అయోధ్య రామ మందిర ప్రారంభోత్సవ కార్యక్రమం జనవరి 22 తారీకున జరగనుంది ఈ కార్యక్రమానికి దేశవ్యాప్తంగా 7000 మంది విశిష్ట అతిధులు హాజరుకానున్నారు. దీనికి సంబంధించి అన్ని ఏర్పాట్లు రామ మందిర నిర్మాణ ట్రస్ట్ బోర్డ్ ఇప్పటికే పూర్తి చేసింది.
అయితే అయోధ్య రామ మందిరం నిర్మాణం కోసం దేశ విదేశాల నుండి కూడా అధిక మొత్తంలో డొనేషన్ లు అందించారు. ఆలయ నిర్మాణం కోసం 1800 కోట్లు ఖర్చు పెట్టగా ఇంకా ట్రస్టు వద్ద మూడు వేల కోట్ల రూపాయలు నిధులు మిగిలి ఉన్నాయి.
అయితే ఆలయ నిర్మాణం చేపట్టారు కాబట్టి అందరూ డొనేషన్ లో అందిస్తున్నారు. కాకపోతే బాబ్రీ మసీదు కూల్చి వేసిన సమయంలో కోర్టు కేసుల విషయంలో రామ మందిరం నిర్మాణ ట్రస్టు వద్ద ఒక రూపాయి కూడా లేదు. అప్పట్లో విశ్వహిందూ పరిషత్తు రామ మందిర నిర్మాణం కోసం పోరాడేది. ఆలయ నిర్మాణ కేసు సుప్రీంకోర్టులో ఉండగా విశ్వహిందూ పరిషత్ ట్రస్టు వద్ద ఒక్క రూపాయి కూడా నిధులు లేకపోవడంతో విశ్వహిందూ పరిషత్ చైర్మన్ అశోక్ సింగల్ కి ఏం చేయాలో అర్థం కాలేదు.
అయితే తెలుగువారైన పుల్లారెడ్డి స్వీట్స్ అధినేత జి పుల్లారెడ్డి గారు విశ్వహిందూ పరిషత్తు కోశాధికారిగా ఉన్నారు. అశోక్ సింగల్ కోర్టు కేసు విషయం పైన జి పుల్లారెడ్డి గారిని సంప్రదించగా హైదరాబాదులో ఆయన నివాసంలో భేటీ అయ్యారు. కోర్టు కేసులు ఖర్చులు కొరకు 25 లక్షల రూపాయలు అవుతుందని తెలియజేశారు. వెంటనే పుల్లారెడ్డి గారు తన వద్ద ఉన్న రెండు లక్షల రూపాయలు అందించి సాయంత్రంలోగా మరో 10 లక్షలు అందిస్తానని చెప్పారు.
చెప్పిన విధంగానే తన సన్నిహితుల వద్ద నుండి పది లక్షల రూపాయలు పోగేసి అశోక్ సింగల్ చేతికి అందించారు.అంతేకాకుండా రామమందిర నిర్మాణం కోసం ఎంత ఖర్చయినా తాను భరిస్తానని అవసరమైతే తన వద్ద ఉన్న బంగారం ఇల్లులు కూడా తాకట్టు పెడతానని పుల్లారెడ్డి గారు చెప్పారు.
ఎలాగైనా ఈ కేసులో మనం గెలుస్తామని కేస్ అంతా రామమందిని నిర్మాణానికి అనుకూలంగా ఉందని పుల్లారెడ్డి గారు విశ్వసించేవారని అశోక్ సింగల్ పుల్లారెడ్డి సంతాప సభలో చెప్పుకొచ్చారు.
నేడు ఆలయ మందిరం పూర్తయి ప్రారంభోత్సవానికి చేరుకోవడంతో రామమందిరం నిర్మాణ ట్రస్ట్ తో పాటు విశ్వహిందూ పరిషత్తు సభ్యులందరూ కూడా పుల్లారెడ్డి గారిని గుర్తు చేసుకున్నారు. అలా రామ మందిరం ఆలయ నిర్మాణంలో తెలుగువారైన పుల్లారెడ్డి గారు కీలకపాత్ర పోషించడం తెలుగువారిగా మనందరం గర్వించదగ్గ విషయం
సంక్రాంతి వచ్చిందంటే, కోస్తా తీరంలో కోళ్ల పందేలు జోరుగా సాగుతుంటాయి. సంక్రాంతి మూడు రోజుల పాటు ఈ పందాలు కొనసాగుతుంటాయి. వీటిని వృత్తిగా బ్రతుకుతున్నవారు ఉన్నారు. ఇక ఈ కోడిపందెలా కోసం ఇతర రాష్ట్రాల నుండే కాకుండా, విదేశాల నుండి సైతం వచ్చేవారు ఉన్నారు. జంతు ప్రేమికులు వ్యతిరేకిస్తున్నా, ఈ పందేలు జరుగుతూనే ఉన్నాయి. పందెం రాయుళ్లు కోడిపందాల విషయంలో ఎంతో సీరియస్ గా ఉంటారు. కోడిపందాల నిర్వహణను ఎంతో ప్రతిష్టాత్మకంగా నిర్వహిస్తారు. తమ కోడిపుంజే గెలవాలని అన్ని జాగ్రత్తలు తీసుకుంటారు.
కోనసీమ జిల్లా అమలాపురంలో కోడిపందేల కోసం భారీగా ఏర్పాట్లు చేశారు. కోడి పందేల పేరుతో గుండాటలు కూడా ఎక్కువగానే జరుగుతున్నాయి. ఉమ్మడి తూర్పుగోదావరి జిల్లా మొత్తంలో కోడి పందేలు 250 చోట్ల జరుగుతున్నాయి. కోడి పందెములు వేసేటప్పుడు కుక్కుట శాస్త్రాన్నిచదువుతారట. అయితే కోడి పందేలు అనేవి ఎలా మొదలు అయ్యాయో శ్రీ గరికపాటి నరసింహ రావు వివరించారు. ఆయన మాట్లాడుతూ ” కోడి పందేలు ఎందుకు ఏర్పడ్డాయి అంటే పూర్వం, మహా యుద్దాలు తప్పవు అనుకున్నప్పుడు పెద్దవాళ్ళు, యుద్ధాలు చేస్తే కొన్ని లక్షలమంది ప్రజలు చనిపోతారు.
అనవసరంగా పౌరుషాల కోసం, రాజ్య భాగం కోసం. ఈ పక్షం నుండి ఒక కోడిని, ఆ పక్షం నుండి ఒక కోడిని ఎంపిక చేసి, ఒక మంచి స్థలంలో రెండింటికీ పందెం పెట్టేద్దాం. ఏ కోడి చనిపోయినా లేదా పారిపోయినా వాళ్ళు ఒడిపోయినట్లు, మిగిలిన వారు గెలిచినట్టు అని చెప్పారంట. భారీ జన నష్టాన్ని తప్పించడం కోసం, యుద్ధాన్ని ఆపి, శాంతిని నెలకొల్పడం కోసం ఈ కోడి పందెలను ఏర్పాటుచేశారు. అందుకు ఉదాహరణ పల్నాటి యుద్ధం. ఇలాంటి పందెలను సంక్రాంతి పండుగకు ఆడటం తప్పు అయితే, జనవరి నెల అంతా ఆడటం, ఏడాది అంతా ఆడటం ఇంకా దుర్మార్గం” అని అన్నారు.
