Author

Anudeep

Anudeep

Maintaining Teluguadda website since 2017 and have 7 years of experience in managing various million fan based Facebook pages.

టాలీవుడ్ ఇండస్ట్రీలో కనుమరుగైన ఈ హీరోలని గుర్తుపట్టారా..! ఇప్పుడు ఎలా ఉన్నారంటే..?

by Anudeep August 25, 2023

written by Anudeep

సినీ ఇండస్ట్రీలో వారసుల ఎంట్రీకి కొదవేలేదు. అది బాలీవుడ్ , టాలీవుడ్, కోలీవుడ్ ఏ పరిశ్రమైన కానీ తమ తరవాత ఇండస్ట్రీలో రాణించాలని వారసులను దించేస్తుంటారు ప్రతి ఒక్కరు. కుటుంబీకులు సినిమా ఇండస్ట్రీలో ఉన్నారంటే చాలు ఒకరి వెనుక ఒకరు ఇండస్ట్రీలోకి ఎంట్రీ ఇస్తుంటారు. ఇక్కడ నిర్మాత కొడుకైన కావచ్చు లేదా టాప్ హీరో సోదరులైన కావచ్చు.

ఇలా చెప్పుకుంటూపోతే మన టాలీవుడ్ ఇండస్ట్రీలో లిస్ట్ చాలా పెద్దగానే ఉంది. తమకంటూ ఒక ప్రత్యేక గుర్తింపు సంపాదించుకోవాలనే సినిమాల్లో సినీ వారసులుగా అడుగుపెట్టి సరైన గుర్తింపు సంపాదించుకోలేక కనుమరుగైన నటులు ఎంతో మంది ఉన్నారు. కానీ ప్రస్తుతం వాళ్ళని చూసి మనం అస్సలు గుర్తుపట్టలేని విధంగా మారిపోయి ప్రేక్షకులకు షాక్ ఇస్తున్నారు.

సహజనటి జయసుధ కుమారుడు శ్రేయన్ బస్తీ చిత్రంతో టాలీవుడ్ ఇండస్ట్రీకి పరిచయం అయ్యాడు. కానీ ఆ చిత్రం మంచి గుర్తింపు సాధించకపోవడంతో ఒక చిత్రంతోనే టాలీవుడ్ ఇండస్ట్రీకి దూరమయ్యాడు.

హీరో శ్రీకాంత్ సోదరుడు అనిల్ ప్రేమించేది ఎందుకమ్మ చిత్రంతో హీరోగా తెలుగు తెరకు పరిచయం అయ్యాడు. ఈ చిత్రంలో అనిల్ సరసన శ్రీదేవి చెల్లెలు మహేశ్వరి హీరోయిన్ గా నటించింది. ఈ సినిమా విజయం సాధించకపోవడంతో హీరోగా మళ్లీ అతనికి సినిమాల్లో నటించే అవకాశం రాలేదు. ఇప్పుడు అతన్ని గాని మీరు చూస్తే అస్సలు గుర్తుపట్టరు అంతగా మారిపోయాడు అనిల్.

అలనాటి హీరో V. K నరేష్ తనయుడు నవీన్ విజయకృష్ణ, అయినా ఇష్టం నువ్వంటే, రెండు జెళ్ళ సీత, నందిని నర్సింగ్ హోమ్ వంటి చిత్రాల్లో నటించిన మంచి సక్సెస్ ని అందుకోలేక సినీ ఇండస్ట్రీకి దూరమయ్యారు. ఎన్ని అవకాశాల కోసం ట్రై చేసిన చాన్స్ రాకపోవడంతో సినీ ఇండస్ట్రీ నుంచి కనుమరుగైపోయాడు.

August 25, 2023

శివ పార్వతులకు ముగ్గురు కూతుర్లు ఉన్నారన్న సంగతి తెలుసా..? పద్మ పురాణంలో వారి గురించి ఏమి చెప్పారంటే..?

by Anudeep August 20, 2023

written by Anudeep

ప్రస్తుతం అందరికి తెలిసిన పురాణాల ప్రకారం పార్వతి పరమేశ్వరులకు గణేశుడు, కుమార స్వామి మాత్రమే సంతానంగా ఉన్నారు అని అనుకుంటూ ఉన్నాం. కానీ, పార్వతి పరమేశ్వరులకు ముగ్గురు కుమార్తెలు ఉన్నారు. వారి గురించి చాలా మందికి తెలియదు. వారు ఎవరు..? వారి గురించి పద్మ పురాణంలో ఏమి చెప్పబడింది అనేది ఈ ఆర్టికల్ లో తెలుసుకుందాం. శివ పార్వతులకు ఉన్న ముగ్గురు కుమార్తెలు చాలా మందికి తెలియదు.

కానీ ఇప్పటికీ భారతదేశంలోని కొన్ని ప్రాంతాల్లో పూజించబడుతున్నారు. ఈ కుమార్తెల గురించి శివ పురాణంలో , పద్మ పురాణంలో పేర్కొనబడింది. అశోకసుందరి, జ్యోతి మరియు వాసుకి లేదా మానస పేర్లతో వీరు పిలవబడుచున్నారు. అయితే.. శివపార్వతులు మరియు గణేశ, కుమార స్వామిల మాదిరిగా వీరికి అత్యంత ప్రజాదరణ కలగలేదు. కారణం.. వీరి గురించి చాలా మందికి తెలియకపోవడమే.

అశోకసుందరి శివుని మొదటి కుమార్తె, ఆమె పార్వతీ దేవిచే సృష్టించబడింది. ఆమె గురించి మీరు ‘పద్మ పురాణం’లో వివరంగా చదువుకోవచ్చు. పార్వతీదేవి తన ఒంటరితనాన్ని తగ్గించడానికి అశోకసుందరిని సృష్టించిందని మతపరమైన కథలు సూచిస్తున్నాయి. పార్వతి తన దుఃఖాన్ని పోగొట్టుకున్నందుకు పార్వతి ఆమెకు అశోకసుందరి అని పేరు పెట్టింది. ఆమె శోకాన్ని పోగొడుతుంది మరియు ఎంతో అందంగా ఉంటుంది. అందుకే ఆమెకి అశోక సుందరి అని పేరు.

శివుని రెండవ కుమార్తె జ్యోతి. ఆమె పేరు అక్షరాలా కాంతి అని అర్ధం మరియు ఆమె హిందూ కాంతి దేవతగా ప్రసిద్ధి చెందింది. ఆమె పుట్టుకపై రెండు భిన్నమైన అపోహలు ఉన్నాయి. మొదటి పురాణం శివుడి కుమార్తె జ్యోతి తన తండ్రి కాంతి నుండి ఉద్భవించిందని మరియు ఆమె శివుని దయ యొక్క భౌతిక రూపం అని సూచిస్తుంది, అయితే రెండవ పురాణం ఆమె పార్వతీ దేవి నుదిటి నుండి ఉద్భవించిన మెరుపు నుండి జన్మించిందని చెబుతుంది. జ్యోతిని జ్వాలాముఖి అని కూడా పిలుస్తారు మరియు తమిళనాడులోని అనేక దేవాలయాలలో పూజిస్తారు.

మానస కథ అందరిలో ఆసక్తిని రేకెత్తిస్తుంది. పాముల తల్లి కద్రుడు చెక్కిన విగ్రహాన్ని శివుని వీర్యం తాకినప్పుడు ఆమె జన్మించింది. మానస నిజంగా శివుని కూతురే కానీ ఆమె పార్వతీ దేవి బిడ్డ కాదు. మానస తన తండ్రి, భర్త మరియు ఆమె సవతి తల్లి పార్వతి నుండి తిరస్కరణను ఎదుర్కొన్నందున ఆమె చెడు కోపాన్ని కలిగి ఉందని పురాణ కథలు సూచిస్తున్నాయి.

ఆమె పార్వతీ దేవిని కూడా తన కుమార్తెగా అంగీకరించనందుకు ద్వేషిస్తుంది. బెంగాల్ దేవాలయాలలో మానస దేవిని పూజిస్తారు. ఆమె ప్రతిమ లేకుండా పూజించబడుతుంది, సాధారణంగా, మట్టి పాము చిత్రం లేదా మట్టి కుండ లేదా చెట్టు కొమ్మను మానస దేవిగా పూజిస్తారు. పాము కాటు మరియు మశూచి మరియు చికెన్‌పాక్స్ వంటి అంటు వ్యాధుల నుండి ఆమె రక్షిస్తుందని విశ్వసిస్తారు.

August 20, 2023

ఆ పిచ్చి వల్లే కళ్ళు చిదంబరం ఆరోగ్యాన్ని పాడు చేసుకున్నారా? అసలు విషయం బయటపెట్టిన కొడుకు..!

by Anudeep August 20, 2023

written by Anudeep

నిన్నటి తరం తెలుగు సినిమా ప్రేక్షకులకు కళ్ళు చిదంబరం సుపరిచితులు. ఆయన పోషించిన పాత్రలు ప్రేక్షకులను ఎంతగానో నవ్వించేవి. ఆయన పేరు కొల్లూరు చిదంబరం అయినప్పటికీ ఆయన “కళ్ళు” సినిమాతో ఎంట్రీ ఇవ్వడంతో అందరికి కళ్ళు చిదంబరంగానే గుర్తుండిపోయారు.

కొల్లూరు చిదంబరం ఆయన కళ్ళతోనే మనకి గుర్తుండిపోయారు. తెలుగు ఇండస్ట్రీ మొత్తం ఆయనను “కళ్ళు” చిదంబరం గా పిలుస్తుంది. అంతే కాదు. ఆయన నటించిన కళ్ళు సినిమా ఆయనకీ మంచి గుర్తింపు ను తెచ్చింది.

ఆయనకు ఈ సినిమాకి గాను రాష్ట్ర నంది స్పెషల్ జ్యూరీ అవార్డును అందుకున్నాడు. తెలుగు లో ఆయన నటించిన “అమ్మోరు” సినిమా కూడా ఆయనకు మంచి గుర్తింపు తెచ్చింది. చిదంబరం సినిమాల్లోకి వచ్చే ముందు ఆయన ఇంజనీర్ గా పనిచేసేవారట. ఆయన 2015 లో ఈ లోకాన్ని విడిచిపెట్టి వెళ్లిపోయారు. ఆయన అనారోగ్య కారణాల వలెనే ఈ లోకాన్ని వదిలి వెళ్లిపోయారు. ఇటీవల ఓ ఇంటర్వ్యూలో మాట్లాడిన కళ్ళు చిదంబరం కుమారుడు ఆయన మరణం వెనకాల ఉన్న కారణాలను వివరించారు.

సినిమాల్లోకి రాకముందు కళ్ళు చిదంబరం ప్రభుత్వ ఉద్యోగం చేసేవారు. అంతేకాక నాటకాలపై ఆసక్తి ఉండడంతో ఆయన నాటకాలలో కూడా నటించేవారు. ఓ వైపు ఉద్యోగం చేస్తూనే మరో వైపు నాటకాలలో నటించడం కోసం కూడా ఎక్కువగా ప్రయాణాలు చేయాల్సి వచ్చేది. ఉద్యోగం విజయవాడలో చేస్తూ.. మరోవైపు నాటకాల కోసం హైదరాబాద్, చెన్నై ల మధ్య ప్రయాణాలు చేసేవారు. సమయానికి సరైన నిద్ర ఉండేది కాదు. దీనితో ఆయన కంటికి ఓ నరం పక్కకి జరిగి మెల్లకన్నులా వచ్చింది.

కళ్ళు చిదంబరానికి మొదట్లో మెల్లకన్ను ఉండేది కాదు. కానీ నాటకాలపై, సినిమాలపై ఉన్న ప్రేమ కారణంగా ఆయన ఆరోగ్యం మీదకు తెచ్చుకున్నారు. ఇక డాక్టర్లు కూడా ఇతర చికిత్స విధానాల ద్వారా మెల్లకన్నుని సరి చేసుకోవచ్చని చెప్పినప్పటికీ.. సినిమాల్లోకి వచ్చాక మెల్లకన్ను కలిసి వచ్చిందని.. కళ్ళు చిదంబరం చికిత్స చేయించుకోలేదు. ఆ తరువాత అనారోగ్యం కారణంగా ఆయన తుదిశ్వాస విడిచారు.

Watch Video:

August 20, 2023

Mythology Off Beat

ఇతరులను మన దారిలోకి తెచ్చుకోడానికి చాణుక్యుడు చెప్పిన హిప్నోటిజం ట్రిక్స్ ఇవే.!

by Anudeep August 15, 2023

written by Anudeep

మన చేతి ఐదువేళ్ళు ఒకలా లేనట్టే.. మన చుట్టూ ఉండే సమాజం లో ఏ ఇద్దరు వ్యక్తులు ఒకలా ఉండరు. అయితే.. పరిస్థితులను బట్టి.. అవసరాలను బట్టి.. మన చుట్టూ ఉండేవారు కొన్ని సార్లు మన మాటలను విని అర్ధం చేసుకోవాలని.. ఆచరించాలని కోరుకుంటూ ఉంటాం.. అయితే.. ప్రతి వ్యక్తి తనదైన శైలిలో ఆలోచిస్తాడు కాబట్టి.. పక్కన వారి మాటలను వినాలని కోరుకోడు.. అయితే.. అవతలివారిని మీ మాటలు వినేలా ఎలా చేసుకోవాలో చాణుక్యుడు కొన్ని టిప్స్ చెప్పాడు. అవేంటో ఇప్పుడు చూద్దాం..

కొందరు మూర్ఖులు ఉంటారు. తాము పట్టిన కుందేలుకి మూడే కాళ్ళు అన్నట్లు వీరి వ్యవహార ధోరణి ఉంటుంది. ఇలాంటి వారిని ఎప్పుడు పొగుడుతూ ఉండాలి.. వారు ఏది చేస్తే అది ఫాలో అవ్వాలి. అలా చేస్తూ ఉంటె.. కొంతకాలానికి వారే మీ కంట్రోల్ లోకి వచ్చేస్తారు.

అలాగే.. కొందరేమో కోపిష్టి స్వభావం కలిగి ఉంటారు. వారి పట్ల మర్యాద గా ప్రవర్తించాలి. ప్రశాంతం గా మాట్లాడాలి. ఎల్లపుడు వారి పట్ల కోపం గా ఉంటె.. వీరితో సఖ్యత కుదరడం కష్టం. అందుకే వారిపట్ల మర్యాదగా ప్రవర్తిస్తే.. వారు కొంత కూల్ అయ్యి మీతో ఫ్రెండ్లీ గా ఉంటారు.

అవతలి వారు మీకంటే ఎక్కువ జ్ఞానం కలిగిన వారు అయితే.. టాలెంట్ ఉన్న వారు అయితే.. వారి పట్ల మీరు నిజాయితీ గా ఉండడం ఉత్తమం. అప్పుడు వారికి మీ పట్ల ఆసక్తి కలిగి మీ దారిలోకి నడుస్తారు.

కొందరికి విపరీతమైన ఈగో ఉంటుంది. అలాంటి వారిని వారి అభిప్రాయాలను గౌరవిస్తూ.. మర్యాద ఇవ్వాలి. వారు ఆటోమేటిక్ గా మీ దారిలోకి వచ్చేస్తారు.

అత్యాశ, స్వార్ధం కలిగిన వారు:
వీరికి ఏదైనా లాభం వస్తుందంటే ఏ పని అయినా చేసేస్తారు. కొంత డబ్బు ఇవ్వజూపితే.. వీరే మీ దారిలోకి వచ్చేస్తారు.

పిల్లలని డీల్ చేసే సమయం లో కూడా చాలా జాగ్రత్తగా ఉండాలి. తల్లితండ్రులు అయితే.. వీరిని ప్రేమతో లొంగదీసుకోవాలి. ఐదు సంవత్సరాల వయసు వచ్చేవరకు వీరిని గారాబం గా ప్రేమ గా పెంచాలి. పదేళ్ల లోపు పిల్లలపై అతిగా దురుసు గా ప్రవర్తించడం తగదు. 16 ఏళ్ళు దాటాక వారితో స్నేహం గా మెలగాలి.

ఎలాంటి వ్యక్తులతో ఎలా వ్యవహరించాలి అనే కాదు.. ఏ పరిస్థితిలో ఎలా ఉండాలో కూడా చాణుక్యుడు చెప్పాడు. కష్ట కాలం వచ్చినపుడు ఓర్పు గా ఉండడం మాత్రమే చేయాలట. మీ ఓర్పే మీకు మంచి రోజుల్ని తీసుకొస్తుంది. అలాగే.. ఎవరితోనూ కఠినమైన మాట్లాడడం అన్నివేళలా మంచిది కాదట. ఓ వ్యక్తి సహజ స్వభావం తెలుసుకోవడానికి అతని మాటలు , ప్రవర్తనని కొలమానం గా తీసుకోవాలట.

ఇంకా కొన్ని విషయాలు..
మన నిత్యా జీవన విధానం లో పనికి వచ్చే విషయాలను చాణుక్యుడు చాలానే చెప్పాడు. అవేంటంటే:

మనకి మర్యాద దక్కని చోట ఒక్క క్షణం కూడా ఉండకూడదట. మనకు డబ్బులు రాని చోట, మనల్ని గౌరవించని వారి వద్ద అస్సలు ఉండకూడదు.
ధనవంతుల వద్ద ఉంటె ధనం, జ్ఞానవంతుల వద్ద ఉంటె జ్ఞానం లభిస్తాయట.
ఎవరినైనా పది మంది పొగుడుతూ ఉంటె మీరు కూడా పొగడాలట. అదే మీకు మీరే పొగుడుకోవడం మాత్రం తగదట.

దురాశ, స్వార్ధం, అత్యాశ వంటి లక్షణాలు కలిగిన వారిని ఎప్పటికి మార్చలేము.
నదులు, వైద్యులు ఉన్న ప్రాంతాలకు సమీపం లోనే నివసించడం ఉత్తమం.
గొడవలు లేకుండా, ఆహరం, నీరు ఉన్న ప్రదేశాల్లో ధనం కూడా ఎక్కువ గా నిలుస్తుంది.
ఏది చేసినా, ఎంత సంపాదించినా మనకు ఉన్న దానిలో తృప్తి గా బతకడం వల్లనే శాంతి లభిస్తుంది.
ఎప్పుడు విజయం సాధించే వారిని ఆదర్శం గా తీసుకోవడం, వారి కధలను తెలుసుకోవడం వలన మనం కూడా విజయం వైపు నడుస్తాము.
జీవితం లో వచ్చే ఏ అవకాశాన్ని కాదు అని చెప్పకూడదట. ఏ అవకాశం ఎప్పుడు ఏ మలుపు తీసుకుంటుందో చెప్పలేము కదా.

August 15, 2023

ఆస్ట్రోనాట్లు ఆ కలర్ స్పేస్ సూట్ లనే ఎందుకు ధరిస్తారు..? దీని వెనుక ఇంత కారణం ఉందా..?

by Anudeep August 15, 2023

written by Anudeep

మనం ఆస్ట్రోనాట్లను ఊహించుకోగానే మొదట గుర్తొచ్చేది వారు ధరించే స్పేస్ సూట్స్. అవి ఎక్కువగా తెలుపు లేదా ఆరంజ్ రంగులలో కనిపిస్తాయి. గతంలో కొంతమంది పసుపు రంగు స్పేస్ సూట్ ని కూడా ధరించారు. కానీ ప్రస్తుతం ఆస్ట్రోనాట్లు ఎక్కువగా తెలుపు, ఆరంజ్ రంగు స్పేస్ సూట్ లనే ధరిస్తున్నారు.

మరి మీకెప్పుడైనా అనుమానం వచ్చిందా..? వారు తెలుపు, ఆరంజ్ రంగుల్లో ఉండే స్పేస్ సూట్లనే ఎందుకు ధరిస్తారు..? ఒకసారి నాసా మాజీ వ్యోమగామి క్రిస్ ఫెర్గూసన్ నీలి రంగులోని స్టార్‌లైనర్ సూట్‌ను ధరించారు.

అయితే అది స్పేస్ క్రాఫ్ట్ లోపల పరిశోధనకు మాత్రమే పరిమితమైంది. అంతరిక్షంలోకి వెళ్లే వ్యోమగాములు మాత్రం ఎక్కువగా తెలుపు, ఆరంజ్ రంగుల్లో ఉండే స్పేస్ సూట్ లనే ధరిస్తున్నారు. కేవలం ఈ రంగుల్లో ఉండే స్పేస్ సూట్ లనే ఎందుకు ధరిస్తారో ఇప్పుడు తెలుసుకుందాం. ఆరంజ్ సూట్ ని అడ్వాన్స్‌డ్ క్రూ ఎస్కేప్ సూట్ అని పిలుస్తారు. ఇంకా పంప్కిన్ సూట్ (గుమ్మడి రంగు) అని కూడా సంబోధిస్తూ ఉంటారు.

ఇది ప్రెజర్ సూట్ గా వ్యవహరించబడుతుంది. అంతరిక్షంలో గాలి ఎక్కువగా లేని ప్రాంతాలకు వెళ్లే సమయంలో, ప్రెజర్ తక్కువగా ఉండే ఎత్తుకు వెళ్లే పైలట్లకు ఒత్తిడితో కూడిన సూట్‌లు అవసరం అవుతాయి. అందుకే వారు పాక్షిక-పీడన సూట్‌ను ధరిస్తారు. అయితే అంతరిక్ష సిబ్బంది మాత్రం పూర్తి-పీడన సూట్‌ను ధరిస్తారు.

వ్యోమనౌక ప్రయోగించే సమయంలో లేదా ల్యాండింగ్ సమయంలో ప్రమాదాల నుండి వారిని రక్షించేందుకు, వారిని గుర్తించేందుకు వీలుగా ఉండడానికి ఆరంజ్ రంగు ఎంతగానో ఉపయోగపడుతుంది. ఇందులోనే రేడియో, ఫ్లేర్స్, సర్వైవల్ గేర్ తో పాటు మెడిసిన్స్, పారాచూట్ తో పాటు మరికొన్ని ఫీచర్స్ ని కూడా కలిగి ఉంటుంది. స్పేస్ లో ఉన్నప్పుడు ఆరంజ్ మరియు తెలుపు రంగులను గుర్తించడం, వెంటనే వారిని గుర్తించి కాపాడడం తేలిక అవుతుంది. అందుకే ఈ రంగులని ధరిస్తారు.

తెలుపు రంగు సూట్లను ధరించడానికి మరో కారణం కూడా ఉంది. తెలుపు రంగు సూట్ లను EVA సూట్ అని పేర్కొంటారు. తెలుపు రంగు ఇతర రంగుల కంటే ఎక్కువ వేడిని ప్రతిబింబిస్తుంది. వ్యోమగామి అంతరిక్షంలో ఎక్కువ ఉష్ణానికి గురి అవకుండా ఉంటారు. చల్లని ప్రాంతాలలో వారికి వెచ్చదనాన్ని ఇవ్వడానికి వారి గ్లౌజ్ లలో హీటర్లు ఉంటాయి. అవి శరీరానికి వెచ్చదనాన్ని అందిస్తూ ఉంటాయి. ఇక సూట్ వల్ల అసౌకర్యం లేకుండా వ్యోమగామికి చల్లదనం కూడా ఉంటుంది. స్పేస్ లో ఎక్కువ డార్క్ గా ఉంటుంది. ఆ సమయంలో తెలుపు రంగుని గుర్తించడం కూడా తేలిక అవుతుంది.

August 15, 2023

Filmy Adda Mythology

ఆదిపురుష్ సినిమాలో “సైఫ్ అలీఖాన్” లాగానే… సినిమాల్లో “రావణుడి” పాత్ర పోషించిన 10 యాక్టర్స్..!

by Anudeep August 14, 2023

written by Anudeep

రామాయణం భారతీయులకు ఎంత ముఖ్యమైన గ్రంథమో అందరికి తెలిసిందే. అందులోని ప్రతి భాగం నీతినే బోధిస్తుంది. ధర్మం ప్రకారం ఎలా నడుచుకోవాలో వివరిస్తుంది. అందులోని ఘట్టాలన్నీ ధర్మాచరణకు అద్దం పడతాయి. శ్రీ రాముడు మొదలుకొని ప్రతి వ్యక్తి ఎంతో కొంత ప్రభావాన్ని మనపై చూపిస్తారు. వేల సంవత్సరాలుగా రామాయణం మనలో భాగం అయిపొయింది.

ఇందులో రావణుడు విలన్ అయినప్పటికీ ఎన్నో సుగుణాలు కలవాడు. భక్తి ప్రపత్తులు కలవాడు. శివుడి కి రావణుడు కంటే భక్తుడెవరు లేరని చెపుతుంటారు. అంతటి రావణుడు, ఒక్క స్త్రీ బలహీనత కారణం గానే విలన్ అవుతాడు. తపస్సులతో ఎంతో జ్ఞానాన్ని సంపాదించుకున్న రావణుడికి కూడా భక్తులున్నారంటే అతిశయోక్తి కాదు. కానీ, స్త్రీ లోలత్వం కారణం గా శ్రీ రాముడి చేతిలో హతమయ్యాడు.

ఇప్పుడు వెండితెరపై రావణుడి పాత్రలో కనిపించి మెప్పించిన నటులెవరో చూద్దాం..

#1 ఎన్టీఆర్

‘శ్రీరామ పట్టాభిషేకం’, ‘సీతారామ కళ్యాణం’ చిత్రం సహా అనేక చిత్రాల్లో రావణుడిగా నటించి మెప్పించారు ఎన్టీఆర్.

#2 ఎస్వి రంగారావు

సంపూర్ణ రామాయణం మూవీ లో ఎస్వి రంగారావు రావణుడిగా నటించి మెప్పించారు.

#3 అశుతోష్ రాణా

రామాయణ: ది ఎపిక్ మూవీ లో అశుతోష్ రాణా రావణుడిగా నటించారు.

#4 కైకాల సత్యనారాయణ

బాపు గారు తెరకెక్కించిన పౌరాణిక చిత్రం ‘సీతా కళ్యాణం’ లో రావణుడిగా కైకాల సత్యనారాయణ నటించారు.

#5 స్వాతి

1997లో గుణశేఖర్ దర్శకత్వంలో వచ్చిన బాల రామాయణం చిత్రంలో రాముడిగా జూనియర్ ఎన్టీఆర్, సీతగా స్మితా మాధవ్ నటించారు. ఇక రావణుడిగా స్వాతి బాలినేని అనే బాలిక నటించింది.

#6 సైఫ్ అలీఖాన్

ప్రభాస్ రాముడిగా రాబోతున్న ఆదిపురుష్ మూవీ లో సైఫ్ అలీఖాన్ రావణుడిగా నటించారు.

#7 అరవింద్ త్రివేది

అప్పట్లో వచ్చిన ‘రామాయణ’ సీరియల్‌లో రావణుడి పాత్ర పోషించి ప్రేక్షకుల గుండెల్లో చిరస్థానం సంపాదించారు అరవింద్ త్రివేది.

#8 రాజ్ కుమార్

కన్నడ సూపర్ స్టార్ రాజ్ కుమార్ భూ కైలాస్ చిత్రం లో రావణుడిగా నటించారు.

#9 నాగబాబు

మెగా బ్రదర్ నాగబాబు శ్రీ రామదాసు మూవీ లో కాసేపు రావణుడిగా కనిపించారు.

#10 ఓం పురి

భారత్ ఏక్ ఖోజ్ మూవీ లో ఓం పురి రావణుడిగా నటించారు.

ఇలా ఈ నటులు రావణుడిగా నటించి మనల్ని మెప్పించారు.

Also read: “బాల రామాయణం” నటులు ఇప్పుడు ఎలా ఉన్నారో తెలుసా? వైరల్ అవుతున్న ఫొటోస్!

August 14, 2023

Featured Off Beat

మంచి భాగస్వామి అవ్వాలంటే ఏం చేయాలి..? ఈ 7 విషయాలు గుర్తుపెట్టుకోండి.!

by Anudeep August 13, 2023

written by Anudeep

శ్రీలత కొత్తగా పెళ్లి చేసుకొని కోటి ఆశలతో అత్తారింట్లో అడుగు పెట్టింది. ఉద్యోగరీత్యా వెంటనే హైదరాబాద్ కు షిఫ్ట్ అయ్యారు. మొదట్లో తనకు గాని, ఇంటికి కానీ కావాల్సినవన్నీ భర్తే చూసుకునే వాడు. దీంతో శ్రీలత కూడా అన్నీ భర్తే చూసుకుంటున్నాడు అని సంబరపడిపోయేది.

కానీ రాను రాను ఇద్దరికి సంబంధించిన అన్నీ తనే చూసుకోవడం, నిర్ణయాలు తన ప్రమేయం లేకుండా అతనే తీసుకునే వాడు. అదేంటి అని అడిగితే.. నీకు చెప్పేది ఏంటీ అన్నట్టూ నిర్లక్ష్యంగా మాట్లాడేవాడు. దీంతో అతని నిర్లక్య ధోరణికి, నియంతృత్వ ప్రవర్తనకు ఆమెలో అసంతృప్తి పెరిగిపోయింది.

వారి మధ్య దూరం పెరుగుతూ వచ్చింది. ఇలాంటి నియంతృత్వ ప్రవర్తనను ఎలా మార్చుకోవాలి, భార్యాభర్తలు సంతోషంగా ఉండాలంటే ఏం చేయాలో నిపుణులు సూచిస్తున్నారిలా..

#1. ఒకరినిఒకరు అర్థం చేసుకోవాలి:

భార్యాభర్తలు అన్నాక ఒకరిని ఒకరు అర్థం చేసుకోవాలి కానీ అంతా నా ఇష్టం, నేను చెప్పిందే చేయాలి, నాకు నచ్చినట్టే ఉండాలి అంటే అది బానిస బతుకు అవుతుంది కానీ భార్యాభర్తల బంధం అవదు.

#2. ఎదుటి వారి అభిప్రాయాలను గౌరవించాలి:

ఎదుటివారేం చెబుతున్నారో పూర్తిగా వినాలి, వారి అభిప్రాయాన్ని గౌరవించాలి. ప్రతి చిన్న విషయంలోనూ నీకేం తెలీదు, నువ్వెందుకు ఎందుకూ పనికి రావు అంటూ కించపరచకూడదు. ఇది ఒకరకంగా భాగస్వామిని కుంగదీస్తుంది. సూటిపోటి మాటలతో మనసు గాయపరచడం వల్ల దాంపత్యబంధం బీటలు వారుతుంది.

#3. నిర్ణయాల్లో భార్యను భాగస్వామిని చేయడం:

ఇంటికి సంబంధించిన అనేక విషయాల్లో తన అభిప్రాయం కూడా అడగాలి. ఉదాహరణకు ఏదైనా కొత్త బైక్ లేదా కార్ అలాంటివి తీసుకునే ముందు తనకు ఓ మాట చెప్పి అభిప్రాయాన్ని అడగడం తను చెప్పిన వాటికి గౌరవం ఇవ్వాలి. అలాగే ఇంటికి సంబంధించి కొన్ని నిర్ణయాలు తానే సొంతంగా తీసుకునేలా ప్రోత్సహించాలి.

#4. పిల్లలపై చెడు ప్రభావం:

భార్యాభర్తలు పిల్లల ఎదుట గొడవ పడడం వల్ల వారు మానసిక ఒత్తిడికి గురవుతారు. పైగా భార్యకు ఏం తెలీలేదు అన్నట్టూ మాట్లాడడం వల్ల నిజంగా మా అమ్మకు ఏం తెలీదేమో అని భావన పిల్లల్లో ఏర్పడుతుంది. దాంతో వారికి ఏం కావాలి అన్నా నాన్నతోనే పని జరుగుతుంది అనుకుంటారు. అంతేకాదు రేపు మన ఇంట్లోని మగ పిల్లలు కూడా అలానే తయారవుతారు.

#5.వంటింటి సాయం:

భార్య టైం కి వండి పెడితే తినడం కాకుండా సెలవు రోజుల్లో అప్పుడప్పుడు భార్యకు సాయం చేయాలి. కలిసి పనిచేయడం వలన అలుపు తెలీదు. సరదా జోకులు వేసుకుంటూ కలిసి పని చేసుకోవచ్చు.

#6. కలిసి తినడం:

భార్య వడ్డిస్తుంటే భర్త తినడం కంటే కలిసి తినడం వలన ఇంట్లో ఆరోగ్యకరమైన వాతావరణం ఉంటుంది. నిజానికి భర్త ఒక్కడే తన మానాన తను తినేసి వెళ్తే.. కొన్నిసార్లు ఇంట్లో ఆడవాళ్లు తినకుండానే ఉండిపోతారు. దీంతో వారు అనేక రకాలైన శారీరక, మానసిక ఇబ్బందులు ఎదుర్కొంటారు.

#7. సరదాగా బయటికి వెళ్లడం:

రోజంతా ఇంట్లో ఉండే భార్యల్ని అప్పుడప్పుడు సినిమాలకు, షాపింగ్ లకు తీసుకెళ్లడం వలన వారిలో నూతనోత్సాహం వస్తుంది. అనేక కొత్త విషయాలు నేర్చుకుంటారు. భార్యకు భర్త మీద కూడా సదాభిప్రాయం ఏర్పడుతుంది. ఇలా అనేక జాగ్రత్తలు తీసుకుంటే.. భార్యాభర్తల సంబంధం మున్నాళ్ళ ముచ్చటగా కాకుండా నూరేళ్ళ పంటగా ఉంటుంది.

August 13, 2023

“మహేష్ బాబు – త్రివిక్రమ్” సినిమాతో పాటు… “సంక్రాంతి – 2024” కి రిలీజ్ అవుతున్న 6 పెద్ద సినిమాలు..!

by Anudeep August 9, 2023

written by Anudeep

తెలుగు వారి పెద్ద పండుగ సంక్రాంతి టాలీవుడ్ కు ప్రతిసారి కూడా ఒక అద్భుతమైన అవకాశంగా మారుతుంది. ఈ ఫెస్టివల్లో కాస్త పాజిటివ్ టాక్ అందుకున్న సినిమాలు కూడా భారీ స్థాయిలో ప్రాఫిట్స్ అందిస్తూ ఉంటాయి. అందుకే ప్రతిసారి కూడా పోటీ తీవ్రత ఎంత ఉన్నా కూడా సినిమాలను విడుదల చేస్తూ ఉంటారు మేకర్స్. 2024 సంక్రాంతికి కూడా అతిపెద్ద సినిమాలు బాక్సాఫీస్ వద్ద పోటీ పడేందుకు సిద్ధమవుతున్నాయి.

గత కొంత కాలంగా టాలీవుడ్ కి సరైన హిట్స్ లేవు. ఈ ఏడాది సంక్రాంతి తో టాలీవుడ్ కి శుభారంభం అయ్యింది. ఇక వచ్చే ఏడాది సంక్రాంతి బరిలో నిలిచే చిత్రాలేవో ఇప్పుడు చూద్దాం..

#1 ప్రాజెక్ట్ కె

ప్రభాస్‌ హీరోగా నాగ్ అశ్విన్‌ దర్శకత్వంలో అశ్వినీదత్ అత్యంత ప్రతిష్టాత్మకంగా భారీ బడ్జెట్‌ తో రూపొందిస్తున్న ప్రాజెక్ట్‌ కే సినిమా వచ్చే ఏడాది సంక్రాంతి బరిలో ఉండనున్నట్లు మేకర్స్ ఇప్పటికే ప్రకటించారు.

ప్రభాస్ హీరోగా నటిస్తున్న ఈ సైన్స్ ఫిక్షన్ చిత్రం పై భారీ అంచనాలు నెలకొన్నాయి. భారీ బడ్జెట్‌తో తెరకెక్కుతున్న ఈ సినిమా 2024 జనవరి 12న పాన్ వరల్డ్ మూవీ గా గ్రాండ్ గా రిలీజ్ కానుంది.

#2 మహేష్ – త్రివిక్రమ్ మూవీ (SSMB 28 )

మహేష్ 28వ సినిమాను త్రివిక్రమ్‌తో చేస్తున్న సంగతి తెలిసిందే. యాక్షన్‌తో పాటు ఫ్యామిలీ ఎంటర్టైనర్‌గా తెరకెక్కించనున్నారు త్రివిక్రమ్.

ఇక తాజాగా ఈ చిత్రానికి సంబంధించిన అప్డేట్ ఒకటి వచ్చింది. సూపర్ స్టార్ మహేష్ బాబు సూపర్ లుక్ లో ఉన్న పోస్టర్ తో పాటు జనవరి 13, 2024 న రిలీజ్ చేస్తున్నట్లు ప్రకటించారు.

#3 రామ్ చరణ్ – శంకర్ మూవీ (RC 15 )

స్టార్ డైరెక్టర్ శంకర్ దర్శకత్వం వహించిన RC15 తో రామ్ చరణ్ కూడా సంక్రాంతి 2024 సీజన్‌కు వస్తాడనే ప్రచారం ఉంది.

రామ్ చరణ్ బర్త్‌డే సందర్భంగా విషెస్ తెలియజేస్తూ రిలీజ్ చేసిన మోషన్ పోస్టర్ వీడియోలో RC15 టైటిల్‌ను ప్రకటించారు. ఈ చిత్రానికి గేమ్ చేంజర్’ అనే టైటిల్‌ ఫిక్స్ చేశారు.

#4 సూర్య 42

తమిళ దర్శకుడు శివ దర్శకత్వంలో సూర్య ‘సూర్య 42 ‘ మూవీ చేస్తున్న విషయం తెలిసిందే. ఈ మూవీలో సూర్య 16 వ శతాబ్దానికి చెందిన ఓ యోధుడి పాత్రలో కనిపించనున్నారని తెలుస్తోంది.

ఈ చిత్రం కూడా సంక్రాంతి బరిలో ఉండనున్నట్లు తెలుస్తోంది.

#5 ఇండియన్ 2

శంకర్ దర్శకత్వం లో రానున్న RC 15 సంక్రాంతి బరిలో లేకపోతే.. కమలహాసన్ నటించిన ఇండియన్ 2 వచ్చే అవకాశం ఉంది.

#6 ఫైటర్

హృతిక్ రోషన్, దీపికా పదుకొణే తొలిసారి జంటగా నటిస్తోన్న చిత్రం ‘ఫైటర్’. ఈ చిత్రాన్ని హృతిక్ రోషన్‌తో ‘బ్యాంగ్ బ్యాంగ్’ ‘వార్’ సినిమాల డైరెక్టర్ సిద్ధార్ధ్ ఆనంద్ డైరెక్ట్ చేస్తున్నారు. ఈ చిత్రంలో హృతిక్ రోషన్ భారత్ ఎయిర్ ఫోర్స్ అధికారి పాత్రలో కనిపించనున్నారు.

ఈ మూవీ ని 2024 జనవరి 25న ప్రపంచ వ్యాప్తంగా విడుదల చేస్తున్నట్టు ప్రకటించారు మేకర్స్. సంక్రాంతి కి విడుదలయ్యే చిత్రాలు జనవరి 25 వరకు రన్నింగ్ లో ఉంటే హృతిక్ చిత్రానికి కష్టమే.

#7 ఉస్తాద్ భగత్ సింగ్

పవన్ కళ్యాణ్ హీరోగా నటిస్తున్న ఈ సినిమా కూడా సంక్రాంతి బరిలో వచ్చే సినిమాలతో పాటు విడుదల అవుతుంది అని అంటున్నారు. కానీ ఈ విషయం గురించి ఇంకా అధికారిక ప్రకటన అయితే రాలేదు.

ALSO READ : మహేష్ బాబు “బిజినెస్ మాన్” నుండి… రానా దగ్గుబాటి “నేనే రాజు నేనే మంత్రి” వరకు … హీరోలు కూడా “తప్పులు” చేస్తారు అని చూపించిన 12 సూపర్ హిట్ సినిమాలు..!

August 9, 2023

మహేష్ బాబు “బిజినెస్ మాన్” నుండి… రానా దగ్గుబాటి “నేనే రాజు నేనే మంత్రి” వరకు … హీరోలు కూడా “తప్పులు” చేస్తారు అని చూపించిన 12 సూపర్ హిట్ సినిమాలు..!

by Anudeep August 8, 2023

written by Anudeep

సినిమా లో హీరో గా చేసినపుడు కొన్ని ఎమోషన్స్ మాత్రమే చూపించగలరు, ప్రేమ, జాలి, కరుణ, వీరత్వం ఇలా. విలన్ గా అయితే క్రూరత్వం, శాడిజం లాంటి ఎమోషన్స్ ని చిత్రీకరించడానికి స్కోప్ ఉంటుంది. హీరోలు కూడా విలన్‌లుగా మారారు, నెగెటివ్ రోల్ చేసింది అందుకే.., హీరో కెరీర్‌ని లీడ్ చేస్తానప్పుడే, హీరోలుగా కాకుండా నటులుగా నిరూపించుకోవడానికి విలన్‌లుగా కూడా చేసారు.

ఇలా విలన్‌గా నటించడం కొంతమందికి మంచి మార్పు, వాళ్ల నటనా సామర్థ్యాన్ని చూపించుకునే అవకాశం ఉంటే.. కొందరికి వాళ్ల కెరీర్‌ గ్రాఫ్‌ని నెక్స్ట్‌ లెవల్‌కి తీసుకెళ్లాయి. అంతే కాకుండా కొన్ని చిత్రాల్లో హీరో పాత్రలు.. వాళ్ళు చేసే పనుల వల్ల ఆ పాత్రకి నెగటివ్ షేడ్స్ ఉన్నట్టు అనిపిస్తుంది.
ఇప్పుడు ఆ లిస్ట్ లో ఎవరెవరు ఉన్నారో చూద్దాం..

#1 రవి తేజ

మాస్ మహారాజ్ రవితేజ తన కెరీర్ లో ఎన్నో విభిన్న పాత్రలు చేసారు. వాటిలో ఇలియానా హీరోయిన్ గా..వచ్చిన కిక్ చిత్రం లో నెగటివ్ షేడ్స్ ఉన్న పాత్రలో నటించారు రవితేజ.

#2 రానా దగ్గుబాటి

హీరోగా ఎంట్రీ ఇచ్చిన రానా. అతి తక్కువ కాలం లోనే తన లోని నటుడ్ని నిరూపించుకున్నాడు. బాహుబలి చిత్రం లో విలన్ గా నటించిన రానా.. నేనే రాజు నేనే మంత్రి చిత్రం లో నెగటివ్ షేడ్స్ ఉన్న పాత్రలో నటించి మెప్పించాడు.

#3 మహేష్ బాబు

సూపర్ స్టార్ మహేష్ బాబు నటించిన అతడు చిత్రం లో నెగటివ్ గానే మొదలవుతుంది అతడి పాత్ర. తర్వాత మంచిగా మారిపోతాడు.

అలాగే బిజినెస్ మాన్ చిత్రం మొత్తం మహేష్ నెగటివ్ షేడ్స్ ఉన్న పాత్రలోనే కనిపిస్తాడు.

#4 జూనియర్ ఎన్టీఆర్

పూరిజగన్నాథ్ దర్శకత్వం లో వచ్చిన టెంపర్ చిత్రం లో ఎన్టీఆర్ నెగటివ్ షేడ్స్ ఉన్న పాత్రలోనే నటించాడు. అలాగే జై లవకుశ చిత్రం లో కూడా నెగటివ్ పాత్రలో నటించాడు.

#5 అల్లు అర్జున్

అల్లు అర్జున్ వేదం చిత్రం లో నెగటివ్ ఇంటెన్షన్స్ ఉన్న పాత్రలో నటించాడు. సినిమా చివరిలో మంచివాడిగా మారతాడు. అలాగే ఆర్య 2 లో కూడా నెగటివ్ షేడ్స్ ఉన్న పాత్రలోనే నటించాడు బన్నీ.

#6 విజయ్

తమిళ హీరో విజయ్ మాస్టర్ చిత్రం లో నెగటివ్ షేడ్స్ ఉన్న పాత్రలోనే నటించాడు.

#7 నాని

నేచురల్ స్టార్ నాని నిన్ను కోరి చిత్రం లో నెగటివ్ షేడ్స్ ఉన్న పాత్రలోనే నటించాడు. అలాగే అంటే సుందరానికి చిత్రం లో కూడా కొంచెం నెగటివ్ టచ్ ఉన్న పాత్రలోనే నటించాడు.

#8 రామ్ చరణ్

రామ్ చరణ్ కెరీర్ లోనే బిగ్గెస్ట్ హిట్ అయిన రంగస్థలం చిత్రం లో రామ్ చరణ్ పాత్రకి కాస్త నెగటివ్ షేడ్స్ ఉంటాయి.

#9 నాగ చైతన్య

తమన్నా, నాగ చైతన్య జంటగా వచ్చిన 100 % లవ్ చిత్రం లో కూడా చై పాత్ర నెగటివ్ షేడ్స్ తోనే సాగుతుంది.

#10 సూర్య

తమిళ హీరో సూర్య ఇప్పటికే పలు చిత్రాల్లో విలన్గా నటించినా.. ఎన్ జికె చిత్రం లో నెగటివ్ షేడ్స్ ఉన్న పాత్రలో నటించాడు.

#11 పుష్ప

ఈ సినిమాలో హీరో డబ్బు సంపాదించడానికి చేసిన ప్రయత్నాలు అన్నీ కూడా చట్టపరంగా వ్యతిరేకంగానే ఉంటాయి.

#12 వరుణ్ తేజ్

మెగా ప్రిన్స్ వరుణ్ తేజ్ నటించిన గడ్డలకొండ గణేష్ చిత్రం లో అతడి పాత్ర నెగటివ్ షేడ్స్ తోనే సాగుతుంది.

August 8, 2023

ఆగ్రాలో ఉన్న తాజ్ మహల్ గురించి అందరికి తెలుసు.. మరి ఆంధ్ర ప్రదేశ్ లో ఉన్న ఈ తాజ్ మహల్ గురించి తెలుసా..?

by Anudeep August 6, 2023

written by Anudeep

భారత దేశంలోనే కాకుండా ప్రపంచ మొత్తంలో కూడా ఉన్న బెస్ట్ టూరిస్ట్ స్పాట్స్ లో ఒకటి తాజ్ మహల్. తాజ్ మహల్ గురించి ఎంత చెప్పినా తక్కువే. షాజహాన్ తనకి ముంతాజ్ పై ఉన్న ప్రేమకు గుర్తుగా ఈ తాజ్ మహల్ నిర్మించారు. వేరే దేశంలో ఉన్న వాళ్లకు కూడా భారతదేశం అంటే టక్కున గుర్తుకు వచ్చేది తాజ్ మహల్.

తాజ్ మహల్ ఎక్కడ ఉంది అంటే.. టక్కున ఆగ్రాలో ఉంది అని చెప్పేస్తారు ఎవరైనా. అయితే.. చాలా మందికి తెలియనిది ఏంటంటే ఆంధ్రప్రదేశ్ లో కూడా ఒక తాజ్ మహల్ ఉంది అని. ఏపీలో వైజాగ్ లో ఉన్న ఈ తాజ్ మహల్ గురించి చాలా మందికి తెలియదు.

వైజాగ్ బీచ్ కు దగ్గరగా ఉండే ఈ కట్టడం నిర్మాణ శైలి భిన్నంగా ఉండడంతో ఆకర్షణగా నిలుస్తోంది. దీనిని ఓ జమీందారు తన భార్యకి గుర్తుగా కట్టించారు. ఆమె మరణానంతరం ఈయన అక్కడే చాలా కాలం గడిపి చనిపోయారు. ఈ స్టోరీ గురించి పూర్తిగా తెలియాలంటే అసలు వీరెవరో తెలుసుకోవాలి. కురుపాం జమీందారు రాజా వైరిచెర్ల వీరభద్ర బహదూర్‌కు అనకాపల్లి జమీందారు గోడే నారాయణ గజపతిరావు రెండవ కుమార్తె రాణి లక్ష్మీ నరస్సాయమ్మ పట్టమహాదేవిను ఇచ్చి 1895 లో పెళ్లి చేసారు. వివాహమైన ఏడేళ్ళకే ఆమె మరణించారు.

ముగ్గురు పిల్లలు పుట్టిన తరువాత ఆమె మరణించడంతో రాజా వీరభద్ర బహదూర్ తట్టుకోలేకపోయారు. ఆమె ప్రేమని, ఆమె జ్ఞాపకాలని ఆయన మర్చిపోలేకపోయారు. రాజావారు నిరంతరం రాణి వారి జ్ఞాపకాలతో గడిపేస్తూ ఆమెకోసం ఓ మందిరాన్ని కట్టించారు. దీని నిర్మాణ శైలి చాలా భిన్నంగా ఉంటుంది. రాజా వారు రాణి వారు బతికి ఉన్న సమయంలోనే చాలా ప్రాంతాలను పర్యటించారు. ఆయా ప్రాంతాల సంస్కృతులు సంప్రదాయాలపైనా ఆయనకు అవగాహన ఉంది. ఆయన జమీందారుగా ఉన్న కాలంలో మొఘలులు రాజ్య పాలన చేసేవారు.

దీనితో ఈ నిర్మాణ శైలిలో మొఘలుల నిర్మాణ శైలితో పాటు భిన్న ప్రాంతాల సంస్కృతి సంప్రదాయాలు గోచరిస్తూ ఉంటాయి. ఇప్పుడు అందరు ఈ మందిరాన్ని వైజాగ్ తాజ్ మహల్ అని చెప్పుకుంటున్నారు. కానీ, వాస్తవానికి దీనికి రాజా బహదూర్ పెట్టిన పేరు “ప్రేమ నివేదన రూపం”. రాణి వారి మరణాన్ని జీర్ణించుకోలేని రాజా బహదూర్ ఆయన మరణించే వరకు ఈ ప్రేమ నివేదన రూపం మందిరంలోనే గడిపారు.

Also Read: “మేము సంతోషంగా బతకడం ఇష్టం లేదా…?” జానకి కలగలేదు హీరో “అమర్‌దీప్‌” కామెంట్స్..!

ఈ మందిరంలో సంస్కృతి సంప్రదాయాలకు చిహ్నంగా గోడలు చెక్కబడి ఉన్నాయి. ఈ మందిరంలో రాణి వారి పెద్ద విగ్రహం ఉండేది. రాణి పట్టమహిదేవి విగ్రహాన్ని చెక్కించిన తరువాత విశాఖ సాగర తీరానికి దగ్గరగా కురుపాం జమీందార్ల స్థలంలో ఈ భవన నిర్మాణం చేపట్టబడింది. అయితే.. ముప్పయ్యేళ్ల క్రితం వరకు దీని వైభోగం బానే ఉండేది. కానీ, ఓ 30 ఏళ్ల క్రితం రాణి పట్టమహిదేవి విగ్రహాన్ని ఎవరో దొంగిలించారు. దీన్ని పట్టించుకునేవారు లేకపోవడంతో చుట్టూ పొదలు, గుట్టలు పెరిగిపోయాయని హెరిటేజ్ ఇండియన్ నేషనల్ ట్రస్ట్ సభ్యులు ఎడ్వార్డ్ పాల్ తెలిపారు. చుట్టూ కాంక్రీట్ బిల్డింగ్స్ వచ్చేయడంతో దీనిని పట్టించుకునేవారు తక్కువయ్యారని ఆయన చెప్పుకొచ్చారు.

ఇది విశాఖ బీచ్ కు దగ్గరగా ఉంటుంది. అయితే దీని గురించి చాలా మందికి తెలియకపోవడం వలన ఈ ప్లేస్ కి వచ్చే టూరిస్ట్ ల సంఖ్యా తక్కువగానే ఉంది. ఇది నిర్మాణంలో తాజ్ మహల్ ని పోలి ఉండదు. కానీ, ఇది కూడా ప్రేమకు చిహ్నంగా నిర్మించబడడం వల్లే దీనిని వైజాగ్ తాజ్ మహల్ అని పిలుస్తుంటారు. ప్రేమికుల దినోత్సవ సమయంలో మాత్రం కొందరు ప్రేమికులు మాత్రం దీనిని సందరిస్తూ ఉంటారు. ఈ భవనంపై చెక్కిన కళాకృతులు ప్రత్యేక ఆకర్షణగా నిలుస్తుంటాయి. ఈ మందిర గోడలపై కొన్ని తెలుగు, ఇంగ్లీష్ కవితలు కూడా ఉండేవి. ప్రస్తుతం ఇవి కనిపించట్లేదని పాల్ చెబుతున్నారు. ఇది ప్రైవేట్ ఆధీనంలోనే ఉందని.. తిరిగి దీనికి పూర్వ వైభవం సంభవించాలంటే కురూపం జమిందారీ వారసులే పూనుకోవాలని ఎడ్వర్డ్ పాల్ అభిప్రాయపడ్డారు.

Also Read: నిజమైన ప్రేమకి ఆకర్షణకి మధ్య తేడా తెలియాలంటే… ఈ కథ తప్పక చదవాల్సిందే..!

August 6, 2023

Newer Posts

Older Posts