Anudeep

సినిమాల్లో కొన్ని పాత్రలకి సరిగ్గా ఆ నటులే సరిపోతారు అని దర్శకులు కానీ నిర్మాతలు కానీ ఒక్కోసారి ఫిక్స్ అయిపోతూ ఉంటారు. ఆ పాత్రకి వారు మాత్రమే సరైన న్యాయం చేయగలరు అని భావిస్తారు. అందుకోసం ఎంత రెమ్యునరేషన్ ఇవ్వడానికైనా వెనుకాడరు. సరిగ్గా ఇలాంటి సంఘటనే అతడు మూవీ షూటింగ్ సమయం లో జరిగిందట.

సూపర్ స్టార్ మహేష్ బాబు నటించిన “అతడు” సినిమా వచ్చి ఇప్పటికి పదహారేళ్లు అయ్యింది. ఈ సినిమాను ఎన్ని సార్లు చూసి ఉంటామో ఓ లెక్క కూడా ఉండదు. ఈ సినిమాలో అన్ని పాత్రలకి ఎదో ఒక ప్రత్యేకత ఉండనే ఉంది. అలాగే.. తాతగారి పాత్రలో నటించిన నాజర్ పాత్రకి కూడా. అసలు నాజర్ నటించిన ఈ పాత్రకు తొలుత శోభన్ బాబు ని అనుకున్నారట.

దర్శకుడు త్రివిక్రమ్, నిర్మాత మురళి మోహన్ లు ఈ పాత్రకి శోభన్ బాబు అయితే బాగుంటుందని అనుకున్నారట. అందుకోసం ఆయనను వ్యక్తిగతం గా సంప్రదించారట కూడా. ఈ పాత్రలో నటించడం కోసం శోభన్ బాబు కు బ్లాంక్ చెక్ ను ఇస్తానని మురళి మోహన్ ఆఫర్ చేశారట. అయితే.. అందుకు శోభన్ బాబు మాత్రం తిరస్కరించారట. ప్రేక్షకుల దృష్టిలో అందగాడిలా గుర్తుండిపోయానని.. ముసలి పాత్రలో నటించడం ఇష్టం లేదని చెప్పి శోభన్ బాబు ఈ పాత్రను తిరస్కరించారట.

సాయి పల్లవి.. ఈమె గురించి పరిచయం అవసరం లేదు. ప్రేమమ్ సినిమా తో ఈ ముద్దుగుమ్మ బాగా పాపులర్ అయింది. మలయాళం లో ఈ సినిమా ఎంత హిట్ అయిందో అందరికి తెలుసు. తెలుగు లో కూడా ఈ సినిమాను రీమేక్ చేసారు. అయితే.. ఈమెకు తెలుగు నాట కూడా పాపులారిటీ రావడం తో టాలీవుడ్ లోను అవకాశాలు వచ్చాయి.

ఫిదా, మారి 2, MCA , పడి పడి లేచే వయసు వంటి సినిమాల్లో నటించింది. ప్రస్తుతం విరాటపర్వం, లవ్ స్టోరీ వంటి ప్రాజెక్ట్ లతో బిజీ గా ఉంది. ఫిదా సినిమా సాయి పల్లవి కి తెలుగు నాట మంచి క్రేజ్ ను తీసుకొచ్చింది. ఆ తరువాత వరుస అవకాశాలు వస్తూ ఉన్నాయి. అయితే.. సాయి పల్లవి సినిమాల్లోకి రాకముందు ఢీ జోడి షో కోసం డాన్స్ చేసిందని తెలుసా..? ప్రస్తుతం ఈ వీడియో వైరల్ అవుతోంది. దాదాపు మూడేళ్ళ క్రితమే ఈ వీడియో ను నెట్టింట్లో అప్లోడ్ చేసారు. ఈ వీడియో ను మీరూ చూసేయండి మరి.

Watch Video:

కరోనా కారణం గా ప్రజలు థియేటర్లకు రావడం తగ్గించేశారు. నిన్న మొన్నటి వరకు థియేటర్స్ ఓపెన్ లో లేకపోవడం.. సినిమాలు కూడా ఓటిటి లలోనే విడుదల అవుతుండడం తో.. ఓటిటి కి, బుల్లితెరపై బాగా క్రేజ్ పెరిగింది. ఈ క్రమం లోనే బుల్లితెరపై ప్రసారమయ్యే షో ల విషయం లో కూడా ఛానెల్ యాజమాన్యాలు ప్రత్యేక శ్రద్ధ కనబరుస్తున్నాయి.

ప్రస్తుతం బుల్లితెర హంగామా ఓ రేంజ్ లో ఉంది. వెండితెర స్టార్లు కూడా బుల్లితెర పై తళుక్కుమనడానికి సంకోచించడం లేదు. బిగ్ బాస్, మీలో ఎవరు కోటీశ్వరుడు వంటి షో లతో నాగార్జున, చిరంజీవి, నాని, ఎన్టీఆర్ వంటి హీరోలు ఇప్పటికే బుల్లితెరపై సందడి చేసారు. తాజాగా బుల్లితెరపై మరొక షో రాబోతోంది. బాలీవుడ్ లో బాగా పేరు తెచ్చుకున్న మాస్టర్ చెఫ్ కార్యక్రమం తమిళ, తెలుగు భాషల్లో కూడా ప్రారంభం కాబోతోంది.

తెలుగు లో ప్రారంభం కాబోయే షో కి “తమన్నా” హోస్ట్ గా వ్యవహరించబోతున్నారు. ఇటీవలే, ఈ షో కి సంబంధించి తొలి ఎపిసోడ్ ప్రోమో కూడా రిలీజ్ అయింది. ఈ ప్రోమో అందరిని ఆకట్టుకుంటోంది. అయితే ఫస్ట్ ఎపిసోడ్ కు ఎవరు గెస్ట్ గా రాబోతున్నారు అన్న విషయాన్నీ మాత్రం సస్పెన్స్ లో ఉంచారు. అయితే, తాజా గా అల్లు శిరీష్ షేర్ చేసిన ఇన్స్టా స్టోరీ తో ఆ సస్పెన్స్ కూడా వీడింది. మాస్టర్ చెఫ్ ఫస్ట్ ఎపిసోడ్ కు ఆయనే గెస్ట్ గా రానున్నారు.

తమన్నా తో కలిసి మాస్టర్ చెఫ్ లో భాగం కాబోతున్నందుకు ఆనందం గా ఉందని పేర్కొన్నారు. ఈ షో లో ఫస్ట్ సెలబ్రిటీ గెస్ట్ అయినందుకు ఎగ్జైటింగ్ గా ఉందని పేర్కొన్నారు. తొందరలోనే ఈ షో ఫస్ట్ ఎపిసోడ్ ప్రసారం కానుంది. ఇక అల్లు శిరీష్ బుల్లితెరపై ఎలా సందడి చేస్తారో వేచి చూడాలి.

Watch Video:

“నీ కన్ను నీలి సముద్రం” పాటతో కృతిశెట్టి ఎంత ఫేమస్ అయిందో తెలిసిందే. సినిమా రిలీజ్ కాకుండానే ఆమెకు పలు అవకాశాలు వచ్చాయి. విడుదల కి ముందునుంచి “ఉప్పెన” పై భారీగానే అంచనాలు ఉన్నాయి. లాక్ డౌన్ టైం నుంచి ఈ సినిమా ట్రెండింగ్ లోనే ఉంది. పాటలు బాగా ఆకట్టుకోవడం తో ఈ సినిమా తో పాటు కృతిశెట్టి కి కూడా బాగా హైప్ వచ్చింది.

సినిమా రిలీజ్ అయ్యి మంచి పేరు కూడా తెచ్చుకోవడం తో కృతిశెట్టి కి అవకాశాలు కూడా బాగానే వచ్చాయి. మరో వైపు ఈ ముద్దుగుమ్మ కూడా అమాంతం తన రెమ్యునరేషన్ ను పెంచేసింది. ఒక్క పాట తో కుర్రకారుని మాయ చేసేసిన ఈ ముద్దు గుమ్మ ప్రస్తుతం రామ్ సరసన ఓ సినిమా లో నటిస్తోంది. ఈ సినిమా కోసం కృతి శెట్టి కోటి కంటే ఎక్కువే రెమ్యునరేషన్ తీసుకుంటోందని వార్తలు వచ్చిన సంగతి తెలిసిందే.

అయితే.. ఈ సినిమా షూటింగ్ సమయం లో డైరెక్టర్ లింగుస్వామి ఆమెపై ఫైర్ అయ్యారంటూ ప్రచారం జరుగుతోంది. సినిమా షూటింగ్ లో భాగం గా నాజర్ తో పాటు ఓ ఎమోషనల్ సన్నివేశం లో కృతి నటించాల్సి ఉందట. అయితే.. ఎన్ని టేక్స్ తీసుకున్నా.. ఆమె సరిగ్గా పెర్ఫామ్ చేయలేకపోవడం తో దర్శకుడు లింగు స్వామి అసహనం వ్యక్తం చేశారట. ఆ అసంతృప్తి తో ఆమెపై ఫైర్ అయ్యారని నెట్టింట్లో వార్తలు హల్ చల్ చేస్తున్నాయి.