Off Beat

సైబర్ క్రైమ్ గురించి మాట్లాడడం మొదలు పెడితే ఎంతసేపైనా మాట్లాడొచ్చు. అంత ఎక్కువగా జనాలు మోసం చేస్తున్నారు అంతకంటే ఎక్కువగా అమాయకులు మోసపోతున్నారు. ఇటీవల జరిగిన ఒక సంఘటన అసలు సైబర్ క్రైమ్ అనేది ఎంత దూరం పాకుతుందో తెలియజేస్తుంది.

ఒకరోజు తొమ్మిదో తరగతి చదువుతున్న రమ్య అనే అమ్మాయికి ఫేస్బుక్ లో ఒక ఫ్రెండ్ రిక్వెస్ట్ వచ్చింది. ఓపెన్ చేసి చూస్తే ఫేస్బుక్ ప్రొఫైల్ స్నేహ పేరుతో ఉంది. వివరాలు చూస్తే తను కూడా అంతకు ముందు రమ్య చదివిన స్కూల్ లోనే చదివినట్లు ఉంది. ఒకటే స్కూల్ అన్న ధైర్యంతో రమ్య స్నేహ ఫ్రెండ్ రిక్వెస్ట్ ను యాక్సెప్ట్ చేసింది.

మెల్లగా ఇద్దరూ మాట్లాడుకోవడం మొదలుపెట్టారు. మొదట ఎక్కడ ఉంటారు అమ్మనాన్నలు ఏం చేస్తూ ఉంటారు అనే వివరాలు షేర్ చేసుకున్నారు. తర్వాత స్నేహ ఒక రోజు తనకి బాయ్ ఫ్రెండ్ ఉన్నాడు అని చెప్పింది. తన బాయ్ ఫ్రెండ్ తో కలిసి ఎక్కడికి వెళ్ళింది లాంటి వివరాలు కూడా చెప్పేది. అలా ఇద్దరు చాలా క్లోజ్ ఫ్రెండ్స్ అయ్యారు.

ఒకరోజు స్నేహ తన ఫోటో పంపించి ఈ రమ్య ని కూడా ఒక సెల్ఫీ పంపించమని అడిగింది. ఎలాగో అంతకుముందు సేమ్ స్కూల్ లోనే చదువుకున్నారు ఇంకా ఇద్దరికీ చాలా మంది మ్యూచువల్ ఫ్రెండ్స్ కూడా ఉన్నారు అన్న ధైర్యంతో రమ్య కూడా తన ఫోటోలు పంపించింది.

వాళ్ళిద్దరి మధ్య స్నేహం వాళ్ళ వ్యక్తిగత ఫోటోలు పంపించుకునే అంత దూరం వెళ్ళింది. ఒకరోజు రమ్య కి వేరే ప్రొఫైల్ నుండి ఫ్రెండ్ రిక్వెస్ట్ వచ్చింది. ఎవరో ఏంటో వివరాలు తెలియకపోవడంతో ఫ్రెండ్ రిక్వెస్ట్ యాక్సెప్ట్ చేయలేదు. కొంచం సేపటి తరువాత ఫేస్ బుక్ లో ఒక మెసేజ్ వచ్చింది. మెసేజ్ చేసింది అంతకు ముందు ఫ్రెండ్ రిక్వెస్ట్ పంపించిన వ్యక్తి.

ఆ మెసేజ్ చూసి షాక్ అయింది రమ్య. ఆ మెసేజ్ లో తను స్నేహ కి పంపించిన వ్యక్తిగత ఫోటోలు ఉన్నాయి. “ఈ ఫోటోలు మీ దగ్గరికి ఎలా వచ్చాయి?” అని అడిగింది రమ్య. దానికి అవతల వ్యక్తి “ఈ ఫోటోలు ఇంటర్నెట్లో సేల్ లో ఉన్నాయి. నా ఫ్రెండ్ మిమ్మల్ని ఎప్పటినుంచో లవ్ చేస్తున్నాడు. ఈ విషయం తెలిసి ఆ ఫోటోలు ఇంటర్నెట్లో పెట్టిన వాళ్ల దగ్గరికి వెళ్లి గొడవపడ్డాడు. వాళ్లు నా ఫ్రెండ్ ని కొట్టారు” అని చెప్పి ఒక చేతి మీద దెబ్బలు ఉన్న ఫోటోలు పంపించాడు.

representative image

ఇదంతా చూసిన రమ్య తనని ప్రేమిస్తున్న వ్యక్తి ఎవరో కనుక్కొని అతనికి మెసేజ్ చేసింది. ఇద్దరు క్లోజ్ అయ్యారు. ఒకరోజు అతను సడన్ గా రమ్య తో 20000 ఇవ్వమని అడిగాడు ఒకవేళ ఇవ్వకపోతే తన ఫోటోలు ఇంటర్నెట్ లో పెడతాను అని బెదిరించాడు. దాంతో రమ్యకు ఏం చేయాలో అర్థం కాక అతనిని తన ఫోటోలు లీక్ చేయొద్దు అని బతిమిలాడింది. దానికి అతను సరే అని కానీ అందుకు బదులుగా రమ్య స్నేహితుల వ్యక్తిగత ఫోటోలను పంపించమని అడిగాడు.

ధైర్యం చేసుకుని ఈ విషయాన్ని అంతా తన తల్లితో చెప్పేసింది రమ్య. భయపడుతున్న కూతురుని ఓదార్చి పోలీస్ కంప్లైంట్ ఇద్దామని చెప్పింది రమ్య వాళ్ళ తల్లి. ఇద్దరూ కలిసి పోలీసుల దగ్గరికి వెళ్లి జరిగిన విషయాన్ని మొత్తం చెప్పారు. పోలీసులు కంప్లైంట్ రిజిస్టర్ చేసి ఇన్వెస్టిగేషన్ చేయడం మొదలుపెట్టారు.

కొద్ది రోజులకి రమ్యను, వాళ్ళ తల్లి ని పోలీస్ స్టేషన్ కి పిలిచి అసలు ఏమైందో చెప్పారు. విషయం ఏంటంటే స్నేహ, తర్వాత రమ్యకు ఫ్రెండ్ రిక్వెస్ట్ పంపించిన వ్యక్తి, ఆ తర్వాత రమ్యను ప్రేమిస్తున్నాను అని చెప్పిన వ్యక్తి ఒకరే. బాగా చదువుకున్న, టెక్నాలజీ తెలిసిన ఒక అబ్బాయి ఫేక్ ప్రొఫైల్ క్రియేట్ చేసి రమ్య ను ట్రాప్ చేయడానికి ప్రయత్నించాడు.

రమ్య ఫేస్ బుక్  ప్రొఫైల్లో తను అంతకు ముందు ఏ స్కూల్లో చదివిందో చూశాడు. స్నేహ పేరుతో ఒక ప్రొఫైల్ క్రియేట్ చేసి, తను కూడా అంతకు ముందు అదే స్కూల్ అని వివరాల్లో పెట్టాడు. దాంతో రమ్య యాక్సెప్ట్ చేసింది. ఆ తర్వాత రమ్య ఫ్రెండ్స్ లిస్టు లో ఉన్న అమ్మాయిలందరికీ కూడా అలాగే ఫ్రెండ్ రిక్వెస్ట్ పెట్టాడు. మ్యూచువల్ ఫ్రెండ్స్ లో రమ్య పేరు చూసి వాళ్లు కూడా అతని ఫ్రెండ్ రిక్వెస్ట్ యాక్సెప్ట్ చేశారు.

ఇంకొక రెండు ప్రొఫైల్స్ క్రియేట్ చేసి. ఒకదానితో రమ్యకి ఫోటోలు పంపించాడు. ఇంకొక దానితో రమ్య ని ప్రేమిస్తున్నట్లు మాట్లాడాడు. రమ్య తోనే కాకుండా ఇంకా ఎంతో మందితో ఇలాగే మాట్లాడి బెదిరించి బలవంతం చేయడానికి ప్రయత్నించాడు. కొంతమందితో ఫోటోలు ఇంటర్నెట్ లో పెడతాను అని బ్లాక్ మెయిల్ చేసి డబ్బులు తీసుకున్నాడు.

ఇతను బెదిరించిన అమ్మాయిల వివరాలు చూస్తే దాదాపు అందరూ టీనేజ్ వాళ్లే. టీనేజ్ లో చాలామందికి లోకం గురించి అంతగా తెలీదు. కాబట్టి వాళ్ల అమాయకత్వాన్ని అలుసుగా తీసుకొని కొంతమంది ఇలాంటి పనులు చేస్తూ ఉంటారు. కాబట్టి టీనేజ్ అయినా పెద్దవాళ్లు అయినా సరే ఇలాంటి ఫేక్ ప్రొఫైల్స్ కి దూరంగా ఉండండి.

ఒకవేళ పొరపాటున ఫ్రెండ్ రిక్వెస్ట్ యాక్సెప్ట్ చేసినా కూడా ఎక్కువగా మాట్లాడి మీ వ్యక్తిగత విషయాలను మాత్రం చెప్పకండి. ఇంక ఫోటోలు అడిగితే అక్కడితోనే మాట్లాడడం ఆపేసి వెంటనే సైబర్ క్రైమ్ కు ఇన్ఫార్మ్ చేయండి. పైన చెప్పిన కథ మీకు అర్థం కావడానికి కల్పించిన పేర్లతో చెప్పినది. కానీ అలాంటి సంఘటనలు మాత్రం నిజజీవితంలో జరుగుతూనే ఉన్నాయి.

మనం కారుని తరచుగా చూస్తూ ఉంటాం, వాడతాం కూడా. కానీ కార్ కి సంబంధించిన చిన్న చిన్న విషయాల్లో ఒక్కొక్కసారి కన్ఫ్యూజ్ అవుతాం. అందులో ఒకటి పెట్రోల్ పోసే హోల్ ఎక్కడ ఉందో తెలుసుకోవడం. చాలామందికి తమ కార్ కి పెట్రోల్ ఎటువైపు పోస్తారో సరిగ్గా తెలీదు. అందుకే ఎప్పుడైనా పెట్రోల్ కొట్టించుకోవడానికి వెళ్ళినప్పుడు కారు దిగి పెట్రోల్ హోల్ ఎక్కడ ఉందో చూస్తాం.

కొన్ని కార్లకి ఆరో (<)  సింబల్ ఉంటుంది. అది ఫ్యూయల్ క్యాప్ ఎటువైపు ఉంటుందో చూపిస్తుంది. కొన్నిటికి ఉండదు. కానీ అలా దిగి చూడాల్సిన అవసరం లేకుండానే పెట్రోల్ ఎటు వైపు పోయించుకోవాలి అనే విషయం తెలుసుకోవచ్చు. అది ఎలాగంటే కొన్ని కార్లకి గేజ్ దగ్గర ఒక చిన్న పెట్రోల్ పంప్ బొమ్మ ఉంటుంది. దాని పక్కన ఒక ఆరో (<) ఉంటుంది. అది ఎటువైపు చూపిస్తుంటే అటువైపు ఫ్యూయల్ క్యాప్ ఉంటుంది అని అర్థం.

ఒకొక్కసారి ఫ్యూయల్ క్యాప్ విరిగిపోవడం లేదా ఇంకేదైనా కారణం వల్ల పెట్రోల్ హోల్ మీద మూత ఏం లేకుండానే వదిలేస్తూ ఉంటాం. దాని వల్ల చాలా ప్రమాదాలు జరిగే అవకాశం ఉంటుందట. ఒకవేళ కార్ ఫుల్ ట్యాంక్ ఉంటే పెట్రోల్ బయటికి చిందుతుంది. అంటే పెట్రోల్ లీక్ అవుతుంది. దానివల్ల కార్ నుండి వచ్చే ఎమిషన్ మోతాదు కూడా ఎక్కువగా ఉంటుంది.

కాబట్టి ఒకవేళ పెట్రోల్ క్యాప్ లేకపోతే వీలైనంత త్వరగా వేరే పెట్రోల్ క్యాప్ మార్చడం మంచిది.ఈసారి పైన చెప్పిన విషయాన్ని దృష్టిలో పెట్టుకొని ఒకవేళ మీ కార్ కి పెట్రోల్ క్యాప్ ఎక్కడ ఉందో తెలియకపోతే గేజ్ మీద చూడండి.

కరోనా. ఇప్పుడు ప్రతిరోజూ ఈ పదం తలుచుకోకుండా ఒక్క మనిషి కూడా ఉండడు. నీటిలో ఒక్క చోట రాయి వేస్తే ఆ ప్రభావం తో కేవలం రాయి వేసిన ప్రదేశమే కాకుండా చుట్టూ ఉన్న నీరు మొత్తం కదులుతుంది. అలానే ఎక్కడో చైనాలో వచ్చిన ఒక వ్యాధి రాష్ట్రాలే కాకుండా దేశాలు కూడా దాటి వ్యాపించింది.

ప్రపంచవ్యాప్తంగా కోటికిపైగా పాజిటివ్ కేసులు ఉన్నాయి. కరోనా వల్ల దాదాపు ఏడు లక్షల మంది మరణించారు. అలాంటిది కొన్ని ప్రాంతాల్లో ఇప్పటి వరకు ఒక్క కరోనా కేసు కూడా నమోదు కాలేదు. ఆ ప్రాంతాల్లో కరోనా లేదని అమెరికా కూడా అధికారికంగా నిర్ధారించింది.

ఉత్తర కొరియా చైనా పక్కనే ఉంది. చైనా లో వైరస్ మొదలయ్యింది అని తెలియగానే ఉత్తరకొరియా సరిహద్దులు మూసివేసింది. కరోనా వైరస్ ప్రారంభ దశలో ఉన్నప్పుడే చైనా కి వెళ్లే విమానాలన్నింటిని రద్దు చేసి, అన్ని దేశాలతో ఉన్న సరిహద్దులు మూసేసి జాగ్రత్త పడింది తుర్క్మెనిస్థాన్.

కరోనా వైరస్ సోకని ప్రాంతాల్లో ఎక్కువగా ఉన్నవి పసిఫిక్ ద్వీప దేశాలు. అందుకు కారణం ఏంటి అంటే అక్కడి ప్రభుత్వం వారు వేరే దేశం నుండి వచ్చిన వారికి కచ్చితంగా 14 రోజులు క్వారంటైన్ లో ఉండాలి అని సూచించారు. తర్వాత డాక్టర్ సర్టిఫికెట్ ఉంటేనే ప్రాంతంలోకి ప్రవేశించడానికి అనుమతి ఇచ్చారు.

పసిఫిక్ ద్వీప దేశాల్లో జనాభా తక్కువ. అందువల్ల చర్యలు సక్రమంగా తీసుకోగలిగారు. అంతే కాకుండా అంతర్జాతీయ విమాన సేవలు కూడా నిలిపివేశారు. దాంతో వైరస్ రాకుండా రక్షించుకోవడం లో సఫలమయ్యారు.

కరోనా సోకని దేశాలు ఏవంటే.

#1 మార్షల్ దీవులు

#2 తుర్క్మెనిస్తాన్

#3 ఉత్తర కొరియా

#4 పలావ్

#5 వనెవాటు

#6 కిరిబాటి

#7 నౌరు

#8 టోంగా

#9 టువాలు

#10 సమోవా

#11 మైక్రోనేషియా దీవుల సమాఖ్య

ఇలా కఠిన నియమాలను విధించి, తగిన చర్యలు తీసుకొని ఈ ప్రాంతాలు కరోనా వైరస్ రాకుండా జాగ్రత్త పడ్డాయి.