News

కుంభకర్ణుడు అన్న పేరు వినగానే.. మనకు గుర్తుకు వచ్చేది అతినిద్ర. ఎవరైనా ఎక్కువ గా నిద్రపోతున్న సరే.. వాళ్ళను కుంభకర్ణుడు తో పోలుస్తూ ఉంటారు. కుంభకర్ణుడు ఏడాది లో ఆరు నెలల పాటు నిద్రపోతు ఉంటారట. ఆయన ఆరునెలలకు సరిపడా ఆహారాన్ని తీసుకుని నిద్రపోతారట. అసలు కుంభకర్ణుడు ఎందుకు అన్ని నెలల పాటు నిద్రపోతాడో ఇప్పుడు తెలుసుకుందాం.

బ్రహ్మను మెప్పించడం కోసం.. సోదరులు, కైకసి పుత్రులు అయిన రావణుడు, విభీషణుడు, కుంభకర్ణుడు పదివేల సంవత్సరాల పాటు ఘోర తపస్సు చేశారట. ఒక్కొక్కరు ఒక్కొక్క విధానం లో తమ తపస్సులు చేసారు. రావణుడు ప్రతి వేయి సంవత్సరాలకు ఒకసారి తపస్సు పూర్తి అయ్యాక.. తన ఒక్కొక్క తలని పూర్ణాహుతి కావిస్తూ వచ్చాడట. అలా.. పదివేల సంవత్సరం పూర్తి కాగానే, పదవ తలని కూడా ఆహుతి చేయబోతున్న సమయం లో బ్రహ్మ ప్రత్యక్షం అయి వరం కోరుకోమన్నాడు.

అయితే, తనకు చావు లేకుండా వరం ఇవ్వాలని కోరుకున్నాడు. అయితే, బ్రహ్మ అది సాధ్యపడదని..మరేదైనా వరం కోరుకోవాలని సూచించాడు. దానికిగాను, మానవులు నిమిత్త మాత్రులేగాని దేవతల చేతిలో మరణం లేకుండా వరం కావాలన్నాడు రావణుడు. అందుకు బ్రహ్మ కూడా సరే అన్నాడు. అందుకే రావణుడు మానవరూపం లో ఉన్న శ్రీరాముని వలన మరణం వచ్చింది.

మరో వైపు.. విభీషణుడేమో.. తాను ఎంత కష్టకాలం లో ఉన్నా ధర్మాన్ని వీడకుండా ఉండేలా వరం కావాలని కోరుకున్నాడు. వీరిద్దరూ ఇలా ఉంటె.. కుంభకర్ణుడు కూడా ఎండాకాలం అగ్నిలోను, శిశిర ఋతువులో నీటి మధ్యలోను నిలబడి ఘోర తపస్సు చేసాడు. అయితే, అతనికి వరమివ్వడానికి దేవతలు ఒప్పుకోరు. ఈ సమయం లో సరస్వతిని అతని నాలుకపై కి పంపి వరం కోరుకోమని బ్రహ్మ అడుగుతాడు. సరస్వతి దేవి ప్రభావం వలన అతను నిర్దయ కోరబోయి తనకు నిద్దర కావాలని కోరాడట. బ్రహ్మ కూడా అందుకు తధాస్తు అన్నాడు. అందుకే కుంభకర్ణుడి అంతలా నిద్ర వస్తూ ఉంటుంది.

ముగ్గురు సోదరులు ఒకేసారి పదివేల సంవత్సరాల పాటు ఘోర తపస్సు చేసారు. కానీ, వారి బుద్ధి మేరకే వారికి వరాలు లభించాయి. రావణుడు తాను చిరంజీవి గా మిగలాలని కోరుకున్నప్పటికీ సాధ్యం కాలేదు. విభీషణుడు తాను కోరుకోకపోయినా చిరంజీవిగా మిగిలాడు. కుంభకర్ణుడు మాత్రం నిద్రపోతూనే ఉన్నాడు. చివరకు మరణించాడు.

ప్రస్తుతం ఎక్కడ చూసినా.. కరోనా గురించే డిస్కషన్. వాక్సిన్ అందుబాటులో లేకపోవడం తో ఏమి చేయాలో తెలియని పరిస్థితిలో ప్రజలు ఉన్నారు. మరికొన్ని చోట్ల వాక్సిన్ వేయించుకోవడానికి కూడా కొందరు ముందుకు రావడం లేదు. మరో వైపు ప్రతిపక్షాలు వ్యాక్సినేషన్ విషయమై కేంద్రం పై విమర్శలు గుప్పిస్తున్నారు. ఈ క్రమం లో కేంద్రమంత్రి జవదేకర్ వ్యాక్సినేషన్ గురించి కీలక వ్యాఖ్యలు చేసారు. కేంద్ర మంత్రి జవదేకర్ తన విలేకరుల సమావేశంలో రాహుల్ గాంధీని విమర్శించారు మరియు ఈ ఏడాది డిసెంబర్ నాటికి భారతదేశం కనీసం 108 కోట్ల మందికి వ్యాక్సిన్ ఇస్తుందని గమనించాలని అన్నారు.

డిసెంబరులోగా దేశం 216 కోట్ల మోతాదులో కోవిడ్ -19 వ్యాక్సిన్లను ఉత్పత్తి చేస్తుందని ఆరోగ్య మంత్రిత్వ శాఖ గత వారం స్పష్టం చేసింది. అంటే కనీసం 108 కోట్ల మంది ప్రజలు తమ వాక్సిన్ ను పొందగలుగుతారు. కాబట్టి, డిసెంబర్ 2021 నాటికి భారతదేశం లో ప్రజలకు టీకాలు వేయడం పూర్తవుతుందని రాహుల్ గాంధీ అర్థం చేసుకోవాలి ”అని జవదేకర్ విలేకరుల సమావేశంలో అన్నారు.

https://t.co/MWLBLLDcoF

— Prakash Javadekar (@PrakashJavdekar) May 28, 2021

ఆంధ్రప్రదేశ్‌లోని శ్రీకాకుళం జిల్లాలో పాతపట్నం పోలీసులు కోవిడ్ -19 లాక్‌డౌన్ ఆంక్షలను ఉల్లంఘించినందుకు వివాహ పార్టీకి రూ .2 లక్షల జరిమానా విధించారు. చంద్రయపేట గ్రామంలో నివసిస్తున్న రామ్ బాబు అనే ఉపాధ్యాయునికి జరిమానా విధించినట్లు సబ్ ఇన్స్పెక్టర్ ఎండి అమీర్ అలీ పేర్కొన్నారు. గురువారం తన స్థలంలో వివాహ కార్యక్రమాల ఏర్పాటుకు మండల రెవెన్యూ అధికారి (ఎంఆర్‌ఓ) కాశీ ప్రసాద్ నుంచి ముందస్తు అనుమతి తీసుకున్న రామ్‌కు కోవిడ్-ఆంక్షల గురించి సమాచారం అందించి 20 మందికి మాత్రమే ఆతిథ్యం ఇవ్వాలని తెలిపినట్లు పేర్కొన్నారు.

అయితే.. వివాహ వేడుక వద్ద భారీగా జనాలు గుమిగూడి అవకాశం ఉందని పోలీసులు కూడా అప్రమత్తమయ్యారు. అక్కడకు తనిఖీ చేయడానికి పోలిసుల అధికార బృందం కూడా వచ్చింది. అయితే.. వారి మాటలను రాంబాబు ఖాతరు చేయలేదు. అంతే కాకుండా భారీ గా పార్టీ నిర్వహించడానికి కూడా ఏర్పాటు చేసినట్లు తెలిసింది. మొత్తం 250 మందికి ఏర్పాట్లు చేసినట్లు తెలిసింది. వెంటనే ఎమ్మార్వో రాంబాబు కు రెండు లక్షల జరిమానా విధించారు. అయితే.. అతని పై ఎలాంటి కేసు నమోదు కాలేదని పోలీసులు తెలిపారు.

నెల్లూరు కృష్ణ పట్నం ఆనందయ్య చేస్తున్న వైద్యం వలన చాలా మందికి నయమవుతోందన్న వార్తలు వస్తున్న సంగతి తెలిసిందే. అయితే.. ఈ క్రమం లో కొందరు ఆనందయ్య ముందుకు శాస్త్రీయత లేదని.. కరోనా అందరికి తగ్గడం లేదు అని జగిత్యాల ఎమ్మెల్యే డాక్టర్ సంజయ్ షాకింగ్ కామెంట్స్ చేసారు. నిన్న కృష్ణపట్నం నుంచి మందును తీసుకొచ్చి జగిత్యాలలో కొందరికి ఇచ్చారని.. కళ్ళలో మంటలు వచ్చాయి కానీ.. కరోనా తగ్గలేదు అంటూ ఆయన కామెంట్స్ చేసారు.

ఓ ప్రభుత్వ ఆసుపత్రి లో ఆకస్మిక తనిఖీ చేసిన ఎమ్మెల్యే డా సంజీవ్ ఆనందయ్య ముందుకు ప్రచారం చేయవద్దంటూ కోరారు. ఓ ఎమ్మెల్యే గా, కంటి వైద్యుడి గా తానూ చెపుతున్నానని.. ఇంతటి శాస్త్ర పరిజ్ఞానం అందుబాటులోకి వచ్చాక కూడా నాటు వైద్యం నమ్మడం దురదృష్టకరం అని పేర్కొన్నారు. ఆనందయ్య మందు మంచి గా పని చేస్తే జగిత్యాలలో ఉన్న 45 కొవిడ్ రోగులకు కూడా ఆ మందే ఇచ్చేవాళ్లమని.. ఇంతమంది వైద్యులు, నర్సులు కష్టపడే వారు కాదు కదా అంటూ మాట్లాడారు.

యాస్ తుఫాను ప్రభావం పశ్చిమ బెంగాల్ పై కూడా పడుతున్న సంగతి తెలిసిందే. ఈ నేపధ్యం లో నష్టపడ్డ ప్రాంతాలను దేశ ప్రధాని నరేంద్ర మోడీ ఏరియల్ వ్యూ ద్వారా పరిశీలించారు. ఆ తరువాత జరిగే సమావేశానికి ముఖ్యమంత్రి మమతా బెనర్జీ తో సహా పలువురు అధికారులు హాజరు కావాల్సి ఉంది. అయితే, ఈ సమావేశానికి బెంగాల్ ముఖ్యమంత్రి మమతా బెనర్జీ గైర్హాజరు అయ్యారు. ఇతర అధికారులు కూడా హాజరు కాకపోవడం కొంత ఆశ్చర్యాన్ని కలుగచేసింది.

ఆ తరువాత కలైకుందా ఎయిర్‌బేస్‌లో కూడా అధికారుల తో పీఎం నరేంద్ర మోడీ ముఖ్య సమావేశాన్ని ఏర్పాటు చేసారు. ఈ సమావేశానికి కూడా సీఎం తో పాటు ముఖ్య కార్యదర్శి హాజరు కావాల్సి ఉంది. అయితే.. ఇందుకు కూడా మమతా బెనర్జీ అరగంట ఆలస్యం గా వచ్చారట. ఓ నివేదిక ను ఇచ్చిన తరువాత ఓ పావుగంట సేపు ఉండి ఇతర కార్యక్రమాలకు వెళ్లాలంటూ.. ఆమె అక్కడనుంచి వెళ్లిపోయారట. దీనితో పలువురు రాజకీయవేత్తలు ఆశ్చర్యం వ్యక్తం చేస్తున్నారు. ఇతర అధికారులు అయినా హాజరు అవ్వాల్సి ఉంది.. అయితే సీఎం మమతా ఉద్దేశ్యపూర్వకం గా నే ఇలా చేసారని పలువురు భావిస్తున్నారు.

భర్తలపై భార్యలకు అనుమానం వస్తుండడం సహజమే. అయితే.. ఏది మితిమీరి అవతలి వారికి ఇబ్బందికలిగించే విధం గా ఉండకూడదు. భర్త చెప్పే విషయాన్నీ కూడా విని అర్ధం చేసుకోవాలి. ఇవేవి ఆలోచించకుండా.. కేవలం భర్త పై అనుమానం తో భర్త ఫోన్ పై నిఘా పెట్టింది దుబాయ్ కి చెందిన ఓ మహిళ. ఆమె భర్త లేని సమయం లో ఫోన్ చెక్ చేయడం, అతని పనులను ఆరాతీయడం వంటివి చేసేది.

దీనితో.. విసుగు చెందిన భర్త కేసు పెట్టాడు. కోర్టు లో తన ఇబ్బందులను తెలియచెప్పాడు. కుటుంబం లో తనను అవమానించిందని, మానసిక శాంతి లేకుండా చేసిందని, తన ప్రైవసీ కి భంగం కలిగించిందని, ఇంట్లో వారి ముందు తలెత్తుకోనివ్వకుండా చేసిందంటూ ఆరోపించారు. ఈ కేసు కారణం గా ఆఫీస్ కి కూడా వెళ్లలేక, జీతం అందుకోలేకపోయానని.. ఈ న్యాయవాది ఫీజు కూడా ఆమెనే చెల్లించాల్సింది గా కోరుతున్నానని కోర్టు కు విన్నవించాడు సదరు భర్త. ఆమె డేటా సేకరించిన ఆధారాలను కూడా చూపించాడు. దీనితో.. ఆమె తన భర్త కు లక్ష నష్ట పరిహారం చెల్లించాలని కోర్టు తీర్పు ఇచ్చింది. సదరు మహిళ తరపు న్యాయవాది కూడా భర్త ఇబ్బందిపెట్టినట్లు చెప్పగా… ఆధారాలు ఇవ్వాలని జడ్జి పేర్కొన్నారు.