Anudeep

చైనా యొక్క మింగ్ క్లాస్ టైప్-035 సబ్‌మెరైన్లు రెండవ తరానికి చెందినవి. ఇవెప్పుడో కాలం చెల్లిపోయాయి. సోవియట్ రష్యా యొక్క రోమియో క్లాస్ సబ్‌మెరైన్ ఆధారంగా చైనా ఈ జలాంతర్గామిని నిర్మించింది. మరోవైపు, జర్మన్ టైప్ XXI U బోట్ ఆధారంగా రెండవ ప్రపంచ యుద్ధం సమయంలో రష్యన్‌లచే నకిలీ మోడల్ కూడా తయారు చేయబడింది. మొదటి రెండు మింగ్ తరగతులను 1975లో చైనా నిర్మించింది. అయితే ఈ చైనీస్ నిర్మిత జలాంతర్గామిని నీటిలో సులభంగా గుర్తించవచ్చు. అదే తరగతికి చెందిన ఇతర ఆధునిక జలాంతర్గాముల కంటే ఇది చాలా వెనుకబడి ఉంది.

సరిపోని పరిస్థితి ఉన్నప్పటికీ, చైనా తన సముద్ర సరిహద్దులను బట్టి దాని ఉత్పత్తిని ఆపలేకపోయింది. 1990 సంవత్సరంలో, చైనా మింగ్ క్లాస్ సబ్‌మెరైన్‌లోని నియంత్రణ వ్యవస్థను మార్చి టైప్-035G మింగ్-III క్లాస్ సబ్‌మెరైన్ అని పేరు పెట్టింది.

వాటిని అభివృద్ధి చేసినప్పటికీ వాటిని ఆ లోతు ఎక్కువ ఉన్న సముద్రాల వద్ద వాడడానికి ఇష్టపడలేదు. దీనితో వాటిని ఎక్కువ కాలం పాటు సముద్రాలపై కాకుండా భూభాగాలపైనే ఉంచాల్సి వచ్చింది. 1995లో, చైనా 359,360,361 మరియు 362 సీరియల్ నంబర్‌లతో నాలుగు అప్‌గ్రేడ్ చేసిన మింగ్ క్లాస్ సబ్‌మెరైన్‌లను సర్వీస్‌లోకి తీసుకొచ్చింది.

ఏప్రిల్ 25, 2003 న, ఒక చైనీస్ ఫిషింగ్ బోట్ అకస్మాత్తుగా సముద్రంలో ఏదో ఉందని గ్రహించింది. వారు జలాంతర్గామి యొక్క పెరిస్కోప్ అయిన ట్యూబ్ లాంటి వస్తువును చూశారు. ఇది సముద్రపు నీటిపైనే కదులుతూ అలలు వస్తున్నా స్థిరంగానే కదులుతూ ఉంది. బోటులో ఉన్న మత్స్యకారులు ఈ విషయాన్ని చైనా నౌకాదళానికి తెలిపారు. పరిస్థితిని విశ్లేషించేందుకు చైనా నౌకాదళం రెండు నౌకలను పంపించింది. దానిని జపాన్ లేదా దక్షిణ కొరియా కు చెంది ఉంటుందని చైనీయులు భావించారు. చైనా సముద్ర జలాలల్లోకి అది అక్రమంగా వచ్చేసింది.

అయితే పరిశీలన తర్వాత, ఆ జలాంతర్గామి వారి స్వంత టైప్-035G మింగ్-iii తరగతి క్రమ సంఖ్య 361తో కూడిన జలాంతర్గామి అని స్పష్టమైంది. కానీ ఈ జలాంతర్గామి ప్రమాదానికి గురై 70 మంది మరణానికి కారణమైంది. మే 2, 2003న, చైనా సైనిక కమీషనర్ మరియు మాజీ అధ్యక్షుడు జియాంగ్ జెమిన్ యాంత్రిక వైఫల్యం వల్లే ఈ ప్రమాదం జరిగినట్లు బహిరంగంగా పేర్కొన్నారు. ఈ ప్రమాద విషయమై విచారణ ప్రారంభమైన నెలరోజులకు నార్త్ సీ కమాండర్, కమిషనర్లు మరియు ఏడెనిమిది మంది ఉన్నతాధికారులు విధుల నుంచి తొలగించబడ్డారు.

చైనా మీడియా మొదటి నుంచి ప్రభుత్వ ఆధీనంలోనే ఉంటుందన్న సంగతి తెలిసిందే. దీనితో ఈ విషయం బయటకు రాకుండా చేసారు. కానీ, చైనా జలాంతర్గామి యొక్క బ్యాటరీ విషాదానికి ప్రధాన కారణం. జలాంతర్గామి బ్యాటరీల నుండి సేకరించిన యాసిడ్‌తో సముద్రపు నీరు ఏదో ఒకవిధంగా కలిసిపోయి టాక్సిక్ క్లోరిన్ వాయువును ఏర్పరిచింది. దీనివల్ల లోపల ఉన్న వారు ఊపిరి ఆడక చనిపోయారు. మరొక కారణం ఏంటంటే ఇంజిన్ సమస్య. డీజిల్-విద్యుత్ జలాంతర్గామి దాని బ్యాటరీని ఛార్జ్ చేయడానికి సముద్రపు ఉపరితలంపై ఎక్కువ సేపు నిలిపివేయాల్సి ఉంటుంది. ఎందుకంటే బ్యాటరీని ఛార్జ్ చేయడానికి ఇంజిన్‌ను ఆపరేట్ చేయాలి మరియు డీజిల్ ఇంజిన్ కదలడానికి ఆక్సిజన్ కావాలి. కానీ, జలాంతర్గామి లోపల ఆక్సిజెన్ పరిమితంగా లభిస్తుంది.

శత్రువుల నుంచి రక్షించుకోవడానికి ఈ సబ్ మెరైన్ లను నీటి అడుగున ఉంచుతూ ఉంటారు. ఓ ట్యూబ్ ద్వారా సముద్రం నుంచి ఆక్సిజెన్ సేకరించి ఇంజిన్ నడపడానికి ప్రయత్నిస్తారు. ఈ ట్యూబ్ ను స్నోర్కెల్ అని పిలుస్తారు. ఈ ట్యూబ్ దానంతట అదే మూసుకుపోవడం వల్లే అవసరమైన ఆక్సిజెన్ అందక ఇబ్బంది ఎదురైంది. ఇంజిన్ కేవలం రెండు నిమిషాల్లోనే దాని మిగిలిన ఆక్సిజన్‌ను కోల్పోయింది. దీనితో కార్బన్ డై ఆక్సయిడ్ ఎక్కువ అవడంతో ప్రమాదం చోటు చేసుకుంది. అయితే అసలు ఏమి జరిగింది అన్న విషయాన్నీ మాత్రం చైనా బయటకు రానివ్వలేదు. కానీ, నిపుణులు మాత్రం కొత్త రహస్య ప్రయోగాలు చేసి ఉంటుందని భావిస్తున్నారు. కారణమేదైనా ఈ ప్రమాదం వలన డెబ్భై మంది ప్రజలు ప్రాణాలు కోల్పోయారు. నిపుణులైన జలాంతర్గాములు లేకపోవడం, నాణ్యత కలిగిన సబ్ మెరైన్లు కాకపోవడంతోనే వీటిని నిపుణులు ఆటబొమ్మల్లా పేర్కొంటారు.

ప్రపంచం రోజు రోజుకి ముందుకు సాగుతూ అభివృద్ధి చెందుతుంది అంటే దానికి కారణం టెక్నాలజీ ..నూనె దీపం దగ్గర నుండి ట్యూబ్ లైట్ దాక , టెలిఫోన్ నుండి స్మార్ట్ ఫోన్ దాక అంత ఇలా జరిగిందే ..చిన్న చిన్న ఆవిష్కరణలే పెను మార్పులు తీసుకువస్తాయి ..ఈ రోజున ప్రపంచం లో కష్టతరమైన పనులు అన్ని కూడా మెషిన్ల సహాయంతో సులువు అయిపోయాయి . అన్ని రంగాలలోను టెక్నాలజీ అభివృద్ధి చెందుతుంది.ఎంతో ఉపయోగకరమైన అంశాలని కూడా చిన్నవిగా ఉండటం వలన మనం గమనించం కానీ వాటిలో ఎంతో గొప్ప నైపుణ్యం దాగి ఉంటుంది ..సరిగ్గా అలాంటిదే  కార్ విండోస్ పై ఉపయోగించిన టెక్నాలజీ కూడా …ఆలస్యమెందుకు అదేంటో తెలుసుకుందాము రండి.

సామాన్యంగా కార్ విండోస్ పై వైపర్ బ్లేడ్స్ ఉంటాయి ..వర్షం పడే సమయంలో ఇవి బాగా ఉపయోగపడతాయి.వర్షం నీరు పడి ఎదురుగ వస్తున్నవి కనపడని సమయంలో ఇవి నీటిని క్లీన్ చేస్తూ చూసే వ్యూని స్పష్టంగా కనపడేలా చేస్తాయి ..దాని తర్వాత దీనికి అడ్వాన్స్డ్ టెక్నాలజీ ఏంటంటే… విండ్ షీల్డ్ లైన్స్ …మీరు ఈ సన్నని లైన్స్ ని కార్ వెనక విండోస్ మీద గమనించి వుంటారు ..కానీ అవి ఎందుకు ఉంటాయి అని ఎప్పుడైనా ఆలోచించారా? షో కోసం అనుకుంటే మీరు పప్పులో కాలేసినట్టే.

విండోస్ మీద వుండే ఈ లైన్స్ ని Defoggers అని అంటారు ..ఇవి ఎలక్ట్రికల్ లైన్స్ …వీటి గుండా కరెంటు ప్రహహిస్తుంది ..దాని వలన విండో గ్లాస్ వేడి ఎక్కుతుంది దాంతో విండో మీద చేరిన తేమ మంచు తొలిగిపోయి స్పష్టమైన వ్యూ వస్తుంది ..కారులోని ఈ చిన్న విషయం పెద్ద టెక్నాలజీ గా అనిపించకపోవచ్చు ,కానీ అవి ప్రయాణికులకు భద్రత మరియు సౌకర్యానికి వీలుగా ఉంటాయి ..ఈసారి మీరు లాంగ్ డ్రైవ్ వెళ్ళినప్పుడు ఆ లైన్స్ పనితనాన్ని జాగ్రత్తగా గమనించండి . ఏమైనా కార్ల తయారీ సంస్థలు ఇలాంటి  చిన్న విషయాలపై శ్రద్ద చూపిస్తుందంటే మెచ్చుకోదగ్గ విషయమే కదా .

సాధారణంగా కోడి గుడ్డు ఒక‌టి ధర 5 రూపాయలు ఉంటుంది కానీ మ‌ద్య ప్ర‌దేశ్ రాష్ట్రానికి చెందిన ఈ కోడి  గుడ్డు 50 రూపాయలు ,అప్పుడే పుట్టిన ఈ కోడి పిల్ల ఖ‌రీదు 150 రూపాయ‌లు.  ఈ కోడి ఇండియాలోనే అత్యంత డిమాండ్ ఉన్న కోడి.ఈ కోడి గుడ్డు ఒక‌టి ₹ 50/-, కిలో మాంసం ₹ 900/-.అవును మీరు వింటున్నది నిజమే ..ఒక కోడికి ఇంత రేటు ఎందుకు అనే డౌట్ మీకు రావొచ్చు.ఇందులో అంత స్పెష‌ల్ ఏంటో ఇప్పుడు తెలుసుకుందాం.

black-chicken

మ‌ద్య ప్ర‌దేశ్ రాష్ట్రానికి చెందిన ఈ కోడి జాతి పేరు క‌డ‌క్‌నాథ్ …అనేక రోగాల‌ను త‌గ్గించే శ‌క్తి ఈ కోడి మాంసంలో ఉండ‌డం విశేషం. .ఈ కోడి పేరు,రూపం దగ్గర్నుంచి అన్నీ ప్రత్యేకతలే…అంతేకాదు దీని మాంసం ఎన్నో పోషక విలువలు కలిగి ఉండటంతో పాటు అరుదైన ఔషధ లక్షణాలు సైతం కలిగి ఉంటుంది.క‌డ‌క్ నాథ్ కోళ్ళ‌ను మ‌ధ్య‌ప్ర‌దేశ్ లో కాలి-మాసి( న‌ల్ల‌దైన మాంసం క‌ల‌ది) అని పిలుచుకుంటారు.ఇప్పుడు నాటుకోడి కూర కన్నా కడక్‌నాథ్ కోడికి డిమాండ్‌ ఎక్కువగా ఉంది. కడక్‌నాథ్ కోడి..నల్లగా ఉంటుంది. చికెన్‌ కలర్‌ కూడా నల్లగానే ఉంటుంది. కూర వండినా.. ముక్కలు నల్లగానే ఉంటాయి

black-chicken

క‌డ‌క్‌నాథ్ కోడి ప్ర‌త్యేక‌త‌లు

క‌డ‌క్‌నాథ్ కోడి  ముదురు నలుపు, ముదురు నీలం రంగుల్లో ఉండే కడక్నాథ్ కోళ్లలో వెంట్రుకలు, చర్మం, మాంసంతో పాటు రక్తం కూడా నల్లగానే ఉంటుంది. వేసవిలో సుమారు 100 గుడ్లు పెడుతుంది. 7 నెలల వ్యవధిలో ఈ కోడి కేవలం 1.5 కేజీల బరువు మాత్రమే పెరుగుతుంది.ఈ కోడి పెట్టే గుడ్డు, మాంసం కూడా పూర్తిగా బ్లాక్ క‌ల‌ర్ లోనే ఉండ‌డం విశేషం.దీని మాంసం తిన‌డం వ‌ల్ల‌ల‌ జీర్ణ శక్తి, రోగ నిరోధక శక్తులు పెరుగుతాయి. క‌డ‌క్‌నాథ్ జాతి కోళ్ల మాంసంలో కొవ్వు చాలా త‌క్కువ‌గా,మాంస‌కృత్తులు ఎక్కువ‌గా లభిస్తాయి ఈ కోడి మాంసం లో ఔష‌ద గుణాలు ఎక్కువగా ఉండ‌డం వ‌ల్ల‌ దీనిని మెడిసిన్స్ లో మెడిసిన్స్ లో వినియోగించ‌బ‌డుతుంది.ఔష‌ద గుణాలు ఎక్కువగా ఉండ‌డం వ‌ల్ల‌ క్రీడాకారుల‌కు ఇచ్చే ఫుడ్ లో దీనిని చేర్చ‌ల‌నే డిమాండ్ కూడా ఉంది.

పెళ్లి అనేది ఎవరికైనా ముఖ్యమైన ఘట్టమే. తమ జీవితాన్ని పంచుకోబోయే వారిని ఆహ్వానిస్తూ.. కుటుంబ సభ్యులందరి సమక్షం లో చేసుకునే అందమైన వేడుకే పెళ్లంటే. పెళ్లి అనగానే ఎక్కడలేని సందడి వచ్చేస్తుంది. పెళ్లి కూతురు, పెళ్లి కొడుకు.. ఇద్దరినీ ఇరు కుటుంబాల వారు అందం గా ముస్తాబు చేస్తారు.

అసలు కళ అంత వారి కళ్ళలోనే ఉందా అన్నట్లు ఉంటుంది. పెళ్లి ఘడియల ముందు.. పెళ్లికూతురు మోములో సిగ్గు.. అబ్బాయి కళ్ళలో ఆనందం.. ఇవే కదా అసలు పెళ్లి వేడుకకు సందడి తీసుకొచ్చేది.

అయితే ఇప్పటి యువత మాత్రం ఇటువంటి పెళ్లి వేడుక అంటే ముఖం చాటేస్తోంది. క్రమంగా సహజీవనం అనే కల్చర్ మన దేశంలో కూడా వ్యాపిస్తూ వస్తోంది. ఆడంబరంగా ఖర్చులు చేస్తూ పెళ్లిళ్లు చేసుకోవడం మొదలయ్యాక.. చాలా మందికి పెళ్లి అంటే అసలు అర్ధం ఏంటో తెలియకుండా పోయింది. దీనివల్ల పెళ్లిలో చేయించే వైదిక కర్మల అర్ధాలు ఎవరికీ తెలియడం లేదు. ఇంత ఖర్చు పెట్టుకుని పెళ్లి చేసుకోవాల్సిన అవసరం ఏముంది.. తాము ప్రేమించిన వారితో ఎంజాయ్ చేస్తున్నాం కదా అనే ఉద్దేశ్యంతో చాలా మంది యువత సహజీవనం వైపే మొగ్గు చూపుతున్నారు.

కానీ, వివాహంలో జరిపే వైదిక కర్మల వెనుక చాలా అర్ధాలు ఉన్నాయి. కొత్తగా జీవితం ప్రారంభించబోయే వధూవరుల జీవితాల్లో అభివృద్ధి ఉండాలని, వారి మనోవాంఛలకు తగ్గట్లు వారి జీవితం సాగుతూ ఉండాలని, వారి మధ్య బంధం బలపడాలనే ఉద్దేశ్యంతోనే ఈ సంప్రదాయాలను పాటించేలా చేస్తారు. ఇక.. వారికి మంచి సంతానం కలగాలన్న సదుద్దేశ్యంతోనే సంప్రదాయాన్ని అనుసరించి.. ముహూర్తం పెట్టి ఆ జంటని ఒక్కటి చేస్తారు. కానీ, ఇవేమీ పట్టించుకోని నేటి యువత పాశ్చాత్య సంస్కృతి మోజులో సహజీవనం వైపు మొగ్గు చూపుతోంది.

ఇటువంటి కల్చర్ లో తమ జీవితాన్ని పంచుకోవడానికి వచ్చేవారిని చుట్టూ పక్కల వారికి పరిచయం చేయాలన్నా ఇబ్బంది పడే పరిస్థితిని ఎదుర్కొంటు ఉంటారు. ఇక వీరికి పుట్టే సంతానం కూడా మొండిగా, బంధాలకు విలువ ఇవ్వకుండా పెరుగుతూ ఉంటారు. దీనివల్ల రాబోయే సమాజంలో కూడా సత్సంబంధాలు కరువయ్యే అవకాశం ఉంటుంది. అందుకే భారతీయులు వివాహ బంధానికి అత్యంత ప్రాధాన్యతను ఇచ్చినా ఏళ్ల తరబడి నడుస్తున్న ఈ వివాహ ధర్మాన్ని పాటిస్తూ వస్తున్నారు.