News

ప్రస్తుతం కరోనా కారణం గా అనే రెస్ట్రిక్షన్స్ మధ్యన జీవించాల్సి వస్తోంది. నిత్యావసరాల కోసం మాత్రం కొంత సేపటి వరకు షాపులకు అనుమతిస్తున్నారు. ఆ తరువాత లాక్ డౌన్ నియమాల ప్రకారం అందరు ఇంటికే పరిమితం అవ్వాల్సి వస్తోంది. ఈ పరిస్థితి లో మద్యం బాబులకు కూడా ఇక్కట్లు తప్పడం లేదు. గతం లో కంటే తక్కువ గా మద్యం దొరుకుతోంది.

ఇదే పరిస్థితి బెంగళూరు లో ఓ వ్యక్తి కూడా ఎదురైంది. మాండ్య నివాసి, సునీల్ బిపి యలహంకలోని శ్రీనివాస బార్‌లో వెయిటర్‌గా ఉద్యోగం చేస్తున్నాడు. బార్‌లోని ఇతర సిబ్బందితో పాటు అదే భవనంలో నివసిస్తున్నాడు. మంగళవారం (మే 25) రాత్రి 7:30 గంటల సమయంలో, అతను ఆన్‌లైన్‌లో వచ్చిన ఫుడ్ ఆర్డర్ ను డెలివర్ చేయడం కోసం వెయిట్ చేస్తున్నాడు. ఆ సమయం లో కూరగాయలను అమ్మే వ్యక్తి రిజ్వాన్ (24) విస్కీ బాటిల్ కోసం సునీల్‌ను సంప్రదించాడు. అయితే లాక్ డౌన్ టైం లో అమ్మకం జరిపితే.. బార్ ను మూసివేసే అవకాశం ఉన్నందున మందు అమ్మడానికి సునీల్ ఒప్పుకోలేదు. దీనితో ఇద్దరి మధ్య వాదన జరిగింది. ఈ సమయం లోనే రిజ్వాన్ వంట గదిలోని కట్టి తీసుకుని సునీల్ పై దాడి చేసాడు. సునీల్ కుడి చేతి కి గాయం అయింది. దీనితో బార్ సిబ్బంది సహా చుట్టుపక్కల వారు పోగుబడ్డారు. అక్కడివారు ఆ వ్యక్తిని అదుపు చేసి పోలీసులకు అప్పగించారు. రిజ్వాన్ పై కేసు నమోదైంది.

కర్నూల్ జిల్లా ను వెనకబడ్డ ప్రాంతం అని అంటున్నా.. ఆ జిల్లాకు ఓ ప్రత్యేకత కూడా ఉంది. కర్నూలు జిల్లా, తుగ్గలి మరియు ఆ చుట్టూ పక్కల ప్రాంతాల్లో వజ్రాలు దొరుకుతూ ఉంటాయి. మీరు విన్నది నిజమే.. వర్షాలు పడి ఆగినప్పుడు ఒక్కోసారి ఆ నెలలో చిన్నవి.. పెద్దవి వజ్రపు రాళ్లు దొరుకుతూ ఉంటాయి.

తాజాగా, తుగ్గలి మండలానికి చెందిన చిన్నజొన్నగిరి గ్రామానికి చెందిన రైతు వేరు సన్నగా పంట పండించడానికి ఏర్పాట్లు చేసుకుంటున్నాడు. ఇందుకోసం పొలం దున్నుతున్న సమయం లో కంది కొయ్యలు తీస్తుండగా.. ఆ రైతుకు ఓ మెరుగు రాయి కనిపించింది. అది వజ్రం అయి ఉంటుందని ఆ రైతు గుర్తించి వజ్రాల వ్యాపారివద్దకు తీసుకెళ్లాడు. అందరి సమక్షం లో ఆ వజ్రాన్ని వేలం వేయగా.. ఓ వ్యాపారి రూ.1.20కోట్ల రూపాయలు చెల్లించి ఆ వజ్రం సొంతం చేసుకున్నాడు. ఆ రైతు దశ తిరిగిందని అందరు అనుకున్నారు. గతం లో కూడా 37 లక్షల విలువైన వజ్రం ఓ వ్యక్తికీ దొరికింది. అయితే. ఇంత విలువైన వజ్రం దొరకడం మాత్రం అరుదుగా జరిగేదే.

కరోనా మహమ్మారి కారణం గా ఎన్ని ఇబ్బందులు ఎదురవుతున్నాయో లెక్క లేదు. సాధారణ వ్యక్తుల సంగతి ఎలా ఉన్న.. గర్భిణులు మాత్రం మరింత జాగ్రత్తలు పడాల్సిన అవసరం ఉంది. ఇటీవల గర్భం తో ఉన్న వారికి పాజిటివ్ రిజల్ట్ వచ్చినప్పటికీ.. పిల్లలకు నెగటివ్ రావడం తో ఊపిరి పీల్చుకుంటున్నారు.

అయితే.. వారణాసి లో మాత్రం ఇందుకు భిన్నం గా కనిపించింది. సుప్రియ అనే మహిళా మే 24 న ఆసుపత్రి లో అడ్మిట్ అయ్యారు. ఆమెకు కరోనా టెస్ట్ చేయగా నెగటివ్ రిపోర్ట్ వచ్చింది. ఆమెకు నెగటివ్ రిపోర్ట్ వచ్చిన మరుసటి రోజే డెలివరీ అయింది. అయితే.. పుట్టిన బిడ్డకు ఆర్టీ పిసిఆర్ టెస్ట్ చేయగా పాజిటివ్ రిపోర్ట్ రావడం తో వైద్యులు షాకయ్యారు. ఇటువంటి కేసులు కూడా నమోదవుతున్నాయి. తల్లికి నెగటివ్ ఉన్నప్పటికీ బిడ్డకు పాజిటివ్ రావడం కొంత ఆశ్చర్యం కలిగించే విషయమే.

ఎక్కడైనా నిమిషాల తేడాతో కవలలని కనడం చూస్తూనే ఉంటాం. కానీ.. ఇది వింతల్లోనే వింత. ఓ మహిళ రెండు వేరువేరు సంవత్సరాలలో.. వేరు వేరు దశాబ్దాల్లో.. ముగ్గురు పిల్లలను కంది. వారి మధ్య కేవలం ఐదు రోజులే తేడా.. ఇదెలా సాధ్యం అంటారా..? ఇది పూర్తి గా చదవండి. కైలీ డిషేన్ అనే మహిళ డిసెంబర్ 28 న ప్రసవించింది. ఆమె వయసు 33 సంవత్సరాలు. ఆమె కడుపు లో ట్రిప్లెట్స్ పెరుగుతున్నారని తెలుసుకుంది.

మొదట ఆశ్చర్యపోయిన జాగ్రత్త పడింది. ఐతే మొదట ఒక బేబీ ఆరవ నెలలోనే డిసెంబర్ 28 న జన్మించింది. ఆ తరువాత 2020 జనవరి 2 వ తేదీన కవలలకు జన్మనిచ్చింది. పిల్లలు ముగ్గురు ఒకేసారి ఐదు రోజుల తేడా తో బయటకు వచ్చారు. ప్రీ డెలివరీ అవడం తో వారిని ఐసీయూ లో ఉంచి రక్షణ కల్పించారు. అయితే.. ఒక బేబీ ని 2019 లో ఇద్దరు బేబీ లను 2020 లో ప్రసవించింది. ఈ లెక్కన వీరు ముగ్గురు వేరు వేరు సంవత్సరాలలో.. వేరు వేరు దశాబ్దాలలో జన్మించినట్లే కదా.. అదన్నమాట సంగతి. ప్రస్తుతం వీరు ఆరోగ్యం గానే ఉన్నారు. కైలీ కి వరల్డ్ రికార్డు సొంతమైంది.

టోల్ గేట్ ల గురించి అందరికి తెలిసే ఉంటుంది. ఎందుకంటే.. జాతీయ రహదారులపైన ప్రయాణించేటప్పుడు ప్రతి 70 కిలోమీటర్లకు టోల్ ప్లాజా ఉంటుంది. ఆ బారికేడ్ దాటి వెళ్ళడానికి టోలు కట్టి వెళ్లాల్సి ఉంటుంది. అయితే.. తాజాగా టోల్ గేట్ ల వద్ద ఎక్కువ సమయం వృధా చేయకుండా ఉండేందుకు కేంద్రం కొత్త గైడ్ లైన్స్ ను తీసుకొచ్చింది.

టోల్ గేట్ ల వద్ద ప్రయాణికులను తొందరగా పంపించడం కోసమే ఫాస్టాగ్ విధానాన్ని తీసుకొచ్చారు. ఒక్కో వాహనం వద్దా పది సెకండ్ల కంటే ఎక్కువ సమయం పట్టకూడదు అని కొత్త గా జారీ చేయబడ్డ గైడ్ లైన్స్ లో పేర్కొన్నారు. అలాగే టోల్ గేట్ ల వద్ద ఎక్కువ వాహనాల రద్దీ ఉండకూడదు. వెంట వెంటనే వాహనాల్ని పంపుతూ ఉండాలి.

తాజా పాలసి ప్రకారం , టోల్ గేట్ కు వంద మీటర్ల దూరం లో ఓ ఆకుపచ్చని గీతను గీస్తారు. అంటే.. వంద మీటర్ల తరువాత ఎలాంటి వాహనాలు ఆగకూడదు. అంటే ఎక్కువ రద్దీ అవ్వకుండా.. టోల్ గేట్ వద్ద పని చేసే సిబ్బంది రెస్పానిస్బిలిటీ తీసుకోవాల్సి ఉంటుంది. ఒకవేళ వంద మీటర్ల తరువాత వాహనాలు ఆగి ఉంటె.. వారి నుంచి ఎలాంటి టోల్ ను వసూలు చేయకుండా పంపించేయాల్సి ఉంటుంది. దీని ద్వారా సిబ్బంది బాధ్యతాయుతం గా పనిచేసేలా చేయడం.. మరో వైపు వాహనదారుల ఇక్కట్లను గట్టెక్కించడం కూడా సాధ్యం అవుతుంది.

కరోనా సెకండ్ వేవ్ తో ప్రస్తుతం దేశం లో పరిస్థితి ఇబ్బందికరం గా ఉన్న సంగతి తెలిసిందే. ఈ మహమ్మారిని కట్టడి చేయడం కోసం కర్ఫ్యూ ని అమలు చేస్తున్నారు. మరో వైపు ప్రజల నిత్యావసరాలకు ఇబ్బంది రాకూడదని కొంత సమయాన్ని సడలిస్తున్నారు. ఈ క్రమం లో కొందరు వచ్చిన బంధువులతోనే వివాహ వేడుకల్ని కానిచ్చేస్తున్నారు.

ఇటీవల ఓ జంట ఐసోలేషన్ కేంద్రం లో పెళ్లి చేసుకున్నారు. వారేమి కరోనా సోకడం వలన ఐసోలేషన్ లో లేరు.. గ్రామస్తుల కోసం.. మెరుగైన వైద్య సేవలు అందించడం కోసం ఏర్పాటు చేయబడ్డ ఐసోలేషన్ కేంద్రం లోనే ఈ జంట వివాహ వేడుకని కానిచ్చేశారు. తూర్పు గోదావరి జిల్లా కరప లో చిరంజీవి కళ్యాణమంటపం దిగువ భాగం లో ఐసోలేషన్ కేంద్రాన్ని ఏర్పాటు చేసారు. అయితే ఎవరు పట్టించుకోకపోవడం తో.. వీరు పై అంతస్తులో వివాహ వేడుక ను చేసుకున్నారు. ఆ సమయం లో కింద ఎవరు కరోనా రోగులు లేకపోవడం కొంత అదృష్టం.

“రెండు బ్లూ టిక్స్, ఒక రెడ్ టిక్ ఉంటె.. ప్రభుత్వం మెసేజ్ పంపిన వ్యక్తి పై యాక్షన్ తీసుకోవడానికి అవకాశం ఉండచ్చని.. అదే మూడు రెడ్ టిక్స్ ఉంటె ప్రభుత్వం ఆల్రెడీ యాక్షన్ తీసుకునే పని ప్రారంభించినట్లు అర్ధం..” అంటూ ఇటీవల వాట్సాప్ లో ఓ మెసేజ్ చక్కర్లు కొడుతోంది.

అయితే ఈ మెసేజ్ పూర్తి గా అవాస్తవం. గతం లో కూడా ఈ మెసేజ్ చక్కర్లు కొట్టింది. కానీ.. ఇది అవాస్తవమని తేలిపోయింది. వాట్సాప్ కొత్త కమ్యూనికేషన్ నిబంధనలను ప్రవేశపెట్టిన సంగతి తెలిసిందే. అయినప్పటికీ.. మీ మెసేజ్ లను సెండర్ మరియు రిసీవర్ తప్ప మరెవరు చదవలేరు. ఎందుకంటే ఇవి ఎండ్ టు ఎండ్ ఎన్క్రిప్షన్ తో ఉంటాయి కాబట్టి. ఈ మెసేజ్ లను వాట్సాప్ కానీ, ఓనర్ అయిన ఫేస్ బుక్ కానీ, ప్రభుత్వం కానీ ఈ మెసేజ్ లను చదవలేవు.

వ్యాక్సినేషన్ పూర్తి అయిన తరువాత మనకు ఇచ్చే సర్టిఫికెట్ లను సోషల్ మీడియా లో పోస్ట్ చేయకూడదంటూ ప్రభుత్వం సూచిస్తోంది. ఎందుకంటే.. వ్యాక్సినేషన్ సర్టిఫికెట్ లలో మన పర్సనల్ డీటెయిల్స్ కూడా ఉంటాయి. ఈ డీటెయిల్స్ ను పబ్లిక్ గా సోషల్ మీడియా లో పెట్టడం అంత శ్రేయస్కరం కాదని ప్రభుత్వం సూచిస్తోంది.

వాస్తవానికి, వ్యాక్సినేషన్ పూర్తి అయ్యాక అందరికి చెప్పుకోవడం మంచిదే.. ఎందుకంటే అది మరికొంత మందికి స్ఫూర్తిదాయకం గా నిలుస్తుంది. కానీ.. సర్టిఫికెట్ పోస్ట్ చేయడం వలన మన పర్సనల్ డీటెయిల్స్ పై ఇతరుల దృష్టి పడే అవకాశం ఉంటుంది. అందుకే ఇటువంటి విషయాలలో జాగ్రత్త తప్పనిసరి. హోం వ్యవహారాల మంత్రిత్వ శాఖ (ఎంహెచ్‌ఏ) తన సైబర్-భద్రత మరియు సైబర్‌ సెక్యూరిటీ అవగాహన కు సంబంధించి ట్విట్టర్ లో ఓ పోస్ట్ ను షేర్ చేసింది.. వ్యాక్సినేషన్ సర్టిఫికెట్ ను సోషల్ మీడియా లో పంచుకునే విషయమై జాగ్రత్త పాటించాలని కోరింది.

Beware of sharing #vaccination certificate on social media: pic.twitter.com/Tt9vJZj2YK

— Cyber Dost (@Cyberdost) May 25, 2021

సాధారణం గా పదేళ్ల వయసులోపు పిల్లలకు క్యూరియాసిటీ ఎక్కువ ఉంటుంది. కొంత ఊహ తెలుస్తూ ఉండడం.. ఇంకా విషయాలు తెలుసుకోవాలన్న ఆరాటం వీరిని ఆకతాయి పనులు చేసేలా ప్రోత్సహిస్తూ ఉంటుంది. కొన్నిసార్లు ఇది ప్రాణాలమీదకు కూడా తీసుకొస్తూ ఉంటుంది. అయితే.. ఇలాంటి ఆకతాయి పని చేసిన చైనా లోని ఓ కుర్రాడు తన ప్రాణం మీదకు తెచ్చుకున్నాడు.

న్యూస్ 18 కధనం ప్రకారం, చైనా కు చెందిన జియావో హి (అసలు పేరు కాదు) అనే పదమూడేళ్ల కుర్రాడు మూత్రం ఎక్కడ నుంచి వస్తోందో తెలుసుకోవాలనుకున్నాడు. ఈ క్రమం లో పురుషాంగం లోకి లోహపు తీగను పంపించి ట్రాక్ చేద్దామని అనుకున్నాడట. అందుకోసం ఓ పొడవాటి వైరు ను తెచ్చుకుని తనపైనే ప్రయోగం చేసుకున్నాడు. ఆ వైరుని పురుషాంగం లోపలకి పంపించే ప్రయత్నం చేసాడు.

అయితే.. ఈ ప్రయత్నం లో ఆ వైరు లోపలే ఇరుక్కుపోయింది. దీనితో ఏమి చేయాలో తెలియక కంగారు పడ్డాడు. వైరు బయటకు రాకపోయినా అతను ఆ విషయం ఎవరికీ చెప్పలేదు. అయితే గత నెలలో అతని మూత్రం నుంచి రక్తం వస్తోందని గమనించిన తల్లితండ్రులు అతడిని ఆసుపత్రికి తీసుకెళ్లారు. దక్షిణ చైనా డాంగ్‌గువాన్‌ ప్రాంతంలో సాంగ్‌షాన్ లేక్ సెంట్రల్ హాస్పిటల్‌ లో వైద్యులు ఆ బాలుడికి శస్త్ర చికిత్స చేసి సిస్టోస్కోప్ అనే పరికరం ద్వారా ఆ పొడవాటి వైరుని తొలగించారు. గంట సేపు ఆపరేషన్ చేస్తూనే ఉన్నారట. ఈ వైరు దాదాపు 70 సెంటీమీటర్ల పొడవు ఉందట. ఆ బాలుడు దాదాపు 3 నెలలు గా ఆ వైర్ గురించి ఎవరికీ చెప్పలేదట.

కరోనా మహమ్మారి ఎంతగా వ్యాప్తి చెందుతోందో తెలుస్తూనే ఉంది. పలువురికి ఆసుపత్రుల్లో బెడ్స్ కూడా దొరకడం లేదు. ఈ పరిస్థితిలో బెడ్ దొరికే దాకా బయటే నిలబడాల్సిన పరిస్థితి చాలా కోవిడ్ కేర్ సెంటర్ల దగ్గర కనిపిస్తోంది. ఈ క్రమం లో కర్ణాటకలోని దావంగెరె జిల్లాలోని న్యామతి కోవిడ్ కేర్ సెంటర్‌లో ప్రస్తుతం 180 మంది కోవిడ్ పాజిటివ్ రోగులు చికిత్స పొందుతున్నారు. ఈ కేర్ సెంటర్ బయట కూడా పలువురు రోగులు చికిత్స కోసం ఎదురు చూస్తున్నారు.

వీరిలో ఆత్మస్థైర్యం నింపడం కోసం హోన్నాలి ఎమ్మెల్యే రేణుకాచార్య మరియు అతని భార్య సుమా రేణుకాచార్య వారితో కలిసి కోవిడ్ కేర్ సెంటర్ వెలుపల డాన్స్ చేసారు. ఇందుకు సంబంధించిన వీడియో సోషల్ మీడియా లో వైరల్ అవుతోంది. ఈ జంట కొన్ని కన్నడ హిట్స్ ప్లే చేస్తూ రోగులతో కలిసి డాన్స్ చేసారు.