News

వచ్చే నెలలో కొన్ని విషయాల్లో కీలక మార్పులు జరగబోతున్నాయి. కొన్ని నియమాలు ప్రవేశపెట్టబోతున్నారు. అందులో రోజువారి జీవితంలో వాడే ఎన్నో వస్తువులు, నిత్యవసర సామాన్ల ధరలు కూడా మారబోతున్నాయి. ఆ నియమాలు ఏంటో ఇప్పుడు చూద్దాం.

# ఇందులో మొదటిగా మాట్లాడుకోవాల్సింది ఎల్‌పీజీ గ్యాస్ సిలిండర్ ధరల గురించి. మే నెలలో గ్యాస్ సిలిండర్ ధరలు తగ్గిన సంగతి తెలిసిందే. అయితే జూన్ నెలలో ఎలా ఉండబోతున్నాయి అనే విషయం మీద స్పష్టత కోసం అందరూ చూస్తున్నారు. ప్రస్తుతం వస్తున్న సమాచారం ప్రకారం, జూన్ నెలలో కూడా గ్యాస్ సిలిండర్ ధరలు తగ్గుతాయి అని అంటున్నారు. డొమెస్టిక్ సిలిండర్ ధరలు మాత్రం అలాగే ఉంటాయి.

# ప్రతిరోజు పెట్రోల్ ధరలు, డీజిల్ ధరలు మారుతున్నాయి. ఈ రకంగా చూసుకుంటే జూన్ లో కూడా పెట్రోల్, డీజిల్ ధరలు మారే అవకాశాలు ఉన్నాయి.

# మైనర్ యువతీ యువకులు డ్రైవింగ్ చేయకుండా కఠిన నియమాలని ప్రవేశపెట్టబోతున్నారు. ఒకవేళ అలా ఎవరైనా చేస్తూ దొరికితే 25 వేల రూపాయల జరిమానా విధించాలి అని నిర్ణయం తీసుకున్నారు. అంతే కాకుండా, ఆ వాహనం యొక్క ఓనర్ రిజిస్ట్రేషన్ సర్టిఫికెట్ కూడా రద్దు చేస్తారు. ఎక్కువ వేగంతో వెళితే 1000 నుండి 2000 మధ్య ఫైన్ వేస్తారు.

# డ్రైవింగ్ లైసెన్స్ విషయంలో కూడా కొన్ని కొత్త రూల్స్ ప్రవేశపెడుతున్నారు. జాతీయ రహదారుల, రోడ్డు రవాణా మంత్రిత్వ శాఖ వారు డ్రైవింగ్ లైసెన్స్ జారీ చేసే విషయంలో కొన్ని కొత్త నియమాలని తీసుకొస్తున్నారు. ఈ నియమాల ప్రకారం, డ్రైవింగ్ లైసెన్స్ ట్రయల్ టెస్ట్ చేయడానికి ఆర్టీవో ఆఫీస్ కి వెళ్లాల్సిన అవసరం లేకుండా చేస్తున్నారు. ఏదైనా ఒక ప్రైవేట్ డ్రైవింగ్ సెంటర్స్ లోనే డ్రైవింగ్ టెస్ట్ చేసే సదుపాయాన్ని కల్పిస్తున్నారు. అప్లై చేసిన వ్యక్తికి డ్రైవింగ్ టెస్ట్ పెట్టి, లైసెన్స్ కూడా కల్పించే అధికారాన్ని ఈసారి డ్రైవింగ్ సెంటర్స్ కి ప్రభుత్వం ఇచ్చింది.

# జూన్ నెలలో 10 బ్యాంక్ హాలిడేస్ ఉంటున్నాయి. ఐదు ఆదివారాలు, రెండవ శనివారం, నాలుగవ శనివారం సెలవు ఉంటుంది. బక్రీద్, రాజా సంక్రాంతి పండగలకు కూడా రిజర్వ్ బ్యాంక్ ఆఫ్ ఇండియా సెలవులు ఇస్తున్నట్టు ప్రకటించారు.

# ఎమిషన్ రెగ్యులేషన్స్ ప్రవేశపెట్టి, వాహనాల ద్వారా వచ్చే కాలుష్యాన్ని తగ్గించడానికి చర్యలు తీసుకుంటున్నారు. ఎక్కువగా ఉద్ఘారాలు ఉత్పత్తి చేసే వెహికల్స్ తగ్గించాలి అని నిర్ణయించుకున్నారు. తొమ్మిది లక్షల పాత ప్రభుత్వ వాహనాలని ఆపేయాలి అని అనుకుంటున్నారు.

# ఆధార్ కార్డ్ అప్డేట్ చేసుకోవడానికి జూన్ 14వ తేదీ వరకు గడువుని విధించారు. ఈ అప్డేట్ ఉచితంగా చేసుకునే అవకాశాన్ని కల్పించారు. 50 రూపాయలు చెల్లించి ఆధార్ కార్డు అప్డేట్ చేసుకోవాలి.

జూన్ నెలలో రాబోతున్న మార్పులు ఇవే.

ఇండోనేషియాలో ఇటీవల జరిగిన ఒక సంఘటన చర్చల్లో నిలిచింది. సాధారణంగా సినిమాలో మాత్రమే ఇలాంటివి జరుగుతూ ఉంటాయి. కానీ ఇప్పుడు నిజ జీవితంలో ఇలాంటివి జరగడంతో అందరూ ఆశ్చర్యానికి లోనవుతున్నారు. వివరాల్లోకి వెళితే, టీవీ9 తెలుగు కథనం ప్రకారం, ఇండోనేషియాలోని బంగ్కా ద్వీపానికి చెందిన రెనాటా ఫదేయా వయసు 24 సంవత్సరాలు. ఆమె తనకంటే 38 సంవత్సరాలు పెద్దవాడైన వ్యక్తిని వివాహం చేసుకుంది. ఈ మధ్య ఇలా వయసులో చాలా పెద్దవారైన వాళ్లని వివాహం చేసుకుంటున్నారు. ఇందులో వింత ఏం ఉంది అనుకోవద్దు.

ఇక్కడ అసలు విషయం ఏంటంటే, ఆ వ్యక్తి మొదటి పెళ్లి సమయానికి రెనాటా ఫదేయా వయసు 9 సంవత్సరాలు. ఆయన 2009 లో మొదటి పెళ్లి చేసుకున్నారు. ఆ పెళ్ళికి రెనాటా ఫదేయా అతిథిగా వెళ్లారు. అప్పుడు ఆమె చాలా చిన్న పిల్ల. రెనాటా ఫదేయా భర్త 2011 లో రెండవ భార్యతో విడిపోయారు. ఆయనకి రెండవ వివాహంలో పిల్లలు లేరు. మొదటి వివాహంలో ఒక బిడ్డ ఉంది. రెనాటా ఫదేయా తన భర్తని మళ్లీ 2019 లో కలిశారు. 2020 లో వీళ్ళిద్దరూ పెళ్లి చేసుకున్నారు. టిక్ టాక్ ద్వారా ఈ విషయాన్ని షేర్ చేస్తూ, తన భర్తని తాను 2019 లో మాత్రమే కలిశాను అని అనుకున్నారు అని, కానీ ఇద్దరు బంధువులు అని, ఈ విషయం తనకి ఇటీవలే తెలిసింది అని, 15 సంవత్సరాల క్రితమే తన భర్తని కలిసినట్టు ఒక పోస్ట్ షేర్ చేశారు.

అందులో భాగంగానే ఆమె మొదటి భర్త పెళ్లిలో ఆమె అతిథిగా వెళ్ళిన ఫోటోని, అలాగే ఇప్పుడు అదే భర్తతో, తన బాబుతో ఉన్న ఫోటోని రెనాటా ఫదేయా షేర్ చేశారు. ఇప్పుడు రెనాటా ఫదేయాని తన భర్త చాలా బాగా చూసుకుంటున్నారు అని చెప్పారు. సాధారణంగా సోషల్ మీడియాలో ఇలాంటి విషయాలు అప్పుడప్పుడు షేర్ చేస్తూ ఉంటారు. అంటే, ఇప్పుడు భార్య భర్తలు అయిన ఇద్దరు చిన్నప్పుడే తెలియకుండా కలవడం, ఆ సమయంలో ఫోటోలు తీసుకోవడం వంటివి సోషల్ మీడియాలో అంతకుముందు కూడా షేర్ చేశారు. ఇప్పుడు రెనాటా ఫదేయా కూడా తన భర్తని తాను చిన్నప్పుడే కలిసిన ఫోటోని షేర్ చేశారు.

ఇటీవల ఒక వ్యక్తి తన భార్య తనని ఇబ్బంది పెడుతోంది అంటూ ఫిర్యాదు చేశారు. ఆయన పేరు టెమూజియన్. ఒక ఇంగ్లీష్ ప్రొఫెసర్ గా పని చేస్తూ ఉంటారు. ఆంధ్రప్రదేశ్ లోని రాజోలు జిల్లాకు చెందిన టెమూజియన్ కి 7 సంవత్సరాల క్రితం లక్ష్మీ గౌతమితో పెళ్లి జరిగింది. వాళ్లకి 5 సంవత్సరాల కొడుకు ఉన్నాడు. మల్లారెడ్డి కాలేజీలో టెమూజియన్ ఇంగ్లీష్ ప్రొఫెసర్ గా పని చేస్తున్నారు. కుటుంబంతో కలిసి అల్వాల్ లో ఉంటున్నారు. రెండు రోజుల నుండి టెమూజియన్ మీడియా ముందుకు వచ్చి తన భార్య తనని ఇబ్బంది పెడుతున్నారు అని చెప్పారు. ఇదే విషయం మీద అల్వాల్ పోలీసులకి కంప్లైంట్ ఇచ్చారు.

కానీ లక్ష్మీ గౌతమి మాత్రం ఈ విషయం మీద మరొక రకంగా చెప్తున్నారు. లక్ష్మీ గౌతమి మీడియాతో మాట్లాడుతూ, స్టార్ మేకర్ అనే యాప్ లో ఒక అమ్మాయి పరిచయం అయ్యారు అని, ఆ అమ్మాయితో టెమూజియన్ ప్రేమలో ఉన్నారు అని చెప్పారు. అప్పటి నుండి వాళ్ళిద్దరి మధ్య గొడవలు జరుగుతున్నాయి అని చెప్పారు. ఆ అమ్మాయి కోసం తనని కూడా వదిలేయాలి అని అనుకున్నారు అని అన్నారు. ఒక సమయంలో ఆ అమ్మాయి కూడా టెమూజియన్ మీద తనని ఇబ్బంది పెడుతున్నారు అని రామగుండం పోలీస్ స్టేషన్ లో కేసు పెట్టింది అని లక్ష్మీ గౌతమి చెప్పారు.

లక్ష్మీ గౌతమి ఈ విషయం మీద మాట్లాడుతూ తన భర్తకి తన నుండి డైవర్స్ కావాలి అని అందుకే ఇలాంటి లేనిపోని విషయాలు అన్నీ తన మీద చెప్తున్నారు అని అన్నారు ఆస్తి కోసం టెమూజియన్ ని ఇబ్బంది పెడుతున్నాను అనే మాటల్లో అసలు నిజం లేదు అని అన్నారు. ఎందుకంటే తన కుటుంబానికే ఆస్తిపాస్తులు బాగా ఉన్నాయి అని చెప్పారు. సెల్ఫ్ డిఫెన్స్ కోసం తిరగబడటంతో దెబ్బలు తగిలాయని, లేకపోతే తను తన భర్తని అసలు ఇబ్బంది పెట్టలేదు అని లక్ష్మీ గౌతమి చెప్పారు.

సోషల్ మీడియా వల్ల ఎటువంటి సంఘటన అయినా సరే అందరికీ తెలిసిపోతుంది. దీని వల్ల ప్రభావితం చెందిన వాళ్లు కూడా ఉన్నారు. ఇది కొందరి మీద ఎమోషనల్ గా కూడా ప్రభావం చూపే అవకాశం ఉంటుంది. అందుకు ఇటీవల జరిగిన సంఘటన ఉదాహరణ. కొన్నాళ్ల క్రితం కోయంబత్తూర్ లో ఒక చిన్న పాప సన్ షేడ్ మీదకి జారి పడడం, ఆ తర్వాత ఆ పాపని కాపాడడం వీడియో సోషల్ మీడియాలో పోస్ట్ చేశారు. ఆ పాప వయసు 8 నెలలు. ఆమె తల్లి పేరు రమ్య. ఆమెకి 33 సంవత్సరాలు. రమ్య భర్త పేరు వెంకటేష్. వీరిద్దరూ కలిసి చెన్నైలో ఉన్న తిరుముల్లైవాయల్‌లోని అపార్ట్‌మెంట్ కాంప్లెక్స్‌లో నాలుగో అంతస్తు లో ఉంటారు. వీరిద్దరికి ఒక బాబు, ఒక పాప ఉన్నారు. బాబు వయసు నాలుగు సంవత్సరాలు.

ఈ సంఘటన రమ్యని చాలా బాధ పెట్టింది. అందరూ రమ్యని, “పిల్లని చూసుకోవడం చేతకాదా?” తిట్టడం మొదలుపెట్టారు. ఈ సంఘటన జరిగిన తర్వాత వెంకటేష్, రమ్య కోయంబత్తూర్ లోని కరమడైలో ఉన్న రమ్య తల్లిదండ్రుల ఇంటికి వెళ్లిపోయారు. ఈ సంఘటన తర్వాత రమ్య చాలా బాధలోకి వెళ్లిపోయారు. అంతమంది తనని మాటలు అనడం తట్టుకోలేకపోయారు. దాంతో రమ్య తన ప్రాణాలను విడిచారు. తల్లిదండ్రులు ఒకసారి రమ్యని ఇంట్లోనే వదిలేసి ఫంక్షన్ కి వెళ్లారు. వచ్చేటప్పటికి రమ్య అపస్మారక స్థితిలో ఉన్నారు. ఆ తర్వాత రమ్యని వారు హాస్పిటల్ కి తీసుకెళ్లారు. అయినా కూడా ఫలితం లేదు. సోషల్ మీడియా మనిషి మీద ఎంత ప్రభావం చూపుతుంది అన్న దానికి ఈ సంఘటన ఒక ఉదాహరణ.

సోషల్ మీడియాలో మనుషులు కనిపించరు. కాబట్టి ఎవరికి ఏది ఇష్టం వస్తే అది మాట్లాడుతారు. అవతల వారికి అది ఇబ్బంది కలుగుతుందా లేదా అని కూడా ఆలోచించరు. సాధారణంగానే సోషల్ మీడియాలో చిన్న విషయాలు మీద కూడా ట్రోలింగ్ ఎక్కువగా ఉంటుంది. ఇలాంటి విషయాలు జరిగినప్పుడు వాటి మీద ఇంకా ఎక్కువగా కామెంట్స్ వస్తూ ఉంటాయి. ఆ కామెంట్స్ కూడా సాధారణంగా కాకుండా ఏదో తమ సొంత వారి తిట్టినట్టు ఇబ్బందికరమైన పదాలు వాడి మరి తిడుతూ ఉంటారు. ఇప్పుడు ఈ విషయం తెలుసుకున్న వాళ్ళందరూ రమ్య పట్ల సంతాపం వ్యక్తం చేస్తున్నారు.

కొన్ని సందర్భాల్లో ఒక మనిషికి, మరొక మనిషికి ఎక్కడో ఒకచోట సిమిలారిటీస్ ఉంటాయి. పుట్టిన తేదీ కలవడం, లేదా పుట్టిన ఊరు ఒకటే అవ్వడం అలా అన్నమాట.

ఇలా మన సినిమా ఇండస్ట్రీలో కూడా ఒక ఇద్దరికి కో – ఇన్సిడెంటల్ గా కొన్ని విషయాలు కలిశాయి. మన ఇండస్ట్రీలో స్టార్ హీరోలలో ఒకరు జూనియర్ ఎన్టీఆర్.

అలాగే సినిమాకి, సినిమాకి సంబంధం లేకుండా ప్రతి సినిమాకి డిఫరెంట్ కాన్సెప్ట్ తో మనల్ని అలరిస్తున్నారు మంచు మనోజ్. ఎన్టీఆర్ ఇంకా మంచు మనోజ్ మంచి స్నేహితులు అనే విషయం అందరికి తెలిసిందే. వీరిద్దరికీ కో ఇన్సిడెంటల్ గా కొన్ని విషయాలు కలుస్తాయి. జూనియర్ ఎన్టీఆర్ 1983 మే 20వ తేదీన పుట్టారు. మంచు మనోజ్ పుట్టిన తేదీ మే 20, 1983.

జూనియర్ ఎన్టీఆర్ మొదటిసారిగా 1991 లో వచ్చిన బ్రహ్మర్షి విశ్వామిత్ర సినిమాలో చైల్డ్ ఆర్టిస్ట్ గా కనిపించారు. ఆ తర్వాత 1996 లో గుణశేఖర్ దర్శకత్వంలో వచ్చిన బాల రామాయణం సినిమాలో రాముడిగా నటించారు జూనియర్ ఎన్టీఆర్. మంచు మనోజ్ 1993 లో వచ్చిన మేజర్ చంద్రకాంత్ సినిమాలో చైల్డ్ ఆర్టిస్ట్ గా నటించారు.

తర్వాత చైల్డ్ ఆర్టిస్ట్ గా కొన్ని సినిమాల్లో నటించారు మంచు మనోజ్. జూనియర్ ఎన్టీఆర్ మొదటి చిత్రం అయిన బ్రహ్మర్షి విశ్వామిత్ర లోనూ, మంచు మనోజ్ మొదటి చిత్రం అయిన మేజర్ చంద్రకాంత్ లోనూ నందమూరి తారక రామారావు గారు ప్రధాన పాత్ర పోషించారు.

జూనియర్ ఎన్టీఆర్ తండ్రి హరికృష్ణ గారు ఎన్నో సినిమాల్లో నటించారు. అలాగే మాజీ ఎంపీ కూడా. మంచు మనోజ్ తండ్రి మోహన్ బాబు గారు కూడా ఎన్నో సినిమాల్లో నటించడంతో పాటు ఎంపీగా కూడా ఉన్నారు. జూనియర్ ఎన్టీఆర్ కి 2011 లో మే నెలలో లక్ష్మీ ప్రణతి తో వివాహం జరిగింది. మంచు మనోజ్ కి 2015లో మే నెలలో వివాహం జరిగింది. మంచు మనోజ్ భార్య పేరు ప్రణతి.

ప్రేమకి వయసుతో సంబంధం లేదు అని అంటారు. ఈ విషయాన్ని ఎంతో మంది నిరూపించారు కూడా. కొన్ని సార్లు కొంత మంది ప్రేమించుకుంటారు. కానీ పెళ్లి చేసుకోరు. దానికి ఎన్నో కారణాలు ఉంటాయి. ప్రేమించుకున్న వారు పెళ్లి చేసుకోవడానికి ఎదురు చూడటం అనేది చాలా తక్కువ సార్లు జరుగుతుంది. ఎదురు చూస్తే మహా అయితే సంవత్సరం, రెండు సంవత్సరాలు ఎదురు చూస్తారు. కానీ వీళ్లు పాతిక సంవత్సరాలు ఎదురు చూసి ఆ తర్వాత పెళ్లి చేసుకున్నారు. మీరు వింటోంది నిజమే. ఈ సంఘటన నిజంగా జరిగింది. ప్రేమ కోసం పాతిక సంవత్సరాలు ఎదురు చూడడం అంటే చిన్న విషయం కాదు కదా.

వివరాల్లోకి వెళితే, సుధ, మోహన్ కుమార్ అనే జంట ఇటీవల పెళ్లి చేసుకున్నారు. సుధ వయసు 54 సంవత్సరాలు. మోహన్ కుమార్ వయసు 52 సంవత్సరాలు. వీళ్ళిద్దరూ పాతిక సంవత్సరాల నుండి ప్రేమించుకుంటున్నారు. కర్ణాటకలో ఉన్న చిక్కమగళూరు జిల్లాలోని అమృతేశ్వర ఆలయంలో దండల మార్పిడి పద్ధతిలో వివాహం చేసుకున్నారు. ఈ పద్ధతిని కువెంపు వివాహ విధానం అని అంటారు. మోహన్ కుమార్ తుమకూరు జిల్లా గుబ్బి తాలూకాలోని లక్కెనహళ్లికి చెందినవారు. మోహన్ కుమార్ తండ్రి, బాబాయ్ లు కూడా తమ గ్రామంలో పాఠశాల కట్టడం కోసం సొంత భూమిని విరాళంగా ఇచ్చేశారు.

1995 లో అజ్జంపురలో సంపూర్ణ సాక్షరతా ఆందోళన్ వాలంటీర్ల వర్క్‌షాప్‌లో సుధని మొదటిసారిగా కలిశారు. సుధ ప్రవర్తించిన విధానం, ఆమెలో ఉన్న నాయకత్వ లక్షణాలు మోహన్ కుమార్ కి నచ్చాయి. మోహన్ కుమార్ బ్రాహ్మణ కుటుంబానికి చెందినవారు. సుధా క్షత్రియ మరాఠా వంశానికి చెందినవారు. 2002 లో మోహన్ కుమార్ సుధని ప్రపోజ్ చేశారు. సుధ మోహన్ కుమార్ ప్రేమని ఒప్పుకున్నారు. వీళ్ళిద్దరూ ప్రజా ఉద్యమాల్లో తలమునకలై ఉన్నారు. ఈ కారణంగా వాళ్లు పెళ్లి చేసుకుందాం అనుకున్న ప్రతిసారి ఏదో ఒక అడ్డంకి వచ్చి వారి పెళ్లి ఆలోచన ఆగిపోయేది. వారిద్దరి తల్లులు కూడా వృద్ధులు అయిపోయారు. వివాహం చేసుకోవాలి అని వాళ్ళు పట్టుబట్టారు.

అందుకే ఇప్పుడు సుధ, మోహన్ కుమార్ పెళ్లి చేసుకున్నారు. చిక్కమగళూరులో సీపీఐ నేత బీకే సుందరేష్ కొన్ని ఉద్యమాలని నిర్వహించారు. ఆ ఉద్యమాల్లో వీళ్ళిద్దరూ పాల్గొన్నారు. సుధ తండ్రి పేరు ఎంఎస్ గణేష్ రావు. ఎమ్మెస్ గణేష్ రావు స్వాతంత్ర సమరయోధులు. సుధ తన తండ్రిని రోల్ మోడల్ గా తీసుకొని ముందుకు వెళ్లారు. సుధ అటవీ నిర్వాసితుల హక్కుల గురించి, వారికి భూముల గురించి పోరాడారు. అంతే కాకుండా, గ్రామీణ మహిళల కోసం స్వయం సహాయక సంఘాలు కూడా ఏర్పాటు చేశారు. సుధ, మోహన్ కుమార్ ఒక అనాధ బిడ్డని దత్తత తీసుకోవాలి అని అనుకుంటున్నారు.

ఇద్దరూ ఇద్దరే … ఎటువంటి బ్యాక్ గ్రౌండ్ లేకుండా సినిమాల్లోకి వచ్చి  పరిశ్రమలో నిలదొక్కుకున్నవారే.. ఎన్నో ఏళ్లుగా  సినిమా ఇండస్ట్రీలో పాతుకుపోయిన పద్దతులకు భిన్నంగా వెళ్తున్నవారే.. కథల ఎంపిక దగ్గర నుండి సినిమా ప్రమోషన్ వరకు తమదైన ప్రత్యేకతను చాటుకుంటూ ముందుకు సాగుతున్నవారే.. ఇద్దరి పుట్టినరోజులు ఒకరోజే..నేడే..వారే విజయ్ దేవరకొండ మరియు సాయిపల్లవి..

ఎందరో యువహీరోలు ,హీరోయిన్లు ఇండస్ట్రీలోకి వస్తుంటారు పోతుంటారు.. కొందరి పేర్లు కూడా గుర్తుండవు చాలామందికి వారి ఖాతాలో హిట్లు ఉన్నప్పటికి కూడా.. కానీ సాయిపల్లవి,విజయ్ తమదైన మార్క్ నటనతో ఎంతోమంది అభిమానులను సంపాదించుకున్నారు..వారి తొలిసినిమాలు, రాబోతున్న సినిమాలు ఇలా అన్ని విషయాలు మనకు ఎప్పటికప్పుడు అప్డేట్స్ ఉంటూనే ఉంటాయి కాని..వారిద్దరికి మాత్రమే ప్రత్యేకమైన కొన్ని విషయాలున్నాయి..అవేంటంటే..

పెళ్లిచూపులు దగ్గర నుండి వరల్డ్ ఫేమస్ లవర్ వరకు ప్రతి కథలో తనదంటూ ప్రత్యేక గుర్తింపు ఉంటుంది విజయ్ దేవరకొండకి..పెళ్లిచూపులు సినిమా విజయ్ కి ఒక రకమైన ఫ్యాన్ బేస్ నిఇస్తే,  అర్జున్ రెడ్డి మరొక రకమైన గుర్తింపుని ఇచ్చింది. అర్జున్ రెడ్డితో ఓవర్ నైట్ స్టార్ అయిన విజయ్ గురించి ప్రత్యేక చర్చ జరిగింది. సెర్చింగ్ స్టార్టయింది..ఎవడు వీడు? ఎప్పుడు ఇండస్ట్రీకి వచ్చాడు?ఇంతకుముందు ఏ సినిమాల్లో నటించాడు అంటూ రవిబాబు “నువ్విలా”లో , శేఖర్ కమ్ముల “లైఫ్ ఈజ్ బ్యూటిఫుల్” విజయ్ నటించాడని తెలిసి షాకయ్యారు..”ఎవడే సుబ్రహ్మణ్యం” తో‌ కొంత గుర్తింపు పొందిన విజయ్ అర్జున్ రెడ్డి తర్వాత వెనుదిరిగి చూసుకోలేదు.

ఇక సాయిపల్లవి , ఎక్కడో తమిళనాడులో పుట్టింది..మళయాలి “ప్రేమమ్” సినిమాతో పరిచయం అయింది. శేఖర్ కమ్ముల దర్శకత్వంలో వచ్చిన “ఫిదా” సినిమాతో అందరూ తనకి ఫిదా అయ్యేలా మాయచేసింది. . హీరోయిన్ అంటే ఎలా ఉండాలి? ఎలా ఉండాలి?  అరమందం మేకప్ తో ఉండాలి.. ఎప్పుడంటే అప్పుడు స్కిన్ షో చేయాలి.. హీరో పక్కన నాలుగు కుప్పిగంతులు వేసేలా ఉంటే చాలు..నటన మాట, ముఖంలో హావభావాల మాట డైరెక్టర్ ఎరుగు  కానీ సాయి పల్లవి ఆ టైప్ కాదు..ముఖం నిండా పింపుల్స్  ఉన్నా కూడా నిండైన ఆత్మవిశ్వాసం తన అందాన్ని రెట్టింపు చేస్తుంది.. కోటి ఇచ్చినా, రెండు కోట్లు ఇచ్చినా స్కిన్ షోకి  ససేమిరా ఒప్పుకునే ప్రసక్తే లేదు.

ఇక ఇండస్ట్రీకి ఎందరో యువ హీరోలు వచ్చారు, నటించారు , వారి ఖాతాలో కొన్ని హిట్లు వేసుకున్నారు.చేతిలో సినిమాలు లేనప్పుడు డీలా పడ్డారు. తర్వాత  కనుమరుగయ్యారు. కానీ విజయ్ ఒక్కడిగా వచ్చాడు..ఒక్కడిగా నిలబడ్డాడు..సినిమా కెరీర్ ను కొనసాగిస్తూనే “రౌడీ” బ్రాండ్ తో రెడీమేడ్ గార్మెంట్స్ బిజినెస్ ప్రారంభించారు. ప్రస్తుత కరోనా లాక్ డౌన్ కష్టకాలంలో మధ్యతరగతి జీవులకు బాసటగా “మిడిల్ క్లాస్ ఫండ్” క్రియేట్ చేసి ఇండస్ట్రీ లో తనకంటూ ఒక ప్రత్యేకతను చాటుకున్నారు. ఈ బాటలో విజయ్ కి ఇండస్ట్రీలో పెద్ద వాళ్లు కూడా సపోర్ట్ చేశారు అది వేరే విషయం . లాక్ డౌన్ సమయంలో పనులు లేక కష్ట పడుతున్న పేదవారికి సాయం చేయడంలో కూడా విజయ్ తనదైన ముద్ర వేసుకున్నాడు.

సొసైటిలోనే కాదు ఇండస్ట్రీలో కూడా మేల్ డామినేషన్ సంగతి తెలిసిందే.కాని సాయిపల్లవి అలాంటి వాటిని యాక్సెప్ట్ చేయదు..అందుకే తనకి ఆటిట్యూడ్ అనే విమర్శలను ఎదుర్కొంది..నిజాయితిగా ఉండేవాళ్లెప్పుడూ పొగరుగానే ఉంటారు..ఆ పొగరే వారికి అందం. నటనలో,డ్యాన్స్ లో  హీరోలతో పోటీపడి మరీ..కాదు కాదు హీరోలను మించి తన స్ట్లైల్లో మెరిసి ప్రేక్షకులను మెస్మరైజ్ చేస్తుంది. దానికి ఉదాహరణ రౌడీబేబి, ఏమండోయ్ నానిగారు పాటలే..యూట్యూబ్లో వాటి వ్యూయర్స్ సంఖ్య మిలియన్స్ లో ఉందంటే దానికి రీజన్ ఒన్ అండ్ ఓన్లీ సాయి పల్లవి మరియు తన డ్యాన్సే..

స్కిన్ షో చేయకపోతే, ముద్దు సీన్లలో నటించకపోతే అవకాశాలు రావు కదా అనే ప్రశ్న సాయిపల్లవికి ఎదురైతే ఒక్కటే చెప్తుంది..ఎంచక్కా వెళ్లిపోయి డాక్టర్ గా ప్రాక్టీస్ చేసుకుంటా అని.. జార్జీయాలో ఎంబిబిఎస్ కంప్లీట్ చేసిన సాయిపల్లవి, కార్డియాలజిలో స్పెషలైజేషన్ కూడా చేయాలనుకుంది..ఇంతలోనే వరుస ఆఫర్లు వస్తుండడంతో తనలోని డాక్టర్ కు రెస్ట్ ఇచ్చి, యాక్టర్ గా వివిధ భాషల్లో రాణిస్తోంది.ఈ విలక్షణమైన జీవనశైలి తో అందరి మన్ననలు పొందుతూ…విభిన్నమైన నటనతో సినీ పరిశ్రమలో తమదైన ప్రత్యేకతను చాటుకుంటున్న “రౌడీ బేబి” కి…”రౌడీ బాబు” కు తెలుగు అడ్డా హ్యాపీ బర్త్‌డే చెబుతోంది.