చివరిదాకా ఉత్కంఠ రేకెత్తించే “క్షణ క్షణం” రిలీజ్ కు సిద్ధం..ఎప్పుడంటే..?

డార్క్ కామెడీ అనేది టాలీవుడ్ సినిమాలలో కొత్త ప్రయోగం. ఈ ప్రయోగాన్ని ఆద్యంతం ఉత్కంఠ భరితం గా మలచి..”క్షణ క్షణం” సినిమా గా దర్శకుడు కార్తిక్ మేడికొండ ప్రేక్షకుల ముందుకు తీసుకువస్తున్నారు. మన మూవీస్ బ్యానర్ లో ఈ సినిమా రూపొందుతోంది. ఉదయ్ శంకర్, జియా శర్మ లు హీరో హీరోయిన్లు గా నటిస్తున్నారు.

ఇటీవలే సెన్సార్ పనులను పూర్తి చేసుకున్న ఈ సినిమా, U/A సర్టిఫికెట్ పొందింది. ఈ సినిమా చూస్తున్న ప్రతి క్షణం ఉత్కంఠ రేకెత్తుతూనే ఉంటుంది. ఈ సినిమా ఈ నెల 26 న ప్రేక్షకుల ముందుకు రావడానికి సిద్ధమవుతోంది. ఈ సినిమా విడుదల పై చిత్ర యూనిట్ సభ్యులు హర్షం వ్యక్తం చేస్తున్నారు.

ఈ సినిమా గురించి హీరో ఉదయ శంకర్ మాట్లాడుతూ..” ఈ సినిమా లో డార్క్ కామెడీ బాగా కుదిరింది. కచ్చితం గా “క్షణ క్షణం” మా టీం కి పెద్ద సక్సెస్ ను ఇస్తుంది. ఇటీవలే సెన్సార్ వారు U/A సర్టిఫికెట్ ఇచ్చారు. ఫిబ్రవరి 26 ఈ సినిమా థియేటర్లో రిలీజ్ కానుంది. ఇప్పటికే రిలీజ్ అయిన పాటలకు మంచి రెస్పాన్స్ వచ్చింది. కొత్త తరహా లో వస్తున్న సినిమాలను ఇటీవల సినీ ప్రేమికులు ఆదరిస్తున్నారు. మా సినిమా కూడా ప్రేక్షకులకు తప్పకుండా మంచి ఎక్స్పీరియన్స్ ఇస్తుందన్న నమ్మకం మాకుంది” అని చెప్పుకొచ్చారు.

ఆ తరువాత, ఈ సినిమా దర్శకుడు మేడికొండ కార్తిక్ కూడా మాట్లాడారు. ఈ సినిమా ను వాస్తవాలకు దగ్గరగా..సహజం గా మలిచాము. ఇప్పటికే విడుదల అయిన పాటలకు కూడా మంచి స్పందన లభించింది. మేము చేసిన ఈ కొత్త ప్రయత్నాన్ని ప్రేక్షకులు కచ్చితం గా ఆదరిస్తారన్న నమ్మకం మాకుంది. ఈ నెల 26 న ప్రేక్షకుల ముందుకు వస్తున్నాం.. ” అంటూ చెప్పారు. ఈ సినిమాలో మ్యూజిక్ దర్శకుడు కోటి, శ్రుతిసింగ్, రవి ప్రకాశ్, రఘుకుంచె , గిఫ్టన్ లు కూడా కీలక పాత్రలను పోషించారు.

రోషన్ సాలూర్ ఈ సినిమాకు సంగీతాన్ని అందించారు. డిఓపి బాధ్యతలు కె. సిద్దార్ద్ రెడ్డి తీసుకోగా.. గోవింద్ దిట్టకవి ఈ సినిమా కి ఎడిటింగ్ చేసారు. జియస్ కె మీడియా పి ఆర్ ఓ బాధ్యతల్ని తీసుకుంది. డాక్టర్ వర్లు, మన్నం చంద్ర మౌళి ఈ సినిమాకి నిర్మాణ బాధ్యతలను తీసుకున్నారు.