Human angle

అతిగా ఆలోచించి ఎంతగానో బుర్ర పాడు చేసుకునే వాళ్ళు చాలా మంది ఉంటారు. నిజానికి దేని గురించి కూడా ఎక్కువగా ఆలోచించకూడదు. ఎక్కువగా ఆలోచించడం వల్ల మనకే నష్టం. ఎలా అయితే మనం పనులు చేసి అలసిపోతూ ఉంటామో.. అలానే ఆలోచించి ఆలోచించి మన మెదడు కూడా అలసిపోతుంది.

పైగా మానసికంగా మెదడు రిలీఫ్ ని పొందడానికి మార్గాలు కూడా తక్కువ. శారీరకంగా అలసిపోతే కాసేపు నిద్ర పోతే మనకి ఎంతో ప్రశాంతంగా ఉంటుంది కానీ ఆలోచనలతో ఎక్కువ సేపు కూర్చుంటే మెదడుకు విశ్రాంతి ఉండదు. అతిగా ఆలోచించడం వల్ల కొన్ని నష్టాలు కూడా కలుగుతాయట.

ఎక్కువగా ఆలోచించడం వల్ల కలిగే నష్టాలు:

#1. ఎక్కువ గా ఆలోచించడం వల్ల ఇప్పుడు జరిగిపోతున్న కాలాన్ని సరిగ్గా అనుభవించలేము.
#2. ఇప్పుడు వచ్చే అవకాశాలను సరిగ్గా సద్వినియోగం చేసుకోలేము.
#3. పైగా ఎక్కువ ఆలోచిస్తే మనం చేసే పని మీద ధ్యాస కూడా పెట్టలేము.
#4. అతిగా ఆలోచించడం వలన ఒంటరితనం అనుభవించాల్సి ఉంటుంది.

#5. మన కుటుంబ సభ్యులతో, స్నేహితులతో కూడా మనం మాట్లాడలేదు.
#6. ఇది మన తిండి మీద కూడా ప్రభావం చూపిస్తుంది. సరిగ్గా ఆకలి ఉండదు సరిగ్గా ఏమీ తినాలని అనిపించదు.
పైగా ప్రతి చిన్న విషయానికి కోపం వస్తుంది.
#7. ఇలా అతిగా ఆలోచిస్తే ఇన్ని కష్టాలు మనకి కలుగుతాయి.

అతిగా ఆలోచించకుండా సమస్యలను ఇలా పరిష్కరించుకోండి:

#1. ఎక్కువగా దేన్నీ ఆలోచించకండి. వీలైనంతవరకూ ఆలోచనలను తగ్గిస్తూ ఉండండి.
#2. సమస్య ఉన్నప్పటికీ మీరు దానిని పక్కన పెట్టి మిగిలిన పనులు కూడా చేసుకుంటూ ఉండండి. అప్పుడు మెదడు రిలాక్స్ అవుతుంది తర్వాత స్వయంగా మీరే సమస్యలు పరిష్కరించుకోవడానికి అవుతుంది.
#3. ప్రశాంతంగా ఉంటే ఆలోచనలు కూడా బాగా వస్తాయి. అలానే మీరు మీ పని మీద ధ్యాస పెట్టి చక్కగా పనులు పూర్తి చేసుకోవడానికి కూడా అవుతుంది. కాబట్టి వీలైనంత వరకు ఎక్కువ ఆలోచించకండి. ఇబ్బందులు పడకండి.

ఏ అమ్మాయికైనా అమ్మతనం అనేది వరం. వద్దు అనుకునే వారి సంగతి పక్కన పెడితే.. కావాలని కోరుకునే వారు తాము గర్భవతి అయ్యామని తెలియగానే మురిసిపోతారు. ఆమె భర్త తో పాటు కుటుంబ సభ్యులు కూడా సంతోషంతో సందడి చేస్తారు.

భార్య గర్భం ధరించినప్పుడు ఎన్నో జాగ్రత్తలు తీసుకుంటుంటారు. కుటుంబ సభ్యులు కూడా ఆమె ఆరోగ్యానికి సహకరిస్తూ ఉంటారు. అయితే.. భార్య గర్భవతిగా ఉన్న సమయంలో భర్త కూడా కొన్ని పనులను చేయకూడదట. అవేంటో ఇప్పుడు చూద్దాం.

#1. భార్య గర్భవతి అయ్యాక కనీసం ఆరు నెలల పాటు భర్త షేవింగ్ కానీ, హెయిర్ కటింగ్ కి కానీ వెళ్లకూడదట.

#2. అలాగే ఆ సమయంలో భర్త సముద్ర స్నానానికి వెళ్లడం కాని, చెట్లు నరకడం కానీ చేయకూడదట. ఇలా చేస్తే అరిష్టం సంభవిస్తుంది.

#3. భార్య ప్రెగ్నంట్ గా ఉన్న టైం లో భర్త విదేశీ యాత్రలు చేయకూడదట. ఆమెకు దూరంగా ఎక్కడకీ వెళ్లకూడదట.

#4. భార్య గర్భంతో ఉన్న సమయంలో 7 వ నెల దాటినా తరువాత తీర్థయాత్రలకు వెళ్లడం కూడా మంచిది కాదట. పడవలను కూడా ఎక్కకూడదట.

#5. అలాగే, స్మశానాలకు వెళ్లడం, శవాలను తీసుకువెళ్లే అంతిమ యాత్రలలో పాల్గొనడం వంటివి చేయకూడదట.

#6. భార్య గర్భం దాల్చాక పర్వతారోహణ చేయకూడదట. ఇంటి స్థంబానికి ముహూర్తం పెట్టించడం వంటి పనులు చేయకూడదట. వాస్తుకర్మకి దూరంగా ఉండాలట. గృహ ప్రవేశం కూడా చేయకూడదట.

#7. శవయాత్రలో పాల్గొనడం, ప్రేత కర్మలు చేయడం, పిండదానం చేయడం వంటి పనులు కూడా చేయకూడదట.

అయితే.. భార్య గర్భవతిగా ఉన్నపుడు ఆమె ఏది కోరుకుంటే.. అది తీసుకొచ్చి ఇవ్వాలట. అప్పుడే ఆమె సంతోషంగా ఉండి.. ఆమెకు పుట్టే బిడ్డ ఆరోగ్యంగా పుడుతుంది. ఆ సమయంలో శరీరంలో అనేక మార్పులు జరుగుతూ ఉంటాయి. అందుకే భర్త తో సహా కుటుంబ సభ్యులు అందరు కలిసి ఆమెకి సహకరించాల్సి ఉంటుంది.

మన పురాణాల్లో భార్య భర్త ల బంధానికి విలువను ఇచ్చే కధలు అనేకం ఉన్నాయి. ఓ స్త్రీ వివాహిత అయిన తరువాత ఆమెను తల్లి లా గౌరవించాలని ఈ కధలు నీతిని బోధిస్తున్నాయి. ఒకసారి వివాహం అయిన స్త్రీ పై కామం, మోహం తగదు. ఇది మన భారతీయ వివాహ వ్యవస్థలోని సంప్రదాయం. అయితే, ప్రస్తుతం రోజులు చాలా మారి వావి వరుసలను మరిచి అక్రమ సంబంధాలు పెట్టుకుంటున్నారు. ఓ వివాహిత స్త్రీ ఎంత పునీతం గా ఉండాలో వివరించే కథ ఒకటి తెలుసుకుందాం.

ఓ రోజు.. ఒక రాజు వేటకు వెళ్లి మధ్యలో అలసి పోయాడు. ఆ అడవి దారికి దగ్గరిగా ఉన్న ఓ గ్రామానికి చేరుకున్నాడు. ఆ గ్రామం లో ఓ ఇంటి ముందు ఆగాడు. ఆ ఇంట్లో ఓ స్త్రీ తన భర్త కు భోజనం వడ్డించడాన్ని చూసాడు. ఆమె చాలా అందం గా ఉంది. ఆమె అందాన్ని చూసి.. అంతటి రాజే స్థాణువైపోయాడు. ఆమె భర్త భోజనం చేసి అక్కడ నుంచి వెళ్ళిపోయాడు. ఆమె కూడా తలుపులు మూసేసి లోపలకి వెళ్ళబోతున్న సమయం లో రాజు అక్కడకు వెళ్లి ఆ ఇంటి తలుపు కొట్టాడు.

ఆమె తలుపు తీసి ఎవరు అని ప్రశ్నించగా.. ఆ రాజు లోపలకి వచ్చి కూర్చుని తనను తానూ పరిచయం చేసుకున్నాడు. తాను ఈ రాజ్యానికి రాజునని చెప్పి.. నీవు ఎంతో అందం గా ఉన్నావు. నిన్ను పెళ్లి చేసుకోవాలనుకుంటున్నాను అని చెప్పాడు. దీనితో ఆమె ఆశ్చర్యపోయింది. తనకు మునుపే పెళ్లి అయినదని వారించింది. అయినా.. ఆ రాజు వినలేదు. దీనితో ఆమెకు పాలుపోలేదు. ఎదురు గా ఉన్నది మహారాజు. ఏమైనా తేడా వస్తే.. పరిస్థితి ఎలా ఉంటుందో అన్న భయం కలిగింది ఆమెకు. ఆమె ఎంతో గుణవంతురాలు..మరియు సంస్కారం కల అమ్మాయి.

వెంటనే, రాజా.. మీరు ముందు భోజనం చేయండి. చాలా దూరం నుంచి వచ్చి అలసి పోయి ఉంటారు అంటూ.. తన భర్త భోజనం చేసిన ఎంగిలి ఆకు వైపు చూపించింది. అది చూసి మహారాజు కు కోపం వచ్చింది. నీ భర్త భోజనం చేసిన ఎంగిలి ఆకులో నేను భోజనం చేయాలా అంటూ ఆగ్రహించాడు.

అప్పుడు ఆమె” రాజా.. శాంతించండి. నా భర్త భోజనం చేసిన ఆకులో భోజనం చేయడానికి అడ్డు వచ్చిన ఎంగిలి ఇది వరకే పెళ్లి అయి ఒకరి సొంతం అయిపోయినన్ను నన్ను మళ్ళీ పెళ్లి చేసుకోవడానికి అడ్డు రాలేదా? అని ప్రశ్నించింది. దీనితో, రాజుకు విషయం బోధపడింది. వెంటనే, అక్కడనుంచి లేచి ఆమెకు నమస్కరించి అక్కడ నుంచి వెళ్ళిపోయాడు. పరాయి స్త్రీని ఎప్పుడు చెడు దృష్టితో చూడకూడదని మన పెద్దలు మనకు చెబుతూ వస్తున్నారు.

మనం మంచి చేస్తే అదే మంచి మనకి తిరిగి వస్తుంది.అదే చెడు చేస్తే అదే చెడు ఏదో ఒకరూపంలో వస్తుంది అని మనం వింటూనే ఉంటాం.అయితే సరిగ్గా పైన చెప్పిన వ్యాఖ్యానికి సంభందించిన కథ ఒకటి ఇప్పుడు తెలుసుకుందాం.

అయితే ఒక దేశంలో ఓ రాజుకు మూడు కన్నులు ఉన్న కూతురు జన్మిస్తుంది.అయితే ఆ కూతురు జన్మించడం వలన రాజుకి నష్టమని ఆ అమ్మాయికి వివాహం చేసి పంపించేదాకా రాజుకి గండం తప్పదని జ్యోతిష్య పండితులు చెప్తారు.

అయితే కొన్నాళ్లకు రాజు కూతురు యుక్త వయసుకు వస్తుంది.దీంతో తన కుమార్తెకు వివాహం జరిపించడానికి చాలా సంబంధాలు చూస్తాడు ఆ రాజు.అయితే అమ్మాయికి మూడు కన్నులు ఉండడంతో వివాహం చేసుకోవడానికి ఎవరూ ముందుకు రారు.దీంతో అమ్మాయిని వివాహం చేసుకున్నవారికి వజ్ర,వైడూర్య,బంగారు కానుకలు భారీస్థాయిలో ఇస్తానని రాజు ప్రకటిస్తాడు.అంతే కాకుండా అమ్మాయిని వివాహం చేసుకున్న తర్వాత రాజ్యం నుండి దూరం గా వెళ్లిపోవాలని సూచిస్తాడు.

ఈ వార్త కొద్ది సమయంలోనే రాజ్యమంతా విస్తరిస్తుంది.అయినా ఎవరూ వివాహం చేసుకోవడానికి ముందుకు రారు.అయితే ఈ వార్త విన్న ఓ అంధుడు తన వికలాంగుడు అయిన తమ్ముడు తో రాజ్యంలోకి వచ్చి మీ అమ్మాయిని వివాహం చేసుకుంటానని చెప్తాడు.దానికి అంగీకరించిన రాజు తన కూతురుని ఇచ్చి వివాహం చేసి తాను ప్రకటించిన కానుకలు ఇచ్చి రాజ్యం నుండి బయటకి పంపిస్తాడు.

కాగా ఆ అంధుడు , వికలాంగుడు అయిన ఆ అంధుడి సోదరుడు మరియు రాజకుమారి కలిసి జీవిస్తూ ఉంటారు.అయితే రాజకుమారి తన మరది అయిన వికాలాంగుడు తో వివాహేతర సంబంధం పెట్టుకుంటుంది.ఎలా అయినా తన భర్తను చంపేసి తన మరిది తో ఎక్కడికైనా దూరంగా వెళ్లిపోవాలని రాజకుమారి అనుకుంటుంది.దానిలో భాగంగా ఓ విషపూరితమైన పాము ను తీసుకొచ్చి కూర చేసి ఆ అంధుడిని చంపేద్దాం అని వికలాంగుడు మరియు రాజకుమారి ఓ చనిపోయిన పామును ఇంటికి తీసుకువస్తారు.

అయితే ఆ పాము ను రాజకుమారి కూర ఉండుతూ ఇది చేపల కూర అని తన భర్తతో చెప్తుంది .అయితే మధ్యలో కూరను కదుపుతూ ఉండమని తన భర్త అయిన అంధుడికి అప్పగిస్తుంది.అయితే ఆ సమయంలో తన మరిది అయిన వికాలాంగుడితో సరసాలు ఆడుతూ ఉంటుంది రాజకుమారి.అయితే కూరను కదుపుతున్న అంధుడికి ఆ పాము కూరలో నుండి వచ్చే ఆవిరితో చూపు వస్తుంది.ఆ అందుడుకి చూపు రాగానే రాజకుమారి తన తమ్ముడితో సరసాలు ఆడడం కనిపిస్తుంది.అయినా కానీ చూపు రానట్టే ఉండిపోతాడు ఆ అంధుడు.

representative image

కాగా మరుసటి రోజు జరిగిన విషయాన్ని అంతా రాజ్యానికి వెళ్లి రాజుతో చెప్తాడు ఆ వ్యక్తి .అయితే జరిగిన మోసాన్ని గ్రహించిన రాజు తన రెండొవ కూతురిని ఇచ్చి ఆ వ్యక్తి కి వివాహం చేయిస్తాడు.అయితే  మనం మంచి మనసుతో ఏదైనా పని చేస్తే ఎదుటివారు మనకి చెడు చెయ్యాలని చూసినా మనకి మంచే జరుగుతుంది అనడానికి ఈ కథ ఓ మంచి ఉదాహరణ. ఏదైనా పని చేస్తే ఎదుటివారు మనకి చెడు చెయ్యాలని చూసినా మనకి మంచే జరుగుతుంది అనడానికి ఈ కథ ఓ మంచి ఉదాహరణ.

పెళ్లి అనేది ఎవరికైనా ముఖ్య ఘట్టమే. అమ్మాయికి అయినా అబ్బాయికి అయినా అదో కలల తీరం. తాము పెళ్లి చేసుకోబోయే వారు ఎలా ఉండాలి అన్న విషయమై చాలా ఆలోచనలు పెట్టుకుంటుంటారు. అయితే.. సమాజంలో కట్నం వంటివి విషయాలు పాత కాలం నుంచే ఉన్నాయి. ఒక సంబంధం ఫిక్స్ చేసుకునే ముందు కట్న కానుకల గురించి కూడా చర్చించుకుంటూనే ఉంటారు. అయితే.. ఒక్కోసారి ఈ కట్నం అనేది అమ్మాయి తరపు వారికి గుదిబండగా మారుతూ ఉంటుంది.

హెచ్చు స్థాయిలో కట్నాలు ఆశించడం వలన అమ్మాయి తరపు తల్లితండ్రులు ఇబ్బందులు ఎదుర్కొంటు ఉంటారు. ఈ విషయమై అమ్మాయిలు కట్నాలు ఇచ్చే సంప్రదాయాలు రూపు మాపాలంటూ కోరుతూనే ఉంటారు. అయితే.. కట్నాలు అడిగితే చాలా మంది రిజెక్ట్ చేస్తూ ఉంటారు కూడా. ఇది ఇలా ఉండగా.. కొందరు అమ్మాయిలు తమను చేసుకోబోయే వారి జీతం మాత్రం ఏడాదికి 25 నుంచి 30 లక్షల ప్యాకేజీ ఉండాలి అని కోరుకుంటూ ఉంటారు.

representative image

కట్నం అడిగితే తప్పు అనే వారు.. అబ్బాయిలకి మాత్రం ఇన్ని లక్షల ప్యాకేజీ ఉండాలి అని కోరుకోవడం తప్పు కాదా.. అని ఓ కోరా యూజర్ ప్రశ్నించారు. ఇందులో ఈక్వాలిటీ ఎక్కడ ఉంది అని ప్రశ్నించారు. దీనికి ఓ అమ్మాయి సమాధానం ఇచ్చారు. ఆ అమ్మాయి ఏమి సమాధానం ఇచ్చిందో మీరే చదవండి. ” ఏడాదికి 30 లక్షల జీతం సంపాదించని కారణంగా ఏ అత్తామామలైనా తమ అల్లుడిని చంపేసిన ఘటనని మీరు ఒక్కటైనా చూసారా..? కానీ, కట్నం ఇవ్వని కారణంగా బలి అవుతున్న ఆడపిల్లలు ఎందరు ఉన్నారో తెలుసా?

representative image

ఇప్పటికీ భారత దేశంలోని చాలా ప్రాంతాల్లో కట్నం ఇవ్వకుండా ఆడపిల్ల అత్తారింటికి వెళితే.. ఆమె జీవితం ప్రమాదంలో పడ్డట్లే. కానీ అబ్బాయిల విషయంలో ఇదే పరిస్థితి ఉందా…? అబ్బాయిలు ఎంత సంపాదించుకున్నా దానికి సంబంధించిన లెక్కలు ఎవరికీ చెప్పాల్సిన పని లేదు. అది అతని సొమ్మే. కానీ కట్నంగా ఆడపిల్లలు ఎంత తీసుకు వచ్చినా.. పెళ్లి అయిన తరువాత వారికి అందులో రూపాయి కూడా ఇచ్చేవారు ఉండరు. ఆ సొమ్ము భర్త లేదా అత్తమామలు దాచి పెడతారు. అబ్బాయి సంపాదన, కట్నం అనేవి రెండు వేరు వేరు విషయాలు. ఈ రెండిటిని ఎలా ఈక్వలైజ్ చేసి చూస్తారు..?

representative image

తక్కువ శాలరీ వచ్చే అబ్బాయిలను పెళ్లి చేసుకోవద్దు.. అని ఏ భారతీయ చట్టం అయినా చెబుతోందా..? లేదు కాదా.. కానీ, కట్నాలను ఇవ్వొద్దు మరియు తీసుకోవద్దు అని భారత చట్టాల్లో చెప్పబడి ఉంది. అంటే.. కట్నం ఇవ్వడం, తీసుకోవడం తప్పు అనే అర్ధం. అయితే.. చాలా మంది సిస్టంను మిస్ యూజ్ చేస్తున్నారు అన్నది వాస్తవమే. కానీ, కేవలం కొంతమంది కారణంగా ఈ రెండిటిని కంపేర్ చేసుకుని.. కట్నం అడగడం మాత్రం సరైన పద్ధతి కాదు.”

ఈ అమ్మాయి చెప్పిన సమాధానాన్ని మీరు ఏకీభవిస్తారా..? మీ అభిప్రాయం ఏమిటి..?

ఈ తరం యువత చిన్న చిన్న సమస్యలను ఎదుర్కోవడానికే చాలా ఇబ్బంది పడుతున్నారు. అలాంటిది సరైన సపోర్ట్ లేకపోవడం వల్ల చదువుకు ఆటంకం కలిగితే ఆ కష్టం ఎంత ఎక్కువగా ఉంటుందో మనమే అర్థం చేసుకోవాలి. ఇదే విధంగా ఒక అమ్మాయికి చాలా కష్టాలు ఎదురయ్యాయి, కానీ ఆమె వాటన్నిటినీ ఎదుర్కొని చదువును కొనసాగిస్తోంది. మరి ఆమె కథ గురించి చూస్తే.. ఆ అమ్మాయి పేరు సబితా.

ఈమె నల్గొండ జిల్లా శాలిగౌరారం మండలం వంగమర్తి గ్రామంలో నివసిస్తోంది, చాలా నిరుపేద కుటుంబానికి చెందినది. సబితా తండ్రి హోటల్లో పని చేస్తూ అనారోగ్యంతో చనిపోవడంతో ఆర్థికంగా వీరి కుటుంబం దెబ్బతింది. దాంతో తల్లి అదే హోటల్లో పని చేస్తూ సబితను పదవ తరగతి వరకు చదివించింది. ఆ తర్వాత బైపిసి గ్రూపు ఎంపిక చేసుకుని ప్రభుత్వ కళాశాలలో చేరింది.

వీళ్ల గ్రామం నుండి కాలేజీకి చేరాలంటే 21 కిలోమీటర్లు ప్రయాణించాలి. ఈమె చాలా యాక్టివ్ గా ఉండడంతో హోటల్ యజమాని ఉపాధి చూపించడానికి సబితా అంగీకారంతో ఆటో నేర్పించాడు. అయితే ఆమె సెకండ్ హ్యాండ్ ఆటోని తీసుకొని కాలేజీకి వెళ్లే ముందు మరియు కాలేజీ అయిపోయిన తర్వాత ఆటో నడుపుతోంది.

ఇలా చేయడం వల్ల తన ఖర్చులకు సొంతంగా సంపాదిస్తుంది మరియు వాళ్ళ అమ్మకు అండగా నిలిచింది. అంతే కాకుండా ఆత్మ రక్షణ ఉండాలని కరాటేలో శిక్షణ తీసుకుంటోంది. ఈ విధంగా జీవించడానికి ఉపాధి ఏర్పాటు చేసుకుని ధైర్యంగా జీవిస్తోంది. నిజంగా ఇలాంటి ఆడపిల్లలు ఎందరికో ఆదర్శం.

watch video:

పెళ్లి ఎవరి జీవితంలో అయినా ఎంతో ముఖ్యమైనది. మనం ఎంతో ఇష్టపడి పెళ్లి చేసుకున్న వారు పెళ్లి అయిన తరువాత మునుపటి లా ప్రేమించకపోతే మనసుకు బాధ కలుగుతూ ఉంటుంది. ఇలా చాలా కుటుంబాల్లో జరుగుతూనే ఉంటుంది.

కానీ కారణం ఏంటి అనేది ఎవరు ఆలోచించుకోరు. ఓ భార్య.. తన భర్తతో కూర్చుని మాట్లాడుకుని ఈ సమస్యని ఎలా పరిష్కరించుకుందో ఇప్పుడు చూద్దాం.

ఓ సెలవు రోజున ఇంట్లో తన భర్త మొబైల్ లో చూస్తూ ఉన్న సమయంలో పక్కన వెళ్లి కూర్చుంది. మీతో మాట్లాడాలి.. ఈ ఫోన్ ని స్విచ్ ఆఫ్ చేయమని కోరింది. మొదట నిరాకరించినా.. తన భార్య ఫేస్ డల్ గా ఉండడం చూసిన ఆ భర్త ఫోన్ ని స్విచ్ ఆఫ్ చేసాడు. ఆ తరువాత విషయమేమిటని అడగగా.. భార్య చెప్పడం స్టార్ట్ చేసింది.. “మీరు పెళ్ళికి ముందు చాలా సరదాగా ఉండేవారు. నాపై ప్రేమ గా చూసేవారు.. కవ్వించేవారు.. కానీ.. ఇప్పుడు మీరు రోజులో ఎక్కువ సేపు ఆఫీస్ వర్క్ లేదా ఫోన్ ని మాత్రమే చూస్తూ సమయం గడిపేస్తున్నారు..

నన్ను ఇంత దూరం పెట్టడానికి కారణమేంటి..? నాలో నేను ఏదైనా మార్చుకోవాలి అంటే మార్చుకుంటా..” అంటూ ఆ భార్య చెప్పడం ఆపింది. దానికి ఆ భర్త ఒక చిరునవ్వు నవ్వి ఇలా చెప్పాడు. ఇది సహజం గా అందరి కుటుంబాల్లోనూ జరిగేదేనని వివరించాడు. చిన్నప్పుడు తన అంకుల్ తనకు చెప్పిన ఉదాహరణను తన భార్య కి కూడా చెప్పాడు. “ఇప్పుడు మనం ఏదైనా బంగారం కొన్నాము అనుకో.. దానిని కొంతకాలం మాత్రం అపురూపం గా చూస్తాం. అందరికి చూపించుకుని మురిసిపోతాం. తరువాత బీరువాలో లాకర్ లో పెట్టుకుంటాం..

అంతే తప్ప.. అస్తమానం దానిని తీసి చూస్తూ కూర్చోలేము కదా..” అంటూ ఆ భర్త వివరించాడు. అతను ఈ మాటలు చెప్పగానే.. ఆ భార్య గలగలా నవ్వింది. ఆమె ఎందుకు నవ్వుతోందో భర్తకి అర్ధం కాలేదు.. నవ్వడం ఆపి.. ఆ భార్య ఇలా చెప్పింది.. ” చాలా బాగా కంపేర్ చేస్తున్నారు. కనీసం నన్ను ఎదో ఒక వస్తువు తో పోల్చకుండా బంగారం తో పోల్చినందుకు సంతోషం. అది వస్తువు.. కానీ..నేను మనిషిని. నన్ను కూడా లాకర్ లో పెట్టి ఎలా ఉంచుకుంటారు..? అని ప్రశ్నించింది. ఆమె భర్త ఆలోచనలో పడ్డాడు.

ఆమె చెప్పడం కొనసాగించింది. “ఇప్పుడు ఒక మొక్క ఉంది అనుకోండి. దానిని తీసుకొచ్చి నాలుగు రోజులు మురిసిపోయి, తిరిగి లాకర్ లో పెట్టుకోవడం కుదురుతుందా..? లాకర్ లో పెడితే అది వాడిపోతుంది. దానికి రోజు నీళ్లు పోసి.. ఎండా తగిలే ప్రదేశం లో ఉంచి.. రోజు పట్టించుకుంటేనే అది పెరుగుతుంది.. అని చెప్పుకొచ్చింది. అయినా బంగారాన్ని ఉంచుకుంటాం.. మొక్కలని పెంచుకుంటాం.. ఈ ఒక్క వాక్యం లోనే తేడాని అర్ధం చేసుకోవచ్చు.

మనుషులు కూడా అంతే అండి.. వారితో బంధాన్ని ప్రేమానురాగాలతో పెంచుకోవాలె కానీ బొమ్మల్లా ఇంట్లో ఉంచుకోకూడదు..” అంటూ చెప్పడం ఆగింది. ఆమె ఏమి చెప్పదల్చుకుందో అర్ధం చేసుకున్న ఆ భర్త.. ఆమె వైపు చూసి ప్రేమ గా నవ్వాడు.. గతం లో అతను నవ్వే జీవం లేని నవ్వుకి.. ఇప్పుడు ఆమె వైపు కురిపిస్తున్న ప్రేమతో కూడిన నవ్వులకు ఉన్న తేడాను ఆమె స్పష్టం గా గుర్తించింది. సంతృప్తిగా అతని గుండెలపై వాలింది.

NOTE: All the images used are for representative purpose only