Anudeep

సాధారణంగా ట్విన్స్ అంటే ఇద్దరు ఒకేలా ఒకే టైం కి పుట్టడం. అలా ఒకేలా, ఒకే టైంకి ముగ్గురు పుడితే వారిని ట్రిపులెట్స్ అంటుంటారు. అయితే.. ట్విన్స్ అయినా, ట్రిపులెట్స్ అయినా కొన్ని ఒకేరకమైన కోరికలని కలిగి ఉంటారు. అన్నిటిలోను కలిసి ఉండాలని కోరుకుంటూ ఉంటారు.

అయితే.. కాంగోకు చెందిన ఈ ట్రిపులెట్స్ స్టోరీనే వేరు. వారు కూడా అన్ని విషయాల్లోనూ ఒకేలా ఆలోచిస్తారు. అన్నిటిని సమానంగా పంచుకుంటూ ఉంటారు. చివరకు తమ జీవితాన్ని కూడా అలానే పంచుకోవాలనుకున్నారు.

ఒకే వ్యక్తితో ప్రేమలో పడి అతనినే పెళ్లి చేసుకున్నారు. ముగ్గురు అమ్మాయిలను పెళ్లి చేసుకున్న లక్కీ బాయ్ అని అందరు అనుకుంటున్నారు. కానీ ఈ కథ పెళ్లి పీటల వరకు రావడానికి చాలా ట్విస్టులు ఉన్నాయి. ఆ వ్యక్తి ప్రేమించింది ఒక అమ్మాయినే అయినా.. ఆమె ట్రిపులెట్ సిస్టర్స్ మరో ఇద్దరినీ కలిపి ఏకంగా ముగ్గురిని పెళ్లి చేసుకోవాల్సి వచ్చింది.

32 ఏళ్ల వయసు ఉన్న లువిజో కాంగోలో నివసిస్తున్నాడు. అతనికి సోషల్ మీడియాలో నటాలీ పరిచయం అయ్యింది. ఈ పరిచయం ప్రేమగా మారింది. ఈ క్రమంలో వారు అప్పుడప్పుడు కలుస్తూ ఉండేవారు. అయితే.. నటాలిలా ఉండే మరో ఇద్దరు అమ్మాయిలని కూడా కలిసాను అన్న సంగతి లువిజోకి తెలియదు. ముగ్గురు ఒకేలా ఉండేసరికి లువిజో కేవలం నటాలినే అని అనుకునేవాడు.

అయితే ఈ ముగ్గురు అమ్మాయిలు అతన్ని కలుస్తూ ఉండేవారు. అలా నటాషా, నడేగే తో కూడా ప్రేమలో పడిపోయాడు. ఓ రోజు ముగ్గురు అమ్మాయిలు ఒకేసారి వచ్చి తమను పెళ్లి చేసుకోవాలి అని కోరేసరికి లువిజో షాక్ అయ్యాడు. మొదట ఆశ్చర్యపడినా.. తరువాత తేరుకుని విషయం అర్ధం చేసుకున్నాడు. తానూ నటాలినే ప్రేమించినా.. కానీ ముగ్గురు అమ్మాయిలను పెళ్లి చేసుకోవాల్సి వచ్చింది. అయితే ముగ్గురు అమ్మాయిలు ఒకే అబ్బాయిని పెళ్లి చేసుకోవడం కష్టమని చాలా మంది చెప్పి చూసారు. కానీ, ఏదైనా ముగ్గురు పంచుకోవడం చిన్నప్పటి నుంచే అలవాటు అయ్యిందని నటాలీ చెబుతోంది.

ప్రేమించడం, పెళ్లి చేసుకోవడం ఈరోజుల్లో చాలా మాములు వ్యవహారం అయిపొయింది. పెద్దలకు ఇష్టం లేకపోయినా చాలా మంది తాము మేజర్లం అయ్యామంటూ పెళ్లిళ్లు చేసుకుంటున్నారు. ఇక్కడ వారు పెళ్లి చేసుకుని సంతోషంగా ఉంటె ఎవరికీ బాధ ఉండదు.

కానీ, పెళ్ళైన నెల రోజులకే కూలిపోయే ఈ కాపురాలు తల్లితండ్రులకు తీరని మనోవేదనని మిగులుస్తున్నాయి. మరోవైపు అమ్మాయిలను మోసం చేసే అబ్బాయిలు కూడా ఎక్కువ అవుతున్నారు.

మాయ మాటలని చెప్పి అమ్మాయిలను లోబరుచుకోవడం, తీరా మోజు తీరాక వదిలిచ్చేసుకునే క్రమంలో విడాకులు దాకా వెళ్లిపోవడం లాంటి ఘటనలు తరచుగా జరుగుతూనే ఉన్నాయి. అలాంటి ఘటనే వరంగల్ జిల్లా పర్వతగిరి మండలం బట్టు తండా 2 వద్ద చోటు చేసుకుంది. వివరాల్లోకి వెళితే, వరంగల్ కు చెందిన బాదావత్ అనిల్ కుమార్ అనే వ్యక్తి చౌటపల్లి శివారు లచ్చ తండాకు చెందిన స్రవంతి అనే అమ్మాయిని ప్రేమించాడు.

అందుకు ఆమె కూడా అంగీకరించడంతో వీరి ప్రేమ పెళ్లి వరకు వెళ్ళింది. ఈ ఏడాది జనవరిలోనే స్రవంతి అనిల్ ను ప్రేమ వివాహం చేసుకుంది. అయితే వీరి పెళ్లి ఎంతో కాలం నిలవలేదు. 45 రోజులు కాపురం చేసిన తరువాత అతనికి మొహం మొత్తిందో ఏమో ప్రేయసిని వద్దు అంటున్నాడు.  ప్రియుడిని నమ్మి సర్వం అర్పించిన స్రవంతి ఇప్పుడు రోడ్డున పడింది. అతని ఇంటి ముందు బైఠాయించి తనకు న్యాయం చేయాలంటూ కోరుతోంది. ప్రేమించి పెళ్ళి చేసుకున్న అనిల్ కుమార్ 45 రోజులు కాపురం చేసిన తరువాత ఇప్పుడు వద్దు అంటున్నాడని స్రవంతి వాపోయింది. తనకు ఏమి చేయాలో పాలుపోవడం లేదని ఆవేదన చెందుతోంది. తన భర్త తనకి కావాలని కోరుతోంది. తాను నన్ను స్వీకరించే దాకా ధర్నా కొనసాగిస్తూనే ఉంటానని చెబుతోంది.

ఇటీవల జరుగుతున్న టెస్ట్ మ్యాచ్ లలో రిషబ్ పంత్ ఫుల్ ఫామ్ లో ఉన్న సంగతి తెలిసిందే. సౌత్ ఆఫ్రికా వేదికగా జరిగిన మూడో టెస్ట్ మ్యాచ్ లో పంత్ సెంచరీ ని కొట్టాడు. శ్రీలంకలో జరిగిన తొలి టెస్ట్ మ్యాచ్ లో కూడా 96 పరుగులు చేసి అందరిని ఆశ్చర్యంలో పడేసాడు.

ఇవి కాక, రిషబ్ పంత్ తాజాగా మరో రికార్డుని కూడా సృష్టించాడు. పంత్ గురువైన మహేంద్ర సింగ్ ధోని వల్ల కూడా సాధ్యం కాని రికార్డుని పంత్ తన ఖాతాలో వేసుకున్నాడు.

ఇటీవల ఐసీసీ టెస్టు ర్యాంకింగ్స్‌ ను విడుదల చేసింది. కాగా, ఈ ర్యాంకింగ్స్ లో పంత్ తన సత్తా చాటాడు. టెస్ట్ బాటింగ్ ర్యాంకింగ్స్ లో పంత్ పదో స్థానానికి చేరుకున్నారు. రిషబ్ ఖాతాలో దాదాపు 723 రేటింగ్ పాయింట్లు ఉన్నాయి. ఈ రేటింగ్స్ తో ఐసీసీ టెస్టు ర్యాంకింగ్స్‌లో టాప్ 10 లోకి చేరిన మొదటి ఇండియన్ వికెట్ కీప‌ర్‌గా పంత్ నిలిచాడు. గతంలో ఈ ర్యాంకింగ్స్ లో మాజీ కూల్ కెప్టెన్ మహేంద్ర సింగ్ ధోని ఎప్పుడు టాప్ 10 లోపు ర్యాంకింగ్ తెచ్చుకోలేదు.

తాజాగా ధోనిని అధిగమించి మరీ పంత్ ఆ స్థానాన్ని దక్కించుకున్నారు. ఈ ర్యాంకింగ్స్ లో భారత్ నుంచి ముగ్గురు ఆటగాళ్లు ఉన్నారు. 763 రేటింగ్ తో కోహ్లీ ఐదవ స్థానంలోనూ, 761 రేటింగ్ తో రోహిత్ శర్మ ఆరవ స్థానంలో ఉండగా, 723 రేటింగ్ తో పంత్ పదో స్థానంలో ఉన్నారు. అలాగే.. టెస్ట్ బౌలర్లు ర్యాంకింగ్స్ లో కూడా టాప్ 10 లో ఇద్దరికీ చోటు దక్కింది. రవిచంద్ర‌న్ అశ్విన్ రెండవ స్థానంలో ఉండగా.. జస్ప్రీత్ బుమ్రా 10 వ స్థానంలో ఉన్నాడు.

రైతులు, దేశ ప్రజలు సుభిక్షంగా ఉంటేనే ఒక దేశం అభివృద్ధి పథంగా పయనిస్తూ ఉంటుంది. ఇందుకోసం ప్రభుత్వాలు సైతం రకరకాల పధకాలు అమలు చేస్తూ రైతులకు, ప్రజలకు అండగా నిలుస్తుంటాయి. రాష్ట్ర ప్రభుత్వమే కాకుండా.. కేంద్ర ప్రభుత్వం కూడా కొన్ని పధకాలను అమలు చేస్తూ ఉంటుంది.

అయితే.. ఎన్ని పధకాలు వచ్చినా.. ఎంతమంది సాయాలు చేసినా దేశంలో రైతుల పరిస్థితి ఏమీ మారడం లేదు. నిత్యం అప్పులు, వర్షాల్లేకపోతే పంట చేతికి రాక తిప్పలు తప్పడం లేదు.

ఈ పరిస్థితిలో రైతులు అప్పులను తీర్చుకోవడం కోసం సహజం గానే బ్యాంకుని ఆశ్రయిస్తారు. లేదంటే వడ్డీ వ్యాపారుల దగ్గర ఎక్కువ వడ్డీకి మళ్ళీ అప్పు చేస్తారు. కానీ, తమిళనాడు రాష్ట్రంలో మాత్రం రైతులు ఊరందరికీ విందు భోజనాన్ని ఏర్పాటు చేస్తారు. ఆశ్చర్యంగా ఉంది కదా.. ఎందుకో తెలుసుకోండి. అప్పుల పాలైన రైతులు ఇలా విందు భోజనాన్ని పెట్టడాన్ని “మోయి విరుందు” అని అంటారు.

చినరాయుడు సినిమాలో లాగా తమిళనాడులో “మోయి విరుందు” అనేది తరతరాల నుంచి సంప్రదాయంగా వస్తోంది. తమిళనాడులోని పుదుకొట్టై జిల్లాలో ఈ సంప్రదాయం కొనసాగుతోంది. ఈ సంప్రదాయంలో అప్పుల పాలైన రైతులు ఊరంతా ఫ్లెక్సీలు కట్టి, కరపత్రాలను పంచుతూ అందరిని విందుకి ఆహ్వానిస్తారు. వారికి స్వీట్లు, వెరైటీ కూరలు, చికెన్, మటన్ లను కూడా వడ్డిస్తారు. అయితే.. భోజనానికి వచ్చిన వారి వద్ద యాభై రూపాయలనుంచి ఐదు వందల రూపాయల దాకా విరాళాల్ని తీసుకుంటారు.

కావేరీ తీరంలో ఉండే ప్రజల్లో ఎక్కువ మంది రైతులే ఉంటారు. వీరు వ్యవసాయం పైనే ఆధార పడి జీవిస్తుంటారు. అప్పులు ఎక్కువ అయితే… వీరు బ్యాంకుల దగ్గరో, లేక వడ్డీ వ్యాపారుల దగ్గరో అధిక వడ్డీకి సొమ్ము తీసుకోరు. ఇలా “మోయి విరుందు” ను ఏర్పాటు చేసి చదివింపులు తీసుకుంటారు. ప్రతి సంవత్సరం జులై నుంచి అక్టోబర్‌ మధ్య ఈ విందు ఉంటుంది. ఈ విందు ద్వారా వచ్చిన మొత్తంతో అప్పుల నుంచి బయటపడి తిరిగి వ్యవసాయం కొనసాగిస్తారు. కరోనా వలన గత రెండేళ్లుగా ఈ విందుకి బ్రేక్ పడింది. ఇటీవల తిరిగి ప్రారంభిస్తున్నారు. ఈ రెండు నెలల్లోనే విందుల ద్వారా 5వందల కోట్ల రూపాయల వరకు సేకరిస్తారు. అలాగే చదివించిన వారికి రసీదులు కూడా ఇస్తారు. చదివింపులు రాసుకుని, డబ్బుని సేకరించేందుకు ప్రత్యేక సిబ్బంది కూడా ఉంటారు.