథకి సంబంధించిన చర్చల్లో ఉన్నారు.