సాలిడ్ మూవీతో లాంచ్ కాబోతున్న నందమూరి నట వారసుడు..! డైరెక్టర్ ఎవరంటే..?

సినీ ఇండస్ట్రీలో వారసత్వం అనేది ఎప్పటినుంచో కామన్ అయిన విషయం. ఎటువంటి బ్యాక్ గ్రౌండ్ లేకుండా వచ్చి సక్సెస్ సాధించిన స్టార్స్ ఎందరో ఉన్నప్పటికీ తమ అభిమాన స్టార్ కొడుకు తెరంగేట్రం చేస్తాడు అంటే ఆ ఆనందం అభిమానులకు వేరే లెవెల్ లో ఉంటుంది. ప్రస్తుతం టాలీవుడ్ లో ఎంట్రీ ఇవ్వడానికి రెడీగా ఉన్న మరొక వారసుడు మోక్షజ్ఞ.

ఈ నందమూరి నట వారసుడు రాక కోసం ఎప్పటినుంచో అభిమానులు ఎదురుచూస్తూ ఉన్నారు. నందమూరి కుటుంబం నుంచి ఎందరో హీరోలు ఉన్నారు కానీ బాలకృష్ణకు ఉన్న ఫాలోయింగ్ డిఫరెంట్ అని చెప్పవచ్చు. కథ కన్నీళ్లుగా మోక్షజ్ఞ ఎప్పుడు సినీ ఇండస్ట్రీలో అడుగు పెడతాడు అని నందమూరి ఫ్యాన్స్ ఎదురుచూస్తున్నారు. ఇదిగో అదిగో అంటున్నారే తప్ప ఇంతవరకు ఎప్పుడూ అన్న విషయంపై ఎవరూ స్పష్టత ఇవ్వలేదు.

ఈ నేపథ్యంలో అమెరికా తానాసభలలో పాల్గొన్న బాలకృష్ణ మోక్షజ్ఞ ఫిలిం ఎంట్రీ పై కాస్త ఓపెన్ అయ్యారు. బాలకృష్ణ కెరియర్ లో ఒక మైలురాయిగా నిలిచిన చిత్రం ఆదిత్య 369. టైం ట్రావెల్ కాన్సెప్ట్ తో.. బాలకృష్ణ ద్విపాత్రాభినయం చేసిన ఈ చిత్రం అప్పటికి ,ఇప్పటికీ ఎప్పటికీ.. బోర్ కొట్టని చిత్రం. దీనికి సీక్వల్ గా రాబోయే చిత్రంతోనే మోక్షజ్ఞ తన సినీ ప్రస్థానాన్ని మొదలుపెట్టనున్నట్లు బాలకృష్ణ తెలిపారు.

మాస్ డైరెక్షన్లో ఆరితేరిన బోయపాటి శ్రీను దర్శకత్వంలో మోక్షజ్ఞ నటించబోయే మొదటి చిత్రం ఉండబోతోంది అని మరొక పక్క ప్రచారం జరుగుతుంది. బోయపాటి శీను డైరెక్షన్లో మూవీ ఏ రేంజ్ లో ఉంటుందో అందరికీ తెలుసు…గాడ్ ఆఫ్ మాస్ బాలకృష్ణ తనయుడు మంచి మాస్ పంచ్ డైలాగ్స్ చెప్తే ఆన్ స్క్రీన్ ఎలా ఉంటుంది అని ఫాన్స్ ఆసక్తిగా ఎదురుచూస్తున్నారు.

ALSO READ : మహేష్ బాబు “గుంటూరు కారం” మూవీ స్టోరీ లీక్..