Health Adda

అంజీర్ ఫ్రూట్ మల్బరీ ఫామిలీ కి చెందిన డ్రై ఫ్రూట్. ఈ ఫ్రూట్ వలన కలిగే లాభాలు చాలానే ఉన్నాయి. చాలా మంది వీటిని ఇష్టం గా తింటారు. అంజీర్ ను తినడం వలన మహిళలో పిఎంఎస్ వలన వచ్చే లక్షణాలు తగ్గుముఖం పడతాయి. బాదాం పప్పులు, వాల్ నట్ లతో పాటు ఈ ఫ్రూట్స్ ను కూడా తీసుకోవడం మంచిది.

వీటిని తీసుకోవడం వలన బరువు తగ్గడానికి దోహదపడుతుంది. మలబద్దకాన్ని తగ్గిస్తుంది. షుగర్ లెవెల్స్ ను కంట్రోల్ లో ఉంచుతుంది. బరువు తగ్గాలనుకునే వారు వీటిని తమ డైట్ చార్ట్ లో చేర్చుకోవడం ఉత్తమం. గుండె ఆరోగ్యాన్ని కూడా ఇది కాపాడుతుంది. కానీ చాల మంది వీటిని మామూలుగానే తినేస్తూ ఉంటారు. అలా కాకుండా.. వీటిని ముందు రోజు రాత్రి నీటిలో నానబెట్టి ఉదయాన్నే ఖాళీ కడుపుతో తినడం వలన మంచి ఫలితాలు ఉంటాయి.

చాలా మందిలో నోటిపూత కనిపిస్తూనే ఉంటుంది. చెప్పుకోవడానికి ఇదేమి పెద్ద జబ్బు కాకపోయినా.. ఆహరం తినడానికి చాలా ఇబ్బందులు ఎదుర్కోవాల్సి వస్తుంది. చిన్న గా కనిపించే నోటిపూత మనం అన్నం తినేటపుడు మాత్రం చుక్కలు చూపిస్తుంది. మీకు తరచుగా నోటిపూత వస్తోందా..? అయితే ఇది తప్పనిసరిగా కేర్ తీసుకోవాల్సిన అంశం. అసలు నోటిపూత ఎందుకు వస్తుంది..? ఇది తగ్గాలంటే మన ఇంట్లోనే సింపుల్ గా ఎలాంటి జాగ్రత్తలు తీసుకోవాలో ఇప్పుడు చూద్దాం.

మీరెప్పుడైనా అధికం గా ఒత్తిడి కి గురి అయినప్పుడు, వేడి చేసినపుడు, సరైన పోషకాహారం తీసుకోనపుడు ఇలా నోటిలో అల్సర్ వస్తూ ఉంటుంది. డీహైడ్రేషన్ వలన కూడా ఇవి వచ్చే అవకాశం ఉంటుంది. ఇది చూడడానికి గుండ్రం గా ఉంటుంది. మధ్యలో తెల్లని గాయం లా కనిపిస్తుంది..దాని చుట్టూ ఎర్ర గా పూత పూసినట్లు ఉంటుంది. ఇవి వచ్చినప్పుడల్లా మనం తినడానికి నానా అవస్థలు పడుతూ ఉంటాం.

ఎందుకు వస్తుందంటే..?

#1. మనకి ఏదైనా ఆహారం పడకపోతే ఇలా నోటిలో పుండ్లు మాదిరిగా ఏర్పడే అవకాశం ఉంటుంది.
#2. అధికం గా ఒత్తిడి కి గురి అవడం వలన కూడా ఇలాంటి సమస్యలొస్తాయి.
#3. ఎక్కువ గా ఆమ్లా లక్షణాలు కలిగిన పండ్లు నారింజ, యాపిల్, నిమ్మ, స్ట్రాబెరి వంటివాటిని ఎక్కువ గా తీసుకోవడం వలన కూడా వేడి చేసి నోటిపూత వచ్చే అవకాశం ఉంటుంది.

#4. ఫోలిక్ ఆసిడ్, బి 12 విటమిన్, ఐరన్, జింక్, సి విటమిన్ వంటివి లోపించడం, హార్మోనుల అసమతౌల్యం వలన ఇలాంటి ఇబ్బంది తలెత్తుతుంది.
#5. మీరు తరచుగా యాంటిబయోటిక్ లు వాడినా కూడా ఇలాంటి ఇబ్బంది తలెత్తుతుంది.
#6. మీ నోటిని, దంతాలను పరిశుభ్రం గా ఉంచుకోకపోయినా కూడా మీకు పదే పదే నోటి అల్సర్ తలెత్తుతుంది.

ఎలాంటి చిట్కాలు పాటించాలంటే:

#1. నోటి అల్సర్ నుంచి ఉపశమనం పొందడానికి తేనే చక్కని మార్గం. నోట్లో కణజాలాలు చిట్లిపోవడం వలన ఈ సమస్య ఏర్పడుతుంది కాబట్టి.. తేనే ను పూయడం వలన కొత్త కణజాలాలు తిరిగి ఏర్పడడానికి ఇది దోహదం చేస్తుంది. తేనెలో పసుపు కలిపి పేస్ట్ లా చేసుకుని రాసినప్పుడు కూడా చక్కటి ఉపశమనం లభిస్తుంది. కేవలం తేనెను ఇలా రాసినా కూడా మంచి ఫలితమే కనిపిస్తుంది.

#2. అలానే, కొబ్బరి నీళ్లను తరచుగా తాగడం, కొబ్బరి నూనెను పూయడం అలానే కొబ్బరిని తినడం కూడా నోటిపూతను నివారిస్తుంది. కొబ్బరి శరీరం లో వేడిని తగ్గిస్తుంది. ఫలితం గా నోటిపూత త్వరగా మానిపోతుంది.
#3. పాలపదార్ధాలైన నెయ్యి, మజ్జిగ వంటి పదార్ధాలు కూడా నోటిపూత నుంచి ఉపశమనం కల్పిస్తాయి. ఎక్కడైతే నోటిపూత గాయాలున్నాయో అక్కడ నేయి రాయడం, రోజుకు రెండుమూడుసార్లు గ్లాసు మజ్జిగ తాగితే ఎంతో ఉపశమనం గా ఉంటుంది.

#4. తులసి ఆకులు కూడా నోటిపూతకు మంచి ఔషధం. నోటిలో కొంత నీరు పోసుకుని తులసి ఆకుల్ని వేసుకుని నీటితో పాటుగా ఈ ఆకుల్ని నమలాలి. ఇలా రోజుకు నాలుగైదు సార్లు నమలడం వలన కూడా ఈ నోటిపూత తొందరగా తగ్గిపోతుంది.
#5. అలాగే చిన్న ఐస్ ముక్కతో పుండు ఉన్న చోట మర్దనా చేయడం, లవంగం నమలడం కూడా మంచి ఉపశమనాన్ని ఇస్తాయి.

కోవిడ్-19 పెద్దవాళ్ళలో వస్తే కనిపించే లక్షణాల గురించి మనందరికీ ఐడియా ఉంది. కానీ చిన్న పిల్లల్లో కోవిడ్ వస్తే తెలుసుకోవడం ఎలా అనే విషయంపై ఇప్పటికీ ఒక సందేహం నెలకొంది. అయితే ఈ విషయంపై యూనియన్ హెల్త్ మినిస్టరీ కొన్ని గైడ్ లైన్స్ విడుదల చేసింది. వైరస్ సోకిన పిల్లల్లో ఎక్కువ మందికి లక్షణాలు ఉండవు. ఒకవేళ ఉన్నా కూడా చాలా తక్కువగా ఉంటాయి.

జ్వరం, దగ్గు, శ్వాస తీసుకోలేకపోవడం, అలసిపోవడం, మయాల్జియా, రినోరోయా, గొంతు నొప్పి, విరోచనాలు, వాసన కోల్పోవటం, రుచి కోల్పోవడం వంటి లక్షణాలు ఉంటాయి. కొంత మంది పిల్లలకు మాత్రం జీర్ణశయాంతర సమస్యలు కూడా ఉంటాయని మినిస్టరీ తెలిపింది. పిల్లల్లో మల్టీ సిస్టమ్స్ ఇన్ఫ్లమేటరీ సిండ్రోమ్ అనే ఒక కొత్త సిండ్రోమ్ గమనించారు.

ఈ సిండ్రోమ్ లక్షణాలు జ్వరం, కడుపునొప్పి, వాంతులు, విరోచనాలు, దద్దుర్లు అలాగే కార్డియోవాస్క్యులర్, న్యూరోలాజికల్ ప్రాబ్లమ్స్ ఉంటాయి. ఒకవేళ పిల్లలకి పాజిటివ్ వచ్చి లక్షణాలు కనిపించకపోతే వారి హెల్త్ ని ఎప్పటికప్పుడు ట్రాక్ చేయాల్సి ఉంటుంది. లక్షణాలను ముందుగానే గుర్తిస్తే ముందుగానే ట్రీట్మెంట్ తీసుకోవచ్చు అని నిపుణులు చెబుతున్నారు.

ఒకవేళ పిల్లల్లో గొంతు నొప్పి, దగ్గు, రినోరోయా వంటి సమస్యలు ఉండి, శ్వాస తీసుకోవడంలో ఎటువంటి ఇబ్బంది లేకపోతే వారిని ఇంట్లోనే ఉంచి చూసుకోవచ్చు అని మినిస్టరీ తెలిపింది. ఒకవేళ పిల్లలకి పుట్టుకతోనే గుండెకి సంబంధించిన సమస్య, ఊపిరితిత్తులకు సంబంధించిన సమస్య, క్రోనిక్ ఆర్గన్ డిస్ఫంక్షన్, లేదా ఒబెసిటీ వంటివి ఉన్నా కూడా వారికి ఇంట్లోనే ఉంచి ట్రీట్మెంట్ అందించొచ్చు అని తెలిపారు.

ప్రస్తుతం ఎక్కడ చూసిన కరోనా గురించిన చర్చే.. ఈ మహమ్మారిని ఎదుర్కోవాలంటే రోగ నిరోధక శక్తీ పుష్కలంగా ఉండాలి. మనం తీసుకునే ఆహరం ద్వారానే మన శరీరానికి అవసరమైన రోగ నిరోధక శక్తీ అందుతుంది. ప్రస్తుత పరిస్థితుల్లో రోగనిరోధక శక్తిని పెంపొందించాల్సిన అవసరం ఎంతైనా ఉంది. ఆయుర్వేదం లో రోగనిరోధక వ్యవస్థను మాడ్యులేట్ చేసే అనేక మందులు ఉన్నాయి, వీటిలో విటమిన్ సి మరియు డి వంటి విటమిన్లు, అమైనో ఆమ్లాలైన లైసిన్ మరియు అర్జినిన్ మరియు జింక్ వంటి ఖనిజాలు ఉన్నాయి. అలాగే అనేకరకాల మూలికలు కూడా ఉన్నాయి.. కరోనా మహమ్మారి బెడద ప్రారంభమైన మొదట్లో చాలామంది వీటిని తీసుకున్నారు. ఆ తరువాత క్రమం గా వీటిని తీసుకోవడం తగ్గించేశారు.

ప్రస్తుతం ఎక్కువ మంది టీకాలపైనే డిపెండ్ అవుతున్నారు. అయితే.. ఆయుర్వేదం లో కూడా మందులు పూర్తి గా కరొనను నిర్ములిస్తున్నాయని ప్రూవ్ కాలేదు. దీనితో ఎక్కువ మంది టీకాపైనే ఆధారపడుతున్నారు. అయితే, ఆయుర్వేదం మందులు వాడడం ద్వారా మీ శరీరం లో రోగ నిరోధక శక్తిని పెంచుకోవచ్చు. తద్వారా.. మీ శరీరం దృఢం గా ఉండి కరోనా పై ఫైట్ చేయగలుగుతుంది.

ఒక్క కరోనా మహమ్మారి వలనే మనం ఎన్ని ఇబ్బందులు పడుతున్నామో చూస్తూనే ఉన్నాం.. అయితే.. ఈ పరిస్థితుల్లో ఆంధ్రప్రదేశ్ తో పాటు పలు చోట్ల బ్లాక్ ఫంగస్ కేసులు వెలుగు చూస్తున్నాయి. ఇది కరోనా కంటే ప్రమాదకారి అని తెలుస్తోంది. ఈ మహమ్మారి సోకినా వందమందిలో 50 మంది చనిపోయే అవకాశం ఉందని తెలుస్తోంది. ఎక్కువ గా ఇది కరోనా సోకి నీరసించిన పేషంట్లలో కనిపిస్తోంది.

వారిద్వారా ఇతరులకు కూడా వ్యాపిస్తోంది. గతం లో కూడా ఈ వైరస్ కు సంబంధించిన వ్యాధులు వచ్చినప్పటికీ.. ఇన్ని కేసులు నమోదవలేదు. ఈ వైరస్ సోకినవారి కళ్ళు, ముక్కు ఎరుపెక్కడం, తీవ్ర నొప్పిని కలుగచేయడం వంటివి జరుగుతున్నాయి. తలనొప్పి, జలుబు, జ్వరం వంటి లక్షణాలు కూడా కనిపిస్తున్నాయి. ఈ లక్షణాలు కనిపిస్తే వెంటనే వైద్యుల్ని సంప్రదించాలి. కోవిడ్ చికిత్స లో భాగం గా ఎక్కువ మొత్తం లో స్టెరాయిడ్స్ ఉపయోగించడం, అలానే ఆక్సిజెన్ అందించే సమయం లో స్టెరైల్ నీటికి బదులు తేమను అందించే పరికరాన్ని వినియోగించడం వలన ఈ బ్లాక్ ఫంగస్ ఏర్పడుతోందని తెలుస్తోంది.

ప్రస్తుతం ప్రపంచం మొత్తం కరోనాతో పోరాడుతోంది. ఎంతో మంది వ్యాక్సిన్ వేయించుకుంటున్నారు. ఈ వ్యాక్సిన్ వేయించుకోవడం వల్ల శరీరంలో ఉండే యంటీబాడీస్ కరోనా వైరస్ తో పోరాడే గుణాన్ని పెంచుకుంటాయి. శరీరంలో ఉండే యాంటీబాడీస్ సంఖ్య పెరుగుతుంది.

వాక్సిన్ వేసుకున్న తర్వాత ఈ యాంటీబాడీస్ ఆరు నెలలే ఉంటాయి అనే వార్త ప్రచారంలో ఉంది. మనం వేరే పద్ధతులు పాటించడం వల్ల కూడా ఈ యాంటీబాడీస్ ని పెంచుకోవచ్చు. యాంటీబాడీస్ పెరిగే పద్ధతులు ఏంటో ఇప్పుడు చూద్దాం.

# ఫ్రూట్స్ బాగా తినాలి. అందులోనూ ముఖ్యంగా విటమిన్ ఏ, సీ, ఈ ఉండే పండ్లు బాగా తినాలి. నారింజ, ద్రాక్ష, కమల, బత్తాయి లాంటి పుల్లగా ఉండే పండ్లు తింటే యాంటీబాడీస్ పెరుగుతాయి.

# విటమిన్ డి పెరగాలి. అంటే ఉదయం పూట కానీ, సాయంత్రం పూట కానీ మనకు ఎండ తగిలేలా చూసుకోవాలి. అలాగే డాక్టర్ సలహాతో విటమిన్ డి టాబ్లెట్ లు తీసుకోవాలి.

# ప్రొటీన్స్ ఎక్కువగా ఉన్న ఫుడ్ తినాలి. మాంసం, చికెన్, గుడ్లు లాంటివి ఎక్కువగా తీసుకోవాలి. అలాగే జీడిపప్పు, బాదం వంటివి కూడా తీసుకోవాలి. ఇవి ఎక్కువగా తింటే వేడి ఎక్కువగా చేసే అవకాశం ఉంటుంది. కాబట్టి ఎక్కువగా కాకుండా కొంచెం కొంచెం తినాలి.

# వ్యాయామం చేయాలి. కనీసం ఒక అరగంట లేదా పది నిమిషాలైనా నడవాలి.   శారీరక శ్రమ ఉండాలి. కానీ ఎక్కువగా గంటల తరబడి జిమ్ లో ఎక్సర్సైజ్ చేయొద్దు. దాని వల్ల వైట్ బ్లడ్ సెల్స్  కి సమస్య వస్తుంది.

# ఉడకబెట్టినవి ఎక్కువగా తినాలి. ఆలివ్ ఆయిల్, లేదా కనోలా ఆయిల్ తో వండుకుని తినాలి. అంతే కాకుండా మొలకలు లాంటివి కూడా ఎక్కువగా తినాలి. ఫ్రైస్, బేక్ చేసిన ఐటమ్స్, ఫ్యాట్ కంటెంట్ ఎక్కువ ఉండేవి, ప్రాసెస్డ్ ఫుడ్ వంటివి అవాయిడ్ చేయాలి.

# మద్యానికి దూరంగా ఉండాలి. మద్యం వల్ల యాంటీబాడీస్ తగ్గే అవకాశాలు ఉంటాయి.

# అన్నిటికంటే ముఖ్యంగా ఒత్తిడి తగ్గించుకోవాలి. యోగా వంటివి చేయాలి. లేదా స్ట్రెస్ తగ్గడానికి ఇష్టమైన పనులు ఏమైనా చేయాలి. టెన్షన్ పడితే వచ్చే ఒత్తిడి, స్ట్రెస్ వల్ల మానసిక ఆరోగ్యానికి సంబంధించిన సమస్యలు వచ్చే అవకాశాలు ఉంటాయి.

చెడు అలవాట్లు అంటే.. కేవలం మందు తాగడం, సిగరెట్లు కాల్చడం మాత్రమే కాదు. ఇవి కాకుండా మనకి ఉన్న మరికొన్ని అలవాట్లు కూడా మన ఆరోగ్యాన్ని పాడు చేస్తూ ఉంటాయి. మన ఆరోగ్యాన్ని పాడు చేసే ఏ అలవాటుని అయినా మార్చుకోవడం మంచిది. కొన్ని అలవాట్లు చెడ్డవి అన్న సంగతి కూడా మనకు తెలియదు. మనకు తెలియకుండానే, మన ఆరోగ్యానికి హాని కలిగించే ఆ అలవాట్లు ఏవో ఇప్పుడు చూద్దాం..

# పర్స్ ను బ్యాక్ జేబులో పెట్టుకోవడం :

ఇది చాలా మంది చేసేదే కదా.. ఇదేమి చెడు అలవాటు అనుకుంటున్నారా..? పర్స్ వెనకపెట్టుకుని నడవడం వలన వచ్చే ఇబ్బంది ఏమి ఉండదు. కానీ.. అలానే బ్యాక్ జేబు లో పర్స్ పెట్టుకుని కూర్చోవడం వలన.. మీ వెన్నెముక కచ్చితం గా బెండ్ అవ్వాల్సి వస్తుంది. దీనివలన మీ వెన్నెముక వంగిపోయే అవకాశం ఉంటుంది. చాల మంది లో సియాటిక్ నెర్వ్ పెయిన్ రావడానికి ఇది కూడా ఒక కారణం. ఫలితం గా భవిష్యత్ లో మీరు ఇబ్బందులు ఎదుర్కోవాల్సి వస్తుంది. కాబట్టి ఈ అలవాటును మార్చుకోవాలి. మీరు చైర్ లో కూర్చుని వర్క్ చేస్కుంటున్నపుడు, క్లాస్ వినేటపుడు, డ్రైవింగ్ చేస్తున్నపుడు పర్స్ ను మీ వెనుక జేబులో ఉంచుకోవద్దు.

# తుమ్మును ఆపుకోవడం:

సాధారణం గా ఇంపార్టెంట్ మీటింగ్స్ లో ఉన్న సమయం లోనో.. లేదా పక్కన మరెవరైనా ఉన్నప్పుడో.. మనలో చాలామంది తుమ్మును ఆపుకుంటారు. ఇది చిన్న విషయమే కావచ్చు.. కానీ దీనివలన వచ్చే ఇబ్బంది పెద్దది. సాధారణం గా మనం తుమ్మినప్పుడు మన నోరు లేదా ముక్కు నుంచి గంటకు 160 కి.మీ. వేగం తో గాలి బయటకు వస్తుంది. మనం తుమ్మును ఆపడం వలన ఈ గాలి చెవులవైపు గా వెళ్లి కర్ణభేరి ని దెబ్బతీస్తుంది. కొన్ని సార్లు కళ్ళు, మెదడు లోని రక్తనాళాలు పగిలిపోవడం కూడా జరుగుతుంది. కాబట్టి ఎప్పుడు తుమ్మును ఆపుకోకండి.

# చీకట్లో మొబైల్ ను వాడడం:

మనలో చాలా మంది చేసే పని నిద్రపోయే ముందు ఫోన్ వాడడం. మొబైల్ నుండి వెలువడే కాంతి వలన అనేక కంటి సమస్యలు ఎదురవుతాయి. కంటి చూపు మందగించడం, తాత్కాలిక అంధత్వం, కంటికింద మచ్చలు రావడం, ఇన్సొమ్నియా ( నిద్రలేమి) వంటి పరిస్థితులు ఎదురవుతాయి.

# షుగర్ ఎక్కువ తినడం:

మనలో స్వీట్స్ అంటే ఇష్టం లేని వారు ఎవరు…? కానీ.. స్వీట్స్ ఎక్కువ మోతాదు లో తీసుకోవడం వలన వయసు పెరిగే కొద్దీ ఇబ్బందులు ఎదురవుతాయి. శరీరం లోని ప్రతి అవయవం పైనా ఈ ప్రభావం ఉండొచ్చు. ఎక్కువ కాలరీస్ తీసుకోవడం వలన బరువు పెరిగి ఇబ్బంది పడతారు. డయాబెటిస్, లివర్ ప్రాబ్లమ్స్, పాంక్రియాటిక్ కాన్సర్ వంటి ఇబ్బందులు కూడా తలెత్తే అవకాశం ఉంటుంది.

# జీన్స్ వేసుకోవడం:

మనలో జీన్స్ వేసుకోవడం అనేది చాలా కామనే. కానీ, జీన్స్ వేసుకోవడం వలన టైట్ నెస్ ఎక్కువ గా ఉండి లివర్ పై ఒత్తిడి పెరుగుతుంది. జీర్ణాశయం సరిగ్గా పనిచేయకపోవడం, కాళ్లల్లో సరిగా రక్త ప్రసరణ జరగకుండా గడ్డ కట్టిపోవడం, ఎక్కువ గా టాయిలెట్ కి వెళ్లాల్సి రావడం వంటి ఇబ్బందులు ఎదురవుతాయి.

# యూరిన్ ఆపుకోవడం :

యూరిన్ రావడం అనేది శరీరం లో సహజం గా జరిగే ప్రక్రియ. దీనిని మనం ఆపడం వలన అనేక ఇబ్బందులొస్తాయి. యూరిన్ లో ఉండే బాక్టీరియా కారణం గా యూరిన్ బ్లాడర్ లో ఇన్ఫెక్షన్ ఏర్పడి ఆ ఇన్ఫెక్షన్ క్రమం గా కిడ్నీలకు వ్యాపిస్తుంది. ఫలితం గా కిడ్నీలలో రాళ్లు ఏర్పడడం వంటి సమస్యలు కూడా వస్తాయి.

# బ్రేక్ ఫాస్ట్ చేయకపోవడం:

సమయం సరిపోకో, లేదా సన్నగా అవడం కోసం డైటింగ్ చేసేవారో బ్రేక్ ఫాస్ట్ ను స్కిప్ చేస్తూ ఉంటారు. దీనివలన ఉపయోగం కంటే నష్టాలే ఎక్కువ ఉంటాయి. ఉదయం బ్రేక్ ఫాస్ట్ చేయకపోతే రోజంతా ఏ పని పైనా కాన్సన్ ట్రేట్ చేయలేరు. అంతే కాదు బ్రేక్ ఫాస్ట్ చేయని వారిలో 27 శాతం మందికి ఆస్తమా వచ్చే అవకాశం ఉంటుందట. మహిళల్లో అయితే.. రుతుక్రమం లో కూడా ఇబ్బందులు ఎదుర్కొనే అవకాశం ఉంటుందట.

కరోనా మహమ్మారి ఎంత ఉద్ధృతం గా వ్యాప్తి చెందుతోందో గమనిస్తూనే ఉన్నాం.. అయితే.. ఈ పరిస్థితుల్లో పానిక్ అవడం కంటే.. పరిస్థితుల్ని ఎలా ఎదుర్కోవాలి అన్న సంగతి ని ముందు ఆలోచించాలి. కరోనా సోకినప్పటికీ.. చాలా మంది ఇంట్లోనే ఉండి హోమ్ క్వారంటైన్ లో ఉంటున్నారు.

చాలా మంది లో లక్షణాలు కనిపించకపోయినా.. ఆక్సిజన్ లెవెల్స్ మాత్రం కొంతమేర తగ్గుతున్నాయట. ఈ క్రమం లో ఆక్సిజన్ లెవెల్స్ ను పెంచుకోవడానికి మనం ప్రయత్నించాల్సిన అవసరం ఉంది. అందుకోసం ప్రోనింగ్ టెక్నీక్ గురించి తెలుసుకుందాం. ప్రోనింగ్ టెక్నీక్ అంటే ఏమిటంటే.. ఊపిరి సరిగ్గా ఆడక ఇబ్బంది పడుతున్న సమయం లో పక్కకు తిరిగి పడుకోవడం లేదా వాలు గా పడుకోవడం, లేదా బోర్లా పాడుకోవడమే ఈ టెక్నీక్ రహస్యం.

కరోనా సోకడం వలన శ్వాసలో ఇబ్బందులు ఎదురవుతున్న వారు ఈ పధ్ధతి పాటించడం వలన వారికి ఇబ్బందులు తొలగుతాయని వైద్యులు చెబుతున్నారు. శ్వాస తీసుకోవడం లో ఇబ్బంది ఎదురవుతున్నవారు ఎప్ప్పటికప్పుడు తమ రక్తం లో ఎంత ఆక్సిజన్ లెవెల్స్ ఉన్నాయో చెక్ చేసుకోవాలి. ఒకవేళ ఆక్సిజన్ శాతం తగ్గుతున్నపుడు ప్రోనింగ్ టెక్నీక్ ను పాటించి చూడాలి. అపుడు శ్వాస ఆడుతుంది. ఆక్సిజన్ లెవెల్స్ 94 కంటే తక్కువ ఉన్న సమయం లో కూడా ప్రోనింగ్ పధ్ధతి సాయపడుతుంది.

ఇది ఎలా చేయాలి..?

ఇందుకోసం నాలుగైదు దిండ్లు అవసరమవుతాయి. ఒకటి తలకింద, ఛాతి నుంచి, తొడల వరకు వరుసగా దిండ్లు పెట్టుకోవాలి. రెండు దిండ్లు మాత్రం మోకాళ్ళ కింద నిలువు గా ఉంచాలి. బోర్లా పడుకోవడం, ఎడమ వైపు తిరిగి పడుకోవడం, వాలుగా కూర్చోవాలి, కుడి వైపు తిరిగి పడుకోవాలి, తిరిగి బోర్లా పడుకోవాలి. అయితే కంటిన్యూ గా ఒకే పొజిషన్ లో ఉండకూడదు. ముప్పై నిమిషాల కు ఒకసారి పొజిషన్ ను మారుస్తూ ఉండాలి.

ఎవరు చేయకూడదు?

గర్భవతులు ఈ పద్ధతి పాటించకూడదు.. చికిత్స తీసుకుని 48 గంటలు కూడా పూర్తి కానీ వారు ఈ పధ్ధతి పాటించకూడదు. వెన్నెముక, తొడ ఎముకలు, కంటి ఎముకలకు గాయాలయిన వారు, గుండె సమస్యలు ఉన్నవారు ఈ పద్ధతికి దూరం గా ఉండడమే ఉత్తమం. ఆహరం తీసుకున్నాక, ఒక గంట వరకు ఈ పధ్ధతి ని పాటించకూడదు. ఏ పొజిషన్ లో అయినా నొప్పి, ఒత్తిడి లేనంత వరకు మాత్రం ఈ ప్రోనింగ్ ను చేయాలి. ఇబ్బంది ఎదురవుతుంటే ఆపేయడం ఉత్తమం. ఒకవేళ ఎలాంటి ఇబ్బంది లేకపోతె.. 16 గంటల వరకు దశల వారీ గా ఈ ప్రక్రియను చేయవచ్చు.

ప్రస్తుతం వచ్చేది వేసవి కాలం. వేసవి కాలంలో ఆరోగ్యపరంగా ఎన్ని రకాల జాగ్రత్తలు తీసుకోవాలో ప్రత్యేకంగా చెప్పాల్సిన అవసరం లేదు. సమ్మర్ లో దాదాపు ప్రజలందరూ ఇంట్లో నుంచి బయటికి వెళ్లడం అనేదాన్ని వీలైనంతవరకు అవాయిడ్ చేస్తారు. ఒకవేళ వెళ్లినా కూడా సన్ స్క్రీన్ లోషన్ ఉపయోగించడం, గొడుగు తీసుకెళ్లడం వంటివి చేస్తుంటారు.

అంతే కాకుండా ఆహార విషయంలో కూడా చాలా జాగ్రత్తలు తీసుకుంటారు. వేసవి కాలంలో మనమందరం ఎక్కువగా చేసే పని నీళ్లు తాగడం. మామూలుగానే ఎక్కువగా నీళ్ళు తాగడం అనేది ఆరోగ్యానికి చాలా మంచిది. డీహైడ్రేషన్ సమస్య తగ్గుతుంది అని అంటారు. ఇంక ఈ వేసవి కాలంలో మాత్రం ఎక్కువగా దాహం వేస్తుంది కాబట్టి ఎక్కువగానే నీళ్లు తాగుతూ ఉంటాం.

నీళ్లు మాత్రమే కాకుండా ఈ కాలంలో కూల్ డ్రింక్స్, ఐస్ క్రీమ్స్ కూడా ఎక్కువగానే తీసుకుంటూ ఉంటాం. కానీ ఇలా కూల్ డ్రింక్స్ లాంటి పదార్థాలను ఎక్కువగా తీసుకున్నా కూడా ఆరోగ్యానికి అంత మంచిది కాదు. అందుకే వీలైనంత వరకు సహజంగా తయారు చేసిన జ్యూస్ మాత్రమే తీసుకోవాలి.

అలాగే పండ్లు కూడా ఎక్కువగా తీసుకోవాలి. ఇవన్నీ మనం తరచుగా చేస్తూనే ఉంటాం. కానీ సమ్మర్ లో మాత్రం కొన్ని ప్రత్యేకమైన పండ్లు, జ్యూస్ లు తీసుకోవడం వలన  దాహం తగ్గుతుంది. వేసవి కాలంలో దాహాన్ని తగ్గించే ఆహార పదార్థాలు ఏవి ఇప్పుడు చూద్దాం.

#1 నిమ్మకాయ నీళ్లు

#2 పుచ్చ కాయ

#3 కొబ్బరి నీళ్లు

#4 మజ్జిగ

#5 మామిడి కాయ

#6 చెరుకు రసం

వేసవి కాలంలో ఇలాంటి ఆహార పదార్థాలు తీసుకోవడం వల్ల దాహం తగ్గడం, మాత్రమే కాకుండా డీహైడ్రేషన్ ను కూడా దూరం పెడుతుంది.

ప్రస్తుతం ఉన్న పరిస్థితుల కారణంగా ఆరోగ్యం జాగ్రత్త చాలా అవసరం. ఆరోగ్యం జాగ్రత్త అంటే ముఖ్యమైనది ఆహార విషయంలో జాగ్రత్త గా ఉండడం. కరోనా నియంత్రించాలంటే రోగనిరోధక శక్తి అనేది చాలా అవసరం. కరోనా సోకిన వారు కూడా తమ ఆహార విషయంలో చాలా జాగ్రత్తలు తీసుకోవాలి అని వైద్యులు చెబుతున్నారు. అసలు కరోనా సోకిన వారు ఎటువంటి ఆహారం తీసుకోవచ్చు, ఎటువంటి ఆహారం తినకూడదు అనే విషయాలను ఇప్పుడు చూద్దాం.

ఎలాంటి ఆహారం తీసుకోవచ్చు

కరోనా సోకిన వారికి తీవ్రతని బట్టి శరీరంలో ప్రతి కేజీకి 1 నుంచి 1.5 గ్రాముల ప్రోటీన్ అందాలి. ఈ ప్రోటీన్స్ ఆహారం ద్వారా అందాలి అంటే చికెన్, చేపలు, గుడ్లు వంటివి తీసుకోవాలి.

ఒకవేళ కరోనా సోకిన వారు శాకాహారులైతే పప్పు దినుసులు ఎక్కువగా తినాలి. పెసరపప్పు మినపప్పు కందిపప్పు వంటివాటిలో 24 శాతం వరకు ప్రోటీన్ ఉంటుంది. అలాగే రాజ్మా శనగలు బొబ్బర్లు వంటి వాటిలో లో ప్రోటీన్ తో పాటు బి విటమిన్ పీచుపదార్థాలు ఉంటాయి.

మిల్క్ ప్రొడక్ట్స్ (పాల ఉత్పత్తులు) అంటే లో ఫ్యాట్ పనీర్, చీజ్ వంటివి తీసుకోవాలి. వీటిలో కూడా ప్రోటీన్ ఉంటుంది. అంతే కాకుండా సీడ్స్, నట్స్ కూడా ఎక్కువగా తీసుకోవాలి. ఇవి ప్రోటీన్స్ అందించడంతో పాటు ఇందులో ఉండే ఎసెన్షియల్ ఫ్యాటీ ఆసిడ్స్ కరోనా సోకిన వారికి ఆరోగ్యానికి మంచిది అని ఆహార నిపుణులు చెబుతున్నారు. వీటన్నిటితో పాటు నీళ్లు ఎక్కువగా తాగుతూ ఉండాలి.

ఏమి తినకూడదు

వరల్డ్ హెల్త్ ఆర్గనైజేషన్ ప్రకారం క్వారంటైన్ లో ఉన్న వారు ఉప్పు, చక్కెర ఎక్కువగా ఉండకుండా చూసుకోవాలి. కొంత మోతాదులో మాత్రమే వీటిని వాడాలి. అలాగే ఫ్యాట్ కంటెంట్ కూడా తక్కువగా ఉండేలా చూసుకోవాలి. అంటే ప్రాసెస్ చేసిన ఫుడ్, ఫ్రై చేసిన పదార్థాలు, పిజ్జా, బిస్కెట్స్, డో నట్స్ వంటి బేక్ చేసిన పదార్థాలు కూడా వీలైనంతవరకు అవాయిడ్ చేయాలి. అంతే కాకుండా ఆల్కహాల్ కి కూడా దూరంగా ఉండాలి. స్టీమ్, లేదా గ్రిల్ చేసిన పదార్థాలను తీసుకోవాలి.