Off Beat

మనిషి బతకడానికి ముఖ్యంగా కావలసింది గాలి, నీరు, ఆహారం. గాలి తర్వాత జీవకోటికి అత్యంత అవసరమైన ప్రకృతి వనరు నీరు. మీరు లేనిదే జీవనం ముందుకు సాగదు. పంచభూతాలలో ప్రధానమైనది నీరు. ఆహారం తినకుండా వారం రోజులైనా బతకగలంఏమోగానీ, ఒక్క నీటి చుక్క తాగకుండా గంట కూడా ఉండలేము.

మనిషి ప్రతి నిత్యావసరాలకు నీరు ఎంతగానో ఉపయోగపడుతుంది. కానీ ప్రస్తుత కాలంలో నీరు కలుషితమైపోతుంది. ప్రకృతి నుంచి లభించే ఈ నీరు నేరుగా తాగడానికి భయం వేసి, మినరల్ బాటిల్స్ రూపంలో కొనుక్కుని మన దాహార్తిని తీర్చుకుంటాం.

ఇంతకీ విషయం ఏంటంటే మనం ఏదో ఒక టైంలో వాటర్ బాటిల్ ను కొనుక్కొని నీటిని తాగుతూ ఉంటాము. మనం ప్రయాణం చేసే సమయాలలోను, బయటికి వెళ్లినప్పుడు రైల్వే స్టేషన్ లోను,  బస్టాండ్ లోనో వాటర్ బాటిల్స్ కొనుక్కొని తాగుతుంటాము.

అయితే మనం తాగే ప్లాస్టిక్ వాటర్ బాటిల్ ని ఎప్పుడైనా గమనించారా.. ఒక్కొక్క కంపెనీ బాటలు ఒక్కో విధంగా లైన్లు ఉంటాయి. ఇలా ఎందుకు ఉంటాయో మీరు ఎప్పుడైనా ఆలోచించారా. అసలు ఆ విధంగా లైన్లు ఎందుకు ఉంటాయో మీకు తెలుసా..

#1.

మొదటి విషయం ఏంటంటే ఇలా లైన్స్ వేయడం వలన  వాళ్ళ ఆ కంపెనీ యొక్క బ్రాండ్ ని పెంచుకుంటారు.  అంటే ఇలా బాటిల్ పై లైన్స్ డిజైన్ చేయడం వల్ల ఆ  బాటిల్ చూడడానికి ఆకర్షణీయంగా ఉంటుంది. దీనివలన బాటిల్స్ అనేవి ఎక్కువగా అమ్ముడుపోతూ ఉంటాయి. ఇందువలన బాటిల్ తయారు చేసే కంపెనీ వాళ్ళు ఆ బాటిల్ పైన లైన్స్ ని డిజైన్ చేస్తూ ఉంటారు.

#2.

ఇక రెండో విషయం ఏంటంటే నీరు త్రాగడానికి ఉపయోగించే ప్లాస్టిక్ బాటిల్ అనేవి చాలా పలచగా తయారు చేస్తూ ఉంటారు. ఒకవేళ ఈ ప్లాస్టిక్ బాటిల్ పైన లైన్స్ కనుక లేకపోతే, ఈ ప్లాస్టిక్ బాటిల్ అనేవి ఎక్కడైన నీటి ప్రదేశం పడివేసినప్పుడు నీటిలో మునిగి పోయే అవకాశం ఉంటుంది.

దీనివలన వాటర్ పొల్యూషన్ అయ్యే అవకాశం ఎక్కువగా ఉంటుంది. అందువలనే తయారు చేసే కంపెనీ వారు బాటిల్స్ నీటిలో మునగకుండా బాటిల్స్ పైన  లైను డిజైన్ చేస్తారు.

#3.

ఇంకా మూడవ ముఖ్య విషయం ఏమిటంటే మనం బాటిల్ ను పట్టుకోవడానికి అనువుగా ఉండటానికి ఈ లైన్స్ అనేవి ఫిక్స్ చేస్తారు.

ఇంట్లో చాలా మంది ఎదుర్కొనే సమస్య చీమలు. ఇవి చూడడానికి చిన్నగానే ఉన్నా… ఇల్లంతా తిరుగుతూ భలే చిరాకు తెప్పిస్తూ ఉంటాయి. ఇల్లంతా సర్దడం ఒకెత్తయితే.. వంటిల్లు ఒక్కటీ సర్దడం మరొక ఎత్తు. ఎంత సర్దుకున్నా చీమల బెడద ఉండనే ఉంటుంది. తినే ఆహారపదార్ధాల చుట్టూ ఈ చీమలు చేరి పాడు చేస్తుంటాయి.

అందుకే చిన్న చిన్న టిప్స్ తో ఈ సమస్యకి శాశ్వత పరిష్కారాన్ని కనుక్కోండి. ఇంట్లో ఉండే వాటితోనే ఈ చీమలను తరిమి కొట్టేయండి. ఇంతకీ ఆ టిప్స్ ఏంటో ఇప్పుడు చూసేయండి.

ఇంట్లో ఉండే సుద్దముక్క చీమలను తరిమి కొట్టడంలో కీలక పాత్ర పోషిస్తుంది. సుద్దముక్కలో ఉండే కాల్షియమ్ కార్బోనేట్ చీమలను ఇరిటేట్ చేస్తుంది. అందుకే చీమలు తిరిగే చోట సుద్దముక్కతో గీతలు గీస్తే చీమలు దూరంగా పారిపోతాయి. ఇక స్వీట్లను చూస్తే వదిలిపెట్టని చీమలు మిరియాలను చూస్తే మాత్రం చిరాకుపడతాయి. అవి తిరిగే చోట నల్ల మిరియాల పొడి చల్లితే చీమలు అక్కడ నుంచి వెళ్లిపోతాయి.

అలాగే దాల్చిన చక్క వాసనకు కూడా చీమలు దూరంగా పోతాయి. చీమలు తిరిగే చోట దాల్చిన చక్కను పొడి చేసి ఆ పొడిని చల్లితే చీమలు రాకుండా ఉంటాయి. దాల్చిన చక్క దాదాపు అందరి ఇళ్లలోనూ ఉంటుంది. ఇక పసుపు వాసనకి కూడా చీమలు దూరంగా పోతాయి. చీమలు తిరుగుతున్న చోట్ల పసుపుని చల్లితే.. ఆ వాసనకి చీమలు దూరంగా పోతాయి.

మనకి తెలియకుండా చాలా విషయాలు ఉంటాయి. కొత్త విషయాలని తెలుసుకోవడం చాలా ముఖ్యం. కొత్త విషయాలని మనం తెలుసుకోవడం వలన మన యొక్క జ్ఞానం మరింత పెరుగుతుంది. అయితే ఈ రోజు మనం ఒక ఇంట్రెస్టింగ్ టాపిక్ ని చూసేద్దాం.

అదేంటంటే.. పెట్రోల్ రాత్రిపూట కొట్టించుకుంటే ఎక్కువ వస్తుందా…? దీని వెనుక కారణం ఏమిటి..? అనేది. మరి ఇక ఆలస్యం ఎందుకు ఈ ఆర్టికల్ గురించి ఇప్పుడే చూద్దాం.

సాధారణంగా ఎక్కువ మంది పెట్రోల్ ని లేదా డీజిల్ ని ఉదయం పూట కొట్టించుకుంటూ ఉంటారు. ముఖ్యంగా ఉదయం 6 గంటల తర్వాత పెట్రోల్ లేదా డీజిల్ ని కొట్టించుకోవడం జరుగుతుంది. అయితే ఉదయం 6 గంటల కంటే ముందు మరియు రాత్రిపూట పెట్రోల్ ని కొట్టించుకోవడం మంచిదట. దీని వెనక చాలా పెద్ద కారణం ఉంది. అదేమిటో ఇప్పుడు మనం చూద్దాం.

పెట్రోల్ సూర్యుడి వేడికి ఎక్స్పాండ్ అవుతుంది. దీనితో పెట్రోల్ యొక్క డెన్సిటీ తగ్గుతుంది. ఒక వేళ ఒక లీటర్ పెట్రోల్ మీరు కొట్టించుకున్నట్లయితే దాని కంటే తక్కువ పెట్రోల్ మాత్రమే మీకు వస్తుంది. అదే ఒకవేళ మీరు ఉదయం ఆరు కి ముందు లేదా రాత్రిపూట పెట్రోల్ లేదా డీజిల్ ని కొట్టించుకుంటే ఎక్కువ పెట్రోల్ లేదా డీజిల్ వస్తుంది.

కానీ సహజంగా చాలా పెట్రోల్ బంకులలో పెట్రోల్ లేదా డీజిల్ ని అండర్ గ్రౌండ్ లోని స్టోర్ చేయడం జరుగుతుంది. పైగా వాటి మీద పెద్ద పెద్ద కాంక్రీట్ లేయర్లు ఉంటాయి. ఇది నిజంగా మంచి ఇన్సులేటర్ లాగ పని చేస్తుంది. దీనితో సూర్యుడి వేడి దానికి తగలదు. అలానే డెన్సిటీ తగ్గదు. పెట్రోల్ లో మార్పు కూడా రాదు. కాబట్టి ఉదయం ఆరు గంటలు ముందు పెట్రోల్ ని కొట్టించుకోవాలి అని కానీ, రాత్రిపూటే పెట్రోల్ ని కొట్టించుకోవాలి అని కానీ రూల్ ఏమి లేదు. ఎప్పుడైనా కొట్టించుకోచ్చు.

మన దేశం సంస్కృతికి పెట్టింది పేరు. ప్రపంచంలో ఎన్నో దేశాల నుండి ఎంతో మంది మన దేశాన్ని మన దేశంలో ఉన్న ప్రముఖ కట్టడాలని చూడడానికి వస్తూ ఉంటారు. ఒక రోజుకి మన దేశానికి ఎంతో మంది టూరిస్టులు వస్తారు. మనం ఏదైనా ఒక ప్రముఖ కట్టడం చూడడానికి వెళ్తే అక్కడ చాలా మంది విదేశీయులే ఉంటారు.

అయితే విదేశీయులకి మన దేశం గురించి ఎక్కువగా తెలియదు. ఈ విషయాన్ని గ్రహించిన కొంత మంది వారిని మోసం చేయడానికి ప్రయత్నిస్తూ ఉంటారు. దానికి ఉదాహరణ ఇప్పుడు మీరు చదవబోయే సంఘటన. ఈ సంఘటన ఢిల్లీలో జరుగుతోంది. ఢిల్లీ చూడడానికి వచ్చిన టూరిస్ట్ కాలి మీద కుక్క పెంట పడుతుంది.

అంతలో అదే ప్రదేశానికి చెందిన ఒక వ్యక్తి వచ్చి ఆ టూరిస్ట్ తో “మీరు అదృష్టవంతులు. ఎందుకంటే ఇది మీ తల మీద పడలేదు” అని చెప్పి, పక్కనే క్లీన్ చేసుకోవడానికి వీలు ఉంది అని చెప్పి తీసుకెళ్తాడు. అక్కడ ఉన్న ఒక వ్యక్తి టూరిస్ట్ షూ తీసుకొని ఆ షూ మీద ఉన్న కుక్క పెంట క్లీన్ చేస్తాడు. అలా క్లీన్ చేసినందుకు ఆ వ్యక్తి అడిగే మొత్తం 2,500 రూపాయలు.

దాంతో ఆ టూరిస్ట్ ని అక్కడికి తీసుకొచ్చిన వ్యక్తి “అతను కావాలనే ఎక్కువ అడుగుతున్నాడు. మీరు 900 కంటే ఎక్కువ ఇవ్వకండి” అని చెప్తాడు. చివరికి బేరమాడి క్లీన్ చేసినందుకు 800 రూపాయలు ఇచ్చేలా చేస్తారు. ఇలా ఢిల్లీ చూడడానికి వచ్చే ఎంతో మంది టూరిస్టులను ఇలాగే మోసం చేస్తారు. ఈసారి మీరు కూడా ఢిల్లీ వెళ్ళినప్పుడు కొంచెం జాగ్రత్తగా ఉండండి.

watch video :

కొన్ని సంవత్సరాల క్రితం హైదరాబాద్ లో ఉండే చాలా మందికి అలాగే, హైదరాబాద్ కి వచ్చిన వారికి ఇక్కడ ఉండే పర్యాటక స్థలాలు, ఇంకా ఫేమస్ ప్లేసెస్ చూడాలి అని ఉండడంతో పాటు ఇంకొక కోరిక కూడా ఉండేది. అదే డబల్ డెక్కర్ బస్ ఎక్కడం. అసలు ఒక వెహికల్ మీద ఇంకొక వెహికల్ ఉండడం ఏంటి? కింద ఉన్న బస్ పైన ఉన్న బస్ బరువుని ఎలా మోయగలుగుతుంది? ఇలా ఎన్నో సందేహాలు వచ్చేవి.

చాలా మంది ఎప్పుడో ఒక సారి డబల్ డెక్కర్ బస్ ఎక్కే ఉంటారు. చాలా మంది ఎక్కి కూడా ఉండరు. కానీ కొంత కాలం నుండి ఈ డబల్ డెక్కర్ బస్సులు కనిపించడం లేదు. హైదరాబాద్ లో డబల్ డెక్కర్ బస్సులను తిరిగి ప్రారంభించాల్సిందిగా ఇటీవల ఒక నెటిజన్ కోరగా, దీనికి కేటీఆర్ స్పందించి రవాణా శాఖ మంత్రిని ఈ విషయంపై ఆలోచించవలసిందిగా కోరారు. హైదరాబాద్ లో మళ్లీ డబల్ డెక్కర్ బస్సులు రాబోతున్నాయి అనే వార్త మొదలైంది. అసలు డబల్ డెక్కర్ బస్సులను ఆపివేయడానికి కొన్ని కారణాలు ఉన్నాయి. అవేంటో ఇప్పుడు తెలుసుకుందాం.

#1 ట్రాఫిక్ సమస్యలు

సిటీలు చాలా అభివృద్ధి చెందాయి. ఎల్లప్పుడు రోడ్లు చాలా బిజీగా ఉంటాయి. డబల్ డెక్కర్ బస్సులు చాలా జాగ్రత్తగా, నెమ్మదిగా డ్రైవ్ చేస్తారు. దీని వల్ల ట్రాఫిక్ సమస్యలు తలెత్తే అవకాశాలు ఉంటాయి. అలాగే యావరేజ్ ట్రాఫిక్ స్పీడ్ మీద కూడా ప్రభావం పడుతుంది.

#2 సప్లై పాలసీలో మార్పులు

నగర ఆర్టీసీ కి చెందిన డబల్ డెక్కర్ బస్సులను అశోక్ లేలాండ్ తయారు చేసేవారు. పాలసీలో మార్పుల కారణంగా, 1990 ల మొదట్లో డబుల్ డెక్కర్ బస్సులను ఉత్పత్తి చేయడం ఆపేశారు. అంతే కాకుండా స్పేర్ పార్ట్స్ ఉత్పత్తి కూడా నిలిపివేశారు.

#3 మెయింటెనెన్స్

దాదాపు అన్ని డబుల్ డెక్కర్ బస్సులు 25 సంవత్సరాలకు పైగా నడిచాయి. ప్రతి డబుల్ డెక్కర్‌కు ఇద్దరు టికెట్ కలెక్టర్లు ఉండేవారు. సర్వీసింగ్ కోసం అదనపు స్టాఫ్ అవసరం ఉండే వాళ్ళు. మెయింటెనెన్స్ ఖర్చులు కూడా ఎక్కువగానే ఉండేవి.

#4 ఆర్థిక సమస్యలు

2003-2004 లో ఆర్టీసీ ఆర్థికంగా ఎన్నో ఇబ్బందులు ఎదుర్కొంది. ఆ సమయంలో డబల్ డెక్కర్ బస్సులు కొనడం కొంచెం ఖర్చుతో కూడుకున్న పని.

#5 రోడ్ సెక్యూరిటీ

కొంత కాలం తర్వాత డబల్ డెక్కర్ బస్సులకు చాలా ప్రమాదాలు జరిగాయి. రోడ్డు మలుపులు వచ్చినప్పుడు బస్సుని తిప్పడం కష్టంగా ఉండేది. జనాభా కూడా చాలా పెరిగింది. దాని వల్ల బయటికి వచ్చే వాళ్ల సంఖ్య కూడా పెరిగింది. ప్రమాదాలను నివారించడం అనేది కూడా డబల్ డెక్కర్ బస్సులను ఆపడానికి ఒక కారణం.

#6 ఓవర్ హెడ్ వైర్లు

టెక్నాలజీ పెరుగుతుండటంతో టెలిఫోన్ కనెక్షన్లు, అలాగే జనాభా కూడా ఎక్కువవడంతో ఎలక్ట్రిసిటీ కనెక్షన్లు ఎక్కువ అయ్యాయి. డబల్ డెక్కర్ బస్సు ఎత్తుగా ఉంటుంది కాబట్టి వెళ్తున్నప్పుడు వైర్లు తగిలే అవకాశాలు ఉంటాయి.

సాధారణంగా మనం రోడ్డు మీద వెళ్తున్నప్పుడు మైల్ స్టోన్స్ చూసే ఉంటాం. రోడ్డు మీద ఒక పక్కకి ఒక రాయి మీద ఆ ఊరి పేరు, లేదా ఆ ప్రదేశం పేరు రాసి ఉంటుంది. అలాగే కిలోమీటర్ల నంబర్లు కూడా వేసి ఉంటాయి.

ఇది అందరం గమనించే ఉంటాం. కానీ మీరు ఎప్పుడైనా ఇంకొక విషయం గమనించారా? అదేంటంటే, మైల్ స్టోన్స్ అనేవి రెండు రంగుల్లో ఉంటాయి.

సగానికి పైగా తెలుపురంగు ఉంటే, పైన ఉండే పార్ట్ మాత్రం వేరే రంగులో ఉంటుంది. తెలుపు రంగు అనేది అన్ని మైల్ స్టోన్స్ కి కామన్ గా ఉంటుంది. కానీ తెలుపు రంగుకి కాంబినేషన్ గా వచ్చే రంగు మాత్రం మారుతుంది. అలా మైల్ స్టోన్స్ వేరే వేరే రంగుల్లో ఉండటానికి గల కారణం ఏంటి అంటే.

మైల్ స్టోన్స్ మీద తెలుపు తో పాటుగా ఉండే వేరే రంగు ఆ ప్రదేశాన్ని ఇండికేట్ చేస్తుందట. అంటే ఒకవేళ మీరు ఉన్న ప్రదేశంలో మైల్ స్టోన్ ఎల్లో కలర్ లో ఉంటే మీరు నేషనల్ హైవే మీద ఉన్నారు అని అర్థం.

ఒకవేళ మైల్ స్టోన్ గ్రీన్ కలర్ లో ఉంటే మీరు స్టేట్ హైవే మీద ఉన్నారు అని అర్థం.

ఒకవేళ మైల్ స్టోన్ బ్లాక్, బ్లూ లేదా వైట్ కలర్ లో ఉంది అంటే మీరు సిటీ లేదా డిస్ట్రిక్ట్ లోకి ఎంటర్ అయ్యారు అని అర్థం. అంతేకాకుండా ఆ రోడ్ల మెయింటెనెన్స్ ఆ డిస్ట్రిక్ట్ పరిధిలోకి వస్తుంది లేదా ఆ రోడ్ల మెయింటెనెన్స్ ని కేవలం ఆ సిటీ (సేమ్ సిటీ) అడ్మినిస్ట్రేషన్ చూసుకుంటుంది అని అర్థమట.

ఒకవేళ మైల్ స్టోన్ రెడ్ కలర్ లో ఉంటే మీరు రూరల్ రోడ్ లో ప్రయాణిస్తున్నారు అని అర్థం. ఈ రోడ్లు ప్రధాన్ మంత్రి గ్రామ్ సడక్ యోజన కిందకి వస్తాయట. ఈ విషయం మీలో చాలామంది గమనించే ఉంటారు. ఒకవేళ లేకపోతే మళ్లీ ఎప్పుడైనా ఈసారి మైల్ స్టోన్ చూసినప్పుడు అబ్జర్వ్ చేయండి. అంతేకాకుండా ఒక్కొక్కసారి మనం ఎక్కడ ఉన్నామో అని కన్ఫ్యూజ్ అయినప్పుడు ఈ మైల్ స్టోన్స్ చూసి తెలుసుకోవచ్చు.

స్మార్ట్ ఫోన్ వచ్చాక మన జీవితాల్లో చాలా మార్పులు వచ్చాయి. చాలా పనులను మనం ఫోన్ లోనే పూర్తి చేసుకుంటూ ఉంటున్నాం. ముఖ్యమైన డాక్యుమెంట్స్, కాంటాక్ట్స్.. ఇలా మన ఫోన్ లోనే ఉంటాయి. స్మార్ట్ ఫోన్ లేకపోతే మనకి ఒక్క రోజు కూడా గడవని పరిస్థితి వచ్చేసింది.

అయితే.. పొరపాటున స్మార్ట్ ఫోన్ పోతే..? ఎక్కడో పోతే మనం చేసేది ఏమీ ఉండదు కొత్త ఫోన్ కొనుక్కోవడం తప్ప. కానీ.. ఫోన్ ను ఇంట్లోనే పెట్టి.. ఎక్కడ పెట్టామో మర్చిపోతే?

రింగ్ ఇస్తే కనపడుతుందిగా అని అంటారా..? మరి ఆ ఫోన్ సైలెంట్ లో ఉంటె ? కష్టమే కదా.. ఫోన్ ఇంట్లోనే ఉండి.. ఎక్కడ ఉందొ తెలియకపోతే వచ్చే ఇబ్బంది మాములుగా ఉండదు. అది సైలెంట్ లో ఉండి ఉంటె ఎక్కడ ఉందొ వెతుక్కోవడం కూడా కష్టం అయిపోతుంది. ఇలాంటప్పుడే ఓ చిన్న ట్రిక్ తో మీ ఫోన్ ఎక్కడ ఉందొ వెతికేయచ్చు.

మీ లాప్టాప్ లేదా మరో ఆండ్రాయిడ్ మొబైల్ లో జిమెయిల్ లో లాగిన్ అవ్వండి. మీ ఫోన్ లో ఏ జిమెయిల్ అకౌంట్ ఉపయోగిస్తున్నారో.. లాప్టాప్ లో కూడా అదే జిమెయిల్ అకౌంట్ లో లాగిన్ అవ్వాలి. తర్వాత గూగుల్ లో ఆండ్రాయిడ్ డివైస్ మేనేజర్ వెబ్సైటు ఓపెన్ చేయాలి. మీ మొబైల్ ఎక్కడ ఉందొ కనిపిస్తుంది. ఇంకా ఫోన్ కు సంబంధించిన బాటరీ, నెట్వర్క్, ఫోన్ పేరు కనిపిస్తాయి. అక్కడే ప్లే సౌండ్, సెక్యూర్ డివైస్, ఎరేస్ డివైస్ అనే మూడు ఆప్షన్స్ కనిపిస్తాయి. ప్లే సౌండ్ డివైస్ ను క్లిక్ చేస్తే మీ ఫోన్ రింగ్ అవుతుంది. అప్పుడు మీ ఫోన్ ఎక్కడ ఉందొ గుర్తుపట్టొచ్చు. మీ ఫోన్ పోయినప్పుడు కూడా లొకేషన్ కోసం ఇలా ట్రై చేయవచ్చు. కానీ మీ ఫోన్ ఆన్ లో ఉన్నప్పుడు మాత్రమే ఇది సాధ్యం అవుతుంది.

అమెరికా మరియు ఇతర దేశాల మధ్య చాలా విషయాలలో చాలా కాలంగా వ్యత్యాసాలు ఉంటూ వస్తున్నాయి. అయితే భారత్ తో సహా ప్రపంచ దేశాలు వాడే కరెంటుకు.. అమెరికా వాడే కరెంటుకు చాలా వ్యత్యాసం ఉంది. అయితే ఈ వ్యత్యాసం ఎందుకు ఉంటుంది?

అమెరికాలో ఉపయోగించే కరెంటుకు భారత్ వంటి ఇతర దేశాలు ఉపయోగించే కరెంటు వేరుగా ఉంటాయి అన్న సంగతి తెలియదు. అయితే.. ఇలా ఎందుకు తేడా ఉంటుందో ఇప్పుడు తెలుసుకుందాం.

ఈ విషయం తెలియాలి అంటే.. ముందు కరెంటు వాడకంలో కొన్ని కీలక విషయాలు తెలిసి ఉండాలి. ఎక్కువ వోల్టేజి కరెంటు పాస్ అవుతున్నప్పుడు.. విద్యుత్ పరికరాలలో వాడే ఆవాహకాలు మేలు రకానివి అయ్యుండాలి. లేకపోతే వాటిని వినియోగిస్తున్న సమయంలో షాక్ కొట్టే అవకాశం ఉంటుంది. ఒకప్పుడు మంచి విద్యుత్ వాహకాలు అందుబాటులో లేవు. అదీకాకుండా అప్పట్లో కేవలం లైట్లు వెలిగించడం కోసమే విద్యుత్ వాడేవారు.

అయితే.. ప్రస్తుతం ఇతర అవసరాల కోసం కూడా విద్యుత్ ను వాడాల్సి వస్తోంది. ఒకప్పుడు కేవలం 110 వోల్ట్ కరెంటును మాత్రమే వినియోగించే వారు. కానీ, ప్రస్తుతం.. వాహకాలు కూడా అభివృద్ధి చెందడంతో ఈ వోల్టేజీని పెంచి వినియోగిస్తున్నారు. మొదట ఐరోపాలో విద్యుత్ వాడకం పెరిగాక.. 230 /240 వోల్టుల విద్యుత్ ను ఎంచుకున్నారు. ఈ వోల్టేజి దగ్గర మేలు రకం వాహకాలు బాగా పని చేస్తుండడంతో భారత్ తో సహా ఇతర దేశాలు కూడా ఈ వోల్టేజీని వినియోగిస్తున్నాయి. అయితే.. అమెరికా మాత్రం 110 వోల్ట్ కరెంటునే కొనసాగించింది. అయితే.. ఇప్పుడిప్పుడే అమెరికాలో కూడా మార్పు వస్తోంది. కొత్త ఇంటికి 240 వోల్ట్ కరెంటును సప్లై చేస్తున్నారు. కానీ, అన్ని ప్రాంతాలలోను ఇది ఇంకా అమలు కాలేదు.