News

దొంగతనం కూడా 64 కళలలో ఒకటి అని చెప్తూ ఉంటారు.అందుకే చాలామంది దొంగలు మేము ప్లాన్ వేస్తె దొరికేది లేదు అంటూ మంచి కాంఫిడెన్స్ లో ఉంటారు.కానీ చిన్న చిన్న ఆధారాల వలన ఎప్పుడో ఒకప్పుడు దొరికేస్తూ ఉంటారు దొంగలు.అయితే కర్నూల్ లో ఎన్నో దొంగతనాలకు పాల్పడిన ఒక దొంగల ముఠా ఒక టీవీ రిమోట్ వలన దొరికేసారు..ఆ వివరాల్లోకి వెళ్తే ..

కర్నూల్ జిల్లా డోన్ లో చాలాకాలంగా వాహనాలు ,విలువైన వస్తువులు,బంగారు ఆభరణాలు వరుసగా చోరీకి గురికాబడుతున్నాయి.కాగా స్థానికులు పోలీసులకు సమాచారం అందించిన కానీ పోలీసులు ఆ దొంగలను పట్టుకోవడంలో చాలాకాలం నుండి విఫలం అవుతూ వస్తున్నారు.అయితే లాక్ డౌన్ నేపథ్యంలో ఈ దొంగల ముఠా పట్టణంలోని వీణ ఎలక్ట్రానిక్స్ అనే షాపులో భారీ మొత్తంలో టీవీ లు ,హోమ్ థియేటర్ లు ఇంకా కొన్ని విలువైన ఎలక్ట్రానిక్ వస్తువులు చోరీ చేసారు.

అయితే లాక్ డౌన్ వలన వాటిని ఎక్కడికైనా తీసుకువెళ్తే ఇబ్బంది అవుతుంది అని గ్రహించిన దొంగలు వీణ ఎలక్ట్రానిక్స్ ఎదురుగ ఉన్న ఒక ఇంటి వద్దకు వెళ్లి మేము ఈ టీవీ లు ,హోమ్ థియేటర్ లు ఇప్పుడు తీసుకువెళ్తే ఇబ్బంది అవుతుంది లాక్ డౌన్ కదా కాబట్టి మేము కొన్ని రోజుల తర్వాత వచ్చి ఈ వస్తువులను తీసుకెళ్తాము అని చెప్పి ఆ దొంగలు వెళ్లిపోయారు.అయితే లాక్ డౌన్ సడిలింపులు చేసిన ఆ వస్తువులను తీసుకెళ్లడానికి దొంగలు రాకడపోవడంతో ఆ ఇంట్లో ఉన్నవాళ్లు టీవీ ఉపయోగించుకుందాం అని ఆ టీవీ కి సరిపడే రిమోట్ కోసం పట్టణంలోని కొన్ని షాప్స్ కి వెళ్లి ప్రయత్నించారు.

ఇటీవల కాలంలోనే వీణ ఎలక్ట్రానిక్స్ అటువంటి టీవీ చోరీకి గురికావడంతో అనుమానం వచ్చిన షాప్ ఒనేర్ వీణ ఎలక్ట్రానిక్స్ కు సమాచారం అందించాడు.దీంతో వీణ ఎలక్ట్రానిక్స్ మానేజ్మెంట్ వచ్చి అరా తీయగా బుగ్గనపల్లి కి చెందిన విజయుడు ,ఈశ్వరయ్య ,సంతోష్ కుమార్ వచ్చి మా ఇంట్లో టీవీ లు పెట్టి వెళ్లారని చెప్పారు ఆ రిమోట్ కోసం వచ్చినవాళ్లు.అయితే వీణ ఎలక్ట్రానిక్స్ వాళ్ళు వెంటనే పోలీసులకు సమాచారం అందించడంతో నిందితులను వేంటనే అదుపులోకి తీసుకోని విచారించగా వారు చేసిన అనేక దొంగతనాలు బయటపడ్డాయి.కాగా వారి దగ్గర నుండి పెద్ద మొత్తంలో డబ్బులు ,బంగారం ,వాహనాలను రికవర్ చేసారు పోలీసులు.

ధోని చిత్రం లో హీరో గా నటించిన సుశాంత్ సింగ్ రాజపుట్ ఆత్మహత్య చేసుకొని మృతి చెందిన విషయం తెలిసిందే.దీంతో బాలీవుడ్ సినీ వర్గంతో పాటు ఇతర చిత్ర పరిశ్రమలు కూడా విషాదంలో మునిగిపోయాయి.అయితే ఇప్పటికే బాలీవుడ్ ప్రముఖలందరు సుశాంత్ కుటుంబ సబ్యులకు ప్రగాఢ సానుభూతి తెలిపారు.అయితే సుశాంత్ సింగ్ రాజపుట్ మరణాన్ని జీర్ణించుకోలేక బీహార్ లోని  పూర్ణియాలో అతడి వదిన(కసిన్‌ బ్రదర్‌ భార్య) సుధా దేవి కన్నుముశారు. .ఆ వివరాల్లోకి వెళ్తే …

34 యేళ్ళ సుశాంత్ సింగ్ రాజపుట్ తన పర్సనల్ లైఫ్ లో ఎదుర్కొంటున్న కొన్ని సమస్యలకు గాను  డిప్రెషన్ కు వెళ్లి బాంద్రా లోని తన నివాసంలో ఉరి వేసుకొని ఆత్మహత్య చేసుకున్నారు.అయితే సుశాంత్ మరణ వార్త తెలిసినప్పటి నుండి సుశాంత్ కజిన్ భార్య రోదిస్తూ ఆహారం తీసుకోవడం మానేశారు.కాగా ముంబై లో సుశాంత్ కు అంతిమ సంస్కారాలు నిర్వహిస్తున్నాడు సుశాంత్ కజిన్ భార్య కన్ను మూసారు.సుశాంత్ తో పటు ఆమె కూడా మృతిచెందడంతో సుశాంత్ కుటుంబ సభ్యులు తీవ్ర శోకసంద్రంలో మునిగిపోయారు.అయితే సుశాంత్ మరణంపై కేసు నమోదు చేసుకున్న పోలీసులు దర్యాప్తు ముమ్మరం చేసారు.

అనుకున్నదొక్కటి..అయ్యిందొక్కటి అన్నట్టుగా…. గంట క్రితం జరిగిన పెళ్లి ఆగిపోతుందని ఎవరైనా కలగంటారా..పెళ్లి కొచ్చిన అతిధులు అనుకుంటారా..పెళ్లి వారనుకుంటారా..ఆఖరికి పెళ్లి కొడుకు పెళ్లి కూతురు అయినా ఎక్స్పెక్ట్ చేస్తారా..కానీ జరిగిన పెళ్లి ఆగిపోయింది..మళ్లీ పెళ్లి జరిగింది..అర్దం కావట్లేదా..నల్లగొండ జిల్లాలో సినిమాటిక్ గా చోటుచేసుకున్న ఘటన అందరిని ఆశ్చర్యానికి గురి చేస్తుంది..అసలింతకి ఏం జరిగిందో తెలియాలంటే చదవాల్సిందే..

నల్లగొండ జిల్లా కనగల్ మండలం శాబ్దుల్లాపూర్ గ్రామానికి చెందిన మౌనిక రాజేశ్ అనే యువకుడితో ప్రేమలో ఉంది..రాజేశ్ మరెవరో కాదు మౌనికకు వరుసకు మావయ్య అవుతాడు.. ఇద్దరూ వారి ప్రేమ విషయం ఇంట్లో చెప్పడానికి భయపడ్డారు..దాంతో మౌనికకు కుటుంబసభ్యులు  మరో వ్యక్తితో పెళ్లి కుదిర్చారు..పెళ్లి సంభంధాలు చూసేటప్పుడు కానీ, నిశ్చయతాంబులాలు పెట్టుకునేటప్పుడు కూడా మౌనిక నోరు మెదపలేదు..ఇంతలో పెళ్లి రోజు రానే వచ్చింది.

representative image

మొత్తానికి పెళ్లి జరిగింది..హఠాత్తుగా పెళ్లి దగ్గర రాజేశ్ ప్రత్యక్షం అయ్యాడు.దాంతో మౌనిక పెళ్లి పీటల మీద నుండి లేచి పరిగెత్తకుంటూ వెళ్లి రాజేశ్ ని కౌగిలించుకుని ఏడవడం మొదలుపెట్టింది.పెళ్లికి వచ్చిన వారికే కాదు..పెళ్లివారికి,మౌనిక కుటుంబ సభ్యులకు కూడా ఏం జరుగుతుందో అర్దం కాలేదు..తీరా మౌనికని నిలదీస్తే అసలు విషయం మెల్లిగా చెప్పింది..సినిమాటిక్ గా అనిపించిన

representative image

అంతే పెళ్లి జరిగిన మండపంలోనే పెళ్లికొడుకు పంచాయితి పెట్టించాడు..విషయం పోలీసుల వరకు వెళ్లడంతో పోలీసులు కూడా చేరుకున్నారు..మొత్తానికి చర్చలన్ని ముగిశాక రాజేశ్ ని మర్చిపోలేనని మౌనిక చెప్పడంతో, పెళ్లి రద్దు చేసుకుంటున్నామని మగపెళ్లి వాళ్లు కూడా తేల్చేశారు..ఇక ఆ పెళ్లికొడుకుతో ఎలా సెటిల్ చేసుకోవాలో అనేది తేల్చుకోవడానికి మౌనిక నాన్న నాన తిప్పలు పడ్డాక.. మరుసటి రోజు మౌనిక రాజేశ్ ల పెళ్లి జరిగింది..మొత్తానికి ప్రేమకథ సుఖాంతం..

మనిషి చనిపోతే కడసారి చూపు కోసం దగ్గర వారందరూ వెళ్లడం సహజమే.అయితే ఈ కరోనా నేపథ్యంలో ఎవరైనా చనిపోయిన దగ్గరవారు ఎవరూ వెళ్ళడానికి కుదరడం లేదు.ఒకవేళ వెళ్లిన కరోనా సోకె ప్రమాదం ఎక్కువగా ఉంది అని తెలుస్తుంది.అయితే సంగారెడ్డి జిల్ల్లా జహీరాబాద్ టౌన్ లో కొన్ని రోజుల క్రితం 54 సంవత్సరాల మహిళా చనిపోయింది.కాగా అంత్యక్రియలకు వెళ్లినవారిలో చాలామందికి కరోనా పాజిటివ్ గా నిర్దారణ అయింది.వివరాల్లోకి వెళ్తే ..

representative image

సంగారెడ్డి జిల్లా జహీరాబాద్ లో కొన్ని రోజుల క్రితం చనిపోయిన ఓ 54 యేళ్ళ మహిళా అంత్యక్రియలకు పెద్ద సంఖ్యలో జనం హాజరయ్యారు.కాగా చనిపోయిన మహిళా కరోనా భారినపడి మరణించింది.అయితే కరోనా పాజిటివ్ ఉన్న వ్యక్తి అంత్యక్రియలకు చాలామంది హాజరయ్యారు అని సమాచారం తెలుసుకున్న జిల్లా అధికారులు వెంటనే అప్రమత్తం అయ్యారు.

వెంటనే ఆ మహిళా అంత్యక్రియలకు హాజరు అయిన ప్రతీ ఒక్కరిని గుర్తించి కరోనా పరీక్షలు చేయించారు అధికారులు.కాగా హాజరు అయిన వారిలో 20 మందికి కరోనా పాజిటివ్ గా నిర్దారణ అయింది.అయితే ఈ ఇరవై మంది ఎవరితో అయితే కాంటాక్ట్ లో ఉన్నారో వాళ్ళను కూడా గుర్తించి వాళ్ళకీ కరోనా పరీక్షలు చేయించే పనిలో అధికారులు బిజిగా ఉన్నట్లు తెలుస్తుంది.