Off Beat

స్మార్ట్ ఫోన్ వచ్చాక మన జీవితాల్లో చాలా మార్పులు వచ్చాయి. చాలా పనులను మనం ఫోన్ లోనే పూర్తి చేసుకుంటూ ఉంటున్నాం. ముఖ్యమైన డాక్యుమెంట్స్, కాంటాక్ట్స్.. ఇలా మన ఫోన్ లోనే ఉంటాయి. స్మార్ట్ ఫోన్ లేకపోతే మనకి ఒక్క రోజు కూడా గడవని పరిస్థితి వచ్చేసింది.

అయితే.. పొరపాటున స్మార్ట్ ఫోన్ పోతే..? ఎక్కడో పోతే మనం చేసేది ఏమీ ఉండదు కొత్త ఫోన్ కొనుక్కోవడం తప్ప. కానీ.. ఫోన్ ను ఇంట్లోనే పెట్టి.. ఎక్కడ పెట్టామో మర్చిపోతే?

రింగ్ ఇస్తే కనపడుతుందిగా అని అంటారా..? మరి ఆ ఫోన్ సైలెంట్ లో ఉంటె ? కష్టమే కదా.. ఫోన్ ఇంట్లోనే ఉండి.. ఎక్కడ ఉందొ తెలియకపోతే వచ్చే ఇబ్బంది మాములుగా ఉండదు. అది సైలెంట్ లో ఉండి ఉంటె ఎక్కడ ఉందొ వెతుక్కోవడం కూడా కష్టం అయిపోతుంది. ఇలాంటప్పుడే ఓ చిన్న ట్రిక్ తో మీ ఫోన్ ఎక్కడ ఉందొ వెతికేయచ్చు.

మీ లాప్టాప్ లేదా మరో ఆండ్రాయిడ్ మొబైల్ లో జిమెయిల్ లో లాగిన్ అవ్వండి. మీ ఫోన్ లో ఏ జిమెయిల్ అకౌంట్ ఉపయోగిస్తున్నారో.. లాప్టాప్ లో కూడా అదే జిమెయిల్ అకౌంట్ లో లాగిన్ అవ్వాలి. తర్వాత గూగుల్ లో ఆండ్రాయిడ్ డివైస్ మేనేజర్ వెబ్సైటు ఓపెన్ చేయాలి. మీ మొబైల్ ఎక్కడ ఉందొ కనిపిస్తుంది. ఇంకా ఫోన్ కు సంబంధించిన బాటరీ, నెట్వర్క్, ఫోన్ పేరు కనిపిస్తాయి. అక్కడే ప్లే సౌండ్, సెక్యూర్ డివైస్, ఎరేస్ డివైస్ అనే మూడు ఆప్షన్స్ కనిపిస్తాయి. ప్లే సౌండ్ డివైస్ ను క్లిక్ చేస్తే మీ ఫోన్ రింగ్ అవుతుంది. అప్పుడు మీ ఫోన్ ఎక్కడ ఉందొ గుర్తుపట్టొచ్చు. మీ ఫోన్ పోయినప్పుడు కూడా లొకేషన్ కోసం ఇలా ట్రై చేయవచ్చు. కానీ మీ ఫోన్ ఆన్ లో ఉన్నప్పుడు మాత్రమే ఇది సాధ్యం అవుతుంది.

అమెరికా మరియు ఇతర దేశాల మధ్య చాలా విషయాలలో చాలా కాలంగా వ్యత్యాసాలు ఉంటూ వస్తున్నాయి. అయితే భారత్ తో సహా ప్రపంచ దేశాలు వాడే కరెంటుకు.. అమెరికా వాడే కరెంటుకు చాలా వ్యత్యాసం ఉంది. అయితే ఈ వ్యత్యాసం ఎందుకు ఉంటుంది?

అమెరికాలో ఉపయోగించే కరెంటుకు భారత్ వంటి ఇతర దేశాలు ఉపయోగించే కరెంటు వేరుగా ఉంటాయి అన్న సంగతి తెలియదు. అయితే.. ఇలా ఎందుకు తేడా ఉంటుందో ఇప్పుడు తెలుసుకుందాం.

ఈ విషయం తెలియాలి అంటే.. ముందు కరెంటు వాడకంలో కొన్ని కీలక విషయాలు తెలిసి ఉండాలి. ఎక్కువ వోల్టేజి కరెంటు పాస్ అవుతున్నప్పుడు.. విద్యుత్ పరికరాలలో వాడే ఆవాహకాలు మేలు రకానివి అయ్యుండాలి. లేకపోతే వాటిని వినియోగిస్తున్న సమయంలో షాక్ కొట్టే అవకాశం ఉంటుంది. ఒకప్పుడు మంచి విద్యుత్ వాహకాలు అందుబాటులో లేవు. అదీకాకుండా అప్పట్లో కేవలం లైట్లు వెలిగించడం కోసమే విద్యుత్ వాడేవారు.

అయితే.. ప్రస్తుతం ఇతర అవసరాల కోసం కూడా విద్యుత్ ను వాడాల్సి వస్తోంది. ఒకప్పుడు కేవలం 110 వోల్ట్ కరెంటును మాత్రమే వినియోగించే వారు. కానీ, ప్రస్తుతం.. వాహకాలు కూడా అభివృద్ధి చెందడంతో ఈ వోల్టేజీని పెంచి వినియోగిస్తున్నారు. మొదట ఐరోపాలో విద్యుత్ వాడకం పెరిగాక.. 230 /240 వోల్టుల విద్యుత్ ను ఎంచుకున్నారు. ఈ వోల్టేజి దగ్గర మేలు రకం వాహకాలు బాగా పని చేస్తుండడంతో భారత్ తో సహా ఇతర దేశాలు కూడా ఈ వోల్టేజీని వినియోగిస్తున్నాయి. అయితే.. అమెరికా మాత్రం 110 వోల్ట్ కరెంటునే కొనసాగించింది. అయితే.. ఇప్పుడిప్పుడే అమెరికాలో కూడా మార్పు వస్తోంది. కొత్త ఇంటికి 240 వోల్ట్ కరెంటును సప్లై చేస్తున్నారు. కానీ, అన్ని ప్రాంతాలలోను ఇది ఇంకా అమలు కాలేదు.

జపాన్‌లో, చాలా సందర్భాలలో నేలపై నిటారుగా కూర్చుని భోజనం చేయడం సర్వ సాధారణంగా కనిపిస్తూ ఉంటుంది. అయితే ప్రస్తుతం అక్కడ కూడా మోడరన్ కల్చర్ అభివృద్ధి చెందింది. ప్రస్తుతం అక్కడ కూడా టేబుల్ కల్చర్ కనిపిస్తున్న.. సాంప్రదాయక భోజనాలలో మాత్రం వారు మోకాళ్లపై కూర్చుని తినడం కనిపిస్తూ ఉంటారు.

ఈ పద్దతిలో వారు భోజనం చేసే టేబుల్స్ చాలా చిన్నవిగా ఉంటాయి. మరియు వారు కూర్చునే స్థలంపై టాటామీ మాట్స్ ను పరుస్తారు. దానిపై మోకాళ్లపై కూర్చుని భోజనం చేస్తారు.

కానీ.. ఇలా కూర్చుని భోజనం చేయడం చాలా కష్టం. తక్కువ సమయంలోనే కాళ్ళు పట్టేస్తూ ఉంటాయి. భోజనం చేసేటప్పుడు మరియు టీ తాగే సమయాల్లోనూ ఇలా ఇతర సాంప్రదాయ కార్యక్రమాలలో మోకరిల్లి కూర్చోవడం అనేది అక్కడ ఎప్పటినుంచో ఆచారంగా వస్తోంది.

చాలా మంది జపనీస్ ప్రజలు తినేటప్పుడు మోకరిల్లడానికి ఇష్టపడతారు ఎందుకంటే అది వారికి ఎత్తుగా కూర్చునేందుకు అనువుగా ఉంటుంది. ఇలా మోకరిల్లి కూర్చున్నపుడు వంగి ఉండలేరు కాబట్టి అలా కూర్చున్న వ్యక్తుల భుజాలు మరియు వీపు బలంగా ఉంటాయి మరియు మీ వెన్నెముక నిటారుగా ఉంటుంది. ఆరోగ్య రీత్యా కూడా ఇది మేలు చేస్తుందని వారు భావిస్తారు. అందుకే వారు సాంప్రదాయక భోజనాలలో ఇలా కూర్చుంటూ ఉంటారు.

భారత దేశంలోనే కాకుండా ప్రపంచ మొత్తంలో కూడా ఉన్న బెస్ట్ టూరిస్ట్ స్పాట్స్ లో ఒకటి తాజ్ మహల్. తాజ్ మహల్ గురించి ఎంత చెప్పినా తక్కువే. షాజహాన్ తనకి ముంతాజ్ పై ఉన్న ప్రేమకు గుర్తుగా ఈ తాజ్ మహల్ నిర్మించారు. వేరే దేశంలో ఉన్న వాళ్లకు కూడా భారతదేశం అంటే టక్కున గుర్తుకు వచ్చేది తాజ్ మహల్.

అందుకే ఎన్నో దేశాల నుండి ఎంతో మంది ప్రజలు తాజ్ మహల్ ని చూడడానికి వస్తూ ఉంటారు. ఏ రోజైనా సరే తాజ్ మహల్ దగ్గర సందర్శకుల సంఖ్య ఎక్కువగానే ఉంటుంది. అయితే మీరు ఎప్పుడైనా ఒక విషయం గమనించారా?

సాక్షి కథనం ప్రకారం తాజ్ మహల్ లో ఓ 22 గదులు మూసివేసి ఉంటాయి. వాటిల్లో ఏమి ఉంటాయో ఇప్పటివరకు ఎవరికీ తెలియదు. ఇటీవల ఆ 22 గదులను తెరపించాలంటూ వేసిన పిటిషన్ ను అలహాబాద్‌ హైకోర్టు లక్నో బెంచ్ తిరస్కరించింది. దీనితో ఈ విషయం హాట్ టాపిక్ అయ్యింది. ఈ పిటిషన్ విచారణకు రాకముందే న్యూస్‌ లెటర్‌ జనవరి 2022 పేరిట తాజ్ మహల్ లో మరమ్మత్తులు జరుగుతున్న తాలూకు ఫోటోలను ఆర్కియాలజీ సర్కే ఆప్‌ ఇండియా(ఏఎస్‌ఐ) సోషల్ మీడియాలో హేండిల్ లో విడుదల చేసింది.

దీనితో ఒక్కసారిగా ఈ ఫోటోలు వైరల్ అయ్యాయి. తాజ్ మహల్ పునరుద్ధరించడానికి ముందు ఫోటోలు, తరువాత ఫోట్లను ఏఎస్ఐ విడుదల చేసింది. సున్నపు ప్లాస్టర్‌ రీప్లాస్టర్‌గా స్క్రాప్‌ చేయడం, గోడలను, మెట్లను మర్రమ్మత్తులు చేయడం వంటి ఫోటోలను కూడా విడుదల చేసింది. ఈ ఫోటోలు ఇప్పుడు నెట్టింట్లో తెగ వైరల్ అవుతున్నాయి. తాజ్ మహల్ బయటి వైపున, యమునా నది ఒడ్డున జరుగుతున్న మరమ్మత్తు పనుల తాలూకు ఫోటోలను కూడా పోస్ట్ చేసింది. ఈ ఫోటోలను మీరు కూడా ఈ కింద ట్వీట్ లో చూసేయచ్చు.

Click on the link to download/view the January issue of @ASIGoI's Newsletter.https://t.co/tIJmE46UR4 pic.twitter.com/UKWsTA2nPZ

— Archaeological Survey of India (@ASIGoI) May 9, 2022

సాధారణంగా ఇంటర్వ్యూకి వెళ్ళినప్పుడు చాలా ప్రశ్నలు అడుగుతూ ఉంటారు. వాటిలో మనకి కొన్ని క్లిష్టమైన ప్రశ్నలు కూడా ఎదురవుతూ ఉంటాయి. అయితే ఇంటర్వ్యూకి వెళ్ళినప్పుడు ఇంటర్వ్యు చేసే వ్యక్తి కనుక ఈ ప్రశ్నలు అడిగితే జైలుకు వెళ్లాల్సి వస్తుందట.

అమెరికన్ ఫెడరల్ లా ప్రకారం వ్యక్తిగత గోప్యతకు భంగం కలిగిస్తే దానిని చట్టరీత్యా నేరంగా భావిస్తారు. అయితే ఈ విషయాలపై చాలా మందికి అవగాహన లేదు ఒకవేళ కనుక ఇంటర్వ్యూకి వెళ్ళినప్పుడు ఇంటర్వ్యూ చేస్తే వ్యక్తి కనుక ఈ ప్రశ్నలు అడిగితే ఇంటర్వ్యూ కి వెళ్లిన వ్యక్తి పోలీసులకు ఫిర్యాదు చెయ్యచ్చు. మరి ఆ ప్రశ్నలు ఏమిటి అనేది ఇప్పుడు చూద్దాం.

#1. పెళ్లి అయ్యిందా లేదా?:

పెళ్ళికి సంబందించిన అంశాలని అడగకూడదు. ఇంటర్వ్యూ సమయంలో ఎవరిని కూడా వారి వైవాహిక జీవితం గురించి ఎలాంటి ప్రశ్నలు అడగకూడదు. ఇలా అడగడం అమెరికాలో చట్టరీత్యా నేరం.

#2. అభ్యర్థి వయసు:

అమెరికాలో ఏ ఇంటర్వ్యూలో కూడా 40 సంవత్సరాల కంటే తక్కువ ఉన్న వాళ్ళని వయసు ఎంత అని అడగరు. అలాగే వయసుకు సంబంధించిన ప్రశ్నలు కూడా తీసుకు రారు. 1967ADEA చట్టం ప్రకారం వ్యక్తి యొక్క వయసుకు సంబంధించిన ప్రశ్నలు అడగడం చట్టరీత్యా నేరం. అయితే ఎక్కువగా కంపెనీలో యువకులకు ప్రాధాన్యత ఇస్తారని.. అలాంటి పక్షపాత ధోరణి కలగకుండా ఉండటానికి దీనిని తీసుకువచ్చారు.

 #3. అమెరికా పౌరులు ఏనా:

పౌరసత్వం, ఇమిగ్రేషన్ ని తీసుకుని ఉద్యోగిపై వివక్ష చూపకూడదు. ICRA ప్రకారం ఇది చట్టరీత్యా నేరం. ఇంటర్వ్యూ సమయంలో ఈ ప్రశ్న అడగకూడదు . కానీ తర్వాత అడగొచ్చు.

#4. మీరు గర్భవతా?:

గర్భధారణ స్థితికి సంబంధించి ప్రశ్నలు కూడా అడగకూడదు. ప్రెగ్నెన్సీ డిస్క్రిమినేషన్ యాక్ట్ 1978 ప్రకారం కూడా మహిళని గర్భవత అని అడగకూడదు. అలానే గర్భవతి అవడం వల్ల ఉద్యోగం నుంచి తీయకూడదు. ఒక వ్యక్తి ప్రెగ్నెన్సీ లీవ్స్ తీసుకుంటే అప్పుడు మాత్రమే ఆ విషయాన్ని అడగాలి లేదు అంటే శిక్ష కూడా పడుతుంది.

#5. మతానికి సంబంధించిన ప్రశ్నలు:

ఇంటర్వ్యూ సమయంలో మీరు ఏ మతం అని అడగకూడదు. ఇది కూడా చట్ట రీత్యా నేరం. ఈ ప్రశ్నలు కనుక అమెరికాలో ఇంటర్వ్యూ సమయంలో అడిగితే జైలు శిక్ష పడుతుంది.

భారత దేశంలో అతి పెద్ద రవాణా సంస్థలలో ఇండియన్ రైల్వే ఒకటి. ఇది ప్రభుత్వ పరిధిలోనే నడుస్తుంది. ఇప్పటి వరకు ఇండియాలో నడిచిన రైళ్లన్నీ ప్రభుత్వ ఆధీనంలోనే నడిచాయి. తాజాగా.. ఇండియాలో మొట్ట మొదటిసారిగా ప్రైవేట్ ట్రైన్ అందుబాటులోకి వస్తోంది.

ఈ ట్రైన్ గురించిన విశేషాలను ఇప్పుడు తెలుసుకుందాం. ఈ రైళ్లను సౌత్ స్టార్ రైల్ అనే సంస్థ నడుపుతుంది. ఈ ట్రైన్ లో ట్రైనింగ్ ఇవ్వబడిన కీపర్స్ ఉంటారు. వీరు ట్రైన్ ను మధ్య మధ్యలో శుభ్రం చేస్తుంటారు.

ప్రత్యేకమైన షెఫ్ లతో వండించిన వెజిటేబుల్ వంటకాలు ప్రయాణికులకు అందుబాటులో ఉంటాయి. ఈ ట్రైన్స్ లోనే శిక్షణ పొందిన ఓ వైద్యుడు, వైద్య సహాయకులు ఉంటారు. ట్రైన్ లో ఏదైనా అత్యవసరమైన పరిస్థితిలో వీరు చికిత్స అందిస్తారు. తిరుపూర్ నుంచి షిరిడి వెళ్ళు మార్గంలో ఈ ట్రైన్ అందుబాటులోకి రాబోతోంది.

రెగ్యులర్ ఇండియన్ రైళ్ళకి ఏవిధమైన చార్జీలు వసూలు చేస్తారో.. ఈ రైళ్లకు కూడా అదే చార్జీలు ఉంటాయని తెలుస్తోంది. రైలు బోగీలలో స్పీకర్లు ఉంటాయి. రేడియో జాకీ అందుబాటులో ఉంచారు. జర్నీ లో ప్రయాణికుల కోసం భక్తిగీతాలు, లైవ్ ఇంటర్వ్యూలు, స్పిరిట్యుయల్ స్టోరీస్ ను ప్రసారం చేయనున్నారు.

రోజురోజుకీ ఎండల మండిపడినట్లు గ్యాస్ సిలిండర్ ధరలు కూడా మండిపోతున్నాయి. వెయ్యి రూపాయలు తగ్గేదే లేదు అన్నట్లు గ్యాస్ సిలిండర్ ధర కొండెక్కి కూర్చుంటుంది. గ్యాస్ ని ఎంత పొదుపుగా వాడితే మనకు అదనపు ఆర్ధిక భారం తగ్గినలే లెక్క .

ఇక ఎలా పడితే అలా గ్యాస్ ను మనం వినియోగిస్తే మన జేబులకు చిల్లులు పడినట్టులే. మనం గ్యాస్ ని ఎంత పొదుపుగా వినియోగిస్తే అంత మేలు అనే విషయాన్ని ప్రతి ఒక్కరూ తెలుసుకోవాలి.

వంట ఉండే ఆడవాళ్ళతో సహా ఇంట్లో ఉండే ప్రతి ఒక్కరు సహకరిస్తేనే గ్యాస్ సిలిండర్ కు అయ్యే ఎక్కువ ఖర్చును అదుపులో ఉంచుకోగలరు. మరి ఏ చిట్కాలు పాటిస్తే గ్యాస్ సిలిండర్ ఆదా చేయగలమో మనం ఇప్పుడు తెలుసుకుందాం.

#1.

ప్రతి ఒక్కరూ పప్పు ధాన్యాలు, బియ్యం  శుభ్రం చేసిన వెంటనే గ్యాస్ స్టవ్ మీద పెట్టి చూస్తూ ఉంటాం. ఇలా చేయడం వల్ల ఉడకడానికి ఎక్కువ టైం పడుతుంది. దీనివలన గ్యాస్ ఎక్కువగా ఖర్చు అవుతుంది. అలా కాకుండా  పప్పు ధాన్యాలను, బియ్యాన్ని కొంచెం సేపు నానబెట్టి వండడం ద్వారా గ్యాస్ వృధా కాకుండా ఆదా అవుతుంది.

#2.

ఏదేనా వండేముందు వంటకు కావలిసిన కూరగాయలు అన్ని ముందే కట్ చేసుకొని రెడీగా ఉంచుకోవటం మంచిది. ఎందుకంటే స్టవ్ పైన కాలాయి పెట్టి అవసరమైన వాటికోసం ఎక్కువసార్లు తిరగటం వలన గ్యాస్ వృధా అవుతుంది.

#3.

ఎక్కువసేపు ఉడకడానికి టైం పాటే మాంసం, దుంపలు, పప్పులు వంటివి ప్రెషర్ కుక్కర్ లో ఉడికించుకోవటం మంచిది. దీనివలన టైం మరియు గ్యాస్ రెండు ఆదా అవుతాయి.

#4.

కొందరు కూరలు ఉడికే సమయంలో వాటిపైన మూత వేయకుండా వండుతూ ఉంటారు. అలానే మరికొందరు కూరలు ఉడుకుతునప్పుడు పదే పదే మూత తీసి చూస్తూ ఉంటారు. ఎలా చేయడంవలన కూరలో వున్నా నీరు త్వరగా ఆవిరి అయిపోయి కూర సరిగ్గా మగ్గాదు. దీనికోసం మరల కూరలో నీరుపోసి ఉడికిస్తాం. ఇందుకుగాను అదనపు గ్యాస్ ఖర్చు అవుతుంది.

#5.

కొందరు కూరలు త్వరగా ఉడుకుతాయి అనే భావనతో స్టవ్ ని హై ఫ్లేమ్ లో పెట్టి ఉడికిస్తూవుంటారు. ఇలా హై ఫ్లేమ్ లో వండటం వలన కూర ఉడకకపోగా అదనంగ గ్యాస్ వేడి బయటకిపోతుంది. గ్యాస్ వృధా కాకుండా వుండాలి అంటే స్టవ్ పై పెట్టిన పాత్రకు సరిపడే ఫ్లేమ్ లో మంటను పెట్టుకోవాలి.

ఇలా సరిఅయిన చిన్న చిన్న చిట్కాలు పాటించడం ద్వారా గ్యాస్ వృధాకాకుండా మరియు మనపై అదనపు ఆర్ధిక భారం పడకుండా జాగ్రత్తపడవచ్చు.

పెళ్లి అనేది ఎవరికైనా ముఖ్యమైన ఘట్టమే. తమ జీవితాన్ని పంచుకోబోయే వారిని ఆహ్వానిస్తూ.. కుటుంబ సభ్యులందరి సమక్షం లో చేసుకునే అందమైన వేడుకే పెళ్లంటే. పెళ్లి అనగానే ఎక్కడలేని సందడి వచ్చేస్తుంది. పెళ్లి కూతురు, పెళ్లి కొడుకు.. ఇద్దరినీ ఇరు కుటుంబాల వారు అందం గా ముస్తాబు చేస్తారు. అసలు కళ అంత వారి కళ్ళలోనే ఉందా అన్నట్లు ఉంటుంది. పెళ్లి ఘడియల ముందు.. పెళ్లికూతురు మోములో సిగ్గు.. అబ్బాయి కళ్ళలో ఆనందం.. ఇవే కదా అసలు పెళ్లి వేడుకకు సందడి తీసుకొచ్చేది.

అయితే.. పెళ్లి కూతురు అయినా, పెళ్లి కొడుకు అయినా వేడుక సమయంలో కళగా, అందం గా కనిపించాలని కోరుకోవడం సహజమే. అందుకోసం పెళ్ళికి రెండు మూడు నెలల ముందే ప్లాన్స్ వేసుకుంటూ ఉంటారు. ఏ బట్టలు వేసుకోవాలి దగ్గరనుంచి, ఎలా రెడీ అవ్వాలి, ఎవరి దగ్గర మేకప్ వేయించుకోవాలి, ఏ క్రీమ్స్ వాడాలి..? ఇలా అన్ని తెగ స్టడీ చేసేసి.. అన్నిటిని స్టార్ట్ చేసేస్తారు.

ఇదంతా సరే.. కానీ ఆరోగ్యం? దీని గురించి అందరు మర్చిపోతారు. తమకేంటి..? బాగానే ఉన్నాం కదా అని అనుకుంటూ ఉంటారు. బరువు గా ఉన్న వారైతే బరువు తగ్గాలి అని తెగ ట్రై చేస్తూ ఉంటారు. ఇవన్నీ పక్కన పెడితే పెళ్ళికి ఆరు రోజుల ముందు మాత్రం కొన్ని పనులను అస్సలు ట్రై చెయ్యకండి. అవి ఏంటో.. ఎందుకో.. మనం ఇప్పుడు చూద్దాం.

పెళ్ళిలో అందం గా అలంకరించుకుంటాం కదా.. అలాగే జుట్టు విషయం లో కూడా ఎంతో కేర్ తీసుకుంటాం. కొంతమంది రంగు వేసుకునే వారు కూడా ఉంటారు. వీరు పెళ్ళికి సమయం దగ్గర పడుతున్న టైం లో వేసుకోకపోవడమే ఉత్తమం. ఎందుకంటే.. ఒకవేళ ఏదైనా తేడా జరిగినా.. ఆ జుట్టు రంగుని మార్చలేము. పెళ్ళిలో అది మరింత ఇబ్బంది గా కనబడుతుంది.

ఇక పెళ్లి ఫిక్స్ అయ్యిందని చెప్పగానే.. ఫ్రెండ్స్ అంతా బ్యాచిలర్ పార్టీ అడగడం సహజమే. చాలా మంది ఇది పెళ్ళికి ముందు ప్లాన్ చేస్తారు. పెళ్ళికి ముందు రోజు రాత్రి తాగడం వంటి పనులు చేస్తుంటారు. ఆల్కహాల్ సేవించడం వలన చెమట ఎక్కువ గా పడుతుంది. పెళ్ళికి కనీసం వారం రోజుల ముందు ఆల్కహాల్ ను సేవించడం మానేయడమే మంచిది. లేదంటే పెళ్లి వేడుకలో ఎక్కువగా చెమట పట్టి చిరాకు కలుగుతూ ఉంటుంది.

పెళ్ళికి గడువు దగ్గరపడుతున్న టైం లో అందం గా కనిపించడం కోసం ఎలాంటి చర్మ సంరక్షణ చికిత్సలు తీసుకోవద్దు. ఇవి సక్సెస్ అయితే చర్మం మృదువుగా మారి బాగానే ఉంటుంది. కానీ, ఫెయిల్ అయితే మాత్రం పెళ్ళిలో ముఖం అందవికారం గా కనిపిస్తూ ఉంటుంది. అలాగే కొత్త కొత్త క్రీమ్స్ వంటివి రాయకపోవడమే మంచిది. అవి చర్మానికి పడకపోతే అలెర్జి వచ్చి ఇబ్బంది అవుతుంది.

అలాగే.. కొత్త కొత్త వ్యాయామాల జోలికి పోకుండా.. రెగ్యులర్ గా అలవాటు ఉన్న వ్యాయామాలు మాత్రమే చేయాలి. ఎందుకంటే.. ప్రయోగాలు చేయడం వల్ల ఏమైనా ఒంటినొప్పులు ఎదురైతే.. వాటి తాలూకు ఇబ్బంది మీ ముఖం లో కనిపిస్తుంది. పెళ్లి దగ్గరపడుతున్న కొద్దీ.. పనులు ఎక్కువ గానే ఉంటాయి. వాటిని బాలన్స్ చేసుకుంటూ సమయానికి నిద్రపోవాలి. నిద్ర తక్కువయినా ముఖం కళా విహీనం గా కనిపిస్తుంది.