Kushi Movie OTT Release Date: టాలీవుడ్ యంగ్ హీరో విజయ్ దేవరకొండ, సమంత జంటగా నటించిన చిత్రం ఖుషి. శివ నిర్వాణ దర్శకత్వంలో వచ్చిన ఈ సినిమా.. టైటిల్‌తోనే సగం హిట్ కొట్టేసింది. దానికి తోడు టీజర్లు, సాంగ్స్, ట్రైలర్స్ ఆకట్టుకున్నాయి. దీంతో ఈ సినిమాపై అంచనాలు కూడా పెరిగాయి.
ఫ్యామిలీ ఎంటర్‌టైనర్‌గా సెప్టెంబర్ 1న విడుదలైన ఈ సినిమా పాజిటివ్ టాక్ తెచ్చుకోవడంతో పాటు వసూళ్లను కూడా రాబట్టింది. థియేటర్లలో ఇప్పటికీ ఈ సినిమా నడుస్తోంది. తెలుగు రాష్ట్రాల్లోనే కాకుండా అమెరికాలో కూడా ఈ సినిమా వసూళ్లను రాబట్టింది.
కానీ థియేటర్‌కి వెళ్లి చూడటానికి వీలులేని వాళ్లు ఈ సినిమా గురించి ఎదురు చూస్తున్నారు. ఎప్పుడెప్పుడు ఈ సినిమా ఓటీటీలోకి వస్తుందని తెగ ఎదురుచూస్తున్నారు. అలాంటి వాళ్లందరికి ఒక గుడ్ న్యూస్. ఈ సినిమా వచ్చే నెల ఓటీటీలోకి వస్తుందని సమాచారం.
ఖుషి సినిమాను ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్ కొనుగోలు చేసింది. అక్టోబర్ 6 నుంచి ఈ సినిమా స్ట్రీమింగ్ కానున్నట్లు వార్తలు వినిపిస్తున్నాయి. దీనిపై అధికార ప్రకటన ఇంకా రావాల్సి ఉంది.