Ads
సుదీర్ఘ నిరీక్షణ తర్వాత, ఎట్టకేలకు, చియాన్ విక్రమ్ నటించిన కోబ్రా 31 ఆగస్టు 2022న విడుదలకు సిద్ధంగా ఉంది. ఈ మూవీలో కేజీఎఫ్ ఫేమ్ శ్రీనిధి శెట్టి మరియు క్రికెటర్ ఇర్ఫాన్ పఠాన్‌లు కీలక పాత్రల్లో నటించారు. ఈ చిత్రం ద్వారా శ్రీనిధి శెట్టి తమిళ్ ఇండస్ట్రీ లో అరంగేట్రం చేసింది. క్రికెటర్ ఇర్ఫాన్ పఠాన్ కు ఇది మొదటి చిత్రం.
Video Advertisement
కోబ్రా ట్రైలర్ రిలీజ్ అయిన కొద్ది రోజుల్లోనే ఒక సంచలనాన్ని సృష్టించిందని చెప్పవచ్చు. విక్రమ్ ఫ్యాన్స్ ఈ చిత్రం కోసం ఎంతో ఆసక్తిగా వేచి ఉన్నారు. ఈ క్రమంలో రిలీజ్ అయిన కోబ్రా మూవీ ఫస్ట్ రివ్యూ ఏమిటో చూద్దామా….
కోబ్రాను అజయ్ జ్ఞానముత్తు డైరెక్ట్ చేయగా 7 స్క్రీన్ స్టూడియో బ్యానర్‌పై ఎస్ఎస్ లలిత్ కుమార్ దీనిని నిర్మించారు.ఓవర్‌సైట్ బోర్డ్ సభ్యుడు ఉమైర్ సంధు ఇటీవల ఈ చిత్రాన్ని వీక్షించారు . ఆయన ఈ చిత్రంపై తన ఉద్దేశాన్ని ట్విట్టర్ ద్వారా అందరితో పంచుకున్నారు.
కోబ్రా మూవీ లో ఒక ప్రత్యేకమైన కాన్సెప్ట్ ఉందని మరియు దర్శకత్వం చాలా డైనమిక్ గా ఉందని అతను ట్వీట్ చేశాడు.
ఈ చిత్రంలో విక్రమ్ నటన అవార్డు విన్నింగ్ అని ఆయన పొగిడారు.
ఆయన ఇర్ఫాన్ పఠాన్‌ను కూడా ప్రశంసించారు . అంతేకాకుండా కోబ్రా ట్విస్ట్‌లు మరియు టర్న్‌లతో ఆకర్షణీయమైన చిత్రం అని అభివర్ణించారు.తన ట్వీట్లో, ఈ చిత్రాన్ని ప్రేక్షకులు ఇష్టపడతారని ,పూర్తిగా ఎంజాయ్ చేస్తారని రాశాడు. పైగా ఈ చిత్రం యూనిక్ కాన్సెప్ట్ తో ఉంది అని ఆయన తన ట్వీట్లో పేర్కొన్నారు. అలాగే ఈ చిత్రానికి 3.5 రేటింగ్ ను కూడా ఇచ్చారు.
యాక్షన్ సీన్స్, సెంటిమెంట్ మరియు కామెడీ ఈ సినిమాకు హైలెట్ గా నిలిచాయని చిత్రయూనిట్ వెల్లడించింది.విక్రమ్ సినిమా అంటేనే అతను వేసే వెరైటీ గెటప్ కోసం అబిమానులు ఎదురు చూస్తుంటారు. అలాంటిది ఈ సినిమాలో విక్రమ్ 9 నుంచి 10 గెటప్ లలో కనిపిస్తారని సమాచారం. మొత్తం మీద ఈ చిత్రం ఫుల్ ఎంటర్టైనర్గా నిలబడుతుందని అభిమానుల ఆకాంక్ష. మరి ఈ చిత్రం విక్రమ్ కు మంచి సక్సెస్ ను అందిస్తుందా లేదా అనేది వేచి చూడాలి.
End of Article
