క్వారంటైన్ ఈ పేరు ఇప్పుడు మనకు కామన్ అయిపోయింది. కానీ ఇదే పేరుతో 1915 లో మన దేశ ఖైదీలను దయాదాక్షిణ్యాలు లేకుండా కాల్చి సముద్రంలో పడేసారు. వినడానికే బాధాకరమైన ఈ ఘటన 1915 లో జరిగింది.
అప్పట్లో మనదేశాన్ని బ్రిటిష్ వాళ్ళు పరిపాలిస్తున్నారు. దేశ స్వతంత్రం కోసం పోరాడిన వారికి ద్వీపాంతర శిక్ష విధించేవారు. అప్పట్లో ఎక్కువగా అండమాన్ లో ఉన్న సెల్యులార్ జైలు కి పంపే వారు….అలా ఒకసారి మద్రాస్ నుండి ఓ నౌక ఇండియన్ ఖైదీలను తీసుకొని హిందూ మహా సముద్రం గుండా అండమాన్ వెళుతున్న సందర్భంలో ….. ఆ నౌక లో ప్రయాణిస్తున్న ఒకరికి మసూచి సోకింది .. ఇది తెలుసుకున్న ఆ నౌక కెప్టెన్ అతన్ని , అతనితో పాటు ఉన్న ముగ్గుర్ని తన తుపాకీతో కాల్చి అదే సముద్రంలో పడేసాడు . అప్పట్లో మసూచికి చాలా భయపడే వారు.. వారి నుండి ఆ మసూచి ఇతరులకు సోకుతుందనే కారణంతో ఆ కెప్టెన్ అలా చేసాడట.!
ఆ నౌక లో ఉన్న భారతీయ ఖైదీలు ఈ విషయాన్ని తప్పు పట్టినప్పటికి….. వారి అధికార బలం కింద అణగదొక్క బడ్డారు. అలా ఇండియా నుండి తీసుకొచ్చిన ఖైదీలను అండమాన్ జైలు లో బందించి అనేక రకాల చిత్రహింసలు పెట్టేవారట. VD సావర్కర్ ను కూడా శిక్ష పేరుతో ఈ జైలు కు పంపించారు. సావర్కర్ జైలు లో తన తోటి ఖైదీలను దేశ స్వతంత్రం వైపుగా చైతన్యవంతులను చేసాడు.
