News

ఇటీవల కృష్ణా జిల్లాలో జరిగిన ఒక బాధాకరమైన సంఘటన చోటు చేసుకుంది. వివరాల్లోకి వెళితే, సమయం కథనం ప్రకారం 45 సంవత్సరాల ఉద్దంటి సాయిబాబు విజయవాడలోని పటమటలంక పుట్ట రోడ్ లో నివసిస్తూ ఉంటారు. సాయిబాబు అక్కడ ఒక ప్రైవేట్ పాఠశాలలో ఆఫీస్ బాయ్ గా పనిచేస్తున్నారు.

representative image

అయితే, ఆర్థిక ఇబ్బందుల కారణంగా, కొంత కాలంగా సాయిబాబుకి మానసిక పరిస్థితి బాగుండడం లేదు. ఇంటి నుంచి బయటికి వెళ్లి ఒకటి, రెండు రోజుల తర్వాత తిరిగి వస్తూ ఉండేవారు. ఈ క్రమంలో ఈ నెల 12వ తేదీన బీసెంట్ రోడ్ లోని తన స్నేహితుడి దగ్గరికి వెళ్లి వస్తానని ఇంట్లో నుంచి బయటికి వెళ్లారు సాయిబాబు. సాయిబాబు ఇంటికి తిరిగి రాకపోవడంతో శనివారం సాయంత్రం కుటుంబ సభ్యులు ఆయన కోసం వెతికారు.

representative image

ఆదివారం ఉదయం పెదపులిపాక వద్ద కరకట్టపై చెట్టుకు ఒక వ్యక్తి మృతదేహం వేలాడుతోంది అని స్థానికులు చెప్పడంతో సాయిబాబు భార్య కృష్ణవేణి అక్కడికి వెళ్లి పరిశీలించి, అక్కడ ఉన్నది సాయిబాబు అని గుర్తించారు. పోలీసులు అక్కడికి చేరుకుని పరిశీలించగా, సాయిబాబు రాసినట్టుగా ఆయన చొక్కా జేబులో ఒక లేఖ లభ్యమయింది. ఆ లేఖలో ఈ విధంగా రాసి ఉంది.

image credits: samayam telugu

అయ్యా, యు. సాయిబాబు అనే నేను పడమటలంకలో ఉంటాను. నా అనారోగ్యం మరియు ఆర్థిక పరిస్థితుల కారణంగా నేను చనిపోవుచున్నాను. నా చావుకు ఎవరూ కారణం కాదు. నాకు ఇద్దరు ఆడపిల్లలు పెళ్లీడుకి వచ్చి ఉన్నారు. నా భార్య, పిల్లల్ని దిక్కులేని వాళ్ళను చేసి నేను వెళ్ళిపోతున్నాను. మీకు సహాయం చేయాలనిపిస్తే నా భార్యకు వడ్డీ కట్టే బాధను తగ్గించండి. మీ పాదాలకు నమస్కారములు.

representative image

నేను ఈ లెటర్ అసలు నా చివరి కోరిక గురించి రాస్తున్నాను. మీరు నా చివరి కోరిక తీర్చకపోతే ఈ లెటర్ కు అర్థమే లేదు. అందుకే ఎవరి ఫోన్ నెంబర్ రాయడం లేదు. నా చివరి కోరిక. నా బాడీని మాత్రం ఎవరికీ ఇవ్వద్దు. అనాధ శవం దొరికితే మీరు ఎలా కాల్చేస్తారో అలాగే నా శవాన్ని కూడా అలాగే కాల్చేయండి. నా భార్య గాని, అత్తమామలు గాని, అక్క బావలు గాని, ఫ్రెండ్స్ గాని ఎవరు అడిగినా నా బాడీ మాత్రం ఇవ్వవద్దు.

representative image

వీళ్ళందరూ పైకి బాధపడినా, మీరు బాడీ ఇవ్వనంటే మనసులో చాలా ఆనందపడతారు. ఎందుకంటే ఖర్చు తప్పుతుంది గదా. ఇప్పటికే మీకు అర్థమైయి ఉంటుంది. నా చివరి కోరిక తీర్చకపోతే మీరు మీ వృత్తికి ద్రోహం చేసినట్లే. అని రాశారు. మృతదేహాన్ని పోస్టుమార్టంకి తరలించి అనుమానాస్పద మృతిగా పోలీసులు కేసు నమోదు చేసి దర్యాప్తు చేపట్టారు. ఈ లేఖ సాయిబాబు రాసినదేనా లేక ఇంకెవరైనా ఆత్మహత్యగా చిత్రీకరించారా అన్న కోణంలో కూడా పోలీసులు విచారణ చేస్తున్నారు.

ఒక మహిళ ప్రేమ పేరుతో నమ్మించి మోసం చేసిన ఒక ఘటన చిత్తూరు జిల్లా, తిరుపతిలో చర్చలకు దారి తీసింది. వివరాల్లోకి వెళితే సమయం కథనం ప్రకారం తెలంగాణలోని కొత్తగూడెంకి చెందిన వినయ్ కి 2018 లో సుహాసినితో పరిచయం అయ్యింది. సుహాసిని తాను అనాధని అని, తాను వినయ్ ని ప్రేమిస్తున్నాను అని చెప్పింది. 2019 లో వారిద్దరూ పెళ్లి చేసుకున్నారు. పెళ్లి చేసుకున్న కొన్ని రోజుల తర్వాత సుహాసిని ప్రవర్తన మారిపోయింది.

తనకి తెలియకుండా తన బంధువుల నుండి డబ్బులు తీసుకోవడాన్ని వినయ్ గమనించాడు. పెళ్ళయిన కొన్ని రోజులకే మొదటి భర్త వెంకటేశ్వర్లు, అలాగే ఆమె ఇద్దరు పిల్లలను ఇంటికి పిలిచి, బంధువులుగా పరిచయం చేసింది. కొద్ది రోజులు గడిచాక తన బంధువుల దగ్గర నుంచి తీసుకువచ్చిన 10 లక్షలతో పాటు, ఇంట్లో ఉన్న దాదాపు 5 లక్షల విలువ చేసే బంగారంతో రెండు సంవత్సరాల క్రితమే ఇంటి నుంచి పారిపోయింది అని వినయ్ చెప్పాడు.

దీంతో తాను మోసపోయాను అనే విషయం గ్రహించి, పోలీసులకు ఫిర్యాదు చేసేందుకు ప్రయత్నించినా, వారు పట్టించుకోలేదు అని అన్నాడు. అయితే తనను మోసం చేసినట్లుగానే ఆమె ఇంకా కొంత మందిని కూడా మోసం చేస్తోంది అని పేర్కొన్నాడు. తిరుపతిలో మూడో పెళ్లి చేసుకొని మోసం చేసిన విషయం వెలుగులోకి రావడంతో తాను మీడియా ముందుకు వచ్చినట్టు వినయ్ తెలిపాడు.

సుహాసిని తన మొదటి భర్త వెంకటేశ్వర్లుతో కలిసి ఈ మోసాలకు పాల్పడుతోంది అని, ఆమెను వెంటనే అదుపులోకి తీసుకోవాలి అని వినయ్ పోలీసులను కోరాడు. తిరుమలలోని అలిపిరి ఎస్ఐ పరమేష్ నాయక్ తెలిపిన వివరాల ప్రకారం, చిత్తూరు జిల్లాలోని విజయపురం మండలానికి చెందిన 29 సంవత్సరాల సునీల్ కుమార్ అనే యువకుడు 5 సంవత్సరాలుగా మార్కెటింగ్ లో ఉద్యోగం చేస్తున్నాడు.

సునీల్ కుమార్ తిరుపతి, సత్యనారాయణపురంలో నివాసం ఉంటున్నాడు. తిరుపతిలోని ఒక ఫైనాన్స్ కంపెనీలో పనిచేసే 35 సంవత్సరాల సుహాసినితో ఆ సునీల్ కుమార్ కి ఏర్పడిన పరిచయం ప్రేమగా మారింది. సుహాసిని అనాధ అని చెప్పడంతో సునీల్ కుమార్ జాలి చూపించి, ఆ తర్వాత తన కుటుంబ సభ్యులను ఒప్పించి, గత సంవత్సరం డిసెంబర్ లో పెళ్లి చేసుకున్నాడు. ఆ సమయంలో సుహాసినికి 8 తులాల బంగారు నగలు పెట్టారు.

సుహాసిని, తనను చిన్నప్పటినుంచి ఆదరించిన వారికి ఆరోగ్యం సరిగా లేదు అని, పెళ్ళికి ముందు తాను కొన్ని అప్పులు చేశాను అంటూ సునీల్ కుమార్ నుంచి వివిధ రూపాల్లో 4 లక్షల మొత్తం తీసుకుంది. అది మాత్రమే కాకుండా తన తండ్రి నుండి మరొక 2 లక్షల రూపాయలు తీసుకుందని తెలియడంతో, సునీల్ కుమార్ ఈ నెల 7వ తేదీన ఆమెను నిలదీశాడు. దాంతో ఇద్దరికీ గొడవ అయ్యింది.

ఆ రోజు రాత్రి డబ్బు విషయమై సునీల్ కుమార్ తో గొడవ పడ్డ సుహాసిని, మరుసటి రోజు కనిపించకుండా వెళ్లిపోయింది. సుహాసిని అడ్రస్ కోసం ప్రయత్నించే క్రమంలో ఆమె ఆధార్ కార్డు లభించింది. దాని ఆధారంగా వివరాలు సేకరించడానికి ప్రయత్నించగా, నెల్లూరు జిల్లాలోని కోనేటిరాజుపాలెంకి చెందిన వెంకటేశ్వర్లుతో ఆమెకి పెళ్లి అయ్యి, ఇద్దరు కుమార్తెలు ఉన్నట్లు తెలిసింది.

ఈ లోపు సుహాసిని ఆ సునీల్ కుమార్ కి ఫోన్ చేసి తాను హైదరాబాద్ లో ఉన్నట్టు, త్వరలోనే తన డబ్బులు తిరిగి ఇచ్చేస్తాను అని చెప్పింది. ఒకవేళ పోలీసులను ఆశ్రయిస్తే ఇబ్బంది పెడతాను అని హెచ్చరించింది. అంతే కాకుండా వినయ్ ఫోటోలను సునీల్ కుమార్ కి పంపింది. దీంతో సునీల్ కుమార్ మోసపోయినట్లు గ్రహించి పోలీసులను ఆశ్రయించాడు. పోలీసులు కాల్ డీటెయిల్స్ పరిశీలించడంతో పాటు, సుహాసిని హైదరాబాద్ లో ఉన్న అడ్రస్ ట్రేస్ చేయడానికి ప్రయత్నిస్తున్నారు

ప్రస్తుతం ఉన్న పరిస్థితుల్లో చాలా మందికి సహాయం అవసరం ఉంది. దాంతో ఎంతో మంది తమకు చేతనైనంత సహాయం చేయడానికి ప్రయత్నిస్తున్నారు. డబ్బు కానీ, లేదా ఇంకేదైనా అవసరానికి కానీ సహాయం అందించడానికి ఎంతో మంది ముందుకు వస్తున్నారు. కానీ ఇలాంటి సమయంలో కూడా కొంత మంది సహాయం చేస్తామని చెప్పి నమ్మించి మోసం చేస్తున్నారు.

image credits: news18

వివరాల్లోకి వెళితే, న్యూస్18 తెలుగు కథనం ప్రకారం ముంబైలోని బోరివలి వెస్ట్ కి చెందిన రూపేష్ మోహిత్ బ్లాక్ ఫంగస్ చికిత్సకు వినియోగిస్తున్న యాంఫోటెరిసిన్-బీ ఇంజెక్షన్ల కొరత ఉందని గుర్తించాడు. ఇంజెక్షన్లని బ్లాక్ లో అమ్ముతాను అని, తనకు తెలిసిన ఫ్రెండ్స్ లో చాలా మందికి చెప్పాడు. ఎవరైనా ఈ ఇంజక్షన్స్ కోసం అవసరం అయిన వాళ్ళు ఉంటే తన నంబర్ ఇవ్వమని చెప్పాడు.

ఈ క్రమంలో రౌనక్ అగర్వాల్ అనే వ్యక్తి తన 41 సంవత్సరాల అంకుల్ కి బ్లాక్ ఫంగస్ సోకడంతో ఇండోర్ లోని డిఎస్ఎస్ హాస్పిటల్ లో చేర్పించారు. రౌనక్ ఫ్రెండ్ ఒకరు మోహిత్ నెంబర్ ఇచ్చి తన దగ్గర ఇంజక్షన్స్ ఉన్నాయని అయితే బ్లాక్ లో అమ్ముతున్నాడు అని చెప్పారు. అత్యవసర పరిస్థితి అవ్వడంతో ఎంతైనా పర్లేదు అనుకొని మోహిత్ కి కాల్ చేశాడు రౌనక్. ఒక్కొక్క డోస్ 6000 అవుతుందని మోహిత్ చెప్పాడు.

డాక్టర్లు తనతో 60 డోస్ ల ఇంజక్షన్స్ కావాలి అని చెప్పడంతో మోహిత్ తాను ఎన్ని ఇంజక్షన్లు అయినా అమ్ముతాను అని, కానీ మొత్తం డబ్బులు ఇవ్వాల్సి ఉంటుంది అని చెప్పాడు. దాంతో లక్షా ఎనభై వేల రూపాయలను అడ్వాన్స్ గా మోహిత్ బ్యాంక్ అకౌంట్ కి ట్రాన్స్ఫర్ చేశారు. రౌనక్ అంకుల్ పరిస్థితి రోజురోజుకి విషమిస్తుండడంతో ఇంజక్షన్స్ పంపాలని మోహిత్ ని అడిగాడు.

అందుకు మోహిత్ “రేపు పంపుతాను, తర్వాత పంపుతాను” అని చెప్పి దాటవేశాడు. మోహిత్ కి మే 25వ తేదీన డబ్బులు పంపగా మే 27వ తేదీన ఇంజక్షన్స్ ఇస్తాను అని చెప్పాడు అని, కానీ ఆ రోజు ఫోన్ చేస్తే ఆలస్యం అయ్యేలా ఉంది అని ఏవేవో సాకులు చెప్పాడు అని దాంతో తాను మోసపోయినట్లు గ్రహించాను అని రౌనక్ పోలీసులకు ఇచ్చిన ఫిర్యాదులో పేర్కొన్నాడు.

తనకు ఇంజెక్షన్స్ వద్దు అని, తనకు డబ్బు తనకు తిరిగి ఇచ్చేయాలని మోహిత్ ని అడిగితే, అందుకు తాను నిరాకరించాడు అని చెప్పాడు. పోలీసులు రౌనక్ ఫిర్యాదు మేరకు మోహిత్ పై చీటింగ్ కేసు నమోదు చేసి అదుపులోకి తీసుకున్నారు. మోహిత్ ని డబ్బు ఏది అని అడిగితే, పెళ్లి ఖర్చులకు వాడుకున్నాను అని చెప్పాడు. ఇలా మోహిత్ మరో ఇద్దరు, ముగ్గురుని కూడా మోసం చేసినట్లు పోలీసుల దర్యాప్తులో తేలింది.