Anudeep

చాణుక్యుడు ఎంతటి మహాజ్ఞానో మనందరికీ తెలిసిందే. ఆయన చెప్పిన నీతి సూత్రాలు, ఆర్థిక సూత్రాలు నేటికీ ఎంతో ఆచరణీయమైనవి. ఆయన రచించిన అర్థశాస్త్రంలో ఎంతో జ్ఞానం మిళితమై ఉంది. ఈయన రచయితగా, సలహాదారునిగా ఎనలేని ఖ్యాతి గడించారు. ఈయన చెప్పిన నీతి వాక్యాలు నేటికీ చిరస్మరణీయాలు.

వాటిని తరువాతి తరానికి కూడా అందచేసి.. మంచి భవిష్యత్ ను రూపొందించుకునేలా తోడ్పడాలి. చాణిక్య నీతి ఎన్నో ముఖ్యమైన విషయాలు చెబుతోంది. అలాగే డబ్బు సంపాదన విషయమై కూడా చాణక్య నీతి మనకు చాలా విషయాలను నేర్పిస్తుంది.

డబ్బుని అభిమానించని వారు ఎవరు ఉంటారు..? అందరికి ఆశ ఉంటుంది. లక్ష్మీదేవిని ఆరాధించి ఆమె అనుగ్రహం పొందితే సంపదలు సిద్ధిస్తాయి అని విశ్వసిస్తూ ఉంటారు. డబ్బుకు అందరు ప్రాముఖ్యతని ఇస్తారు. ఎందుకంటే.. డబ్బు వలన సమాజంలో గౌరవం, జీవితంలో సుఖాలు లభిస్తాయని నమ్ముతారు కాబట్టి. అయితే.. చాలా మంది తమ జీవితంలోకి డబ్బు వచ్చిన తరువాత మార్పుని గమనిస్తూ ఉంటారు. పండితులతో, వేదాలను పాటించే వ్యక్తులతో మతాన్ని అనుసరించే వారితో సావాసం చేయాలనీ, చెడు అలవాట్లు ఉన్నవారిని దూరంగా ఉంచాలని.. ఎందుకంటే చెడు అలవాట్లు కలిగిన వారిని లక్ష్మీదేవి అనుగ్రహించదని చెప్పుకొచ్చారు.

అయితే.. చేతిలోకి డబ్బు వచ్చిన తరువాత మరింత అప్రమత్తంగా ఉండాలని చాణక్యుడు చెబుతున్నాడు. చాలా విషయాలలో జాగరూకతతో వ్యవహరించాలని చెబుతున్నారు. బలహీనులను అవమానించి.. వారి హక్కులను హరించేవారు లక్ష్మీదేవి ఆగ్రహానికి గురి అవుతారని, ఫలితంగా ఇబ్బందులు ఎదుర్కోవాల్సి వస్తుందన్నారు. కష్టపడకుండా వచ్చే సొమ్ము ఎక్కువ కాలం నిలవదని, అత్యాశ కూడదని, అత్యాశ ఉన్న వారిని లక్ష్మి దేవి అనుగ్రహించదని చెప్పుకొచ్చారు. ఏ వ్యక్తీ సంపదని అవమానించకూడదని, చెడు సావాసాలను వదిలివేయాలని చెప్పుకొచ్చారు. సంపదను పొదుపు చేసుకుంటూ అవసరాలకు తగ్గట్లు ఖర్చు చేసుకునే వారి వద్ద లక్ష్మీదేవి చిరకాలం కొలువై ఉంటుందని చాణుక్యుడు తెలిపాడు.

మనం ఈ జన్మలో అనుభవించే ప్రతి కష్టసుఖాలు పూర్వజన్మ సుకృతం అని అంటూ ఉంటారు మన పెద్దలు. మనం తినే తిండి నుంచి మనం అనుభవించే జీవితానికి పూర్వజన్మ కి ముడిపడి ఉంటుంది.

ఈ విషయమే చాణిక్యనీతి లో చెప్పబడింది. మనం అనుభవించే ప్రతి కర్మఫలము పూర్వజన్మ ఆధారంగా ప్రస్తుతం మన జన్మ వీధిలో రాసి ఉంటుంది. గత జన్మలో మనం చేసిన పాపపుణ్యాల వల్లనే ఈ జన్మలో మనకి అవి సంక్రమిస్తాయి అని చెప్తారు చాణిక్యుడు.

మరి చాణిక్యనీతి ప్రకారం మనకు సంక్రమించే ఆ అయిదు వస్తువులు ఏంటో మనం ఇప్పుడు తెలుసుకుందాం..

#1. జీవిత భాగస్వామి :

సత్ప్రవర్తన కలిగిన జీవిత భాగస్వామి ని పొందడం అనేది మన గత జన్మ పై ఆధారపడి ఉంటుందని చాణిక్య నీతి లో చెప్పబడింది. ఎప్పుడైతే అన్ని మంచి గుణాలు కలిగిన జీవిత భాగస్వామి దొరుకుతారో, వాళ్ల దాంపత్య జీవితం ఆనందంగా జీవితాంతం సాగిపోతుంది.

#2. ఆహారం :

మనం రోజు అనేకమంది బిచ్చగాళ్లను చూస్తూనే ఉంటాం. ఒక పూట తిండి కోసం ఎన్నో ఇబ్బందులు పడుతూ ఉంటారు. మనం తినే ప్రతి మెతుకు మీద మన పేరు రాసి ఉంటుంది అని అంటారు పెద్దలు. చాణిక్య నీతి ప్రకారం సరైన సమయానికి మంచి ఆహారం పొందేవారు అదృష్టవంతులని చాణిక్యుడు చెబుతున్నారు.

#3. సక్రమమైన జీర్ణ వ్యవస్థ :

చాణిక్య నీతి ప్రకారం మంచి ఆహారం లభించడం అదృష్టానికి సంకేతము అనుకుంటే అది సరైన పద్ధతి కాదు. మంచి ఆహారము తిన్నా దాన్ని జీర్ణం చేసుకునే వ్యవస్థ సక్రమంగా ఉండాలి. అందువలన ఎంత మంచి ఆహారం తిన్నా కూడాను జీర్ణం చేసుకునే శక్తి ఉన్నవాడే అదృష్టవంతుడు.

#4. డబ్బు :

చాణిక్య నీతి ప్రకారం ఎంత ధనవంతుడు కుటుంబంలో పుట్టిన వాడు అదృష్టవంతుడు అనడం సరైన పద్ధతి కాదు. ఎందుకంటే వ్యక్తి ఎంత ధనవంతుడిగా పుట్టిన ఉన్న సంపదను సక్రమంగా వినియోగించిన వాడే అదృష్టవంతుడు. ఎప్పుడైతే తన దగ్గర ఉన్న సంపదను మంచి పనులకోసం వినియోగిస్తారో, వారికి ఈ గుణం కేవలం పూర్వజన్మ సుకృతం వల్లే ప్రాప్తిస్తుంది.

#5. దాన గుణం :

ఎంత ధనవంతులైన, అందరికీ దానం చేసే గుణం ఉండదు. మరికొందరు తనకున్న కొద్దిపాటి సంపాదనలోనే మంచి పనులకు ఉపయోగించి దానధర్మాలు చేస్తూ ఉంటారు. వారికి ఉన్న ఈ దానగుణం పూర్వజన్మ వల్లనే సంక్రమిస్తుంది అని చాణిక్య నీతి లో చెప్పబడుతుంది.

ప్రస్తుత ప్రపంచం టెక్నాలజీ వైపు పరుగులు పెడుతుంది. ఆధునికతతో పాటు అనేక మహమ్మారి రోగాల బారిన కూడా పడుతుంది నేటితరం. ఎంతో భవిష్యత్తు ఉన్న వారు అర్ధాంతరంగా రోగాల బారిన పడి లేక ప్రమాదవశాత్తు ప్రాణాలు కోల్పోతున్నారు.

కానీ జ్యోతిష్య పండితులు మీ తలరాతకు భవిష్యత్తుకు సంబంధం ఉంటుందని తెలియజేస్తున్నారు.  మీ తలరాత ఏంటో మీరు తెలుసుకుంటే నీ భవిష్యత్తు ఏ విధంగా ఉంటుంది అనేది మీకు తెలుస్తుంది. మీ నుదుటి గీతలను ఒకసారి పరిశీలించుకోండి.

మీరు నుదిటి గీతలు బట్టి మీరు ఎలా జీవిస్తున్నారు అనే విషయం మీకు తెలుస్తుంది. మీరు ఆ విషయం తెలుసుకోవాలి అనుకుంటున్నారా…  మరి ఇంకెందుకు ఆలస్యం కింద ఉన్న విషయాన్ని చదవండి.

#1. త్రిశూల ఆకారం :

నుదుటిపై నెలవంకల ఆకారంలో గీతలు ఉన్నవారు మంచి సంపన్నులుగా మరియు రాజుల నిండు నూరేళ్లు బతుకుతారు అని పండితులు వెల్లడిస్తున్నారు.

#2. గుండ్రని గీతాలు:

మీ నుదుటి పైన గీతలు గుండ్రంగా ఉంటే దాని అర్థం మీరు సంపదను కోల్పోతారని జ్యోతిష్య పండితులు వెల్లడిస్తున్నారు. అదేవిధంగా మీ నుదిటిపై, ఆరు లేదా ఏడు గీతలు ఉంటే 50 ఏళ్ల వరకు జీవిస్తారని, అదే గీతలు మీ జుట్టు లోపలికి దూసుకొని పోతే 60 ఏళ్ళ పైబడి బతుకుతారని జ్యోతిష్య పండితులు చెప్పుకొస్తున్నారు.

#3. ఒక గీత :

నుదుటిపై కేవలం ఒక గీత మాత్రమే ఉంటే అలాంటి వారి ఆయుష్షు చాలా తక్కువని, కేవలం 80 సంవత్సరాలు మాత్రమే జీవించి ఉంటారని జ్యోతిష్య శాస్త్రజ్ఞులు వెల్లడిస్తున్నారు

#4. కొన్ని గీతలు స్పష్టంగా మరియు అస్పష్టంగా ఉంటే :

కొందరికి నుదిటి మీద గీతలు అస్పష్టంగా కనిపిస్తాయి అలాంటి వారు కేవలం నలభై సంవత్సరాలు మాత్రమే జీవించి ఉంటారట. అదే విధంగా స్పష్టంగా పెద్దగా కనిపించే నుదిటి గీతలు ఉన్నవారు 70 సంవత్సరాల వరకు జీవిస్తారని, మరికొందరికీ గీతలు మధ్యగా విడిపోయినట్లు చెరోవైపు ప్రయాణిస్తాయి. ఇలాంటి వారు కేవలం ఒక్క సంవత్సరం మాత్రమే జీవించి ఉంటారని జ్యోతిష్య పండితులు వెల్లడిస్తున్నారు.

మన ఎంత కష్టపడి పని చేసినప్పటికీ ఫలితాలు మాత్రం అన్నిసార్లు మనం ఊహించిన విధంగా ఉండవు. దాన్నే కర్మఫలం అంటారు. మన పూర్వీకులు మనకిచ్చిన గొప్ప సంపదే జ్యోతిష్య శాస్త్రం. ఇందులో 12 రాశులు ఉంటాయి. ప్రతి రాశికి ఒక సూచిక ఉంటుంది.

ఈ సూచిక ఆ రాశిలో జన్మించిన వారి లక్షణాలను కొన్నైనా తెలియజేస్తుంది. మన రాశిని బట్టి మనం వృత్తిలో అయితే బాగా రాణిస్తామో తెలుసుకుంటే.. మంచి ఫలితాలు ఉంటాయి.
ఇప్పుడు ఒకసారి వాటి గురించి వివరంగా చూద్దాం . .

#1 మేషరాశి :
ఈ రాశిలో జన్మించిన వారు హుషారుగా, చురుకుగా ఉంటారు. అంతేకాకుండా పట్టుదల ఎక్కువగా ఉంటుంది. వీరు చేసే పనిలో ఛాలెంజ్ ఉండాలని కోరుకుంటారు. అందువల్ల ఈ రాశివారు ఎక్కువగా రాజకీయాలు, మిలట్రీ, పోలీస్, పారిశ్రామిక వేత్తలుగా బాగా రాణిస్తారు. ఈ రాశి లో జన్మించిన వారు కష్టపడే తత్వం కలిగి విలాసవంతమైన జీవితం గడుపుతారు. అంతే కాదు వీరు అందంగా కూడా ఉంటారు.

#2 వృషభ రాశి :
ఈ రాశికి సూచి ఎద్దు. ఈ రాశి వారు బాగా ఆవేశపూరితంగా ఉంటారు. పట్టుదల ఎక్కువ.
వీరితో జాగ్రత్తగా ఉండాలని మిగిలిన వారు అనుకుంటూ ఉంటారు. వీరు మానసికంగా కూడా చాలా బలంగా ఉంటారు. కష్టమైన పనులను తేలికగా చేసేయగలరు. ఎద్దుని సంతానోత్పత్తి సామర్ధ్యానికి ప్రతీకగా చెబుతారు. వీరు ఇంటీరియర్ డిజైనర్స్‌, చెఫ్‌, ఫ్యాషన్‌ డిజైనర్స్‌ లాంటి రంగాల్లో బాగా రాణిస్తారు.

#3 మిధున రాశి :
ఈ రాశివారు చాలా స్నేహపూర్వకంగా అందరితో కలిసిపోతారు. వీరిలో టాలెంట్, తెలివి ఉండటం వల్ల వీరి మనస్తత్వాన్ని బట్టి టెక్నికల్‌, మార్కెటింగ్‌, సేల్స్‌ జాబ్ లలో బాగా రాణించగలరు. ఎందుకంటే వీరు అందరితో స్నేహంగా ఉండటం వల్ల ఈ రంగాల్లో వీరికి మంచి గుర్తింపు వస్తుంది.

#4 కర్కాటక రాశి :
ఈ రాశికి సూచిక పీత. వీరి మనస్తత్వం కూడా అలాగే ఉంటుంది. పీతకి పైన గట్టి పెంకులా ఉంటుంది. అలాగే ఈ రాశిలో జన్మించిన వారు కుడా ఎవరినీ అంత త్వరగా వారి జీవితం లోకి ఆహ్వానించరు. వీరు అవతలి వారిని ఎంతో జాగ్రత్తగా విశ్లేషిస్తారు. ఈ రాశివారు ఎక్కువ ఎమోషనల్ గా ఉంటారు. అందువల్ల ఈ రాశివారు టీచింగ్‌ ఫీల్డ్‌, సైకాలజిస్ట్‌, సామాజిక కార్యకర్తలుగా బాగా సక్సెస్ అవుతారు.

#5 సింహరాశి :
సింహరాశి లో జన్మించిన వారు మంచి పర్సనాలిటీ కలిగి ఉంటారు. వీళ్ళ పర్సనాలిటీకి తగ్గట్టుగానే కెరీర్‌ కూడా చక్కగా ప్లాన్ చేసుకుంటారు. వీళ్ళ మనస్తత్వాన్ని బట్టి సీఈవో, మేనేజర్స్‌, గవర్నమెంట్‌ అడ్మినిస్ట్రేటర్స్‌ లాంటి విభాగాలలో మంచి గుర్తింపు వస్తుంది. అందుకే ఇలాంటి రంగాల్లో ఉద్యోగాలు ప్రయత్నించండి.

#6 కన్యారాశి :
ఈ రాశిలో జన్మించిన వారు లాజికల్‌ గా ఆలోచిస్తారు. అందువల్ల ఈ కన్యారాశి వాళ్ళకు ఎడిటింగ్‌, రైటింగ్‌, పరిశోధన, లెక్కల విభాగాలకు సంబంధించిన ఉద్యోగాలు బాగా సెట్ అవుతాయి. ఎందుకంటే వీళ్ళు ఏ విషయాన్ని అయినా లోతుగా ఆలోచించిస్తారు. అందుకే ఈ రంగాల్లో వీరికి మంచి భవిషత్తు ఉంటుంది.

#7 తులారాశి :
తుల రాశిలో జన్మించిన వారు ఎవరు ఏమి చెప్పిన విసుగు లేకుండా వినటమే కాకుండా ఎదుటి వారి ఆలోచనలను పసిగట్టే తెలివి కలిగి ఉంటారు. అందువల్ల ఈ రాశి వారు లాయర్స్‌ గా సెటిల్‌ అయితే మంచి భవిష్యత్తు ఉంటుంది. విలేకరులుగా బాగా రాణించగలరు.

#8 వృశ్చికరాశి :
వృశ్చికరాశి వాళ్ళు ప్రతి విషయాన్ని చాలా లోతుగా ఆలోచిస్తారు. వీళ్ళు చాలా స్వతంత్రంగా మరియు స్మార్ట్ గా ఉంటారు. అలాగే నిజాయితిగా కూడా ఉంటారు.
వీళ్ళ మనస్తత్వం బట్టి వీళ్ళు సిఐడి, డిటెక్టివ్‌, సర్జన్‌, డాక్టర్‌ వంటి రంగాలను ఎంచుకుంటే మంచిది.

#9 ధనస్సు రాశి :
ధనస్సు రాశిలో జన్మించిన వారు ప్రశాంతంగా మరియు ఆధ్యాత్మిక విషయాల మీదే ఆలోచనలు ఉంటాయి. వీరు ఎక్కువగా ప్రయాణాలు చేయటానికి ఇష్టపడతారు. వీళ్ళు ఇతరులను బాగా ప్రేరేపించగలరు అందువల్ల కోచింగ్‌ ఇవ్వడానికి, మంత్రులుగా, ఫిలాసఫర్లుగా, టీచర్స్‌ ఇలాంటి రంగాల్లో రాణించగలరు.

#10 మకర రాశి :
వీరు క్రియాశీలకంగా ఉండరు కానీ దృఢ నిర్మాణం కలవారు. లక్ష్య సాధన కోసం వీరు ఎంతో శ్రమిస్తారు, అందుకు ఎంత సమయం పట్టినా నిరాశ చెందరు, వెనుకడుగు వేయరు. ఈ రాశి వారు సవాళ్ళను ఎదుర్కొని వాటిని సాల్వ్ చేస్తే సంతోషంగా ఫీల్ అవుతారు. విభిన్నమైన మనస్తత్వం కలిగి ఉంటారు. అందువల్ల ఈ రాశి వారు ఐటీ, బ్యాకింగ్‌, మెడిసన్‌ రంగాలను ఎంచుకుంటే మంచిది.

#11 కుంభ రాశి :
ఈ రాశికి సూచిక నీరు తీసుకు వస్తున్న వ్యక్తి. ఈ ప్రతీక స్వచ్చతని సూచిస్తుంది. అలాగే గతంలో బతకడం మంచిది కాదనీ, ఎప్పుడూ ముందడుగు వేయాలనీ కూడా ఈ సూచిక చెబుతుంది. ఈ రాశిలో జన్మించినవారు ప్రగతిశీల ఆలోచనలు కలవారు. ఈ రాశి వారు ప్రతి విషయాన్నీ చాలా లోతుగా అలోచించి అసలు విషయాన్ని రాబట్టటంలో సిద్దహస్తులు. అందువల్ల ఈ రాశి వారు సైంటిస్ట్ అయితే బాగా రాణిస్తారు. అదే విధంగా ఏరోనాటిక్స్‌, ఆస్ట్రానమీ, ఆర్గానిక్‌ వంటి రంగాల్లో మంచి భవిష్యత్తు ఉంటుంది.

#12 మీనరాశి :
మీనరాశిలో జన్మించిన వారికి జాలి గుణం ఎక్కువగా ఉంటుంది. ఎప్పుడూ ఎదుటి వాళ్ళకు సహాయపడాలనే చూస్తారు. వీళ్ళు చాలా క్రియేటివిటీ కలిగి, స్టైలిష్‌ గా ఉంటారు. వీళ్ళు యాక్టర్స్‌ గా సెటిల్‌ అయితే జీవితం బాగుంటుంది.