Movie Reviews

• చిత్రం : లక్ష్య
• నటీనటులు : నాగశౌర్య, జగపతి బాబు, కేతిక శర్మ, సచిన్ ఖేడేకర్ తదితరులు
• నిర్మాత :నారాయణ్ దాస్ నారంగ్, పుస్కుర్ రామ్ మోహన్ రావు, శరత్ మరార్ (నార్త్ స్టార్ ఎంటర్‌టైన్మెంట్స్)
• దర్శకత్వం : ధీరేంద్ర సంతోష్ జాగర్లపూడి
• సంగీతం : కాలభైరవ
• విడుదల తేదీ : డిసెంబర్ 10, 2021

స్టోరీ :

తన కలని నిజం చేయడం కోసం కురుక్షేత్ర ఆర్చరీ అకాడమీలో పార్ధు (నాగ శౌర్య) జాయిన్ అవ్వడంతో ఈ సినిమా మొదలవుతుంది. రఘురామయ్య (సచిన్ ఖేడేకర్) అతనికి సపోర్ట్ ఇస్తారు. పార్ధు గర్ల్ ఫ్రెండ్ గా రితిక (కేతిక శర్మ) పరిచయమవుతుంది. మొట్టమొదటి స్టేట్ లెవెల్ ఛాంపియన్షిప్ కి పార్ధు వెళ్తాడు. కానీ ఇంతలో పార్ధు లైఫ్ లో అనుకోని సంఘటన చోటుచేసుకుంటుంది. అప్పుడు జగపతి బాబు పార్ధుని మళ్ళీ ఆర్చరీ వైపు మళ్లించే ప్రయత్నం చేస్తారు. చివరికి పార్ధు కష్టాలను దాటుకొని వరల్డ్ ఆర్చరీ ఛాంపియన్షిప్ ఎలా గెలిచాడు అనేది తెలియాలి అంటే సినిమా చూడాల్సిందే.

రివ్యూ :

ఆర్చరీ స్పోర్ట్ ప్లేయర్ గా ప్రధాన పాత్రలో నాగ శౌర్య అద్భుతంగా నటించారు. జగపతి బాబు కోచ్ పాత్రలో నటించడం ఈ సినిమాకి పెద్ద ప్లస్ పాయింట్. రొమాంటిక్ ఫేమ్ “కేతిక శర్మ” కూడా అద్భుతంగా నటించింది. ఈ స్పోర్ట్ డ్రామా మూవీ అన్ని మూవీస్ కంటే చాలా భిన్నంగా ప్రేక్షకులకు ఎక్కడ బోర్ కొట్టకుండా తెరకెక్కించారు డైరెక్టర్ ధీరేంద్ర సంతోష్. సెకండ్ హాఫ్ లో నాగ శౌర్య 8 ప్యాక్ తో అదరగొట్టారు. కెమెరా మెన్ రామ్ వర్క్ ని మెచ్చుకోకుండా ఉండలేము. ఇక కాలభైరవ అందించిన బ్యాక్ గ్రౌండ్ మ్యూజిక్ కూడా హైలైట్.

ప్లస్ పాయింట్స్ :

• నాగ శౌర్య నటన
• జగపతి బాబు రోల్
• సెకండ్ హాఫ్

మైనస్ పాయింట్స్ :

• ముందే తెలిసిపోయే కథ
• అంతగా ఆకట్టుకోని కొన్ని స్పోర్ట్స్ సీన్స్

రేటింగ్ : 3 / 5

ట్యాగ్ లైన్ :

స్పోర్ట్ డ్రామా అయినప్పటికి భిన్నమైన కాన్సెప్ట్ తో ఎక్కడా బోర్ కొట్టకుండా ఆకట్టుకుంటుంది “లక్ష్య”.

• చిత్రం : దృశ్యం 2
• నటీనటులు : వెంకటేష్, మీనా, కృతిక జయ కుమార్, ఎస్తేర్ అనిల్, నరేష్, నదియా.
• నిర్మాత : ఆంటోనీ పెరుంబవూర్, సురేష్ దగ్గుబాటి
• దర్శకత్వం : జీతూ జోసెఫ్
• సంగీతం : అనూప్ రూబెన్స్
• విడుదల తేదీ : నవంబర్ 25, 2021 (అమెజాన్ ప్రైమ్).

స్టోరీ :

కథ ముగిసిన ఆరేళ్ల తర్వాత సినిమా మొదలవుతుంది. రాంబాబు (వెంకటేష్) సినిమా తీద్దామని అనుకుంటూ ఉంటాడు. అదే పనిలో తిరుగుతూ ఉంటాడు. ఈ సంఘటన జరిగిపోయి ఆరు సంవత్సరాలు అయినా సరే ఆ కుటుంబం మాత్రం ఇంకా అందులో నుండి బయటికి రాదు. రాంబాబు పెద్ద కూతురు మానసిక సమస్యలను ఎదుర్కొంటూ ఉంటుంది. రాంబాబు భార్య కూడా ముందులాగా ఉండలేకపోతుంది. అనుకోని సంఘటనల వల్ల, ఆ మర్డర్ కేస్ విషయం మళ్ళీ వెలుగులోకి వస్తుంది. ఈసారి గట్టి సాక్ష్యాధారాలు ఉండడంతో రాంబాబు కుటుంబం చిక్కుల్లో పడుతుంది. ఇప్పుడు రాంబాబు ఏం చేశాడు? అసలు ఆ రోజు నిజంగా ఏం జరిగింది? అప్పుడు రాంబాబు చెప్పిన కథంతా నిజమేనా? ఇవన్నీ తెలుసుకోవాలంటే సినిమా చూడాల్సిందే.

రివ్యూ :

మొదటి భాగంలాగానే రెండవ భాగం కూడా మలయాళం సినిమాకి రీమేక్. ఇంకొక విషయం ఏంటంటే మలయాళం సినిమాకి దర్శకత్వం వహించిన జీతూ జోసెఫ్, తెలుగు రీమేక్ కి కూడా దర్శకత్వం వహించారు. మొదటి భాగాన్ని, రెండవ భాగాన్ని పోల్చి చూస్తే, రెండవ పార్ట్ లో సస్పెన్స్ కొంచెం ఎక్కువగానే ఉంటుంది. సినిమా చాలా మామూలుగా మొదలవుతుంది. అసలు ఏం జరుగుతోంది అనేది కొంత సమయం వరకు అర్థం కాదు. కానీ సినిమా ముందుకు వెళుతున్న కొద్దీ సస్పెన్స్ మొదలవుతుంది. ఎప్పుడైతే సినిమాలోని అసలు పాయింట్ తెరపై చూపించారో, అప్పటినుండి కథ అంతా ఆసక్తికరంగా సాగుతుంది.

నటన విషయానికొస్తే, రాంబాబుగా వెంకటేష్ చాలా బాగా నటించారు. అలాగే రాంబాబు భార్యగా నటించిన మీనా కూడా తన పాత్రకు న్యాయం చేశారు. డబ్బింగ్ తనే చెప్పుకోవడంతో ఇంకా నాచురల్ గా అనిపించింది. అంతే కాకుండా వీరిద్దరి కూతుర్లుగా నటించిన కృతిక, ఎస్తేర్, అలాగే సహాయ పాత్రల్లో నటించిన నదియా, నరేష్, సంపత్, సత్యం రాజేష్, షఫీ, తనికెళ్ల భరణి కూడా తమ పాత్రల పరిధి మేరకు బాగా నటించారు. సినిమా చివరిలో సినిమాకి ఇంకొక భాగం కూడా ఉంటుంది అని ఒక హింట్ ఇచ్చారు. మరి అందులో ఏ ట్విస్ట్ ఉండబోతోందో తెలియాలంటే ఇంకా కొద్ది రోజులు ఆగాల్సిందే.

ప్లస్ పాయింట్స్ :

• స్టోరీ
• నటన
• కొన్ని ఊహించని ట్విస్ట్ లు

మైనస్ పాయింట్స్:

• స్లోగా నడిచే కొన్ని సీన్స్

రేటింగ్ :

3.25/5

ట్యాగ్ లైన్ :

మొదటి భాగం లాగానే రెండవ భాగం కూడా సస్పెన్స్ తో సాగుతుంది. రీమేక్ అయినా కూడా మన నేటివిటీకి తగ్గట్టుగా ఉంది. కథ బలంగా ఉండడంతో, సినిమా చూసే ప్రేక్షకుడికి ఎక్కడా బోర్ కొట్టదు.

• చిత్రం : కురుప్
• నటీనటులు : దుల్కర్ సల్మాన్, శోభితా ధూళిపాళ, ఇంద్రజిత్ సుకుమారన్.
• నిర్మాత : దుల్కర్ సల్మాన్
• దర్శకత్వం : శ్రీనాథ్ రాజేంద్రన్
• సంగీతం : సుశీన్ శ్యామ్
• విడుదల తేదీ : నవంబర్ 12, 2021

స్టోరీ :

సినిమా 1960, 70, నుండి నడుస్తూ 2000 సంవత్సరం వరకు జరిగిన సంఘటనలను చూపిస్తుంది. గోపి కృష్ణ కురుప్ అలియాస్ సుకుమార కురుప్ (దుల్కర్ సల్మాన్) కి జీవితంలో ఏదో చేయాలని ఉంటుంది. సాధారణ జీవితం గడపడం తనకి ఇష్టం ఉండదు. ఈ క్రమంలో కురుప్ ఆర్మీ నుండి పారిపోతాడు. అక్కడి నుండి కురుప్ ఎలాంటి పనులు చేసాడు? అంత డబ్బున్న వాడిగా ఎలా మారాడు? మధ్యలో కురుప్ ఎదుర్కొన్న సమస్యలు ఏంటి? పోలీసులు కురుప్ కోసం ఎందుకు గాలిస్తున్నారు? ఇదంతా తెలియాలంటే సినిమా చూడాల్సిందే.

రివ్యూ :

ఇది దుల్కర్ సల్మాన్ మొదటి పాన్ ఇండియన్ సినిమా. సినిమా షూటింగ్ పూర్తయ్యి దాదాపు సంవత్సరం అయ్యింది. మధ్యలో ఉన్న పరిస్థితుల కారణంగా విడుదల ఆలస్యం అయ్యింది. మధ్యలో సినిమా థియేటర్లలో విడుదల అవ్వదు అనే వార్తలు కూడా వచ్చాయి. కానీ సినిమా బృందం మాత్రం సినిమా థియేటర్లలోనే విడుదల చేయాలి అని ఓపికగా ఎదురు చూసి, ఇవాళ ప్రేక్షకుల ముందుకు తీసుకు వచ్చింది. కురుప్ సినిమాకి అతి పెద్ద హైలైట్ హీరో, నిర్మాత అయిన దుల్కర్ సల్మాన్.

సినిమాని కేవలం ఇతర భాషల్లోకి డబ్ చేయడం మాత్రమే కాకుండా, మలయాళంతో పాటు, తెలుగు, తమిళ్ లో కూడా తనే డబ్బింగ్ చెప్పుకున్నారు. దాంతో పాత్ర ఇంకా ఒరిజినల్ గా కనిపించింది. అలాగే హీరోయిన్ గా నటించిన శోభితా ధూళిపాళ, ఒక ముఖ్య పాత్రలో నటించిన ఇంద్రజిత్ కూడా తమ పరిధి వరకు బాగా నటించారు. టెక్నికల్ గా సినిమా చాలా బాగుంది. కానీ డైరెక్టర్ శ్రీనాథ్ స్టోరీ ఇంకా బాగా చూపించి ఉండొచ్చు అనిపిస్తుంది. కొన్నిచోట్ల హడావిడి పడ్డారు ఏమో అనిపిస్తుంది. ఇంకా చాలా విషయాలు తెరపై చూపించి ఉండొచ్చు అనే అభిప్రాయం ప్రేక్షకులకి కలుగుతుంది.

ప్లస్ పాయింట్స్ :

• దుల్కర్ సల్మాన్
• సాంకేతిక విలువలు
• సెకండ్ హాఫ్

మైనస్ పాయింట్స్:

• కథకి ముఖ్యమైన కొన్ని అంశాలని తెరపై చూపించకపోవడం

రేటింగ్ :

3/5

ట్యాగ్ లైన్ :

క్రైమ్ సినిమాలు చూసి చాలా రోజులు అయ్యింది. ఒక డార్క్ క్రైమ్ డ్రామా చూద్దాం అనుకునేవారు ఆలోచించకుండా కురుప్ సినిమా చూసేయొచ్చు. మొదటిసారి సినిమా చూసిన ప్రేక్షకుడిని అయితే తప్పకుండా నిరాశపరచదు.

• చిత్రం : రాజా విక్రమార్క
• నటీనటులు : కార్తికేయ, తాన్య రవిచంద్రన్, తనికెళ్ళ భరణి.
• నిర్మాత : 88 రామా రెడ్డి
• దర్శకత్వం : శ్రీ సరిపల్లి
• సంగీతం : ప్రశాంత్ ఆర్ విహారి
• విడుదల తేదీ : నవంబర్ 12, 2021

స్టోరీ :

విక్రమ్ (కార్తికేయ), కొత్తగా జాయిన్ అయిన NIA ఆఫీసర్. హోమ్ మినిస్టర్ సుకుమార్ (సాయి కుమార్) కి రక్షణ కల్పించే బాధ్యతని విక్రమ్ కి ఇస్తారు. ఈ క్రమంలో విక్రమ్ హోమ్ మినిస్టర్ కూతురు అయిన కాంతి (తాన్య రవిచంద్రన్) తో ప్రేమలో పడతాడు. అనుకోని విధంగా కాంతి కిడ్నాప్ అవుతుంది. అసలు ఎవరు కిడ్నాప్ చేశారు? హోమ్ మినిస్టర్ కి ఎవరి నుండి అపాయం ఉంది? విక్రమ్ కాంతిని కాపాడుతాడా? అనేది మీరు తెరపై చూడాల్సిందే.

రివ్యూ :

రాజా విక్రమార్క అలియాస్ విక్రమ్ గా కార్తికేయ బాగా చేశారు. కార్తికేయ బాడీ లాంగ్వేజ్, మేనరిజమ్స్, మాట్లాడే విధానం అన్నీ కూడా పాత్రకి తగ్గట్టుగా బాగా మార్చుకున్నారు. డైరెక్టర్ శ్రీకి ఇది మొదటి సినిమా. ఇలాంటి సినిమాలని మనం హాలీవుడ్లో చాలా సార్లు చూశాం. రాజా విక్రమార్క చాలా హాలీవుడ్ సినిమాల నుండి ఇన్స్పైర్ అయ్యి తీశారు ఏమో అని అనిపిస్తుంది. ప్రతి సీన్ లో కామెడీ యాడ్ చేయడానికి ప్రయత్నించారు.

అది కొన్ని చోట్ల బానే ఉన్నా కూడా, కొన్నిచోట్ల, “అనవసరంగా ఈ సీన్ ఉందేమో” అనిపిస్తుంది. చాలా చోట్ల యాక్షన్, కామెడీ రెండు కలపడానికి ప్రయత్నించారు. కానీ అది వర్కౌట్ అవ్వలేదు. తాన్య రవిచంద్రన్ తన పాత్ర వరకు బానే చేశారు. తనికెళ్ళ భరణి, సాయి కుమార్, హర్షవర్ధన్, లైఫ్ ఈజ్ బ్యూటిఫుల్ ఫేమ్ సుధాకర్ కి కూడా మంచి పాత్రలు పడ్డాయి. ప్రశాంత్ విహారి అందించిన బ్యాక్ గ్రౌండ్ స్కోర్ బాగుంది.

ప్లస్ పాయింట్స్ :

• కార్తికేయ పర్ఫామెన్స్
• బ్యాక్ గ్రౌండ్ స్కోర్

మైనస్ పాయింట్స్:

• ఎక్కువగా అనిపించిన కామెడీ సీన్స్
• ఎడిటింగ్

రేటింగ్ :

2.25/5

ట్యాగ్ లైన్ :

ఎలాంటి ఎక్స్పెక్టేషన్స్ లేకుండా ఒక సినిమా చూద్దాము అని వెళ్తే రాజా విక్రమార్క ఒక సారి చూడొచ్చు.

• చిత్రం : పుష్పక విమానం
• నటీనటులు : ఆనంద్ దేవరకొండ, గీత్ సైని, శాన్వి మేఘన.
• నిర్మాత : గోవర్ధన్ రావు దేవరకొండ, ప్రదీప్ ఎర్రబెల్లి, విజయ్ మిట్టపల్లి.
• దర్శకత్వం : దామోదర
• సంగీతం : రామ్ మిరియాల
• విడుదల తేదీ : నవంబర్ 12, 2021

స్టోరీ :

చిట్టిలంక సుందర్ (ఆనంద్ దేవరకొండ)కి, మీనాక్షి (గీత్ సైని)తో వివాహం జరుగుతుంది. వివాహం జరిగిన మరుసటిరోజు మీనాక్షి ఇంట్లో నుండి వెళ్లిపోతుంది. సుందర్ ఈ విషయాన్ని దాచిపెట్టడానికి చాలా కష్టపడుతూ ఉంటాడు. తన భార్యలాగా నటించడానికి సుందర్ ఒక ఆర్టిస్ట్ (శాన్వి మేఘన)ని మాట్లాడుకుంటాడు. తర్వాత, ఒక అనుకోని సంఘటన వల్ల సుందర్ పోలీసుల చేతికి చిక్కుతాడు. పోలీస్ ఇన్స్పెక్టర్ అయిన సునీల్, సుందర్ ని ఇన్వెస్టిగేట్ చేస్తూ ఉంటాడు. అసలు ఏమైంది? మీనాక్షి ఎందుకు వెళ్ళిపోయింది? సుందర్ ని పోలీసులు ఎందుకు అరెస్ట్ చేశారు? చివరికి మీనాక్షి మళ్ళీ తిరిగి వచ్చిందా? ఇదంతా తెలియాలంటే మీరు సినిమా చూడాల్సిందే.

రివ్యూ :

2019 లో వచ్చిన దొరసాని తర్వాత, మళ్లీ థియేటర్లలో విడుదల అయిన ఆనంద్ దేవరకొండ సినిమా ఇది. నటనపరంగా ఆనంద్ దేవరకొండ ముందు సినిమాల కంటే చాలా మెరుగుపడ్డారు. హీరోయిన్లుగా నటించిన గీత్ సైని, శాన్వి మేఘన కూడా బాగా నటించారు. సహాయ పాత్రల్లో నటించిన హర్షవర్ధన్, సునీల్ కూడా తమ పాత్రలకు న్యాయం చేశారు. దర్శకుడు దామోదర రాసుకున్న కథ బాగుంది. కానీ సినిమా చాలా ల్యాగ్ చేసినట్టు అనిపిస్తుంది. సెకండ్ హాఫ్ లో అయితే కొన్నిచోట్ల ప్రేక్షకుడి సహనానికి పరీక్ష పెట్టినట్టు అనిపిస్తుంది. ఇంక క్లైమాక్స్ కి వచ్చేటప్పటికీ సినిమా చాలా డల్ గా అయిపోయింది.

ఆనంద్ దేవరకొండ హీరోగా నటించిన మిడిల్ క్లాస్ మెలోడీస్ సినిమా డైరెక్ట్ అమెజాన్ ప్రైమ్ లో విడుదల అయ్యింది. ఆ సినిమాని ప్రేక్షకులు కూడా ఆదరించారు. బహుశా పుష్పక విమానం థియేటర్లలో కాకుండా ఓటీటీలో విడుదల అయితే పాజిటివ్ టాక్ వచ్చేదేమో. కానీ ఇప్పుడు మాత్రం సినిమా బాగున్నా కూడా కలెక్షన్స్ పరంగా ఎలా ఉంటుందో చెప్పడం కష్టం.

ప్లస్ పాయింట్స్ :

• నటీనటుల పెర్ఫార్మెన్స్
• అక్కడక్కడ నవ్వించే కామెడీ సీన్స్

మైనస్ పాయింట్స్:

• చాలా స్లోగా నడిచే స్టోరీ
• బలహీనంగా చిత్రీకరించిన కొన్ని సీన్స్

రేటింగ్ :

2.5/5

ట్యాగ్ లైన్ :

కథ బాగున్నా కూడా, సినిమా చాలా స్లోగా నడుస్తుంది. సినిమాని ఒకసారి అయితే చూడొచ్చు. థియేటర్లలో కంటే ఓటీటీలో మంచి టాక్ వచ్చే అవకాశం ఉంది.

• చిత్రం : జై భీమ్
• నటీనటులు : సూర్య, లిజోమోల్ జోస్, కె. మణికందన్, రజిషా విజయన్, ప్రకాష్ రాజ్, రావు రమేష్.
• నిర్మాత : సూర్య, జ్యోతిక
• దర్శకత్వం :  T. J. జ్ఞానవేల్
• సంగీతం : సీన్ రోల్డాన్
• విడుదల తేదీ : నవంబర్ 2, 2021 (అమెజాన్ ప్రైమ్)

స్టోరీ :

1990 సమయంలో సినిమా మొదలవుతుంది. చిన్న తల్లి (లిజోమోల్ జోస్), రాజన్న (మణికందన్) ఒక మారుమూల గ్రామంలో నివసించే భార్యాభర్తలు. కొన్ని అనుకోని పరిస్థితుల కారణంగా అమాయకుడైన రాజన్న జైలుకి వెళ్ళాల్సి వస్తుంది. అక్కడ రాజన్నని చిత్రహింసలు పెడతారు. దాంతో రాజన్న జైలునుండి పారిపోతాడు. అప్పుడు ఏం చేయాలో తెలియక చిన్న తల్లి అడ్వకేట్ చంద్రు (సూర్య) సహాయం అడుగుతుంది. దాంతో చంద్రు రాజన్న కేస్ టేకప్ చేస్తాడు. చంద్రు రాజన్నని బయటకు తీసుకొస్తాడా? సంఘంలో ఉండే వివక్షల కారణంగా రాజన్న దంపతులు ఎలాంటి ఇబ్బందులను ఎదుర్కొన్నారు? రాజన్నకి న్యాయం జరిగిందా? ఇవన్నీ తెలియాలంటే సినిమా చూడాల్సిందే.

రివ్యూ :

సినిమా 1990 సమయంలో జరిగింది. ఆ సమయంలో సంఘంలో కుల,మత వివక్షలు ఎక్కువగానే ఉండేవి. వాటన్నిటినీ ఈ సినిమాలో చూపించారు. కొన్నిచోట్ల వాళ్ళు ఎదుర్కొనే ఇబ్బందులు, సినిమా చూసిన ప్రేక్షకులని కంటతడి పెట్టిస్తాయి. స్టోరీలైన్ చిన్నదే అయినా కూడా, చాలా లోతుగా ఆలోచింపచేసేలాగా ఎన్నో ముఖ్యమైన అంశాలను తెర మీద చూపించారు. పర్ఫార్మెన్సెస్ విషయానికొస్తే, రాజన్న పాత్ర పోషించిన మణికందన్, అలాగే లిజోమోల్ జోస్ చాలా బాగా నటించారు. వారి నటన చాలా సహజంగా అనిపిస్తుంది.

సినిమాకి ఎంతో ముఖ్యమైన చంద్రు పాత్ర పోషించిన సూర్యకి కూడా మళ్లీ ఒక మంచి పవర్ ఫుల్ రోల్ పడింది. అడ్వకేట్ పాత్రలో పర్ఫెక్ట్ గా సరిపోయారు సూర్య. అలాగే మరికొన్ని ముఖ్య పాత్రల్లో నటించిన ప్రకాష్ రాజ్, రావు రమేష్, మరొక హీరోయిన్ రజిషా విజయన్ కూడా బాగా నటించారు. అక్కడ అక్కడ కొంచెం డల్ గా అనిపించినా కూడా, స్టోరీ చాలా బలంగా ఉండడంతో అలాంటి పొరపాట్లు ఏవి పెద్దగా కనిపించవు. చివరికి ఏమవుతుంది అనే ఉత్కంఠతో సినిమా సాగుతుంది.

ప్లస్ పాయింట్స్ :

• నటీనటుల పెర్ఫార్మెన్స్
• కథ
• అప్పటి పరిస్థితులను చూపించిన విధానం

మైనస్ పాయింట్స్ :

• అక్కడక్కడా కొంచెం డల్ అయిన సీన్స్

రేటింగ్ :

3.25/5

ట్యాగ్ లైన్ :

నిజ జీవిత సంఘటనల ఆధారంగా తీసిన ఈ సినిమా ప్రేక్షకులను నిరాశపరచదు. ప్రతి ఒక్కరూ తప్పక చూడాల్సిన ఒక సీరియస్, మెసేజ్ ఓరియంటెడ్ సినిమా ఇది.

• చిత్రం : వరుడు కావలెను
• నటీనటులు : నాగ శౌర్య, రీతు వర్మ, నదియా, మురళి శర్మ.
• నిర్మాత : సూర్యదేవర నాగ వంశీ
• దర్శకత్వం : లక్ష్మీ సౌజన్య
• సంగీతం : విశాల్ చంద్రశేఖర్, తమన్
• విడుదల తేదీ : అక్టోబర్ 29, 2021

స్టోరీ : 

భూమి (రీతు వర్మ) ఒక స్ట్రిక్ట్ ఆఫీస్ మేనేజర్. భూమికి పెళ్లి సంబంధాలు వస్తున్నా కూడా, ఒక్కరు కూడా తనకి నచ్చట్లేదు. దాంతో అందరినీ రిజెక్ట్ చేస్తూ ఉంటుంది. ఇదిలా ఉండగా, దుబాయ్ నుండి ఒక ప్రాజెక్ట్ పని మీద ఆర్కిటెక్ట్ అయిన ఆకాష్ (నాగ శౌర్య) ఇండియాకి వస్తాడు. భూమి ఆఫీస్ లో, ఆకాష్ ఒక అసైన్మెంట్ మీద పని చేస్తూ ఉంటాడు. ఈ క్రమంలో భూమి ఆకాష్ ని ఇష్టపడుతుంది. కొన్ని కారణాల వల్ల ఇద్దరు ఒకరికి ఒకరు దూరం అవుతారు. తర్వాత మళ్లీ వాళ్ళిద్దరూ కలిసారా? ఫ్లాష్ బ్యాక్ లో ఏం జరిగింది? వారిద్దరికీ అంతకుముందే పరిచయం ఉందా? అసలు ఆకాష్ కథ ఏంటి? ఇదంతా తెలియాలంటే మీరు సినిమా చూడాల్సిందే.

రివ్యూ :

సినిమా ట్రైలర్ లో చూపించిన ట్రాక్ లోనే నడుస్తుంది. ఇలాంటి కధలు మనం అంతకు ముందు చూసాం. కానీ ప్రెజెంటేషన్ కొంచెం భిన్నంగా ఉంది. కథ బాగానే ఉన్నా కూడా, స్క్రీన్ ప్లే చాలా స్లో గా ఉంది. మధ్య మధ్యలో కొన్ని సీన్స్, కొన్ని డైలాగ్స్, సప్తగిరి కామెడీ కొంతవరకు వర్కౌట్ అయ్యింది. ఒక వయసు వచ్చిన తర్వాత పెళ్లి కాని వాళ్ళు, అందులోనూ ముఖ్యంగా ఆడవాళ్ళు సమాజంలో ఎదుర్కొనే సమస్యలను ఈ సినిమాలో బాగా చూపించారు. విశాల్ చంద్రశేఖర్ అందించిన పాటలు బాగున్నాయి. అలాగే తమన్ కూడా రెండు పాటలకు సంగీతం అందించారు. ఇంక పర్ఫామెన్స్ విషయానికి వస్తే, మళ్లీ పెళ్లి చూపులు సినిమా తర్వాత అంతటి స్కోప్ ఉన్న పాత్రలో రీతు వర్మ చాలా బాగా నటించారు. నాగ శౌర్య కూడా తన ఆ పాత్రకి న్యాయం చేశారు. రెండు షేడ్స్ ఉన్న పాత్రలో నాగ శౌర్య నటించారు. మిగిలిన నటీనటులు కూడా తమ పాత్రలలో బాగా నటించారు. కానీ స్క్రీన్ ప్లే స్లో ఉండటం కారణంగా, సినిమా అక్కడక్కడా బోర్ కొట్టే అవకాశాలు ఉన్నాయి.

ప్లస్ పాయింట్స్ :

• డైరెక్టర్ ఎంచుకున్న పాయింట్
• నటీనటుల పెర్ఫార్మెన్స్
• డైలాగ్స్

మైనస్ పాయింట్స్:

• చాలా స్లోగా సాగిన స్క్రీన్ ప్లే
• బోర్ కొట్టే సీన్స్

రేటింగ్ :

2.5/5

ట్యాగ్ లైన్ :

డైరెక్టర్ చెప్పాలనుకున్న కథ బాగున్నా కూడా, సినిమా చాలా నెమ్మదిగా సాగడంతో, వరుడు కావలెను ఒక యావరేజ్ సినిమాగా నిలిచింది.

• చిత్రం : రొమాంటిక్
• నటీనటులు : ఆకాష్ పూరి, కేతిక శర్మ, రమ్య కృష్ణన్.
• నిర్మాత : పూరి జగన్నాధ్
• దర్శకత్వం : అనిల్ పాదూరి
• సంగీతం : సునీల్ కశ్యప్
• విడుదల తేదీ : అక్టోబర్ 29, 2021

స్టోరీ : 

సినిమా గోవాలో మొదలవుతుంది. రమ్య గోవారికర్ (రమ్య కృష్ణన్) పాయింట్ ఆఫ్ వ్యూలో కథ నడుస్తుంది. వాస్కో డా గామా (ఆకాష్ పూరి) ఒక చిన్న స్మగ్లర్. గోవాలో ఉన్న ఒక రౌడీ గ్యాంగ్ లో చేరుతాడు. తర్వాత అతను చేసిన పనులు ఏంటి? వాటివల్ల ఎలాంటి సంఘటనలు ఎదుర్కొన్నాడు? అనేది స్టోరీ. వాస్కో డా గామా కి, మౌనిక (కేతిక శర్మ) ఎలా పరిచయం అవుతుంది? వారిద్దరి ప్రేమ కథ ఏంటి? చివరికి వారిద్దరూ కలిసారా? తను చేసిన పనుల వల్ల ఎదుర్కొన్న ఇబ్బందుల నుండి ఎలా బయట పడ్డాడు? ఇదంతా తెలియాలంటే సినిమా చూడాల్సిందే.

రివ్యూ :

2018 లో వచ్చిన మెహబూబా సినిమా తర్వాత, మూడు సంవత్సరాల గ్యాప్ తీసుకొని రొమాంటిక్ సినిమాతో మనముందుకు వచ్చారు ఆకాష్ పూరి. నటన పరంగా ఆకాష్ చాలా డెవలప్ అయ్యారు. ఎమోషనల్ సీన్స్ ని కూడా చాలా సులభంగా చేశారు. చిన్నప్పటినుంచి నటిస్తున్న కారణంగా, ఆకాష్ ఎక్కడా భయపడకుండా చాలా ఓపెన్ గా నటించారు. హీరోయిన్ కేతిక శర్మ కూడా మొదటి సినిమా అయినా సరే చాలా బాగా చేశారు. హీరో ఫ్రెండ్ పాత్ర పోషించిన దేవియాని శర్మ, సినిమాకి మరో హైలైట్ గా నిలిచారు. అలాగే ముఖ్య పాత్ర పోషించిన రమ్య కృష్ణన్, సహాయ పాత్రలో నటించిన ఉత్తేజ్, మకరంద్ దేశ్ పాండే, సునైనా వీరందరు కూడా తమ పరిధి మేరకు బాగా నటించారు.

ఈ సినిమాలో పూరి జగన్నాధ్ టెంప్లేట్ స్టైల్, సీన్స్, డైలాగ్స్ అన్నీ ఉన్నాయి. కానీ, ఎక్కడో పూరి మార్క్ మిస్ అయినట్టు అనిపిస్తుంది. హార్ట్ ఎటాక్, 143 సినిమా షేడ్స్ కూడా ఇందులో కనిపిస్తాయి. సునీల్ కశ్యప్ ఇచ్చిన బ్యాక్ గ్రౌండ్ స్కోర్ బాగుంది. సీన్స్ ఇంకా ఎలివేట్ అయ్యాయి. హీరో, హీరోయిన్ మధ్య కెమిస్ట్రీ, సాంగ్స్ చిత్రీకరించిన విధానం కూడా చాలా బాగున్నాయి. డైరెక్టర్ అనిల్ కూడా, కథ స్క్రీన్ మీద ప్రేక్షకులకు ఎక్కడా బోర్ కొట్టకుండా ప్రెజెంట్ చేశారు. ఇది అనిల్ కి మొదటి సినిమా అయినా కూడా, రొమాంటిక్ చూస్తున్నంత సేపు ఎక్స్పీరియన్స్ ఉన్న డైరెక్టర్ తీసిన సినిమాలాగా అనిపిస్తుంది.

ప్లస్ పాయింట్స్ :

• హీరో హీరోయిన్ కెమిస్ట్రీ
• డైలాగ్స్
• ఎలివేషన్స్

మైనస్ పాయింట్స్:

• ఎక్కడో మిస్ అయిన పూరి మార్క్
• అంతకు ముందు చూసిన కొన్ని సినిమాల్లోని సీన్స్

రేటింగ్ :

2.75/5

ట్యాగ్ లైన్ :

సినిమా చూస్తున్నప్పుడు కొన్ని పూరి జగన్నాధ్ పాత సినిమాలు గుర్తొస్తాయి. ఏదో మిస్ అయినట్టు అనిపిస్తుంది. అయినా కూడా, ఎక్కడా బోర్ కొట్టకుండా సినిమా ఆసక్తికరంగా ఉండటంతో, రొమాంటిక్ ఒక డీసెంట్ సినిమాగా నిలుస్తుంది.