అజిత్ “తునివు / తెగింపు” ఫస్ట్ రివ్యూ..! సినిమా ఎలా ఉందంటే..?

తమిళ హీరో అజిత్ నటిస్తున్న సినిమా ‘తునివు’. అజిత్‌తో ‘వలిమై’ తీసిన హెచ్.వినోద్ ఈ సినిమాకు కూడా దర్శకత్వం వహించారు. తెలుగులో ఈ సినిమా ‘తెగింపు’ పేరుతో రిలీజ్ కానుంది. ఈ చిత్రం లో నైజాం, వైజాగ్ ఏరియాల్లో దిల్ రాజు ఈ సినిమాను రిలీజ్ చేయనున్నారు. అజిత్ కు తెలుగు లో కూడా మంచి పాపులారిటీ ఉండటం తో ఇక్కడ కూడా బజ్ ఏర్పడింది. సంక్రాంతి సందర్బంగా ఈ సినిమా ప్రేక్షకుల ముందుకు రానుంది. ప్రస్తుతం మూవీ టీమ్ ప్రమోషన్స్ లో ఫుల్ బిజీగా ఉంది.

ఈ సినిమాకు తెలుగులో మూడు కోట్ల వరకు థియేట్రికల్ బిజినెస్ జరిగిందని టాక్ నడుస్తోంది. ఈ విషయంలో అధికారిక సమాచారం తెలియాల్సి ఉంది. తునివులో మంజు వారియర్ కీలక పాత్రలో నటిస్తోంది. అయితే ఈ చిత్రానికి సంబంధించిన ఒక రివ్యూ బయటకు వచ్చింది. . దుబాయ్ లో ఉంటూ ఇండియన్ సినిమాలకు ఫస్ట్ రివ్యూ ఇచ్చే సినీ క్రిటిక్, ఓవర్సీస్ సెన్సార్ బోర్డు సభ్యుడిగా చెప్పుకునే ఉమైర్ సంధు తునివు రివ్యూ చెప్పేశారు.

సోషల్ మీడియాలో ఉమైర్ సంధు ఈ సినిమా గురించి వరుస ట్వీట్స్ చేసారు. ” తునివు సినిమాలో అజిత్ చాలా స్టైలిష్ గా నటించారు. యాక్షన్స్ సీన్స్ అద్భుతంగా ఉన్నాయి. అజిత్ స్టైలిష్ స్వాగ్ కి, మంజు వారియర్ యాక్షన్స్ సీన్స్ తోడయ్యాయి. ఒక తమిళ్ సినిమాని హాలీవుడ్ రేంజ్ లో తెరకెక్కించారు. ఈ సంక్రాంతికి ఇది సరైన ఛాయస్.” అని ఉమైర్ సందు తన ఖాతాలో ట్వీట్స్ చేసారు.

ఇప్పటికే ఈ చిత్రానికి సంబంధించిన ప్రమోషన్స్ వేగం చేసింది టీం. అలాగే ఇప్పటి వరకు అజిత్, విజయ్ సినిమాలు దాదాపు పది సార్లు బాక్స్ ఆఫీస్ దగ్గర క్లాష్ అయ్యాయి. ఈ యేడాది కూడా అజిత్ ‘తునివు’, విజయ్ ‘వారిసు’ సినిమాలు ఒకేసారి విడుదల అవ్వబోతున్నాయి. ఇటు తెలుగులో కూడా మార్కెట్ ను పెంచుకునే పనిలో ఉన్నారు ఈ ఇద్దరు హీరోలు. దీంతో ఈ రెండు సినిమాలు పోటా పోటీగా ప్రమోషన్స్ ను సాగిస్తున్నాయి.