Anudeep

తెలుగు సినిమా అంటే ఆ రోజుల్లో నందమూరి తారక రామారావు, నాగేశ్వర రావు, కృష్ణ, శోభన్ బాబు. తరువాత కాలంలో చిరు, వెంకీ, బాలయ్య, నాగ్ . ప్రస్తుత మన తరానికి పవన్ కళ్యాణ్, మహేష్ బాబు, ఎన్టీఆర్, ప్రభాస్, రామ్ చరణ్, అల్లు అర్జున్ ఒక రేంజ్ స్టార్ డమ్ అందుకున్న హీరోలు.

అయితే సినిమాల్లో మంచి కంటెంట్ ఉన్న కొత్త తారలను కూడా ప్రేక్షకులు స్వాగతిస్తారు. విభిన్నమైన కంటెంట్ తో, తక్కువ బడ్జెట్ సినిమాలు తీస్తూ ప్రేక్షకులను అలరిస్తున్నారు కొందరు హీరోలు. మరి తర్వాతి తరానికి స్టార్ హీరోలు అయ్యే అవకాశాలు ఉన్న నటులు ఎవరో చూద్దాం..

#1 రానా దగ్గుబాటి
రానా పరిశ్రమలో అడుగు పెట్టి పదేళ్లకు పైగా కాలం గడిచింది. స్టార్ డం సంగతి పక్కన పెడితే విభిన్నమైన చిత్రాలను రానున్న కాలం లో మరిన్ని తీస్తాడు రానా.

#2 నాని
సెన్సిబుల్ స్టోరీస్ ఎంచుకోవడం లో నాని కి తిరుగులేదు. ఇప్పటికే ఎంతో మంది అభిమానులను సంపాదించుకున్న నాని భవిష్యత్తులో ఇంకా ఎక్కువ మందికి చేరువవుతాడు.

#3 నవీన్ పోలిశెట్టి
ఇంతకు ముందు సినిమాల్లో చిన్న చిన్న పత్రాలు వేసిన నవీన్ ‘ఏజెంట్ సాయి శ్రీనివాస ఆత్రేయ’ చిత్రం తో హీరోగా ఎంట్రీ ఇచ్చాడు. విభిన్న కథలు ఎంచుకుంటున్న నవీన్ ఒక గొప్ప నటుడు అని ఇప్పటికే ప్రూవ్ చేసుకున్నాడు.

#4 నాగ శౌర్య
స్టార్ హీరో కి కావాల్సిన అన్ని లక్షణాలు ఉన్న నాగ శౌర్య మంచి కథలు ఎంచుకుంటే భవిష్యత్తులో స్టార్ కాగలడు.

#5 వరుణ్ తేజ్
సినిమా సినిమా కి తనను మెరుగు పరుచుకుంటున్న హీరో వరుణ్ తేజ్. భవిష్యత్తులో మంచి చిత్రాలు ఇతని నుంచి ఆశించవచ్చు.

#6 విజయ్ దేవరకొండ
పెళ్లి చూపులు చిత్రం తో సైలెంట్ హిట్ కొట్టిన విజయ్ అర్జున్ రెడ్డి తో ఓవర్ నైట్ స్టార్ అయిపోయాడు. మంచి స్టోరీస్ తీసుకుంటే విజయ్ కి తిరుగుండదు.

#7 నిఖిల్ సిద్దార్థ్
హ్యాపీ డేస్ చిత్రం తో ఎంట్రీ ఇచ్చిన నిఖిల్.. చాల ప్లాప్ సినిమాలు తీసిన తర్వాత సూపర్ హిట్ లు అందుకుంటున్నాడు. ఇలానే భవిష్యత్తులో కొనసాగితే స్టార్ హీరో అవుతాడు.

#8 అడివి శేష్
కెరీర్ స్టార్టింగ్ నుంచి విలక్షణ కథలు ఎంచుకుంటున్న శేష్.. దర్శకుడు కూడా. ప్రస్తుతం తన కెరీర్ లో దూసుకుపోతున్నాడు.

#9 సాయిధరమ్ తేజ్
తన ఎనర్జీ తో ప్రేక్షకులను ఆకట్టుకొనే సాయి ధరమ్ తేజ్ కూడా భవిష్యత్ సూపర్ స్టార్ అయ్యే అవకాశాలున్నాయి.

#10 రామ్ పోతినేని
హీరోగా ఇప్పటికే తనని తాను నిరూపించుకున్న రామ్ చిన్న వయసులోనే హీరోగా ఎంట్రీ ఇచ్చాడు. ఇలాగె కొనసాగితే ఇండస్ట్రీ కి ఎనర్జిటిక్ స్టార్ హీరో దొరికినట్లే.

#11 సత్యదేవ్
చిన్న చిన్న పాత్రలు వేస్తూ మంచి నటుడిగా నిరూపించుకున్న సత్య దేవ్ మంచి కథలు ఎంచుకుంటే సూపర్ స్టార్ అవుతాడనడం లో సందేహం లేదు.

#12 విశ్వక్ సేన్
మంచి కథ తన దగ్గరకు రావాలే కానీ తనలోని నటుడుని అందరికి చూపిస్తాడు విశ్వక్ సేన్.

#13 నాగ చైతన్య
కెరీర్ లో పెద్ద హిట్స్ లేవు కానీ స్టార్ హీరో అయ్యే అన్ని లక్షణాలు నాగ చైతన్య లో పుష్కలం గాఉన్నాయి.

#14 శర్వానంద్
మంచి నటుడిగా ప్రేక్షకులు శర్వానంద్ ని ఎప్పుడో గుర్తించారు కానీ సరైన హిట్ పడితే శర్వా సూపర్ స్టార్ అవుతాడు.

#15 తేజ సజ్జ
బాలనటుడిగా అందరికి పరిచయం అయిన తేజ జాంబీ రెడ్డి తో హీరో గా మారాడు. ముందు నుంచే విలక్షణమైన కథలు ఎంచుకుంటున్నాడు తేజ సజ్జ. ఇలాగె కొనసాగితే స్టార్ హీరోగా మారే అవకాశం లేకపోలేదు.

స్టార్ హీరోయిన్‌ సమంత తీవ్ర అనారోగ్యం పాలైన విషయం తెలిసిందే. ఆమె త్వరగా కోలుకోవాలి అంటూ టాలీవుడ్‌, కోలీవుడ్‌ సెలబ్రిటీలు ట్విటర్‌ ద్వారా తెలియజేస్తున్నారు. కొంతమంది నేరుగా ఆమెను కాంటాక్ట్‌ అయ్యే ప్రయత్నం చేస్తున్నారు. అయితే ఆమె ఆరోగ్యం సహకరించడం లేదని, ఇప్పట్లో ఎవరినీ కలిసే అవకాశం లేదని చెబుతున్నారు.

అయితే సామ్ హెల్త్ విషయం తెలిసి సామ్ ఫ్యాన్స్ అవాక్కయ్యారు. గత కొన్ని రోజులుగా సోషల్ మీడియాలో సమంత అనారోగ్యంపై వస్తున్న వార్తలు నిజమే అని తెలుసుకొని నిరాశ చెందారు.

అయితే ఈ సమయంలో సమంతను నాగచైతన్య కలిశారు, ఆరోగ్యం గురించి వాకబు చేశారని వార్త ఒకటి టాలీవుడ్‌ వర్గాల్లో చక్కర్లు కొడుతోంది. అయితే ఈ విషయంలో నిజమెంత అనేది తెలుసుకోవడం ఉత్తమం అంటున్నారు. ఈ నేపథ్యంలో సమంతను నాగచైతన్య కలిశాడా లేదా అనేది చూస్తే.. పుకార్ల ప్రకారం సమంతను నాగచైతన్య ఆసుపత్రిలో కలిశాడు అని పుకార్లు వచ్చాయి.

వీటి ప్రకారం చూసుకుంటే..సామ్ హెల్త్ ఇష్యూ గురించి తెలిసిన వెంటనే నాగచైతన్య రెస్సాండ్ అయ్యారట. ఆమె అప్పుడు చికిత్స పొందుతున్న ఆస్పత్రికి వెళ్లి మరీ ధైర్యం నూరిపోశారట. అంతేకాదు.. ఏ మాత్రం ఇబ్బంది ఉన్నా తనకు కాల్ చేయమని సూచించారట. ఇందులో నిజం సంగతి అటుంచితే ఇక సామ్ చైతూ కలిసిపోతున్నారంటూ ఇంకాస్త అడ్వాన్స్ అయ్యి న్యూస్ పుట్టించారు కొందరు. కానీ అందుకు సంబంధించిన ఏ ఒక్క ఫోటో కూడా బయటకు రాలేదు.

అందులో ఏమాత్రం నిజం లేదని, ఇది కావాలనే కొందరు పుట్టించిన వార్త అని చెప్పుకుంటున్నారు జనం. సమంత ప్రస్తుతం ఆసుపత్రిలో లేదని, ఇంట్లోనే చికిత్స తీసుకుంటోందని సమాచారం. తన వ్యాధి గురించి చెప్పిన సమయంలో కూడా సామ్ ఆసుపత్రిలో లేదు. కాబట్టి సమంత కోసం నాగ చైతన్య హాస్పిటల్ వెళ్లారని వస్తున్న వార్తల్లో వాస్తవం అయితే లేదని ఓ నిర్దారణకు వచ్చేశారు జనం. ఒకవేళ అదే జరిగి ఉంటే నాగ చైతన్య కనీసం ఆసుపత్రి కెమెరా కంటికైనా పడేవాడుగా అంటూ లాజిక్స్ వెతుకుతున్నారు.

బాలీవుడ్ సూపర్ స్టార్ షారుఖ్ ఖాన్ నటించిన స్పై యాక్షన్ థ్రిల్లర్ ”పఠాన్” టీజర్ ఇప్పుడు సోషల్ మీడియాలో అగ్ర స్థానంలో ట్రెండ్ అవుతోంది. కింగ్ ఖాన్ పుట్టినరోజు సందర్భంగా విడుదలైన ఈ టీజర్ యూట్యూబ్ లో ఇప్పటి వరకూ 18 మిలియన్ల వ్యూస్ తో దూసుకుపోతోంది. తక్కువ సమయంలోనే 1 మిలియన్ కు పైగా లైక్స్ సాధించి బాలీవుడ్ టీజర్స్ లో ఆల్ టైం రికార్డ్ క్రియేట్ చేసింది.

అసలు షారుక్ సినిమా చేసి నాలుగేళ్లు దాటింది. మధ్యలో కొన్ని సినిమాలు నిర్మించాడు. కానీ అవి కూడా బెడిసి కొట్టేశాయి. ఈ విరామం తర్వాత షారుఖ్ ను ఒక స్టైలిష్ యాక్షన్ రోల్ లో చూడటంతో ఫ్యాన్స్ ఖుషీ అవుతున్నారు. ఇక్కడి దాకా అంతా బాగానే ఉంది కానీ.. ‘పఠాన్’ టీజర్ లోని వీఎఫ్ఎక్స్ పై నెట్టింట ఓ వర్గం నుంచి తీవ్ర విమర్శలు వస్తున్నాయి. విజువల్స్ నాసిరకంగా ఉన్నాయని.. కొన్ని షాట్స్ లో వీఎఫ్ఎక్స్ వర్క్స్ మరీ దారుణంగా ఉన్నాయని స్క్రీన్ షాట్స్ ను షేర్ చేసి మరీ ట్రోల్ చేస్తున్నారు.

ఎస్ ఎస్ రాజమౌళి లాంటి దర్శకులు వెండితెర మీద విజువల్ వండర్స్ క్రియేట్ చేసిన తర్వాత.. సినీ ప్రియులు అదే స్థాయిలో వీఎఫ్ఎక్స్ ఉండాలని ఆశిస్తున్నారు. అసలు ఒకటిన్నర నిమిషాల టీజర్ లోనే వీఎఫ్ఎక్స్ ఇలా ఉంటే.. రెండున్నర గంటల పూర్తి సినిమాలో విజువల్స్ ఏ స్థాయిలో ఉంటాయో అని సెటైర్స్ వేస్తున్నారు.

ఇటీవలి ‘బ్రహ్మాస్త్ర: శివ’ సినిమా, ఆదిపురుష్ టీజర్ వీఎఫ్ఎక్స్ విషయంలో నెట్టింట విపరీతంగా ట్రోల్స్ వచ్చాయి. బాలీవుడ్ ఫిల్మ్ మేకర్స్ వందల కోట్ల బడ్జెట్ ఉన్నప్పటికీ నాణ్యమైన అవుట్ ఫుట్ అందించలేకపోతున్నారని కామెంట్స్ చేస్తున్నారు. అయితే అవన్నీ ఎడిటింగ్ చేసిన పిక్స్ అని.. కావాలని షారుక్ ను టార్గెట్ చేయడానికి ఇలా చేస్తున్నారని కింగ్ ఖాన్ ఫ్యాన్స్ ఆరోపిస్తున్నారు.

ఏదేమైనా ఒకప్పుడు ప్రపంచ స్థాయి సినిమాలు తీస్తున్నామని గొప్పలు చెప్పుకునే బాలీవుడ్.. ఇటీవల కాలంలో సాంకేతికత పరంగా విమర్శలు ఎదుర్కొంటోంది. ఓవైపు దక్షిణాది నుంచి కంటెంట్ మరియు విజువల్ గ్రాండియర్ సినిమాలు తీస్తుంటే.. హిందీ పరిశ్రమ మాత్రం మంచి వీఎఫ్ఎక్స్ మరియు కంప్యూటర్ గ్రాఫిక్ వర్క్స్ తో కూడిన చిత్రాలను అందించడంలో ఫెయిల్ అవుతోందని కామెంట్స్ వస్తున్నాయి.

దర్శక ధీరుడు రాజమౌళి తెరకెక్కించిన భారీ మల్టిస్టారర్ చిత్రం ఆర్ ఆర్ ఆర్ సృష్టించిన ప్రభంజనం ని ఇప్పట్లో ఎవ్వరు మర్చిపోలేరు..భారీ అంచనాల నడుమ విడుదలైన ఈ సినిమా బాక్స్ ఆఫీస్ వద్ద ఆ అంచనాలను మించి సునామి ని సృష్టించింది..కేవలం ఇండియన్ ఫిలిం ఇండస్ట్రీ లోనే కాదు..ప్రపంచ స్థాయి బాక్స్ ఆఫీస్ ని శాసించింది ఈ చిత్రం.

అయితే ఇప్పుడు ఆర్ ఆర్ ఆర్ కలెక్షన్స్ ని ఇక్కడ ఒక పాకిస్తానీ సినిమా దాటేసింది..ఇది ఇప్పుడు సోషల్ మీడియా లో సెన్సషనల్ గా మారిన అంశం. పాకిస్తాన్ లో ఇటీవలే ‘ది లెజెండ్ ఆఫ్ మౌలా జట్’ అనే చిత్రం విడుదలై అక్కడ ప్రభంజనం సృష్టించింది..ఆ సినిమా కేవలం పాకిస్తాన్ లో మాత్రమే కాదు..ఓవర్సీస్ లో కూడా దుమ్ములేపేస్తుంది. ముఖ్యంగా ఈ సినిమా లండన్ లో ఆర్ ఆర్ ఆర్ కలెక్షన్స్ ని దాటేసిందట..ఫుల్ రన్ లో ఈ చిత్రం 1.2 మిలియన్ డాలర్లు వసూలు చేసే అవకాశం ఉందని తెలుస్తుంది.

పాకిస్థానీలకు దేనిలోనైనా భారత్‌తోనే పోటీ. మన మీద పైచేయి సాధించడమంటే వాళ్లకు ఎంత సరదానో.. మన మీద దుమ్మెత్తిపోయడమన్నా అంతే కసి.  ఫవద్ ఖాన్, మహిరా ఖాన్ ప్రధాన పాత్రల్లో ‘ది లెజెండ్స్ ఆఫ్ మౌలా జట్’ అనే సినిమా పాకిస్థాన్‌లో రూపొందించారు. ఈ సినిమాకు ప్రపంచ వ్యాప్తంగా మంచి ఆదరణ లభిస్తోంది.

అయితే, ఈ సినిమా యూకేలో ఆర్ ఆర్ ఆర్ లైఫ్‌టైమ్ బాక్సాఫీస్ రెవెన్యూను 17 రోజుల్లో రాబట్టిందని నిర్మాతలు ప్రచారం చేసుకుంటున్నారు. ఈ మేరకు ఇన్‌స్టాగ్రామ్‌లో ఒక పోస్ట్ పెట్టారు. పాకిస్థానీ ఫిలిం మేకర్స్.. రెవెన్యూ నంబర్స్ మాత్రం పేర్కొనలేదు. అయితే, ట్రేడ్ వర్గాల సమాచారం ప్రకారం ఆర్ ఆర్ ఆర్ యూకేలో రూ.100 కోట్ల మేర వసూలు చేసింది. పాకిస్థానీ మూవీ 17 రోజుల్లో రూ.150 కోట్లు రాబట్టిందట.

ఆ సినిమా ఆర్ ఆర్ ఆర్ ను బీట్ చేసి ఉండొచ్చు.. కానీ, ఇలా బహిరంగంగా ఆర్ ఆర్ ఆర్ కన్నా మా సినిమా గొప్ప అని ప్రకటించుకోవడం విమర్శలకు దారి తీసింది. ఆర్ ఆర్ ఆర్ సినిమాకి ఇతర దేశాలలో కూడా అద్భుతమైన ఆదరణ లభించిందని..ఆ స్థాయి వసూళ్లను అందుకోవడం ఎవరి తరం కాదని ఈ సందర్భం గా అభిమానులు చెప్తున్నారు..ఇటీవలే ఈ చిత్రాన్ని జపాన్ లో విడుదల చెయ్యగా అక్కడ కూడా అద్భుతమైన రెస్పాన్స్ ని దక్కించుకుంది..ఈ చిత్రం ఇక్కడ కేవలం పది రోజుల్లోనే 200 జపనీస్ డాలర్లు వసూలు చేసి సంచలనం సృష్టించింది.

బాలీవుడ్ బాద్ షా, కింగ్ ఖాన్ షారుఖ్ ఖాన్ బర్త్ డే (నవంబర్ 2) సందర్భంగా కొత్త సినిమా అప్డేట్ల సందడి మొదలైంది. షారుఖ్ ఖాన్, జాన్ అబ్రహం, దీపిక పదుకొణెల కాంబోలో సిద్దార్థ్ ఆనంద్ తెరకెక్కించిన చిత్రం పఠాన్. ఈ మూవీని యశో చోప్రా బ్యానర్ మీద.. ఆదిత్య చోప్రా నిర్మిస్తున్నాడు. అయితే ఈ మూవీ నుంచి వచ్చిన టీజర్ అందరినీ ఆశ్చర్యపరుస్తోంది.

ఇందులో షారుఖ్ ఓ ఏజెంట్‌లా కనిపించబోతోన్నాడు. మూడేళ్ల నుంచి ఎక్కడున్నాడో తెలియని పఠాన్.. చివరకు మళ్లీ ఓ మిషన్ కోసం తిరిగి వచ్చినట్టుగా టీజర్ లో చూపించారు. ఇందులో జాన్ అబ్రహం విలన్‌గా నటించినట్టు తెలుస్తోంది.ఇక దీపిక పదుకొణె అందాలు, యాక్షన్ సీక్వెన్స్‌ అదిరిపోయాయి. షారుఖ్ ఖాన్ పూర్తి యాక్షన్ హీరోగా ఇందులో విశ్వరూపం చూపించేశాడు.

అయితే ఈ టీజర్ చూసిన తర్వాత నెటిజన్లు పలు రకాలుగా స్పందిస్తున్నారు. ఈ టీజర్ చూస్తుంటే వార్, సాహూ వంటి చిత్రాల నుంచి కాపీ కొట్టినట్టు అనిపిస్తోంది అంటూ కామెంట్లు చేస్తున్నారు. ఒకేలా ఉన్న ప్రభాస్ సాహూ లోని ఒక షాట్.. ఈ టీజర్ లోని ఒక షాట్ ని పక్కన పెట్టి కంపేర్ చేస్తున్నారు నెటిజన్లు. కొందరైతే వీఎఫ్ఎక్స్ చాల చీప్ గా ఉంది.. 2019 లో వచ్చినా సాహూ చిత్రం ఇంకా బెటర్ గా ఉంది అంటూ కామెంట్లు పెడుతున్నారు.

బాహుబలి తర్వాత ప్రభాస్ చేసిన పాన్ ఇండియా చిత్రం సాహూ. ఎన్నో అంచనాల మధ్య విడుదల అయిన ఈ చిత్రం యావరేజ్ టాక్ నే తెచ్చుకుంది.ఇలా పలు సినిమాల్లోని షాట్ లను పెట్టి కంపేర్ చేస్తూ ట్రోల్ చేస్తున్నారు నెటిజన్లు.

షారుక్ చివరగా జీరో అనే సినిమాను ఐదారేళ్ల క్రితం తీశాడు. దాంతో షారుఖ్ నిజంగానే జీరో అయ్యాడు. అప్పటి నుంచి షారుఖ్ సినిమాల్లో నటించడం మానేశాడు. మధ్యలో కొన్ని సినిమాలు నిర్మించాడు. కానీ అవి కూడా బెడిసి కొట్టేశాయి. అందుకే ల్యాంగ్ గ్యాప్ తీసుకున్న షారుఖ్ ఖాన్.. ఇప్పుడు వరుస చిత్రాలతో రాబోతోన్నాడు. అట్లీతో ఒక సినిమా, రాజ్ కుమార్ హిరానీతో మరో సినిమా, సిద్దార్థ్ ఆనంద్‌తో ఇంకో సినిమా తీస్తున్నాడు. ఈ మూడు చిత్రాలతో షారుఖ్ ఖాన్ సందడి చేయబోతోన్నాడు.