Viral

గత కొన్నేళ్లుగా షారుఖ్ ఖాన్ ట్రాక్ రికార్డు ఏమంత బాగాలేదు. ఒకపుడు కింగ్‌ ఖాన్‌గా బాలీవుడ్ బాక్సాఫీస్‌ను తన కనుసైగలతో శాసించిన ఈయన ఇపుడు హీరోగా ఉనికి కోసం పోరాడుతున్నాడు. ఈయన సినిమాలు వచ్చినవి వచ్చినట్టే బాక్సాఫీస్ దగ్గర బొక్కాబోర్లాపడుతున్నాయి. ఈయన చివరగా ‘చెన్నై ఎక్స్‌ప్రెస్’ సినిమాతో మంచి సక్సెస్ అందుకున్నాడు. ఆ తర్వాత వచ్చిన సినిమాలు ఫ్లాప్ లుగా నిలిచాయి. అయితే మధ్యలో ‘రాకెట్రీ.. ది నంబి ఎఫెక్ట్’, లాల్ సింగ్ చద్దా, బ్రహ్మాస్త్ర’ సినిమాల్లో అతిథి పాత్రల్లో మెరిసారు.

ఇటీవల పఠాన్ సినిమాతో ప్రేక్షకుల ముందుకి వచ్చారు. ఈ చిత్రానికి ఆరంభం నుంచే భారీ స్థాయిలో స్పందన లభిస్తోంది. యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించిన ఈ చిత్రానికి సిద్ధార్థ్ ఆనంద్ దర్శకత్వం వహించారు. ఈ చిత్రంలో దీపికా పదేకొణె హీరోయిన్‌గా చేసింది. ఇందులో జాన్ అబ్రహం కీలక పాత్ర పోషించాడు. దీంతో కలెక్షన్లు పోటెత్తుతున్నాయి. మంచి అంచనాల నడుమ జనవరి 25న రిపబ్లిక్ డే కానుకగా ప్రపంచవ్యాప్తంగా 7700 స్క్రీన్స్’లో విడుదలై మంచి ఆదరణ పొందుతోంది. తాజాగా ఈ సినిమా బాక్సాఫీస్ దగ్గర రెండు వారాలు పూర్తి చేసుకుంది. ‘పఠాన్’ సినిమా మొదటి రోజు ఏకంగా రూ. 55 కోట్ల రేంజ్‌లో నెట్ కలెక్షన్స్‌ను కలెక్ట్ చేసి వావ్ అనిపించింది.

ఈ సినిమా బాలీవుడ్ లో ఫస్ట్ డే రికార్డుల నుండి వీకెండ్, వీక్ అండ్ లైఫ్ టైం ఇలా అనేక సినిమాల రికార్డులను బ్రేక్ చేస్తూ ఎవ్వరూ ఎక్స్ పెర్ట్ చేయని రేంజ్ లో భీభత్సం సృష్టిస్తూ దూసుకు పోతుంది. ఇలా 13 రోజుల్లో ఈ మూవీకి ప్రపంచ వ్యాప్తంగా రూ. 438 కోట్లు నెట్‌, రూ. 849 కోట్లు గ్రాస్ కలెక్ట్ అయింది. 14వ రోజు ఈ చిత్రానికి ఓవరాల్‌గా రూ. 15 – 16 కోట్లు గ్రాస్, రూ. 7 – 8 కోట్లు నెట్ వచ్చినట్లు తెలిసింది.

అలాగే ఈ మూవీ 2 వారాల్లో ఓవర్సీస్‌లో 41 మిలియన్ డాలర్లకు పైగానే రాబట్టి సంచలనం సృష్టించింది. ఇక, నార్త్ అమెరికాలో ఆర్ ఆర్ ఆర్ పేరిట ఉన్న 14.33 మిలియన్ డాలర్ల రికార్డును ఇది బ్రేక్ చేసేసింది. అలాగే డిజిటల్ స్ట్రీమింగ్ హక్కులను అమెజాన్ ప్రైమ్ వీడియో కొన్ని కోట్ల రూపాయలకు రిజర్వ్ చేసినట్లు సమాచారం. ఈ మూవీ “ఓ టి టి” హక్కులకు అమెజాన్ ప్రైమ్ వీడియో సంస్థ 100 కోట్ల ఆఫర్ చేసినట్లు , దానితో ఈ మూవీ యూనిట్ ఈ సినిమా డిజిటల్ హక్కులను అమెజాన్ ప్రైమ్ సంస్థ దక్కించుకుంది.

వరుస సినిమాలతో బిజీగా ఉన్న హీరో మెగా పవర్ స్టార్ రామ్ చరణ్. రామ్ చరణ్ ప్రస్తుతం శంకర్ దర్శకత్వంలో వస్తున్న సినిమాలో నటిస్తున్నారు. ఈ సినిమా షూటింగ్ జరుగుతోంది. ఈ సినిమా కూడా పాన్ – ఇండియన్ సినిమాగా విడుదల అవుతోంది.

ఈ సినిమా పాటలు షూటింగ్ కి చాలా ఖర్చు చేశారు అనే వార్తలు వచ్చాయి. ఈ సినిమాలో కియారా అద్వానీ హీరోయిన్ గా నటిస్తున్నారు. అలాగే అంజలి కూడా ఒక ముఖ్య పాత్రలో నటిస్తున్నారు. అంతే కాకుండా ఈ సినిమాలో సీనియర్ స్టార్ హీరో శ్రీకాంత్, సునీల్, ఇంకా ఎంతో మంది ప్రముఖ నటీనటులు నటిస్తున్నారు.

ఈ సినిమా షూటింగ్ సమయంలో కొన్ని ఫోటోలు బయటికి వచ్చాయి. వాటిలో రామ్ చరణ్ రెండు డిఫరెంట్ గెటప్స్ లో కనిపిస్తున్నారు. అయితే రామ్ చరణ్ గత సినిమాలకి ఈ సినిమాకి ఒక కో – ఇన్సిడెన్స్ ఉంది. అదేంటంటే రామ్ చరణ్ హీరోగా నటించిన రంగస్థలం సినిమా ఎంత పెద్ద హిట్ అయ్యింది అనేది అందరికీ తెలుసు. అందులో సమంత హీరోయిన్ గా నటించారు.

ఆ తర్వాత వచ్చిన వినయ విధేయ రామ ప్రేక్షకులని అంత పెద్దగా ఆకట్టుకోలేకపోయింది. కానీ ఆ తర్వాత వచ్చిన ఆర్ఆర్ఆర్ తో జాతీయ స్థాయిలో గుర్తింపు తెచ్చుకున్నారు. ఈ సినిమాలో అలియా భట్ హీరోయిన్ గా నటించింది. ఈ సినిమా షూటింగ్ జరిగిపోయి విడుదల అయిన కొద్ది రోజులకి ఆలియా భట్ పెళ్లి జరిగింది.

కానీ అప్పటికే సినిమా షూటింగ్ అయిపోయింది. అలాగే రంగస్థలం సినిమా షూటింగ్ సమయంలో ఉన్నప్పుడు సమంత పెళ్లి జరిగింది. తర్వాత మళ్లీ షూటింగ్ లో పాల్గొన్నారు. ఇప్పుడు రామ్ చరణ్ RC15 సినిమా హీరోయిన్ కియారా అద్వానీ పెళ్లి కూడా ఇటీవల జరిగింది. ఇప్పుడు కియారా అద్వానీ కూడా మళ్లీ సినిమా షూట్ చేయాల్సి ఉంది. దాంతో సోషల్ మీడియాలో, “ఇదేంటి ఈ ముగ్గురు హీరోయిన్ల విషయంలో ఇలా జరిగింది?” అంటూ కామెంట్స్ చేస్తున్నారు.

నందమూరి కళ్యాణ్ రామ్ హీరోగా నటించిన సినిమా అమిగోస్. ఈ సినిమాకి రాజేంద్ర దర్శకత్వం వహించారు. ఈ సినిమాలో అషిక రంగనాథ్ హీరోయిన్ గా నటించారు. ఇందులో చాలా మంది ప్రముఖ నటినటులు ఉన్నారు. ఇందులో కళ్యాణ్ రామ్ కూడా మూడు పాత్రల్లో నటిస్తున్నారు. ఈ సినిమా సెన్సార్ ఇటీవల జరిగింది. ఈ సినిమా నిడివి 2 గంటల 19 నిమిషాలు ఉంది అని వార్తలు వచ్చాయి. సినిమాకి యు/ ఏ సర్టిఫికెట్ ఇచ్చారు.

సినిమా నుండి విడుదల అయిన పాటలు అలాగే సినిమా ట్రైలర్ కూడా ప్రేక్షకుల ఆసక్తిని ఇంకా పెంచాయి. ఈ సినిమా సెన్సార్ టాక్ ఇదే అంటూ ఒక వార్త వచ్చింది. సినిమా చూసిన సెన్సార్ సభ్యులు సినిమా చాలా బాగుంది అని అన్నారు.

అలాగే సినిమాకి మెయిన్ హైలైట్ మాత్రం కళ్యాణ్ రామ్ పోషించిన మూడు పాత్రలు. అందులోను కొంచెం నెగిటివ్ షేడ్స్ ఉన్న పాత్ర సినిమా మొత్తానికి చాలా పెద్ద ప్లస్ అయ్యింది అని అన్నారు. సినిమా కథనం కూడా చాలా బాగుంది అని, సినిమా సబ్జెక్ట్ డిఫరెంట్ గా ఉంది అని అన్నారు అని సమాచారం. అంతే కాకుండా సినిమా నిడివి కూడా సినిమాకి చాలా ప్లస్ అయ్యింది. దర్శకుడు సినిమాని చాలా బాగా రూపొందించారు అని అన్నారు.

సెన్సార్ టాక్ ఇదే వార్తలు అయితే వినిపిస్తున్నాయి. అసలు తెలుగు సినిమా ఇండస్ట్రీలో డిఫరెంట్ సబ్జెక్ట్ ఉన్న సినిమాలు చేసే హీరోలలో ఒకరు కళ్యాణ్ రామ్. కళ్యాణ్ రామ్ చేసే ప్రతి సినిమాపై ప్రేక్షకులకు ఆసక్తి ఉంటుంది. గత సంవత్సరం బింబిసార సినిమాతో హిట్ కొట్టారు. సోషియో ఫాంటసీ సినిమాకి యాక్షన్ కూడా యాడ్ చేసి ప్రేక్షకుల ముందుకి తీసుకువచ్చారు.

ఇప్పుడు ఈ సినిమా కూడా డిఫరెంట్ సబ్జెక్ట్ అని అర్థం అవుతోంది. ఇందులో మూడు పాత్రల్లో ఉన్న తేడాని చూపించడానికి కళ్యాణ్ రామ్ చాలా కష్టపడ్డారు. పాత్ర మేకోవర్ కూడా చాలా కొత్తగా ఉంది. మరి సినిమా సెన్సార్ టాక్ విషయంలో ఎంతవరకు నిజం ఉందో తెలుసుకోవాలి అంటే సినిమా విడుదల అయ్యేంత వరకు ఆగాల్సిందే.

రష్మిక మందన్న.. కన్నడ బ్యూటీ అయిన ఈ హీరోయిన్ తెలుగులో కూడా మంచి గుర్తింపు తెచ్చుకుంది. ఛలో సినిమా తర్వాత ఆమెకు వరుస అవకాశాలు వచ్చాయి. దీంతో ఈమె రేంజ్ ఒక్కసారి గా మారిపోయింది. ఆ సినిమా తర్వాత వరుసగా స్టార్ హీరోల సినిమాల్లో అవకాశాలు దక్కించుకొని తెలుగులో కొద్దిరోజుల్లోనే స్టార్ హీరోయిన్ లిస్టులో చేరిపోయింది. ఇక పుష్ప సినిమాతో పాన్ ఇండియా హీరోయిన్ గా మారిపోయింది. దీంతో ఆ చిత్రం తర్వాత ఆమెకు బాలీవుడ్ లో వరుస అవకాశాలు వచ్చాయి. హిందీలో ‘గుడ్ బై, మిషన్ మజ్ను’ చిత్రాల్లో నటించినప్పటికీ అవి పెద్దగా ఆడలేదు. అయినప్పటికీ చేతి నిండా సినిమాలతో ఫుల్ బిజీగా ఉంది.

ఇటీవలే దళపతి విజయ్‌తో ‘వారిసు’ చిత్రంలో నటించింది. అలాగే తెలుగులో గతేడాది ‘సీతారామం’ వంటి బ్యూటిఫుల్ లవ్ స్టోరీ సక్సెస్‌లో భాగమైంది. అయితే రష్మిక ఈ మధ్య కాలం లో వరుస వివాదాల్లో చిక్కుకుంటూ.. ట్రోల్స్ బారిన పడుతున్నారు. ఈ నెగటివిటీ తనను చాలా ఎఫెక్ట్ చేస్తున్నట్లు గతంలో వెల్లడించిన రష్మిక.. తాజాగా మరోసారి నెగెటివిటీపై నోట్ షేర్ చేస్తూ ట్రోలర్స్‌కు చురకలేసింది. ప్రస్తుతం రష్మిక చేసిన పోస్ట్ నెట్టింట వైరల్ గా మారింది.

రష్మిక ఆ పోస్ట్ లో ” సంతోషంగా ఉండండి.. జీవితంపట్ల ఆశావాద దృక్పథంతో ఉండండి.. మీ ఆనందం, శ్రేయస్సు అనేవి మీ జీవితంలో అన్నింటి కంటే ఎక్కువ ప్రాధాన్యం కలిగినవి. జీవితం చాలా చిన్నది.. దాంట్లో నెగిటివిటీకి తావు లేదు..” అంటూ ట్వీట్ చేసింది. ఈ పోస్ట్ తో పాటు తన ఫోటోని షేర్ చేసింది రష్మిక. ఈ పోస్ట్ పై నెటిజన్లు పలు రకాలుగా స్పందిస్తున్నారు.

ఇక సినిమాల విషయానికొస్తే.. ప్రస్తుతం రష్మిక అల్లు అర్జున్‌తో ‘పుష్ప2’ చిత్రంలో నటిస్తోంది. అలాగే రణబీర్ కపూర్ సరసన యానిమల్ చిత్రాల్లో నటిస్తున్నారు. అలాగే రష్మిక లేటెస్ట్‌గా మహేష్, త్రివిక్రమ్ కాంబినేషన్‌లో వస్తున్న సినిమాలో ఐటెం సాంగ్ చెయ్యడానికి ఓకే చెప్పిందని సమాచారం. అంతేకాదు ఈ స్పెషల్ సాంగ్‌లో నటించడానికి రష్మిక దాదాపుగా ఐదు కోట్ల వరకు డిమాండ్ చేస్తోందట. అయితే అంత మొత్తం కూడా ఇవ్వడానికి నిర్మాతలు ఒప్పుకున్నట్లు తెలుస్తోంది.

పవన్ కల్యాణ్ ప్రస్తుతం మూడు సినిమాలకు సైన్ చేసారు. వాటిలో ఒకటి ‘హరిహర వీరమల్లు‘. క్రిష్ జాగర్లమూడి దర్శకత్వంలో పీరియాడికల్ యాక్షన్ అడ్వెంచర్ రూపొందుతోంది. ఈ చిత్రం ప్రస్తుతం శరవేగంగా జరుగుతోంది. మరొకటి ‘ఉస్తాద్ భగత్ సింగ్‘. హరీష్ శంకర్ ఈ సినిమాను తెరకెక్కిస్తున్నారు. పూజా కార్యక్రమాలతో ఆ ప్రాజెక్టు లాంఛనంగా ప్రారంభమైంది. దీంతో పాటు సుజీత్ డైరెక్షన్లో కూడా ఓ సినిమాని ప్రారంభించారు పవన్. డివివి దానయ్య ఈ చిత్రానికి నిర్మాత.

`ఓజీ`(ఒరిజినల్‌ గ్యాంగ్ స్టర్‌) అనే వర్కింగ్‌ టైటిల్‌తో ఈ చిత్రం రూపొందనుంది. సుజీత్ సాహో తర్వాత పవన్ కళ్యాణ్‌తో చేస్తోన్న సినిమా కావడంతో ఈ మూవీపై భారీ అంచనాలు ఏర్పడ్డాయి. ఈ చిత్రం గ్యాంగ్ స్టర్ నేపథ్యంలో తెరకెక్కనున్నట్టు సమాచారం. ఈ సినిమాను కేవలం పాటలు లేకుండా గంటన్నర నిడివితో ఈ మూవీ సెట్స్ పైకి వెళ్లనున్నట్టు సమాచారం. భారీ బడ్జెట్ కేటాయించి అన్ని హంగులతో ఈ సినిమాను ప్లాన్ చేసారట దర్శకనిర్మాతలు.

అయితే ‘ఓజి’ గురించి ఓ ఆసక్తికర విషయం ప్రస్తుతం నెట్టింట వైరల్గా మారింది. అదేంటంటే.. ఈ సినిమాలో విలన్ గా సునీల్ నటించబోతున్నారట. అతనొక సీక్రెట్ మాఫియా డాన్ గా కనిపిస్తాడు అని సమాచారం. సునీల్ కు ఇంత బంపర్ ఆఫర్ రావడం వెనుక అతని స్నేహితుడు త్రివిక్రమ్ హస్తం ఉన్నట్లు తెలుస్తోంది. కమెడియన్ గా ఎంతో పేరు సంపాదించుకున్న సునీల్.. తర్వాత హీరోగా మారాడు. ఆ తర్వాత సరైన అవకాశాలు రాకపోవడం తో మళ్ళీ కేరెక్టర్ ఆర్టిస్ట్ గా తిరిగి నటించడం మొదలు పెట్టారు.

ఈ నేపథ్యం లోనే విభిన్న పాత్రలు ఎంచుకుంటూ.. విలన్ రోల్స్ కూడా చేస్తున్నారు. అయితే సునీల్ విలన్ గా చేయడం ఇది మొదటిసారి కాదు. రవితేజ నటించిన ‘డిస్కో రాజా’, సుహాస్ హీరోగా నటించిన ‘కలర్ ఫోటో’, అల్లు అర్జున్ – సుకుమార్ కాంబినేషన్లో తెరకెక్కిన ‘పుష్ప’ చిత్రాల్లో విలన్ గా నటించి మెప్పించాడు. ఇప్పుడు పవన్ కి ప్రతినాయకుడిగా నటించబోతున్నారు. గతంలో పవన్ కళ్యాణ్ తో ‘గుడుంబా శంకర్’ ‘బాలు’ ‘జల్సా’ వంటి సినిమాల్లో సునీల్ కమెడియన్ గా అలరించారు. ఇప్పుడు వీరిద్దరి కొత్త కాంబినేషన్ ఎలా ఉంటుందో చూడాలి..

‘ఆర్ఆర్ఆర్’ లాంటి సినిమాతో మరో బ్లాక్ బస్టర్ అందుకున్న రాజమౌళి తన తదుపరి చిత్రాన్ని సూపర్ స్టార్ మహేష్ బాబుతో తెరకెక్కించనున్న సంగతి తెలిసిందే. ఇప్పటికే దీనికి సంబంధించిన అధికారిక ప్రకటన వెలువడలేదు కానీ అటు మహేష్ బాబు ఇటు రాజమౌళి ఇద్దరూ కూడా తాము కలిసి సినిమా చేస్తున్నామనే విషయాన్ని అధికారికంగా ప్రకటించారు. పదేళ్ల నుంచి వీరిద్దరి సినిమా కోసం ఫాన్స్ ఎదురుచూస్తున్నారు.

మ‌హేష్‌తో గ్లోబ‌ల్ మూవీగా, యాక్ష‌న్ అడ్వెంచ‌ర‌స్ జోన‌ర్‌లో సినిమాను తెర‌కెక్కించ‌బోతున్న‌ట్లు రాజ‌మౌళి ఎప్పుడో చెప్పేశారు. ప్రస్తుతం మహేష్ బాబు త్రివిక్రమ్ తో తన 28వ సినిమా చేస్తున్నాడు. హారిక హాసిని బ్యానర్ మీద భారీ బడ్జెట్తో రూపొందుతున్న ఈ సినిమా షూటింగ్ కూడా ప్రారంభమైంది. ఈ సినిమాలో మహేష్ బాబు సరసన పూజా హెగ్డే హీరోయిన్ గా నటిస్తోంది. ఈ సినిమా షూటింగ్ తరువాత మహేష్ బాబు రాజమౌళితో సినిమా ప్రారంభించనున్నారు.

ఇండియన్ సిల్వర్ స్క్రీన్ పై ఇంత వరకు రానటువంటి కథాంశంతో రాజమౌళి ఈ సినిమా చేయబోతున్నాడు అని ఇప్పటికే వార్తలు వస్తున్నాయి. తాజాగా ఈ చిత్రానికి సంబంధించిన ఒక ఇంటరెస్టింగ్ అప్డేట్ ఒకటి బయటకి వచ్చింది. ఈ సినిమా ప్రీ ప్రొడక్షన్ వర్క్ కోసమే ఏకంగా 15 కోట్ల రూపాయల వరకు జక్కన్న ఖర్చు చేస్తున్నట్టు తెలుస్తుంది. స్క్రిప్ట్ ఫైనల్ స్టేజ్ కు రావడంతో జూన్ లేదా జులై లో ఈ సినిమా లాంచింగ్ ఉండనుందని తెలుస్తోంది. పూజా ఫార్మాలిటీస్ ను అప్పుడు పూర్తి చేసి రెగ్యులర్ షూటింగ్ మాత్రం అక్టోబర్ తర్వాత స్టార్ట్ చేయవచ్చు అని తెలుస్తోంది.

రాజమౌళి పక్కా ప్రణాళికతో ఈ సినిమా షూటింగ్ ను ఒక ఏడాదిలోనే పూర్తిచేయాలని అనుకుంటున్నట్లు సమాచారం. వీరి ప్రాజెక్ట్ 2025 లో విడుదలయ్యే అవకాశం ఉంది. ఇప్పటికే ఈ సినిమా క‌థ‌ను సిద్ధం చేసే ప‌నిలో జ‌క్క‌న్న‌, ఆయ‌న తండ్రి విజ‌యేంద్ర ప్ర‌సాద్ బిజీగా ఉన్నారు. ఇండియ‌న్ సినిమా హిస్ట‌రీలోనే ఇప్ప‌టి వ‌ర‌కు రూపొంద‌ని విధంగా రూ.800 కోట్ల రూపాయ‌ల బ‌డ్జెట్‌తో SSMB29 ను రూపొందించ‌టానికి రాజ‌మౌళి ప్లాన్ చేశార‌ట‌. దుర్గా ఆర్ట్స్ బ్యాన‌ర్‌పై కె.ఎల్‌.నారాయ‌ణ‌య ఈ చిత్రాన్ని నిర్మించ‌నున్నారు.