Off Beat

ఫైర్ ట్రక్కులు ఎరుపు రంగులో ఉంటాయన్న సంగతి అందరికి తెలిసిందే. అయితే ఇలా ఎరుపు రంగులోనే ఎందుకు ఉంటాయి..? అన్న సందేహం ఎప్పుడైనా కలిగిందా..? అయితే ఈ ప్రశ్నకి సమాధానం ఈ ఆర్టికల్ లో తెలుసుకోండి.

1900లలో ప్రజలు ఎక్కువగా నలుపు-రంగు కార్లను వాడేవారు. రోడ్లలో ఎక్కువగా ఈ కార్లే కనపడేవి. అయితే.. వీటి మధ్యలోనే ఫైర్ ట్రక్స్ ని నడపాల్సి వచ్చేది. అయితే.. ఈ వాహనాలు ఎమర్జెన్సీ వల్ల వేగంగా వెళ్లాల్సిన అవసరం ఉంటుంది.

అందుకే.. ఇవి ప్రయాణం చేసే సమయంలో ఎన్ని వాహనాలు ఉన్నా.. ఇవి ప్రత్యేకంగా కనపడాల్సిన అవసరం ఉంది. అందుకే ఈ వాహనాలను సులువుగా గుర్తించేందుకు వీలుగా ఎరుపు రంగుని ఎంచుకున్నారు. దీనికి మరొక కోణం కూడా ఉంది. రంగుని బట్టి ఒక అస్పష్ట సందేశాన్ని అందించడం కూడా ఈ ఎరుపు రంగుని ఎంచుకోవడం వెనుక ముఖ్య ఉద్దేశ్యం.

ఉదాహరణకు, ఆకుపచ్చ రంగు సాధారణంగా ‘ముందుకు వెళ్లండి’ని సూచిస్తుంది, తెలుపు రంగు శాంతికి సంబంధించిన రంగుగా పరిగణించబడుతుంది మరియు ఎరుపు రంగుని చాలా సందర్భాలలో హెచ్చరికను సంకేతంగా ఉపయోగిస్తారు. అంటే.. ఈ రంగు ట్రక్ ని చూడగానే రోడ్డుపై ఉండే ఇతర వాహనాలు అడ్డు తప్పుకుని ఈ ఫైర్ ఇంజిన్స్ కు దారి ఇస్తాయి. ఈ క్రమంలో అవసరమైన చోటుకు ఈ వాహనాలు త్వరితంగా వెళ్లగలుగుతాయి.

ప్రతి ఒక్కరికి చెప్పడం సాధ్యం కాదు కాబట్టే.. ఇలా రంగుని ఉపయోగించి సంకేతాలను ఇస్తూ ఉంటారు. స్కూల్ బస్సులు కూడా ఎక్కువ పసుపు రంగులో ఉండడానికి ఇదే కారణం. పసుపు రంగు కూడా త్వరగా గుర్తించబడుతుంది. అటువంటి స్కూల్ బస్సుల పక్కన వెళ్లే వారు నిదానంగా బస్సులోని పిల్లలు ఎలాంటి ఆక్సిడెంట్ల బారిన పడకుండా ఉండడానికి ఆ బస్సుకు అడ్డం రాకుండా తమ వాహనాలను నడుపుకుంటారు.

పెళ్లి అనేది ఒక వ్యక్తి పర్సనల్ ఛాయిస్. అందరికీ ఒక పర్టిక్యులర్ వయసులోనే పెళ్లి చేసుకోవాలని అనిపించదు. కొంత మందికి పెళ్ళికంటే ముఖ్యమైనవి చాలా ఉంటాయి. కెరీర్ లో ఒక స్టేజ్ కి వచ్చి, వాళ్ళు అనుకున్నది సాధించిన తర్వాత పెళ్లి చేసుకుందాం అనుకునేవాళ్లు చాలా మంది ఉంటారు. అయితే 30 సంవత్సరాలు దాటిన తర్వాత పెళ్లి చేసుకుంటే కొన్ని ఇబ్బందులు వచ్చే అవకాశాలు ఉన్నాయి అని నిపుణులు చెబుతున్నారు. అవేంటంటే.

# ఈ ఏజ్ గ్రూప్ లో జీవితం పై పూర్తి స్పష్టత వస్తుంది. వీలైనంత వరకు కెరియర్ పై ఫోకస్ చేసి డబ్బు సంపాదించాలి అని అనుకుంటారు. దాంతో వైవాహిక జీవితంపై శ్రద్ధ పెట్టడం కష్టం అయ్యే అవకాశాలు ఉన్నాయి.

# ఒకరిపై ఒకరికి ఆకర్షణ తగ్గిపోతుంది. దాంతో వైవాహిక జీవితం చాలా డల్ గా సాగుతుంది అని నిపుణులు అంటున్నారు.

# వేరే విషయాల మీదకి, అంటే ఉద్యోగం, డబ్బు సంపాదించడంలో బిజీ అయిపోవడంతో ఒకరిపై ఒకరికి శ్రద్ధ పెట్టే సమయం చాలా తక్కువగా ఉంటుంది. దాంతో వేరే రిలేషన్ షిప్ వైపు ఫోకస్ వెళ్లే అవకాశాలు ఉంటాయట.

# సమాజం నుండి వచ్చే ఒత్తిడి గురించి మనందరికీ తెలుసు. ఎవరినైనా సరే తొందరగా జడ్జ్ చేయడంలో చాలా మంది ముందుంటారు. దాంతో ఒకవేళ మైండ్ కొంచెం సున్నితంగా ఉన్న వాళ్ళు అయితే సమాజం నుండి వచ్చే ఒత్తిడిని సీరియస్ గా తీసుకునే అవకాశాలు ఉంటాయి. దాని వల్ల మానసికంగా ఇబ్బందులు ఎదురు అవుతూ ఉంటాయి.

# భవిష్యత్తు ఎలా ఉండాలి ? జీవితం ఎలా ప్లాన్ చేసుకోవాలి ? అనే విషయంలో పడి ప్రస్తుతం ఉన్న మూమెంట్ ని ఎంజాయ్ చేసే అవకాశాలు కూడా తక్కువగా ఉంటాయి.

ఏదేమైనా సరే ఇందాక పైన చెప్పినట్టుగా పెళ్లి అనేది ఒక వ్యక్తి పర్సనల్ ఛాయిస్. ఒక వ్యక్తికి తన జీవితంలో ఎప్పుడు ఏం చేయాలి అనే విషయంపై క్లారిటీ ఉంటుంది. దాన్ని బట్టి వాళ్ళు వారి నిర్ణయాలు తీసుకుంటారు. కాబట్టి ఎవరిని కూడా జడ్జ్ చేయలేము.

సమయాన్ని సేవ్ చేసుకుని త్వరగా మనం గమ్య స్థానానికి చేరుకోవడానికి విమాన ప్రయాణం ఎంతో సౌకర్యంగా ఉంటుంది. పైగా ప్రయాణం చేసినట్టు కూడా మనకి అనిపించదు. మామూలుగా రైలులో కానీ బస్సు లో కానీ వెళుతూ ఉంటే ఎక్కువ సమయం కేవలం వెళ్ళడానికి సరిపోతుంది.

కానీ మనం విమానంలో ప్రయాణం చేసినప్పుడు గంట లేదా రెండు గంటల్లో మనం గమ్య స్థానానికి చేరుకోవడానికి అవుతుంది. అయితే విమాన ప్రయాణం చేసినప్పుడు పారాచూట్ మనకి ఇవ్వరు. ఈ విషయం అందరికీ తెలిసిందే. మిలటరీ ఎయిర్ క్యాప్స్ లేదా ఫైర్ జెట్స్ లో చూసుకున్నట్లయితే అందులో ప్రయాణం చేసే వారికి పారాచూట్ ఇస్తూ ఉంటారు.

ఎందుకు విమానంలో ప్రయాణం చేసే వాళ్ళకి పారాచూట్ ఇవ్వరు..? మరి మిలటరీ ఎయిర్ కాప్స్ లేదా ఫైర్ జెట్స్ లో ప్రయాణం చేసినప్పుడు ఎందుకు పారాచూట్ ని ఇస్తారు అన్న సందేహం చాలా మందిలో ఉంటుంది. మీకు కూడా ఈ సందేహం ఉందా..? అయితే ఇప్పుడు తెలుసుకుందాం.

దీనికి గల కారణాలు రెండు. మొదటిది చూసుకున్నట్లయితే పారాచూట్ తో పాసింజర్ విమానం లో కూర్చోవాలంటే ఎక్కువ స్పేస్ కావాలి. అలానే పారాషూట్ ధర ఎక్కువగా ఉంటుంది విమానం టికెట్ కంటే కూడా పారాచూట్ ధర ఎక్కువ. ఇది ఒక కారణం. మరొక కారణం ఏమిటంటే పారాచూట్ ఉపయోగించాలంటే అనుభవం ఉండాలి.

ఎప్పుడు, ఎలా ఉపయోగించాలి అన్నది తెలిసి ఉండాలి. అలానే ఫ్లైట్ లో నుంచి జంప్ చేయాలంటే రాంప్ ఉండదు. ఎమర్జెన్సీ డోర్ నుండి మాత్రమే జంప్ చేయాలి. ఇలా జంప్ చేసినప్పుడు విమానం యొక్క రెక్కకి గుద్దుకునే అవకాశం ఉంది. ఇలా ఈ కారణాల వల్ల ఫ్లైట్ లో ప్రయాణం చేసే వాళ్ళకి పారాచూట్ ని ఇవ్వరు.

తరచూ మనం బిస్కెట్లని తింటూనే ఉంటాము. టీ లో కానీ కాఫీలో కానీ బిస్కెట్లని ముంచుకుని తీసుకుంటూ ఉంటాము. అయితే ఎప్పుడైనా బిస్కెట్ల మీద ఉండే రంధ్రాలని గమనించారా…? ఎందుకు ఈ రంధ్రాలని బిస్కెట్ల మీద ఉంచుతారు అన్న సందేహం ఎప్పుడైనా కలిగిందా..? అయితే మరి ఇప్పుడే దాన్ని క్లియర్ చేసుకోండి.

కొన్ని రకాల బిస్కెట్లను చూసినట్లయితే వాటి మీద చిన్న చిన్న రంధ్రాలు ఉంటాయి. అది కేవలం డిజైన్. దాని వల్ల ఉపయోగం ఏమీ లేదు అని అనుకుంటే పప్పులో కాలేసినట్లే. బిస్కెట్ల మీద చిన్న చిన్న రంధ్రాలు ఉంటాయి.

వాటిని డాకర్ హోల్స్ అని అంటారు. కొన్ని రకాల క్రీమ్ వేసిన బిస్కెట్ లలో మరియు స్వీట్ అండ్ సాల్ట్ బిస్కెట్స్ పైన ఇలాంటి హోల్స్ ఉంటాయి. అయితే ఇలా ఉండడం వల్ల బేకింగ్ జరిగే సమయంలో గాలి పాస్ అవుతుంది. దీంతో బిస్కెట్ విరిగిపోకుండా ఉంటుంది.

బిస్కెట్లను తయారు చేసినప్పుడు పిండి, పంచదార మరియు సాల్ట్ అన్నీ ట్రే లో వేసి మిషన్ లో పెడతారు. ఈ మిషన్ బిస్కెట్ మీద హోల్ ని ఏర్పాటు చేస్తుంది. ఒకవేళ కనుక ఈ రంధ్రాలు లేకపోతే బిస్కెట్ అనేది ఉబ్బిపోతుంది. అలానే బిస్కెట్ సైజు కూడా పెద్దదై పోతుంది. అదే రంధ్రాలు ఉంటే బిస్కెట్ సైజ్ మొత్తం అంతా కూడా సమానంగా ఉంటుంది.

ప్రతి కార్నర్ లో కూడా బేక్ అవుతుంది. దీంతో బిస్కెట్లు బాగుంటాయి. బేకింగ్ చేసే సమయంలో ఈ రంద్రాలు లేకపోతే బేకింగ్ అవ్వదు. హీట్ అందులో నుండి బయటికి వెళ్ళదు. అలానే బిస్కెట్ల టెంపరేచర్ అన్ స్టేబుల్ గా ఉంటుంది. బిస్కెట్లు పైన క్రాక్స్ కూడా వచ్చేస్తాయి.

మీరెప్పుడైనా గమనించారా..? కోన్ ఆకారంలో ఉన్న బారికేడ్లలా కనిపిస్తున్న జండాలు కనిపిస్తూ ఉంటాయి. వీటిని ఎందుకు ఉపయోగిస్తారు అన్న డౌట్ మీకెప్పుడైనా వచ్చిందా..? నిజానికి ఈ జండా ఎయిర్ పోర్ట్ వద్ద కీలక పాత్ర పోషిస్తుంది. ఈ జండాలని ఎందుకు పెడతారో.. దీని వల్ల ఉపయోగాలు ఏంటో ఈ ఆర్టికల్ లో తెలుసుకుందాం.

ఈ వస్తువులను పారిశ్రామిక విండ్‌సాక్స్ లేదా “విండ్ కోన్స్” లేదా కొన్నిసార్లు “ఎయిర్ కోన్స్” అని పిలుస్తారు. ఇది సింథటిక్ క్లాత్, నైలాన్ లేదా రబ్బరుతో తయారు చేయబడిన ఒకరకమైన గొట్టం లాంటి నిర్మాణం.

ఇది ఒక చివర గట్టి మెటల్ రింగ్ ద్వారా తెరిచి ఉంటుంది. ఎయిర్‌ఫీల్డ్‌లు, అంతర్జాతీయ విమానాశ్రయాలు, హెలిప్యాడ్‌లు మరియు హెలిపోర్ట్‌లలో ఈ జండాలు అమర్చబడి ఉంటాయి. ఈ కోన్ ఆకారంలో ఉన్న జండాలు ముఖ్య ఉద్దేశ్యం ఏంటంటే పైలట్‌కు గాలి దిశ మరియు సుమారుగా గాలి వేగం గురించి వేగంగా సూచనను అందించగలగడం. పైలట్లు టేకాఫ్ మరియు ల్యాండింగ్ సమయంలో గాలి వేగాన్ని లెక్కించుకోవాల్సి ఉంటుంది. విమానం సురక్షితంగానే ల్యాండ్ అవుతోందని, లేదా టేక్ ఆఫ్ అవుతోందని నిర్ధారించుకోవాల్సి ఉంటుంది.

ఆ సమయంలో పైలట్లు ఈ జండాలను పరిశీలించి.. గాలి ఏ దిశ వైపు వీస్తోంది లేదా ఎంత వేగంగా వీస్తోంది అన్న విషయమై ఒక అంచనాకి వస్తుంటారు. అందుకే విమానాశ్రయాల్లో ఈ జండాలు కీలక పాత్ర పోషిస్తాయి. విమానం టేకాఫ్ లేదా రన్‌వేపై ఆగిపోయే ముందు భూమిపై ప్రయాణించాల్సిన దూరాన్ని నేరుగా ప్రభావితం చేస్తుంది. టేకాఫ్‌కు ముందు వేగవంతం చేసే ముందు, పైలట్‌లు రన్‌వేపై షికారు చేస్తున్నప్పుడు దాన్ని త్వరగా పరిశీలించి, అవసరమైన ఇన్‌పుట్‌ను అందిస్తారు.

ఈరోజుల్లో ఫ్రిడ్జ్ లేని ఇల్లు ఉండడం ఆశ్చర్యమే. దాదాపుగా అందరు ఫ్రిడ్జ్ వాడుతున్నారు. ఫ్రిడ్జ్ లలో కూడా రకరకాల మోడల్స్ వస్తున్నాయి. కొన్నిటికి సింగల్ డోర్ ఉంటె.. మరికొన్ని ఫ్రిడ్జ్ లకు డబల్ డోర్ ఉంటుంది. సింగల్ డోర్ ఉన్న ఫ్రిడ్జ్ లలో కూడా ఫ్రీజర్ కు సెపరేట్ డోర్ ని ఇస్తారు. ఇక డబల్ డోర్ విషయానికి వస్తే.. ఫ్రీజర్ సెపరేట్ గా పైన ఉంటుంది.

బడ్జెట్ ని బట్టి సింగల్ డోర్ ఫ్రిడ్జ్ లేదా డబల్ డోర్ ఫ్రిడ్జ్ ను కొనుక్కోవడం అనేది మన ఇష్టం. అయితే ఈ రెండిటిలో ఏది బెస్ట్ అనే విషయానికి వస్తే ముందు ఫ్రిడ్జ్ లలో ఉండే తేడాలు ఏంటో తెలుసుకోవాలి.

నిజానికి సింగల్ డోర్ ఫ్రిడ్జ్ కు, డబల్ డోర్ ఫ్రిడ్జ్ కు పెద్ద తేడా ఏమీ ఉండదు. కానీ ఫ్రిడ్జ్ లలో రెండు రకాలు ఉంటాయి. ” డైరెక్ట్ కూల్ ” , “ఫ్రాస్ట్ ఫ్రీ “ అని రెండు రకాల ఫ్రిడ్జ్ లు ఉంటాయి. డైరెక్ట్ కూల్ ఫ్రిడ్జ్ లు తక్కువ కాస్ట్ లోనే లభిస్తాయి. ఎక్కువ మంది వీటిని వాడుకుంటూ ఉంటారు. ఈ డైరెక్ట్ కూల్ ఫ్రిడ్జ్ లలో టెంపరేచర్ ను మాన్యువల్ గా కంట్రోల్ చేయాల్సి ఉంటుంది. ఫ్రీజర్ లో టెంపరేచర్ ఒకసారి సెట్ చేస్తే అదే కంటిన్యూ అవుతూ ఉంటుంది. ఒకవేళ కూలింగ్ ఎక్కువ అయ్యి గడ్డ కట్టిపోతే బటన్ ప్రెస్ చేసి ఆ గడ్డలను కరిగించాల్సి ఉంటుంది.

ఈ ఐస్ గడ్డలను ఎప్పటికప్పుడు తొలగించుకుంటూ ఉండాలి. లేకుంటే ఓవర్ ఫ్లో అయ్యి ఆ వాటర్ అంతా ఫ్రిడ్జ్ నుంచి బయటకు వచ్చి ఫ్లోర్ పై పడుతుంటాయి. ఇక ఫాస్ట్ ఫ్రీ మోడల్స్ ఫ్రిడ్జ్ లలో ఈ సమస్య ఉండదు. ఈ ఫ్రిడ్జ్ లలో టెంపరేచర్ కంట్రోల్ అనేది ఆటోమేటిక్ గా జరుగుతూ ఉంటుంది. ఫ్రిడ్జ్ లో ఉంచిన వస్తువులపై కూడా టెంపరేచర్ కంట్రోల్ ఉంటుంది. ఫ్రిడ్జ్ లో పెట్టిన కూరగాయలు, ఫుడ్ కి తగ్గట్లు ఈ టెంపరేచర్ సెట్ అవుతూ వాటిని పాడైపోకుండా ఉంచుతుంది. ఇక ఫ్రీజర్ లో గడ్డలు కట్టే సమస్య ఉండదు. అవసరమైనంతగా టెంపరేచర్ ఆటోమేటిక్ గా సెట్ అవుతూ ఉంటుంది. ఐస్ క్యూబ్స్ అవసరం అయిన చోట మాత్రమే గడ్డ కడుతుంది. అయితే వాడడానికి ఉన్న సౌకర్యం రీత్యా అందరిలోనూ డబల్ డోర్ ఫ్రిడ్జ్ మంచిది అనే అభిప్రాయం మాత్రం ఉంది.

సాధారణం గా మన ప్రేమను మనం ప్రేమించిన వారు అంగీకరిస్తే ఎంతో మురిసిపోతాం. కానీ, మనలని కూడా అంతే గొప్ప గా ప్రేమించే వారు దొరకడం మన అదృష్టం. అయితే, ఎవరైనా మనపై పీకల్లోతు ప్రేమలో మునిగిపోయారని మనకి ఎలా తెలుస్తుంది..? ప్రేమ లో పడితే అదే తెలుస్తుంది అండి. ఈ పది లక్షణాలు ఎవరిలో అయినా మీకు కనిపించాయా..? అయితే.. ఆ అబ్బాయి మీ పై పీకల్లోతు ప్రేమ లో మునిగిపోయాడని అర్ధం. అవేంటో చూడండి..

సాధారణం గా అబ్బాయిలకి సానిటరీ పాడ్స్ కొనడం లాంటివి ఇష్టం ఉండవు. ఇవి కొంటున్న సమయం లో అతని స్నేహితులెవరైనా చూస్తే తమ పరువు పోతుందని చాలా మంది అబ్బాయిలు భావిస్తారు. కానీ, మీకోసం ఎవరైనా అబ్బాయి అలా కొని తెచ్చ్చిపెట్టారంటే అతనికి మీరంటే చాలా పిచ్చి ప్రేమ అని అర్ధం.

1. జనరల్ గా అబ్బాయిలు ఎవరికైనా ఒంట్లో బాగోకపోతే ఓసారి కనబడి పలకరించి వచ్చేస్తారు.అంతే తప్ప..అమ్మాయిల్లా పక్కనే ఉండి ఎక్కువ కేర్ తీసుకోవడం వంటివి ఉండవు. కానీ, మీకెప్పుడైనా అనారోగ్యం వస్తే.. ఎవరైనా ఎక్కువ కేర్ తీసుకుంటున్నారా..? అంటే ఆ అబ్బాయికి మీపై పిచ్చి ఇష్టం ఉన్నట్లే.

2.మీరు మాట్లాడుతున్నప్పుడు.. మీరు చెప్పే విషయాలన్నీ వారికి బాగా గుర్తుంటాయి. వారు మీ మాటల పట్ల ఆసక్తిని కలిగి ఉంటారు. కాబట్టి మీరు చెప్పే విషయాలు కూడా వారికీ బాగా గుర్తుంటాయి.

3. మిమ్మల్ని సెక్యూర్ గా ఉంచడానికి నిరంతరం ప్రయత్నిస్తూ ఉంటారు. సాధారణం గా అబ్బాయిలు ఇలాంటి విషయాలు పట్టించుకోరు. ఎవరిదీ వారు చేసుకోగలరు అన్న మనస్తత్వాన్ని కలిగి ఉంటారు. అయినా మీ పట్ల ఈ ప్రత్యేకత కనబరుస్తున్నారంటే.. మీరంటే వారికి ప్రేమ ఉన్నట్లే.

4. మీతో పాటు కలిసి సీరియల్స్ చూడడానికి ఆసక్తి కనబరిస్తే.. వారి కి మీతో గడపడం ఇష్టమన్న సంగతి అర్ధం అవుతూనే ఉంటుంది. సాధారణం గా అబ్బాయిలకి సీరియల్స్ చూడడం ఇష్టం ఉండదు. మీతో గడపడం కోసమే వారు సీరియల్స్ చూడడానికి ఇష్టపడతారు.

5. ఇంట్లో ఉండే పనిని మీతో పాటు వారు కూడా పంచుకుంటారు. బాత్రూం క్లీనింగ్ నుంచి, వంట పనుల దాకా అన్ని పనుల్లోనూ మీకు సహకరిస్తారు.

6. మీ పై చాలా ప్రేమ ఉన్న అబ్బాయిలు మీతో ప్రేమ గానే ఉంటారు. కానీ రోజువారీ వారు చేస్తున్న పనులను, వారు ఎదుర్కొంటున్న కష్టాలను మీతో గడుపుతున్న సమయం లో మర్చిపోతారు. వారి కష్టాలను మీకు తెలియనివ్వరు.

7. అప్పుడప్పుడు చిన్న చిన్న గొడవలు పెట్టుకోవడం. నిజం గా ప్రేమ ఉన్న వ్యక్తులు మాత్రమే మీతో ఓపెన్ గా నిజాయితీ గా ఉంటారు. చిన్న చిన్న గొడవలు వచ్చినా.. మీకు మరింత దగ్గరవుతారు.

8. ప్రతి చిన్న విషయానికి మిమ్మల్ని సలహా అడుగుతుంటారు. అంటే వారికీ చేతకాక కాదు.. మీరంటే ఎక్కువ ఇష్టం ఉండడం వలన.. మీ అభిప్రాయాలకు ఎక్కువ గౌరవం ఇవ్వడం కోసమే మిమ్మల్ని అడుగుతూ ఉంటారు.

9. సమయం దొరికినపుడు సరదాగా బయటకు వెళ్ళేటప్పుడు మిమ్మల్ని కూడా బయటకు తీసుకెళ్తుంటారు. రెస్టారంట్స్, షికార్లకు తాను వెళ్లాలనుకుంటే మిమ్మల్ని కూడా తీసుకెళ్లాలని భావిస్తారు.

10. తన పనులకంటే.. మీకే ఎక్కువ ప్రాధాన్యత ఇస్తూ ఉంటారు. తనకి పనులు ఉన్నా, మీకు ప్రాధాన్యత ఇస్తున్నారంటే మీరంటే పడి చచ్చేంత ఇష్టం ఉందని అర్ధం.