గ్లోబల్ స్టార్ రామ్ చ‌ర‌ణ్ ‘గేమ్ చేంజర్’.. టైటిల్ కోసం భారీగానే ఖర్చు పెట్టించాడు!

డైరెక్టర్ శంక‌ర్ ద‌ర్శ‌క‌త్వంలో గ్లోబల్ స్టార్ రామ్ చ‌ర‌ణ్ హీరోగా భారీ బడ్జెట్ సినిమా తెరకెక్కుతున్న విషయం తెలిసిందే. అయితే ఇప్పటి దాకా RC15 అనే వర్కింగ్ టైటిల్ తో మూవీ షూట్ జరుపుకుంటోంది. ఈ సినిమాకి ‘గేమ్ చేంజ‌ర్‌’ టైటిల్‌ను ఫిక్స్ చేశారు. ప్రొడ్యూసర్ దిల్ రాజు సొంత బ్యానర్ లో ఈ సినిమాని భారీ బడ్జెట్ తో నిర్మిస్తున్నారు.

ఈరోజు (మార్చి 27) గ్లోబల్ స్టార్ రామ్ చ‌ర‌ణ్ బర్త్ డే. ఈ సందర్భంగా ఈ సినిమా పేరును రీవిల్ చేస్తూ వీడియోను  రిలీజ్ చేశారు.  ఇండియన్ జేమ్స్ కామెరూన్ గా పేరుగాంచిన దర్శకుడు శంక‌ర్ ఈ మూవీ టైటిల్ గ్లింప్స్ కు కోసం ప్రొడ్యూసర్ దిల్ రాజుతో భారీగానే ఖర్చు పెట్టించాడంట. ఈ టైటిల్ గ్లింప్స్ కోసం 70 లక్షల రూపాయలు ఖర్చు అయినట్టు టాక్ వినిపిస్తోంది. ఈ సినిమా టైటిల్ గ్లింప్స్ కోసం శంకర్ నెల రోజుల పనిచేశాడని తెలుస్తోంది.
ఇక దీని కోసం శంకర్ 11 వెర్షన్లు సిద్ధం చేయించాడని సమాచారం. చివరగా వాటిలో ఒకటి ఖరారు చేసి నేడు విడుదల  చేశారని తెలుస్తోంది. ఇక ఈ చిత్రానికి కూడా డైరెక్టర్ శంకర్ భారీగానే ఖర్చు పెట్టించాడు. పాన్ ఇండియా మూవీ కావడంతో ప్రొడ్యూసర్ దిల్ రాజు ఈ చిత్రానికి 200 కోట్ల బడ్జెట్ అనుకుంటే దర్శకుడు శంకర్ ఇప్పటిదాకా దాదాపు 280 కోట్లు ఖర్చు పెట్టించినట్లు టాక్ వినిపిస్తోంది. ఈ సినిమా షూటింగ్ ఇప్పటికి వరకు  డెబ్బై శాతం మాత్రమే అయ్యింది.
ఆగస్టు వరకు ఈ సినిమా చిత్రీకరణ పూర్తి అయ్యే ఛాన్స్ ఉంది. ఇక అప్పటి వరకు ఈ మూవీ బడ్జెట్ ఎంత అవుతుందో చూడాలి మరి. ఈ సినిమాలో రామ్ చరణ్ ద్విపాత్రాభినయం చేస్తున్నాడు. కియార అద్వానీ, అంజలి కథానాయకలుగా  నటిస్తున్నారు.  ఈ మూవీలో శ్రీకాంత్, జయరామ్, రాజీవ్ కనకాల కీలక పాత్రలలో నటిస్తున్నారు. ఈ చిత్రానికి మ్యూజిక్ డైరెక్టర్ తమన్ సంగీతం అందిస్తున్నారు. ఆర్ఆర్ఆర్ మూవీ తరువాత చరణ్ చేస్తున్న సినిమా కావడంతో ఈ చిత్రం పై భారీ అంచనాలు ఏర్పడ్డాయి.
Also Read: “రామ్ చరణ్ పోస్టర్ అని చెప్పి యష్ ఫోటో రిలీజ్ చేశారు ఏంటి..?” అంటూ… రామ్ చరణ్ “గేమ్ ఛేంజర్” ఫస్ట్‌లుక్ పోస్టర్‌పై 15 మీమ్స్..!