కరోనా ఉద్ధృతి రోజురోజుకి పెరిగిపోతుంది. దీనితో కరోనా వచ్చిన వారిని క్వారంటైన్ లో ఉంచడానికి ప్రభుత్వాల జేబులు ఖాళీ అయిపోతున్నాయి.దీనివల్ల ప్రభుత్వాల పై ఆర్థిక భారం భారీగా పడుతుంది.ఇలాంటి టైంలో ప్రజలలో మానసిక ధైర్యాన్ని నింపేందుకు ప్రభుత్వాలు ఆధ్యాత్మిక క్షేత్రాలను తెరపించాయి.
ఈ ఆధ్యాత్మిక క్షేత్రాలు వచ్చే భక్తులు సామాజిక దూరాన్ని పాటించటం లేదు. అలాగే మాస్క్ లు కూడా ధరించడం లేదు.దీనితో ఈ ఆధ్యాత్మిక కేంద్రాలను నిర్వహించేవారు తలలు పట్టుకుంటున్నారు. ఇలాంటి టైంలో హైదరాబాద్ జూబ్లీహిల్స్ ప్రాంతంలోని పెద్దమ్మ తల్లి గుడి నిర్వహకులు సరికొత్త ప్రయోగం చేశారు.ఆ ప్రయోగం చూసిన వారంతా షాక్ అవుతున్నారు.
ఇంతకీ ఆ గుడి నిర్వహకులు ఏం చేశారంటే. గుడికి వచ్చే భక్తులు తప్పనిసరిగా తమ వెంట గొడుగు తెచ్చుకోవాలని గుడి లోపలికి వచ్చే ముందు వారు తెచ్చుకున్న గొడుగును తెరిచి పెట్టుకోవాలని దర్శనం పూర్తయ్యి బయటకెళ్ళే అంతవరకు ఆ గొడుగును మూయకూడదని ఓ నిబంధన పెట్టారు.దీనివల్ల ప్రజల మధ్య సామాజిక దూరం నిలుస్తుందని వారు భావిస్తున్నట్టు పేర్కొన్నారు.
