News

రతన్ టాటా గారికి భారత రత్న బిరుదు ఎందుకు రాలేదో తెలియదు కానీ.. “భారత రత్న” ఇవ్వాల్సిన వాళ్ళ పేరు లో ఆయనే ముందు వరసలో ఉంటారు. ఆయన సంపాదన ఎన్ని వేల కోట్లలో ఉంటుందో చెప్పలేం. కానీ… ఏ ఒక్క సారి ఆయన పేరు అత్యధిక ధనికుల జాబితా లో ఉండదు. ఎందుకంటే.. ఆయన తన సంపాదనలో ఎక్కువ మొత్తం ఈ దేశ ప్రజల కోసమే వినియోగిస్తూ ఉంటారు.

తాజాగా..ఈ కరోనా గడ్డు కాలం లో ఆయన మరో నిర్ణయాన్ని తీసుకున్నారు. కరోనా కారణం గా టాటా కంపెనీ లో ఎవరైనా ఉద్యోగి కరోనా కారణం గా మరణిస్తే.. అతని జీతాన్ని నెల నెలా అతని కుటుంబానికే అందచేయనున్నారు. అతని కి రిటైర్మెంట్ వయసు అంటే అతను ఉన్న వయసు నుంచి.. 60 ఏళ్ల వయసు వరకు అతని జీతాన్ని కుటుంబానికి అందచేస్తారు. ఫ్రంట్ లైన్ వర్కర్స్ లో ఎవరైనా చనిపోతే.. వారికి జీతం ఇవ్వడం తో పాటు.. వారి పిల్లల చదువు బాధ్యతలను కూడా కంపెనీ నే తీసుకుంటుందని పేర్కొన్నారు. ఎంతైనా గ్రేట్ కదా..

కరోనా మహమ్మారిని అంతమొందించాలంటే వాక్సిన్ ఒక్కటే మార్గం. ఒకళ్ళు..ఇద్దరు కాదు ప్రజలందరూ వాక్సిన్ ను వేసుకుంటేనే ఈ కరోనా మహమ్మారిని అంతమొందించగలుగుతాము. అయితే వాక్సిన్ పై చాలా మందికి అపోహలు ఉన్నాయి. ముఖ్యం గా గ్రామీణ ప్రాంతం లో ఉండే ప్రజలు టీకా పై ఉన్న అపోహలతో వాక్సిన్ వేయించుకోవడానికి ముందుకు రావడం లేదు. ఇటీవల.. ఉత్తరప్రదేశ్ లో బరాబంకి జిల్లాలోని సిసోడా అనే ఊరిలో ప్రజలు మూకుమ్మడిగా వాక్సిన్ ను తిరస్కరించారు.

వాక్సిన్ వేయించడానికి వచ్చిన అధికారుల్ని తిప్పి పంపారు. మేము వాక్సిన్ వేయించుకుంటే సంసారానికి పనికిరామని.. వాక్సిన్ వేస్తె నదిలోకి దూకేస్తామని హెచ్చరించారు. కొందరైతే టీకాలు వేయించుకున్నాక చనిపోయిన వారి గురించి చెప్పుకొచ్చారు. టీకా భయం తో దాదాపు 200 ల మంది ఊరి నుంచి పారిపోయారట. ఈ గ్రామం లో 1,500 మంది నివసిస్తున్నారు. వీరికి ఉన్న అపోహల కారణంగా వాక్సిన్ ను తిరస్కరిస్తున్నారు. వీరి అపోహలను తొలగించి.. వాక్సిన్ పై వీరికి అవగాహనా కల్పిస్తామని నోడల్ ఆఫీసర్ రాహుల్ త్రిపాఠి చెప్పుకొచ్చారు.

కరోనా మహమ్మారి కారణం గా ఎవరికీ ఎవరు లేకుండా పోతున్నారు.. పిల్లలు చనిపోయినా.. తల్లి తండ్రుల చనిపోయినా ఎవరు ఏమి చేయలేక పోతున్నారు. చాలా మందికి కనీసం చివరి చూపు కూడా దక్కడం లేదు. తాజాగా.. వెస్ట్ గోదావరి జిల్లా ఖానాపురం నివాసి అయిన శీలం అరుణశ్రీ (31) హైదరాబాద్ లో బ్యూటీషియన్ గా పని చేస్తోంది. యూసుఫ్ గూడ సమీపం లో యాదగిరి నగర్ లో గత ఏడేళ్లుగా ఉంటోంది. ఆమె భర్త కు దూరం గా ఒంటరిగా నివసిస్తోంది.

గత కొంతకాలం గా ఆమెకు సుస్తీ చేసి బాధపడుతోంది. తాజాగా శుక్రవారం తెల్లవారుజామున ఆమె ఈ లోకాన్ని వీడింది. అయితే.. విషయం తెలుసుకున్న పోలీసులు కన్నవారికి సమాచారం అందించారు. ఈ క్రమం లో కరోనా నేపధ్యం లో తమ రాకపోకలకు ఇబ్బంది కలిగిందని.. తమ ఊరు నుంచి అక్కడకు రావడానికి ఇబ్బంది అవుతుందని.. వచ్చి వెళ్ళడానికి తమవద్ద డబ్బు లేదని.. మీరే అంత్యక్రియలు జరిపేయాలని వారు పోలీసులని కోరారు. ఈ క్రమం లో ఆమె మృతదేహాన్ని ఉస్మానియా మార్చురీ లో భద్రపరిచారు.

కరోనా మహమ్మారిని పూర్తి గా ఎదుర్కోకముందే.. వరుస వైరస్ లు దాడి ప్రారంభించాయి. ఈ మహమ్మారి ని ఎదుర్కొనడానికి వాడుతున్న స్టెరాయిడ్స్, వెంటిలేటర్ల మూలం గా ఈ వైరస్ లు కరోనా రోగుల్లో ఏర్పడి.. అవి అందరికి వ్యాప్తి చెందుతున్నాయని తెలుస్తోంది. ఇప్పటి వరకు పలు చోట్ల బ్లాక్ ఫంగస్, వైట్ ఫంగస్ కేసు లు కనబడగా.. తాజాగా ఎల్లో ఫంగస్ కేసు కూడా బయటపడింది.

మొట్టమొదటి యెల్లో ఫంగస్ కేసు ఘజియాబాద్ లో నమోదు అయింది. వైట్ మరియు బ్లాక్ ఫంగస్ ల కంటే యెల్లో ఫంగస్ మరింత ప్రమాదకారి అని తెలుస్తోంది. యెల్లో ఫంగస్ సోకిన వ్యక్తి ప్రస్తుతం చికిత్స తీసుకుంటున్నాడు. దీని లక్షణాలు ఎలా ఉంటాయంటే.. ఆకలి వేయకపోవడం, నీరసం, తక్కువ ఆకలి, బరువు తగ్గిపోవడం వంటివి. చాలా సార్లు దీని మూలం గా చీము పట్టడం, గాయాలు తొందరగా మానకపోవడం వంటివి జరుగుతాయి.