శ్రీలంక క్రికెట్ టీం లో దిగ్గజ స్పిన్నర్ ముత్తయ్య మురళీ ధరన్ జీవితం ఆధారంగా తెరకెక్కించిన ‘800’ సినిమా ఓటీటీ స్ట్రీమింగ్కు అందుబాటులోకి వచ్చింది. హిందీ, తెలుగుతో పాటు మరో మూడు భాషల్లోనూ స్ట్రీమింగ్ అవుతోంది. ఈ సినిమా ఎందులో స్ట్రీమ్ అవుతుంది అనే పూర్తి వివరాలు చూడండి…శ్రీలంక దిగ్గజ స్పిన్నర్ ముత్తయ్య మురళీధరన్ బయోపిక్ ‘800’ సినిమా ఎన్నో ఒడిదుడుకులు కూడా నడుమ షూటింగ్ పూర్తి చేసుకుంది.
ముందుగా ఈ సినిమాలో విలక్షణ నటుడు విజయ్ సేతుపతి హీరోగా అనుకుని సినిమాను మొదలు పెట్టారు. అయితే తమిళనాడు కి శ్రీలంకకి ఉన్న విభేదాల కారణంగా విజయ్ సేతుపతి ఈ సినిమాలో నటించకూడదంటూ తమిళనాడులో వివాదం రేగింది. ఆ వివాదం కారణంగా విజయ్ సేతుపతి ఈ సినిమా నుండి తప్పుకున్నాడు.
ఆ తర్వాత కొంత గ్యాప్ తీసుకుని మేకర్స్ ఈ సినిమాని మళ్లీ వేరే నటుడితో రూపొందించారు. అలా షూటింగ్ పూర్తి చేసుకున్న ఈ సినిమా ఈ ఏడాది అక్టోబర్ 6న రిలీజ్ అయింది. థియేటర్లలో మంచి స్పందన తెచ్చుకున్న ఈ సినిమా ఇప్పుడు ఓటిటి లోకి వచ్చేసింది.800’ మూవీ ‘జియో సినిమా’ ఓటీటీ ప్లాట్ఫామ్లో స్ట్రీమింగ్కు అందుబాటులోకి వచ్చింది. సబ్స్క్రిప్షన్ అవసరం లేకుండా ఉచితంగానే జియో సినిమా ప్లాట్ఫామ్లో ఈ సినిమా చూడొచ్చు. తెలుగు, తమిళ్, కన్నడ, మలయాళం భాషలో ఈ సినిమా స్ట్రీమ్ అవుతుంది.
800 సినిమాలో ముత్తయ్య మురళీధరన్ పాత్రను మధుర్ మిట్టల్ పోషించారు. మురళీధరన్ తన జీవితంలో ఎదుర్కొన్న కష్టాలు, క్రికెటర్గా ఎదిరిన తీరు, కెరీర్లో ఒడిదొడుకులను ఈ చిత్రంలో కళ్ళకి కట్టినట్టు చూపించారు.800 చిత్రానికి ఎంఎస్ శ్రీపతి దర్శకత్వం వహించారు. వివేక్ రంగాచారి నిర్మించగా ఈ చిత్రానికి గిబ్రాన్ సంగీతం అందించారు. ముత్తయ్య మురళీధరన్ టెస్టుల్లో 800 వికెట్లతో చరిత్ర సృష్టించగా.. ఆ సంఖ్యనే ఈ మూవీ టైటిల్గా పెట్టారు. ముత్తయ్య మురళీధరన్ అభిమానులు, క్రికెట్ అభిమానులు ఈ సినిమా పైన ఆసక్తి చూపిస్తున్నారు. జియో సినిమాలో మంచి వ్యూయర్షిప్ సాధిస్తుందని నమ్మకం వ్యక్తం చేస్తున్నారు.
Also Read:సెహ్వాగ్ ను అవుట్ చేయడం అంత ఈజీ నా…