News

సాధారణంగా పోలీసులను చూస్తే దొంగలు పరార్ అవ్వడానికి ప్రయత్నిస్తారు. పరిగెత్తడమో.. దూరంగా వెళ్లి దాక్కోవడమో చేస్తూ ఉంటారు. కానీ ఈ దొంగ ఏమి చేసాడో చూడండి. ఏకంగా చెరువు లోకి వెళ్లి దూకేసాడు. ఒకటి కాదు, రెండు కాదు ఏకంగా మూడు గంటల పాటు చెరువులోనే కాలం గడిపేశాడు. పోలీసులు ఎంత పిలుస్తున్నా వినలేదు.

వివరాల్లోకి వెళితే, తెనాలి పట్టణం ఐతానగర్ కు చెందిన మాతంగి భరత్ అనే వ్యక్తి పలు దొంగతనం కేసుల్లో నిందితుడిగా ఉన్నాడు. టూ-టౌన్ పోలీస్ స్టేషన్లో రౌడీ షీటర్ గా కూడా ఉన్నాడు. అదే ప్రాంతంలో ఓ యువతిని వేధిస్తూ ఉన్నాడని ఫిర్యాదు రావడంతో.. అతనిని అరెస్ట్ చేయాలని పోలీసులు నిర్ణయించారు. అతను ఇంటివద్దే ఉన్నాడన్న సమాచారం అందుకున్న పోలీసులు అతడిని అరెస్ట్ చేయడానికి వెళ్లారు.

అయితే.. వారిని గమనించిన భరత్ తప్పించుకోవడానికి ప్రయత్నించాడు. వెంటనే చెరువులోకి దూకేసాడు. తన వద్ద బ్లేడ్ ఉందని.. తన దగ్గరకు రావడానికి ప్రయత్నిస్తే గొంతు కోసుకుంటానని బ్లాక్ మెయిల్ చేసాడు. దీనితో.. అతన్ని పట్టుకోవడానికి పోలీసులకు కుదరలేదు. ఉదయం 9 గంటలకు చెరువులోకి దూకిన భరత్.. మధ్యాహ్నం మూడు గంటల వరకు చెరువులోనే ఉన్నాడు.

చుట్టూ జనం మూగి.. జరుగుతున్నది చూస్తూ ఉండిపోయారు. దాదాపు నాలుగు గంటల పాటు పోలీసులు అక్కడే వేచి ఉన్నారు. భరత్ మాత్రం బయటకు రాకుండా.. ఇప్పటికే నాపై చాలా కేసులు పెట్టారు.. నేనే న్యాయవాదిని తీసుకుని స్టేషన్ కి వచ్చి లొంగిపోతా.. ఇప్పుడు వస్తే మాత్రం గొంతు కోసుకుంటా.. అంటూ గట్టిగా కేకలు వేసాడు. గంటల పాటు ఎదురుచూసిన పోలీసులు కొంచం పక్కకి వెళ్ళగానే.. భరత్ బయటకి వచ్చి పారిపోయాడు. ఈ విషయమై టూ టౌన్ పోలీస్ స్టేషన్ ఎస్సై భరత్ గతంలోనూ ఇదేవిధంగా హడావిడి చేసాడని.. తొందరలోనే అతన్ని అదుపులోకి తీసుకుంటాం అని చెప్పుకొచ్చారు.

Watch video:

సాధారణంగా మనం ఇంటి పెరడులోకి వెళ్లాలంటే ఆ మొక్కల్ని చూసి మనకి ఎంతో ఆనందంగా ఉంటుంది. పైగా పెరడులో మొక్కల వలన ఎంతో ప్రశాంతంగా, ఆహ్లాదంగా ఉంటుంది. కానీ వీళ్ళ ఇంటి పెరట్లోకి వెళ్లాలంటేనే అందరికీ హడల్. అదేమిటి అసలు ఇక్కడ ఏముంది..?, అంతలా ఏం వుంది..? వీటిని కనుక తెలుసుకోవాలంటే ఇప్పుడే ఆ పెరడు గురించి మనం చూద్దాం.

ఇంటి పెరడులోకి వెళ్ళాలి అంటే ప్రతి ఒక్కరికీ ఎంతో భయం. స్నానం చేయాలన్నా లేదంటే సరదాగా అలా వెళ్లాలన్నా కూడా భయపడిపోతారు. వివరాల్లోకి వెళితే… నల్గొండ జిల్లా నకిరేకల్ లో ఉమారాణి, వెంకన్న కుటుంబంతో వుంటున్నారు. అయితే వీళ్ల పెరడు భయపెడుతోంది. వీళ్ళు ఇంటి పెరడులో ఒక అరటి చెట్టు ఉంది.

పైగా అరటి చెట్టుకి గెల కూడా వేసింది. అయితే అరటికాయలని కొయ్యడానికి వెళ్లిన ఉమాదేవి హఠాత్తుగా ఒక పిట్టను చూసింది. ఆమెకు వెంటనే జాలి కలిగింది. వెంటనే ఆ పక్షి గూడును తీసి పారేయకుండా అలానే ఉంచేసింది. ఇప్పుడు ఏమైంది అంటే ఆ పిట్ట కాస్త అందులో గుడ్లు పెట్టేసింది. ఇంకేముంది ఈ జాలి పడ్డ ఉమాదేవికి చుక్కలు కనపడుతున్నాయి .ఆ పిట్ట కాస్తా దాంట్లో గుడ్లు పెట్టి పొదిగింది.

అరటి చెట్టు కిందకి వచ్చేయడంతో ఆమె గూడు ఎక్కడ పడిపోతుందా అని సరి చేయించింది. కానీ ఆ పిట్ట మాత్రం గూడుని పొడుస్తున్నారు ఏమో అని భయపడింది. పైగా అక్కడికి ఎవరైనా వెళితే చాలు పొడవడానికి వస్తోంది. వాళ్ల మీదకి రెండు పిట్టలు కూడా దాడి చేస్తున్నాయి. కళ్ళల్లో పొడిస్తే ఎక్కడ కంటికి ఇబ్బంది అవుతుందని హెల్మెట్ పెట్టుకుని తిరుగుతున్నారు ఇంట్లో వాళ్ళంతా. దీనిని చూసిన ప్రతి ఒక్కరు కూడా నవ్వుకుంటున్నారు. పైగా ఆ గూడుని, పిట్టలు ప్రేమని చూసి పొడిచినా కూడా ఎంతో ఆనందంగా ఉంటున్నారు ఆ ఇంటి సభ్యులు.

ప్రేమలో పడడం.. ఇంట్లో ఒప్పుకోకపోతే ఆత్మహత్య చేసుకోవడం ఇలాంటివి తరచూ మనం వింటూనే ఉంటాం. తాజాగా అలాంటి సంఘటన ఒకటి చోటు చేసుకుంది. వివరాలలోకి వెళితే.. శ్రీకాకుళం జిల్లా రేగిడి మండలంలో ఇది చోటు చేసుకుంది. పెళ్ళికి ఇంట్లో అంగీకరించకపోవడంతో ఆత్మహత్య  చేసుకున్నారు. రేగిడి మండలం తునివాడ గ్రామానికి చెందిన హరీష్ (29), దివ్య (21) ఎదురిళ్ళల్లో ఉండేవారు.

ఇద్దరికీ కూడా ఒకరంటే ఒకరికి ఎంతో ఇష్టం. ఎంబీఏ పూర్తి చేసిన హరీష్ ఉద్యోగ ప్రయతంలలో వున్నాడు. దివ్య విజయనగరంలో డిగ్రీ ఫైనల్ ఇయర్ చదువుతోంది. ఇద్దరు తరచూ మాట్లాడుకోవడం, అప్పుడప్పుడు కలిసి మాట్లాడుకోవడం జరిగేది. ఇలా ఇద్దరి మధ్య ప్రేమ నడిచేది. అయితే ఇంట్లో ప్రేమ గురించి ఓ రోజు చెప్పేసారు. కానీ పెద్దలు ఒప్పుకోలేదు. అమ్మాయికి సంబంధాలు చూడడం మొదలుపెట్టడంతో ఆమె హరీష్‌కు తెలిపింది.

దీనితో పారిపోయి పెళ్లి చేసుకోవాలనుకున్నారు. సెప్టెంబర్ 1న అన్నవరంలో ఈ జంట ఒకటయ్యారు. విశాఖపట్నంలో ఓ అద్దె ఇల్లు తీసుకుని నూతన జీవితాన్ని మొదలుపెట్టారు. రెండు నెలల పాటు అక్కడే ఉన్నారు. ఆ తర్వాత సొంత ఊరు వెళితే పెద్దలు ఒప్పుకుంటారని నమ్మకం వచ్చింది. దీనితో దివ్య, హరీష్ బుధవారం మధ్యాహ్నానికి తునివాడ వెళ్లారు. అయితే ఇంట్లో ఏం జరిగిందో తెలియదు కానీ మేడ మీద ఉన్న గదిలోకి ఈ జంట వెళ్లి ఫ్యాన్ కి ఉరేసుకుని ఆత్మహత్యకు పాల్పడ్డారు.

ఇంతలో బంధువుల అబ్బాయి హరీష్ ఫోన్ మర్చిపోయాడు అని వెళ్ళాడు. ఇంకేం వుంది.. జరిగింది చూసి అందరికీ చెప్పాడు. అయితే హరీష్ ఇంటికెళ్ళి తప్పు చేశానని తన తల్లిని పట్టుకుని ఏడ్చాడు అన్న సంగతి బయటపడింది. అలానే విశాఖలో ఉన్నప్పుడు ఉద్యోగ ప్రయత్నాలు కూడా హరీష్ చేశాడని తెలిసింది. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు. డాగ్ స్క్వాడ్, క్లూస్ టీం కూడా వచ్చింది. పెళ్లి తర్వాత వచ్చిన వాళ్ళని రెండు కుటుంబాలు ఆదరించకపోవడం వల్లే ఇద్దరు ఆత్మహత్య చేసుకున్నారని పోలీసులు అనుమానిస్తున్నారు.

సోషల్ మీడియాలో యాక్టివ్ గా ఉండే సెలబ్రిటీలలో సమంత ఒకరు. తన సినిమాలకు సంబంధించిన విషయాలను కానీ, లేదా ఇతర విషయాలను కానీ సోషల్ మీడియా ద్వారా తన అభిమానులతో షేర్ చేసుకుంటూ ఉంటారు. అలాగే చాలా సార్లు తన అభిమానులు అడిగిన ప్రశ్నలకు సమంత సోషల్ మీడియా ద్వారా సమాధానం చెప్పారు. ఇవన్నీ మాత్రమే కాకుండా ఎంతో మందిని ప్రోత్సహించేలాగా కూడా సమంత పోస్ట్ చేస్తూ ఉంటారు.

సమంత ప్రస్తుతం వెకేషన్ లో ఉన్నారు. సమంత ఇంస్టాగ్రామ్ స్టోరీస్ బట్టి చూస్తే దుబాయ్ కి వెళ్లినట్లు తెలుస్తోంది. తర్వాత మళ్ళీ హైదరాబాద్ కి తిరిగి వచ్చి సైన్ చేసిన సినిమాల షూటింగ్ మొదలుపెడతారు. అంతే కాకుండా అమెజాన్ ప్రైమ్, అలాగే ఆహాలో రెండు వెబ్ సిరీస్ కూడా సమంత చేస్తున్నారు అని సమాచారం. అలా సమంత ఇటు సినిమాలకి, అటు వెబ్ సిరీస్ ని కి సమానమైన ప్రాధాన్యత ఇస్తున్నారు.