Filmy Adda

సీరియల్స్ ద్వారా మనకు పరిచయమయ్యి, బిగ్ బాస్ షో ద్వారా ఇంకా సుపరిచితులు అయ్యారు అఖిల్ సార్థక్. టివి లో బిగ్ బాస్ ఇచ్చిన టాస్క్స్ చేయడంతో పాటు, పాటలు పాడుతూ, డాన్స్ చేస్తూ ప్రేక్షకులను ఎంటర్టైన్ చేస్తూ వచ్చారు. ఆ షో లో వచ్చిన పాపులారిటీతో బిగ్ బాస్ ఓటిటిలో కూడా పాల్గొనే అవకాశం సొంతం చేసుకున్నారు.

అయితే… బిగ్ బాస్ ఓటిటి లో కూడా అఖిల్ సార్థక్ ఎంటర్టైన్ చేసారు. అఖిల్ సీరియల్స్ లో నెగటివ్ షేడ్స్ ఉన్న పాత్రలలో నటించారు. అయితే స్క్రీన్ పై కూడా కొన్ని కొన్ని సార్లు ప్రేక్షకులకు అలానే అనిపించారు.

అయితే.. సహజంగా ప్రేక్షకులలో కలిగే ఈ ఫీలింగ్ ను పోగొట్టి మంచి ఆటగాడిగా పేరు తెచ్చుకున్నారు. బిగ్ బాస్ టీవీ షో లో కూడా మైండ్ గేమ్ తో బాగానే ఆడారు. చివరి వరకు పోరాడి చివరికి టాప్ 5 లో ఒకరిగా నిలిచి మంచి పేరు తెచ్చుకున్నారు. రన్నర్ గా నిలిచినప్పటికీ అఖిల్ సార్థక్ చాలా మంది అభిమానులనే సొంతం చేసుకున్నారు. అయితే.. బిగ్ బాస్ ఓటిటిలో కూడా అఖిల్ పాల్గొంటున్నారు అని టాక్ రాగానే ఆయన అభిమానులు ఫుల్ ఖుష్ అయ్యారు.

కానీ ఓటిటి లో కూడా ఆయన రన్నర్ గా నిలవాల్సి వచ్చింది. ఓటిటిలో కూడా అఖిల్ సార్థక్ చాలా బాగా గేమ్ ను ఆడారు. టాప్ సెకండ్ ప్లేస్ లో నిలిచారు. బిగ్ బాస్ ఓటిటిలో ఈ సారి ఎలా అయినా అఖిల్ గెలుస్తారని ఆయన అభిమానులు ఆశించారు. అయితే.. ఇటీవలే ఈ షో ముగిసిన సంగతి తెలిసిందే. అఖిల్ మాత్రం స్టార్ మా లో ప్రసారం అయినా బిగ్ బాస్ షో మాదిరిగానే సెకండ్ ప్లేస్ లో రన్నర్ గా నిలిచారు. ఇది ఇలా ఉంటె.. అఖిల్ అభిమానులు మాత్రం మా అఖిల్ అన్న బాగా ఆడాడని.. రెండు సార్లు టాప్ సెకండ్ ప్లేస్ కు వెళ్లడం అంత ఈజీ ఏమీ కాదని కామెంట్స్ చేస్తున్నారు.

ఎన్నో రోజులు వెయిట్ చేసిన తర్వాత కేజీఎఫ్ చాప్టర్-2 విడుదల అయ్యింది. కేజీఎఫ్ మొదటి భాగం ఎవరూ ఊహించనంత పెద్ద హిట్ అయ్యింది. మొదటి భాగం మొత్తంలో కూడా రాకీ భాయ్ ఎలా ఎదిగాడు అనేది చూపించారు. రెండవ భాగంలో మాత్రం రాకీ భాయ్ ఎదిగిన తర్వాత తాను ఎదుర్కొన్న సమస్యలు ఏంటి అనేది చూపించారు? మొదటి భాగంలాగానే ఈ సినిమా కూడా పవర్ ఫుల్ గా ఉంటుంది.

అసలు రాకీ భాయ్ ని జనాలు అందరూ అంత గుర్తు పెట్టుకునే అంతగా ఏం చేసాడు అనేది ఈ సినిమాలో చూపించారు. కానీ మొదటి భాగంతో పోలిస్తే ఈ సినిమాలో ఎమోషన్స్ కొంచెం తక్కువగా ఉన్నట్టు అనిపిస్తాయి. అలాగే విలన్ పాత్ర కూడా మనం చాలా సినిమాల్లో చూసినట్టే అనిపిస్తుంది. కానీ యాక్షన్ సీన్స్ మాత్రం చాలా బాగా డిజైన్ చేశారు.

సినిమాకి ఎడిటింగ్ ఒక మెయిన్ హైలైట్‌గా నిలిచింది. ఈ సినిమాకి ఎడిటర్‌గా చేసిన వ్యక్తి పేరు ఉజ్వల్ కులకర్ణి. ఉజ్వల్ వయసు కేవలం 19 సంవత్సరాలే. ఉజ్వల్ అంతకుముందు కొన్ని షార్ట్ ఫిలిమ్స్ కి ఎడిటర్ గా చేసారు. ఉజ్వల్ వర్క్ నచ్చడంతో ప్రశాంత్ నీల్ కేజీఫ్ సినిమాకి ఎడిటింగ్ చేసే అవకాశం ఇచ్చారు. సాధారణంగా ఇలాంటి సినిమాలు అంటే అనుభవం ఉన్న వారిని తీసుకుంటారు. కానీ ఇంత చిన్న వయసులో కూడా ఉజ్వల్ అనుభవం ఉన్న వారిలాగా చేసారు అని అందరు పొగుడుతున్నారు.

సినిమా ఇంత విజయం సాధించడంలో ఎడిటింగ్ ముఖ్య పాత్ర పోషించింది. ఆలా ఉజ్వల్ కి కూడా ఈ సినిమాతో కేవలం కన్నడ సినిమా ఇండస్ట్రీలో మాత్రమే కాకుండా పాన్ ఇండియన్ రేంజ్ లో పేరు వచ్చింది. సినిమాకి ప్రస్తుతం హిట్ టాక్ వస్తోంది. మొదటి పార్ట్ తో పోలిస్తే ఈ సినిమా చాలా పవర్ ఫుల్ గా ఉంది అని అంటున్నారు. ఈ సినిమాతో యష్ మరొకసారి పాన్ ఇండియన్ రేంజ్ లో గుర్తింపు సంపాదించారు.

“గుమ్మాడి గుమ్మాడి ఆడిందంటే అమ్మాడి” ఎంతో మంది తండ్రీ కూతుళ్లను ఆకట్టుకుంది ఈ పాట..అంతేకాదు డాడీ సినిమాలోని చిరంజీవికి, తన కూతురిగా నటించిన చైల్డ్ ఆర్టిస్ట్ కి మధ్య నడిచిన సన్నివేశాలన్ని ఇప్పటికి ఫ్యామిలి ఆడియన్స్ ని కట్టిపడేస్తాయి.. మరి ఆ సినిమాలో అక్షర, ఐశ్వర్యగా ద్విపాత్రాభినయం చేసిన ఆ చిన్నారి తర్వాత సినిమాల్లో కనిపించలేదు..డాడీ సినిమా వచ్చి ఇరవై ఏళ్లు అయింది..మరిప్పుడు ఆ చైల్డ్ ఆర్టిస్ట్ ఎలా ఉందో తెలుసా?

నిజానికి చైల్డ్ ఆర్టిస్టులని వారి నటనతోనో, వారి పాత్రల పేరుతోనో ఎక్కువగా గుర్తు పెట్టుకుంటారు చాలామంది..అలా డాడీ సినిమాలో నటించిన చిన్నారి కూడా అక్షరగానే ఎక్కువమందికి తెలుసు..కానీ ఆ చిన్నారి పేరు అనుష్క మల్హోత్రా.. తెలుగమ్మాయి కానప్పటికి పాత్రకి తగ్గట్టుగా ముఖంలో భావాల్ని పలికించగలిగింది..చిరుతో కలిసి నటించిన సన్నివేశాల్లో అయితే సొంత తండ్రీ కూతుళ్లా అనిపించేలా చేసింది.

అప్పట్లో ఆ అమ్మాయి ఇండస్ట్రీ వారికి చెందిన కూతురని, చిరంజీవి ఫ్యామిలికి దగ్గర వాళ్ల అమ్మాయని అందుకే చిరుతో అంత ఈజ్ గా నటించేసిందని రకరకాల టాక్స్ వచ్చాయి..కానీ నిజానికి ఆ అమ్మాయి నార్త్ ఇండియా ఫ్యామిలికి చెందిన అమ్మాయి..ఊరు ముంబాయి..ప్రస్తుతం యుకెలో ఉంటుంది..డాడీ తర్వాత మరో హింది చిత్రంలో నటించింది..తర్వాత మళ్లీ సినిమాల్లో కనిపించలేదు..

ఇటీవల అనుష్క మల్హోత్ర ఫోటోలు సోషల్ మీడియాలో దర్శనం ఇవ్వడంతో అందరూ అవాక్కయ్యారు.. ఆ చైల్డ్ ఆర్టిస్టేనా ఇప్పుడిలా హీరోయిన్ లా ఇంతందంగా ఉంది అని ఆశ్చర్యపోయారు. సినిమాల్లో ఎందుకు నటించట్లేదు అని చాలా మంది కామెంట్స్ కూడా చేశారు.కానీ కొందరుంటారు ఇండస్ట్రీ ఊబిలో చిక్కుకుపోకుండా తమ పని తాము చేసుకునేవాళ్లు..అలాంటి కోవకి చెందిందే అనుష్క మల్హోత్రా..

పవన్ కళ్యాణ్.. తెలుగు రాష్ట్రాల సినీ ప్రేమికులకు, రాజకీయ రంగానికి పరిచయం అవసరం లేని పేరు. పవర్ స్టార్ గా సినీ కెరీర్ లో మంచి ఊపు మీద ఉన్న సమయంలోనే సినిమాలను వదిలిపెట్టి రాజకీయాల్లోకి అడుగు పెట్టారు. తనకు చేతనైనంత సాయం చేస్తూ ప్రజా నాయకుడిగా ఎదగాలని ప్రయత్నించారు. అయితే కాలం కలిసి రాలేదు. తననే నమ్ముకున్న అభిమానుల కోసం తిరిగి సినిమాల్లోకి కూడా రీ ఎంట్రీ ఇచ్చారు.

అయితే పవన్ సినిమాల్లోకి రీ ఎంట్రీ ఇచ్చినప్పటికీ రాజకీయాలపై ఉన్న మక్కువని వదలలేదు. తిరిగి పార్టీ కోసం పని చేయడం ప్రారంభించారు. అయితే.. పార్టీ తరపున ఆయన పలు ప్రెస్ మీట్స్ లో కూడా పాల్గొన్నారు.

అయితే మీరెప్పుడైనా గమనించారా? పవన్ కళ్యాణ్ తన చేతికి రెండు ఉంగరాలని ధరించి కనిపిస్తారు. సాధారణంగా పూర్తి రాజకీయ నాయకుడి తరహా లో పవన్ కళ్యాణ్ తెలుపు చొక్కా, తెలుపు పంచెని మాత్రమే ధరిస్తారు. అయితే.. ఆయన రంగు ఉంగరాలను ధరించడం కూడా ప్రస్తుతం చర్చనీయాంశం అయింది. ఈ ఉంగరాల గురించి అభిమానుల మధ్య కూడా జోరుగా చర్చ సాగుతోంది. 2024 లో ఎన్నికలు జరగనున్న నేపథ్యంలో పవన్ కళ్యాణ్ ఏ నియోజక వర్గం నుంచి పోటీ చేస్తారు అన్న సంగతి ఇంకా తేలాల్సి ఉంది.

ఈ క్రమంలో పవన్ ఉంగరాలు ధరించి ప్రెస్ మీట్స్ కి వస్తుండడంతో అటు అభిమానుల్లోనూ, ఇటు ప్రజల్లోనూ కుతూహలం నెలకొంది. ఓ వైపు ఆయన అభిమానులు కూడా ఆయన సీఎం అవ్వాలని కోరుకుంటున్న సంగతి తెలిసిందే. అయితే రాజకీయంగా తనకు అనుకూలించడం కోసమే పవన్ ఈ ఉంగరాలను ధరిస్తున్నారట. పవన్ ధరించిన ఉంగరాల్లో ఒకటి పగడం అని తెలుస్తూనే ఉంది. సాధారణంగా వైవాహిక జీవితంలో వచ్చే సమస్యల్ని అధిగమించడానికి కూడా పగడాన్ని ధరిస్తుంటారు. అయితే.. పవన్ కళ్యాణ్ రాజకీయంగా అడ్డంకులు తొలగి తన లక్ష్యాన్ని చేరుకోవడం కోసమే ధరిస్తున్నారని సన్నిహితుల మాట.

పవన్ కళ్యాణ్ కు నమ్మకాలూ ఎక్కువేనని ఆయన సన్నిహితులు కూడా చెబుతుంటారు. త్రివిక్రమ్ ద్వారా ఆయన ఉపనయనం కూడా చేయించుకుని జంధ్యం ధరిస్తున్నారని సమాచారం. అలాగే ఆయన హోమాలు చేయించడం కోసం భారీగా ఖర్చులు చేయిస్తారట. ప్రస్తుతం పవన్ కళ్యాణ్ హరి హర వీర మల్లు అనే సినిమాలో నటిస్తున్నారు. ఈ సినిమా దాదాపు 200 కోట్ల బడ్జెట్ లో రూపొందుతోంది. ఈ సినిమా క్రిష్ దర్శకత్వంలో తెరకెక్కుతున్న సంగతి తెలిసిందే.

గత కొన్ని సంవత్సరాల నుండి భారతీయ సినిమా ఇండస్ట్రీలో టాప్ దర్శకుల జాబితాలో వినిపిస్తున్న పేరు ప్రశాంత్ నీల్. ఒక్క సినిమాతో భారతదేశం అంతటా చాలా మంచి పేరు సంపాదించుకున్నారు ప్రశాంత్ నీల్. ఇప్పుడు ప్రశాంత్ నీల్ దర్శకత్వం వహించే నెక్స్ట్ సినిమాలపై ఆసక్తి నెలకొంది.

ఆ సినిమాలకు సంబంధించి వార్తలు కూడా బయటికి వచ్చాయి. ప్రశాంత్ నీల్ ప్రభాస్ తో హీరోగా సలార్ సినిమాకి దర్శకత్వం వహిస్తున్నారు. ఆ తర్వాత జూనియర్ ఎన్టీఆర్ తో ఒక సినిమా ఉంటుంది అని ప్రకటించారు. ఆ సినిమా తర్వాత రామ్ చరణ్ తో కూడా ఒక సినిమా ఉండే అవకాశాలు ఉన్నాయి అని వార్తలు వస్తున్నాయి.

దాంతో ప్రశాంత్ నీల్ మీద ఎన్నో నెగటివ్ కామెంట్స్ కూడా వస్తున్నాయి. అందుకు కారణం మొదటి రెండు సినిమాలు కన్నడ హీరోలతో చేసి, పేరు వచ్చిన తర్వాత తెలుగు ఇండస్ట్రీలో ఉన్న పెద్ద స్టార్ హీరోలతో వరుసగా కొన్ని పెద్ద సినిమాలకు దర్శకత్వం వహిస్తున్నారు. దాంతో ప్రశాంత్ నీల్ మీద కన్నడ ఇండస్ట్రీ ప్రేక్షకుల నుండి నెగిటివ్ కామెంట్స్ వస్తున్నాయి. ఇదే విషయాన్ని కోరాలో అడిగినప్పుడు ఒక వ్యక్తి స్పందించి ఈ విధంగా చెప్పారు. కేజీఎఫ్ డైరెక్టర్ ప్రశాంత్ నీల్ కేజీఎఫ్ – 2 తర్వాత టాలీవుడ్ లోకి వెళ్ళడానికి కారణం ఏంటి అనే ప్రశ్నకి మూవీ బఫ్ 139 అనే ఒక కోరా యూజర్ ఈ విధంగా సమాధానం చెప్పారు.

#1 డబ్బు

తెలుగు ఇండస్ట్రీలో చాలా పెద్ద నిర్మాణ సంస్థలు ఉన్నాయి. కన్నడ ఇండస్ట్రీ కంటే తెలుగు ఇండస్ట్రీ చాలా పెద్దది.

#2 నటులకి స్టార్‌డమ్

కన్నడ ఇండస్ట్రీలో ఒక డైరెక్టర్ కథని తయారు చేసి, ప్రొడ్యూసర్ లేదా నటులని కలిసి కథ వినిపించే సినిమా తీస్తారు. అంటే ఇక్కడ డైరెక్టర్ ముఖ్య పాత్ర పోషిస్తారు. తను ఒక సినిమా చేయాలి అనుకుంటే తానే వెళ్లి ప్రొడ్యూసర్ కి, నటులకి కథ చెప్పాలి. కానీ తెలుగు ఇండస్ట్రీలో ఒక డైరెక్టర్ కి హిట్ రాగానే ప్రొడ్యూసర్, హీరోలు డైరెక్టర్ ని వెతుక్కుంటూ వెళ్లి సినిమాలు తీస్తారు.

#3 సినిమాకి ఎక్కువ సమయం తీసుకోకపోవడం

తెలుగు ఇండస్ట్రీలో హీరోలు కొరటాల శివ, త్రివిక్రమ్ వంటి దర్శకులతో కమర్షియల్ సినిమాలు చేసినా కూడా సుకుమార్, రాజమౌళి వంటి దర్శకులతో ప్రయోగాత్మక సినిమాలు చేస్తారు. అందుకు కారణం హీరో కమర్షియల్ సక్సెస్ సాధించడం మాత్రమే కాకుండా మంచి నటుడిగా కూడా పేరు తెచ్చుకోవాలి. అందుకోసమే అటు కమర్షియల్ చిత్రాల్లో ఇటు ప్రయోగాత్మక సినిమాల్లో కూడా నటిస్తూ ఉంటారు.

ప్రశాంత్ నీల్ విషయానికి వస్తే ప్రశాంత్ నీల్ దర్శకత్వం వహించిన సినిమాలు కేవలం కమర్షియల్ గా మాత్రమే ఉండవు. హీరోని చాలా కొత్తగా చూపిస్తారు. అంతేకాకుండా ప్రశాంత్ నీల్ ఒకేసారి ఒకటి కంటే ఎక్కువ సినిమాలని సైన్ చేస్తారు. ఒకే సినిమాపై ఎక్కువ సమయం తీసుకోరు. రాజమౌళి, సుకుమార్ వంటి దర్శకులు ఒక సినిమాపై చాలా సంవత్సరాలు పని చేస్తారు. అందుకే ప్రశాంత్ నీల్ తో పని చేయడానికి చాలా మంది నటులు కూడా ఆసక్తి చూపిస్తున్నారు.

#4 ప్రశాంత్ నీల్ కన్నడ ఇండస్ట్రీకి అవసరమా?

ప్రశాంత్ నీల్ కన్నడ ఇండస్ట్రీకి అవసరమా అనే ప్రశ్నకు కూడా సమాధానం చెప్పారు. ఈ ప్రశ్నకి సమాధానం చెప్పు ఈ విధంగా అన్నారు. “ప్రశాంత్ నీల్ కన్నడ ఇండస్ట్రీ కి అవసరమే. కన్నడ ఇండస్ట్రీ మార్కెట్ దేశవ్యాప్తంగా విస్తరించడానికి ప్రశాంత్ నీల్ ఒక బ్రాండ్ గా నిలిచారు. ఒక గ్యాంగ్‌స్టర్ డ్రామాని తెరపై చాలా బాగా, రియలిస్టిక్‌గా చూపించడం ప్రశాంత్ నీల్ స్పెషాలిటీ.” అని రాశారు.

sourced from : Quora (Moviebuff139)