Anudeep

టాలీవుడ్ స్టార్ హీరోలతో సినిమాలు చేసి హిట్ దర్శకుడు అనిపించుకున్నాడు వంశి పైడిపల్లి. ఈయన దర్శకత్వం లో కోలీవుడ్ స్టార్ విజయ్ చేస్తున్న చిత్రం ‘ వారిసు’. తమిళంలో వంశి చేస్తున్న ఈ చిత్రం సంక్రాంతికి విడుదల కానుంది. రష్మికా మందన్నా హీరోయిన్‌గా నటిస్తున్న ఈ సినిమాకు ‘దిల్‌’రాజు, శిరీష్, పరమ్‌ వి. పొట్లూరి, పెరల్‌ వి.పొట్లూరి నిర్మాతలు.

తాజాగా ఈ చిత్ర ప్రమోషన్ల సందర్భంగా ఒక ఇంటర్వ్యూ లో పాల్గొన్నారు దర్శకుడు పైడిపల్లి వంశీ. ఈ సందర్భంగా పలు ఆసక్తికర విషయాలను పంచుకున్నారు.

” దిల్ రాజు గారు ఒకసారి నా దగ్గరకు వచ్చి.. ఒక కథ ఉంది విజయ్ కి చెప్దామా.. అని అడిగారు. ఒక్కసారి విజయ్ ని కలవొచ్చు అని చెన్నై కి వెళ్ళా.. ఒక గంట పాటు కథ చెప్పా. ఐపోయాక విజయ్ ఒక 30 సెకన్స్ సైలెంట్ గా ఉన్నారు. తర్వాత కథ బావుంది చేద్దాం అన్నారు. సంతోషం పట్టలేకపోయా..” అని చెప్పారు వంశి పైడిపల్లి.

“మహేష్ కి నాకు మహర్షి చిత్రం నుంచి పరిచయం పెరిగింది. అతడు నాకు ఒక సోదరుడు లాంటి వాడు. మా ఫామిలీస్ కూడా అలాగే కలిసిపోయాయి. నేను విజయ్ తో సినిమా చేస్తున్నా అని తెలిసి మహేష్ చాలా సంతోషించాడు” అని చెప్పుకొచ్చాడు వంశి.

ఇది పక్కా తమిళ చిత్రం అని వంశి పైడిపల్లి చెప్పారు. తెలుగులో డబ్బింగ్ వెర్షన్ విడుదల చేస్తామని ఆయన పేర్కొన్నారు. హీరోయిన్ రష్మిక తో విజయ్ కెమిస్ట్రీ చాలా బాగా కుదిరింది అని ఆయన చెప్పారు. ఇది ఫామిలీ ఎంటర్ టైనర్ అయిన విజయ్ ఫాన్స్ కి నచ్చేలా ఉంటుంది అని చెప్పారు వంశి పైడిపల్లి.

నందమూరి నటసింహం బాలకృష్ణ, కమర్షియల్ డైరెక్టర్ మలినేని గోపిచంద్ కాంబినేషన్ లో, ఎన్బీకే 107 వర్కింగ్ టైటిల్ తో ఓ మూవీ తెరకెక్కుతుంది. అయితే ఈ సినిమా టైటిల్ ఈవెంట్ కు చారిత్రక కట్టడమైన కర్నూలు కొండారెడ్డి బురుజును ఎంపిక చేసి దీపావళి కానుకగా టైటిల్ విడుదల చేసారు. ఈ చిత్రానికి ‘ వీర సింహ రెడ్డి’ అనే టైటిల్ పెట్టారు.

ఇద్దరి నుంచి రెండు సూపర్ హిట్స్ వచ్చిన తర్వాత వీరి కాంబో పై అంచనాలు పెరిగాయి. ఇక ఇప్పటికే విడుదైన పోస్టర్లు, టీజర్, ఈ సినిమా పై అంచనాలు భారీగా పెంచేశాయి. టీజర్ లో పక్కా మాస్ లుక్ తో కనిపించిన బాలయ్య, పవర్ ఫుల్ డైలాగ్స్ తో రెచ్చిపోవడంతో, బొమ్మ బ్లాక్ బస్టర్ అని నందమూరి అభిమానులు ఫిక్స్ అయ్యారు.

అంతకు ముందే ఎన్బీకే 107 టైటిల్ ను అనౌన్స్ చేయనున్నట్లు, ఆ చిత్రాన్ని నిర్మిస్తున్న మైత్రీ మూవీ మేకర్స్ ట్విట్టర్ ద్వారా అఫీషియల్ గా ప్రకటించారు. అయితే టైటిల్ లాంచ్ డేట్ ప్రకటన , మైత్రీ మూవీ మేకర్స్ నిర్మాతలకు తలపోటుగా మారింది.

దానికి కారణం ఏంటంటే అల్లు అర్జున్ పుష్ప 2 నిర్మాతలు మైత్రీ వారే అనే విషయం తెలిసిందే. సుకుమార్, బన్నీ కాంబోలో తెరకెక్కిన పుష్ప మూవీ బ్లాక్ బస్టర్ కావడంతో, సెకండ్ పార్ట్ పై బన్నీ ఫ్యాన్స్ లో ఓ రేంజ్ లో అంచనాలు ఉన్నాయి. అయితే పుష్ప ఫస్ట్ పార్ట్ రిలీజ్ అయ్యి, చాలా కాలమే అయినా, పుష్ప2 గురించి మాత్రం ఇప్పటి వరకు, మైత్రి వారి నుంచి ఎలాంటి అప్ డేట్ రాలేదు. దీంతో సోషల్ మీడియాలో మైత్రీ మూవీ మేకర్స్ ని, బన్నీ ఫ్యాన్స్ బూతులతో ఏకిపారేస్తున్నారు.

అశోకవనంలో అర్జున కళ్యాణం సినిమా అందరినీ బాగా ఆకట్టుకుంది. ఈ సినిమాలో విశ్వక్ సేన్ ను సరి కొత్తగా చూపించారు. గత సినిమాల్లో లాగా కాకుండా ఇందులో పూర్తి గేటప్ చేంజ్ అయిపోయింది. విశ్వక్ సేన్ చేసింది తక్కువ సినిమాలే అయినా, చాలా స్పీడ్ గా పేరు సంపాదించారు.

అతనికి బాగా పేరు తెచ్చిన సినిమా ఫలక్నామాదాస్ అని చెప్పవచ్చు. అశోకవనంలో అర్జున కళ్యాణం సినిమాలో విశ్వక్ సేన్ చాలా వైవిధ్యమైనటువంటి పాత్రలో కనిపించాడు.. చాలా క్లాస్ పాత్రలో ప్రేక్షకులను అలరిస్తున్నాడు.

ఏది ఏమైనా అశోకవనంలో అర్జున కళ్యాణం ఎన్నో వివాదాల మధ్య భారీ అంచనాలతో విడుదలైంది. సినిమా అదిరిపోయింది అంటూ చాలా మంది ప్రేక్షకులు అంటున్నారు. ఇక ఇది ఇలా ఉంటే అశోకవనంలో అర్జున కళ్యాణం సినిమా చూసిన వాళ్ళు అంతా కూడా ఓ అమ్మాయి బాగుంది అని అంటున్నారు. ఆమె ఎవరో కాదు రితికా నాయక్. ఈ సినిమాలో రితికా నాయక్ నటించి బాగా ఆకట్టుకున్నారు.

image source : Instagram (ritika_nayak__)

రితికకి ఇది మొదటి సినిమా. అయినా కూడా ఎన్నో సినిమాలు చేసి అనుభవం ఉన్న నటిలాగా నటించారు. సినిమా ట్రైలర్, లేదా సినిమాకి సంబంధించి విడుదల చేసిన ఏ వీడియో లో కూడా రితికకి సంబంధించి లేదా రితిక పాత్రకి సంబంధించిన సంబంధించిన వివరాలు బయట పెట్టలేదు. దాంతో సినిమా చూసిన వారికి రితిక పాత్ర ఒక సర్ప్రైజ్ గా అనిపించింది. సినిమా చూసిన వారందరూ కూడా రితిక నటన చాలా బాగుంది అని మెచ్చుకున్నారు.