Off Beat

మనిషికి న్యూస్ పేపర్ తో ఒక విడదీయలేని అనుబంధం ఉంటుంది. చాలా మంది రోజు మొదలయ్యేది న్యూస్ పేపర్ తోనే. ఇంటర్నెట్ వచ్చినా కూడా న్యూస్ పేపర్ స్థానం అలాగే ఉంది. మనం రోజు న్యూస్ పేపర్ చదువుతాం కానీ న్యూస్ పేపర్ పై ఉండే కొన్ని ముఖ్యమైన అంశాలను అసలు గమనించం.

ఉదాహరణకి న్యూస్ పేపర్లో న్యూస్ అంటే అర్థం తెలుసా? నార్త్ ఈస్ట్ వెస్ట్ సౌత్ అని. ఇదే కాదు ఇంకా కొన్ని మనం గమనించని విషయాలు న్యూస్ పేపర్ పై ఉంటాయి. అందులో ఒకటి న్యూస్ పేపర్ చివర్లో ఉండే చుక్కలు.

న్యూస్ పేపర్ చివరిలో దాదాపు నాలుగు చుక్కలు ఉంటాయి. అదికూడా ఒక్కొక్క చుక్క ఒక్కొక్క రంగులో ఉంటుంది. అలా ఉండడం వెనకాల కూడా ఒక అర్థం ఉంది. అది ఏంటంటే. ఆ చుక్కలు న్యూస్ పేపర్లో ప్రింట్ సరిగా ఉందో లేదో తెలుసుకోవడానికి ఒక సంకేతం. అప్పుడప్పుడు ఆ చుక్కలు సరిగ్గా ప్రింట్ అవ్వవు. అంటే ప్రతి చుక్క వెనకాల నీడ లాగ మరొక చుక్క ప్రింట్ అవుతుంది. దాని అర్థం న్యూస్ పేపర్ లో ప్రింటింగ్ అలైన్మెంట్ సరిగా లేదు అని. మీరు సరిగ్గా గమనిస్తే ఆ చుక్కలు ఎప్పుడూ ఒకటే ఆర్డర్లో ఉంటాయి.

ఆ ఆర్డర్ ని సీఎంవైకె (CMYK) సీక్వెన్స్ అంటారు. ఇందులో.

C – సియాన్ (నీలి రంగు)

M – మెజెంటా (గులాబీ రంగు)

Y – ఎల్లో (పసుపు)

K – బ్లాక్ (నలుపు)

రంగులు ఉంటాయి. మీరు ఒకసారి న్యూస్ పేపర్ తీసి గమనించండి. కింద చుక్కలు పైన చెప్పిన ఆర్డర్ ప్రకారమే ఉంటాయి. అలాగే పైన చెప్పిన విధంగా చుక్కల ని బట్టి ప్రింట్ ఎలా ఉంది అనే దాన్ని కూడా మీరు తెలుసుకోవచ్చు. కావాలంటే ఒకసారి ఇది కూడా ప్రయత్నించి చూడండి.

పెళ్లి తర్వాత చాలా మంది మహిళలు బరువు పెరిగిపోతారు. పెళ్లికి ముందు ఎంత సన్నగా ఉన్నా సరే పెళ్లి తర్వాత మహిళల బరువులో మార్పు వస్తుంది. అయితే ఎప్పుడైనా ఆలోచించారా..? ఎందుకు మహిళలు పెళ్లి తర్వాత లావుగా తయారవుతారు అనేది.. కానీ సరైన జవాబు మీకు దొరకలేదా…?

అయితే ఇక్కడ సరైన సమాధానం మీరు ఇక్కడ తెలుసుకోచ్చు. మరి ఇక దీని కోసం ఓ లుక్ వేసేయండి. పెళ్లి తర్వాత సన్నగా ఉన్నవారు కూడా బొద్దుగా మారుతారు. అలాగే లావుగా ఉన్నవారు కూడా మరింత ఒళ్ళు చేస్తారు. దీనికి గల కారణాలు ఇవే..

పెళ్లికి ముందు కష్టపడి పనిచేసే వాళ్లు కూడా పెళ్లి తర్వాత ఆ పనులు చేయడానికి గ్యాప్ వస్తుంది. దీని కారణంగా బరువు పెరుగుతారు.

అదేవిధంగా పెళ్ళికి ముందు చదువు, ఉద్యోగం మొదలైన టెన్షన్స్ ఉంటాయి. ఆ కారణంగా తినడంపై పెద్దగా శ్రద్ధ వహించరు. దాంతో అధిక బరువు సమస్య రాదు. అంతేకాకుండా చదువుకోవడం లాంటి పనుల వల్ల క్యాలరీలు చాలా కరుగుతాయి. కానీ పెళ్లి తర్వాత పనితో పాటు తిండి తినడం కూడా ఎక్కువ అవుతుంది.

పెళ్లి తర్వాత బద్ధకం ఎక్కువగా మహిళల్లో పెరుగుతుంది. కొన్నిసార్లు పనులు చేయడానికి ఆలోచిస్తూ ఉంటారు. అందుకే మెల్లగా చేసుకుంటూ ఉంటారు. కొన్నిసార్లు ఎక్కువగా చేయరు కూడా. దీని కారణంగా కూడా లావుగా మారిపోతారు.

అలానే పెళ్లి తర్వాత మహిళలు ఆహారం విషయంలో మరింత జాగ్రత్త పడతారు. ఏదైనా ఆహారం మిగిలిపోతుందేమో అని వృధా చేయకూడదు అనే ఆలోచనతో తినడం మొదలు పెడతారు. ఇది కూడా బరువు పెరగడానికి దారి తీస్తుంది.

పెళ్లికి ముందు చాలా మంది రెగ్యులర్ గా జిమ్ కి వెళ్తారు. పెళ్లి తర్వాత బ్రేక్ వస్తుంది. వ్యాయామం చేయరు. దీని కారణంగా బరువు పెరుగుతారు.
సైంటిస్ట్స్ చేసిన సర్వే ప్రకారం ఒక విషయం తేలింది. అదేంటంటే ప్రపంచంలో ఏ జంట పెళ్లి చేసుకున్నా.. పెళ్లి తర్వాత కొన్ని రోజులకు కచ్చితంగా రెండు కిలోల బరువు పెరుగుతారు. ఇలా ఈ కారణాల వలన పెళ్లి తర్వాత మహిళలు లావు అవుతారు.

వుడ్ పైన పెయింట్ చేసి ఉన్న ఈ ఫొటోను చూస్తే మీ సహనం ఎంత ఉందో చెప్పొచ్చు. అంతే కాదు ఈ దృష్టి ద్వారా మీ వ్యక్తిత్వ ఎలాంటిదో కూడా తెలుసుకోవచ్చు. ఆప్టికల్ ఇల్యూషన్ అంటే ఈ దృష్టిభ్రాంతి ద్వారా ఒక మనిషి వ్యక్తిత్వాన్ని తెలుసుకోవచ్చు. అంటే మీరు ముందు జాగ్రత్త కలిగిన వాళ్ళా? లేక పోతే టైం వచ్చినప్పుడు చూసుకుందాం లే అనుకునేవారా? అనేది తెలుస్తుంది.

కాగా ఆప్టికల్ ఇల్యూజన్ అనేది త్వరగా అంతరించిపోని ధోరణిగా మారాడంతో… ప్రపంచవ్యాప్తంగా ఉన్న కంటెంట్ నిర్మాతలను దిగ్భ్రాంతికి గురి చేసింది. అయితే ఈ ఆప్టికల్ ఇల్యూజన్(బ్రమ) అనేది ఎలా పని చేస్తుంది అంటే. మన మెదడు ఒక సూపర్ కంప్యూటర్ లాగా బాగా తెలివైనదిగా పని చేస్తున్నప్పటికీ కొన్ని అర్థం చేసుకోలేక పోతుందని సైకాలజిస్టులు చెబుతున్నారు.

ఇకపోతే మన మెదడుకి మన కళ్లు కేవలం ఒక సోర్స్ మాత్రమే. నిజానికి బ్రెయిన్ కి తెలిసిన వాటిని, కళ్ళ రూపంలో చూస్తుంది. అంటే ఉదాహరణకి ఆరెంజ్ పండు ఆరెంజ్ కలర్ లో ఉంటుందని మన మెదడుకి తెల్సు. కానీ అలా కాకుండా బ్లూ కలర్ ఆరెంజులను చూపిస్తే మన మెదడు తొందరగా అంగీకరించదు. అంతే కాకుండా దీని ద్వారా వచ్చే స్పందన కూడా సరిగ్గా ఉండదు. ఇదే ఈ ఆప్టికల్ ఇల్యూజన్ లో జరిగేది.

ముందుగా ఇక్కడ కనిపిస్తున్న పిక్చర్ ను ఒక 7 సెకండ్లు పరిశీలించి మీకు ఏమి అనిపిస్తుందో చెప్పండి. 7 సెకండ్లు ఎందుకు అంటే, ఫస్ట్ టైం చూడగానే, 7 సెకండ్లలోనే ఇమేజ్ పైన మన మెదడు దృష్టి ఎలా ఉందో తెలుసుకోడానికి, ఆప్టికల్ ఇల్యూజన్ ప్రక్రియ లో భాగంగా ఆ సమయాన్ని కౌంట్ చేస్తారని సైకాలజిస్టులు చెబుతున్నారు. ఇక్కడ కనిపిస్తున్న చిత్రాన్ని చూడండి. ఒక చెట్టు కింద పడుకున్న పులి దృశ్యం ఎంత అద్భుతంగా ఉందో. ఇంతకీ ఇందులో మొదట మీరు ఏమి చూసారు? కేవలం చెట్టుని చూసారా? లేక చెట్టు మీద ఉన్న పులిని చూసారా? లేక చెట్టు కింద పడుకున్న పులిని చూసారా? ఇది తెలుసుకోవాలంటే ముందు ఈ పరిశీలనను చూడండి:

1. కేవలం చెట్టుని చూసి ఉంటే..

మీరు చాలా అదృష్టంతులు. మీరు ఎలాంటి వారంటే ప్రతీ దాన్ని అంత సీరియస్ గా తీసుకోరు. హ్యాపీ గా ఉన్న సమయాన్ని గడుపుతారు. భవిష్యత్తు ఎలా ఉంటుందో అనే భయం ఉండదు. దేనినీ ఎక్కువగా పట్టించుకోరు. కానీ దారి అర్థం మీరు నిర్లక్ష్యం ఉన్నవారు కాదు. ఆ సమయాన్ని బట్టి ఏది ఎలా మేనేజ్ చెయ్యాలో బాగా తెలిసిన వారు.

2. చెట్టు మీద పులి ముఖం చూసారా?

దీని బట్టి మీరు చాలా ముందు జాగ్రత్త కలిగినటువంటి వ్యక్తి అని అర్థం. ఏ పనైనా మొదలు పెట్టేముందు ఆచి తూచి, ముందు వెనక చూసుకుని, అన్నీ సరిగ్గా ఉన్నయ్యో లేదో చూసుకుని చేస్తారు. ఎక్కువగా ముందు ప్లాన్లు వేసుకుని దాని ప్రకారం నడవాలి అనుకుంటారు. ఇది ఒకందుకు మంచిదే కానీ, మీరు ఓటమిని ఏడురుకోవడానికి భయపడతారు.

3. ఒకవేళ చెట్టు కింద పులి పడుకోవడం చూసి ఉంటే

మీ జీవితంలో సరైన అవకాశం కోసం చూస్తున్నారు. ఎలాంటి అవకాశాన్ని అయినా వొదులు కోవడానికి ఇష్టపడరు. ప్రతీ చిన్న విషయాన్ని చాలా సీరియస్ గా తీసుకుంటారు.

ఇక ఇదండీ ఈ ఫోటోపై ఆప్టికల్ ఇల్యూజన్ ద్వారా మనిషి గురించి, తమ వ్యక్తిత్వం గురించి ఎలా తెలుస్తుందో అర్థం అయ్యింది కద. ఇది ఒక మనిషి గురించిన కొత్త విషయాలు చెప్పడానికి ఉపయోగపడుతుంది. కానీ ఈ టెస్టులు నిజంగా వొంద శాతం నిరూపించినవి కావు. కేవలం ఇవి సరదా కోసం చదువుకోడానికి ఉపయోగపడుతాయి.

గ్యాస్ సిలిండర్ ప్రతి ఇంట్లోనూ ఉంటుంది. ఇది మనకు నిత్యావసరాల్లో ముందుంటుంది. ఎందుకంటే వంట చేసుకోవడానికి ఎక్కువమంది గ్యాస్ పైనే ఆధారపడతాం కాబట్టి. మనం రెండు బండలు కొనుక్కుని ఒకటి స్పేర్ ఉంచుకుంటాం. ఒకటి అయిపోగానే మార్చుకుని.. రెండవ బండ బుక్ చేసుకుంటూ ఉంటాం. ఇది అందరు సహజం గా చేసే పనే.

అయితే.. చాలా మంది గ్యాస్ బండ ఎంత బరువు ఉందో చెప్పడానికి చిన్న పరికరాలు వాడతారు. అది అందరి ఇళ్లలోనూ ఉండకపోవచ్చు. కొందరు గ్యాస్ ఎంత ఉందో తెలుసుకోవడం కోసం బండను షేక్ చేసి చూడడం, లేదా పైకి ఎత్తి చూడడం వంటి పనులు చేస్తూ ఉంటారు. ఇది అన్ని సమయాల్లోనూ శ్రేయస్కరం కాదు. ఈ చిన్న ట్రిక్ తో మీ బండ లో గ్యాస్ ఎంత వరకు ఉందో తెలుసుకోవచ్చు.

ఒక బౌల్ లో వాటర్ తీసుకోండి. ఒక క్లాత్ ను తీసుకుని దానిని వాటర్ లో ముంచి.. పూర్తి గా తడిసిన తరువాత బయటకు తీయండి. దానిని పిండి.. ఆ తడి గా ఉన్న గుడ్డతో బండను తుడవండి. గదిలో ఫ్యాన్ ను ఆపేసి ఈ బండను తుడవండి. ఒక నాలుగైదు నిమిషాల పాటు దానిని గమనిస్తే.. గ్యాస్ లేని భాగం లో తొందరగా ఆరిపోతుంది. గ్యాస్ ఉన్న కింద భాగం మాత్రం ఎక్కువ సేపు తడిగా ఉంటుంది.

ఈ తడిగా ఉన్న ప్లేస్ ఎక్కడివరకు ఉందో.. అక్కడవరకు మీ బండలో గ్యాస్ ఉందని అర్ధం. ఈ ట్రిక్ ఇంకా వివరంగా అర్ధం అవ్వాలంటే కింద ఈ వీడియో ను చూడండి. ఈ వీడియో చూసాక.. మీకు ఇంతేనా అనిపిస్తుంది కదా.. బండ ని పైకి లేపడం, వెయిట్ చూడడానికి ఆన్ లైన్ లో దొరికే రకరకాల మెజరింగ్ పరికరాలను ఉపయోగించడం అంత సేఫ్ కూడా కాదు.. చాలా సింపుల్ గా.. ఒక క్లాత్, వాటర్ తో ఈ ఎక్స్పరిమెంట్ ట్రై చేయచ్చు. మీరు కూడా ట్రై చేసి చూడండి. మీ ఇంట్లో ఉండే బండలో ఎంత వరకు గ్యాస్ ఉందో చెక్ చేసుకుని అవసరమైనపుడు కొత్త బండ బుక్ చేసుకోవచ్చు.

watch video :

బొమ్మరిల్లు సినిమా పేరు చెప్పగానే అందరికీ గుర్తొచ్చేది మొత్తం మీరే చేసారు అనో, ఒక్కసారి గుద్దుతే కొమ్ములు వస్తాయి అనే డైలాగులు గుర్తొస్తాయి. మరీ ముఖ్యంగా అంతేనా? ఇంకేం కావాలి వీలైతే నాలుగు మాటలు కుదిరితే కప్పు కాఫీ డైలాగ్. అబ్బో ఇలా ఎన్నో డైలాగులు నిజ జీవితంలో వాడేస్తుంటారు జనాలు. సినిమా విడుదల అయ్యి చాలా ఏళ్ళు గడిచినా, ఇప్పటికీ ఈ సినిమాకి ఉన్న క్రేజ్ పోలేదు. అందరూ సినిమాల్లోని కొన్ని డైలాగులను సరదా కోసం మాత్రమే వాడుతుంటారు. కానీ ఒకతను మాత్రం ఏకంగా అదే సినిమాని రియల్ లైఫ్ లో రీమేక్ చేశాడు.

అయితే బొమ్మరిల్లు సినిమాలో “వీలైతే నాలుగు మాటలు కుదిరితే కప్పు కాఫీ” అనే డైలాగ్ ఎంత ఫేమస్ అన్న సంగతి అప్పట్లో అందరి ఫోన్ల రింగ్టోన్ లే చెబుతాయి. తాజాగా ఆ సీన్ ను రీక్రియేట్ చెయ్యాలని ఒక యువకుడు పెద్ద స్టంటే చేశాడు. ఆ సినిమాలో జెనీలియా హీరో సిద్దార్థ్ ని మినర్వా కేఫ్ కి తీసుకెళుతుంది. ఈ మేరకు జేబులో డబ్బులు కాలీ చెయ్యాలి అనుకున్నాడో ఏమో, అతను కూడా మినర్వా కేఫ్ గురించి గూగుల్ లో వెతకడం మొదలు పెట్టాడు.

ఇదేంటి ఎంతకీ దొరకట్లేదు అని అనుకుంటుండగా.. ఆ పేరుతో వేరే రెస్టారెంట్ ను చూసాడట. ఇది ఆ సినిమాలో కేఫ్ లాగా లేదే! అందులోనేమో ఏదో కాకా హోటల్ లాగా ఉంటుంది, కానీ ఇందులో హోటల్ చూస్తే జేబు కాలీ అయ్యేలా ఉందే అనుకుంటూనే… సరేలే చూద్దాం అని ఆ హోటల్ కు వెళ్ళాడట. లోపలకి వెళ్లి, మెనూ చూస్తూ, రేట్లు అదిరిపోతున్నాయి అని లోలోపల అనుకుంటూనే ఒక ప్లేట్ ఘీ ఇడ్లీ ఆర్డర్ చేసాడు. ఆ రేటుకి.. వాళ్లు ఇచ్చిన ఫుడ్ క్వాంటిటీ.. బయట బిర్యానీ ఆర్డర్ చేస్తే కడుపునిండా తినొచ్చేమో అనుకున్నాడట. సరేలే ఇంకేం చేస్తాం అని మెల్లగా చిన్న చిన్న ముక్కలు సినిమాల్లో తిన్నట్టు తిన్నాడట. లాస్ట్ లో ఒక్కటి తక్కువైంది పుష్ప అన్నట్టు… ఒక కప్పు కాఫీ తక్కువైంది అని ఆర్డర్ చేశాడట. ఆఖరికి అది కూడా బహుశా ఇంత కాస్ట్లీ కాఫీ ఇప్పుడెనేమో తాగింది అనుకుంటూ తాగేశాడు.

చివరిగా హోటల్ నుండి వచ్చేస్తూ, ఏంటో సినిమాలో అనుకున్నట్టు అవ్వలేదు కానీ మొత్తానికి పెద్ద హోటల్ కి వెళ్లి తినే సరదా అయితే తీరిపోయింది. అంత బాగానే ఉంది కానీ, కనీసం ఆ సినిమాలో ఉన్న మినర్వా కేఫ్ అనేది నిజమేనా లేక కల్పితమా?? లేక అది తీసేసారా దీని గురించి ఎవరికైనా తెలుసా అంటూ సోషల్ మీడియాలో పోస్ట్ చేశాడట.

అయితే బొమ్మరిల్లు సినిమా రిలీజ్ అయ్యింది 2006 లో కానీ, ఈ ఘటన జరిగింది కేవలం మూడేళ్ల క్రితమేనట. చూసారా ఈ విడ్డూరం? కాలం మారినా కొన్ని ఇష్టాలు, జ్ఞాపకాలు మారవని మళ్ళీ రుజువయ్యింది. ఆ యువకుడు చేసిన పని అంత సక్సెస్ అవ్వక పోయినా, జనాలకి, అతనికి ఒక చిన్ని జ్ఞాపకంగా మారింది.

ఇతరులకి హాని కలిగించే ఏ పని అయినా నేరం కిందకి వస్తుంది. ఒకొక్క నేరానికి ఒకొక్క శిక్ష ఉంటుంది. కొంత మందికి జైలు శిక్ష పడుతుంది. కొంత మందికి యావజ్జీవ కారాగార శిక్ష పడుతుంది.

అసలు కొన్ని నేరాలకు ఏ శిక్ష అయినా తక్కువే అనిపిస్తుంది. అంత ఘోరమైన పని చేసిన నేరస్తుడు అసలు బతకడమే తప్పు అనిపిస్తుంది. అలాంటపుడు విధించేది మరణ శిక్ష.

ఈ మరణ శిక్ష క్షమించరాని నేరం చేసిన వాళ్ళకి విధిస్తారు. మనం చాలా సినిమాల్లో మరణ శిక్ష విధించే సీన్ చూసే ఉంటాం. మరణ శిక్ష విధించిన తర్వాత  జడ్జ్ పెన్ కి ఉన్న నిబ్ ని విరిచేస్తారు. అలా ఎందుకు చేస్తారో తెలుసా? మరణ శిక్ష విధించిన తర్వాత పెన్ యొక్క నిబ్ ని ఎందుకు విరుస్తారో ఇప్పుడు తెలుసుకుందాం.

ఈ నిబ్ విరచడం అనేది ఇప్పుడు మొదలైంది కాదు. బ్రిటీష్ కాలం నుంచి పెన్ నిబ్ విరచడం అనేది పాటిస్తున్నారు. ఇది పాటించడానికి కొన్ని కారణాలు ఉన్నాయి. అవేంటంటే.

ఒకరి మరణ తీర్పుని రాసిన పెన్ తో ఇంకొకరికి తీర్పుని రాయకూడదు, లేదా ఇతర ఏ కారణంతో అయినా మళ్ళీ ఆ పెన్ ఉపయోగించకూడదు అని అలా విరుస్తారు. అంతే కాకుండా ఒక సారి తీర్పు ఇస్తే మళ్ళీ దానిని తిరిగి మార్చడం కానీ, పరిశీలించడం కానీ జరగదు అనే దానికి సంకేతంగా కూడా ఇలా చేస్తారు.

మీరెప్పుడైనా గమనించారా..? రైల్వే స్టేషన్ లలో ఆగి ఉన్న రైళ్ల ఇంజిన్లు నడుస్తూనే ఉంటారు. వాటిని పూర్తి ఆఫ్ చేయడం అంటూ జరగదు. అయితే, ఇందుకోసం చాలా డీజిల్ ఖర్చవుతు ఉంటుంది.

అయినా సరే.. ఇంజన్లను మాత్రం ఆపివెయ్యరు. ఇంత డీజిల్ వృధా అవుతున్నా.. రైల్వే శాఖ రైళ్ల ఇంజిన్ ను ఎందుకు ఆపివేయదో మీరు ఈ ఆర్టికల్ చదివి తెలుసుకోండి.

డీజిల్ తో నడిచే ప్రతి ఇంజిన్ బ్యాటరీని కలిగి ఉంటుంది.ఇంజిన్ నడుస్తున్నప్పుడు మాత్రమే ఈ బ్యాటరీ ఛార్జ్ అవుతుంది. ఈ బ్యాటరీ ఛార్జ్ చేయకపోతే రైలు యొక్క లోకో మోటివ్ సిస్టమ్ ఫెయిల్ అయిపోతుంది. మార్గంలో రెడ్ లైట్ వచ్చినప్పుడు లేదా ఏదైనా కారణం చేత రైలు యొక్క డీజిల్ ఇంజిన్ ఆపేస్తే ఇంజిన్ ను తిరిగి ప్రారంభించడానికి 20 నిమిషాలు పడుతుంది. ఇదే కాకుండా, మళ్ళీ రైలుని తిరిగి ప్రారంభించాలి అంటే ఇంకా ఎక్కువ డీజిల్ అవసరం పడుతుంది. అందుకే.. ఇంజిన్ ను మాత్రం రన్ లోనే ఉంచుతారు.

ఒకవేళ ఇంజిన్ ను ఎక్కువ సేపు ఆపి ఉంచితే.. బ్రేక్ లైన్లను తిరిగి క్రమబద్దీకరించడానికి మరింత ఎక్కువ సమయం పడుతుంది. రైళ్లు, పెద్దవిగా మరియు భారీగా ఉండటంతో, సమర్థవంతంగా ఆపడానికి బ్రేక్ లైన్ పై ఎక్కువ ఒత్తిడి పడుతుంది. ఈ విషయం లో లోకో పైలట్లు ఎప్పుడు రాజి పడరు. ఈ ఒత్తిడి వలన రైలుని తిరిగి ప్రారంభించాలంటే చాలా సమయమే పడుతుంది. మరియు ఎక్కువ డీజిల్ అవసరం అవుతుంది. అందుకే రైల్వే స్టేషన్లలో కానీ, మరే ఇతర కారణాల వలన కానీ అంత తొందరగా రైలు ఇంజిన్ ను ఆపివేయరు.

మరొక విషయం ఏమిటంటే.. రైలు కదపకుండా కేవలం ఇంజిన్ ను మాత్రమే ఆన్ చేసి ఉంచితే డీజిల్ చాలా తక్కువ ఖర్చు అవుతుంది. అదే ఇంజిన్ ను ఆపివేసి తిరిగి ఆన్ చేయాలి అంటే చాలా ఎక్కువ అవసరం పడుతుంది. దీనికంటే, ఇంజిన్ ను ఆపకుండా ఉండడమే మేలు కదా.. ఇటీవల కాలం లోని రైళ్లకు ఆక్సిలరీ పవర్ యూనిట్ (ఎపియు) సాయం తో ఇంధన వినియోగాన్ని తగ్గిస్తున్నారు. ఈ వ్యవస్థ విమానాలలో కూడా ఉంటుంది. అనవసర డీజిల్ వినియోగాన్ని ఇది తగ్గిస్తుంది.

శ్రీరస్తు-శుభమస్తు-ఆశీర్వమస్తు అని ప్రస్తుత పెళ్లి ఆహ్వాన పత్రికలో చూస్తుంటాం దానికి భిన్నంగా 2వ ప్రపంచ యుద్ధ సమయంలోని పెళ్లి ఆహ్వాన పత్రిక చూస్తే అప్పటి ఆర్థిక పరిస్థితి కూడా తెలుస్తుంది.

]మే 9, 1946 న ప్రచురించిన ఈ పత్రికలో ‘శ్రీరస్తు-శుభమస్తు-అవిఘ్నమస్తు’ అని ఉండాల్సిన చోట, ‘శాంతి-స్వాతంత్ర్యం-అభ్యుదయం’ అనే జాతీయోధ్యమ నినాదాలతో ఆ పత్రికను ముద్రించారు.

ఆహ్వాన పత్రిక మొదటి లైన్ లో ‘వందేమాతరం’ అనే జాతీయోద్యమ నినాదానం చూస్తుంటే 2వ ప్రపంచ యుద్ధంలో భారతదేశ ప్రమేయం, ఆ పరిస్థితుల్లో దేశంలోని పౌరుల ఆలోచనలు ఎలా ఉన్నాయో ఊహించుకోవచ్చు. ఆహ్వాన పత్రిక చివర్లో ‘దయచేసి మీ రేషన్ బియ్యం ముందుగా పంపాలని కోరుచున్నాం’ అనే లైన్ చూస్తుంటే, ఆ సమయంలో ఆర్థిక పరిస్థితి ,నిత్యవసరాల కొరత వల్ల ప్రజలు ఎన్ని ఇబ్బందులు అనుభవించారో అర్థం చేసుకోవచ్చు.. తాడంకి గ్రామంలో జరిగిన ఓ పెళ్లిలో ఇలా పెళ్లి పత్రకను ముద్రించి బంధువుల్ని, స్నేహితుల్ని ఆహ్వానించారు.

ఈ పెళ్లి పత్రిక మీద కనకమేడల సుబ్బయ్య అనే వ్యక్తి తన సోదరుడు పెళ్లికి పిలుస్తున్నట్లు ఉంది. సోదరుడు శ్రీరాములు అలాగే ఎలమంచి సుబ్బయ్య గారి కూతురు అయిన కృపావతి పెళ్లి చేసుకుంటున్నారు అని ఇందులో రాసి ఉంది. ఈ పెళ్లి ఆహ్వాన పత్రిక ఇన్ని సంవత్సరాల తర్వాత బయటికి వచ్చింది. ఇదంతా చూస్తుంటే నిజంగా అప్పటి పరిస్థితి ఎలా ఉందో అని అనిపిస్తుంది.

అలాంటి పరిస్థితి నుండి ఇప్పుడు మనం ఉన్న పరిస్థితికి రావడానికి, అలాగే మన దేశానికి స్వతంత్రం తీసుకురావడానికి అప్పుడు ఉన్న సంఘసంస్కర్తలు అలాగే స్వతంత్ర పౌరులు మన కోసం ఎంత పోరాడారో, ఎంత మంది తమ ప్రాణాలను సైతం త్యాగం చేశారో ఇప్పటికీ గుర్తుతెచ్చుకుంటూనే ఉన్నాం. అప్పుడు కేవలం ఆర్థికంగా మాత్రమే కాదు ఆలోచన విధానం ఇంకా మిగిలిన విషయాల్లో కూడా ప్రజలలో మార్పు తేవడానికి చాలామంది కృషి చేశారు. వారి వల్ల ప్రజల ఆలోచనా తీరు కూడా చాలా మారింది. వారిని ఇప్పటికీ స్మరించుకుంటూనే ఉన్నాం.