Human angle

మామూలుగా 20 సంవత్సరాలు దాటిన ఆడపిల్లని ఎక్కడికి వెళ్ళినా వేసే ఒకటే ప్రశ్న పెళ్లెప్పుడు అని. ఇంక 25 ఏళ్లు దాటితే చాలా ఆలస్యం అయిపోయింది అని ఇప్పుడు ఇంక పెళ్లి అవడం కూడా చాలా కష్టం అని ఏవేవో మాట్లాడుతూ ఉంటారు. ఎందుకు ఆలస్యం అని కారణం అడిగితే ఒక్కళ్ళు సరిగ్గా చెప్పరు.ఎందుకంటే కారణం వాళ్ళకి కూడా తెలియదు కాబట్టి. అందరూ వెళ్తున్నారు కాబట్టి అదే బాటలో మనం కూడా పయనించాలి అని మాట్లాడతారు. కానీ సైన్స్ ప్రకారం అమ్మాయిలు 25 ఏళ్లు పైబడిన తర్వాత చేసుకుంటేనే మంచిదట. ఎందుకంటే.

సర్వే ప్రకారం 25 వయసు పైబడిన వాళ్లలో ఆర్థిక స్వాతంత్రం అనేది ఎక్కువగా ఉంటుంది. దాంతో ఎక్కడికి వెళ్ళినా బ్రతక గలము అని ఒక ధైర్యం వస్తుంది. అందుకే ముందు చదువు పూర్తి చేసి తర్వాత మీ లక్ష్యాన్ని సాధిస్తే ఆర్థికంగా నిలదొక్కుకుంటారు.

ఆలోచనలు కూడా మెచ్యూర్డ్ గా ఉంటాయి. ఏ నిర్ణయమైనా జాగ్రత్తగా అన్ని పరిశీలించి తీసుకునే అంత సామర్థ్యం వస్తుంది. మానసిక బలం వస్తుంది. ఏది మంచో ఏది చెడో ఏది వారికి కరెక్టో ఏది వారికి కరెక్ట్ కాదో తెలుసుకోగలరు. సొసైటీ ని కూడా హ్యాండిల్ చేయగలుగుతారు.

వయసుకి పరిణితికి సంబంధం లేదన్న మాట నిజమే కానీ చాలా చిన్న వయసులోనే ఎంతో మెచ్యూరిటీ ఉన్న మనుషులు చాలా తక్కువగా ఉంటారు.చిన్న వయసులో పెళ్లి చేసుకోవడం వలన డివోర్స్ శాతం కూడా పెరుగుతోంది. దాంతో సొంతంగా నిర్ణయం తీసుకునే సామర్థ్యం ఉన్నప్పుడే ఎలిజిబుల్ అవుతారు అని చెప్తున్నారు.

కమ్యూనికేషన్ కూడా బలంగా ఉంటుంది. ముందు తెలిసి తెలియక పోవడం వల్ల లేదా భయం వల్ల చాలా విషయాలు వ్యక్తపరచడానికి కుదరదు. 25 దాటిన తర్వాత సమాజాన్ని చూస్తారు కాబట్టి కొంచెం భయం బెరుకు పోతుంది. దాంతో ఏదైనా వారికి అక్కర్లేదు అంటే వద్దు అని, లేదా కావాల్సినవి కావాలి అని గట్టిగా చెప్పగలుగుతారు.అన్ని విషయాల్లో ఒక స్పష్టత వస్తుంది.

మనం మామూలుగా 20 మొదలైన అప్పుడే ఆత్మవిశ్వాసం అనేది ఎక్కువగా ఉంటుంది తర్వాత తగ్గిపోతుంది అని అనుకుంటాం. కానీ నిజం చెప్పాలంటే వయసు పెరిగే కొద్దీ మనలో ఆత్మవిశ్వాసం పెరుగుతుందట. వయసుతో పాటు మనం ఎన్నో ఒడిదుడుకులను చూసి ఉంటాం కాబట్టి మనమేంటో మనకేం కావాలో అనే విషయం మనకు తెలుసు. ఇంకా మనల్ని మనం బాగా అర్థం చేసుకోగలం. దాంతో వేరే వాళ్లు కూడా మన విషయాలను సులువుగా అర్థం చేసుకుంటారు.

ఇవి 25 ఏళ్ల తర్వాత వాత పెళ్లి చేసుకుంటే ఏమవుతుంది అని సైకాలజిస్టులు పరిశోధించి చెప్పిన విషయాలు.

జీవితం ఎవ్వరికీ పూల పాన్పు కాదు. ఒక్కొక్కరికీ ఒక్కో రీతిలో కష్టాలు వస్తూ ఉంటాయి. అయితే.. వాటిని ఎలా ఎదుర్కొంటాం అన్న దానిపై మన సమర్ధత ఆధారపడి ఉంటుంది. అన్ని సాఫీ గా సాగిపోతూ ఉన్న సమయంలో ఒక్కసారిగా వచ్చే కుదుపు మన జీవితంలో పెను మార్పులను తీసుకొస్తుంది.

అయితే.. ఆ కుదుపులకి ధీటుగా సమాధానం ఇచ్చిన ఈ అమ్మాయి పేరు ప్రకృతి గుప్తా. ప్రకృతి గుప్తా హైదరాబాద్ లోనే పుట్టి పెరిగినా ఉన్నత చదువుల కోసం కెనడాకు వెళ్ళింది. అక్కడ యూనివర్సిటీ ఆఫ్‌ విండ్సర్‌లో అండర్‌ గ్రాడ్యుయేషన్‌ పూర్తి చేసాకా.. ఎంబీఏ ని కూడా పూర్తి చేసింది. క్రిజ్లర్‌ ఫైనాన్సియల్‌ కంపెనీలో ఉద్యోగం రావడంతో కెరీర్ ను ప్రారంభించింది. ఆ తరువాత, మెర్సిడెస్‌ బెంజ్‌ కంపెనీలో ప్రాజెక్ట్‌ లీడ్‌ గా ఆమెకు అవకాశం వచ్చింది.

ఆ తరువాత పెళ్లి చేసుకుని వర్క్ ప్లేస్ ని దుబాయ్ కి మార్చుకుంది. దుబాయ్ లోనే ఫియట్‌ క్రిజ్లర్‌ గ్రూప్‌ తో పని చేసింది. అంతా సాఫీగా సాగుతోంది అనుకుంటున్నా తరుణంలో అనారోగ్యం ఆమెను కుదిపేసింది. అనేక పరీక్షలు, చెకప్ ల తర్వాత ఆమెకు వచ్చిన వ్యాధి హాడ్గ్‌కిన్స్‌ లింఫోమా క్యాన్సర్‌ అని తెలిసింది. జీవితంపైనే ఆశలు వదిలేసుకుంటారు ఎవరైనా.. కానీ అక్కడ ఉన్నది ప్రకృతి గుప్తా. కాన్సర్ ని జయించడానికి వైద్యం ఒక్కటే సరిపోదు. ముందు మానసిక స్థైర్యం కూడా కావాలి.

ట్రీట్ మెంట్ తీసుకుంటున్న సమయంలో ప్రకృతి వర్మ చాలా కాలం విరామం తీసుకోవాల్సి వచ్చింది. ప్రకృతి వర్మ ఓ స్వీట్స్ వ్యాపారి. ఆయనే తన ఇన్స్పిరేషన్ అని ప్రకృతి వర్మ చెప్తూ ఉంటారు. ఆయనలా ఎంట్రప్రెన్యూర్ అవ్వాలని అనుకుంది. కానీ.. బిజినెస్ లో రిస్క్ లు ఎక్కువ ఉంటాయి అని.. ఆమెను ఉద్యోగంలో చేర్పించారు. అయితే.. ఇప్పుడు ట్రీట్ మెంట్ కోసం నాలుగు నెలల పాటు విరామం తీసుకోవాల్సి రావడంతో ప్రకృతి వర్మ చాలా ఆలోచించారు. ఆ నాలుగు నెలలో తెల్లని ఆసుపత్రి గోడల మధ్యే గడిపారు.

ఇలా రంగు వెలిసిన తన జీవితానికి తానె రంగులద్దుకోవాలని.. డిజైన్లు వేయాలని ప్రకృతి నిర్ణయించుకున్నారు. కొంచం కోలుకున్నాక 2011 లో కఫ్తాన్ కంపెనీ ని స్థాపించింది. ఈ కంపెనీ లో యాభై మంది మహిళలు పని చేస్తున్నారు. వారిలో 35 మంది మహిళలే. చాలా కంపెనీలలో వర్కింగ్ సెక్షన్ మహిళలు ఉన్నా.. పర్యవేక్షణ విభాగంలో పురుషులనే తీసుకుంటారు. కానీ మా కంపెనీలో కీలక రోల్స్ లలో కూడా మహిళలు పని చేస్తున్నారని ప్రకృతి గర్వముగా చెబుతుంది. మరోవైపు తండ్రి స్థాపించిన క్రాక్ హీల్ కంపెనీని కూడా నిర్వహిస్తున్నానని.. దానిని తండ్రి ఆల్రెడీ సక్సెస్ చేసి ఇచ్చారని.. అది రన్ చేయడం పెద్ద కిక్ ఉండదని.. కానీ “కఫ్తాన్” నా బ్రెయిన్ చైల్డ్.. దీనిని కూడా సక్సెస్ చేయడంలో కిక్ ఉంటుందని చెప్పుకొచ్చింది.

కఫ్తాన్ అంటే వదులుగా ఉండే చొక్కా.. ఇది పర్షియన్ భాషకి చెందిన పదం. మధ్యధరా ప్రాంతంలో నివసించే వారు ఇటువంటివి ధరిస్తారు. మన సైడ్ కూడా ఇటువంటి వాటిని నైట్ డ్రెస్ లుగా ధరిస్తూ ఉంటారు. దానిని డిజైన్లు మార్చి పగలు కూడా ధరించగలిగే డ్రెస్ లుగా రూపొందించారు. ఒంటిపై వేసుకున్న డ్రెస్ ను రోజంతా కంఫర్ట్ గా ఉంచుకోగలగాలి.. డ్రెస్ ను అందంగా కనిపించేలా డిజైన్ చేయడం, మరోవైపు కంఫర్ట్ గా ఉండేట్లు చూడడంతోనే మా కంపెనీ సక్సెస్ ఉందని ప్రకృతి వర్మ చెప్పుకొచ్చారు. అనారోగ్యం నుంచి కోలుకున్న వెంటనే ఈ బిజినెస్ ను ప్రారంభించానని.. ప్రస్తుతం దీనిని సక్సెస్ చేయడమే నా లక్ష్యమని చెప్పుకొచ్చారు.

పెళ్లి అనేది ప్రతి అమ్మాయి జీవితంలో ఎంతో అద్భుతమైన వేడుక. ఈ వేడుక కోసం అందంగా ముస్తాబు అవ్వాలని ప్రతి అమ్మాయి కోరుకుంటుంది. అందుకోసం షాపింగ్ కి వెళ్లి భారీగానే ఖర్చు పెట్టేస్తూ ఉంటుంది. మరి.. రెడీ అవడం కోసమైనా, మేక్ అప్ కోసం అయినా అంత ఖర్చు పెట్టలేని అమ్మాయిల పరిస్థితి ఏంటి?

అలాంటివాళ్ల గురించే ఆలోచించింది షెహరాబాను అనే అమ్మాయి. షెహరాబాను కర్ణాటకకు చెందిన అమ్మాయి. మడికేరి తాలూకాలోని ఛెత్తల్లి అనే కుగ్రామం లో ఆమె తల్లితండ్రులు అమీనా, మాను లతో కలిసి నివసిస్తోంది.

వారిద్దరూ దినసరి కూలీలుగా పని చేస్తున్నారు. వారి కూలితోనే ఇల్లు గడుస్తూ ఉండేది. అయితే.. ఉన్నంతలోనే తన తోటివారికి సాయం అందించాలి అనే తపన షెహరాబానుది. పీయూసీ పూర్తి అయ్యాక ఆమె బ్యూటీషియన్ గా పని చేయడం ప్రారంభించింది. ఈ క్రమంలోనే తన స్నేహితుల పెళ్లిళ్లలో కూడా వారిని రెడీ చేయడంలో సాయం చేసేది. అయితే వారు తమకి నచ్చిన పెళ్లి దుస్తులను కొనుక్కోలేక ఉన్న డబ్బులతోనే ఉన్నవి కొనుక్కోవడం గమనించింది.

వారి స్నేహితుల ఇబ్బందిని గమనించాక షెహరాబానుకు ఓ ఆలోచన వచ్చింది. కేరళకు చెందిన పేద వధువు కోసం ఓ బోటిక్ ఉచితంగా పెళ్లి దుస్తులను అందించడం గురించి తెలుసుకుంది. కర్ణాటకలో కూడా అలాంటిది ఏమైనా ప్రారంభించాలని భావించింది. ఈ ఆలోచన రాగానే వాట్సాప్ గ్రూప్స్ లోను, ఇతర సామాజిక మాధ్యమాలలోను ఈ విషయాన్నీ వివరించింది. వీలైతే ఎవరి దగ్గరైనా పెళ్లి దుస్తులు ఉంటె అందించి సాయం చేయాలనీ కూడా కోరింది.

ఆమె అభ్యర్ధనకి విశేషమైన స్పందన లభించింది. అలా చాల మంది ఆమె వద్దకు దుస్తులను పంపించారు. కొందరు ఖరీదైన చీరలను కూడా విరాళంగా ఇచ్చేసారు. కొందరు తమ పెళ్ళికి వేసుకుని.. వాడకుండా ఉన్న దుస్తులను అందించారు. వీరిలో చాలా మంది మధ్యతరగతికి చెందినవారే. ఇలా వచ్చిన దుస్తులను షెహరాబాను పేదలకు ఉచితంగా అందిస్తుంది. అయితే.. ఆమె వద్ద పెళ్లి దుస్తులు తీసుకునే వారు తమ కుల పెద్ద నుంచి ఒక లేఖను, తమ ఆర్ధిక పరిస్థితి గురించి వివరించే పత్రాలను తీసుకురావాల్సి ఉంటుంది. షెహరాబాను ఇలా ప్రారంభించిన నెలలోపే ఆమె బోటిక్ నుంచి చాలా మంది దుస్తులు తీసుకున్నారు. ఎంతో మంది తమ పెళ్లి వేడుక కోసం ఆమె వద్దకు వచ్చి సంతోషంగా తిరిగి వెళ్తుండడంతో ఆమె ఆనందం రెట్టింపైంది. ఆమెను నెటిజన్లు కూడా మెచ్చుకుంటున్నారు.

ప్లాస్టిక్ నిషేధాన్ని అమలు చేయాలంటూ చాలా కాలం నుంచి చర్చలు జరుగుతున్న సంగతి తెలిసిందే. మితిమీరిన ప్లాస్టిక్ వాడకం వలన వాతావరణ కాలుష్యానికి ముప్పు ఏర్పడింది. అందుకే పలు చోట్ల ప్లాస్టిక్ వాడకాన్ని పూర్తిగా నిషేధించారు. అయితే.. కొన్నిసార్లు ప్లాస్టిక్ వాడకాన్ని నిషేధించడం సాధ్యం కావడం లేదు.

ముఖ్యంగా వాటర్ బాటిల్స్ కారణంగా ప్లాస్టిక్ ను ఎక్కువగా వాడాల్సి వస్తోంది. అయితే.. వాటర్ బాటిల్స్ కారణంగానే ప్లాస్టిక్ ఎక్కువ అవుతుంది అన్న ఉద్దేశ్యంతో కలియుగ వైకుంఠం తిరుమలలో ప్లాస్టిక్ ని పూర్తిగా నిషేధించారు.

అక్కడ ప్లాస్టిక్ వాటర్ బాటిల్స్ కూడా ఉండవు. అక్కడ వాటర్ ను గాజు బాటిల్స్ లోనే అమ్ముతూ ఉంటారు. అయితే.. ఒక గాజు వాటర్ బాటిల్ ను కొనుక్కోవాలి అంటే కనీసం రెండొందల రూపాయల ఖరీదు చేస్తుంది. అదీ కాకుండా.. ప్రయాణ సమయాల్లో ఈ గాజు బాటిల్స్ అంత సురక్షితం కూడా కాదు. అందుకే ప్లాస్టిక్ వాటర్ బాటిల్స్ కి ఒక ప్రత్యామ్నాయం తీసుకురావాల్సిన అవసరం ఎంతైనా ఉంది. అయితే ఆ ఆలోచనని ఈ యువకులు పుణికి పుచ్చుకున్నారు. హైద‌రాబాద్ కు చెందిన సునీత్ తాతినేని, చైత‌న్య పేపర్ తో వాటర్ బాటిల్స్ ను తయారు చేయాలన్న సంకల్పాన్ని పెట్టుకున్నారు.

వారి రోజువారీ జీవితాల్లో ప్లాస్టిక్ వాడకాన్ని తగ్గించుకున్నారు. అయితే.. వాటర్ బాటిల్స్ మాత్రం నిత్యావసరమే. దానికి ప్రత్యామ్నాయం దొరకలేదు. ఇంటర్నెట్ లో రీసెర్చ్ చేసి ఒక రకమైన పేపర్ తో వాటర్ బాటిల్స్ తయారు చేయాలనీ అనుకున్నారు. ఇంట్లో వాడుకోవడానికైనా.. లేక ఎక్కడికైనా తీసుకు వెళ్ళడానికి అయినా అనుకూలంగా ఉండేవిధంగా రూపొందించాలని అనుకున్నారు. అలా ఈ ఇద్దరు యువకులు కలిసి ఆవిష్కరించిందే ఎకో ఫ్రెండ్లీ డ్రింకింగ్ వాటర్ బాక్స్. పూర్తిగా కారిగేటెడ్‌ పేపర్‌ ను ఉపయోగించి టేంపర్‌ప్రూఫ్‌ వాటర్‌ బాక్స్‌ ను తయారు చేసారు. ఈ బాక్స్ లో 85 % వరకు ప్లాస్టిక్ ను వాడలేదు. అంతేకాదు వీటిని రీసైకిల్ చేసుకోవచ్చు కూడా. ఈ వాటర్ బాటిల్ ను యాప్ లో బుక్ చేసుకుంటే ఇంటికి తీసుకొచ్చి ఇస్తారు. ఆ బాటిల్ ఎక్సపైరీ డేట్ అయిపోయిన తరువాత దాని ప్లేస్ లో కొత్తది ఇచ్చి పాతది తీసుకెళ్ళిపోతారు.

ఇలా వాటర్ బాటిల్స్ ని మాత్రమే కాదు.. వాటర్ కేన్స్ ని కూడా తయారు చేస్తున్నారు. మనం వాడుతున్న ప్లాస్టిక్ వాటర్ బాటిల్స్ లో ఉండే మైక్రో ప్లాస్టిక్‌ మనం వాటర్ తాగుతున్నప్పుడు మన శరీరంలోకి ప్రవేశించి అనేక రోగాలకు కారణం అవుతూ ఉంటాయి. ఇలాంటి రోగాలు రాకుండా ఉండడానికే పేపర్ తో వాటర్ బాటిల్స్ ను తయారు చేస్తున్నారు. అయితే వీటి ధరలు కూడా అందుబాటులోనే ఉన్నాయి. ఐదు లీటర్ల బాక్స్‌ ప్రైస్‌ 75 రూ. కాగా, ఇరవై లీటర్ల బాక్స్‌ 120 రూ. ఉంది. ఈ వాటర్ బాటిల్స్ ప్రస్తుతం హైదరాబాద్ లో అందుబాటులో ఉన్నాయి.