News

ఈ సంవత్సరం వకీల్ సాబ్ తో ఇన్నింగ్స్ మొదలుపెట్టిన పవర్ స్టార్ పవన్ కళ్యాణ్, వచ్చే సంవత్సరం వరుస సినిమాలతో మన ముందుకు రాబోతున్నారు. అందులో మొట్టమొదటిగా విడుదల అవుతోంది భీమ్లా నాయక్. ఈ సినిమా మలయాళం సినిమా అయిన అయ్యప్పనుమ్ కోషియుమ్ కి రీమేక్ గా రూపొందుతోంది. ఇందులో రానా దగ్గుబాటి కూడా మరొక హీరోగా నటిస్తున్నారు. నిత్యా మీనన్ పవన్ కళ్యాణ్ కి జోడిగా నటిస్తున్నారు. వీరిద్దరూ కలిసి నటించడం ఇదే మొదటిసారి. ఈ సినిమాకి తమన్ సంగీత దర్శకత్వం వహిస్తున్నారు. సంక్రాంతి కానుకగా జనవరి 2022లో ఈ సినిమా ప్రేక్షకుల ముందుకు రాబోతోంది.

ఇందులో త్రివిక్రమ్ శ్రీనివాస్ ఒక పాట రాశారు. ఆ పాట ఇటీవల విడుదలయ్యి ట్రెండింగ్ లో ఉంది. అయితే త్రివిక్రమ్ శ్రీనివాస్ పాట రాయడం ఇది మొదటిసారి అయితే కాదు. అంతకు ముందు కూడా ఒక సినిమా మొత్తం పాటలు త్రివిక్రమ్ శ్రీనివాస్ రాశారు. రవి తేజ హీరోగా నటించిన ఒక రాజు ఒక రాణి సినిమా పాటలు అన్నీ త్రివిక్రమ్ శ్రీనివాస్ రాశారు. ఈ విషయం చాలా మందికి తెలియకపోయి ఉండొచ్చు.

గతం లో ఫన్ బకెట్ భార్గవ్ ను అరెస్ట్ చేసిన సంగతి తెలిసిందే. అతనిపై పలు ఆరోపణలు రావడంతో పోలీసులు అతన్ని అరెస్ట్ చేసారు. మైనర్ బాలికను రేప్ చేసాడని.. అమ్మాయిలతో అసభ్యం గా ప్రవర్తించేవాడని.. ఇలా రకరకాలుగా ఆరోపణలు వచ్చాయి. వీటిల్లో వాస్తవం ఎంతో తెలియకపోయినా.. నెటిజన్లు ఫన్ బకెట్ భార్గవ్ ను తిట్టి పోశారు. పోలీస్ డిపార్ట్మెంట్ కూడా ఈ విషయమై మాట్లాడడం తో.. అందరు నిజమనే నమ్మారు.

కొన్ని రోజులు జైల్లోనే ఉన్న ఫన్ బకెట్ భార్గవ్ ఆ తర్వాత బెయిల్ పై బయటకి వచ్చాడు. తాజాగా.. భార్గవ్ ని మళ్ళీ అరెస్ట్ చేశారట. బెయిల్ పై విడుదల అయ్యి బయటకి వచ్చినా భార్గవ్ తీరు మారకపోవడంతో అతన్ని మళ్ళీ అరెస్ట్ చేసారు. ఇటీవల భార్గవ్ సోషల్ మీడియా అకౌంట్స్ లో అనుచిత వ్యాఖ్యలతో పోస్ట్ చేసాడు.

రేపు కేసు పెట్టినవారితో సహా.. భార్గవ్ పై ఆరోపణలు చేసిన బాధిత అమ్మాయిలను ఉద్దేశించి భార్గవ్ అనుచిత వ్యాఖ్యలు చేయడంతో సోషల్ మీడియా లో దుమారం చెలరేగింది. ఈ వ్యాఖ్యలు బాధితులను బెదిరించేలా ఉన్నాయని పోలీసులకు ఫిర్యాదు అందడంతో భార్గవ్ ను అరెస్ట్ చేశామని దిశ ఏసీపీ ప్రేమ్ కాజల్ పేర్కొన్నారు.

భార్గవ్ వాస్తవానికి బెయిల్ పై బయటకి వచ్చాడు. బెయిల్ నిబంధనలకు విరుద్ధంగా భార్గవ్ బెదిరింపులకు పాల్పడడంతో అతడిని అరెస్ట్ చేసి పోక్సో కోర్ట్ లో ప్రవేశపెట్టారు. సాక్ష్యాధారాలను పరిశీలించి, విచారణ చేసాక భార్గవ్ బెయిల్ ను రద్దు చేస్తున్నట్లు తీర్పునిచ్చారు. ప్రస్తుతం భార్గవ్ ను వైజాగ్ సెంట్రల్ జైలు కు తరలించినట్లు దిశ ఏసీపీ ప్రేమ్ కాజల్ పేర్కొన్నారు.

బ్రాహ్మణి గురించి ప్రత్యేకమైన పరిచయం అవసరంలేదు. నటసింహం బాలయ్యబాబుకి ఆమె గారాలపట్టి. అంతే కాదు మాజీ ముఖ్యమంత్రి నారా చంద్రబాబునాయుడి కోడలు. లోకేష్ ను వివాహం చేసుకున్న తరువాత కూడా ఆమె తన వ్యాపారాన్ని కొనసాగిస్తూ, రెండు బాధ్యతలను సమర్ధవంతంగా నిర్వహిస్తూ వచ్చారు. అయితే ఒకానొక టైం లో మంచు మనోజ్ నారా బ్రాహ్మణిని కొట్టాడు అంటూ వార్తలు వైరల్ అయ్యాయి..

ప్రస్తుతం ఈ టాపిక్ గురించి చర్చ నడుస్తోంది. బాలకృష్ణ అన్ స్టాపబుల్ విత్ ఎన్ బి కె షో లో మంచు మోహన్ బాబు, మంచు విష్ణు, మంచు లక్ష్మి పార్టిసిపేట్ చేసిన సంగతి తెలిసిందే. ఈ షో టైం లో వీరు ముచ్చటించుకుంటూ ఈ టాపిక్ గురించి మాట్లాడుకున్నారు. ఓసారి అనుకోకుండా మంచు మనోజ్ బ్రాహ్మణిని కొట్టారట. ఐతే ఆమె ఏడ్చుకుంటూ వసుంధరాదేవి దగ్గరకు వెళ్లడంతో ఆమె మనోజ్ కు గట్టిగా వార్నింగ్ ఇచ్చి పంపేసారట. ఈ విషయం గురించి షో లో మాట్లాడుకుంటూ నవ్వుకున్నారు..

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు. అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు. సమంత గత కొంత కాలం నుండి సోషల్ మీడియా ద్వారా ఎన్నో కోట్స్ షేర్ చేస్తున్నారు.

సమంత ఇటీవల చేసిన ఒక పోస్ట్ చర్చలకు దారి తీసింది. వివరాల్లోకి వెళితే, సమంత ఇటీవల తన పెంపుడు జంతువులు ఆడుకుంటున్న వీడియో ఒకటి తీసి పోస్ట్ చేశారు. అలాగే తన వర్కౌట్ కి సంబంధించిన ఒక వీడియో కూడా షేర్ చేశారు. ఇవన్నీ చూస్తూ ఉంటే సమంత, నాగ చైతన్య అంతకుముందున్న ఇంట్లోనే సమంత ఉంటున్నారు అనే విషయం నెటిజన్లకి అర్థమైపోయింది. దాంతో, “అదేంటి విడిపోయిన తర్వాత కూడా సమంత అదే ఇంట్లో ఉంటున్నారు? వేరే ఇల్లు షిఫ్ట్ అవుతారు అనే వార్తలు వచ్చాయి కదా?” అని కామెంట్స్ చేస్తున్నారు.

ఆలోచింపచేసే విధంగా వినోదాత్మక చిత్రాలు తీయడంలో జంధ్యాల గారు దిట్ట. ఆయన తరువాత స్థానం ఇవివి సత్యనారాయణ గారికే చెందుతుంది. “చెవిలో పువ్వు” సినిమాతో ఆయన సినిమా ఇండస్ట్రీ లో తన ప్రయాణాన్ని ప్రారంభించారు. దాదాపుగా అందరు స్టార్ హీరోలతో సినిమాలను తీశారు. ఆయన తీసిన వాటిల్లో కూడా ఎన్నో వినాదాత్మక చిత్రాలు, సీరియస్ సినిమాలు ఉన్నాయి.

ఎక్కువగా ఆయన మధ్యతరగతి కుటుంబ కధాంశాలను ఎన్నుకునేవారు. 1994 ప్రాంతంలో వచ్చిన హలో బ్రదర్, ఆలీబాబా అరడజను దొంగలు, అబ్బాయి గారు, ఆమె సినిమాలు బాక్స్ ఆఫీస్ వద్ద తిరుగులేని విజయం సాధించాయి. సిరి చిత్ర నిర్మాణం లో, ఇవివి దర్శకుడు గా “ఆమె” సినిమా రూపొందించబడింది. ఈ సినిమాలో హీరోగా శ్రీకాంత్ నటించగా.. హీరోయిన్ గా ఊహ నటించారు.

అప్పటికే “అహనా పెళ్ళంట” సినిమా రిలీజ్ అయింది. అందులో పిసినారిగా కోట శ్రీనివాస్ రావు కనబరిచిన నటన ఎంతగానో ఆకట్టుకుంది. “ఆమె” సినిమాలో కూడా ఇవివి, కోటా శ్రీనివాసరావుకు అలాంటి పాత్రనే ఇచ్చారు. ఈ పాత్ర అజ్ఞానం, మూర్ఖత్వం కలగలిపి ఉంటుంది. ఈ పాత్రకు కూడా కోట గారు వందశాతం న్యాయం చేసారు. ఈ సినిమాలో కోటా గారిది ఓ సన్నివేశం ఉంటుంది.

ఈ సినిమా పతాక సన్నివేశంలో.. కోటా గారి భార్యగా నటించిన సుధ అనే అమ్మాయి కోటా శ్రీనివాస రావు గుండెలపై కాలు పెట్టి స్త్రీ అబల కాదు.. సబల.. అంతే కాదు ఆది పరాశక్తి” అని ఓ డైలాగు చెబుతుంది. తొలుత కధలో భాగంగా ఈ సన్నివేశం ఉంటె బాగుంటుంది అని తీశారు. కానీ ఆ తరువాత ఆ దృశ్యాన్ని తీసేసారు. కానీ సినిమా రిలీజ్ అయ్యాక విజయవాడ లో ఓ థియేటర్ వద్ద ప్రేక్షకులు గొడవ గొడవ చేసారు. ఆ సీన్ ఉంటె తప్ప సినిమా నడవదని ధర్నాకు దిగారు. ఈ విషయాన్నీ నటి సుధ ఓ ఇంటర్వ్యూలో తెలిపారు.

ప్రముఖ బాలీవుడ్ నటుడు షారుక్ ఖాన్ ఇవాళ తన 56వ జన్మదినాన్ని జరుపుకుంటున్నారు. షారుక్ ఖాన్ కేవలం బాలీవుడ్ లో మాత్రమే కాదు. భారతదేశ సినిమా ఇండస్ట్రీలో కూడా గొప్ప నటులలో ఒకరు. ఈ సీరియల్స్ ద్వారా కెరీర్ మొదలుపెట్టి, అంచెలంచెలుగా ఎదిగి ఇప్పుడు స్టార్ హీరో అయ్యారు. అలాగే కష్టపడితే ఎంత ఎత్తుకి అయినా ఎదగొచ్చు అని ఎంతో మందికి ఒక రోల్ మోడల్ అయ్యారు. షారుక్ ఖాన్ కి ఒక ప్రత్యేకత ఉంది.

అదేంటంటే, యూఏఈ (UAE) లో షారూఖ్ ఖాన్ ఏ హోటల్ లో ఉన్నా కూడా ఆ హోటల్ ఖర్చులు అన్ని షారుక్ ఖాన్ కి ఉచితం. వినడానికి వింతగా ఉన్నా ఇది నిజమే. యూఏఈ లో షారుక్ ఖాన్ కి హోటల్స్ ఖర్చులు అన్నీ ఉచితం. ఈ సౌలభ్యం కేవలం ఇద్దరికి మాత్రమే ఉంది. ఒకరు షారుక్ ఖాన్ అయితే, ఇంకొకరు యూఏఈ ప్రెసిడెంట్. ఇవే కాకుండా షారుక్ ఖాన్ ఇంకా ఎన్నో ఘనతలు సాధించారు. ప్రస్తుతం షారుఖ్ ఖాన్ అట్లీ దర్శకత్వం వహిస్తున్న సినిమా షూటింగ్ లో బిజీగా ఉన్నారు. ఈ సినిమాలో షారూఖ్ ఖాన్ డబుల్ రోల్ లో కనిపిస్తారు అని సమాచారం.