నటుడిగా ఇండస్ట్రీలో తనకంటూ ఒక ప్రత్యేక స్థానాన్ని సంపాదించుకున్న వ్యక్తి రవితేజ. సైడ్ క్యారెక్టర్స్ తో మొదలు పెట్టి, తర్వాత హీరోగా ఎదిగి ఇప్పుడు ఎటువంటి బ్యాక్ గ్రౌండ్ లేకుండా ఇండస్ట్రీలో స్టార్ హీరో అయిన నటులలో ముందు వరుసలో ఉన్నారు రవితేజ. అయితే రవితేజ ప్రొడ్యూసర్ గా కూడా మారి కొత్త వారికి అవకాశాలు ఇస్తూ టాలెంట్ ని ప్రోత్సహిస్తున్నారు. అలా రవితేజ కార్తీక్ రత్నం హీరోగా నిర్మించిన సినిమా ఛాంగురే బంగారు రాజా. ఈ సినిమా ఇవాళ థియేటర్లలో విడుదల అయ్యింది. ఈ సినిమా ఎలా ఉందో ఇప్పుడు చూద్దాం.
- చిత్రం : ఛాంగురే బంగారు రాజా
- నటీనటులు : కార్తీక్ రత్నం, గోల్డీ నిస్సీ, సత్య, రవిబాబు, అజయ్, ఎస్తేర్, వాసు ఇంటూరి.
- నిర్మాత : రవితేజ
- దర్శకత్వం : సతీష్ వర్మ
- సంగీతం : కృష్ణ సౌరభ్
- విడుదల తేదీ : సెప్టెంబర్ 15, 2023
స్టోరీ :
ఒక చిన్న ఊరిలో ఉండే ఒక మెకానిక్ (కార్తీక్ రత్నం) చుట్టూ ఈ సినిమా కథ తిరుగుతుంది. అనుకోకుండా అతను ఒక మర్డర్ లో ఇరుక్కుంటాడు. తన పేరుని అందులో నుండి తీసేయడానికి కష్టపడుతూ ఉంటాడు. తను నిర్దోషిని అని నిరూపించుకోవడానికి అతను చేసే ప్రయాణంలో ఎదుర్కొన్న సంఘటనలు ఏంటి? చివరికి అతను నిర్దోషి అని తెలిసిందా? అతను ఎలాంటి ఇబ్బందులు ఎదుర్కొన్నాడు? అసలు ఆ మర్డర్ ఎవరు చేశారు? ఇవన్నీ తెలియాలి అంటే మీరు సినిమా చూడాల్సిందే.
రివ్యూ :
కేరాఫ్ కంచరపాలెం, నారప్ప వంటి సినిమాలతో గుర్తింపు సంపాదించుకున్నాడు నటుడు కార్తీక్ రత్నం. ఇప్పుడు ఈ సినిమాతో ప్రేక్షకుల ముందుకి వచ్చారు. సినిమా స్టోరీ లైన్ చాలా సింపుల్ గా ఉంటుంది. ఒక చిన్న మెకానిక్ తనని తాను ఒక నిర్దోషి అని నిరూపించుకోవడానికి చేసే ప్రయాణంలో అతను ఎదుర్కొన్న సంఘటనలని కామెడీ యాడ్ చేసి చూపించే ప్రయత్నం చేశారు. విలేజ్ బ్యాక్ డ్రాప్ లో వచ్చిన సినిమాలకి ఈ మధ్య ప్రేక్షకులు బ్రహ్మరథం పడుతున్నారు.
ఇటీవల వచ్చిన బలగం సినిమా చిన్న సినిమాగా రిలీజ్ అయ్యి ఎన్ని అవార్డులు అందుకుందో ప్రత్యేకంగా చెప్పాల్సిన అవసరం లేదు. ఇప్పుడు ఈ సినిమా కూడా అలాగే ఒక ఊరిలో జరిగే సినిమాగా రూపొందించారు. అక్కడ జరిగే సంఘటనలు, వారిలో ఉండే అమాయకత్వం వీటన్నిటిని దర్శకుడు తెరపై చాలా బాగా చూపించారు. ఇంక పర్ఫార్మెన్స్ విషయానికి వస్తే సినిమాలో అందరూ కూడా తమని తాము ఆల్రెడీ నటులుగా ప్రూవ్ చేసుకున్నవారే.
కాబట్టి వారందరూ కూడా వారి పాత్రలకి తగ్గట్టుగా నటించారు. కార్తీక్ రత్నంకి మరొక మంచి పాత్ర దొరికింది. ఇందులో కార్తీక్ రత్నం చాలా సహజంగా నటించారు. అలాగే కార్తీక్ రత్నం తర్వాత సినిమాకి హైలైట్ అయిన మరొక పాత్ర సత్య. ఇటీవల వచ్చిన రంగబలి సినిమాకి సత్య కామెడీ టైమింగ్ హైలైట్ గా నిలిచింది. ఇప్పుడు ఈ సినిమాలో కూడా తన కామెడీతో ప్రేక్షకులను నవ్వించారు.
పాటలు పరవాలేదు. సినిమాకి తగ్గట్టుగా ఉన్నాయి. సినిమాటోగ్రఫీ బాగుంది. కానీ కథలో మాత్రం అక్కడక్కడ కొత్తదనం కొంచెం తగ్గినట్టు అనిపిస్తుంది. చూసే ప్రేక్షకులకు ఈ సినిమా తెలిసిపోయేలాగానే ఉంటుంది. దాంతో ఈ విషయంలో ఇంకా కొంచెం జాగ్రత్త తీసుకొని ఉంటే బాగుండేది ఏమో అనిపిస్తుంది.
ప్లస్ పాయింట్స్ :
- కార్తీక్ రత్నం నటన
- సినిమాటోగ్రఫీ
- నిర్మాణ విలువలు
- కామెడీ
మైనస్ పాయింట్స్:
- తెలిసిన కథ
- సాగదీసినట్టుగా ఉన్న కొన్ని ఎపిసోడ్స్
రేటింగ్ :
3/5
ట్యాగ్ లైన్ :
ఎటువంటి అంచనాలు పెట్టుకోకుండా, ఒక మంచి కామెడీ సినిమా చూద్దాం అనుకునే వారికి, రొటీన్ కథ అయినా పర్వాలేదు ఎంటర్టైనింగ్ గా ఉంటే చాలు అని అనుకునే వారికి ఛాంగురే బంగారు రాజా సినిమా ఒక్కసారి చూడగలిగే యావరేజ్ సినిమాగా నిలుస్తుంది.
watch trailer :
ALSO READ : MARK ANTONY REVIEW : “విశాల్, SJ సూర్య” కి ఈ సినిమాతో హిట్ పడినట్టేనా..? స్టోరీ, రివ్యూ & రేటింగ్.!
