marriage Page 2
Tag:

marriage

Filmy Adda

ఎవర్ని పెళ్లి చేసుకోబోతున్నాడు అనే సస్పెన్స్ కి ఎండ్ చెప్పిన “సుధీర్”…ఇంతకీ అమ్మాయి ఎవరు?

by Sunku Sravan
written by Sunku Sravan

బుల్లితెర సూపర్ కమెడియన్ గా మరియు హీరోగా యాంకర్ గా అన్నీ కలిపిన ఉగాది పచ్చడిలా తన నటనతో ఎంతోమంది అభిమానులను సంపాదించుకున్న బుల్లితెర సూపర్ స్టార్ సుడిగాలి సుదీర్. మరి ఆయన పెళ్లి అనేది ప్రస్తుతం సోషల్ మీడియాను కుదిపేస్తున్న అంశం. 30 ఏళ్లకు పైగా ఉన్న సుధీరు పెళ్లి చేసుకునే సమయం దాటిపోతుంది. ఆయన స్నేహితులైన రాంప్రసాద్ శ్రీను వివాహాలు చేసుకొని పిల్లల్ని కూడా కన్నారు. కానీ సుధీర్ కు మాత్రం కళ్యాణ యోగం రావడం లేదు.

ఆయన జబర్దస్త్ లో తన కామెడీ స్కిట్స్ ఎక్కువగా అమ్మాయిల వెంట పడే జులాయిలా ఉంటాయి. ఇంకా పచ్చిగా చెప్పాలంటే ఎక్కువగా శృంగార ప్రియుడిగా చూపిస్తారు. పదిమందిని నవ్వించడం కోసం తనకు తానే తగ్గించుకుంటూ పంచెస్ వేయించుకుంటాడు సుడిగాలి సుదీర్. ఈ తరహా కామెడీ ద్వారా ప్రేక్షకులు కూడా ఎంతో ఎంజాయ్ చేస్తున్నారు.

ఇంకోవైపు సుధీర్ – రష్మీ జోడికు చాలా క్రేజ్ ఉంది. దీన్ని క్యాచ్ చేసుకొని స్పెషల్ ఈవెంట్స్ లో వీరిద్దరి వివాహం కూడా చేశారు. అయితే నటన వరకు అలా ఉన్న, రియల్ లైఫ్లో మాత్రం వీరిద్దరి మధ్య ఏముంది అనేది సస్పెన్సే. ఇద్దరూ పెళ్లి మాట ఎత్తకపోవడంతో ఒకేసారి సడన్ గా వారి వివాహ ప్రకటన చేస్తారేమో అని సందేహాలు కూడా వస్తున్నాయి. కానీ ఫైనల్ గా సుధీర్ మాత్రం తాను చేసుకోబోయే అమ్మాయిని కూడా పరిచయం చేశాడు. ఇది కూడా శ్రీదేవి డ్రామా కంపెనీ షో వేదికగా జరిగింది. ఆదివారం రోజు ప్రసారం కానున్న శ్రీదేవి డ్రామా కంపెనీ సంబంధించి నటువంటి ప్రోమో విడుదల అయింది. ఇందులో చాలా ఆసక్తికరమైన సంఘటన కూడా చోటు చేసుకుంది. ఈ ఒక్క ప్రోమో బుల్లెట్ భాస్కర్ తండ్రికి మరొక పెళ్లి చేయబోతున్నట్టు చూపించారు.

sudheer

ఆయనతో పాటుగా కమెడియన్ల తల్లిదండ్రులు కూడా దీనికి ఎంట్రీ ఇచ్చారు. ఎపిసోడ్ మాత్రం చాలా ఆద్యంతంగా సందడిగా కొనసాగింది అలాగే కొన్ని ఎమోషనల్ సీన్స్ కూడా చూపించారు. ఇక చివర్లో బుల్లెట్ భాస్కర్ తండ్రి సుధీర్ తో మీ నాన్నతో ఇప్పుడే ఫోన్ లో మాట్లాడాను. మావాడు ఈ టీవీల్లోనే పెళ్లి చేసుకుంటాడా. నిజంగా చేసుకుంటాడా చేసుకోడా..? ఒకవేళ చేసుకుంటే ఇండస్ట్రీ అమ్మాయిని చేసుకుంటాడా లేదా బయట అమ్మాయిని చేసుకుంటాడా అనే విషయాన్ని అడిగాను అని అన్నారు.

sudheer-rashmi

భాస్కర్ తండ్రి అడిగిన వెంటనే సుధీర్ స్పందించారు. ఇంతమంది ఫాదర్స్ అందరూ అడుగుతున్నారు కాబట్టి శ్రీదేవి డ్రామ కంపెనీ స్టేజ్ మీదనే చెప్పబోతున్న నిజంగా నేను ఎవరిని పెళ్లి చేసుకోబోతున్నాను అంటూ చాలా సిగ్గుపడుతూ స్టేజ్ వైపు వెళ్ళాడు. అయితే ఆ షో లోనే ఆ అమ్మాయి ఉందని కాబట్టి ఇండస్ట్రీకి చెందిన అమ్మాయి కావచ్చు అని అందరు అనుకుంటున్నారు. కానీ ఈ విషయం పూర్తిగా తెలియాలంటే వచ్చేవారం షో చూస్తే ఫుల్ క్లారిటీ వస్తుంది.

watch video:

Human angle

పెళ్లి కావడం లేదా…..పెళ్లి చూపుల్లో ఈ మూడు సూత్రాలు పాటించండి.. వెంటనే సెట్ అయిపోతుంది..!

by Sunku Sravan
written by Sunku Sravan

మానవ జీవితంలో పుట్టడం ఒక అదృష్టం. ఈ జీవన గమనంలో వివాహమనేది చాలా స్పెషల్ గా భావిస్తారు. కానీ కొంతమందికి వివాహం కావడంలో అనేక ఇబ్బందులు ఏర్పడతాయి. అలాంటి వ్యక్తులు ఈ మూడు సూత్రాలు పాటిస్తే సంబంధం ఇట్టే కలిసిపోతుంది.. అవేంటో చూద్దాం..? కొంతమంది పెళ్లి విషయంలో శాస్త్రాలను గౌరవించరు. అందులో ముఖ్యంగా యువతకు శాస్త్రాల గురించి చెబితే ఒక చెవితో విని మరో చెవితో వదిలెయ్యడం మనం చూస్తూనే ఉంటాం.

కొంతమందేమో విని ఊరుకుంటారు. మరికొంతమంది దాన్ని నమ్మినట్టు నటిస్తారు. ప్రస్తుత కాలంలో పెళ్లిచూపులు అంటే ఒక ఆర్భాటంగా భావిస్తున్నారు. వివాహం అంటేనే జీవితంలో ఒక ముఖ్యమైన ఘట్టం. అబ్బాయి అయినా అమ్మాయి అయినా ఎవరికైనా ఒక్కటే.

కానీ ప్రస్తుత కాలంలో తల్లిదండ్రులు కూడా హెచ్చుతగ్గులు చూపించకుండా అది మగపిల్లవాడు అయినా, ఆడపిల్ల అయినా సరే బాగా చదివించి వారి భవిష్యత్తును ఆలోచించి వివాహాలు చేస్తున్నారు. మా అమ్మాయి అక్కడికి వెళితే పుట్టినిల్లును తలుచుకోకుండా వారు ప్రేమిస్తారా లేదా అనేది చూస్తున్నారు. అబ్బాయి తల్లిదండ్రులు కూడా మా కుటుంబంలో కూతురులా కలిసి పోతుందా, అబ్బాయిని ప్రేమగా చూసుకుంటుందా లేదా ఇలా ఎన్నో ఆలోచనలతో సంబంధాన్ని చూసుకుంటున్నారు.

పూర్వ కాలంలో అన్ని ఉమ్మడి కుటుంబాలు ఉండేవి ఏదైనా పెళ్లి విషయం వస్తే పెద్ద వాళ్ళని తీసుకుని వెళ్ళేవాళ్ళం. వారు అక్కడికి వెళ్లి వారి అనుభవంతో కుటుంబ నేపథ్యం ఎలా ఉందో తెలుసుకునేవారు. కాని ప్రస్తుత కాలంలో ఉమ్మడి కుటుంబాలు లేవు. అందరూ ఉద్యోగాల పేరుతో విడిపోయి ఎక్కడికక్కడ బతుకుతున్నారు. దీనివల్ల ఎన్నిసార్లు పెళ్లి చూపులకు వెళ్లిన సంబంధం అనేది కుదరదు. అలాంటప్పుడు ఈ మూడు సూత్రాలు పాటిస్తే సంబంధం తొందరగా కుదురుతుంది అవేంటంటే..!

1. పెళ్లి చూపులకు వెళ్ళేటప్పుడు మనకు ముఖ్యమైనటువంటి బంధువుల్ని, స్నేహితుల్ని తీసుకెళ్లడం..

2.అబ్బాయికి అమ్మాయికి నచ్చితే గనక సంబంధాన్ని వెంటనే ఖాయం చేసుకోవడం.

3.ఈ సంబంధం ఖాయం చేసుకున్న తర్వాత నిశ్చితార్థానికి ముహూర్తానికి అంటే వివాహానికి మధ్య ఎక్కువగా సమయాన్ని లేకుండా వెంటనే వివాహం అయ్యేట్టు చూసుకోవడం. ఈ మూడు సూత్రాలు గనక మనం పాటించామంటే పిల్లలకి వివాహం ఇట్టే అయిపోతుంది.

Mythology

ఇంట్లో ఉండే పాత శుభలేఖలని ఏమి చేయాలి..? అలా మాత్రం పడేయకండి.. మరేం చేయాలంటే..?

by Sunku Sravan
written by Sunku Sravan

ప్రతి ఒక్కరి జీవితంలో పెళ్లి అనేది ఒక అపురూపమైన ఘట్టం. పెళ్లి అనేది రకరకాలుగా ఉంటుంది. ముఖ్యంగా కొంతమంది వారి అమ్మానాన్నలు చూసినటువంటి అమ్మాయిని వారి వారి కుల, మత నిబంధనల ప్రకారం పెళ్లి చేసుకుంటారు. కొంతమంది అబ్బాయిలు, అమ్మాయిలు ప్రేమించుకొని వారి ఇష్టాయిష్టాలు కలిస్తే వివాహాలు చేసుకుంటారు. కొంతమంది వివాహాలు చేసుకుంటే పదిమందికి గుర్తుండిపోయేలా చేసుకుంటారు. దీనికోసం ఖర్చుకు వెనకడుగు వేయరు. పెళ్లి కార్డు నుంచి మొదలుకొని పెళ్లి తంతు పూర్తి అయ్యే వరకు ఎన్నో అద్భుతాలు చేస్తుంటారు.

అయితే ఈ పెళ్లిలో ముఖ్యంగా పెళ్లి కార్డు ( శుభలేఖ )లతో మన బంధువులకు, స్నేహితులకు ఆహ్వానం పలుకుతాం. మరి పెళ్లి ఘట్టం అంతా ముగిసిన తర్వాత ప్రతి ఒక్కరి ఇంట్లో కార్డులు అనేవి మిగిలి ఉంటాయి. మరి వాటిని ఏం చేయాలో, ఎక్కడ పడేయాలో చాలామందికి అర్థం కాదు. ఎందుకంటే పెళ్లి కార్డు ను చాలామంది దైవంగా భావిస్తారు. కాబట్టి దాని విషయంలో జాగ్రత్తలు పాటించాలి. మరి అవేంటో తెలుసుకుందాం..? పెళ్లి అయిన సంవత్సరం దాకా వాటిని ఇంట్లోనే ఉండనివ్వండి.

ఆ తర్వాత శుభలేఖలు ముక్కలు చేసేయండి. తర్వాత దాన్ని డస్ట్ బిన్ లో వేయాలి. ఎందుకంటే వాటిపై మన అడ్రస్ లు కూడా ఉంటాయి కాబట్టి. పూర్వకాలంలో శుభలేఖపై ఎక్కువగా సీతారాముల బొమ్మలు ముద్రించేవారు. ఆ కార్డులను జాగ్రత్తగా ఇంట్లో ఉండే ఒక కోక్కానికి తగిలించేవారు. చివరికి నీళ్లలో కలిపి వేసేవారు. కానీ ప్రస్తుతం కార్డులు మామూలుగానే ఉంటున్నాయి. కనుక బకెట్ నీళ్లలో వాటిని వేసి తర్వాత ముక్కలు చేసి చెత్త బుట్టలో పడేయాలి. పూర్వకాలంలో అయితే పారే వాగుల్లో, చెరువుల్లో,నదుల్లో పడేసేవారు. ప్రస్తుతం ఆ పరిస్థితి లేదు కాబట్టి బకెట్ నీటిలో వేసి బిన్ లో వేసేస్తున్నారు.

Newer Posts
Older Posts