News

ప్రస్తుతం వరుస సినిమాల షూటింగ్ తో బిజీగా ఉన్న హీరోల్లో ప్రభాస్ ఒకరు. రాధే శ్యామ్‌తో పాటు ఆదిపురుష్, సలార్ సినిమాల షూటింగ్ లో కూడా ప్రభాస్ పాల్గొంటున్నారు. బాహుబలి తర్వాత ప్రభాస్ క్రేజ్ భారతదేశం అంతటా వ్యాపించింది. బహుశా ప్రభాస్ తెలియని ఇండస్ట్రీ ఉండదేమో. అందుకే బాహుబలి తర్వాత వచ్చిన సాహో కూడా తెలుగుతోపాటు ఇతర భాషల్లో కూడా విడుదల అయ్యింది. ఇప్పుడు రాబోతున్న సినిమాలు కూడా పాన్ ఇండియా సినిమాలుగా విడుదల అవుతున్నాయి. ఇటీవల విడుదలైన రాధే శ్యామ్‌ టీజర్ ప్రేక్షకుల ఆసక్తిని ఇంకా పెంచింది. టీజర్ చూస్తే ఇది ఒక ప్రేమకథ అని అర్థమైపోతుంది. ఇందులో ప్రభాస్ జ్యోతిష్కుడు విక్రమాదిత్య పాత్రలో కనిపిస్తున్నారు. ఈ సినిమా జనవరి 14 వ తేదీన సంక్రాంతి కానుకగా విడుదల అవుతోంది.

ఇదిలా ఉండగా, ప్రభాస్ ఫ్యాన్స్ ప్రస్తుతం కొంచెం టెన్షన్ లో ఉన్నారు. అందుకు కారణం ఇటీవల విడుదలైన టీజర్. ఈ సినిమా లవ్ స్టోరీ. ఇందులో ఫైటింగ్స్ ఉండవు అనే వార్తలు వినిపిస్తున్నాయి. దాంతో మాస్ ప్రేక్షకులు కనెక్ట్ అయ్యే అవకాశాలు తక్కువగా ఉన్నాయి. అందులోనూ దర్శకుడు రాధా కృష్ణ కుమార్ కి ఇది రెండవ చిత్రం మాత్రమే. అంతకుముందు సుజిత్ తో కూడా సాహో తీసి ఒక సాహసం చేసిన ప్రభాస్ మళ్లీ రిస్క్ తీసుకుంటున్నారో ఏమో అని ఫ్యాన్స్ భయపడుతున్నారు. కానీ కొంత మంది మాత్రం చాలా సంవత్సరాల తర్వాత ప్రభాస్ ని మళ్ళీ లవ్ స్టోరీ లో చూస్తున్నామని ఆనందపడుతున్నారు.

రెండు, మూడు సార్లు వాయిదా పడిన తర్వాత లవ్ స్టోరీ సినిమా చివరికి థియేటర్లలో విడుదల అయ్యి విజయం సాధించింది. సినిమా బృందం కూడా ముందు నుంచి చాలా కాన్ఫిడెంట్ గా ఉన్నారు. ఈ సినిమా థియేటర్లలో చూడవలసిన సినిమా అని, అది కూడా కేవలం యూత్ మాత్రమే కాకుండా, కుటుంబం అంతా చూడాల్సిన సినిమా అని చెప్పారు. ఈ సినిమాలో కొన్ని ముఖ్యమైన అంశాల గురించి మాట్లాడారు. ఇలాంటి అంశాలను తెరపై చూడటం మనకి కొంచెం కొత్తగా అనిపించింది. సినిమా విడుదల అయిన నెల రోజులకి ఆహాలో డిజిటల్ రిలీజ్ అయ్యింది. అయితే సినిమా థియేటర్లలో విడుదల అయినప్పుడు క్లైమాక్స్ గురించి చాలా మంది భిన్నాభిప్రాయాలు వ్యక్తం చేశారు. క్లైమాక్స్ లో హీరోని పోలీసులు అరెస్ట్ చేసి తీసుకెళతారు. సినిమా అక్కడికి ఎండ్ అవుతుంది.

కానీ డిజిటల్ రిలీజ్‌లో మాత్రం క్లైమాక్స్ లో కొంచెం మార్పులు చేసినట్లు సమాచారం. హీరోని అరెస్ట్ చేసి తీసుకెళ్లిన తర్వాత హీరోయిన్ హీరో కోసం కోర్ట్ కి వెళ్తున్నట్టు, హీరో ఆ హత్య కావాలని చేయలేదు అని అతనిని నిర్దోషిగా కోర్ట్ ప్రకటించినట్టు డిజిటల్ రిలీజ్‌లో ఒక చిన్న సీన్ యాడ్ చేశారు. దాంతో ఈ సినిమాకి హ్యాపీ ఎండింగ్ ఇచ్చారు. ఏదేమైనా థియేటర్లలో కూడా లవ్ స్టోరీ సూపర్ హిట్ టాక్ తో దూసుకు వెళ్ళింది. ఒక రకంగా చెప్పాలంటే ఈ సంవత్సరం చాలా తక్కువ సినిమాలు ఇంత ప్రజాదరణ పొందాయి. వాటిలో లవ్ స్టోరీ కూడా ఒకటి.

జూనియర్ ఎన్టీఆర్ మరొకసారి హోస్ట్ గా మన ముందుకు వచ్చారు. జెమినీ టీవీ లో టెలికాస్ట్ అవుతున్న ఎవరు మీలో కోటీశ్వరులు అనే ప్రోగ్రామ్ కి హోస్ట్ గా వ్యవహరిస్తున్నారు జూనియర్ ఎన్టీఆర్. ప్రోగ్రామ్ కూడా ఎప్పుడో మొదలవ్వాల్సి ఉంది. కానీ కరోనా కారణంగా వాయిదా పడింది. అయితే ఇప్పుడు ఈ ప్రోగ్రాం మొదలయ్యింది. ఈ ప్రోగ్రాం మొదలైనప్పటి నుంచి కూడా మంచి హిట్ టాక్ తో దూసుకుపోతోంది. చాలా సంవత్సరాల తర్వాత మళ్ళీ ఒక క్విజ్ ప్రోగ్రాం మొదలవ్వడం, అందులోనూ జూనియర్ ఎన్టీఆర్ ఈ ప్రోగ్రాంకి హోస్ట్ చేయడం అనేవి ఎవరు మీలో కోటీశ్వరులు సక్సెస్ కి ప్లస్ పాయింట్స్ గా నిలిచాయి.

అయితే ఈ ప్రోగ్రాంకి జూనియర్ ఎన్టీఆర్ వీడ్కోలు పలికారు. ఒకే రోజులో రెండు ఎపిసోడ్స్ పూర్తి చేసుకొని ప్రోగ్రాం షూటింగ్ ముగించారు జూనియర్ ఎన్టీఆర్. చివరి ఎపిసోడ్ నవంబర్ నెలలో టెలికాస్ట్ అవుతుంది అని సమాచారం. దీపావళి స్పెషల్ ఎపిసోడ్ లో కానీ, లేదా చివరి ఎపిసోడ్ లో కానీ మహేష్ బాబు అతిథిగా వచ్చిన ఎపిసోడ్ ప్రసారం అవుతుంది అనే వార్తలు వినిపిస్తున్నాయి. ఇప్పుడు ముగిసింది కేవలం మొదటి సీజన్ మాత్రమే. ఈ ప్రోగ్రాంకి తప్పకుండా రెండవ సీజన్ ఉంటుంది. కానీ ఆ ప్రోగ్రాం జూనియర్ ఎన్టీఆర్ హోస్ట్ చేస్తారా? లేదా మరెవరైనా హోస్ట్ చేస్తారా? అనేది మాత్రం ఇంకా తెలియదు.

స్టార్ హీరోయిన్ నయనతార, డైరెక్టర్ విఘ్నేష్ శివన్‌ గత కొన్ని సంవత్సరాల నుండి రిలేషన్ లో ఉన్న సంగతి అందరికీ తెలిసిందే. అయితే, వీరిద్దరూ 2022లో పెళ్లి చేసుకోబోతున్నారు అనే వార్తలు వినిపిస్తున్నాయి. ఇందుకు సంబంధించిన ఏర్పాట్లు అన్నీ కూడా పూర్తయ్యాయట. ఇటీవల వీరిద్దరు కలిసి తిరుపతితో పాటు, మరికొన్ని పుణ్య క్షేత్రాలను సందర్శించారు. అయితే, నయనతార వివాహం కూడా ఐశ్వర్య రాయ్ వివాహం జరిగిన విధానంలోనే జరగబోతోంది అని సమాచారం. అంటే, ఐశ్వర్య రాయ్, అభిషేక్ బచన్ ని పెళ్లి చేసుకొనే ముందు దోష నివారణ కోసం ఒక చెట్టుని పెళ్లాడారు.

నయనతార కూడా దోష నివారణకు మొదట ఒక చెట్టుని పెళ్ళాడి తర్వాత విఘ్నేష్ శివన్‌ ని పెళ్లి చేసుకోబోతున్నారు. వీరి పెళ్ళి ముహూర్తాన్ని తిరుమల తిరుపతికి సంబంధించిన పండితులు నిర్ణయించారట. వీరి పెళ్లి కూడా చాలా సింపుల్ గా జరగబోతోంది. ఇరు కుటుంబ సభ్యులు, అలాగే ఇండస్ట్రీలోని క్లోజ్ ఫ్రెండ్స్ వీరి పెళ్లికి హాజరవ్వబోతున్నారు. వీరిద్దరి ఎంగేజ్మెంట్ కూడా కొన్ని నెలల క్రితం జరిగింది. ఈ విషయాన్ని నయనతార ఒక ఇంటర్వ్యూలో చెప్పారు. వారు తమ రిలేషన్ కి సంబంధించిన విషయాలన్నిటిని వ్యక్తిగతంగానే ఉంచుకుంటారు అని, సోషల్ మీడియాలో ప్రకటించరు అని, ఎందుకంటే ఎంగేజ్మెంట్ అనేది చాలా వ్యక్తిగతమైన విషయం అని నయనతార చెప్పారు.