Movie Reviews

• చిత్రం : దాస్ కా ధమ్కీ
• నటీనటులు : విశ్వక్ సేన్, నివేతా పేతురాజ్, రావు రమేష్.
• నిర్మాత : కరాటే రాజు
• దర్శకత్వం : విశ్వక్ సేన్
• సంగీతం : లియోన్ జేమ్స్
• విడుదల తేదీ : మార్చ్ 22, 2023

స్టోరీ :

సినిమా అంతా హైదరాబాద్ లో ఉండే ఒక వెయిటర్ తో మొదలవుతుంది. ఒక స్టార్ హోటల్ లో కృష్ణ దాస్ (విశ్వక్ సేన్) వెయిటర్ గా పని చేస్తూ ఉంటాడు. చాలా మిడిల్ క్లాస్ వ్యక్తి అయిన కృష్ణ దాస్ కి ఒక మంచి డబ్బున్న వాళ్ళ లైఫ్ స్టైల్ గడపాలి అని ఉంటుంది. తాను బాగా డబ్బు ఉన్న వాడిని అని చెప్పి కీర్తి (నివేతా పేతురాజ్) అనే ఒక అమ్మాయిని ప్రేమించినట్టు నటించి మోసం చేస్తాడు. క్యాన్సర్ ని నయం చేయడానికి సంజయ్ రుద్ర (విశ్వక్ సేన్) ఫార్మా కంపెనీ నడుపుతూ ఉంటాడు.

చూడడానికి కృష్ణ దాస్, సంజయ్ రుద్ర ఒకటే లాగా అనిపిస్తారు. ఒక 10,000 కోట్ల డీల్ కోసం ధనుంజయ్ (అజయ్), సంజయ్ రుద్ర గొడవ పడుతూ ఉంటారు. కొన్ని కారణాల వల్ల కృష్ణ దాస్ సంజయ్ రుద్ర స్థానంలోకి వెళ్లాల్సి వస్తుంది. దాంతో అసలు కథ మొదలవుతుంది. అసలు సంజయ్ కి ఏమయ్యింది? కృష్ణ దాస్ అతని స్థానంలోకి ఎందుకు వెళ్ళాడు? ధనుంజయ్ తో ఎదుర్కొంటున్న సమస్యల నుండి బయట పడతాడా? కంపెనీ పరిస్థితి ఎలా మెరుగు అయ్యింది? కీర్తికి ఈ విషయాలు అన్నీ తెలిసి తాను ఏం చేసింది? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఒక హీరో నటించడం మాత్రమే కాకుండా డైరెక్షన్ కూడా చేయడం అనేది చాలా అరుదైన విషయం. అలాంటి టాలెంట్ ఉన్న హీరోలు మన తెలుగు ఇండస్ట్రీలో చాలా మంది ఉన్నారు. వారిలో ఒకరు హీరో విశ్వక్ సేన్. ఇంతకుముందు ఫలక్ నామా దాస్ సినిమాకి దర్శకత్వం వహించారు. ఇప్పుడు ఈ సినిమాతో దర్శకుడిగా మరొకసారి ప్రేక్షకుల ముందుకి వచ్చారు. ఈ సినిమాలో నటించడం, దర్శకత్వం వహించడం అనేది పెద్ద సాహసమైన విషయం అంటే విశ్వక్ ఇందులో రెండు పాత్రల్లో నటించారు.

పర్ఫార్మెన్స్ విషయానికి వస్తే విశ్వక్ సేన్ రెండు పాత్రల్లో బాగా నటించారు. ఆ పాత్రలకి ఉన్న తేడాని బాగా చూపించారు. హీరోయిన్ నివేత కూడా తన పాత్ర పరిధి మేరకు నటించారు. రావు రమేష్ ఒక ముఖ్య పాత్ర పోషించారు. అలాగే మరొక పాత్రలో నటించిన అజయ్ కూడా తన పాత్రకి తగ్గట్టుగా నటించారు. లియోన్ జేమ్స్ అందించిన పాటలు బాగున్నాయి. అయితే కథకి ఎంచుకున్న పాయింట్ బాగున్నా కూడా చూపించే విషయంలో ఉన్న లోపాలు ప్రేక్షకులకి కనిపిస్తూ ఉంటాయి.

ఫస్ట్ హాఫ్ యావరేజ్ గా సాగుతుంది. చాలా వరకు రొటీన్ గా అనిపిస్తుంది. మళ్లీ ఇంటర్వెల్ సెకండ్ హాఫ్ లో ఏమవుతుంది అనే ఆసక్తి వచ్చేలాగా చేస్తుంది. మళ్లీ సెకండ్ హాఫ్ లో యాక్షన్ ఉంది. కానీ అది కొంచెం ఎక్కువ అయినట్టు అనిపిస్తుంది. మధ్యలో కృష్ణ దాస్, సంజయ్ రుద్ర వారి స్థానాలని మార్చుకునే సీన్స్ ఎక్కువ అవ్వడంతో ప్రేక్షకులకి కూడా కన్ఫ్యూజన్ వచ్చేలాగా చేశాయి. స్క్రీన్ ప్లే విషయంలో ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది.

ప్లస్ పాయింట్స్ :

• విశ్వక్ సేన్
• నిర్మాణ విలువలు
• పాటలు
• ఫస్ట్ హాఫ్ లో వచ్చే కొన్ని కామెడీ సీన్స్

మైనస్ పాయింట్స్:

• ఎక్కువైన యాక్షన్ సీన్స్
• సెకండ్ హాఫ్ లో స్క్రీన్ ప్లే

రేటింగ్ :

2.75/5

ట్యాగ్ లైన్ :

సినిమా నుండి మరీ ఎక్కువగా ఎక్స్పెక్ట్ చేయకుండా ఒక యాక్షన్ ఎంటర్టైనర్ చూద్దాం అనుకునే వారికి దాస్ కా ధమ్కీ సినిమా ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

• చిత్రం : కబ్జ
• నటీనటులు : ఉపేంద్ర, కిచ్చా సుదీప్, డాక్టర్ శివరాజ్ కుమార్, శ్రియ శరణ్.
• నిర్మాత : ఆర్ చంద్రు, అలంకార్ పాండియన్, ఆనంద్ పండిట్
• దర్శకత్వం : ఆర్ చంద్రు
• సంగీతం : రవి బస్రూర్
• విడుదల తేదీ : 17 మార్చ్, 2023

స్టోరీ :

ఆర్కేశ్వర (ఉపేంద్ర) ఒక ఇండియన్ ఎయిర్ ఫోర్స్ పైలెట్. తన సోదరుడి మరణం తర్వాత వారిపై పగ తీర్చుకోవడానికి కొంత మంది గుండాలతో చేతులు కలుపుతాడు. అమరాపూర్ లో ఉన్న లోకల్ రౌడీని చంపి అక్కడి వారికి ఒక రక్షకుడిగా మారుతాడు. మధుమతి (శ్రియ) వీర్ బహదూర్ అనే ఒక రాజకీయ నాయకుడి కూతురు. తన తండ్రికి ఇష్టం లేకుండానే ఆర్కేశ్వరని ప్రేమించి పెళ్లి చేసుకుంటుంది.

ఆ తర్వాత ఆర్కేశ్వర మెల్లగా నార్త్ ప్రాంతంలో పేరు మోసిన గ్యాంగ్ స్టర్ గా ఎదుగుతాడు. ఆ తర్వాత కథలోకి భార్గవ బక్షి (కిచ్చ సుదీప్) అనే ఒక పోలీస్ ప్రవేశిస్తాడు. ఇది కేవలం మొదటి భాగం మాత్రమే. ఆ తర్వాత జరగబోయేది ఏంటి? భార్గవ బక్షి పాత్ర ఎలా ఉండబోతోంది? ఆర్కేశ్వర అన్నని చంపింది ఎవరు? ఆర్కేశ్వర తర్వాత ఎదుర్కొన్న సంఘటనలు ఏంటి? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

ఈ మధ్య ప్రతి సినిమా పాన్-ఇండియన్ సినిమాగా విడుదల అవ్వడం అనేది సాధారణం అయిపోయింది. పెద్ద హీరోలు, చిన్న హీరోలు అని తేడా లేకుండా కథలో బలం ఉన్న ప్రతి సినిమా కూడా ఆ సినిమా రూపొందించిన భాషల్లో పాటు ఇతర భాషల్లోకి కూడా విడుదల చేస్తున్నారు. ఇలాంటి సినిమాలన్నీ ప్రేక్షకులు కూడా ఆదరిస్తున్నారు.

కన్నడలో స్టార్ హీరో అయిన ఉపేంద్ర నటించిన ఈ సినిమా ఇప్పుడు పాన్-ఇండియన్ సినిమాగా విడుదల అయ్యింది. ఉపేంద్రకి తెలుగులో కూడా చాలా మంచి క్రేజ్ ఉంది. దాంతో ఈ సినిమాకి తెలుగులో కూడా చాలా భారీ అంచనాలు నెలకొన్నాయి. సినిమా చూస్తున్నంత సేపు కూడా అంతకు ముందు విడుదల అయిన కేజిఎఫ్, పుష్ప సినిమాల ఛాయలు కనిపిస్తూ ఉంటాయి. సినిమా కలర్ గ్రేడింగ్ అంతా కూడా కేజీఎఫ్ సినిమాని గుర్తుచేసే లాగా ఉంటుంది.

సినిమాలో నటించిన నటీనటులు తమ పాత్రలకి తగ్గట్టుగా నటించారు. కానీ హీరోయిన్ శ్రియ మాత్రం ఆ పాత్రకి సరిపోలేదు ఏమో అనిపిస్తారు. ఇలాంటి పాత్ర శ్రియ అంతకుముందు చాలా సినిమాల్లో చేశారు ఏమో అనిపిస్తుంది. కథపరంగా చూసుకున్నా కూడా ప్రేక్షకులకి అంత ఆసక్తికరంగా అనిపించే అంశాలు చాలా తక్కువగా ఉన్నాయి.

సినిమా చూస్తున్నంత సేపు ఇలాంటి సీన్ అంతకు ముందు మనం చాలా సినిమాల్లో చూసాం కదా అనిపించే సందర్భాలు చాలా ఉన్నాయి. అది మాత్రమే కాకుండా ఇది కేవలం మొదటి భాగం మాత్రమే. మరి రెండవ భాగం ఎలా ఉంటుంది అనేది తెలియదు. సుదీప్ పాత్ర రెండవ భాగంలో ఒక కీలక పాత్ర అవుతుంది అని హింట్ మాత్రం ప్రేక్షకులకి ఇచ్చారు.

ప్లస్ పాయింట్స్ :

• నటీనటులు
• నిర్మాణ విలువలు

మైనస్ పాయింట్స్:

• రొటీన్ కథ
• మరీ భారీగా అనిపించిన బ్యాక్ గ్రౌండ్ మ్యూజిక్

రేటింగ్ :

2.5/5

ట్యాగ్ లైన్ :

సినిమా నుండి పెద్దగా ఎక్స్పెక్టేషన్స్ ఏమీ పెట్టుకోకుండా ఏదైనా ఒక యాక్షన్ సినిమా చూద్దాం అనుకునే వారికి కబ్జ ఒక్కసారి చూడగలిగే యావరేజ్ సినిమాగా నిలుస్తుంది.

watch trailer :

• చిత్రం : ఫలానా అబ్బాయి ఫలానా అమ్మాయి
• నటీనటులు : నాగ శౌర్య, మాళవిక నాయర్, శ్రీనివాస్ అవసరాల, మేఘా చౌదరి.
• నిర్మాత : టిజి విశ్వ ప్రసాద్, పద్మజ దాసరి
• దర్శకత్వం : శ్రీనివాస్ అవసరాల
• సంగీతం : కళ్యాణి మాలిక్
• విడుదల తేదీ : 17 మార్చ్, 2023

స్టోరీ :

సినిమా మొత్తం ఇద్దరు ప్రేమికుల మధ్య తిరుగుతుంది. సంజయ్ (నాగశౌర్య), అనుపమ (మాళవిక నాయర్) చదువుకునే సమయంలో పరిచయం అవుతారు. తర్వాత వారిద్దరి ప్రేమ ఎలా సాగింది? వాళ్ళకి మధ్యలో గొడవలు ఎందుకు వచ్చాయి? తర్వాత వారి జీవితాల్లోకి వేరే వ్యక్తులు ఎందుకు వచ్చారు? వీళ్ళిద్దరి ప్రేమ కథలో ఎలాంటి సంఘటనలు ఎదుర్కొన్నారు? ఇదంతా తెలియాలి అంటే మీరు సినిమా చూడాల్సిందే.

రివ్యూ :

నటుడిగా ఎన్నో పాత్రలు పోషించి, ఇండస్ట్రీలో తనకంటూ ఒక ప్రత్యేక గుర్తింపు సంపాదించుకున్న యాక్టర్ శ్రీనివాస్ అవసరాల. ఆ తర్వాత ఊహలు గుసగుసలాడే సినిమాతో డైరెక్టర్ గా తనని తాను నిరూపించుకున్నారు. ఆ తర్వాత జో అచ్యుతానంద సినిమాకి దర్శకత్వం వహించారు. మళ్లీ ఇప్పుడు ఫలానా అబ్బాయి ఫలానా అమ్మాయి సినిమాతో ప్రేక్షకుల ముందుకి వచ్చారు.

సినిమా కథ అంతా చాలా సరదాగా సాగిపోతుంది. సినిమా మొదటి నుంచి చివరి వరకు ఒక మంచి ఫీల్ గుడ్ సినిమా చూస్తున్నాం అని అనిపిస్తుంది. వాళ్ల సంభాషణలు కూడా భారీగా లేకుండా నిజ జీవితంలో ఎలా మాట్లాడుకుంటారో అలాగే ఉంటాయి. ఇంక పర్ఫార్మెన్స్ విషయానికి వస్తే హీరో హీరోయిన్లు ఇద్దరూ కూడా డిఫరెంట్ షేడ్స్ ఉన్న పాత్రలు పోషించారు. ఇద్దరూ తమ పాత్రలకి న్యాయం చేశారు.

అలాగే సినిమాలో ఉన్న మిగిలిన నటీనటులు కూడా తమ పాత్రలకి తగ్గట్టుగా నటించారు. సినిమాకి మరొక ప్రధాన హైలైట్ కళ్యాణి మాలిక్ అందించిన సంగీతం. పాటలు వినడానికి చాలా బాగున్నాయి. అలాగే చూడడానికి కూడా అంతే బాగున్నాయి. కానీ సినిమా అలా ఒక ఫ్లోలో వెళ్తూ ఉంటుంది కాబట్టి మధ్యలో కొన్ని చోట్ల కొంచెం స్పీడ్ తగ్గినట్టు అనిపిస్తుంది.

ప్లస్ పాయింట్స్ :

• కథ
• కామెడీ
• పాటలు
• హీరో హీరోయిన్ మధ్య కెమిస్ట్రీ

మైనస్ పాయింట్స్:

• సెకండ్ హాఫ్ లో వచ్చే కొన్ని సీన్స్
• అక్కడక్కడ ల్యాగ్ అయిన కొన్ని ఎపిసోడ్స్

రేటింగ్ :

3/5

ట్యాగ్ లైన్ :

ప్రేమ కథలు ఇష్టపడే వారిని, అలాగే ఎక్కువ ట్విస్ట్ లు లేకుండా అలా సరదాగా సాగిపోయే సినిమా చూద్దాం అనుకునే వారిని ఈ సినిమా అస్సలు నిరాశ పరచదు. ఇటీవల కాలంలో వచ్చిన ప్రేమ కథల్లో ఫలానా అబ్బాయి ఫలానా అమ్మాయి సినిమా ఒక మంచి ఫీల్ గుడ్ ఎంటర్టైనర్ గా నిలుస్తుంది.

watch trailer :

• చిత్రం : CSI సనాతన్
• నటీనటులు : ఆది సాయి కుమార్, మిషా నారంగ్, నందిని రాయ్.
• నిర్మాత : అజయ్ శ్రీనివాస్
• దర్శకత్వం : శివశంకర్ దేవ్
• సంగీతం : అనీష్ సోలమన్
• విడుదల తేదీ : మార్చ్ 10, 2023

స్టోరీ :

ఈ సినిమా కథ విషయానికి వస్తే.. వడ్డీలేని రుణాలు అని పెద్ద స్థాయి కి వచ్చిన ప్రముఖ చిట్ ఫండ్ కంపెనీ వీసీ గ్రూప్ సీఈవో విక్రమ్ చక్రవర్తి (తారక్ పొన్నప్ప) హత్య చేస్తారు. ఆఫీసులో ఓ పార్టీలో షూట్ చేస్తారు. ఈ కేసు ని క్రైమ్ సీన్ ఇన్వెస్టిగేషన్ అధికారి అయిన సనాతన్ (ఆది సాయి కుమార్) కి అప్పగించడం జరుగుతుంది. విక్రమ్ తో పాటు వాళ్ళ కంపెనీ లో వున్నా కంపెనీ పార్టనర్ దివ్య, ఉద్యోగులు లాస్య, సుదీక్ష ని అనుమానిస్తారు.

మంత్రి రాజవర్ధన్ కూడా ఈ కంపెనీ భాగస్వామని తెలుస్తుంది. ఎన్నో ఇబ్బందులు ఈ కేసు ని సాల్వ్ చేసే క్రమం లో ఎదుర్కోవాల్సి వస్తుంది. పైగా అతని మాజీ ప్రేయసి కూడా అదే చోట పని చేస్తుంది. వీళ్ళు ఎందుకు విడిపోయారు, రాజవర్ధన్ పీఏ చోటా ఎలా చనిపోయాడు… ఒక్క రూపాయి కూడా లేని విక్రమ్ పదేళ్ళలో ఐదు వేల కోట్ల కంపెనీకి సీఈవో ఏ విధంగా అయ్యాడు..?, విక్రమ్ చక్రవర్తిని ఎవరు చంపారు..? అనేది కథ. ఇవన్నీ తెలియాలంటే మూవీ చూడాలి.

రివ్యూ :

సినిమా రిజల్ట్ తో సంబంధం లేకుండా ఎలా ఉన్నా సరే వరుసగా సినిమాలు చేస్తూ ప్రేక్షకులని అలరిస్తున్న హీరో ఆది సాయి కుమార్. ఇప్పుడు ఈ సినిమాతో ప్రేక్షకుల ముందుకి వచ్చారు. ఈ సినిమా కాన్సెప్ట్ బాగుంటుంది. ఆది సాయి కుమార్ ఎంపిక చేసుకునే కథలు బాగుంటాయి. కానీ కథను స్క్రీన్ మీదకు వచ్చేటప్పుడు కొన్ని తప్పులు వచ్చాయి. అలనే బడ్జెట్ పరిమితులు కూడా స్క్రీన్ మీద కనపడుతున్నాయి. కనపడే సీన్స్ కి మళ్ళీ డైలాగ్స్ ఇచ్చి టైం వేస్ట్ చేసారు. కొన్ని సీన్స్ కూడా రిపీట్ అయ్యాయి. మధ్య తరగతి, పేద ప్రజలు వాళ్ళు మోసపోతున్న అంశాన్ని మర్డర్ మిస్టరీగా మార్చారు.

అసలు కథ అంతా కూడా రెండవ పార్ట్ లో క్లైమాక్స్ లో చూపించారు. లాజిక్స్ కొన్ని పట్టించుకోలేదు. క్లైమాక్స్ ట్విస్టులు అయితే బాగున్నాయి. ఈ మూవీ సినిమాటోగ్రఫీ, మ్యూజిక్ అంతలా ఆకట్టుకోలేదు. థ్రిల్లింగ్ ఎలివేషన్స్ బాగాలేవు. ఇంకాస్త జాగ్రత్తగా చూసి తీసి ఉంటే బాగుండేది. ఎక్స్‌ప్రెషన్స్‌తోనే చాలా సీన్స్ ఆది చేసాడు.

ప్లస్ పాయింట్స్ :

• నటీ నటులు
• క్లైమాక్స్
• కథనం

మైనస్ పాయింట్స్:

• మ్యూజిక్
• సినిమాటోగ్రఫీ

రేటింగ్ :

2.5/5

ట్యాగ్ లైన్ :

సిఎస్ఐ సనాతన్ సినిమా మీద ఏ అంచనాలు పెట్టుకోకుండా వెళితే టైం పాస్ అవుతుంది. థ్రిల్లర్ జానర్ సినిమాలు ఇష్ట పడే వాళ్లకి నచ్చచ్చు.

watch trailer

• చిత్రం : యాంగర్ టేల్స్
• నటీనటులు : వెంకటేష్ మహా, సుహాస్, రవీంద్ర విజయ్, బిందు మాధవి, ఫణి ఆచార్య, తరుణ్ భాస్కర్, మడోన్నా సెబాస్టియన్
• నిర్మాత : శ్రీధర్ రెడ్డి & సుహాస్
• దర్శకత్వం : ప్రభల తిలక్
• సంగీతం : స్మరణ్ సాయి
• విడుదల తేదీ : మార్చి 09, 2023

స్టోరీ :

ఈ కథ మొత్తం నలుగురి వ్యక్తులకి సంబందించినది. నలుగురూ వాళ్ళ జీవితం లో ఎలాంటి పరిస్థితులని ఎదుర్కొంటున్నారు అనేది ఈ కథ. పూజా రెడ్డి(మడోనా సెబాస్టియన్) కి పెళ్లి తరవాత వారి అత్తా వారింట్లో పెట్టిన రూల్స్ తో నచ్చిన ఆహారాన్ని తీసుకోలేదు. ఆమె ఈ కారణంగా ఇబ్బంది పడుతుంది. అలానే గిరిధర్ (ఫణి ఆచార్య) కి బట్టతల ఉంటుంది. దానితో పర్సనల్ గా, ప్రొఫిషినల్ గా కూడా ఇబ్బందులు ఎదురవుతాయి. ఆ టైం లో యాంగర్ మేనేజ్మెంట్ ఎలా ఉంటుంది అని..

అలానే రాధ (బిందు మాధవి) ఓ గృహిణి. ఈమె కూడా పలు సమస్యలని ఎదుర్కొంటుంది. రంగా (వెంకటేష్ మహా) ఒక స్టార్ హీరో ఫ్యాన్. తన హీరో బెనిఫిట్ షో కోసం ఏం చేసాడు..? ఇది కథ. ఈ నాలుగు వైపులా సినిమా నడుస్తుంది. ఈ అంథాలజీ లో మెయిన్ ఇవే కనపడతాయి. వీరి భావోద్వేగాలు ఎలా ఉంటాయి…? ఈ కథ ముగింపు ఎలా ఉంటుంది అనేది చూడాల్సింది. ప్రముఖ స్ట్రీమింగ్ యాప్ డిస్నీ+ హాట్ స్టార్ లో యాంగర్ టేల్స్ స్ట్రీమింగ్ అవుతోంది.

రివ్యూ :

నేపథ్యం ఒకొక్క పాత్రకి సంబంధించిన బ్యాక్ డ్రాప్ చాలా ఇంట్రెస్టింగ్ గా ఉంటుంది. నటుల యాక్టింగ్ కూడా బాగుంటుంది. ముఖ్యంగా వెంకటేష్ మహా చేసిన రంగ పాత్ర చాలా బాగుంది. అంటే సుందరానికి లో చేసిన నటన కి మించి దీనిలో ఉంటుంది. సాలిడ్ ఎమోషన్స్, డీసెంట్ ఫన్ ఇవన్నీ ఉంటాయి. మడోనా, తరుణ్ భాస్కర్ కూడా చాలా చక్కగా నటించారు. అలానే ఎమోషన్స్ కి తగ్గట్టుగా స్మరన్ సాయి బ్యాక్గ్రౌండ్ స్కోర్ ఇచ్చారు.

ప్లస్ పాయింట్స్:

• కాన్సెప్ట్
• కామెడీ
• నటులు

మైనస్ పాయింట్స్:

• 2,3 టేల్స్ ఎఫెక్టీవ్ గా లేకపోవడం
• కొత్తగా లేకపోవడం
• అనవసర సన్నివేశాలు

రేటింగ్ :

2.5/5

ట్యాగ్ లైన్:

కొన్ని అంశాలు బాగా ఆకట్టుకుంటాయి. పూర్తి స్థాయిలో ఏమి ఆకట్టుకోదు. సిరీస్ నేపథ్యం బాగుంటుంది. నటుల నటన బాగుంటుంది. ఒకసారి కావాలనుకుంటే చూడచ్చు.

watch trailer:

https://youtu.be/tgMj9ge3mzQ

• చిత్రం : ఆర్గానిక్ మామ హైబ్రీడ్ అల్లుడు
• నటీనటులు : సయ్యద్ సోహెల్ రయాన్, మృణాళిని రవి, రాజేంద్ర ప్రసాద్, మీనా.
• నిర్మాత : కోనేరు కల్పన
• దర్శకత్వం : ఎస్వీ కృష్ణారెడ్డి
• సంగీతం : ఎస్వీ కృష్ణారెడ్డి
• విడుదల తేదీ : మార్చ్ 3, 2023

స్టోరీ :

సినిమా అంతా మామా అల్లుడికి జరిగే ఒక స్టోరీ మీద నడుస్తుంది. తన కూతురిని ఆ మామ అమ్మాయి ప్రేమించిన వాడికి ఇచ్చి పెళ్లి చేశాడా? అసలు ఆ అబ్బాయి ఎవరు? వారికి మధ్య జరిగిన సంఘటనలు ఏంటి? చివరికి అన్ని సమస్యలు ఎలా పరిష్కరించారు? ఇదంతా తెలియాలంటే మీరు సినిమా చూడాల్సిందే.

రివ్యూ :

ఫ్యామిలీ సినిమాలకి పెట్టిన పేరు ఎస్వీ కృష్ణారెడ్డి. ఎస్వీ కృష్ణారెడ్డి గొప్ప దర్శకులు మాత్రమే కాదు, మంచి డైలాగ్ రైటర్, అలాగే మంచి మ్యూజిక్ డైరెక్టర్ కూడా. తెలుగు సినిమా ఇండస్ట్రీలో గుర్తుండిపోయే ఎన్నో సినిమాలని ఎస్వీ కృష్ణారెడ్డి తీశారు. ఇప్పుడు ఎస్వీ కృష్ణారెడ్డి ఒక మంచి కామెడీ ఎంటర్టైనర్ తో ప్రేక్షకుల ముందుకి వచ్చారు. అలాగే బిగ్ బాస్ ప్రోగ్రాం ద్వారా తెలుగు ప్రేక్షకులకు ఇంకా దగ్గర అయిన సోహెల్ ఇందులో హీరోగా నటించారు.

సినిమా మొత్తం కామెడీతో సాగుతుంది. నిర్మాణ విలువలు బాగున్నాయి. నటీనటుల పర్ఫార్మెన్స్ కూడా పాత్రకి తగ్గట్టుగా ఉంది. ఎంతో మంది పెద్ద నటీనటులు ఈ సినిమాలో నటించారు. వారందరిని చూస్తూ ఉంటే ఎస్వీ కృష్ణారెడ్డి సినిమాలని మనం ఎంత మిస్ అయ్యాం అని అనిపిస్తుంది. కానీ కథ పరంగా మాత్రం ఇంకా కొంచెం జాగ్రత్తలు తీసుకొని ఉంటే బాగుండేది ఏమో అనిపిస్తుంది.

ప్లస్ పాయింట్స్ :

• నటీనటులు
• కామెడీ

మైనస్ పాయింట్స్:

• రొటీన్ కథ
• కొన్ని చోట్ల ల్యాగ్ అయిన స్క్రీన్ ప్లే

రేటింగ్ :

2.5/5

ట్యాగ్ లైన్ :

కథ నుండి పెద్దగా కొత్తదనం ఏమీ ఎక్స్పెక్ట్ చేయకుండా, కథనం నుండి ఎక్కువగా ఏమి ఆశించకుండా, ఒక మంచి కామెడీ ఎంటర్టైనర్ చూద్దాం అనుకునే వారికి, అలాగే ఎస్వీ కృష్ణారెడ్డి సినిమాలని ఇష్టపడే వారికి ఆర్గానిక్ మామ హైబ్రీడ్ అల్లుడు సినిమా ఒక్కసారి చూడగలిగే సినిమాగా నిలుస్తుంది.

watch trailer :

• చిత్రం : బలగం
• నటీనటులు : ప్రియదర్శి, కావ్య కళ్యాణ్ రామ్, సుధాకర్ రెడ్డి.
• నిర్మాత : హర్షిత్ రెడ్డి, హన్షిత రెడ్డి
• దర్శకత్వం : వేణు యేల్దండి (టిల్లు వేణు)
• సంగీతం : భీమ్స్ సిసిరోలియో
• విడుదల తేదీ : మార్చ్ 3, 2023

స్టోరీ :

సినిమా అంతా తెలంగాణలోని ఒక పల్లెటూరి నేపథ్యంలో సాగుతుంది. సాయిలు (ప్రియదర్శి) ఒక నిరుద్యోగి. ఉపాధి కోసం ఎన్నో రకాల పనులు చేస్తాడులే కానీ, ఏ ఒక్క పని డబ్బులు తెచ్చి పెట్టదు. దాంతో ఊరిలో స్నూకర్ బోర్డ్ పెడతాడు. బాగా అప్పల పాలు కావడంతో పెళ్లి చేసుకొని, దాంతో వచ్చే డబ్బులతో అప్పులు తీర్చాలి అని అనుకుంటాడు. నిశ్చితార్థానికి రెండు రోజుల ముందు తన తాత చనిపోతాడు. దాంతో కొన్ని గొడవల వల్ల నిశ్చితార్థం వరకు వచ్చిన పెళ్లి కూడా ఆగిపోతుంది.

అంతే కాకుండా తన అత్తతో కూడా సాయిలు కుటుంబానికి గొడవలు ఉంటాయి. తన మామయ్యకి ఆస్తి బాగా ఉంది అని తెలిసిన సాయిలు, మరదలు అయిన సంధ్య (కావ్య కళ్యాణ్ రామ్) ని ప్రేమలో దించే ప్రయత్నం చేస్తాడు. ఈ ప్రయత్నాలు అన్ని ఫలించాయా? సాయిలు అప్పులు తీరాయా? తాత మరణం తర్వాత సాయిలు, కుటుంబం ఎదుర్కొన్న సంఘటనలు ఏంటి? తన కుటుంబంలో ఉన్న గొడవలని పరిష్కరించాడా? ఇవన్నీ తెలియాలి అంటే మీరు సినిమా చూడాల్సిందే.

రివ్యూ :

సినిమాల్లో నటించే ఎంతో మంది తర్వాత దర్శకత్వం బాట పట్టారు. ఇప్పుడు అలా కమెడియన్ గా ఇండస్ట్రీలోకి అడుగు పెట్టి తనకంటూ ఒక స్థానాన్ని సంపాదించుకున్న టిల్లు వేణు కూడా దర్శకుడిగా బలగం అనే సినిమాకి దర్శకత్వం వహించారు. సినిమా అంతా తెలంగాణ నేపథ్యంలో సాగుతుంది. ఊళ్ళలో జరిగే సంఘటనలని చాలా సహజంగా చూపించారు. సినిమా కాన్సెప్ట్ చాలా సింపుల్ గా ఉంటుంది.

కానీ తీసిన విధానం మాత్రం ఆకట్టుకునే లాగా ఉంది. ఒక కమర్షియల్ సినిమాకి దూరంగా, చాలా సహజంగా, కేవలం ఎమోషన్స్ తో మాత్రమే సినిమా నడుస్తుంది. ఇంక పర్ఫార్మెన్స్ విషయానికి వస్తే పాత్రల్లో నటించిన ప్రతి నటీనటులు ఆ పాత్రకి తగ్గట్టుగా నటించారు. కానీ తాత పాత్రలో నటించిన సుధాకర్ రెడ్డి నటన హైలైట్ గా నిలిచింది. నిర్మాణ విలువలు కూడా బాగున్నాయి.

ప్లస్ పాయింట్స్:

• కాన్సెప్ట్
• కామెడీ
• పాటలు
• డైలాగ్స్

మైనస్ పాయింట్స్:

• సాగదీసినట్టుగా ఉన్న కొన్ని సీన్స్
• హీరో హీరోయిన్ మధ్య వచ్చే లవ్ ట్రాక్

రేటింగ్ :

3/5

ట్యాగ్ లైన్:

కమర్షియల్ ఎలిమెంట్స్ లేని ఒక సినిమా చూద్దాం అనుకునే వారికి, ఎమోషనల్ గా సాగే సినిమాలని ఇష్టపడే వారికి బలగం సినిమా తప్పకుండా నచ్చుతుంది. కాన్సెప్ట్ ఓరియెంటెడ్ సినిమాలని బాగా ఇష్టపడే ప్రేక్షకులని ఈ సినిమా అస్సలు నిరాశపరచదు.

watch trailer :

• చిత్రం : సెల్ఫీ
• నటీనటులు : అక్షయ్ కుమార్, ఇమ్రాన్ హష్మీ, నుష్రత్ బరుచా, డయానా పెంటీ.
• నిర్మాత : హీరో యష్ జోహార్, అరుణా భాటియా, సుప్రియా మీనన్, కరణ్ జోహార్, పృథ్వీరాజ్ సుకుమారన్, అపూర్వ మెహతా, లిస్టిన్ స్టీఫెన్.
• దర్శకత్వం : రాజ్ మెహతా
• సంగీతం : అను మాలిక్, తనిష్క్ బాగ్చి, యో యో హనీ సింగ్, ది ప్రొఫెక్, లిజో జార్జ్ – DJ చేతస్, విక్రమ్ మాంట్రోస్, ఆదిత్య యాదవ్ – తరుణ్
• విడుదల తేదీ : ఫిబ్రవరి 24, 2023

స్టోరీ : 

విజయ్ కుమార్ (అక్షయ్ కుమార్) ఒక పెద్ద స్టార్ హీరో. ఒక సినిమా షూటింగ్ కోసం విజయ్ కుమార్ భోపాల్ వెళ్లాల్సి వస్తుంది. ఆ సినిమా క్లైమాక్స్ సీన్ షూట్ చేయడానికి విజయ్ కి ఒక డ్రైవింగ్ లైసెన్స్ కావాల్సి ఉంటుంది. ఈ లైసెన్స్ కోసం విజయ్ ఆర్టీవో ఆఫీస్ కి వెళ్తాడు. అక్కడ మోటార్ వెహికల్ ఇన్స్పెక్టర్ అయిన ఓం ప్రకాష్ అగర్వాల్ (ఇమ్రాన్ హష్మీ) విజయ్ కి వీరాభిమాని. కానీ కొన్ని కారణాల వల్ల విజయ్ కి, ఓం ప్రకాష్ కి మధ్య గొడవ మొదలవుతుంది. దాంతో విజయ్ కి చాలా కోపం వచ్చి అక్కడ అధికారుల ముందు ఓం ప్రకాష్ ని అవమానిస్తాడు. అసలు వారిద్దరికీ మధ్య గొడవ ఏంటి? దీని తర్వాత ఓం ప్రకాష్ ఏం చేశాడు? విజయ్ కి ఎలాంటి సంఘటనలు ఎదురయ్యాయి? లైసెన్స్ దొరికిందా? లేదా? ఇదంతా తెలియాలి అంటే మీరు సినిమా చూడాల్సిందే.

రివ్యూ : 

బాలీవుడ్ హీరో అక్షయ్ కుమార్ కి ప్రపంచవ్యాప్తంగా క్రేజ్ ఉంది. ఏ బ్యాక్ గ్రౌండ్ లేకుండా ఇండస్ట్రీలో అడుగు పెట్టి ఇప్పుడు స్టార్ హీరో రేంజ్ కి ఎదిగారు అక్షయ్ కుమార్. కానీ గత కొన్ని సంవత్సరాల నుండి అక్షయ్ కుమార్ కి సరైన హిట్ రావట్లేదు. ఎన్నో రకాల సినిమాలు వస్తున్నాయి. కానీ అందులో ఏ ఒక్క సినిమా కూడా కమర్షియల్ విజయం సాధించలేదు. కొన్ని సినిమాలు యావరేజ్ టాక్ తెచ్చుకుంటే, మరికొన్ని సినిమాలు మాత్రం ఫ్లాప్ టాక్ తెచ్చుకుంటున్నాయి.

ఇప్పుడు సెల్ఫీ సినిమాతో అక్షయ్ కుమార్ ప్రేక్షకుల ముందుకి వచ్చారు. ఈ సినిమా మలయాళంలో సూపర్ హిట్ అయిన డ్రైవింగ్ లైసెన్స్ సినిమా రీమేక్. ఈ సినిమా కమర్షియల్ గా చాలా పెద్ద విజయం సాధించింది. ఇదే సినిమాని హిందీలో తీశారు. ఇందులో అక్షయ్ కుమార్ తో పాటు ప్రముఖ బాలీవుడ్ హీరో ఇమ్రాన్ హష్మీ కూడా ముఖ్య పాత్రలో నటించారు. అక్షయ్ కుమార్ కామెడీ టైమింగ్ గురించి ప్రత్యేకంగా చెప్పాల్సిన అవసరం లేదు.

ఈ సినిమాలో కూడా అక్షయ్ కుమార్ పెద్ద కొత్తగా ఉన్న పాత్ర ఏమి పోషించలేదు కానీ, తనలో ఉన్న కామెడీ టైమింగ్ మరొకసారి ప్రేక్షకులని అలరిస్తుంది. అలాగే ఓం ప్రకాష్ గా నటించిన ఇమ్రాన్ హష్మీ నటన కూడా ప్రేక్షకులని ఆకట్టుకుంటుంది. ఇలాంటి పాత్ర ఇమ్రాన్ హష్మీ పోషించడం చాలా అరుదు. కానీ కొన్ని చోట్ల మాత్రం చాలా పేలవంగా నటించారు అనిపిస్తుంది. ఇద్దరు వ్యక్తులకు మధ్య వచ్చే గొడవ, వారి అహంకారం వల్ల ఎంత దూరం వెళుతుంది అనేది ఈ సినిమా స్టోరీ పాయింట్.

ఫస్ట్ హాఫ్ మొత్తం కూడా చాలా ఎంటర్టైనింగ్ గా సాగుతుంది. అసలు ఈ విజయ్ కుమార్ ఎందుకు ఇంత పెద్ద స్టార్ అయ్యాడు? ఆయన ఎలాంటి సినిమాలు చేస్తాడు? ఇదంతా చూపిస్తారు. సెకండ్ హాఫ్ లో వీళ్ళిద్దరి మధ్య గొడవ ప్రేక్షకులకి చూపించారు. కానీ ఈ గొడవని తెరపై చూపించడంలో దర్శకుడు కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది. ఫస్ట్ హాఫ్ లో వచ్చిన హై అంతా సెకండ్ హాఫ్ లో తగ్గిపోతూ ఉంటుంది. అలా కాకుండా సెకండ్ హాఫ్ కూడా బాగుండి ఉంటే సినిమా మరొక రేంజ్ లో ఉండేది ఏమో.

ప్లస్ పాయింట్స్ : 

• అక్షయ్ కుమార్
• కొన్ని యాక్షన్ సీన్స్
• కామెడీ
• ఫస్ట్ హాఫ్ లో వచ్చే కొన్ని సీన్స్

మైనస్ పాయింట్స్: 

• పాటలు
• సెకండ్ హాఫ్

రేటింగ్ : 

2.5/5

ట్యాగ్ లైన్ :

ఎక్కువ ఆశించకుండా, ఒరిజినల్ తో పోల్చకుండా ఏదైనా ఒక ఎంటర్టైనింగ్ సినిమా చూద్దాం అనుకునే వారికి సెల్ఫీ సినిమా ఒక్కసారి చూడగలిగే సినిమాగా నిలుస్తుంది.

watch trailer :

• చిత్రం : కోనసీమ థగ్స్
• నటీనటులు : హృధు హరూన్, బాబీ సింహా, అనశ్వర రాజన్.
• నిర్మాత : రియా శిబు, ముంతాస్ ఎం
• దర్శకత్వం : బృందా
• సంగీతం : సామ్ సి. ఎస్
• విడుదల తేదీ : ఫిబ్రవరి 24, 2023

స్టోరీ :

శేషు (హృధు హరూన్) తునికి చెందిన ఒక అబ్బాయి. శేషు ఒక అనాధ. అతను కోయిల (అనశ్వర రాజన్) అనే ఒక అమ్మాయిని ప్రేమిస్తాడు. అనుకోని కారణాల వల్ల కాకినాడలోని జైలుకి వెళ్లాల్సి వస్తుంది. అక్కడి నుండి తప్పించుకొని ఎలాగైనా ఇంటికి వెళ్ళిపోవాలి అని అనుకుంటూ ఉంటాడు. అలాంటి సమయంలో అక్కడ జైల్లో ఉన్న దొర (బాబీ సింహా), మధు (మునిష్కాంత్) కూడా అక్కడి నుండి తప్పించుకోవాలి అనుకుంటారు.

దాంతో వారందరూ కలిసి జైలు నుండి బయటకు వెళ్లడానికి ప్లాన్ వేస్తారు. ఇందులో వారు విజయం సాధించారా? అ జైలు నుండి బయటికి వచ్చారా? అసలు వాళ్ళందరూ జైలుకి ఎందుకు వెళ్లాల్సి వచ్చింది? శేషు చివరికి తను ప్రేమించిన కోయిలని కలుస్తాడా? ఇదంతా తెలియాలి అంటే మీరు సినిమా చూడాల్సిందే.

రివ్యూ :

ఎన్నో సినిమాలకి కొరియోగ్రాఫర్ గా వ్యవహరించి ఇండస్ట్రీలో తనకంటూ ఎంతో ప్రత్యేక గుర్తింపు సంపాదించుకున్న కొరియోగ్రాఫర్ బృందా మాస్టర్. బృందా మాస్టర్ గత సంవత్సరం హే సినామిక అనే సినిమాతో ప్రేక్షకుల ముందుకు వచ్చారు. ఆ సినిమాకి బృందా మాస్టర్ దర్శకత్వం వహించారు. ఇప్పుడు తాను దర్శకత్వం వహించిన రెండవ సినిమాతో బృందా మాస్టర్ ప్రేక్షకుల ముందుకి వచ్చారు.

ఈ సినిమా తమిళ్ సినిమా అయినా కూడా తెలుగులో డబ్ చేసి విడుదల చేశారు. ఈ సినిమా మలయాళ సినిమా అయిన స్వాతంత్య్రం అర్ధరాత్రియిల్ అనే సినిమాకి రీమేక్. కథనంలో పెద్దగా మార్పులు చేయలేదు. ఇంక పెర్ఫార్మెన్స్ విషయానికి వస్తే ఇందులో శేషు పాత్రలో నటించిన హీరో కొత్తవాడు అయినా కూడా చాలా సహజంగా నటించాడు. బాబీ సింహ కూడా తన పాత్రలో చాలా బాగా నటించారు.

సినిమా ఫస్ట్ హాఫ్ అంతా కూడా శేషు అనే ఒక వ్యక్తి గురించి చెప్పడంలోనే అయిపోతుంది. చాలా వరకు సాగదీసినట్టు అనిపిస్తుంది. దాంతో ప్రేక్షకులకి సినిమా చూడాలి అనే ఆసక్తి కూడా పోతుంది. సినిమా కథ మొత్తం సెకండ్ హాఫ్ లో ఉంటుంది. అయినా కూడా చాలా నెమ్మదిగా నడుస్తూ ఉంటుంది. సాధారణంగా ఇలాంటి స్టోరీ లైన్ ఉన్న సినిమాలకి స్క్రీన్ ప్లే ఎంత ఫాస్ట్ గా ఉంటే సినిమా ప్రేక్షకులకు అంత సస్పెన్స్ గా అనిపిస్తుంది.

కానీ ఈ సినిమా విషయంలో మాత్రం స్క్రీన్ ప్లే చాలా డల్ గా అనిపిస్తుంది. దాంతో సినిమా చూసే ప్రేక్షకులు అసహనానికి గురి అయ్యే అవకాశం కూడా ఉంది. సాంకేతికంగా సినిమా చాలా బాగుంది. పాటలు, సినిమాటోగ్రఫీ అన్నీ కూడా ఒక సీరియస్ సినిమా చూస్తున్నాం అని ఫీల్ వచ్చేలాగా ఉన్నాయి. అలాగే లొకేషన్స్ కూడా చాలా సహజంగా ఉన్నాయి.

ప్లస్ పాయింట్స్ :

• నటీనటులు
• డైరెక్టర్ ఎంచుకున్న పాయింట్
• సాంకేతిక విలువలు
• బ్యాక్ గ్రౌండ్ మ్యూజిక్

మైనస్ పాయింట్స్:

• డల్ గా సాగే ఫస్ట్ హాఫ్
• సాగదీసినట్టుగా ఉండే సీన్స్

రేటింగ్ :

2.75/5

ట్యాగ్ లైన్ :

సినిమా స్టోరీ లైన్ బాగుంది. ఒక రకంగా చెప్పాలి అంటే ఇటీవల కాలంలో వచ్చిన చాలా సినిమాల కంటే ఈ సినిమా కొంచెం డిఫరెంట్ గా ఉంది. కానీ, కథనం విషయంలో మాత్రం ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది. ఎక్కువ ఎక్స్పెక్టేషన్స్ పెట్టుకోకుండా ఒక సీరియస్ సినిమా చూద్దాం అనుకునే వారికి కోనసీమ థగ్స్ సినిమా ఒక్కసారి చూడగలిగే సినిమాగా నిలుస్తుంది.

watch trailer :

• చిత్రం : శ్రీదేవి శోభన్ బాబు
• నటీనటులు : సంతోష్ శోభన్, గౌరీ జి కిషన్.
• నిర్మాత : విష్ణు ప్రసాద్, సుస్మిత కొణిదెల
• దర్శకత్వం : ప్రశాంత్ కుమార్ దిమ్మల
• సంగీతం : కమ్రాన్
• విడుదల తేదీ : ఫిబ్రవరి 18, 2023

స్టోరీ :

సినిమా అంతా శ్రీదేవి (గౌరీ జీ కిషన్), శోభన్ బాబు (సంతోష్ శోభన్) అనే ఇద్దరి మధ్య నడుస్తుంది. శ్రీదేవి హైదరాబాద్ లో ఒక ఫ్యాషన్ డిజైనర్. తన తండ్రి (నాగబాబు) ని వారి బంధువు (రోహిణి) అవమానించింది అని తెలిసి ఆమె మీద పగ తీర్చుకోవడానికి అరకు వెళుతుంది. అక్కడ శోభన్ బాబుతో పరిచయం ఏర్పడుతుంది. వారి పరిచయం ప్రేమగా మారుతుంది. అసలు శోభన్ బాబు ఎవరు? శ్రీదేవి తన బంధువుని కలిసిందా? వారి ప్రేమ ఇంట్లో తెలిసిందా? అసలు శ్రీదేవి తండ్రికి అవమానం జరగడానికి కారణం ఏంటి? ఇదంతా తెలియాలి అంటే మీరు సినిమా చూడాల్సిందే.

రివ్యూ : 

సంతోష్ శోభన్ డిఫరెంట్ కాన్సెప్ట్ ఉన్న సినిమాలను ఎంచుకుంటూ తనదైన స్టైల్ లో యాక్టింగ్ తో చాలా ఫేమస్ అయ్యారు. ఇప్పుడు ఉన్న యంగ్ హీరోల్లో మినిమం గ్యారంటీ హీరోలలో ఒకరిగా గుర్తింపు పొందారు. ఇప్పుడు సుస్మిత కొణిదల నిర్మించిన ఈ సినిమా ద్వారా ప్రేక్షకుల ముందుకి వచ్చారు. జాను సినిమాతో హీరోయిన్ చిన్నప్పటి పాత్రలో నటించిన గౌరీ ఈ సినిమాలో హీరోయిన్ గా నటించారు.

సినిమా స్టోరీ చాలా సింపుల్ గా ఉంటుంది. డైరెక్టర్ అనుకున్న పాయింట్ ని మొదటి నుండి చివరి వరకు డైవర్ట్ అవ్వకుండా చూపించారు. కానీ సినిమా కథనంలో కొత్తదనం లేకపోవడం వల్ల తర్వాత ఏమవుతుంది అనే ఆసక్తి ఉండదు. సినిమా అంతా తెలిసిపోతుంది. దాంతో ఒక పాయింట్ తర్వాత సినిమా క్లైమాక్స్ ఎప్పుడు వస్తుంది అని అనిపిస్తుంది.

పర్ఫార్మెన్స్ విషయానికి వస్తే సినిమాలో ఉన్న నటీనటులు అందరూ కూడా తమ పాత్రలకు తగ్గట్టుగా నటించారు. సంతోష్ శోభన్ తన పాత్రకి న్యాయం చేశారు. ఆ పాత్రకి తగ్గట్టుగా తనని తాను మార్చుకున్నారు. హీరోయిన్ గౌరీ కూడా తెలుగులో హీరోయిన్ గా మొదటి సినిమా అయినా కూడా అలా అనిపించకుండా నటించారు.

ప్లస్ పాయింట్స్ :

• నటీనటులు
• లోకేషన్స్

మైనస్ పాయింట్స్:

• రొటీన్ కథ
• చాలా ఫ్లాట్ గా ఉండే ఫస్ట్ హాఫ్

రేటింగ్ :

2.25/5

ట్యాగ్ లైన్ :

కథ నుండి పెద్దగా ఎక్స్పెక్టేషన్స్ పెట్టుకోకుండా ఏదైనా ఒక సరదాగా సాగే సినిమా చూద్దాం అనుకునే వారికి శ్రీదేవి శోభన్ బాబు సినిమా ఒక్కసారి చూడగలిగే సినిమాగా నిలుస్తుంది.

watch trailer :