Anudeep

ఫిల్మ్ ఇండస్ట్రీకి ఎంతోమంది వస్తుంటారు పోతుంటారు. కానీ కొందరిని మాత్రమే అందరూ గుర్తుంచుకుంటారు. కళామతల్లి కూడా తన బిడ్డల్ని చూసి గర్వపడే స్థాయిలో కొందరుంటారు. అందులో ముందు వరుసలో ఉంటారు. నందమూరి తారాక రామారావు, మెగాస్టార్ చిరంజీవి.

కొందరికి సినిమా అవసరం. కానీ కొందరు సినిమాకి అవసరం. వీరిద్దరూ తెలుగు సినిమా స్థాయిని పెంచి గొప్ప నటులు. అంతకు మించి మనసున్న మనుషులు.

తెలుగు సినిమా చరిత్రలో హీరోలని మూడు తరాలుగా విభజిస్తారు తెలుగు సినీ ప్రేక్షకులు. ఒకటి ఎన్. టి.ఆర్ తరం, రెండు చిరంజీవి తరం, మూడు నేటి తరం. ఏ.ఎన్. ఆర్, శోభన్ బాబు, కృష్ణ, కృష్ణంరాజు,మోహన్ బాబు లాంటి హీరోలందరిని ఎన్. టి.ఆర్ తరం హీరోలు గా గుర్తిస్తారు. ఎందుకంటే ఆ కాలంలో ఎంతమంది హీరోలు ఉన్నప్పటికీ ఇండస్ట్రీకి సరికొత్త రికార్డ్ లు పరిచయం చేసిన ఘనత ఎన్. టి.ఆర్ దే. కమర్షియల్ మూవీస్ తో పాటు, రాముడు, కృష్ణుడు, కర్ణుడు, రావణాసురుడు మొదలైన పౌరాణిక పాత్రలకు ఎన్. టి.ఆర్ కేరాఫ్ అడ్రస్ గా నిలిచేవారు. ఆ పాత్రలతో తెలుగు సినీ ప్రేక్షకుల్లో చెరగని ముద్ర వేశారు.

ఇక యమగోల, అడవి రాముడు, వేటగాడు, జస్టిస్ చౌదరి, సర్ధార్ పాపారాయుడు, బొబ్బిలి పులి,మేజర్ చంద్రకాంత్ లాంటి కమర్షియల్ హిట్స్ కి కూడా ఆయన కెరీర్ లో లోటు లేదు. అందువలనే ఆయన ఆ తరం హీరోలలో అగ్రగామిగా నిలబడగలిగారు. ఎన్. టి.ఆర్ తరువాత తెలుగు సినిమా ఇండస్ట్రీ పైన తన జెండా బలంగా నాటిన వ్యక్తి చిరంజీవి. ఈయన ఎన్. టి.ఆర్ గారిలా పౌరాణిక పాత్రలు చేయకపోయినా, మాస్ ఆడియెన్స్ లో చిరు పేరు చెబితే పూనకం వచ్చేలా డాన్స్ లతో, ఫైట్స్ తో అప్పటి వరకు ఒక పాత ధోరణిలో ఉన్న తెలుగు సినీ పరిశ్రమకి కొత్త రంగులు అద్దడం జరిగింది.

చిరు రాకతో తెలుగు సినీమా ఖ్యాతి భారతీయ సినీ ప్రపంచం లో మరింత పెరిగింది. ఖైదీ సినిమా తో ఇండస్ట్రీ లో తన స్ధానాన్ని ఖాయం చేసుకున్న చిరు, తర్వాత.. అడవి దొంగ, కొండవీటి దొంగ, కొండవీటి రాజా, గ్యాంగ్ లీడర్, ఘరానా మొగుడు, ముఠామేస్త్రీ, జగదేక వీరుడు, అతిలోకసుందరి,ఇంద్ర, ఠాగూర్ లాంటి సూపర్ హిట్ సినిమాలతో టాప్ హీరో కుర్చీని తన సొంతం చేసుకున్నారు. చిరంజీవి కాలంలో బాలకృష్ణ, నాగార్జున, వెంకటేష్, సుమన్, రాజశేఖర్ లాంటి హీరోలు పోటీ పడినప్పటికి వారందరి కంటే చిరు కెరీర్ లోనే అత్యధిక హిట్ సినిమాలు ఉండడం, మరియు అభిమానుల్లో తనకంటూ ప్రత్యేక స్ధానాన్ని సంపాదించుకోవడం తో చిరునే ఆ తరం గ్యాంగ్ లీడర్ గా అభిమానులు భావిస్తారు.

చిరంజీవి గారు రాజకీయ రంగ ప్రవేశం చేసినప్పటికీ ఆ టాప్ హీరో కుర్చీ ని ఎవరు తమ సొంతం చేసుకోలేకపోయారు. గబ్బర్ సింగ్,అత్తారింటికి దారేది లాంటి బ్లాక్ బస్టర్ హిట్స్ తో పాటు, అమోఘమైన ఫ్యాన్ బేస్ తో పవన్ కళ్యాణ్ గారు ఆ స్ధాయిలో కనిపించినప్పటికి, రాజకీయాల మీద ఆసక్తి తో ఆయన సినిమాల మీద పూర్తిగా దృష్టి పెట్టలేదని అనిపిస్తుంది. పవన్ తో పాటు, మహేష్, ప్రభాస్, అల్లు అర్జున్, రామ్ చరణ్, జూనియర్ ఎన్. టి.ఆర్ లాంటి కొత్త తరం హీరోలు వచ్చినప్పటికీ వారెవరు కూడా ఆ టాప్ హీరో కుర్చీని సొంతం చేసుకోలేకపోయారు. వారంతా కూడా ఇప్పటికి చిరునే తెలుగు ఇండస్ట్రీ లో నెంబర్ వన్ హీరో అని చెప్పడం కొసమెరుపు.

మరి ఎన్. టి.ఆర్,చిరు తరువాత ఆ టాప్ హీరో కుర్చీని దక్కించుకుని, వెండితెర మీద తన సామ్రాజ్యాన్ని నిర్మించుకునే నయా నవాబ్ ఎవరో కాలమే నిర్ణయించాలి.

ఇతర వ్యాపార సంస్థలు నడుపుతూ అందులో సక్సెస్ అయ్యి.. ఫిల్మ్ ఇండస్ట్రీలో అడుగుపెట్టిన నటులు చాలా మందే ఉన్నారు.

ఇప్పుడు లెజెండ్ శరవణన్ ను మొదలుకొని, విష్ణు, ఉదయ్ చోప్రా, అల్లు శిరీష్ ఇలా అనేక మంది ఉన్నారు. ఒకసారి ఇతర బిజినెస్ నుంచి వచ్చి ఇండస్ట్రీలో నటులుగా ఉన్న కొంతమందిని చూద్దాం..

#1. అరుల్ శరవణన్:

శరవణన్.. చెన్నై లో శరవణ స్టోర్స్ అనే వస్త్ర మరియు ఆభరణాల దుకాణాలను రన్ చేస్తున్నాడు. ప్రస్తుతం ది లెజెండ్ మూవీతో ఇండస్ట్రీలోకి అడుగు పెట్టారు శరవణన్.

#2. మంచు విష్ణు:

మంచు విష్ణు మోహన్ బాబు స్థాపించిన విద్యానికేతన్ తో పాటు న్యూయార్క్ అకాడమీ, స్ప్రింగ్ బోర్డ్ ఇంటర్నేషనల్ ప్రీ స్కూల్ లకు మెంబర్ గా, చైర్మన్ గా ఉన్నారు విష్ణు.

#3. సచిన్ జోషి:

సచిన్ జోషి, తండ్రి, జగదీష్ జోషి, జేఎంజే గ్రూప్ ఆఫ్ ఇండస్ట్రీస్ యజమాని. సచిన్ లంక ప్రీమియర్ లీగ్ (LPL), దంబుల్లా వైకింగ్స్ యొక్క దంబుల్లా ఫ్రాంచైజీని కూడా కలిగి ఉన్నాడు. తెలుగులో ఒరేయ్ పండు అనే మూవీ చేసాడు సచిన్.

#4. అల్లు శిరీష్:

అల్లు శిరీష్ గీతా ఎంటర్టైన్మెంట్ కి డైరెక్టర్ గా చేసాడు. ఓ మ్యాగజైన్ ని కూడా అప్పట్లో రన్ చేసాడు. గౌరవం సినిమాతో హీరోగా ఇండస్ట్రీలో అడుగు పెట్టాడు శిరీష్.

#5. ఉదయ్ చోప్రా:

ఉదయ్ చోప్రా బాలీవుడ్ యాక్టర్. ఇతను యశ్ రాజ్ ఫిలిమ్స్ మేనేజర్ గా, యశ్ రాజ్ ఎంటర్టైన్మెంట్ ఓనర్ మరియు మేనేజర్ గా చేసాడు.

#6. నాగబాబు:

టాలీవుడ్ యాక్టర్, ఒకప్పటి హీరో నాగబాబు మొదట ప్రొడ్యూసర్ గా చేసి టాలీవుడ్ లో నటుడిగా స్థిరపడ్డారు.

#7. ఉదయనిధి స్టాలిన్:

ఉదయనిధి స్టాలిన్ ప్రొడ్యూసర్ మరియు రాజకీయ నాయకుడు. ఎమ్ఎల్ఏ గా కూడా ఓ సారి ఎన్నికయ్యారు. ఇతని తమిళ్ మూవీస్ తెలుగులో కూడా డబ్ అయ్యాయి. అందులో శ్రీనుగాడి లవ్ స్టోరీ ఒకటి.

#8. చెరుకూరి సుమన్:

సుమన్ టెలివిజన్ రచయితగా, నటుడిగా, దర్శకుడిగా, చిత్రలేఖకుడిగా, ఉషాపరిణయం చిత్ర నటుడిగా తెలుగువారికి సుపరిచితుడు. ఉషోదయ ఎంటర్‌ప్రైజెస్‌కు మేనేజింగ్‌ డైరెక్టర్‌ గా చేసారు సుమన్.

#9. రానా దగ్గుబాటి:

రానా దగ్గుబాటి నటనతో పాటు సినిమా సెట్‌లో విభిన్నమైన పాత్రలను పోషిస్తున్న సంగతి తెలిసిందే. రానా సురేష్ ప్రొడక్షన్స్‌ తో పాటు.. Ikonz అనే భారతీయ-అమెరికన్ సంస్థకు రానా ఐపీ (IP) హక్కులను కలిగి ఉన్నాడు.

#10. అల్లు అరవింద్:

అల్లు అరవింద్ నిర్మాతగా గీతా ఆర్ట్స్ బ్యానర్‌లో చిత్రాలు నిర్మిస్తున్నారు మరియు తెలుగు సినిమా పంపిణీదారుగా కూడా చేస్తున్నారు. అలాగే ఇండియన్ సూపర్ లీగ్ క్లబ్ కేరళ బ్లాస్టర్స్ FC సహ యజమాని. అల్లు అరవింద్ ‘హీరో, మహానగరంలో మాయగాళ్ళు, చంటబ్బాయి’ వంటి చిత్రాల్లో నటించారు.

వైవిధ్యమైన కథల ఎంపిక, తనదైన నటనతో అభిమానులను సంపాదించికున్నాడు న్యాచురల్ స్టార్ నాని. శ్యామ్ సింగరాయ్ లాంటి హిట్ తరువాత నాని నుంచి అంటే.. సుందరానికి సినిమా వచ్చింది. కానీ ఆశించిన స్థాయిలో సక్సెస్ కాలేదు. ఓటీటీలో మాత్రం ఈ సినిమాకి మంచి స్పందన వస్తుంది.

ప్రస్తుతం నాని ఒక్క సినిమాలో మాత్రమే నటిస్తున్నారు. అదే.. కొత్త డైరెక్టర్ శ్రీకాంత్ ఓదెల తెరకెక్కిస్తున్న దసరా. ఇప్పటికే ఈ సినిమాకి సంబంధించిన ఫస్ట్ లుక్, మోషన్ పోస్టర్స్ ను విడుదల చేశారు మేకర్స్. ఇందులో నాని ఊరమాస్ లుక్ కి ప్రేక్షకులు ఫిదా అయ్యారు. ఈ సినిమాపై నాని చాలా ఆశలే పెట్టుకున్నారు.

సింగరేణి బొగ్గు గనుల నేపథ్యంలో ఈ సినిమాను తెరకెక్కిస్తున్నారు. దీంతో ఇది పూర్తి స్థాయి యాక్షన్ ఎంటర్టైనర్ అని అందరూ అనుకున్నారు. కానీ ఈ సినిమాలో మంచి లవ్ స్టోరీ కూడా ఉందట. రెగ్యులర్ గా సినిమాల్లో కనిపించే రాజు, పేద టైప్ లవ్ స్టోరీనే ‘దసరా’లో కూడా చూపించబోతున్నారంట. కథ ప్రకారం.. సినిమాలో హీరోయిన్ సంపన్న కుటుంబానికి చెందిన అమ్మాయి. హీరో మాత్రం స్లమ్ లో పుట్టి పెరిగినవాడు.

వీరిద్దరి మధ్య ప్రేమ ఎలా చిగురించిందనే అంశాలను దర్శకుడు చాలా ఇంట్రెస్టింగ్ గా చిత్రిస్తున్నాడంట. కావాలని ఇరికించినట్లుగా కాకుండా.. కథతో పాటు ట్రావెల్ అయ్యే లవ్ స్టోరీ సినిమాకి ప్లస్ పాయింట్ అవుతుందని నమ్ముతున్నారు దర్శక నిర్మాతలు. ఇందులో కీర్తి సురేష్ హీరోయిన్ గా నటిస్తుంది. సుధాకర్ చెరుకూరి నిర్మిస్తోన్న ఈ సినిమాకి సంతోష్ నారాయణన్ సంగీతం అందిస్తున్నారు.