Viral

సాధారణంగా మన తెలుగు సినిమాల్లో తెలుగు హీరోయిన్లని పెట్టుకోరు. వేరే హీరోయిన్లు అంటేనే మన తెలుగు వాళ్ళకి ఆసక్తి అనే గొడవ చాలా సంవత్సరాల నుండి జరుగుతూనే ఉంది. ఈ విషయంపై ఎంతోమంది మాట్లాడారు. అది చాలా వరకు నిజమే. మిగిలిన ఇండస్ట్రీ లతో పోలిస్తే తెలుగులో తెలుగు హీరోయిన్లు చాలా తక్కువ. ఈ విషయంపై మరొకసారి ప్రముఖ నటి రేఖా బోజ్ మాట్లాడారు.

రేఖా బోజ్ ఈ విషయం పై సోషల్ మీడియాలో మాట్లాడుతూ ఈ విధంగా అన్నారు. KGF అండ్ కాంతారా హీరోయిన్స్. శ్రీ నిధి షెట్టి, సప్తమి గౌడ… కన్నడ వాళ్ళు కన్నడ అమ్మాయిలనే పెట్టుకుని blockbusters ఇచ్చారు.ఇది చూసి అయినా మన దర్శకులు కాస్త మారాలి(బుద్ధి తెచ్చుకోవాలి). ఇవి కాకుండా ఇంకా చాలా ఉన్నాయి రంగితరంగ,ముంగారుమలై, దునియా, కిరాక్ పార్టీ ఇలా. కార్తికేయ 2 లో ఆ మలయాళీ కాకుండా ఒక తెలుగు అమ్మాయి ఉన్నా కూడా ఆ మూవీ అలానే ఆడుతుంది.

మన సబ్జెక్ట్ లో అండ్ మన G లో దమ్ము (గుండెల్లో దమ్ము) ఉండాలే కానీ, ఆ నార్త్,అండ్ మలయాళీ,కన్నడ అమ్మాయిలు వచ్చి ఇక్కడ చేసేది ఏం ఉండదు. డైలాగ్స్ చెప్పమంటే zero expression తో అప్పడాలు, వొడియాలు నమిలినా కూడా మనవాళ్ళకి వాళ్ళే కావాలి. మన తెలుగు సినిమాల దరిద్రం ఏంటంటే, చివరి రెండు వరుసల హీరోలు అయిన రాజ్ తరుణ్, కార్తికేయ, విష్వక్సేన్ లాంటి వాళ్లు ఇంకా లాస్ట్ హీరోలు కిరణ్ అబ్బవరం, శ్రీ సింహ ( కీరవాణి గారి సన్), సంతోష్ శోభన్, కళ్యాణ్ దేవ్ లాంటి వాళ్ల పక్కన కూడా మన తెలుగు అమ్మాయిలు లేరు.

అక్కడ సూపర్ హిట్ అయిన సినిమాలో వాళ్లు ఆ నేటివిటీకి తగినట్లు అదే లాంగ్వేజ్ అమ్మాయిలను తీసుకుంటారు.but అదే సినిమాను మనవాళ్ళు రీమేక్ చేసినప్పుడు మాత్రం మన నేటివిటీకి తెలుగు అమ్మాయిలను కాకుండా వేరే వాళ్ళను పెడతారు. అక్కడ side actress అయిన నారప్ప,మాస్టర్ మూవీల అమ్మాయిలను మనవాళ్ళు హీరోయిన్లుగా చేసేశారు. వాళ్లు వాళ్ళ లాంగ్వేజ్ లోనే హీరోయిన్స్ కాదు అసలు. చివరికి అందరూ అసలు సినిమాల కిందే లెక్కచేయని మా వైజాగ్ ఫిల్మ్స్ లో కూడా తెలుగు అమ్మాయిలకు స్థానం లేదు. ఇది మన తెలుగు సినిమాకి పట్టిన కర్మ,దరిద్రం.” అని రాశారు.

లెజెండరి నటుడు జగపతి బాబుకు పరిశ్రమలో ప్రత్యేకమైన గుర్తింపు ఉంది. ఒకప్పుడు ఫ్యామిలీ హీరోగా పేరు తెచ్చుకున్న ఆయన సెకండ్‌ ఇన్నింగ్స్‌లో స్టార్‌ హీరోలకు విలన్‌గా నటిస్తూ వరుస ఆఫర్లు అందుకుంటున్నాడు. హీరోగా జగపతి బాబుకు వచ్చిన క్రేజ్ కంటే.. విలన్‌గా వచ్చిన ఫాలోయింగే ఎక్కువగా ఉంటుంది. హీరోగా ఉన్నప్పుడు సంపాదించిన దాని కంటే విలన్‌గా ఉన్నప్పుడే ఎక్కువ సంపాదించాను అని జగపతి బాబు సెటైర్లు వేస్తుంటాడు.

‘మావిడాకులు, శుభలగ్నం, సర్దుకుపోదాం రండి, ఫ్యామిలీ సర్కస్‌’ వంటి కుటుంబ కథా చిత్రాలతో జగపతి బాబు ఎంతో గుర్తింపు పొందారు. లెజెండ్ సినిమాతో తన కొత్త కోణాన్ని చూపించిన జగపతి బాబు.. స్టైలిష్ విలన్‌గా ఇంకా దూసుకుపోతున్నాడు.

సెకండ్ ఇన్నింగ్స్ లో ఒకే రకమైన పాత్రలు వేస్తున్నాడు అనే గుర్తింపును పోగొట్టేలా విభిన్న పాత్రలు ఎంచుకుంటున్నారు ఈ ఫామిలీ మాన్. రంగస్థలం, అరవింద సమేత సినిమాలతో జగపతి బాబు అందరినీ మెప్పించాడు. విలనిజంలో కొత్త చాప్టర్‌ను అందరికీ పరిచయం చేసినట్టు అయింది. విలన్ పాత్రలే కాకుండా కొన్ని సినిమాల్లో కీలక పాత్రల్లో కూడా నటించారు జగపతి బాబు.

ఇప్పుడు జగపతి బాబు సలార్ వంటి పాన్ ఇండియా సినిమాల్లో నటిస్తున్నాడు. అంతే కాకుండా హిందీలో ఒక సల్మాన్ ఖాన్ చిత్రం లో కూడా నటిస్తున్నాడు జగ్గు భాయ్. జగపతి బాబు సినిమాలతో ఎంత బిజీగా ఉన్నా కూడా సోషల్ మీడియాలో మాత్రం సందడి చేస్తూనే ఉంటాడు. ఎప్పుడూ ఏదో ఒక పోస్ట్ వేస్తుంటాడు. కొటేషన్లు షేర్ చేస్తుంటాడు. వేదాంతం వల్లిస్తుంటాడు. తాజాగా జగపతి బాబు ఓ ఫోటోను షేర్ చేశాడు. దాంతో పాటు ఆయన వేసిన ట్వీట్ వైరల్ అవుతోంది.

ఒక వర్క్ అవుట్ చేస్తూ తలకిందులుగా వేలాడుతున్న జగపతి బాబు ఫోటో ఇప్పుడు వైరల్ అవుతోంది. ఇందులో తాను రాసిన క్యాప్షన్ అందరినీ ఆకట్టుకుంటోంది. ప్రపంచాన్ని ఇలా చూస్తే అయినా అర్థమవుతుందేమో? అని ఇలా ట్రై చేస్తున్నాను అని రాసుకొచ్చాడు జగపతి బాబు. మొత్తానికి జగపతి బాబు మాత్రం ఇప్పుడు తెలుగు లోనే కాకుండా కన్నడ, మలయాళం, హిందీ భాషల్లో ఫుల్ బిజీగా మారిపోయాడు.

“పుష్ప: ది రైజ్” సినిమాతో స్టైలిష్ స్టార్ అల్లు అర్జున్ పాన్ ఇండియా స్టార్ గా మారిపోయారు. సుకుమార్ దర్శకత్వంలో ఎర్రచందనం స్మగ్లింగ్ నేపథ్యంలో భారీ అంచనాల మధ్య విడుదలైన ఈ సినిమా బాక్సాఫీస్ వద్ద మంచి విజయాన్ని సాధించింది. ఇక ఈ సినిమాలో పుష్ప రాజ్ పాత్రలో అల్లు అర్జున్ అద్భుతమైన నటనను కనబరిచారు. ఇక ఈ సినిమా రెండవ భాగమైన “పుష్ప: ది రూల్” పైన అంచనాలు రోజురోజుకీ పెరుగుతూ వస్తున్నాయి. ఇక ఈ సినిమా ఎప్పుడెప్పుడు విడుదల అవుతుందా అని అభిమానులు ఆసక్తిగా ఎదురుచూస్తున్నారు.

ప్రస్తుతం పుష్ప ది రూల్ సినిమాకు సంబంధించి పోస్టర్ డిజైన్ కోసం షూటింగ్ జరుగుతుండటం గమనార్హం. ప్రముఖ సెలబ్రిటీ ఫోటోగ్రాఫర్లలో ఒకరైన అవినాష్ గోవరికర్ ఈ సినిమా కోసం పని చేస్తుండటం గమనార్హం.

అయితే పుష్ప ది రైజ్ మూవీ కూడా ఇదే విధంగా ఫోటోషూట్ తో మొదలైంది. ఆ సెంటిమెంట్ ను బట్టి పుష్ప ది రూల్ మూవీ విషయంలో కూడా బన్నీ ఇదే సెంటిమెంట్ ను ఫాలో అవుతున్నారు. అందువల్ల ఈ సినిమా కూడా అంచనాలను మించి సక్సెస్ సాధించడం గ్యారంటీ అని ఫ్యాన్స్ భావిస్తున్నారు. పుష్ప2 మూవీ కూడా ఇండస్ట్రీ హిట్ గా నిలిస్తే బన్నీ మార్కెట్ మరింత పెరిగే ఛాన్స్ అయితే ఉంది.

దాదాపుగా 350 కోట్ల రూపాయల భారీ బడ్జెట్ తో ఈ సినిమా తెరకెక్కుతోంది. పుష్ప: ది రైజ్ గత డిసెంబర్‌లో థియేటర్లలో విడుదలైంది. ఇప్పుడు పుష్ప 2కి కూడా సుకుమార్, బన్నీ ‘డిసెంబర్’ సెంటిమెంట్‌ని ఫాలో అవుతున్నట్లు తెలుస్తోంది. సుకుమార్ పుష్ప 2ని డిసెంబర్ 2023 లో థియేటర్లలో విడుదల చేయడానికి ప్లాన్ చేస్తున్నట్లు సమాచారం.

మరో వైపు దర్శకుడు సుకుమార్‌ సమంత ని తనకు లక్కీ చార్మ్ గా భావిస్తున్నారట. `రంగస్థలం`లో ఆమె హీరోయిన్‌గా రికార్డ్ క్రియేట్‌ చేశారు. దర్శకుడిగా ఆ చిత్రంతో తనని తాను కొత్తగా ఆవిష్కరించుకున్నారు. ఆ తర్వాత తీసిన `పుష్ప`లో ఐటెమ్‌ సాంగ్‌ రూపంలో సమంతని పెట్టి ఆ సెంటిమెంట్‌ని రిపీట్‌ చేశాడు. దీంతో సమంత తనకు లక్కీ ఛార్మ్ గా మారిందని భావిస్తున్నారట. దీంతోమరోసారి ఆమెని రిపీట్‌ చేయాలనుకుంటున్నారట. కాకపోతే ఆమెతో ఐటెమ్‌ సాంగ్‌ చేయిస్తాడా? లేక మరేదైనా కీ రోల్‌ చేయిస్తాడా? అనేది సస్పెన్స్ గా ఉంది.

తెలుగు సినిమా ఇండస్ట్రీలో పాన్ ఇండియన్ స్టార్ అనే గుర్తింపు తెచ్చుకున్న నటుడు ప్రభాస్. అప్పటి వరకు కేవలం రెండు తెలుగు రాష్ట్రాల్లో మాత్రమే ఉన్న క్రేజ్ బాహుబలి తర్వాత ప్రపంచ వ్యాప్తంగా పెరిగింది. మిర్చి తర్వాత బాహుబలిలో ప్రభాస్ నటించారు. బాహుబలిలో ప్రభాస్ అసలు అప్పటి వరకు నటించని ఒక పాత్రలో నటించారు. అందుకోసం చాలా కష్టపడ్డారు.

అందుకు తగ్గట్టుగా ఫలితం కూడా వచ్చింది. దాంతో ప్రభాస్ నెక్స్ట్ సినిమా ఏంటి అని అందరూ ఎదురు చూశారు. బాహుబలి తర్వాత వచ్చిన సాహో కూడా ప్రభాస్ కి ఉన్న క్రేజ్ ని దృష్టిలో పెట్టుకొని పాన్ ఇండియన్ సినిమాగా విడుదల చేసారు. కానీ ఈ సినిమా ప్రేక్షకుల అంచ‌నాల‌ని అందుకోలేక‌పోయింది. ఇటీవల విడుదల అయిన రాధే శ్యామ్‌కి వచ్చిన రెస్పాన్స్ కూడా అలాగే ఉంది. ప్రభాస్ సలార్ సినిమా షూటింగ్‌లో బిజీగా ఉన్నారు. ఈ సినిమాకి ప్రశాంత్ నీల్ దర్శకత్వం వహిస్తున్నారు.

ఇదిలా ఉండగా ఈ సినిమాకి సంబంధించి కొన్ని ఆసక్తికరమైన విషయాలు బయటికి వచ్చాయి. ఇప్పటికే సినిమా కథ ఒక యాక్షన్ డ్రామా అని తెలుస్తోంది. ఈ సినిమాలో ఎమోషన్స్ కూడా ఎక్కువగా ఉంటాయి. అందులోనూ ముఖ్యంగా ప్రభాస్ కి ఒక స్నేహితుడు ఉంటాడు. ఆ స్నేహితుడు చనిపోయేముందు ప్రభాస్ ఆ స్నేహితుడితో, నేరస్తులను పట్టుకుని, వారు చేస్తున్న పనులని ఆపుతాను అని ప్రమాణం చేస్తారు. ఆ ప్రమాణం కోసం ప్రభాస్ ఎలాంటి ప్లాన్ వేశారు? అసలు ఆ స్నేహితుడు ఎవరు? అతని చావుకి కారణం ఏంటి? అనే విషయాల చుట్టూ సినిమా తిరుగుతుంది.

ఈ సినిమాలో శృతి హాసన్ ఆద్య అనే పాత్రలో నటిస్తున్నారు. అంతేకాకుండా, ఇందులో శృతి హాసన్ ఒక జర్నలిస్ట్ గా కనిపిస్తారు అనే వార్త కూడా వినిపిస్తోంది. శృతి హాసన్, ప్రభాస్ మధ్య వచ్చే సీన్స్ కూడా చాలా ఎమోషనల్ గా ఉంటాయి అని సమాచారం. ఇంకొక ట్విస్ట్ ఏంటంటే, ఈ సినిమాలో శ్రుతి హాసన్ పాత్రకి సాడ్ ఎండింగ్ ఉంటుంది. ప్రస్తుతం అయితే ఈ వార్తలు వైరల్ అవుతున్నాయి. అంతే కాకుండా ఈ సినిమాలో యాక్షన్ సీన్స్ కూడా ఎక్కువగానే ఉంటాయట. అందుకోసం ప్రభాస్ ప్రత్యేక శ్రద్ధ వహిస్తున్నారు. ఈ సినిమాలో నెగటివ్ పాత్రలో జగపతి బాబు నటిస్తున్నారు. ఒకవేళ నిజంగా సినిమా కథ ఇదే అయితే ప్రభాస్ కి మరొక హిట్ పడే అవకాశం ఉందేమో అని అందరూ అంటున్నారు.

వైవిధ్యమైన కథల ఎంపిక, తనదైన నటనతో అభిమానులను సంపాదించికున్నాడు న్యాచురల్ స్టార్ నాని. శ్యామ్ సింగరాయ్ లాంటి హిట్ తరువాత నాని నుంచి అంటే.. సుందరానికి సినిమా వచ్చింది. కానీ ఆశించిన స్థాయిలో సక్సెస్ కాలేదు. ఓటీటీలో మాత్రం ఈ సినిమాకి మంచి స్పందన వస్తుంది.

ప్రస్తుతం నాని ఒక్క సినిమాలో మాత్రమే నటిస్తున్నారు. అదే.. కొత్త డైరెక్టర్ శ్రీకాంత్ ఓదెల తెరకెక్కిస్తున్న దసరా. ఇప్పటికే ఈ సినిమాకి సంబంధించిన ఫస్ట్ లుక్, మోషన్ పోస్టర్స్ ను విడుదల చేశారు మేకర్స్. ఇందులో నాని ఊరమాస్ లుక్ కి ప్రేక్షకులు ఫిదా అయ్యారు. ఈ సినిమాపై నాని చాలా ఆశలే పెట్టుకున్నారు.

సింగరేణి బొగ్గు గనుల నేపథ్యంలో ఈ సినిమాను తెరకెక్కిస్తున్నారు. దీంతో ఇది పూర్తి స్థాయి యాక్షన్ ఎంటర్టైనర్ అని అందరూ అనుకున్నారు. కానీ ఈ సినిమాలో మంచి లవ్ స్టోరీ కూడా ఉందట. రెగ్యులర్ గా సినిమాల్లో కనిపించే రాజు, పేద టైప్ లవ్ స్టోరీనే ‘దసరా’లో కూడా చూపించబోతున్నారంట. కథ ప్రకారం.. సినిమాలో హీరోయిన్ సంపన్న కుటుంబానికి చెందిన అమ్మాయి. హీరో మాత్రం స్లమ్ లో పుట్టి పెరిగినవాడు.

వీరిద్దరి మధ్య ప్రేమ ఎలా చిగురించిందనే అంశాలను దర్శకుడు చాలా ఇంట్రెస్టింగ్ గా చిత్రిస్తున్నాడంట. కావాలని ఇరికించినట్లుగా కాకుండా.. కథతో పాటు ట్రావెల్ అయ్యే లవ్ స్టోరీ సినిమాకి ప్లస్ పాయింట్ అవుతుందని నమ్ముతున్నారు దర్శక నిర్మాతలు. ఇందులో కీర్తి సురేష్ హీరోయిన్ గా నటిస్తుంది. సుధాకర్ చెరుకూరి నిర్మిస్తోన్న ఈ సినిమాకి సంతోష్ నారాయణన్ సంగీతం అందిస్తున్నారు.

నయనతార, విగ్నేష్ శివన్ సరోగసి వ్యవహారం హాట్ టాపిక్ గా మారిన సంగతి తెలిసిందే. వీరి వివాహం జూన్ నెలలో జరగగా కొద్ది రోజుల క్రితం తాము ఇద్దరు మగ బిడ్డలకు తల్లిదండ్రులమయ్యామని వారు ప్రకటించారు. వీరు ఇలా తమ సంతోషాన్ని అభిమానులతో పంచుకున్నారో లేదో వెంటనే సోషల్ మీడియాలో పెద్ద ఎత్తున ట్రోలింగ్ మొదలైంది.

నయనతార గర్భం ధరించినట్లు ఎక్కడ కనిపించకపోవడంతో దీంతో వారు అద్దెగర్భం ద్వారా పిల్లలను కని ఉంటారని అందరూ ఒక అంచనాకు వచ్చారు. అయితే జనవరి నెలలో భారతదేశం తీసుకువచ్చిన కొత్త సరోగసీ చట్టం ప్రకారం వీరిద్దరూ కనుక సరోగసి ద్వారా ఇప్పుడు పిల్లల్ని కంటే ఖచ్చితంగా అది ఇల్లీగల్ అవుతుంది. ఐదేళ్లదాకా శిక్ష పడే విధంగా కూడా చట్టంలో పేర్కొని ఉంది. ఈ నేపథ్యంలోనే ఈ వ్యవహారం మీద పెద్ద ఎత్తున విమర్శలు రావడంతో తమిళనాడు ప్రభుత్వం ఈ ఇద్దరికీ నోటీసులు జారీ చేసింది.

ఇప్పటికే ప్రభుత్వం ఒక ముగ్గురు మెంబర్లతో కూడిన కమిటీ నియమించింది. ఈ కమిటీ వారం రోజుల్లోగా ప్రభుత్వానికి ఈ వ్యవహారం మీద ఒక రిపోర్ట్ తయారు చేసి సబ్మిట్ చేయాల్సి ఉంటుంది. ఈ నేపథ్యంలోనే నయనతార, విగ్నేష్ శివన్ ని విచారించే అవకాశం ఉందని కూడా తెలుస్తోంది. అయితే తాజా సమాచారం ప్రకారం నయనతార మరియు విగ్నేష్ శివన్ తమ వివాహం ఆరేళ్ల క్రితమే జరిగిపోయింది అని ఆరోగ్య శాఖకు అఫిడవిట్ ఇచ్చినట్లు తెలుస్తోంది.

సరోగసీ విధానంలో కవలలకు జన్మనివ్వడంపై వస్తున్న విమర్శలకు అఫిడవిట్ రూపంలో పుల్ స్టాప్ పెడదామన్నది దంపతుల ప్రయత్నంగా కనిపిస్తోంది. తమిళనాడు వైద్య శాఖ ఏర్పాటు చేసిన కమిటీకి తమ వివాహ సర్టిఫికెట్, అఫిడవిట్ ను విఘ్నేశ్, నయన్ సమర్పించినట్టు తెలిసింది. దీంతో ఆరేళ్ల క్రితమే వీరి పెళ్లి జరిగిందని అభిమానులు సైతం షాక్ కి గురి అవుతున్నారు.

ఈ నేపథ్యంలో తమకు పెళ్లి ఆరేళ్లయినా పిల్లలు పుట్టలేదు కాబట్టే తాము అద్దెగర్భం ద్వారా ముందుకు వెళ్లామని ఈ జంట చెప్పే అవకాశం ఉందని అంటున్నారు. అంతేకాక ఈ పిల్లలకు జన్మనిచ్చిన మహిళ ఎవరు అనే విషయం మీద కూడా క్లారిటీ వచ్చినట్లు చెబుతున్నారు. దుబాయిలో సెటిల్ అయిన ఒక మలయాళీ మహిళ నయన్ పిల్లలకి జన్మనిచ్చినట్లు చెబుతున్నారు. అంతేకాక ఏ హాస్పిటల్ అయితే ఆమె బిడ్డలకు జన్మనిచ్చిందో ఆ హాస్పిటల్ వివరాలు కూడా నయనతార దంపతులు అందజేసినట్లు సమాచారం.

యంగ్ రెబల్ స్టార్ ప్రభాస్ నటించిన ఆదిపురుష్ చిత్రం సంక్రాంతికి విడుదలయ్యేందుకు సిద్ధం అవుతోంది. రామాయణ గాధతో తెరకెక్కుతున్న ఈ చిత్రంపై ఎన్నో అంచనాలు అభిమానుల్లో ఉండేవి. కానీ టీజర్ విడుదలయ్యాక అంచనాలన్నీ తలక్రిందులు అయ్యాయి. దర్శకుడు ఓం రౌత్ ఏదో చేయబోయే ఇంకేదో చేసినట్లు ఉన్నాడు. గ్రాఫిక్స్ మాయలో పడి రామాయణాన్ని, ఆ పాత్రలని కించపరిచారు అంటూ విమర్శలు ఎదుర్కొంటున్నాడు.

ఇప్పటికీ ప్రభాస్ అభిమానులు ఆదిపురుష్ టీజర్ ని జీర్ణించుకోలేకున్నారు. వింత ఆకారాలు, యానిమేషన్ గ్రాఫిక్స్ తప్ప అందులో రామాయణం కనిపించడం లేదు. ఇప్పటికే పలువురు ఆదిపురుష్ టీజర్ ని, దర్శకుడు ఓం రౌత్ ని తీవ్రంగా విమర్శించారు. డ్యామేజ్ కంట్రోల్ చేసేందుకు త్వరలో చిత్ర యూనిట్ మరో టీజర్ రిలీజ్ చేసేందుకు సన్నాహకాలు చేస్తున్నట్లు వార్తలు వస్తున్నాయి.

అయితే మంచు విష్ణు తన తాజా చిత్రం ‘జిన్నా’ ప్రమోషన్స్ సందర్భంగా ఆదిపురుష్ పై చేసిన కామెంట్లు వైరల్ అవుతున్నాయి. ప్రభాస్ ఆదిపురుష్ టీజర్ తనను ఎంతో నిరాశ పర్చిందని తెలుపుతూ ఓపెన్ అయ్యారు మంచు విష్ణు. లైవ్ యాక్షన్ సినిమాగా రామాయణాన్ని చూపిస్తారని అనుకున్నాం కానీ ఇలా యానిమేటెడ్ సినిమాలా చేస్తారని ఊహించలేదంటూ సంచలన వ్యాఖ్యలు చేశారు.

ఒకవేళ టీజర్ విడుదలకు ముందే ఇదొక యానిమేషన్ సినిమా అని చెప్పి ఉంటే.. ఈ రకమైన ట్రోల్స్ నడిచేవి కావని మంచు విష్ణు అన్నారు. ప్రేక్షకులను మోసం చేస్తే ఇలాంటి రియాక్షన్ రావడంలో వింతలేదని ఆయన చెప్పారు. ఆదిపురుష్ టీజర్ చూస్తున్నప్పుడు తనకు రజనీకాంత్, దీపికా పదుకొనె నటించిన కొచ్చాడియాన్ చిత్రం గుర్తుకొచ్చిందని చెబుతూ ట్రోలర్స్‌కి బూస్టింగ్ ఇచ్చారు మంచు విష్ణు.

బాహుబలి లాంటి భారీ సినిమా తర్వాత ప్రభాస్‌తో, తానాజీ తర్వాత ఓం రౌత్ సినిమా అంటే జనాల్లో ఓ రేంజ్ అంచనాలు ఉన్నాయి. కానీ ఆదిపురుష్ టీజర్ మాత్రం తనతో పాటు అందరినీ నిరాశ పర్చిందని మంచు విష్ణు చేసిన కామెంట్స్ వైరల్ అవుతున్నాయి.

ఆదిపురుష్ టీజర్ లో చూపించిన కొన్ని సన్నివేశాలపై వ్యతిరేకత చోటు చేసుకుంది. గ్రాఫిక్స్ మాయలో పడి రామాయణాన్ని, ఆ పాత్రలను కించపరిచేలా ఆదిపురుష్ సినిమా రూపొందించారంటూ కొందరు ప్రముఖులు సైతం కామెంట్స్ చేస్తున్నారు.

ఏకంగా అయోధ్య రామాలయం ప్రధాన పూజారి సత్యేంద్ర దాస్ ఈ సినిమాను బ్యాన్ చేయాలంటూ డిమాండ్ లేవనెత్తారు. శ్రీరాముడు, హనుమంతుడు, రావణుడిని తప్పుగా చిత్రీకరించారంటూ షాకింగ్ కామెంట్స్ చేశారు. ఆ తర్వాత ప్రముఖ సీనియర్ దర్శకనిర్మాత తమ్మారెడ్డి భరద్వాజ కూడా అదే కోణంలో ఓపెన్ అయ్యారు.